PROTOKOLL FRÅ MØTE I INTERNASJONALT UTVALG

Transkript

1 Internasjonalt kontor Marie Nedregotten Sørbø leder. Gonnie Smit - nestleder Hans Martin Dypvik AMF Asbjørn Simonnes - L Nina Elisabeth Bøe AKF Ingun Klepp ASH Rune Aasen SfS Natalia Ramirez Garcia & Valentin Gatlan - STIV Arne Humberset Int.kontor Your ref. Our ref. Date PROTOKOLL FRÅ MØTE I INTERNASJONALT UTVALG Til stades: Marie N. Sørbø, Gonnie Smit, Hans Martin Dypvik, Ingun Klepp, Rune Aasen, Natalia Garcia og Arne Humberset. SAKLISTE: Godkjenning av protokoll frå møtet Godkjendt Godkjenning av sakliste Godkjendt Saker til eventuelt Ei sak under 17/14 Vedtakssaker: Sak 17/14 Reisestøtte til rektor ved indisk partnaruniversitet & Rolf Werenskiold Sak 18/14 Møtedatoar for Internasjonalt utval våren 2015 Sak 19/14 Innspel til KD strategi for høyere utdannings- og forskingssamarbeid Diskusjonssaker: Sak 20/14 Beredskapsplan for HVO-studentar i utlandet Orienteringssaker: O-Sak 1: Orientering frå Erasmus-seminaret i Ålesund 1-2. desember O-Sak 2: Status for inn- og utreisande utveksling 2014/2015 Vennleg helsing, Arne Humberset Leiar internasjonalt kontor Postal address: Visiting address: Contact information: Høgskulen i Volda Høgskulen i Volda Phone: Postboks 500 Joplassvegen 11 postmottak@hivolda.no 6101 VOLDA 6100 VOLDA Norway Norway

2 Sak 17/14 Reisestøtte til rektor ved indisk partnaruniversitet & Rolf Werenskiold IK/ 17/14 A) Reisestøtte til rektor ved Roshni Nilaya School of Social Work, Mangalore Institutt for sosialfag vil invitere rektor for Roshni Nilaya School of Social Work in Mangalore til Volda under Internasjonal veke. Dei ber om midlar frå Internasjonalt utval for å dekke reise og opphald for han. Internasjonalt kontor har ikkje fått noko nøyaktig søknad frå ISF så vi vonar at IUrepresentanten frå ASH kan informere oss om kva dei ber om. Framlegg til vedtak: Sidan vi ikkje veit nøyaktig kva instituttet ber om, er det vanskeleg å sei noko om framlegg til vedtak, Men Internasjonalt kontor meiner at det er viktig å halde ved like samarbeid med våre indiske partnaruniversitet sidan vi sender så mange praksisstudentar dit. I møte: Søknaden har bakgrunn i at School of Social Work i Mangalor er ein nær partnar for HVO og at dei no har skifta rektorat. Førre rektor har vitja HVO fleire gonger, m.a. i tilknyting til Internasjonal Veke. To tilsette ved Institutt for sosialfag vitja School of Social Work i haust og dei ynskjer no å invitere rektor derfrå til Volda. Internasjonalt utval har ikkje motteke noko formell søknad om stipend. Men det vart opplyst om at instituttet søkjer om støtte til reise tur/retur frå Mangalore til Volda, samt moglegens til gjestehybel ved SfS. Dette vart estimert til ein kostnad på ca. 15,000 kr. Internasjonalt kontor meiner det er fornuftig å støtte dette besøket så lenge det er klart at avdelinga/instituttet lagar eit opplegg for besøket. AMF ser også nytten av å knytte nærare band til denne institusjonen ettersom dei vitjar denne i emnet Reportasjearbeid i framand kultur. Internasjonalt utval tildeler inntil 15,000 kr. i støtte til Institutt for sosialfag for å dekkje utgifter til reise og innkvartering for rektor ved School of Social Work, Mangalore. Dette med ei klar forventning om at instituttet legg opp programmet for besøket og held kontakt med den inviterte. Støtta vert overført ISF etter at ein kan vise til reiseutgiftene.

