Rekrutteringsplanen gjeld kommunikasjons- og sørvistiltak knytt til:

Transkript

1 Informasjonskontoret Til: Dekanmøtet ved HVO Frå: Informasjonsleiar Brandal Dato: Emne: Status rekrutteringstiltak medio januar 2011 Eg vil her gjere greie for status for gjennomføringa av rekrutteringstiltaka som er omtala i gjeldande rekrutteringsplan (styresak 58/2010). Eg vil først minne om: Rekrutteringsplanen gjeld kommunikasjons- og sørvistiltak knytt til: rekruttering av studentar til heiltids- og deltidsstudium ved HVO søknad og opptak (søkjaren sin veg til Volda) studiestart og mottak av nye studentar Planen er skriven av informasjonsleiar Brandal i nært samarbeid med dei tilsette på informasjonskontoret, studiesjefen og høgskuledirektøren. Vi har fått nyttige innspel frå Redaksjon for studieinformasjon med medlemmer peika ut av dekanmøtet. Rekrutteringsplanen har også vore oppe på møte i strategisk studienemnd (sak 41/2010). Planen har fanga opp signal frå styreseminaret 28. og 29. oktober. Det er informasjonskontoret som i hovudsak planlegg, budsjetterer og gjennomfører kommunikasjonstiltaka som er nemnde her. I arbeidet søkjer vi eit nært samarbeid med studieadministrasjonen, KEV og avdelingane. Planen vart lagt fram for HVO-styret i desember Statusrapport tiltak 2011 Tekst med innrykk er frå rekrutteringsplanen. HVO-veven 2.5. Brukarundersøking HVO-veven Målgrupper og målsetting Informasjonskontoret har i haust gjennomført ei brukarundersøking med det føremål å betre brukaropplevinga og få fleire søkjarar. Primær målgruppe var heiltidsstudenten (18-24 år). Sekundær målgruppe: deltidsstudenten Kort om funna Resultata frå undersøkinga tyder på at vi prøver å adressere for mange målgrupper på framsida ( Det gjer det vanskeleg for søkjaren å skilje ut kva som er viktig for han/ho. Sida kan ved første augekast verke oversiktleg, men der er så mykje info at brukaren vert usikker. Når ein kjem inn til eit studium under portalen Studietilbod er studieomtalen for Side 1 av 17

2 lang, for store avsnitt, faktaboksen kjem under scrollenivå, bilete konkurrerer med profil, mellomtitlar er ikkje forklarande og språket er tungt Tiltak/framlegg til endringar I korte trekk kan ein seie at framsida har for mange kompromiss for å stette dei ulike målgruppene like mykje. Infokontoret vil presentere eit justert design som betre reflekterer prioriteringane av målgrupper. I dette forslaget vil vi foreslå betringar i navigasjon og funksjonalitet. Når det gjeld studieomtalar er denne teksten konstruert for trykk. Eit utval som arbeidar med studiekatalogen har allereie gjort ein del endringar til neste års katalog. Her skal teksten ha nettsidene som utgangspunkt. Mellomtitlar er endra i kladden til neste års katalog. Vi vil lage skisser med forslag til betring av design/navigasjon HVO veven (tiltak) Optimalisere brukaropplevinga for søkjarane på heimesida, i portalen Studietilbod og i studiekatalogen på nett. Status: Problem med infrastruktur For å få til dei løysingane vi ser føre oss, er vi avhengige av ein infrastruktur/publiseringssystem som fungerer. Diverre har vi stadige problem med Nexus studiehanbok/studiekatalog og Nexus som firma, og vi har vore nøydde til å gripe fatt i desse utfordringane på ein betre måte. Det har teke tid og ressursar. Utfordringane vert tekne opp i Nexus-gruppa (SA, info, IT) der underteikna no er sekretær. Nexus studiehandbok Høgskulane i Møre og Romsdal og Høgskulen i Sogn og Fjordane gjekk saman med Nexus i Ålesund for å utvikle løysingar for framstilling og publisering av studieinformasjon i 2003 (støtta av Møre Universitet ). Det har perioden etterpå vore til dels stor misnøye med Nexus som firma og Nexus studiehanbok/studiekatalog. Etter eit initiativ frå Nexus-gruppa ved HVO der vart det skipa til ei samling på Nordfjordeid tidleg i januar Dette er noko av det som ein vart samde om på Eid: Felles prosjektet Studieinformasjon på nett Dette prosjektet skal vere eit samarbeid mellom høgskulane i Møre og Romsdal og Høgskulen i Sogn og Fjordane. HVO, som lanserte ideen, fekk i oppgåve å reinskrive mandatet. Møtet i Nordfjordeid vart samde om følgjande målsettingar for prosjektet: sette opp ein funksjonell kravspesifikasjon for eit system som skal framstille og publisere studieinformasjon vurdere dagens løysing (Nexus studiehandbok) mot ei slik ideell løysing skaffe informasjon om alternative løysingar, kven som brukar dei, kva erfaringar som finns kome med tilrådingar Dette skal vere eit arbeid som aukar bestillarkompetansen vår, gir betre innsikt i utfordringane vi har på området, kva som skjer i sektoren, samspelet mellom ulike system osv. Ingen av høgskulane forpliktar seg til å følgje eventuelle tilrådingar frå dette (for-) prosjektet. På møtet på Eid vart Side 2 av 17

3 høgskulane samde om å setje ned ei prosjektgruppe med to repr. frå kvar høgskule. Samtalane viste at følgjande kompetanse bør vere i gruppa: inngåande kjennskap til (internt og eksternt) rammeverk for studieinformasjon og dei oppgåvene som må løysast i samband med framstilling, kvalitetssikring og publisering av studieinformasjon (med vekt på studieplanar) inngåande kjennskap til samspelet (informasjons-/dataflyt) mellom ulike informasjonssystem internt og eksternt informasjonsfagleg kompetanse (presentasjon for sluttbrukar) IT-kompetanse (informasjonssystem og arkitektur) kompetanse på FS Det ligg i korta at HVO har sett av for lite ressursar til drift og vedlikehald av dette og liknande studieadministrative system. Heimesida vår Ei reinare framside. Twitter-melding oppe til høgre (om kvar vi er på yrkesorienteringar) Side 3 av 17

4 HVO-veven: Kortsiktige tiltak I første fase har vi gjennomført ei endring av tekstpresentasjon, justert til eit meir direkte og optimalisert design, samt gjort inngangen frå framsida meir direkte og betre forklarande. Det er fokusert på bilete, oversiktleg navigasjon og betre struktur. Oppgåve Status Ansvar Omtalar 99 % ferdig Torill Faktainformasjon 99 % ferdig Torill Banner Ferdig Eirik Framsida på Studietilbod Ferdig Eirik Presentasjon av dei enkelte studia 90 % ferdig Eirik Leve og oppleve (kat.) Under arbeid Eirik og Kristian Profilar 90 % ferdig Eirik og Helle Katalogar i PDF versjon på nett Ferdig Eirik Omtalar Alle omtalane er komne på plass med nokre unntak (der vi ikkje har fått studieplanar, ofte 15 stp. emne). Nye inndeling av teksten er som følgjer (utforma i samråd med utvalet dekanmøtet peika ut): Kvifor velje dette programmet? Kva lærer du? Oppbygging og gjennomføring Jobb og vidare studium Eit semester i utlandet Om arbeidet med studieomtalane (for tilbod søkjarane kan søkje på i SO/lokalt opptak) Omtalar til studium, det kan søkjast på, er utforma etter felles mal og publiserte på HVO-veven. Det manglar framleis nokre få vidareutdanningstilbod på grunn av manglande studieplan eller anna informasjon frå fagmiljøa. Studietilbod på engelsk er diverre ikkje lagde inn, då vi manglar malane i Nexus. Vi kjem til å gjere denne jobben for Internasjonalt kontor, så snart malen er klar. Studieomtalane er i mange tilfelle omskrivne og forkorta ein god del i høve det avdelingane opphavleg har levert frå seg. Dette var nødvendig for å få til mest mogleg like framstillingar. Etter at tekstene var ferdigstilte, vart dei sende ut til avdelingane for godkjenning. Frå mange fagmiljø kom det aldri noka tilbakemelding. Vi vil gjere merksam på at det i kontaktinformasjonen i den trykte utgåva av studiekatalogen er oppført feil namn på nokre studium, men dette har sin årsak i at kontaktinformasjonen i Nexus ikkje var oppdatert frå avdelingane si side. Om ein ser på heile prosessen, er det positivt at vi no har fått ei form på studieinformasjonen/studieomtalane, som neste år kan perfeksjonerast og skreddarsyast endå meir mot målgruppene. Vi har kategorisert tilboda i Nexus, slik at søkjemotoren skal vise dei same kategoriane som vert brukte i trykksakene. Dette er viktig når det i til dømes foldaren for deltidsutdanningane berre vert Side 4 av 17

