Sportsplan for IL Kvernbit med hovudfokus pa barne og ungdomsfotball

Transkript

1 Sportsplan for IL Kvernbit med hovudfokus pa barne og ungdomsfotball Sportsplanen kort fortalt Fotballgruppa i IL Kvernbit skal: Gi eit tilbod til alle som har lyst til å spele fotball Gi alle moglegheit til å utvikle seg i eigen klubb Fokusere på sosial og fotballmessig utvikling og prestasjonar Vere ein organisasjon som er prega av trivsel, glede og fellesskap Bidra til å skape gode haldningar hos barn og unge, påverke til å ta ansvar ovanfor seg sjølve og andre i og utanfor fotballmiljøet. Bygge sine aktiviteter på verdiane respekt, toleranse, likeverd og solidaritet. Vere ein leiande klubb innan Fair Play. Vere ein klubb alle er stolte av å vere ein del av.

2 Innleiing Formål og målsettingar med sportsplanen I denne sportsplanen er det prøvd å lage enkle og tydelege retningslinjer som skal gi felles rammer for barne og ungdomsarbeidet i fotballgruppa til Kvernbit. Sportsplanen skal tydeleggjere Kvernbit sine mål, visjonar og grunnverdiar. Hovudmålsetjinga er å få flest mogeleg til å drive med fotball lengst og best mogleg. I tillegg ynskjer me å skape eit fundament der alle får utvikling på sitt nivå. Det skal vere mogleg for så vel talentfulle spelarar og andre spelarar til å vere med lengst mogeleg. Planen har hovudfokus på barne og ungdomsfotball. Barnefotball er frå alderen 6 til 12 år og ungdomsfotball er frå 13 til 19 år. I denne planen er Norges fotballforbund (NFF) sine retningslinjer og verdiar for barne og ungdomsfotballen lagt til grunn. Sportsplanen skal vere eit dokument som kvar trenar, leiar, foreldrekontakt, foreldre og spelar er pliktig til å følgje. Der denne planen ikkje er tydeleg no og ein ikkje finn svar, er ein pliktig til å spørje det sportslege utvalet om råd og tolking. I Kvernbit skal ein aldri tru at spørsmål er dumme og det skal låg terskel for å legge saker fram for det sportslege utvalet eller styret i fotballgruppa. Fotballgruppa er leiar over barne og ungdomsfotballen i klubben. Barne og ungdomsfotballen i klubben skal utøvast etter retningslinjer gitt i sportsplanen. Barnefotballen skal ikkje vere styrt av den enkelte trenar eller lagleiar. Samarbeid på og mellom årskull gir gode føresetnadar for differensiering og eit tilpassa trenings og kamptilbod for den enkelte spelar. Dette bidrar også til å viske ut kunstige grenser mellom laga, og setter klubben og den enkelte spelar i sentrum. Klubben skal tilstrebe at årsklassane over/under i minst mogleg grad har treningar på samme dag. Dette for å gi moglegheiter for auka treningsintensitet for dei barna som ønskjer det, ref. punkta om differensiering og hospitering i denne planen. Klubben skal melde på nok lag i alle aldersklasser i serie og turneringsspill. Det ideelle er 7 spelarar på kvart 5 er lag og 10 spillere for hvert 7 er lag. Alle trenarar og lagleiarar skal delta på fotballgruppa sine sportslege forum som til dømes trenarforum og foreldremøte. Dette vil vere med på å sikre at det blir arbeidd etter klubben sine mål, haldningar og retningslinjer. Kvernbit IL skil ikkje mellom gutar og jenter. Alle medlemmane skal ha lik prioritering og like mogelegheiter. I denne planen vil det ikkje bli presentert øvelsar til bruk i trening. For meir informasjon om dette blir det vist til eller tilsvarande ressursar. For å lukkast med barne og ungdomsarbeidet er Kvernbit avhengig av ei rekke faktorar. Dette er faktorar som; treningsanlegg engasjerte spelarar dyktige leiarar engasjerte foreldre dyktige trenarar

