Vinje kommune. Økonomi, plan og utvikling

Transkript

1 Vinje kommune Økonomi, plan og utvikling Arkiv saknr: 2010/451 Løpenr.: 6401/2011 Arkivkode: Utval Møtedato Utval Saksnr Plan og miljøutvalet /42 Kommunestyret /50 Sakshandsamar: Lotte Næss Detaljplan for Svarttjønnåsen, endring av reguleringsplan for ʺAvkøyringar E134...ʺ, oppheving av utbyggingsplan for Fjellstad 99/1 2 gongs handsaming og endeleg vedtak Vedlegg: 1 Framlegg til endra plankart Svarttjønnåsen 2 Framlegg til føresegner Svarttjønnåsen 3 Gjeldande plan Svarttjønnåsen 4 Gjeldande plan ʺAvkøyringar E134...ʺ 5 Plankart med illustrasjonar 6 Brev frå Berge sag as 7 Vedlegg til Berge sag tomter Vedlegg til Berge sag tomt Vedlegg til Berge sag parkeringsplass 10 Brev frå Torill og Tollef Nordvik 11 Plan og miljøutvalet Dokument i saka: Plm sak 10/107 med dokument Vinje kommune, brev om offentleg ettersyn Merknader ved offentleg ettersyn : Vest Telemark Kraftlag AS Telemark fylkeskommune Fylkesmannen i Telemark Statens vegvesen Svarttjønnåsen hytteforening

2 Berge Sag Magnus Rydland Inge Taranger Torill og Tollef Nordvik Hildur Grainger og Hans Kristian Dahl Jan Egil Apeland, Åsmund Hamre og Geir Grindheim Anine Kongshavn og Mads Ramstad Berit Aalmo og Atle Strønstad Bakgrunn: Plan og miljøutvalet vedtok , sak 10/109, å leggje framlegg til endra reguleringsplan (detaljplan) for Svarttjønnåsen ut til offentleg ettersyn i samsvar med plan og bygningslovas 12 3 og I same møte, same sak, vart det vedteke å endre reguleringsplanen for Avkøyringar E134 frå eigedomane gnr/bnr 99/1, 99/3, 99/8, 99/10 og å oppheve utbyggingsplan for Fjellstad 99/1. Framlegga vart lagt ut til offentleg ettersyn ved brev , med frist for merknader Merknadene som er kome inn vert referert og vurdert nedanfor. Vurdering: Vest Telemark Kraftlag AS Det har dei siste åra vore ei enorm turistutbygging i området. Dagens straumforsyning går til frå Kjela kraftstasjon over ein 22 kv linje til Vågslid/haukeliseter. Dette er den einaste forsyninga til området, og er ikkje dimensjonert for den utbygging som det ser ut til å bli. Dei har hittil klart lastaukene, og det er fleire godkjende reguleringsområde dei meinar dei skal klare å forsyne. Slik stoda er i dag kan dei ikkje love straumforsyning til nye område. Dette gjeld òg dei nye tomtene, og bygg for butikk og service denne endringa legg til rette for. Dei er i gang med planarbeid for å løyse desse problema. Rådmannens vurdering : Ein tek merknaden til vitande. Dette er ein utfordring i høve til framdrift /iverksetting av reguleringsplanar framover, ikkje minst når nye utbyggingsynskje blir lagt fram i samband med rullering av kommunedelplan Vågsli. Telemark fylkeskommune har ingen merknader. Fylkesmannen i Telemark har ingen merknader. Statens vegvesen Rår til at planområdet for reguleringsplan for Svarttjønnåsen blir utvida slik at reguleringsplan for Avkøyringar frå E134 blir innlemma i reguleringsplan for Svarttjønnåsen langs heile planområdet for Svarttjønnåsen. Dette vil gi betre oversikt ved at kryss med E134 inkludert siktkrav er i same plan. I så fall må føresegnenes punkt 1 d) skrivast om tilsvarande, punkt 5.2. c) i føresegnene i planen for E134 må inn i planen for Svarttjønnåsen, og det må et punkt i føresegnene om at terrenget i frisiktsonene ikkje skal