5 vist til studienamn og organisering. Vi har i tillegg prøvd å bruke same sentrale omgrep på alle studietilbod. Faktainformasjon Studiepoeng/lengd, opptakskrav, søknadsfrist, søknadskode, kontakt fagansvarleg er på plass på alle studia, med unntak av dei studia som vi ikkje har fått studieplanar på. Enkelte opptakskrav på til dømes mastergradene er veldig lange. Dette ser ikkje bra ut på sidene. To alternativ. Vi har framleis ikkje fått på plass løysing med pop-up på opptakskrav. Må også gå inn på alle studia og bytte om Bachelorgradstudium med Bachelorgrad. Same med Mastergradsstudium og Mastergrad. Implementering av kampanjefargar på nettsidene Avtalen var å få eit utkast til kampanjefargar for deretter og teste den i Color contrast analyzer. Kravet frå WAI og kvalitetsvurdering for offentlege nettstadar er at fargar skal ha eit kontrastforhold på meir enn 4,5:1. Hovedfargen var langt under dette og vi kunne difor ikkje bruke den i menyen. Vi bestemte oss difor for å bruke sekundærfargen som gir oss meir enn god nok kontrast. Banner på heimesida Nytt banner i tråd med designelementa i rekrutteringskampanjen 2011 (nasjonal profilering av journalistutd./media). Tydleg knapp til Finn eit studium. Ny funksjonalitet med høve til å gå direkte til ferdige søk på bachelor, master, årsstudium og heiltid, deltid og nett. Portalsida Studietilbod Nytt oppsett av framsida på Studietilbod. Den nye sida viser fagområda våre, og går til Nexusutlistinga av studietilba under dei ulike fagområda. Det er brukt ulike profilbilde for å gjere sida meir visuell. Det er også satt inn ein generell tekst som er beskrivande for det enkelte fagområdet. Vi synest at dette er ei betring i forhold til det som var før (sjå under). Side 5 av 17

6 Side 6 av 17

7 Presentasjon av dei enkelte studia Den nye skissa over har prøvt å gjere noko med det vi lærte av brukarundersøkinga: Smulesti som viser kvar du er i strukturen Større tekst i overskrifta Ny funksjon. Bildevisning som roterer i fleire ulike bilder. Er ikkje lagt inn på alle studia endå, men målet er å få inn på bachelorgrader og mastergrader så fort som råd. Omøblering av element. Vi har trekt opp faktaboksen og laga den om til punktlister. Knapp som går til informasjonsside hjå SO eller lokalt opptak avhengig av kva søknad studiet har. Nye inndelingar av teksten. Møt ein student skal gå til Neted-side slik at vi har plass til meir informasjon. Brukarundersøking peikte på at det var ein dårlig ide å ha lengre tekst i denne boksa. Studentprofilane ligg i Neted-strukturen. Minus at vi ikkje kunne bruke studentprofilane med den lengden dei hadde. No er dei veldig korte. Gjenstår å lenke opp. Innhald i ressursboken vil ein legge inn etter ynskjer. Diverre har Nexus hatt store problem med å levere denne sida. Skissa blei sendt til Nexus medio desember, og er enno ikkje heilt ferdig. Vi skal ha (krise-)møte med Nexus om m. a. dette denne Side 7 av 17

8 veka. Nexus-problema fører til utsettingar og problem i andre prosjekt, det låser opp for mykje ressursar for lenge.stort problem. Presentasjon av søketreff i søkemotoren Ny presentasjon av søketreffa i søkemotoren. Mykje tydlegare inndelt og meir oversiktlig enn før. Denne sida er heller ikkje i mål grunna Nexus. PDF-versjon av katalogane på nett Vi har også lagt ut katalogane PDF-versjon på nettsidene våre. Nytt i år eg at vi også har fått på plass ein interaktiv Flash-visning av PDFane som maksimerer brukeropplevelsen av å bla i katalogane. Side 8 av 17

9 HVO-veven: Langsiktig plan og tiltak Gilje vil utarbeide eit forslag til utbetringar på nettsidene med bakgrunn i HVO sitt reviderte vevdokument, brukarundersøkinga h-2010 og input frå ulike møte. Dette forslaget skal presenterast for HVO sitt vevutval og testast ut på dei ulike målgruppene. Yrkesorienteringar og messer Yrkesorientering (YO) i vidaregåande skular og folkehøgskular i M&R og S&Fj I grove trekk som før med presentasjon av HVO for alle i fellesareal og møte med grupper og enkeltpersonar i klasserom. Virkemiddel: personleg kommunikasjon, HVO-filmen, PowerPoint, katalogar og brosjyrar. Annonsering i førekant. Utstrakt bruk av studentar Utdanningsmesser Ålesund, Bergen, Trondheim, Oslo og Lillestrøm. Sentrale virkemiddel: stand med ymse AVutstyr, katalogar og brosjyarar, personleg kommunikasjon. Utstrakt bruk av studentar. Status: Vi kontakta alle avdelingane med omsyn til å rekruttere studentar til desse aktivitetane. Vi har lagt stor vekt på å få studentar frå alle avdelingane, men det har ikkje vore så lett å få til. Dei vi har valt ut har teke del på kick-off samling og fått opplæring i regi infokontoret. Side 9 av 17

10 Til no (på yrkesorienteringar i S&Fj, sjå oversikt) har vi brukt studentar frå journalistutdanninga og sosialfagutdanningane. Informasjonsmateriell: HVO-film (held seg bra), dei nye katalogane, PDFversjon på videokanon under orienteringar i klasseromma. Første utdanningsmessa (Lillestrøm) blir avvikla denne veka. Standen er bygt på same lesten som har hausta fleire prisar dei siste åra, men er oppdatert med kampanjeelementa 2011 (nye fargar, nytt bilde av journalist, studia osv) Standen er to-delt: ein kosekrok med fokus på Volda som ein stad å leve og oppleve, og ein fag-del. På messa i Lillestrøm har vi studentar frå info (stor interesse for media på desse messene) og sosialfag Karrieredagar og Utdanningsdagar Møre og Romsdal fylke, vidaregåande skular og grunnskular Høgskulen i Volda ved informasjonskontoret og KEV er med i eit samarbeid (partnarskap) med Møre og Romsdal fylke, grunnskulane og dei vidaregåande skulane på Søre Sunnmøre. Samarbeidet har sitt utspring i det såkalla Karriereprosjektet til Møre og Romsdal fylke og faget Utdanningsval i grunnskulen. Ei sentral målsetting er å redusere fråfallet i vidaregåande skule. Partnarskapen har følgjande samarbeidstiltak i 2010: Karrieredagar for 10. klassene i grunnskulen Utdanningsdagar for elevar i den vidaregåande skulen på Søre Sunnmøre. Begge arrangementa finn stad på Høgskulen i Volda. Partnarskapen utfordrar samfunnsansvaret vårt og her ligg moglegheiter for rekruttering Karrieredagar og Utdanningsdagar I grove trekk som i Vi vil søkje å minimere belastninga for avdelingane under Karrieredagane Status Vi har hatt møte med M&R fylke om evaluering av Karrieredagane Representantar frå alle dei fem lokasjonane som hadde arrangert karrieredagar var til stades på møtet. Alle dei frammøtte var samde om at Karrieredagane bør vidareførast, og fylkeskommunen vart oppfordra til å finne midlar til å dekke elevtransport og regionkoordinering. Det var forståing for at utdanningsavdelinga sin Side 10 av 17