3 Felles retningslinjer for barne og ungdomsfotballen i Kvernbit Differensiering og jevnbyrdigheit Med differensiering meiner ein her å gi i ulike utfordringar til spelarane ut i frå nivået på ferdigheter. På treningane vil differensiering innebere at ikkje alle aktivitetane skal ha same vanskelegheitsgrad. Erfaringar viser at eit differensiert treningsopplegg vil gi betre føresetnadar for mestring. Det er og mogleg å differensiere gjennom frivillig trening, slik at dei som har lyst får mogligheiter til å trene endå meir. Samtidig bør ein få spele med venene sine. Samansetninga av laga skal som hovudregel ta utgangspunkt i prinsippet om jevnbyrdigheit. Har klubben fleire lag pr. aldersklasse skal ein forsøke å lage jamne lag slik at alle har like føresetnadar for gode lagprestasjonar på banen. I tillegg unngår ein då topping innad i laga. Kven som skal spele mest i ein enkelt kamp vert og vurdert ut i frå jevnbyrdigheitsprinsippet. Er laget ditt langt betre enn motstandarlaget, bruk spelarar som ikkje har komme så langt i sin ferdigheitsutvikling meir. Er motstandarlaget langt betre enn, bruk dei som har kome lengst på ditt lag noko meir. Hospitering Med hospitering meiner ein her at ein eller fleire spelarar får høve til å spele/trene i lag med eldre spelarar. Dette er ein måte å gje den aktuelle spelaren meir utfordring. Kvernbit IL trur at ein spelar får best utvikling når han/ho spelar fotball på sitt nivå. Gjennom tett samarbeid mellom det sportslege utvalet og trenarar skal det bestemmast kven som får mogelegheit til å hospitere. For dei yngste spelarane skal også foreldre/føresette trekkast inn i diskusjonen. Dei viktigaste faktorane for å få høve til hospitering er: Dugleik Treningsvilje/motivasjon Haldningar i forhold til fair play, andre spelarar og trenarar Retningslinjer for hospitering: Spelaren som hospiterer må og spele kampar på «sitt» lag. Dette for at laget han høyrer til ikkje skal lide av hospiteringa. All hospitering skal diskuterast med det sportslege utvalet og foreldre/føresette. Dette for at styret sikrar seg at den aktuelle spelaren ikkje får for stor belastning. Den som hospiterer skal maks spele 1,5 kamp i gjennomsnitt per veke. Hospitering må brukast som ei «gulrot» for spelaren. Haldningar og treningsiver skal vektlegge like mykje som fotballmessige ferdigheiter. Den som hospiterar må føle seg trygg og bli godt tatt vare på. Hugs at han spelar med eldre og ukjende spelarar. Turneringsbestemmelsar Kvernbit ser positivt på at mange lag melder seg på cupar og turneringar, som eit supplement til seriespel og lokale turneringer. Klubben ønskjer ikkje at laga tidlegare og tidligare drar på lange/kostbare turar. I barnefotballen skal alle spelarar på et lag/trinn få høve til å delta.

4 Alle cupar, som lag frå IL Kvernbit deltek på skal spelast etter NFF s retningslinjer og være godkjend av NFF. For meir informasjon og retningslinjer og turneringsbestemmelsar blir det vist til klubbhandboka. Rammer for trenarar og leiarar For at Kvernbit IL skal få ein best mogeleg framgang må me heile tida leite etter engasjerte trenarar. Målet vårt er at alle hovudtrenarar har trenarkurs tilpassa den årsklassen dei trener. Trenarkurs er noko som Kvernbit IL dekker utgiftene til for dei som ynskjer det. Det viktigaste kravet for å bli trenar er at ein har dei «rette» personlege eigenskapane som må til for å kunne vere trenar. Dette er noko styret i Kvernbit IL må passe på. Kvernbit IL ynskjer å satse på utdanning av så vel trenarar og leiarar. Hovudmålsetjinga vår er at alle trenarar har ei trenarutdanning. Klubben skal motivere trenarar og leiarar til å ta utdanning. I utgangspunktet er det ingen trenarar eller leiarar som får betaling for jobben dei gjer. Difor blir foreldreengasjementet rundt kvart lag ein svært viktig faktor for å kunne lukkast. Kvernbit ønskjer å utvikle kompetente ungdomstrenere som eit supplement til foreldreengasjementet rundt laga. Å bruke ungdom som er aktive i fotballgruppa som trenarar gjer blant anna at yngre spelarar kan få gode rollemodellar. Alvoret med fotballen kjem tidsnok. Barn vert tidleg fokusert på å vinne, både på trening og i kamp. Som trenar er det alltid viktig å tenke på utvikling framfor det å vinne. Rundt dei ulike laga skal det og vere lagleiar, foreldrekontakt og fairplayansvarleg. Skildring av rollene til dei ulike som skal vere med rundt laga er gitt i klubbhandboka til Kvernbit. Foreldre/føresette For at Kvernbit IL skal lukkast med barne. og ungdomsfotballen er foreldre/føresette ein svært viktig faktor. Å ha ungar med på fotballen set nokre krav til deg som foreldre/føresette: Pass på at kontingenten vert betalt. Utan betalt kontingent kan styret i Kvernbit IL forlange at den aktuelle spelaren ikkje får vere med. Hugs at forsikringa er ein del av kontingenten. Styret kan gje eigne avtalar i spesielle situasjonar. At spelarane har naudsynt utstyr. Her tenkjer ein på treningsklede, fotballsko og leggskinn. Leggskinn er eit krav i kamp, men må og vere ein del av treningsutstyret. At foreldre godtek trenaren sine val. Usemje må takast opp med trenar/klubb i etterkant. Foreldrekontakt kan ha ei viktig rolle. At ein møter opp på trening og kamp. Gje oppmuntring til alle spelarane, ikkje berre din eigen. Respekter dommaren sine val, sjølv om du ikkje alltid er einig. Din veremåte påverkar heile laget!