3 vere høgare enn tilstøytande køyrebane, og at sikthindrande vegetasjon og gjenstandar høgare enn 0,5 cm ikkje er tillete i frisiktsonene. Rådmannens vurdering : merknaden vert teken til fylgje. Svarttjønnåsen hytteforening Framlegget om å endre reguleringsplanen er andre gong på 6 år. For hytteeiere som etablerte seg her for år siden, fortoner disse årene seg som en kontinuerlig prosess med trusler om endringer av forutsetningene for det opprinnelige feltet, hengende over seg. Det har vore til stor ulempe for hytteeigarane at det har vore anleggsarbeid her over fleire år. Naturleg landskap og vegetasjon har vore utsett for store inngrep, som ikkje har blitt dekket til og sett i stand. Likevel, mange er nøgde med å få høgare standard. Konkrete merknader : 1. Areal til eksisterande pumpehus og leidningsnett med vasspostar må oppretthaldast med tanke på hyttene som ikkje vet knytt til det nye anlegget. 2. Føresegner om rekkjefylgje, slik at det ikkje vert gjeve ferdigattest eller bruksløyve for hytter før tekniske anlegg med veger er ferdigstilte, inklusiv tilbakeføring med stadeigne masser og vegetasjon. 3. Veg opp på Svarttjønnåsen må opparbeidast slik reguleringsplanen viser anleggsvegen går i ein annan trasè. 4. Felles p plass på Svarttjønnåsen nord for 190/672 bør takast ut av planen, fordi kvar hytteeigar no kan parkere på eigen grunn. 5. Dei nye hyttetomtene i skråninga mellom Svarttjønn og Svarttjønnåsen ligg i bratt terreng. Ei samanhangande hyttebusetnad i bratt terreng ned mot Svarttjønn passar dårleg saman med friluftsområde med løypetrasè. Ein bør vurdere færre og større tomter pga terrenget. 6. Vegane frå aust og vest bør ikkje førast saman ved Svarttjønn. Ein kan da få mindre landskapsmessige inngrep, og ein unngår at det blir ein ringveg 7. Det bør vere møteplassar med jamne mellomrom langs vegane. 8. Det bør vere sett av meir areal til skileik for born på areal med passe helling. No er det berre sers bratt areal som ikkje er planlagd til byggeområde. Der det no er framlegg om hyttetomter 218 og 219, er eit areal der ungane har leika i snoen i alle år. 9. Planframlegget legg opp til ei høg grad av utnytting. Det er positivt at det blir fleire og mindrebygg på kvar tomt, men 25 % BYA eksklusiv parkering er mykje. Rådmannens vurdering : Pkt vert teken til fylgje. Pkt. 4 og 7 bør drøftast med utbyggjar. Pkt. 6 kan ein ikkje sjå et er lagleg eller naudsynt. Pkt. 5, 8 og 9 vert kommentert nedanfor. Berge Sag Har framlegg om endringar på tre punkt (sjå vedlegg 6 9) : 1. Presisering og korreksjon av føresegner, mellom anna om arker : som hovudregel tillatast ikkje arker høgare enn hovudmøne. 2. Eigedomsgrense til vassdrag på tomtene 209, 210 og 307. Slik planframlegget er no, går både byggjegrense, byggjeområde og eigedomsgrense i 50 m grensa. Forslagsstiller ynskjer at det tomtene skal kunne gå mindre enn 50 m frå vassdrag. Ein kan ikkje sjå at det har nokon negative konsekvensar for friluftsområdet. Dei som eig tomta vil neppe privatisere, i og med at arealet er regulert til friluftsområde. 3. Leggje inn ein mindre parkeringsplass til bruk for tomt 36 og 220 i dei tilfelle der det er dårleg vær/brøytetilhøve og vanskeleg å kome opp til tomtene.