11 koordineringsrolle bør avgrensast. Fylket må spesifisere betre bestillinga si til regionnivået. Invitasjonen til ungdomsskulane bør også gå frå fylkeskommunen. Det var semje om at Anita Steinbru skulle prøve å finne finansiering til vidareføring. Fleire aktørar var villige til å ta på seg eit større gjennomføringsansvar for å få dette til framover også. Fylke såg positivt på den modellen HVO hadde valt under Karrieredagane Trykksaker Studiekatalog Den vil bli distribuert på YO, messer, K-dagar, Utdanningsdagar, DM til elevar i vidaregåande skular i S&Fj og M&R Trykksak for bachelor- og yrkesutdanningane Distribusjon (sjå ). Dei vil også bli distribuerte av tilsette og studentar knytt til dei ulike studieprogramma Deltidskatalog Vi vil lage ein katalog med relativt korte studieomtalar og vise til meir informasjon på HVOveven. Distribusjon: DM til aktuelle sektorar og målgrupper Fagområda og dei enkelte studietilboda Vi registrerer at avdelingane og institutta i større og større grad ønskjer særskilde kommunikasjonstiltak for fagområde med tilhøyrande studieportefølje. Når det gjeld tiltak retta mot heiltidsstudenten, vil informasjonskontoret måtte prioritere tiltak for årsstudium og bachelor-/yrkesutdanningar, eventuelt nye studium og studium med rekrutteringsproblem. Tiltak her krev tett eit samarbeid med avdelingane og fagmiljøa både på strategisk, operativt og økonomisk Mastergradene Mastergradene våre har fått eigne brosjyrar for distribusjon til relevante målgrupper. Merkevarebyggande element her er studentprofilar, kompetanse og FoU mastertilbodet er tufta på, allierte og samarbeidspartnarar osv. Status: Vi har fanga opp to tydeleg signal frå dekanmøtet/arbeidsgruppe for studieinformasjon og HVOstyret: Vi bør satse på HVO-veven og redusere omfanget på trykksakene. Kreativt konsept: info og designer Lewe har kome med forslag, og dette er blitt godkjent av infokontoret, studiesjefen (med int. leiar) og sjølvsagt redaksjonane for dei ulike produksjonane. Ein serie. Når det gjeld studiekatalogane på norsk (red: Alnes, Lewe, Smit, Engeseth, Hamre, Brandal) og engelsk (red: Alnes, Wilhelmsen, Iulia, Brandal, Lewe), deltidskatalogen (red: Engeseth, Nes, Bech, Brandal, Hamre, Lewe) og brosjyren Velkomen til Volda/Welcome to Volda (red: infokontoret, int. kontor, Lewe) har vi no for første gong greidd å samle dei i ein serie med same kampanjedesign. Studieomtalane er mykje kortare enn før, og det heile er tufta på at komplette tekstar presentert på ein god og inspirerande måte finns på HVO-veven. Side 11 av 17