3 17/14 B) Reisestøtte til Rolf Werenskiold University of Cape Town, Sør Afrika Internasjonalt kontor har vorte kontakta av Rolf Werenskiold på Avdeling for Mediefag som reiser til Cape Town i Desember Han tilbyr seg å fungere som kontakt for HVO og stille i møter med University of Cape Town for å få til ein utvekslingsavtale med dette universitetet. Som motyting ber han om at Internasjonalt utval dekkjer reiseutgiftene tur/retur Volda Cape Town. I møtet: Det var einigheit om at det er fornuftig å gi ein kompensasjon til Werenskiold dersom han bruker av ferien sin til å representere HVO opp mot partnaruniversitet. Alle ser også at det er ein billeg måte for HVO å sende ein representant til Cape Town. Dersom Werenskiold sender inn ein søknad på førehand og fortel kva han har tenkt å gjere, samt representerer heile høgskulen i møte med University of Cape Town stiller alle seg støttande til ei slik ordning. Internasjonalt utval tildeler reisestøtte for flybillett tur/retur Volda Cape Town for Rolf Werenskiold dersom han representerer HVO i eit møte med Internasjonalt kontor ved University of Cape Town. Han må levere ein søknad som viser til kva han vil gjere på vegne av HVO og ved retur til Volda sende inn ein rapport som skildrar møtet og inntrykket av universitetet. Sak 18/14 Møtedatoar for Internasjonalt utval våren 2015 Det er viktig å setje av møtedatoar for neste vår, men vi kjem ikkje med noko konkrete forslag til datoar før møtet ettersom det er uklårt kva dagar som passar best. Likevel vil vi foreslå nokre veker for møter. Framlegg til vedtak: Veke 4 i forkant av Internasjonal veke, men etter semesterstart Veke 11 i midten av mars og før norsklærarkonferanse Veke 19 i starten av mai, før eksamensperioden tek til Onsdagar passar best, og tidspunktet 14:15 passar best p.g.a. undervisning for studentreprensentanten. Møta vart satt til: Onsdag 28. januar 2015 Onsdag 18. mars 2015 Onsdag 06. mai 2015

4 Sak 19/14 Innspel til KD strategi for høyere utdannings- og forskingssamarbeid HVO har blitt bedt av KD om å kome med innspel til strategiarbeid for høgare utdannings- og forskingssamarbeid med dei prioriterte partnarlanda utanfor EU. Desse landa er Brasil, India, Japan, Kina, Russland og Sør-Afrika (BRICS-landa). KD ynskjer å lage ein strategi som gir ei meir målretta, heilheitleg og koordinert utdannings- og forskingssamarbeid med desse landa. Strategien skal leggast fram i 2015 og gjelde for perioden KD ynskjer å vite kva rolle og kva betydning som vert lagt i HVO sitt samarbeid med aktørar i desse landa og ber om konkrete innspel til strategien basert på våre erfaringar og kunnskapar. HVO er i svært liten grad involvert i utdanningssamarbeid med Brasil, Sør-Afrika, Kina og Japan. Det har vore eit visst samarbeid med institusjonar i Asia, spesielt då Austral-Asia kulturstudie vart tilbydt, men dei siste par åra har vi ikkje hatt noko institusjonelle tilknytingar hit. Sør Afrika er eit land Internasjonalt kontor prøver å etablere kontakter i, men som vi per i dag ikkje har nokon partnarinstitusjonar. Animasjonsprogrammet ser mot Japan for samarbeid, men har per i dag ikkje klart å finne noko nære institusjonelle partnarar. Difor meiner Internasjonalt kontor at vi kan fokuserer diskusjonen på samarbeid med Russland og India. Sjå vedlagt høyringsbrev frå KD (Vedlegg 19/14) og merk spørsmåla vi skal svare på (side 3-4). Framlegg til vedtak: Internasjonalt kontor vil gjerne at HVO svarer på denne høyringa og at vi i vårt svar til KD viser at vi, som ein middels stor høgskule, har nære og strategisk viktige samarbeid med større institusjonar i Russland og India, samt at vi ynskjer å utvikle samarbeid i Japan og Sør-Afrika. For HVO sin del, er det avgjerande at ein kan søkje om ekstra midlar gjennom t.d. SiU for å kunne finansiere slike samarbeid og det meiner vi også bør vere eit av våre poeng i svaret til KD. Internasjonalt koordinator tek kontakt med leiinga for å skrive eit høyringssvar. Ein prøver å formulerer seg kort, presist og sakleg. Internasjonal koordinator dreg inn relevante personar på AMF, ASH, samt FOU-rådgjevar for innspel til høyringssvaret. Studiedirektøren sender høyringssvaret til KD på vegne av HVO.

