Sportsplan for Fbk Voss

Transkript

1 Sportsplan for Fbk Voss Blir rullert første gong etter to år (hausten 2011). Versjon

2 Fotballklubben Voss SPORTSPLAN INNLEIING Dette dokumentet er ei revidert utgåve av sportsplanen frå Sportsplanen for dannar grunnlaget for dette nye dokumentet. Sportsplanen skal vere ei orientering om klubbens målsetjingar og visjonar, samt innehalde tankar om korleis ein skal nå desse. Meininga med ein sportsplan er at den skal fungere som eit verktøy og hjelpemiddel for utøvarar, trenarar, leiarar og andre som er interessert i kva Fbk Voss driv med, lurar på korleis vi jobbar og korleis vi ønskjer å utvikle oss. Vi trur at ein sportsplan skal kunne bidra til ein heilskap i arbeidet vårt og auke VI-kjensla i Fbk Voss. Sportsplanen skal reviderast kvart år, der sportssjefen leiar utvalget satt ned av styret/årsmøte. Planen skal godkjennast av styret i Fbk Voss. Innspel til sportsplanen gjev ein til sportssjef. Arbeidsgruppa har sett det som viktig å konkretisere arbeidet i nokre punkt: Sportsplanen skal vere eit strategi dokument for det sportslege i klubben. Administrative rutinar, styreoppgåver og andre støtteapparat funksjonar må dokumenterast i ei rutinehandbok på heimeside el.likn. Anlegg og treningsfasilitetar må eit anleggsutvalg utarbeide eigen plan for. Revidert utgåve Voss,

3 INNHALD Innleiing s. 1 Innhald s. 2 Kap. 1 Kap. 2 Visjon målsetjingar verdireglar Visjon s. 3 Sosiale mål s. 3 Sportslege mål s. 3 Verdireglar for FBK Voss s. 3 Dugnadsand s. 3 Haldning og innstilling Haldningskontrakt s. 4 Kap. 3 Sport s. 5 Mål og overordna retningslinjer s. 5 Sportsleg organisering s. 6 Organisering av lag s. 6 Barnefotball (6-12 år) s. 6 Ungdfotball: smågut/småjente (13-14 år) s. 8 Ungdfotball: gut/småjente, jr (15-19 år) s. 8 Vaksenfotballen, satsingslag s. 9 Hospitering og bruk av spelarar s. 9 Differensiering s. 9 Spelarpolitikk s. 10 Voss Gymnas s. 11 Anlegg s. 11 Kap. 4 Lagsamansetjing - rekruttering Miniputtar s. 12 Lillejenter og lillegutar s. 12 Smågutar og småjenter s. 12 Jenter og gutar s. 13 Junior s. 13 Seniorfotballen s. 13 Kap. 5 Talentutvikling s. 14 Kap. 6 Utdanning kompetanseheving s. 15 Kap. 7 Dommarar s. 16 Fair play s. 16 Kap. 8 Cupdeltaking s. 17 Kap. 9 Trenaren og spelaren s. 18

4 1 VISJON - MÅLSETJINGAR - VERDIREGLAR Visjon At FBK Voss gjennom eit solid og meiningsfullt aktivitetstilbod til born, unge og vaksne på Voss, skal skape stolte augneblink! Sosiale mål FBK Voss har som mål å byggje grunnmuren på dei 3 T-ane: Sportslege mål Tryggleik - Trivsel - Tilhøyring Innanfor sportslege mål skil me mellom utviklingsmål og resultatmål: Utviklingsmål Gjennom spelarutvikling og utvikling av aldersbestemte lag, leggje grunnlag for sportsleg framgang/innfriing av resultatmål Kompetanseheving i administrasjon og sportsleg støtteapparat Resultatmål Dame senior etablert i 1.divisjon, herre senior etablert i 2. divisjon Utvikle spelarar til norsk toppfotball Verdireglar for FBK Voss Vårt verdigrunnlag er basert på Noregs Fotballforbund sine verdiar; fotballglede, mogelegheiter og utfordringar for alle. I fotballen handlar det om å score mål, vinne kamper og kåre vinnarar. Men like viktig er det at fotballen skal vere ein arena for formidling av verdiar og haldningar. Dugnadsand Botnen for det arbeidet som blir gjort i klubben må vere ei forståing av at ein som utøvar, trenar, leiar og foreldre i ein breiddeklubb som Fbk Voss er ein del av eit fellesskap. Dette fellesskapet blir leia av eit årsmøte, som igjen vel eit sett av personar til å leie klubben. Denne leiinga har ikkje berre det sportslege ansvaret, men og t.d. det økonomiske ansvaret. Særleg i forhold til økonomi er det viktig at alle har ei felles forståing av at klubben treng midlar til ordinær drift (t.d. påmelding av lag i seriar, baneleige), oppgradering (t.d. drakter, ballar) og investeringar (t.d. ny kunstgrasbane, klubbhus) ut over det ein belastar den einskilde i treningsavgift. Historisk sett er det ingen andre tema det blir krangla like mykje om som dei metodane idrettslag nyttar for å få inn ekstra midlar, t.d. dugnader, loddsal, kioskarbeid og arrangement. Det er difor viktig at alle forstår at denne typen arbeid er viktig og heilt nødvendig for klubben, samt at dette er arbeid ein SKAL vere med på når ein sjølv eller borna er medlem i Fbk Voss. Ut over viktigheiten av dugnadsand for økonomien i klubben, er det viktig å merke seg at dette arbeidet held treningsavgiftene nede, og i tillegg kan vere med på å gje oss ei auka VIkjensle.

5 2 HALDNING og INNSTILLING FBK Voss sine medlemmer skal markere seg sjølve og klubben sin på ein positiv måte både på og utafor banen. Arbeidet med dette skal ha høg prioritet i alle årsklassar. FBK Voss meiner at spelarane sine haldningar og innstilling er minst like viktig som utvikling av teknisk dugleik. Det betyr at me i alle samanhengar, på og utafor banen, i trening og i kamp, vektlegg dette arbeidet. Haldningar kan delast i to: Haldningar som går på å setje krav til seg sjølv Haldningar som vedkjem forholdet til andre Eit ynskje om å verta ein ein god spelar, krev positive haldning til mykje trening åleine og saman med andre. Haldningar ein ynskjer av FBK Voss sine spelarar og trenarar er nedfelt i ei haldningskontrakt: Haldningskontrakt Fair Play handlar om korleis me oppfører oss mot kvarandre, både på og utanfor bana! Det handler om RESPEKT, ikkje sant? Rollemodell - eg fylgjer spelets reglar og vil være ein rollemodell i FBK Voss. Engasjement - eg gjer mitt beste. Samhald Positiv Entusiasme Klubben Tillit - på mitt lag tek me vare på kvarandre. - eg oppfører meg positivt. - eg bidreg til eit godt miljø. - eg vil representere FBK Voss på en god måte. - på mitt lag kan me stole på og stiller opp for kvarandre. Eg har respekt for klubben min, trenarar, mine med- og motspelarar og dommaren! Voss, xx. mnd. 201x Spelar FBK Voss Trenar/Lagleiar FBK Voss

6 3 SPORT Klubben ynskjer, og trur det er viktig, at trenarar og lagleiarar fyl felles retningslinjer og har felles haldningar til arbeidet rundt dei ulike laga. Desse retningslinjene vert difor forpliktande for trenarar og lagleiarar. I ny sportsplan finn ein det ikkje naudsynt med ein rangering av våre 11 ar lag. Klubben ynskjer likevel å presisere fylgjande: Det vil vere ei naturleg differensiering mellom satsingslag og reine breiddelag. Litt generelt om resultatmål og utviklingsmål: Senior: Dette er klubben sine flaggskip. Desse laga sine resultat og utvikling vert målestokk for kor godt arbeidet i FBK Voss er. I aldersbestemte klassar får spelarutvikling høgare prioritet enn resultat. I praksis vil det få konsekvensar for spelardisposisjonane. God spelarutvikling er fundamentet for flaggskipa. 3.1 Mål og overordna retningslinjer Hovudmålet for Fbk Voss er å gje eit kvalitativt og kvantitativt godt tilbod til dei som ønskjer å spele fotball på Voss. Overordna retningslinjer for Fbk Voss er Norges Fotballforbund (NFF) sine retningslinjer. Hovudmål og retningslinjer barnefotball For aldersgruppa 6-12 år gjeld NFF sine retningslinjer for barnefotball, med verdiar som respekt, toleranse, likeverd og menneskeverd som styrande for all aktivitet. Grunnverdiar er likskap, jamnbyrdigheit og breidde. Hovudmål for barnefotballen er gje så mange born som mogeleg eit fotballtilbod og ei fotballoppleving prega av tryggleik, meistring og trivsel gjennom både trening og kamp, samt deltaking i eit sosialt og trygt lags- og klubbmiljø. Sjå link for utfyllande informasjon: Hovudmål og retningslinjer ungdomsfotball Eitt mål for ungdomsfotballen for aldersgruppa år er å gi så mange ungdomar som mogeleg fotballtilbod og ei fotballoppleving prega av tryggheit, meistring og trivsel gjennom både trening og kamp, samt deltaking i eit sosialt og trygt lags- og klubbmiljø. Eit likestilt mål for denne gruppa er å utvikle utøvarar som kan delta i konkurransefotball på seniornivå lokalt, regionalt, nasjonalt og internasjonalt. Overordna retningslinjer for Fbk Voss blir difor å legge til rette for både gode sosiale relasjonar og utvikling av utøvarar. Hovudmål og retningslinjer seniorfotball Hovudmålsetjingar for seniorfotballen er å utvikle fotballspelarar for toppnivå og etablere damelaget i 1. divisjon og herrelaget i 2. divisjon med lokal profil. Samtidig skal Fbk Voss gje eit tilbod for utøvarar og lag som ønskjer å drive meir sosial aktivitet. Overordna retningslinjer for Fbk Voss blir då å legge til rette for utvikling av utøvarar og senior A-lag damer og herrar, samt gode sosiale relasjonar for dei som ikkje har ønskje eller mål om å bli gode utøvarar eller spele på A-laget for damer/herrar.

7 3.2 Sportsleg organisering Årsmøte Fbk Voss Overordna lovgjevande og løyvande organ for Fbk Voss-fotball. Styret Det einskilde styremedlem skal med sin kompetanse og arbeidsinnsats medverke til at drøftingar og avgjersler i dei enkelte saker styret handsamar, vert gjort til det beste for klubben. Styret har overordna beslutningsrett for den sportslege satsinga i klubben. Sportssjef Sportssjef er øvste ansvarlege leiar av den sportslege satsinga i Fbk Voss og er tilsatt av styret i Fbk Voss. Sportssjef er hovudansvarleg for all sportsleg aktivitet og har hovudansvar for: Rapportering og tilbakemelding til styret på aktivitet, tiltak og oppfølging av planar, her under spesielt sportsplanen. Førebu og framlegge vedtak for styret innafor sportsleg ansvarsområde. Utarbeide årsplan og årsmelding. Delta i utarbeidinga av budsjett. Sørge for at klubben driv i samsvar med NFF sine lover og retningslinjer. Organisere aktiviteten i klubben slik at ein når mål og følgjer retningslinjene for sportsleg utvikling. Sørgjer for at dei aktive sine interesser blir ivaretekne. Vurderer og samordnar trenings- og skuleringstilbod for utøvarane. Legg til rette for utdanning og utvikling av trenarar. Vurderer og legg til rette for trenarsamarbeid. Vurderer og oppretter/driv faglege fora, t.d. trenarforum. Vurderer og følgjer opp rekrutteringstiltak. 3.3 Organisering av lag Vi skal gje eit breitt tilbod til alle som har lyst til å spele fotball, samtidig som vi skal legge til rette for spelarar som ønskjer å utvikle seg optimalt. Generelt er det berre A-lag damer og herrar som skal ha eit prestasjonsfokus. Resterande lag skal vere utviklingsarenaer der prosessen fram mot å bli så god som mogeleg som einskildutøvar er det primære fokuset. Fbk Voss skal tilretteleggje mogelegheiter for utøvarar som har ambisjonar og føresetnader for framtidig rekruttering til norsk toppfotball. Fbk Voss vil tilretteleggje for utøvarar som ønskjer å satse på idretten sin ved å leggje til rette for auka treningsmengde. Det betyr at vårt viktigaste utvelgingskriterie for talentsatsing er ønskje om å trene meir. Deretter kjem kriterier som talent og føresetnader motorisk, fysisk og mentalt. I tillegg er det ei viktig oppgåve for klubben å kvalitetssikre at den auka treningsmengda er av ein slik art at den aukar sjansen for å bli god Barnefotball (6-12 år) Basert på faktakunnskap om at det ikkje er mogeleg å avgjere om ein utøvar i desse alderstrinna blir ein god fotballspelar som vaksen vil Fbk Voss ikkje differensiere aktivitetstilbod basert på talent. Utøvarane organiserast i lag ut i frå geografi, ikkje talent. Trening og kamptilbod skal vere prega av grunnverdiane og retningslinjer for barneidrett frå NFF. For at alle born fram til dei er 12 år skal gjevast mogelegheit for å oppleve fotballspel tilpassa eige utviklingsnivå SKAL følgjande reglar etterlevast i trening og kamp:

8 Barnefotball er leikbetont Barnefotballen er borna sitt første møte med organisert fotball, i form at ein har drakter og spelar på baner. Men hugs at dette skal vere leik - ikkje blodig alvor. Alvoret kjem tidsnok. Og førsteinntrykket betyr mykje, kanskje alt. Lat borna ha det moro, la dei leike - og la resultatet vere underordna. Det viktigaste resultatet du kan få er fornøgde born som byggjer opp vennskap gjennom samhandling. Det viktigaste er å vere saman med vener Borna søker først og fremst til fotballen for å vere saman med vener. Det er dette samhaldet vi skal framelske - og det er eit slikt samhald som skapar lagånd. La difor vener trene saman og spele på same lag! Alle skal spele like mykje Ingen blir betre av å sitje på benken og alle tykkjer det er moro å spele. Dessutan er det ingen som veit kven som blir best som vaksen. Trivselen og ferdigheitsutviklinga er viktigare enn resultatet, sjølv om alle tykkjer det er moro å vinne og å score mål. Det skal difor ikkje forekome at nokon "toppar laget" for å vinne kampar. La alle spele like mykje, la alle i tur få spele frå start og la alle spele på forskjellige plassar! Lær borna å tåle både siger og tap I barnefotball kan alle delta, ingen er for dårlig og ingen er for god. Det er difor viktig å byggje på prinsippet om jamnbyrdig motstand både i kamp og trening. Ingen likar å tape eller vinne tosifra. Ta siger og tap med fornuft - tålar de vaksne å tape, lærer borna det også. Fotball er eit lagspel der alle tapar og alle vinn. Ein siger tek kvar einskild med seg heim - eit tap delast av alle. Meir trening og færre kampar Born bør trene meir enn dei spelar kampar. Og dei bør oppmuntrast til eigenorganisert aktivitet. Det gjer du best ved å ha morosame treningar. Og legg opp til eit kampprogram som varierer mellom enkeltståande kamper og turneringar! Barnefotball er allsidig aktivitet Gjennom fotballspelet får born mogelegheit til å utvikle grunnleggjande motoriske ferdigheiter som til dømes å gå, springe, hoppe, kaste og sparke. Fotball for born er difor allsidig. Likevel bør born sjølvsagt få mogelegheit til også å drive med andre idrettar, om dei ønskjer det. Dei ulike tilboda må difor koordinerast. Men det må ikkje vere krav at ein må drive med fleire idrettar. Barn må få gjere det dei har lyst til. Fotball er eit spel Spelet er sjølve kjernen i fotball. Dessverre ser vi at einskilde trenarar nyttar øvingar som ikkje alltid virkar motiverande. I barnefotballen bør ein fokusere på ulike typar spel, leikar og grunnleggjande ferdigheitsøvingar, og småspel bør vektleggjast mest. Unngå lange køar ved ferdighetsøvingar - flest mogeleg involveringar pr. spelar må vere målet. Morsomt og utviklande! Lat oss gå saman om gladfotball for dei yngste Dei vaksne skal styre trening og kamp slik at borna får oppmuntring og rettleiing. Eit viktig mål er at alle utviklar sine ferdigheiter og ser framgang. Men det skal også leggjast vekt på å lære dei å innordne seg i ei gruppe. Dei vaksne må gjere det dei kan for at alle borna trivst. Og hugs at du som vaksen er eit forbilde - born har ei eiga evne til å gjere som du gjer, ikkje som du seier.