12 Studiekatalogen for HVO er mindre i omfang, og har blitt delt i to: ein del for studieomtalar og ein del for leve og oppleve. Den siste skal også erstatte HVO-magasinet som vi har brukt å sende ut i juni til dei som får tilbod om studieplass. Den internasjonalestudiekatalogen og deltidskatalogen har leporello-formatet (utbrettbar) Andre trykksaker Vi er i ferd med å lage brosjyrar for bachelor- og mastergradane for dei institutta som vil ha det. Vi er ein månad på etterskot her p.g.a. problem med NEXUS (sjå over) vi må få løyst. Vi skal ha møte med NEXUS torsdag 20. januar. Side 12 av 17

13 Nokre avdelingar melder inn spesielle, og vi er i gang med å adressere desse utfordringane. Vi skal ha t. d. ha møte med AKF den 24. Vi vil prioritere studieinformasjon til nye studium og studium som slit med rekrutteringa. (Sjå notat Gilje). Rådgjevarsamling Rådgjevarsamling - rettleingsteneste - besøksteneste Vi vil saman med dei to andre høgskulane i fylket arrangere samling for rådgjevarar i vgs. og grunnskulen i januar Sentral målsetting: Oppdatere rådgjevarane på studietilboda vi har. Informasjonskontoret vil også ta i mot elevgrupper til rettleiing og omvisning når dei ber om det. Status: Vi deltok på Rådgivarseminar på Molde i førre veke. Seminaret var eit samarbeidsprosjekt mellom dei tre høgskulane i fylke og omfatta rådgivarar frå heile Møre og Romsdal. Det møtte opp over 40 rådgivarar på seminaret, men diverre berre ein frå Søre Sunnmøre. Vi hadde innlegg om karriererettleiing i grunn- og vidaregåande skular og partnarskapsavtalen vi har inngått med dei vidaregåande skulane i regionen. Dei andre regionane ønskte å få i stand tilsvarande samarbeidsprosjekt. Alle høgskulane presenterte studietilbodet for Annonsar Annonsar Vi vil bruke annonsar i dagspresse, fagpresse, magasin, Internett m.m. for å minne om og vise veg til meir informasjon om HVO og studietilboda på HVO-veven, på utdanningsmessene, yrkesorienteringane osv Nasjonal posisjonering Nasjonalt assosierer svært mange HVO (og Volda) med medieutdanningane generelt og journalistutdanninga spesielt. I tillegg har studentmiljøet eit godt rykte. I nasjonale tiltak legg vi opp til ei tydleg profilering av mediefaga, journalistutdanninga og studentmiljøet Regionalt Regionalt må vi gå breiare ut det er her vi rekrutterer storparten av studentane våre. Her må vi vise at vi er ein utdanningsinstitusjon med internasjonal kvalitet med hovudvekt på bachelor- og masterutdanningar for utdanning, velferd, media og kultur og som byggjer på det fremste innan forsking, fagleg og kunstnarleg utviklingsarbeid og erfaringskunnskap. Internasjonalsering og vår rolle innan etter- og vidareutdanning er også viktige aspekt her. Status: Den nasjonale (annonse-)kampanjen fokuserer på journalistutdanninga/media. Side 13 av 17

14 Najonalt har vi t.d. innrykk i Messeavisa TaUtdanning med eit opplag på (også bilag i VG). Denne vert distribuert til alle vgs., forsvaret, utdanningsmesser, ulike relevante kontor m.m. Den regionale kampanjen fokuserer på dei BA/profesjonsstudia og prøver å profilere dei prioriterte fagområda. Under er døme på annonsar i lokalaviser vi nyttar rundt YO i vidareg. skular i M&R og S&Fj. Vi nyttar studentprofilar som blikkfang. Regionalt er vi også med på lokale utdanningsbilag for avisene på Sunnmørsposten og tre-fire andre inkl. Regionavisa, som vi ha eit utdanningsnummer med fokus på Volda i februar. Side 14 av 17

15 Nettannonsering har fått større fokus enn nokon gong. Nasjonalt er dette fokuset framfor trykte annonser. Russ.no, Studentum.no, Utdanning.no, Studievalg.no er dei største kanalane. Gjennom russ.no sender vi ut ein e-post til alle elevane i tre fylker. Denne skal sendast i mars. I tillegg vert det sendt ut ein e-post til dei som har eit friår mellom vgs. og høgre utdanning. I Russ.nosystemet har vi ei eiga fanside som potensielt russ kan verte tilhengjar av, og få beskjedar frå. Her legg vi ut rikt innhald frå Volda. Sida minner om ei Facebook-side. På Studentum og Studievalg har vi eigne sider med innhald som vi oppdaterer sjølve. Her ligg bilete, oppdaterte studiumlister og kontaktinformasjon. Desse er under arbeid. Studentum har fått stoffet, men Studievalg kan jobbast meir med. Utdanning.no har fått eksport av alle studium i den oppdatert studiekatalogen på nett. (136 stk) Sosiale medium Sosiale medium Vi vil aktivt bruke YouTube, twitter og Facebook i rekrutteringsarbeidet. Status: Facebook er tidlegare brukt til bilete, film og lenker tilbake til nyheiter på HVO-veven. Dette er ikkje gjort systematisk enno i år, og må lagast ei rutine for. Første punkt kunne vore å gjere sosiale media meir tilgjengeleg på HVO-veven og gjennom anna eksternt materiell. Twitter er no brukt til melding om ting som skjer på campus eller melding om at vi er på veg til ein skule eller ei messe. YouTube. Vi lagar og legg ut (andre sine) filmar på denne kanalen. Andre tiltak GNIST Andre Informasjonskontoret vil generelt vere opne for samarbeid med elle interessentar om rekruttering viss det ligg innanfor mål og rammer vi har for denne verksemda. Status: Underteikna har vore invitert til regional GNIST-gruppe to gonger. Etter forslag frå informasjonsleiar ved HVO, vil GNIST regionalt gjennomføre følgjande tiltak 2011: stand på yrkesorienteringar i vidaregåande skular i M&R fagdag for lærarstudentar og arbeidsgjevarar i Volda i april etablering av ein pris for godt pedagogiske arbeid i skulen Side 15 av 17

16 Skisse til stand for regional GNIST-kampanje Ein kombinasjon av KD/GNIST og HVO i samråd med KD. Design:pab Fagdag i april: Deltakarar: skulefagleg ansvarlege kommunenivå, rektorar, våre studentar på lærarutdanning : Fagleg program for alle - også studentar - Store BK : Utdeling av Utdanningsprisen : Lunsj + vrimling: kommunar kan kome i kontakt med studentar - kantina BK : Skuleeigarrolla: innlegg + diskusjon - BK + kantina : Middag Dokfilm Det er sett i verk ei kampanje for dei nye dokumentarfilmstudia. Her vert det fokusert på nettbasert annonsering. Studentar står for produksjon av materiell til m.a. Filmweb.no. Dypvik og Gunnar Strøm har vore med i innleiiande fase. Sosialfaga Avdeling for samfunnsfag og historie har søkt og fått midlar til ei eiga kampanje for sosialfaga. Kontorsjef Dagfinrud har signalisert at med visse justeringa det er berre å setje verk dei tiltaka vi brukte i fjor, og at ei studentdriven bloggside var ønskjeleg i tillegg. Denne sida kunne samle positive erfaringar frå studentane, spesielt frå studentar som var på utanlandsopphald, gjerne frå Afrika og Side 16 av 17

17 Sør-Amerika. Det er ikkje gjort noko formelt eller vore møte om dette. Det er ikkje sett ned ei gruppe til å arbeide med det heller. Informasjonsutdanninga PR, kommunikasjon og media ønskjer å halde oppe trøkket for dette studiet. I fjor var nytt namn noko som ein trur hadde noko å seie for rekrutteringa, men det var ikkje gjort noko tiltak for å kunngjere verken det nye namnet eller studiet i seg sjølv. Norsk 2 har fått laga ei ny brosjyre. Historie har ytra ynskje om hjelp og tilrettelegging for fornying av nettsidene sine. AKF har bedt om møte om tiltak 24. januar Side 17 av 17