5 Sak 20/14 Beredskapsplan for HVO-studentar i utlandet GS/ HVO har hatt eit tydeleg og etterlengta fokus på beredskap i det siste året, noko som kulminerte i ei veldig nyttig krise- og beredskapsøving i november Som eit ledd i at den generelle beredskapsplanen vart revidert, har ein også laga ein eigen beredskapsplan for HVO-studentar og tilsette i utlandet (Vedlegg 20/14). Internasjonalt kontor ynskjer å legge fram denne beredskapsplanen som ei orienteringssak for at IUmedlemmane skal vere klar over planen og for at dei skal kunne sjå nøye på ansvars- og rollefordelinga mellom Studieadministrasjonen og avdelingane. Beredskapsplanen baserer seg på at Fellesadministrasjonen og avdelingane er klar over kven som har ansvaret under ulike scenario og at ein føl nøyaktige administrative prosedyrar ved studieturar, utveksling og feltarbeid. Internasjonalt kontor er i ferd med å betre rutinar og informasjon knytt til sikkerheit i utlandet for HVO-studentar som reiser ut. I den samanheng er det nyttig å sjå på korleis Internasjonalt kontor og avdelingane kan jobbe saman og dele erfaringar. Vi ynskjer å lage ei brosjyre med viktig informasjon som kan sendast ut til alle studentar og tilsette som skal reise til utlandet. I møtet: Det har vore situasjonar tidlegare og denne beredskapsplanen er veldig nyttig for å sjå ansvarsfordelinga og rutinar ved kriser i utlandet. Samstundes kan det nyttast i arbeidet for å informerer studentar som reiser ut. Internasjonalt kontor synes det er nyttig å vise til arbeids- og ansvarsfordeling ved dei ulike studentgruppene. Det er nyttig at andre avdelingar/institutt veit om felles informasjon om beredskap. Hans Martin påpeika at HVO har ikkje noko kontaktinformasjon som studentar og andre kan nytte etter arbeidstid. Berre eit mobilnummer var tilgjengeleg for HVO på nett. Beredskapsplanen for studentar i utlandet inneheld ein del kontaktinformasjon (telefonnummer) som er utdatert og desse må takast bort. Elles er det viktig at planen vert kjend for så mange som mogleg, slik at IU-medlemmane var einig i at den snarast råd må leggast som eit vedlegg til generell beredskapsplan. Beredskapsplanen for HVO-studentar i utlandet vart gjennomgått av Internasjonalt utval og godkjend. IU ber om at utdatert kontaktinformasjon vert fjerna frå dette dokumentet og at den vert lagt til som eit vedlegg til den generelle Krise- og beredskapsplanen for HVO.

