Framlegg til detaljregulering for Neset 134/1-2.gongs handsaming og endeleg vedtak

Transkript

1 Vinje kommune Økonomi, plan og utvikling Arkiv saknr: 2016/2238 Løpenr.: 17935/2017 Arkivkode: 134/1 Utval Møtedato Utval Saksnr Plan- og miljøutvalet /173 Kommunestyret /79 Kommunestyret /3 Plan- og miljøutvalet /23 Sakshandsamar: Lotte Næss Framlegg til detaljregulering for Neset 134/1-2.gongs handsaming og endeleg vedtak Vedlegg: 1 Framlegg til plankart revidert , etter offentleg ettersyn 2 Framlegg til føresegner revidert , etter offentleg ettersyn tekst 4 Merknad frå Ruth Vaagen /1 Neset - høyringssvar til detaljplan 7 Uttale-klage detaljregulering frå (dokumentet er lagt til før handsaminga i PLM i februar 18) 9 Planutvalget jan tanker fra LBT - siste utkast (dokumentet er lagt til før handsaminga i PLM i februar 18) 10 Mulighetsstudie_Neset_170303_liten (dokumentet er lagt til før handsaminga i PLM i februar 18) 11 Neset - Tankar og fakta (dokumentet er lagt til før handsaminga i PLM i februar 18) Dokument i saka: Kommunedelplan for Rauland Framlegg til detaljregulering for Neset 134/1. Plm sak 17/121 Vinje kommune, brev om offentleg ettersyn Merknader : Statens vegvesen og

2 Fylkesmannen i Telemark Telemark fylkeskommune Randi og Svein Tennefoss Knut Aksvik Ruth Heidi Vaagen Jan Åsmund Kristiansen Hjartrud Vaagen Kallevik Bjørn Borgersen Plankontoret Hallvard Homme revidert plankart og føresegner datert Bakgrunn: Plan og miljøutvalet vedtok , sak 17/121, å leggje framlegg til detaljregulering for 134/1 Neset ut til offentleg ettersyn i medhald av plan og bygningslova Føremålet med planen er å leggje til rette for 8 nye fritidsbustadar, aktivitetsområde, utsiktspunkt, parkeringsplass og nødvendig infrastruktur. Planen vil opne for ei vidare utvikling av gardstunet Neset, samstundes som dei unike verdiane vert sikra. Planframlegget vart lagt ut til offentleg ettersyn i brev , med frist for merknader Det er registrert 9 merknader i saka. Statens Vegvesen: Merknadene til oppstartsvarselet er godt ivareteke. Plankartet viser ny avkøyrsle til dei nye hyttene, parkeringsplass SPP1 og tilkopling til vegen til 133/14. Eksisterande og ny avkøyrsle må slås saman. Eksisterande tilkomst til 133/14 må stengjast. Telemark Fylkeskommune: Saknar føresegner knytt til bevaring av bygga innanfor BKB. Desse bør seie noko om at husa ikkje kan rivast eller vesentleg endrast, men setjast i stand etter antikvariske prinsipp med minst mogleg utskifting og tillegg av nye element. Omsynssona bør gå heilt ned til vatnet og omfatte LF og BSB. Tiltak her bør ha same krav til tilpassing som i omsynssona. Ein bør ha føresegner som sikrar landskapet og ikkje opnar for terrengendringar i omsynssona. Fylkeskommunen er elles positive til planane og meiner det er skånsamt tilrettelagt for ålmenta. Ei spanande utbygging som kan verte eit ynda utfartsmål. Fylkesmannen i Telemark Meiner framleis dette er eit hyttefelt, ikkje spreidd hyttebygging. Utbygginga som reguleringsplanen legg til rette for kan likevel vere tenleg. Saknar vurdering av verknader for landskapet. Kommunen bør difor vere merksame på dette ved handsaming av byggesakene. Omsynet til samfunnstryggleik og beredskap er godt tekne vare på i reguleringsplanen. Randi og Svein Tennefoss, eigar av 133/14: Ynskjer ikkje at deira avkøyring vert flytt over på eigedom 134/1. Dei har tinglyst rett til veg over eigedom 133/2 og avtale med grunneigar om vedlikehald og brøyting. Vegen er bratt og