5 Fair play Kvernbit IL skal halde høgt fokus på Fair Play. Målsetjinga til Kvernbit IL er at me alltid skal vere meir Fair Play enn motstandaren. Det er viktigare enn å vinne kampane. Kvernbit legg vekt på å skape gode haldningar som forplikter både spelarar, trenarar, lagleiarar og foreldre/foresatte så lenge dei er med i klubben. I ungdomsfotballen (13 19 år) inngås det haldningskontraktar mellom klubben, trenarar, lagleiarar og spelarar. Ein tilsvarende avtale vil og bli nytta i barnefotballen, men mellom klubben, trenarar, lagleiarar og foreldre/foresatte For spelarane: Ta godt vare på dine medspelarar og inkludere nye lagkameratar Unngå stygt spel og filming både i kamp og på trening Skape tryggleik og god lagånd på bana Spele kampar med godt humør Behandle motstandarane med respekt Hjelpe skada spelar uansett lag Takke motstandarane etter kampen Ikkje kjefte på andre spelarar eller dommaren For trenarar og leiarar: Det er trenaren og leiaren sitt ansvar at spelarane forstår: Dommaren sin situasjon og funksjon At dommaren må ta hurtige val, og difor umogeleg kan vere feilfri Ikkje overreagerar på dommaravgjersler At det er dommaren si avgjerd som tel, kjefting er bortkasta Ein skal følgje regelverket For foreldre og foresatte: Di interesse betyr mykje for born og unge Verdset opplevingar, god oppførsel og lagånd høgt Respekter trenaren sin bruk av spelarar, ikkje kritiser framfor andre Resultat må ikkje bli for viktig. «Var det gøy» er det viktigaste spørsmålet. Gje oppmuntring til alle, ikkje berre din eigen. Ta gjerne initiativ til å bidra på og utanfor bana.

6 Nivåpåmelding og inndeling av lag Oppstartsåret Kvernbit sitt tilbod startar når spelaren byrjer i 1.klasse på skulen (5 6 år). Då er det oppstart av nye lag. Spelarane skal komme frå vårt nærområde og skal hovudsakleg høyre til skulekrinsane Grasdal og Sagstad. Alle er velkomne og skal få dei same mogelegheitene ut frå eigne føresetnader. 6.Åringane startar med cup eller serie etter årsskifte. Ofte er debuten ein cup, t.d Frende cup i Vestlandshallen. Når det gjeld seriespel kan ein velje organisering. Anten «vanleg» seriespel eller miniturneringar. Dei siste åra har miniturneringar vore den mest vanlege forma å organisere dette på for dei minste. Ved oppstart av lag skal ein velje hovudtrenar og hjelpetrenarar. I tillegg skal det veljast ein foreldrekontakt og ein fair play kontakt. Talet på hjelpetrenarar kan variere ut frå kor mange spelarar det er på laget. Det er ein fordel at ein kan dele store grupper opp i mindre grupper i starten spelarar per gruppe er ein fordel og ein treng difor like mange hjelpetrenarar som antal grupper. Gruppene skal ikkje delast opp i faste grupper, men dei skal variere frå gong til gong slik at ein er «eitt lag» og ikkje «mange lag i laget». Allereie ved oppstarten av nye lag skal ein dele jenter og gutar i eigne lag/grupper. Barnefotball 6 10 år TRENING: Alderen 6 8 år: Målsetjinga er inntil 2 treningar i veka. Alderen 9 10 år: Målsetjinga er inntil tre treningar i veka. Bruk få spelarar på kvart lag i treningssamanheng. Del heller treningane opp i smålagsspel enn å dele gruppa i to. Maks 5 spelarar på kvart lag bør vere tommelfingarregelen. Unngå kø på treningane også når ein til dømes har avslutningstrening. Borna må involverast mest mogeleg med ball. Gå på kvar trening og ha som mål at borna skal vere mest mogeleg borti ballen. Pass på at ein har nok ballar til alle. Meld frå til Kvenbit sin materialforvaltar viss ein manglar utstyr. Fotball er eit spel! La spelet vere kjernen på treningane. Diverre ser ein alt for ofte at trenerar nyttar øvingar som ikkje er motiverande eller øvingar som borna ikkje forstår. I denne aldersgruppa er det viktig å fokusere på grunnleggande øvingar. Det enkle er ofte det beste. Born treng liten grad av instruksjon. Det viktige er å legge tilrette for god aktivitet og gi god oppfølging. KAMP: Leik, trivsel og tryggleik er viktigare enn kampresultat. Topping av lag skal ikkje skje. La alle spele like mykje, la alle få starte like ofte, la alle få spele i ulike posisjonar. Når det gjeld posisjonane på bana er det viktig at spelarane blir lært å følgje trenaren si avgjerd. Fair play: Helsing før og etter kamp. Jenter og gutar skal ha eigne lag.