9 3.3.2 Ungdomsfotball; smågut/småjenter (13-14 år) 1.års smågut og småjente (13 år): Basert på faktakunnskap om at det ikkje er mogeleg å avgjere om ein utøvar i dette alderstrinnet blir ein god fotballspelar som vaksen vil Fbk Voss ikkje differensiere aktivitetstilbod basert på talent. Utøvarane fortsetjer difor på lag tekne ut i forhold til geografi, slik dei gjorde i barnegruppa. Det er IKKJE høve til å hente spelarar frå andre lag for å forsterke einskildlag. Har ein tungtveiande argument for å bytte til andre lag enn det ein soknar til, legg ein saka fram for sportssjefen. Ved tvistar i samband med organisering av lag skal sportssjefen ta avgjersler. Andre tvistar og utfordringar knytt til den sportslege aktiviteten ein ikkje klarar å løyse sjølve, skal også avgjerast av sportssjefen. Fokuset i treninga skal vere på teknisk utvikling, haldningar til trening og meir på kollektive taktiske val enn i barnegruppa. 2.års smågut og småjente (14 år): Fbk Voss skal leggje til rette for auka treningsmengde og teknikkutvikling, som vi meiner er viktigaste satsingsområde i denne alderen. Vi tilbyr difor ekstratrening i form av andre alternative treningsøkter minimum ein gonger per veke i perioden november - mai. I den grad vi spissar tilbodet til denne aldersgruppa skjer det i form av å tilretteleggje for auka treningsmengde og spesielt teknisk ferdigheitstrening. Fbk Voss ønskjer å tilrettelegge for 3-4 organiserte treningsøkter pr. veke i tillegg til kamp. Det er umogeleg å la alle spele like mykje. Det er krystallklart at alle som deltek på trening og kamp skal spele kampar. Men dei som trenar mest, spelar også mest i kamp. For begge aldersstega: Fordi vi har eit fokus på gje eit breitt tilbod til utøvarar på laga i denne aldersgruppa skal trening og kamp i utgangspunktet organiserast som for barnegruppa. Det er likevel slik at spesielt kampsituasjonen i denne aldersgruppa er annleis enn for dei som er yngre. Mellom anna spelar ein no på stor bane med 11 spelarar, og laga har gjerne ikkje meir enn spelarar. Det er då umogeleg å late alle spele like mykje. Det er krystallklart at alle som deltek på trening og kamp skal spele kampar. Vi oppfordrar i tillegg trenarane til å vurdere viktigheita av å vinne kampar mot viktigheiten av å gje alle kamperfaring. Trenarane har ansvar for at alle utøvarane skal føle seg som ein del av laget ved å gje alle speletid. Haldningskompetansen er ein viktig del av Fbk Voss sin strategi for å utvikle fleire gode utøvarar, og sannsynligvis gode samfunnsborgarar. Trenarane har ansvar for å legge til rette for gode haldningar, og respekt for med- og motspelarar, trenarar, dommarar og andre involverte i fotballen. I eit slikt perspektiv skal trenar kunne krevje at utøvarane seier i frå om dei ikkje kan møte til trening eller kamp. Sanksjonar kan innførast i samråd med sportssjefen. I praksis vil ofte trenarar som har følgt utøvarar i barnegruppa også vere trenarar på dette alderstrinnet. Klubben ved sportssjefen har likevel rett til å gå inn og bestemme kven som skal vere trenar på einskildlag Ungdomsfotball; gutar/jenter og junior (15-19 år) Basert på faktakunnskap om at ein i denne alderen vel hovudidrett, baserer vi oss på å differensiere tilbod til utøvarar som ønskjer å satse og dei som ønskjer å drive idrett i eit meir sosialt perspektiv. I forhold til dei som ønskjer å satse på idretten sin, tilbyr Fbk Voss 4-5 organiserte treningsøkter pr. veke, i tillegg til kamp. Det blir påmeldt lag i serien i forhold til talet utøvarar som ønskjer å satse. Krav for å vere med på satsingslag er obligatorisk oppmøte på 4-5 fellesøkter pr. veke, i tillegg minimum 1 eigentrenings-økt. Ein må også vise ønskje og vilje i forhold til å prioritere fotball framfor andre aktivitetar. I utgangspunktet skal alle som ønskjer å satse på fotball, få tilbod om det. Som hovudregel blir det dreve eitt satsingslag på gute-/jentenivå og eitt på juniornivå. Satsingslaga skal bestå av dei utøvarane med antatt høgast nivå. Primær kamparena er gutar/jenter og junior, og sekundær arena er junior og senior. Er det ikkje plass til alle som ønskjer å satse på desse satsingslaga, og vi ikkje har tilgjengeleg trenarar/treningsareal, vil ein gje tilbod til dei som er vurdert som best sportsleg.

10 Trenarar for senior, junior og gut/jente skal plukkast ut av sportssjefen i samarbeid med styrerepresentantane for dei to seniorgruppene, med mål om å tilby best mogeleg oppfølging av utøvarane. Fbk Voss ønskjer å stimulere til samarbeid mellom idrettane på Voss og bidra til allsidige utøvarar. Etter avtale med trenar kan utøvar difor fristillast frå einskildøkter om det kolliderer med anna aktivitet utøvaren driv. Det blir som hovudregel ikkje gitt fri til deltidsjobbing for dei som skal vere med på satsingslag Vaksenfotball; satsingslag Seniorlaga skal vere dei einaste laga i klubben med fokus på prestasjon. Dei til ei kvar tid sportsleg beste og mest talentfulle utøvarar skal utgjere A-laga. Fotballfagleg innhald på A-lag herrar og damer blir til ei kvar tid bestemt av sitjande trenar. A-lag skal ha eit lokalt fokus. Det vil seie at laget primært skal bestå av eigenproduserte utøvarar og utøvarar frå klubbar i nærmiljøet. Det skal IKKJE hentast utøvarar frå andre klubbar for å forsterke stallen. Unntak frå denne regelen er når utøvar utanfrå er så mykje betre sportsleg enn det vi har, at denne tydelig vil fungere som referanse for eigne spelarar. I praksis skal då utøvar minimum ha erfaring frå divisjonen over der A-lag til ei kvar tid spelar. Sportssjefen saman med trenar, avgjer om aktuelle utøvarar tilfredstiller dette kriteriet. 2. laga skal bestå av dei mest talentfulle juniorspelarane i klubben som ikkje er på A-laget. Dette skal vere ein kjerne av om lag 8-12 spelarar som skal ha primær kamparena på 2. laget. I tillegg skal dei beste gute- og jentespelarane spele kampar for 2. laget. Kor mykje den einskilde gute-/jentespelar spelar for 2. laget blir til ei kvar tid vurdert i samarbeid mellom trenarane for dei ulike satsingslaga. Ved tvist har sportssjefen det siste ordet. 3.4 Hospitering og bruk av spelarar Mål med hospitering er å gje gode og motiverte spelarar muligheit til å trene med utøvarar som utfordrar den aktuelle spelaren til å utvikle seg meir enn den ville gjort om den berre trena med laget den høyrer heime i om ein ser berre på alder. Følgjande reglar gjeld for hospitering: Sone- og krinslagsspelarar, samt spelarar med ambisjonar og interesse, skal få tilbod om hospitering på lag med eit meir krevjande sportsleg tilbod enn det utøvaren er van med. Det er utøvar sine ferdigheiter og trenarar si vurdering av potensiale over tid som skal legge premissane for kven som skal hospitere. Dette skal i tillegg avklarast med sportssjefen. Spelarar kan og delta på hospiterande lag sine kampar etter avtale med trenarane og sportssjefen. Hospitering skal ALLTID avtalast mellom trenarane FØR spelar blir informert. I tillegg skal sportssjefen godkjenne hospiteringa i forkant. Ein trenar skal difor IKKJE gå direkte til aktuell spelar. Når ein spelar har starta hospitering med eit lag på høgare nivå, er det dette laget sine trenarar som styrer spelaren sin aktivitet og har ansvar for at totalbelastning ikkje blir for stor. Ved usemje er det sportssjefen som har det avgjerande ordet. Hospitering opp skjer normalt frå smågut/småjentealder og opp på lag med eldre utøvarar frå desse. I tilfeller der ein ønskjer å hospitere opp til småjente/smågutealder skal dette avklarast særskilt med sportssjefen i forkant. 3.5 Differensiering Mål med ei differensiering av det sportslege tilbodet er å utfordre den einskilde utøvar sin kapasitet og mogelege føresetnadar på ein slik måte at ønska utvikling skjer. Det betyr igjen at det er vesentleg med både forståing og aksept for at meistringsfaktoren i forhold til mengde, kvalitet og krav kan og må differensierast i størst mogeleg grad ut i frå individuelle omsyn. Differensiering skal nyttast til å ivareta ulike føresetnadar, lyst og behov i forhold til: Meistring og utfordringar i treningskvardagen. Ønskje og lyst når det gjeld mengde aktivitet og trening. Enkeltspelarar og mengde og nivå på treninga.

11 3.6 Spelarpolitikk Gode spelarar er interessante for fleire lag i klubben. Det kan medføre at over lengre periodar i seriesesong er spelar med på fleire kampar pr. veke enn treningar. Det er ikkje gunstig. Ein tommelfingerregel er forholdet 3 treningar : 1 kamp, eller i snitt 1 ½ kamp per veke. Utfordringa er at spelar blir brukt på den kamparenaen som passer ferdigheitene, og at det blir gitt nok tid til trening og restitusjon mellom kampane. Talentfulle spelarar kan vere involvert i kampar på sone krets og nasjonalt nivå. Dette er utfordrande kamparenaer, men det er viktig at dei blir satt inn i ein syklus som er gunstig for spelar. Det kan medføre at i ein gitt situasjon skal spelar stå over ein kamp på klubbnivå, for å få testa ut sine ferdigheiter på ein av dei andre arenaene. Generelle retningslinjer: Ein spelar bør ikkje ha meir enn to kamparenaer! Ein spelar deltek på det beste laget vedkomande er kvalifisert for. Ein spelar kan flyttast opp på eit høgare nivå i løpet av sesongen. Denne flyttinga skal også vere dynamisk, dvs. at ein kan ha treningsarena på eit gitt nivå og spele kampar på nivå over eller under. Prinsippet om oppflytting vert styrt sportssjefen. I aldersbestemte klassar (junior småjenter/ smågutar) er hovudmålet å utvikle spelarane. Spelarutvikling og utvikling av laget vert viktigare enn resultat. Ein vil sjølvsagt setje seg høge resultatmål, men det har likevel prioritet bak utviklingsmål. Ein ønskjer og forventar at trenarar og lagleiarar på alle nivå er motiverte for å utvikle eigen kompetanse som har relevans til det vervet ein står i. 3.7 Voss Gymnas Treningsmengde og kvalitet på trening er svært viktige element for å kunne bli god. Fbk Voss er organisert med krav om minst 4 obligatoriske treningsøkter og minimum 1 eigentreningsøkt pr. veke for satsingsutøvarar frå gute- og jentealder og oppover i klubben. Fbk Voss er svært fornøgd med at Voss Gymnas legg til rette for at satsingsutøvarar skal ha tilgjengelig tre treningsøkter på dagtid kvar veke. Denne treninga vil fokusere på vidareutvikling av utøvarane sine basisferdigheiter. Det er svært viktig at dette tilbodet er tilgjengelig for satsingsutøvarar også i framtida. Fbk Voss skal difor aktivt jobbe for eit godt samarbeid med Voss Gymnas og at skulen befestar sin posisjon i lokalmiljøet og i regionen. 3.8 Anlegg Målet er å tilby treningsfasilitetar som støttar arbeidet for å nå klubbens sosiale og sportslege målsetjingar. Klubben har pr. desember 2009 ikkje treningsareal nok til å dekke behovet. Førsteprioritet for klubben er difor å betre treningsforhold og auke banekapasitet. Pr. i dag manglar vi i følgje NFF sin banekalkulator X store fotballbaner. Og sjølv med ei ny kunstgrasbane, vil vi mangle X store baner. Behovet for baner har dei seinare år berre auka og det er difor svært viktig at Fbk Voss planlegg auke av banekapasiteten.

12 4 LAGSAMANSETJING - REKRUTTERING Samansetjing av lag og rekruttering av spelarar fyl prinsippa nedanfor. For alle gjeld det at medlemskontingent og treningsavgift må vere betalt før ein spelar kamp. Generelt: Klubben ynskjer eit godt samarbeid med dei lokale klubbane. Fbk Voss er avhengig av at naboklubbane kan gje tilbod og gje eit breiast mogeleg rekrutteringsgrunlag til fotballen på Voss. Dette kan vere å trena med eit av laga i klubben ein eller fleire dagar i veka. 4.1 Miniputtar I barnefotballen (7-10 år) set ein laga saman ut frå fylgjande kriterium: Kjønn Alder Skule/klasse Bustadområde Frå skulealder ynskjer me å gje eit tilbod til alle born i sentrum og sentrumsnære område. Sportsleg leiar for Barnefotballen har ansvar for oppfylgjing og registrering. Invitasjonsskriv utlevert på aktuelle skular Oppstart for 6-åringar kvart år om lag 1.oktober Lysing i lokalpressa om oppstart. 4.2 Lillejenter og lillegutar I barnefotballen (11-12 år) set ein laga saman ut frå fylgjande kriterium: Kjønn Alder Skule/klasse Bustadområde Rekruttering frå eigne lag og ved naturleg tilgang av spelarar som ynskjer å spele for klubben. Spelarar som har flytt til krinsen. Oppstart om lag 1.januar Lysing i lokalpressa om oppstart. 4.3 Småjenter og smågutar Småjente- og smågutefotballen (13-14 år) vert sett saman etter fylgjande prinsipp: Når ein har fleire lag, er 1.laget (2.års smågut og småjente) sett saman ut frå spelarane sin dugleik, treningsmoral og haldningar (sjå også kap ). Dei absolutt beste på jentesida, kan gjerne trene og spele på gutelag i same klasse. Rekruttering frå eigne lag, samt naturleg tilgang av spelarar som ynskjer å spele for klubben. Spelarar som har flytt til krinsen. Som ein konsekvens av at ein på dette nivået begynnar ei gradvis innføring av topping av lag, vil det kunne komme spelarar frå andre lag. Desse må få eit tilbod, men ein må passe på at det ikkje vert på eigne spelarar sin kostnad. Klubben vil på dette nivå ikkje gå aktivt ut og invitere spelarar frå andre lag til klubben. Gjennom eit godt samarbeid med naboklubbane skal me gje eit godt tilbod om dei ikkje lenger har høve. Lysing i lokalpressa om oppstart. 4.4 Jenter og gutar Jente- og gutefotballen (15-16 år) vert sett saman etter fylgjande prinsipp:

13 Når ein har fleire lag, er 1.laga sett saman ut frå spelarane sin dugleik, treningsmoral og haldningar. Dei absolutt beste på jentesida, kan gjerne trene og spele på gutelag i same klasse. Rekruttering frå eigne lag, samt naturleg tilgang av spelarar som ynskjer å spele for klubben. Spelarar som har flytt til krinsen eller går på skule på Voss Spelarar frå andre klubbar skal få høve til å trene med klubben sine lag, etter avtale klubbane i mellom. Klubben legg til rette for spelarar frå andre klubbar, t.d. gjennom treningstilbod. Ein søkjer samarbeid med lokale klubbar for å gje lovande utøvarar eit best mogeleg tilbod. Dei beste gute- og jentespelarane bør spela for Fbk Voss. Lysing i lokalpressa om oppstart. 4.5 Junior Juniorfotballen (17-19 år) vert sett saman etter fylgjande prinsipp: Junior 1 - dei beste juniorane som ikkje spelar seniorfotball, samt gute- og jentespelarar Junior 2 - resten av juniorspelarane Når ein har fleire lag, er 1.laga sett saman ut frå spelarane sin dugleik, treningsmoral og haldningar. Rekruttering frå eigne lag, samt naturleg tilgang av spelarar som ynskjer å spele for klubben. Gje eit godt tilbod til spelarar frå naboklubbane som ikkje lenger har noko tilbod å gje. Ein inviterar kvar haust elevar ved vidaregåande skular til å trene med klubben sine juniorar. Dette vert gjort ved å henge opp plakatar på dei aktuelle skulane. Regionens beste juniorspelarar bør spela på Fbk Voss. Lysing i lokalpressa om oppstart. 4.6 Seniorfotballen I dame- og herrefotballen fyl ein fylgjande prinsipp: Senior 1 - laguttak av trenar Senior 2 - dei beste juniorane får spele saman med dei nest beste seniorane Rekruttering frå nærområdet skal danne basis for spelartilfanget også på seniornivå. Om situasjonen tilseier at det er fornuftig, kan klubben òg hente spelarar utan slik lokal tilknyting. Slike spelarar må vere ein klar sportsleg forsterkning for laget, ha gode haldningar og kunne bidra til eit positivt sosialt fellesskap mellom spelarane.

14 5 TALENTUTVIKLING Fbk Voss si talentutvikling skal vere frittståande tiltak som skal gå ved sidan av dei andre strukturane i Fbk Voss. Sportssjefen har det overordna ansvaret for tiltaka og har det administrative og faglege ansvaret for gjennomføring. Fbk Voss si talentutvikling skal gjennomførast med godt skulerte instruktørar, på tider som ikkje konkurrerer med laga sin aktivitet og andre aktivitetar, og med eit fokus på å utvikle tekniske ferdigheiter, kunnskap og haldningar. I staden for å spisse tilboda i klubben til lillegut- og lillejentespelarar, skal dette tilbodet kvalitetssikre at dei som har lyst til å satse når dei blir eldre har godt grunnlag teknisk, kunnskapsmessig og haldningsmessig til å kunne bli gode. Vi ønsker og gje våre eigne og naboklubbane sine ivrigaste og mest talentfulle spelarar eit enda betre tilbud. Vi trur at dette kan vere ein brubyggar mellom klubbane og at dette vil gje spelarane internt god overføring av ferdigheit og for trenarane kan dette vere ein spire til inspirasjon, diskusjon og læring trenarane i mellom. HOVEDMÅL: Å samle våre ivrigaste unge spelarar slik at dei kan få dele av sine ferdigheiter. DELMÅL: Gje eit kvalitativt og kvantitativt betra tilbod til ambisiøse og treningsvillige spelarar. Ta vare på Fbk Voss og naboklubbane sine ivrigaste spelarar, samt følgje opp sone- og krinslagsspelarar. Utvikle tekniske ferdigheiter. Påverke haldning til trening, trenarar, leiarar og dommarar. Utvikle ansvarskjensle ved at det blir gjeve auka ansvar og mogelegheit for eigen utvikling. MÅLGRUPPE: Jenter og gutar i alderen 9-13 år frå FBK Voss og klubbane i vår sone. Denne type tiltak er for dei ivrigaste og det forventast at påmeldte spelarar forpliktar seg til å stille på alle samlingane og at dette prioriterast.

15 6 UTDANNING KOMPETANSEHEVING For å nå målsettinga i sportsplanen er det viktig å motivera trenarane på dei ulike nivå til å utdanne seg i tråd med det vervet ein innehar. Viktig å prøve motivere dei som sluttar (på senior/junior nivå) til å kursa seg og trena yngre lag i klubben. MÅLGRUPPE: Alle som har verv i klubben og rundt dei ulike laga, samt senior og junior spelarane. VERKEMIDDEL: Legg til rette slik at trenarane kan gjennomføra ulik kurstilbod. Trenarforum 2-4 gonger i året. - barnefotball (mars-august) - ungdom/seniorfotball (jan.-mars-aug.-okt.) Arrangere seminar/foredrag som kan virke stimulerande og inspirerande (eks. kan vere førstehjelpskurs, teiping og skadeforbyggande trening). MÅLSETJINGAR: Målet i 5-årsperioden er å utdanna nok aktivitesleiarar og trenarar slik at me kan dekka behovet for aktivitet, trivesel, opplæring og utvikling for alle klubben sine spelarar. Utarbeide kurskatalog for kvart år og formidle det til alle aktuelle personer.

16 7 DOMMARAR Klubben har pr. dato god dekkning av klubbdommarar og det som må bli hovedmålsettinga i neste periode, må bli å få fleire rekruteringsdommarar. Det er særleg viktig å prøve motivera jenter til å ta rekruteringsdommarkurs, pr. i dag har me ingen. MÅL FOR PERIODEN: Rekrutere nok dommarar blant våre klubbdommarar slik at me kan utdanna 3-5 rekruteringsdommarar kvar sesong. Samarbeide med lokale klubbar om dommarutdanning. Skapa eit aktivt dommar miljø. Få ein dommar ansvarleg for barnefotball og ein for ungdomsfotball. Følgja årshjulet og såleis oppretthalda den gode rekruteringa som no er i klubben. Jobba aktivt for å rekrutere jenter til dømming. MÅLGRUPPER: Klubbdommer: SMJ/SMG Rekruteringsdommarar:Kklubbdommarar som er fylt 15 og som har dømt aktivt. Spelarar som av ulike årsakar ikkje ynskjer å spela fotball lenger, men som kan tenkje seg andre verv i klubben. VERKEMIDDEL: Arbeide med å skape ei betre haldning blant trenare/forledre/spelarar slik at dommaren sine arbeidsvilkår blir betre. Få eldre dommare til fungere som fadder for dei nye slik at dei har nokon å forhalda seg til Jobbe aktivt med å rekrutera spelare som kan vera aktuelle som dommare Halde fram med Fair Play-prosjektet, det er med på å skape gode haldningar på sidelinja. Skape eit godt dommar miljø, gjera det atraktivt å dømme Arrangere temakvelder som har hovudvekt på døming/førstehjelp m.m. Gje budsjettmessige opningar for å settje i gang ulike verkemiddel for god rekrutering Halde fram med obligatorisk klubbdommer kurs for SMJ/SMG Fair Play FBK Voss er ein Fair Play klubb, dette skal visast igjen gjennom alt klubben sine medlemmer og utøvarare føretek seg i klubb samanheng. Det gjeld kampar på både heime og bortebane og når me reiser på cup. Omdømme er viktig for klubben og då er Fair Play eit viktig verkemiddel. Det blir forventa at trenarapparet/spelare og foreldre følger dette prinsippet, slik blir det god stemning på bana og på sidelinja. FBK Voss vil at motstandarane våre skal hugse oss som ein Fair Play klubb og som ein klubb dei gler seg til å reisa til.

17 8 CUPDELTAKING FBK Voss legg opp til at minilaga deltek på Vår Cup,Voss Cup, Bendit Cup og sesongavslutninga i Eideshagen. Lillejenter- og lillegutar kan delta på 1 cup pr. sesong i tillegg til Voss Cup. Klubbens aldersbestemte 11 ar-lag kan delta i 2 cupar pr. sesong. Dersom lag frå desse klassane bestemmer seg for å reise på ein større cup, reiser laga saman, (dvs. på den same cupen). Det vert laga ein rulleringsplan, slik at ein i løpet av ein 4-årsperiode har delteke på 4 ulike større cupar. Klubben forventar at laga snakkast saman og samarbeider slik at fleire lag kan reise saman på cup. Når fleire lag reiser saman, skal laga saman med klubben plukke ut ein felles ansvarleg og koordinator. Generelle retningsliner: Minilaga: Lillejenter og lillegutar: Småjenter og smågutar: Br Jenter og gutar: Junior: Vår Cup,Voss Cup, Bendit Cup og sesongavslutning i Eideshagen Voss Cup, Sognefjordcup Sting Cup/Varegg Cup/Sognefjordcup/Skjærgårdscupen/ ann Cup Sting Cup/ Varegg Cup, Norway Cup/ Dana Cup /Brann Cup. Sting Cup/ Varegg Cup, Norway Cup/ Dana Cup/Brann Cup. Klubben betaler påmeldingsavgifter som følger: Mini: Voss Cup, Bendit Cup og Eideshagen Lille: Voss Cup er: 2 cup ar. Klubben betaler påmeldingsavgifter Spelarar skal levere registreringsskjema før dei reiser All aktivitet under cupane skal føregå i eit tobakks-, snus- og rusfritt miljø. Det gjeld så vel spelarar som leiarar, og frå ein reiser til ein er heime att. Oversikt over ulike cupar finn ein i Cup-ringpermen på FBK Voss sitt kontor For treningsleir/tur og cup ar utover dette, herunder også samansette lag for spesielle turneringar, skal det fremmast søknad til sportssjefen.

18 TRENAREN OG SPELAREN TRENAREN: Born gjer slik som du gjer ikkje slik som du seier! Trivsel gjev utvikling Klubben sine forventningar til trenaren: På aldersbestemt nivå er hovudoppgåvene : Utvikle dei unge sin fotballdugleik. Skape trivsel og motivasjon hjå spelarane. Bruke Fair Play aktivt i både trening-og kamp situasjoner. Følgje opp holdningskontraktane med spelarane. Andre viktig faktorar å ta med som trenar: Vær positiv! Ros gjev tygglek = utvikling. Oppmuntre, motivere og rettleie spelarar som gjer sitt beste for å lukkast. Bruk tid på spelarane både før og etter trening. Forbered deg til trening = større utbytte for alle partar under treninga. Ver eit forbilde og møt presis. Følg retningslinjene som er gitt i sportsplanen. For di eige utvikling/motivasjon: Delta på klubben sine utdanningstilbod. Klubben sine plikter ovanfor trenar: Oppfylgjing frå sportesjefen på dei ulike nivå. Klubben skal arrangere trenarforum minst 2 gonger pr. år. Gje trenarane tilbod om utdanning på ulike nivå. Betale trenargodtgjersle frå SMJ/SMG nivå (godtgjersla vert vurdert utifrå utdannig, erfaring, kvalifikasjonar). Sørge for at utstyret er tilfredstillande(ballar, kjegler m.m.). SPELAREN: Fotball er gøy Klubben sine forventningar til spelaren: Spelaren skal følgje Fair Play prinsippet, hugs at du er ein ambassadør for klubben når du reiser på kamp. Rette seg etter trenarane sine instruksjonar. Møte opp på trening/kamp. Halde utsyret i orden og drakta rein til kamp. Følgje klubben sine retningslinjer når ein reiser på cup. Klubben sine plikter overfor spelaren: Sørge for kvalifiserte trenarapparat. Sørge for forsikring av spelarane. Sjå til at holdningskontrakten blir utlevert. Sørge for drakter i tråd med klubben sine reglar.