3 vanskelig på vinteren. Det kan føre til trafikkfarlege situasjonar om ein legg opp til meir trafikk langs denne vegen. Knut Aksvik, eigar av 133/1: Er imot at eigar av Neset får tomter til fritidsbruk, og meiner det er urettferdig at ein grunneigar får alle resterande tomtene som det er opna for i kdp Rauland. Tomtene er meint som ein økonomisk ressurs ved generasjonsskifte og bør vere øyremerkt slik bruk. Eigar av Neset driv ikkje stadbunden næring/tradisjonelt landbruk og nyttar eigedommen som fritidseigedom. Planlagde byggverk er ikkje i samsvar med føringane i kdp Rauland. Område som er sett av til parkering har tidlegare vore slåttemark og kulturbeite. Dersom ein opnar for denne utbygginga vil presset på eit sårbart område verte større, og området vil miste sin verdi som rekreasjon og til beitebruk for fastbuande. Det har dei seinare år vore ein sterkt aukande trafikk med turistar i fjellet. Ruth Heidi Vaagen på vegne av alle busette og innehavarar av eigedom frå Uppigard/Raulandsgrend til Høneviki: Godtek ikkje parkeringsplass teikna mot grensa til 133/2 og flytting av avkøyring frå 133/2 til eigedom 134/1. ved å byggje parkeringsplass vil ein få auka trafikk på Raulandsfjell. Dette vil påverke villreinen negativt og den vil bli fortrengt frå området. Store negative konsekvensar for beitedyr i utmarka i form av lause bikkjer som jagar dyr. Problem kring jakt og beitedyr vil auke på dersom ein legg til rette med gode parkeringsplassar. Grunnen der ein har lagt opp til parkeringsplass har tidlegare vore slåttemark. Avkøyringa lengst vest er trafikkfarleg og særleg stygg vinterstid. Det vil ikkje vere i tråd med trafikksikringsplanen å godkjenne auka bruk av ei slik avkøyring. Sjå vedlegg 4. Jan Åsmund Kristiansen, eigar av 133/3: Får hyttene på Neset rett mot eigedommen. Ynskjer ikkje at det vert lagt til rette for bade/båtplass i bukta då det vil vere til stor sjenanse for naboane. Kritisk til at Neset får såpass mange tomter, desse burde heller vore fordelt på dei fastbuande i området. Parkeringsplassen vil trekkje til seg turistar som ynskjer å gå på Raulandsfjell. Hjartrud Vaagen Kallevik, eigar av 133/2: Ynskjer ikkje at vegen som ligg på eigedom 133/2 vert flytt over på 134/1. Det føreligg privatrettslige avtaler om vegen mellom brukar og grunneigar av 133/2 i samband med eventuelt frådeling av fleire hyttetomter frå 133/2. (Det vart godkjent to tomter i 2006, desse er ikkje målt opp og difor ugyldige i dag). Ny søknad kjem. Godtek ikkje parkeringsplass i samband med avkøyringa, ei heller at fleire einingar skal nytte denne. Ein ser på parkeringsplassen som ei tilrettelegging for turistar som ynskjer å nytte Raulandsfjell som turområde og fryktar konsekvensane av dette både for villrein, beitedyr og verdiar på eigedommen elles. Området for parkeringsplass har tidlegare vore slåttemark. Fryktar at utsikten vert spolert for alltid, støy frå hyttene, innsyn og folk på eigedomen sin. Er sterkt imot alle planane. Sjå vedlegg 5 og 6. Bjørn Borgersen