4 Rådmannens vurdering : Pkt. 1 og 3 vert teken til fylgje. Pkt. 2 : vert ikkje teken til fylgje. Private hyttetomter bør ikkje gå ut i friluftsområdet. Då må ein heller ta ut dei tre tomtene. Magnus Rydland Er fornøgd med hyttefeltet, og positiv til fortetting og til at alle hyttene får veg fram og vatn og kloakk. Dette vil òg sikre lokale arbeidsplassar. Inge Taranger Dei nye tomtene ned mot Svarttjønn ligg i eit svært vått område, og det er mykje dyretråkk der. Skiløypene frå Fjellstad/Myrane er nå blitt slik at ein må ta av seg skia fleire plassar. Er det ikkje nå på tide å stanse utbygginga slik at vi får beholde friareal i dette området? Tomt 218 og 219 ligg veldig bratt til. Felles pumpehus blir liggande i enden av tomt 219. Rådmannens vurdering : Merknaden vert kommentert nedanfor. Torill og Tollef Nordvik Har tidlegare protestert mot vegen opp til Langodd, som vil bli bygd rett inntil og over deira hytte. Da dei kjøpte tomta i si tid, var det for å få ei tomt som låg usjenert til, vekk frå støy og trafikk. Dei hadde ikkje kjøpt tomta dersom dei visste det skulle kome ein veg der. Dei har prata med moglege kjøparar av tomtene på Langodd, som seier utbyggjar har lova at det skal kome veg opp. Det blir mykje veg for berre to tomter (nå er det auka til fire). Vegen vil bli godt synleg frå resten av hytteområdet, og frå skiløypene lenger oppe i fjellet. Vegen og fleire hytter vil redusere kvalitetane i strandsona, som er mykje nytta til bading, fisking og båtliv. Dei nye hyttene er planlagde på dei høgaste punkta på Langodd. Vedlegg 10. Rådmannens vurdering : Merknaden vert kommentert nedanfor. Hildur Grainger og Hans Kristian Dahl Avkøyring frå E134 må ha god sikt i båe retningar, busstopp for trafikk mot aust bør vurderast. Saknar analyse av konsekvensar for villreinen av auka utbygging i området, og tilhøvet til 100 meters beltet i strandsona. Skiløyper kryssar veg i for stor grad. Nytt hytteområde med 16 hytter i sørskråninga av Svarttjønnåsen bør ut av planen for sikre ein tydeleg grøn korridor mot vassdraget, og av omsyn til ålmenn ferdsle. Tomt 209 og 211 bør ut av planen pga nærleiken til vassdrag. Tomt 215 bør ut fordi vegen til tomta kryssar skiløypa. Det må vere føresegner om rekkjefylgje som sikrar at utbyggjar ryddar opp etter anleggsarbeidet. Rådmannens vurdering : Ein kan vurdere busstopp i samråd med vegsenet og bilrutene. Hytteområde i sørskråninga av Svarttjønnåsen vert kommentert nedanfor. Jan Egil Apeland, Åsmund Hamre og Geir Grindheim Parkeringsplass P4 bør inn att i planen med plass til 8 bilar. Den er ikkje så mykje bruka om vinteren, men då er det behov for ein møteplass. Rådmannens vurdering : Merknaden bør drøftast med utbyggjar

5 Anine Kongshavn og Mads Ramstad Krev at veg blir lagt der reguleringsplanen visar, ikkje over deira tomt slik den gjer no. Krev og at grensemerke blir sett opp att, det vert rydda og planert. Rådmannens vurdering : Ein føreset at reguleringsplanen vert fylgt. Dei andre punkta er ikkje direkte knytt til reguleringsplanen, Berit Aalmo og Atle Strønstad Dei same generelle og nokre av dei konkrete merknadene som frå hytteforeninga : - Leidningsnett med vasspostar må oppretthaldast - Føresegner om rekkjefylgje, slik at det ikkje vert gjeve ferdigattest eller bruksløyve før tekniske anlegg ferdigstilte og det er rydda. - Veg opp på Svarttjønnåsen må opparbeidast slik reguleringsplanen viser. - Felles p plass på Svarttjønnåsen nord for 190/672 bør takast ut av planen. - Der det no er framlegg om hyttetomter 218 og 219 er eit areal der ungane har leika i snoen i alle år. Rådmannens vurdering : Sjå kommentar til hytteforeninga ovanfor. Generell vurdering Fleire av merknadene med framlegg til endringar er dei same som rådmannen gjorde framlegg om ved 1.gongs handsaming. Dette gjeld - 16 nye hyttetomter i skråninga sør for Svarttjønnåsen. Nokre vil ha ut alle, nokre vil redusere talet, nokre vil ha ut tomt 209 og 211, nokre vil ha ut Tomt 218 og 219 bør ut. - Vegen opp til Langodd, og to nye hyttetomter bør ut. - Grad av utnytting er for høg. Plan og miljøutvalet gikk ikkje innfor endringane ved det høvet. No har planen vore ute på høyring, og merknadene speilar kva dei eksisterande hytteeigarane meinar om framlegget. Planadministrasjonen vil overlate til medlemane av plan og miljøutvalet sjølve om dei skal ta omsyn til merknadene eller ikkje. Rådmannen vil likevel understreke at ein ikkje har endra syn sidan førre handsaming, og visar til innstillinga, sjå vedlegg 11. Fortetting er ofte konfliktfylt. Dette er kommentert i førre innstillinga : I tillegg til verknadene utanfor hyttefeltet, må ein vurdere konsekvensane internt. Korleis ser det ut, er det grøne korridorar, og fungerar feltet reint praktisk? Ein må òg taka omsyn til at dette er eit felt som har utvikla seg frå eit eldre felt med få og små hytter fint i terrenget. Dei som til ein kvar tid kjøper hytte reknar med at feltet blir slik det er vist på den planen som galdt då dei kjøpte tomta. Her må ein minne om at gjeldande kommunedelplan Vågsli legg føringar for fortetting av eldre hyttefelt, og oppgradering til høg standard med veg, vatn og avlaup. Slik oppgradering vil føre med seg terrenginngrep. Utfordringa er å finne balansen mellom det som då er naudsynt og omsynet til eksisterande hytteeigarar. (Sakshandsamars utheving no). Ein vil be plan og miljøutvalet sjå spesielt på merknaden frå Torill og Tollef Nordvik, vedlegg 10.

6 Grad av utnytting : Planadministrasjonen vil likevel ta opp att eitt punkt frå innstillinga til 1. gongs handsaming. Det gjeld føresegner om grad av utnytting. Dette er sers viktig, fordi det kan ha verknader ut over dette området. Kopi frå innstillinga ved 1.gongs handsaming : Dei fleste reguleringsplanane i området nyttar m2 BYA, ikkje prosent BYA. Grad av utnytting varierar stort sett mellom 110 til 130 m2 BYA, evt med anneks på m2 BYA. Overgang til prosent BYA, eller auke i grad av utnytting ut over m2 BYA vil kunne opne for dette også i andre områder. Ein skal nå i gang med rullering av kommunedelplan Vågsli. Her kan ein drøfte desse spørsmåla og sjå det i ein større samanhang. Ny kommunedelplan kan gi føringar for ulike prinsipp og grad av utnytting i ulike område. Rådmannen vil difor rå til å halde fram med grad av utnytting slik den er i gjeldande plan fram til kommunedelplan Vågsli er rullert. Flaumfare : Det er ein viss flaumfare i nedre delar av planområdet. I gjeldande plan er dette vist som fareområde. I framlegg til endra plan er det i føresegnenes pkt. 4.2 c) sagt at alle bygg skal ligge over kote 801, og at bygningsdelar under denne høgda må sikrast mot flaum. NVE opplyser at hytter skal vere sikre mot 200 års flaum. Normalvasstanden i Vågslivatn er 797 m, dvs 4 m under kote 801. NVE har registreringar frå I denne perioden var det høgste flaumstigninga på 2 m. det vil tru at 4 m flomstigning er ein 200 års flaum. Dermed er kote 801 akseptabel som byggehøgde. Dei tok likevel atterhald m lokale tilhøve med isgang og oppstuving. Sakshandsamar har forsøkt å finne ut av dette via Statkraft, og ventar på svar om dette. Oppsummering av endringar rådmannen rår til : - Vegvesenets framlegg om at også delar av E134 regulerast i planen for Svarttjønnåsen, ikkje i avkøyringar E Hytteforeiningas framlegg om eksisterande pumpehus, leidningsnett til vasspostar, rekkjefylgjekrav om opprydding og vegtrasé - Berge Sag sitt framlegg om føresegner om arker og p plass for tomt 36 og Føresegner om grad av utnytting blir som i gjeldande plan. - Nokre framlegg kan drøftast med utbyggar /vegvesenet: felles p plass ut, p plass P4 inn att, møteplassar, busstopp. Ingen av dei aktuelle endringane er så vesentlege at det er naudsynt med eit nytt offentleg ettersyn. Saka går til kommunestyret. Rådmannens framlegg til vedtak: 1. Framlegg til endra detaljplan for Svarttjønnåsen 99/1 vert vedteken i medhald av pbl og 12 14, med endringar som nemnt i rådmannens vurdering. 2. Reguleringsplan for Avkøyringar E134 frå eigedomane gnr/bnr 99/1, 99/3, 99/8, 99/10 vert endra i medhald av pbl og i tråd med rådmannens vurdering. 3. Utbyggingsplan for Fjellstad 99/1 vert oppheva i medhald av pbl og Rådmannen,

7 Hans Kristian Lehmann, rådmann /s/ Handsaming i Plan og miljøutvalet : Framlegg frå Ap v. Roar Berg Hansen: Tillegg: Grad av utnytting i heile planområdet er 130 m 2 pluss anneks på 30 m 2. Arkar og oppstoger (brotne takflater) er ikkje tillate i områda H13 17 og H Framlegget frå rådmannen med tilleggsframlegg frå Berg Hansen blei samrøystes vedteke 1. Framlegg til endra detaljplan for Svarttjønnåsen 99/1 vert vedteken i medhald av pbl og 12 14, med endringar som nemnt i rådmannens vurdering. 2. Reguleringsplan for Avkøyringar E134 frå eigedomane gnr/bnr 99/1, 99/3, 99/8, 99/10 vert endra i medhald av pbl og i tråd med rådmannens vurdering. 3. Utbyggingsplan for Fjellstad 99/1 vert oppheva i medhald av pbl og Grad av utnytting i heile planområdet er 130 m2 pluss anneks på 30 m2. Arkar og oppstoger (brotne takflater) er ikkje tillate i områda H13 17 og H Saksordførar: Ingerid Hayes Handsaming i Kommunestyret : Framlegget frå plan og miljøutvalet blei samrøystes vedteke. 1. Framlegg til endra detaljplan for Svarttjønnåsen 99/1 vert vedteken i medhald av pbl og 12 14, med endringar som nemnt i rådmannens vurdering. 2. Reguleringsplan for Avkøyringar E134 frå eigedomane gnr/bnr 99/1, 99/3, 99/8, 99/10 vert endra i medhald av pbl og i tråd med rådmannens vurdering. 3. Utbyggingsplan for Fjellstad 99/1 vert oppheva i medhald av pbl og Grad av utnytting i heile planområdet er 130 m2 pluss anneks på 30 m2. Arkar og oppstoger (brotne takflater) er ikkje tillate i områda H13 17 og H26 28.