6 O-Sak 1: Orientering frå Erasmus-seminaret i Ålesund 1-2. desember Arne, Marthe og Iulia var på Erasmus-seminar i Ålesund 1-2. desember i regi av SiU (Senter for internasjonalisering av utdanning). Seminaret hadde fokus på Erasmus+ programmet og dei nye moglegheitene her. Sidan Internasjonalt kontor har som mål å verte eit kompetansesenter for program og ordningar vi kan søkje om midlar til, var det svært nyttig for oss å delta på seminaret. Utreisande Erasmus studentmobilitet gjekk på landsbasis ned 2.1% i skuleåret 2013/2014 (altså tal på norske studentar som utvekslar til Europa). HVO hadde eit normalt år i 2013/2014, men ser ei eksplosiv auke i Erasmusmobilitet for 2014/2015. Faktisk doblar vi tala frå 23 til 52 utreisande studentar innan Erasmusprogrammet. Dette er godt nytt, fordi det betyr at vi får betre balanse i våre utvekslingsavtalar med europeiske partnaruniversitet. Det er tidleg å sei om dette er ein langvarig trend. På seminaret vart HVO trekt fram som ein institusjon som er stor i bruken av lærar- og tilsettstipend under Erasmusprogrammet. Her er vi i det nasjonale tetsjiktet i absolutte tal. Vi er også blant dei største på praksismobilitet, men her er tala så lave på nasjonalt hald (berre 104 studentar fekk Erasmus-praksisstipend i 2013/2014) så her kan vi ikkje akkurat vere nøgd med eigen innsats. Ei viktig nyheit innan praksismobilitet, er at studentar no kan få Erasmus-stipend for å ha praksis ved norske ambassadar og konsulat i utlandet. For å kunne få Erasmus-praksisstipend, må studenten vere i utlandet i praksis i minimum 2 månader. I det nye Erasmus+ programmet er det to program som HVO er for liten til å kunne satse mot. Det gjeld Kapasitetsbyggingsprosjekt og Kunnskapsalliansar. Her må ein involvere minimum 6 partnaruniversitet i 3 ulike land, og søknaden vert sendt direkte til Brüssel. Internasjonalt kontor ser det kun som relevant å delta i slike prosjekt dersom vi vert invitert med av andre institusjonar som tek det koordinerande ansvaret. Derimot bør vi fortsette med å søke om Strategiske Partnarskap innan Erasmus+. Her er det krav om minimum 3 institusjonar frå 3 land og søknaden går til SiU. I 2014 var det 17 søknader og 5 prosjekt som vann fram. HVO vil truleg søke på Strategisk Partnarskap for fagmiljøa i Animasjon og Playfull- Truth (AKF), samt at Kunst og handtverks-seksjonen er invitert inn i ein søknad der NHL Leeuwarden er koordinator. Vi som var på seminaret fekk trening i søknadsskriving og tips om korleis ein skal skrive ein slik søknad. Fristen for å søke Strategiske Partnarskap er

7 O-Sak 2: Status for inn- og utreisande utveksling 2014/2015 Innreisande studentar våren 2015: HVO har ein rekordstor pågang for våren 2015 og dette er vi godt nøgd med. Per d.d. er det 67 utvekslingsstudentar som kjem til HVO neste semester. Desse kjem utelukkande frå Erasmuspartnarinstitusjonar (altså frå Europa), bortsett frå 3 studentar frå Finland som kjem på ein Nordplusavtale, og 2 studentar som kjem frå vårt samarbeidsuniversitet i Manipal (India). Dei to studentane frå India får stipend frå AMF og Internasjonalt kontor, som IU tildelte hausten HVO har normalt sett slitt med å rekruttere utvekslingsstudentar til vårsemesteret og det er fyrste gong vi får meir enn 60 studentar. Dette er gledelig fordi det også betyr at vi får studentar til alle engelske emne som vi tilbyr dette semesteret, minus dramaemnet From Ibsen to Fosse (på AKF) som må kansellerast. Utreisande studentar våren 2015: Talet på utreisande studentar er nokså stabilt frå år til år. Til våren sender HVO ut 31 studentar. Dei fleste kjem frå Animasjon (8), PR-Kommunikasjon (12) og MID (6) Friluftsliv/Idrett (5). Her er vi veldig nøgd med interessa for utveksling på animasjon, medan vi er skuffa over at vi ikkje klarer å sende ut ein einaste student frå Grunnskulelærarutdanninga (GLU). I fjor var det 5 utvekslingsstudentar på GLU, men no er vi altså ned til ingen. Her må det gjerast ein innsats. Ei stor endring for utreisande studentutveksling er at vi no ser at studentane vel bort USA og Australia til fordel for Europa. Dette er gledelig fordi vi då nyttar fleire gode avtalar som har vore ubrukt tidlegare og fordi vi får betre balanse i utvekslinga med europeiske partnarinstitusjonar. Men det er for tidleg å seie om denne endringa er noko som vil vare til neste år. For skuleåret 2014/2015 har vi 78 utvekslingsstudentar og 49 av desse reiste på Erasmus-avtalar.