4 Støttar merknadene som er kome frå andre grannar. Større parkeringsplassar her vil føre til at fleire hyttefolk frå Austbøheiane kjem hit og går tur. Auka ferdsel vil uroa sauer på beite og dermed gjere det vanskeligare for sauehaldet. Vurdering: Mange av merknadene går ut på dei same problemstillingane. Rådmannen vel difor å kommentere merknadene samla. Vegen som i dag går over eigedom 133/2 - flytting av denne over på eigedom 134/1 slik det er lagt opp til i siste planframlegg: Denne problemstillinga har vore diskutert i administrasjonen og ein har søkt råd hjå jurist hjå Fylkesmannen. Rettar til bruk av vegen er eit privatrettsleg spørsmål som grunneigarane bør løyse seg imellom. Kommunen skal i utgangspunktet ikkje godkjenne reguleringsplanar som ikkje let seg realisere. Ein ser på dette som utfordringar som bør la seg ordne. Dersom det blir vanskeleg kan jordskifte vere ei løysing. Statens vegvesen er fagleg organ som uttalar seg når det gjeld godkjenning av avkøyringar i høve nødvendig sikt, bruk og tryggleik. Planen er sendt dei til offentleg ettersyn. Dei har inga merknad til auka bruk av avkøyringa og ein ser då på denne som godkjent frå deira side. Vegvesenets framlegg om å stenge den vestre avkøyringa blir teken omsyn til. Planen må då utvidast for å vise dette. Det må vere rekkjefylgjekrav om at eksisterande avkøyring må stengast før det blir gitt ferdigattest for den nye. Nye hytter på Neset og turisme i fjellet er svara på under fyrste gongs handsaming av saka. Det er ein god del ferdsle til Tehytta i dag. Mange parkerer i vegkanten, både dei som skal på arrangement på Neset og dei som skal til Tehytta. Dette skaper trafikkfarlege situasjonar og er uheldig. Nye, store parkeringsplassar vil betre situasjonen. Samstundes vi truleg ferdsla auke. Rådmannen er klar over ulempene auka ferdsle har for sau på beite, jakt mm. Ut frå ei heilskapleg vurdering kjem ein likevel fram til at dette er den beste løysinga. Fylkeskommunens merknader rår ein til at vert teken omsyn til, med unntak om å forlenge omsynssone bevaring ned til sjøen. Oppsummering av rådmannens framlegg til endringar : Eksisterande tilkomst til 133/14 må visast stengd. Planen må utvidast for å få med dette. Det må vere rekkjefylgjekrav om at eksisterande avkøyring må stengast før det blir gitt ferdigattest for den nye (pkt. 1.3). Føresegner om fargesetting på hyttene (pkt 1.4.2). Føresegner om bevaring av bygga mm i byggeområdet for gardstunet (pkt ). Ny omsynssone landskap, med føresegner (nytt pkt ) Føresegner om bevaring av bygga mm i omsynssone bevaring (nytt pkt 1.9.5) Plankart og føresegner er retta opp i tråd med fylkeskommunens merknader (med unntak av framlegget om å forlenge omsynssone bevaring ned til sjøen). Sjå vedlegg. Det står då att å endre plankart og føresegner vedk avkøyringane i vest. Endringane vedk. avkøyring har vore kommenterte av dei det gjeld flytting og stenging må her reknast som det same. Utviding av planområdet er for å gi heimel til å vise vegen i vest stengt. Ein konkluderar difor med at endringane ein gjer framlegg om er ikkje så vesentlege at det er nødvendig med ny høyring eller offentleg ettersyn.

5 Saka går til kommunestyret. Rådmannens framlegg til vedtak: Framlegg til detaljregulering for Neset 134/1 vert vedteken i medhald av pbl 12 12, med endringar som er nemnde i rådmannens vurdering. Rådmannen, Jan Myrekrok, rådmann /s/ Handsaming i Plan- og miljøutvalet : Framlegg frå Sp v. Liv Sigrun N. Midtun: Tillegg: Badeplassen skal flyttast 50 meter frå eigedomsgrensa til nabo. Framlegget frå rådmannen blei samrøystes vedteke. Tillegget til Midtun blei vedteke med 6 mot 1 røyst. Framlegg til detaljregulering for Neset 134/1 vert vedteken i medhald av pbl 12 12, med endringar som er nemnde i rådmannens vurdering og med denne endringa - Badeplassen skal flyttast 50 meter frå eigedomsgrensa til nabo. Saksordførar: Alf Seltveit Handsaming i Kommunestyret : Framlegg frå Sp v. Tone Edland: Saka blir utsett til plan- og miljøutvalet har handsama saka vedkomande sti og løypeplanen til Vinje kommune. Framlegget frå Edland blei vedteke med 23 mot 2 røyster. Saka blir utsett til plan- og miljøutvalet har handsama saka vedkomande sti og løypeplanen til Vinje kommune. Handsaming i Kommunestyret : Framlegg frå Ap v. Alf Seltveit: Det blir høve til å nytte 6 nye tomter for Neset, 134/1. Framlegg frå H v. Arne Skogheim: Den vestre parkeringsplassen (offentleg for Te-hytta) går ut. Det blir etablert 8 parkeringsplassar ved garasjeanlegg til hyttene.

6 Framlegg frå Sp v. Ove Kringlegarden og SV v. Baiba Sheine: Planen blir sendt tilbake til plan- og miljøutvalet. Framlegg frå Sp v. Kjetil M. Vaagen: Talet på tomter blir redusert til Røysting: Ein røysta fyrst over om ein skal røyste i mot planen heilt eller om den skulle vedtakast i ei eller annan form. 21 røysta for å godkjenne planen i ei eller annan form, 4 røysta for å ikkje godkjenne planen i det heile. Ein røysta deretter for om ein skulle sende planen tilbake til plan- og miljøutvalet, i samsvar med framlegget til Kringlegarden og Sheine. Framlegget til Kringlegarden og Sheine blei vedteke med 24 mot 1 røyst. Ein røysta då ikkje over dei andre framlegga. Vedtaket blei då Planen blir sendt tilbake til plan- og miljøutvalet. Handsaming i Plan- og miljøutvalet : I samråd med administrasjonen trekte leiar Tone Edland saka. Saka kjem opp på neste møte.