7 Barnefotball år Dette er ein overgangsperiode. Hovudtrekka finn ein under retningslinjene for barnefotball 6 10 år. Det er likevel nokre punkt som bli til dels endra. TRENING: Tal treningar: Inntil fire treningar i veka. Sjuarfotball er hovudspelet, men femmarfotball bør prioriterast på trening. KAMPAR: Jenter og gutar skal så langt det er mogeleg ha eigne lag. Topping av lag skal ikkje skje, men ein skal i større grad tenke taktisk både med tanke på posisjonar på bana og kven som spelar samtidig. Det er framleis viktig å rullere på plassane og ikkje låse spelarar i faste posisjonar. Hugs at spelarane er «langt frå ferdigutvikla som fotballspelar». Fair play: Helsing før og etter kamp Ungdomsfotball år Hovudmålsetjinga for denne årsgruppa er å bevare flest mogeleg lengst mogeleg! Nøkkelen til denne målsetjinga er at spelarane må få velje satsingsnivå sjølv ut frå eigen motivasjon og interesse. For å få til dette er det viktig å skape eit miljø med samhald og vennskap. Som klubb må me legge til rette for alle. Dette gjeld dei som vil trene tre gongar i veka og for dei som vil trene berre ein. Spelarane må sjølv bli trekt inn i avgjerda av antalet treningar per veke. Inndeling av lag bør skje ut frå treningsiver, dugleik eller sosiale føresetnader. Her er det ingen fasit. Kvernbit vil at ei eventuell inndeling skal skje i samråd med det sportslege utvalet. Kriterier som treningsiver og dugleik blir viktige nøkkelord når laga skal delast inn. Topping av lag blir meir framtredande. Alle som stiller på kamp må få minimum 20 minutt på bana. Rett trenar til rett lag! Trenar må ha same ambisjonsnivå som spelarane. Utvikle differensierte tilbod, både med tanke på dei beste og dei dårlegaste. Dette kan t.d løysast med stasjonstrening, helgesamling og fellestreningar på tvers av fleire årsklassar. Spelarane må sjølv få vere med å bestemme. Ungdom må ikkje nektast speletid i kamp sjølv om dei ikkje er på kvar trening. Fair play: Helsing før og etter kamp. Jenter og gutar skal ha eigne lag

8 Vaksenfotball Herrefotball Kvernbit ynskjer å ha eit A lag for herrar. Målsetjinga for A laget vil variere frå år til år ut frå spelarane ein har til rådvelde. A laget skal hovudsakleg vere av lokale spelarar, spelarar som også har vore medlem av Kvernbit sidan barne og ungdomsfotballen. Kvernbit ynskjer ikkje eit A lag samansett av «henta» spelarar frå andre klubbar med hensikt i å rykke opp i divisjonssystemet. A laget skal vere ein motiverande arena for ungdom og ein ynskjer kontinuerleg tilvekst frå årsalderen. Dei viktigaste føresetnadane for å vere ein del av A laget skal vere: Godt førebilete for dei yngre spelarane i klubben Stabilt treningsoppmøte Dugleik Spelarar som har større ambisjonar enn det Kvernbit sitt A lag kan tilby, vil det sportslege utvalet vere til hjelp med å finne passande klubb. Damefotball Kvernbit har ikkje eige damelag, men eit samarbeidslag, ENK, beståande av spelarar frå Kvernbit, NBK og Eikanger. Kvernbit ynskjer å auke tilveksten inn mot ENK. For målsetjing og retningslinjer blir det vist til ENK sine vedtekter.

9 Kvernbit sine verdiar Dette skal prege Kvernbit IL Positiv åtferd: «Eg tenkjer positivt om meg sjølv og andre» Ærleg: «Eg er alltid ærleg» Respekt: «Eg viser respekt for medspelarar, trenarar, dommarar og motstandar» Ansvar: «Eg tar ansvar for meg sjølv og mitt lag» Hensyn: «Eg syner alltid hensyn og bruker difor ikkje doping eller andre rusmiddel under Kvernbits Audmjuk: «Eg lyttar til andre og opptrer ikkje egoistisk» Språkbruk: «Eg passar ordbruken på og utanfor bana» Oppmuntrar: «Eg støttar og oppmuntrar mine trenarar, leiarar og kameratar» Påliteleg: «Eg er ein påliteleg person som mine kameratar kan stole på» Førebilete «Eg er eit godt førebilete for andre»: