Naustdal kommune. Førdepakken. Utgreiing Naustdal og Førdepakken Side 1

Transkript

1 Naustdal kommune og Førdepakken Utgreiing Naustdal og Førdepakken Side 1

2 Naustdal kommune og Førdepakken Innhald Innhald Oppgåve og oppgåveavgrensing Bakgrunn Veghistorie rv. 5 Førde - Naustdal Skildring av eksisterande vegnett Dimensjoneringsføresetnader Aktuelle tiltak på vegnettet i Naustdal Naustdalstrafikken og Førdepakken Vedlegg, teikningar som illustrerer tiltak i Naustdal nemnt i kapittel Oppgåve og oppgåveavgrensing Vagstad prosjektservice AS har fått i oppdrag å beskrive utfordingar for vegnettet i Naustdal og gje Naustdal kommune råd omkring prosjekt som kan vere aktuelle å få med i NTP og Førdepakken. Oppdragsgjevar Naustdal kommune ynskjer og ei klårgjering av retningslinjer for finansiering av prosjekt i Førdepakken med omsyn til trafikk på rv. 5 mellom Naustdal og Førde. Oppdraget er gjort innafor ei ramme på 10 dagsverk inkl. oppstartmøte, synfaring, registrering og datainnsamling. Oppdragsgjevar sin kontaktperson har vore Harald Eikenes. Råmene for oppdraget gjer at det ikkje er gått i djupna på nokon deltema i utgreiinga, og det er derfor fokusert på å gje eit oversiktsbilde. 2. Bakgrunn Veg- og gatesystemet i og rundt Førde har ikkje tilfredsstillande standard. Det er starta opp arbeid med kommunedelplan for framtidig E39 utanom Førde sentrum, og rullering av Førde kommune sin kommunedelplan for trafikk. Planane har som føremål bestemme framtidige trasear for E39, rv. 5, fv. 609 og det mest sentrale gatenettet i Førde. Det er utarbeidd planprogram for planoppgåva. Som førebuande arbeid for kommunedelplanprosessen er det utarbeidd ein silingsrapport som har som føremål å avklare kva for alternativ som skal utgreiast nærmare i ein kommunedelplan. Denne silingsrapporten med tilråding er sendt på høyring. Førde bystyre gjorde eit prinsippvedtak om delfinansiering av prosjekt i og rundt Førde med bompengar. Det arbeidast no med formelt grunnlag for ein bompengesøknad for Førdepakken. Søknaden skal ha eit klårt definert innhald av konkrete vegprosjekt. Vi viser til saksutgreiing for vedtak frå Førde kommune. E 39 blir opprusta Vadheim- Skei, med særpakke rundt Førde. Rv 5 er opprusta frå Naustdal Nord og vestover til Florø. Rv5 gjennom Naustdal er slik han vart etablert på 70- talet, og det er ikkje planar om opprusting. Saksutgreiinga punkt 6 peikar på at tilslutning frå nabokommunar er vesentleg når ein søknad om bompengefinansiering skal vurderast. Førde er regionsenter som genererer stor grad av arbeidspendling og reiser for handel, kulturtilbod og idrett med meir i nabokommunane. Førdepakken kan derfor forståast som eit regionalt tiltak. Busette i nabokommunane vil betale mykje av bompengane. Naustdal er ein av dei store utpendlingskommunane i landet, og brorparten pendlar til Førde. Innafor prinsipp for trafikantbetaling ved bompengeprosjekt, bør trafikantar på rv. 5 mellom Naustdal og Førde få ein nytte som er rimeleg i høve til betalte kostnader. Naustdal og Førdepakken Side 2

3 3. Veghistorie rv. 5 Førde - Naustdal Oversiktskart Førde-Naustdal Rv.5 Førde Naustdal 1921: Førde Kyrkje Hundvebakke Kloppstad 1937: Førde - Kloppstad Naustdal. Vegen opna 9/ : Storehagen Øyrane Kletten Hornes, 1850 m. Vegen opna 28/ : Øyrane bru, 11,2 m 1964: Erdal bru, 15,7 m 1969: Kletten-tunnelen, 274 m 1971: Flyplassen på Øyrane opna (Bringeland opna 1986) 1971/1972: 2-feltsveg Kloppstad Naustdal ferdig 1975: Bjørnsnes-tunnel, 288 m, opna for trafikk 19/ : Hornes-tunnelen, 191 m 1977/78: 2-feltsveg Kletten Kloppstad ferdig 1986: Storehagen bru (over Jølstra), 60 m. Opna 18/ Rv. 5 Naustdal Førde : D/S-brygge Naustdalsfossen, avlevert 17/ : Bru over Naustdalsfossen, 47 m fagverksbru, avlevert 23/ : Naustdalsfossen Helgåsberget, 3685 m. Avlevert 16/ : Helgåsberget-Kloppstad, 2440 m. Vegsamband Naustdal Førde, opning på Kloppstad 9/ : Ny Naustdal bru, 140,52 m 1995: Naustdalstunnelen, lengd 5980 m Kjelde: Statens vegvesen Tekst markert med gult er alder for eksisterande rv. 5 frå Klettentunnelen til og med Naustdalstunnelen. Naustdal og Førdepakken Side 3

4 4. Skildring av eksisterande vegnett Rv. 5 Ulykker og fartsgrenser Trafikktal rv. 5 Førde-Florø Årsdøgntrafikk (Ådt) for rv. 5 i Naustdal: Ådt=4100 fram til kryss med fv. 611 Ådt=2800 vidare til kryss med fv. 512 ved Jonstad Ådt=1750 Naustdalstunnelen Kjelde: www. vegvesen.no Fartsgrense Fartsgrensa igjennom Naustdal og på deler av strekninga mellom Førde og Naustdal er redusert frå 80 til 70 km/t grunna vegstandard og aktivitet inntil vegen. Redusert fartsgrense gjennom Naustdal var lenge ei kampsak for Naustdal kommune, og er nemnt som eit viktig tiltak i Trafikktryggingsplan for Naustdal kommune frå Ulykker I samband med utarbeiding av Trafikktryggingsplan for Naustdal kommune i 2001, vart statistikk for ulykker dei 20 føregåande år i Naustdal kommune gjennomgått. Nær 90 % av ulykkene var på dåverande riksvegar og fylkesvegar, og resten på kommunalt vegnett. Dette gav eit tilsvarande bilde som i resten av landet. Dei siste fire åra har det vore mange ulykker på rv. 5 mellom Førde og Naustdal. Ei av dei er på rv. 5 i Naustdal ved kryss med kommunal veg Øyravegen ved Naustdalsfossen. Kartskisse viser fartsgrense for rv. 5 med plott av ulykker dei siste 4. år. Naustdal og Førdepakken Side 4

5 Rv. 5, ein barriere i Naustdal Naustdal er ein delt tettstad med elva og rv. 5 som barrierar. Dagens rv. 5 gjennom Naustdal er frå Sidan den gong har det vore ei stor trafikkutvikling, og rv. 5 har etter kvart vorte ein større og større barriere mellom sentrum og byggjefelta aust for Nausta, dei største i Naustdal. Rv. 5 som barriere forsterkast ved at trafikk til/frå sentrum med viktige tenester som skule, barnehage, butikkar, bensinstasjon, bank, busshaldeplass og friområde, må gå over to bruer som ikkje er tilrettelagt for gangog sykkeltrafikk, og av at krysset ved Naustdalsbrua er trafikkfarleg. Det er berre to bruer over Nausta, og ingen av dei er plassert langs kortaste akse mellom byggjefelta og sentrum. Elva er ein stor barriere. Bru for rv.5 over Nausta er med sine smale fortau ikkje tilrettelagt for gang/sykkeltrafikk. Tilknytingspunkt for gangveg like ved brua i kvar ende er trafikkfarleg. Naustdasbrua ved kryss med Øyravegen Naustdalsbrua med fortau og kryssingspunkt for gangtrafikk Rv. 5 og Nausta er barrierar i Naustdal Naustdal og Førdepakken Side 5

6 Gang- og sykkelveg Heile strekninga mellom Naustdalsbrua og Naustdalsfossen manglar gang- og sykkelveg bortsett frå siste biten mellom kryss med Berrvellene og kryss med Øyravegen. Her er det planfri kryssing av rv. 5 mellom busslommene ved Naustdalsfossen. Det er registrert ein del gangtrafikk som ikkje nyttar undergangen, spesielt mot busstopp på vestsida av vegen. Problem med drenering har mange gonger ført til at undergangen vert overfløymt. Undergang mellom Naustdalsfossen og kryss med Berrvellene Det er gang- og sykkelveg og veglys mellom Naustdalsfossen og kryss med fv.512 ved Jonstad. Veglys Det manglar veglys langs rv. 5 på heile strekninga mellom kryss ved Naustdalsbrua og kryss ved Naustdalsfossen. Den korte strekninga med gang- og sykkelveg er belyst, og det er lys i undergangen under rv. 5. Strekning med gang- og sykkelveg ved Naustdalsfossen. Naustdal og Førdepakken Side 6

7 Estetikk Rv. 5 igjennom Naustdal med kryssområde og sideareal gir inntrykk av låg estetisk og materiell kvalitet. Eit unntak er anlegget som vart bygt i samband med Naustdalstunnelen. Kryss med Tunavegen, bussterminal Kryss ved Naustdalsbrua Kryss med fv. 611 Kryss med Berrvellene, gangveg vidare mot undergang Naustdal og Førdepakken Side 7

8 Kryss ved Naustdalsfossen Naustdalsbrua, oppriss og grunnriss Rv.5 Naustdalsbrua Eksisterande bru er bygd i Konstruksjonen er betongplate på stålbjelkar som ligg på landkara og på 4 fundament i Nausta med 25 m innbyrdes avstand. Tverrprofilet er symmetrisk med 8,0 m køyrebane inkl. skulder. På kvar side er eit oppheva fortau/rekkverksrom med breidd 1,43 m. Naustdalsbrua, tverrprofil Rv. 5 mellom Førde og Naustdal Heile strekninga er tofeltsveg med gul midtstripe med noko varierande vegbreidd. Strekninga har parti med knapp kurvatur. Strekninga tilfredstiller ikkje noverande krav til stamveg. Strekninga er ikkje prioritert med løyvingar i NTP. Rassikringsplanen På strekninga mellom Naustdal og Førde er det tre punkt som er med i gjeldande rassikringsplan som no er under rullering. Desse er: Fortauet er for smalt til at det vert eit godt tilbod til gåande, og er trafikkfarleg å sykle på. Skrevikja, HP 18 km 7,54 8,07: Is-skred og steinskred med frekvens 2 per år. Tiltak er reinsk, bolting og nett. Status: Tiltaket er ikkje utført. Furevika 1, HP 18 km 6,51-6,55: Is-skred med frekvens 1 per år. Tiltak er sikring med nett. Status: Tiltaket er utført Bjørnsnestunnelen vest, HP 18 km 2,81 2,82: Is-skred og steinskred med frekvens anna kvart år. Tiltak er reinsk + eventuell bolting, nett. Tiltaket er ikkje utført. Rulleringa av planen har ikkje kome så langt at det er bestemt kor attståande tiltak er prioritert. Naustdal og Førdepakken Side 8

9 Tilhøve for sykkeltrafikk Den relativt korte avstanden mellom Naustdal og Førde og gunstige stigningstilhøve langs rv. 5, gjer at strekninga burde vore attraktiv å sykle. Men den knappe kurvaturen på enkeltestrekningar, relativt smale køyrefelt, smale skuldrar, høgt fartsnivå, betydeleg tungtrafikk og låg standard for tunnelane, gjer at mange opplever det som farleg å sykle. Klettentunnelen har eigen gang- og sykkelveg skilt frå anna trafikk med rekkverk. Gang- sykkelvegen er veldig smal, og det stikk bergnabbane fram på eine sida. Tunnelen opplevast som farleg å sykle. Det er fleire stader ikkje nok breidde til at syklist og gåande eller to syklistar kan møtes utan at ein av partane må stoppe og trekke inn i mot fjellet. Tunnelen har dårleg lysanlegg. Dei relativt korte tunnelane Bjørnsnestunnelen og Hornestunnelen har no fått nytt lysanlegg, men tunnelane opplevast som for tronge til at dei kjennest som trygge nok å sykle i. Refleksar (tunnelmarkering) gjer at det ikkje er skulder å sykle på, og refleksane er farlege for syklistar. Gammalt vegnett på utsida av Hornestunnelen og Bjørnsnestunnelen kunne ha vore eit attraktivt alternativ til å sykle i tunnel, i alle fall for den som ikkje er mest opptatt av å sykle kortaste veg. For begge tunnelane må gjennomføringa av eit slikt tiltak ha fokus på skilting og gode tilkoplingspunkt til rv. 5. På vestsida av kvar tunnel må tilkoplingspunkt flyttast lenger i frå tunnelen, eller det må gjerast tiltak med sjølve tunnelen, t.d. siktutbetring og forsterka veglys. Gammal veg rundt Bjørnsnestunnelen (bilete over og under) Gammal veg rundt Hornestunnelen Naustdal og Førdepakken Side 9

10 Fv. 611 Fv.611 sett mot Tunavegen frå kryss med rv.5 Naustdal - Sæle Det vert no bygt ny fv. 611 med gangveg i frå Naustdal kai til grenda Sæle om lag 2 km frå sentrum. I tillegg vert det bygt fortau mellom Naustdal kai og kryss med kommunal veg Tunavegen i Naustdal sentrum. Når veganlegget står ferdig i desember i år, vil strekninga Tunavegen Sæle få fullgod standard med gangveg og veglys. Dette vert eit stort løft med om syn til trafikktryggleik, framkomelegheit og estetisk kvalitet, og gjer område ved Mallsvik og Sæla attraktive for bustadbygging. Det manglar gangveg/fortau mellom Tunavegen og kryss med rv. 5. Her er det godkjent reguleringsplan. Strekning langs fv.611 som manglar gangveg etter Rv. 611 vestover frå Sæle Vestover frå Sæle er det stor trong for utbetring av fv Etablering av bergverk / industri på Engebø gjer at behovet for tiltak vil verte endå større, og heilt nødvendig for å avvikle aukande trafikk på ein trygg måte. Vi viser til Fylkeskommunen sin rapport utarbeidd av Rambøll , Utbetring av fv 611 Sæla Engebø, og Vagstad prosjektservice sitt notat om prinsipp for prioritering av tiltak Naustdal og Førdepakken Side 10

11 Skildring av kommunalt vegnett i Naustdal Kommunal veg Øyravegen Øyravegen mellom kryss med rv. 5 ved Naustdalsbrua og Naustdalsfossen, fungerer som samleveg for trafikk mellom rv. 5 og byggjefelta aust for Nausta, og er viktig sambindingsveg for gang- og sykkeltrafikk frå byggjefelta via Naustdalsfossen til sentrum. Strekninga mellom Ospeteigen og Naustdalsfossen er i tillegg altfor smal i høve til krav. Det er gjort lite med denne strekninga sidan bygginga på 30 talet! Kryss med Jaravegen og fleire enkeltavkøyrsler tilfredsstiller ikkje krav. Kryss mellom kommunal veg Øyravegen og rv. 5 ved Naustdalsbrua er trafikkfarleg på grunn av dårlege sikttilhøve. Her er brukt stoppskilt, det har vi berre få stader i fylket. Fortau sluttar ved Ospeteigen Kryss mellom Øyravegen og rv.5 ved Naustdalsbrua Det er veglys langs Øyravegen, men på strekninga mellom Ospeteigen og Naustdalsfossen er veglyset langt frå tilfredsstille krav. Det er altfor langt mellom lyspunkta, slik at lyset er dårleg. Ved kryss mellom Øyravegen og rv. 5 ved Naustdalsfossen er den gamle brua over Nausta som er bygd i 1927 ein flaskehals. Brua er stengd i tidsrom med trafikk til/frå skule kl. 8-9 og Øyravegen har smalt fortau på austsida mellom Naustdalsbrua og kryss med Helgåsvegen. Deler av strekninga mellom Helgåsvegen og Ospeteigen og heile strekninga vidare til kryss med rv. 5 ved Naustdalsfossen manglar fortau. Bru over Naustdalsfossen er ein flaskehals for alle trafikantar. Smalt fortau startar i kryssområdet ved Naustdalsbrua Naustdal og Førdepakken Side 11

12 Veg mellom Ospeteigen og Naustdalsfossen er smal og manglar fortau. Veglys tilfredsstiller ikkje krav Naustdal og Førdepakken Side 12

13 Kommunal veg Berrvellene Kryss mellom Berrvellene og rv. 5 Berrvellene er ein samleveg mellom sentrum og tilknytinga til rv. 5 i nord. Vegen har tilkomstfunksjon til bustadfelt og til kommunale servicefunksjonar, og er viktig sambindingsveg for gang- og sykkeltrafikk frå byggjefelta aust for Nausta via Naustdalsfossen til sentrum. Berrvellene Heile strekninga manglar veglys. Nordre del av Berrvellene er altfor smal og har dårleg bæreevne på ei om lag 100 m strekning ved Berelvbrua. Vegen manglar fortau på ein strekning på om lag 350 m. Vegen er stengd for køyrety i tidsrom med trafikk til/frå skule kl. 8-9 og Strekninga frå om lag 50 m sør for Berelvbrua og vidare mot sentrum har breiare veg. Berrvellene, nord for Berelvbrua Naustdal og Førdepakken Side 13

14 Berrvellene, Berelvbrua over Berelva Berrvellene ved Hove Bru, sett mot sør Naustdal og Førdepakken Side 14

15 5. Dimensjoneringsføresetnader Rv. 5. Tiltak i Naustdal Tverrprofil for rv. 5 Rv 5 er stamveg. Årsdøgntrafikk er 4100 fram til kryss med fv. 611 og minkande til 2800 fram til kryss med fv. 512 ved Jonstad ved munninga til Naustdalstunnelen. Sjølv om eksisterande fartsgrense er 70 km/t, bør 80 km/t fartsgrense leggjast til grunn ved nybygging og utbetring. Tverrprofil for ny stamveg Dimensjoneringsklasse S2, ÅDT og fartsgrense 80 km/t HB017, fig. C3 Tilråding Det rådast til å bruke tverrprofil for utbetring fig. D1. Minste horisontalkurvatur ved utbetring er R=150. Andre krav er gitt av tabell C.12 (dimensjoneringsklasse H1): Minste avstand mellom køyreveg og gang- og sykkelveg utan bruk av rekkverk er 3,0 m (frå skulder til skulder). Gang- og sykkelveg bør ha 3,0 m asfaltert breidde. Dimensjoneringsklasse S4, ÅDT og fartsgrense 80 km/t HB017, fig. C5 Tverrprofil for utbetring av eksisterande stamvegveg Hb017, kap. D Gang og sykkelveg langs rv. 611 Ved 50 km/t fartsgrense kan det byggjast fortau. Regulert tverrprofil i reguleringsplanen for fv. 611 Naustdal sentrum Sæle for gang- og sykkelveg på den manglande strekninga mellom rv. 5 og Tunavegen, er 3,0 m brei gang- og sykkelveg med 1,5 m avstand til fv Naustdal og Førdepakken Side 15

16 Kommunal veg Øyravegen og Berrvellene Naustdal kommune har ikkje trafikkteljingar for dei kommunale vegane. Det bør gjerast berekningar eller gjennomførast trafikkteljingar som grunnlag for å bestemme vegstandard. Dimensjonerande parametrar: Begge desse vegane er samlevegar med noko tilkomstfunksjon til enkeltbustader langs vegen, og er viktige sambindingsvegar for gang- og sykkeltrafikk frå byggjefelta aust for Nausta via Naustdalsfossen til sentrum. Tverrprofil for samlevegar i bustadområde, fartsgrense 50 km/t og Ådt HB017 fig. C.16 Naustdal og Førdepakken Side 16

17 6. Aktuelle tiltak på vegnettet i Naustdal Det er skissert aktuelle løysingar for tiltak som bidreg til å utbetre manglar ved eksisterande vegnett. I skildringa av tiltak for utbetring av vegnettet er det vist til skisser teikning C001 C005, sjå kapittel 8, Vedlegg. Nokre av tiltaka er heimla i godkjent kommunedelplan. Innafor dei avgrensa råmene til oppdraget er det ikkje rom for å prosjektere skisserte løysingar. Viste løysingar er berre skisser som er laga for å illustrere aktuelle alternativ og problemstillingar. Alle tiltaka må greiast ut nærmare med omsyn til gjennomførbarheit, og må optimaliserast gjennom prosjektering. Prioritering av tiltak er ikkje gjort. Til slutt i kapittelet er det føreslått kva som kan vere aktuelle kombinasjonar av tiltak. Utbetringstiltak og nybygging på vegnettet i Naustdal Område A, alternativ 1, teikning C001 Løysinga omfattar Fortau på austre side av Naustdalsbrua. Bruplata er armert slik at breidd for fortau og køyrebane kan justerast innafor brubreidda utan på påverke bæreevna til brua. Ved å sideflytte senterlinja for rv.5 1,0 m til venstre (mot sørvest), og merke 2 x 3,25 m køyrefelt og 0,5 m skulder på kvar side, vert breidda på fortau 2,65m og 0,68 m Gangveg mellom Naustdalsbrua og kryss med fv. 611 i 3,0 m avstand til rv.5 på austre side av rv. 5 Gangveg langs fv. 611 mellom rv. 5 og kryss med Tunavegen Kryss mellom Øyravegen og rv. 611 er tilnærma uendra, og berre justert for sideflytta cl for rv. 5 Rv.5 justerast i nødvendig grad tilpassa sideflytt med verknad om lag profil Veglys på dei omfatta strekningane Kommentarar til teknisk løysing Kurve nord for brua har radius ca 130. Dette er for knapp kurvatur i høve til vist utbetringsstandard for stamveg, men er positiv for trafikktryggleiken i krysset sør for brua og kryssingspunktet ved fv Avvik må fråvikshandsamast Fartsgrense over 50 km/t krev at gangveg er skilt frå køyreveg med rekkverk. Avvik må fråvikshandsamast Krysset sør for brua får betre sikttilhøve på grunn av sideflytt senterlinje. Brurekkverk vil likevel kome i siktsona. Avvik må fråvikshandsamast Løysinga krev fylling i Nausta. Ved å mure kan inngrep gjerast mindre enn vist På teikninga er berre rekkverksføring nord for brua vist. Eksisterande tilkomst til gangvegnett ved nordre bruende bør stengjast. Det er behov for rekkverk om lag som vist Løysing i høve til formelle planar I kommunedelplan er det ikkje vist gangveg/fortau mellom kryss ved Naustdalsbrua og kryss med fv Det er godkjent reguleringsplan for gangveg langs fv.611. Denne er vist som fortau i kommunedelplanen. Konklusjon Løysinga har fleire avvik i høv til vegnormalkrav. Sidan dette er eit utbetringstiltak, bør løysinga likevel kunne vere aktuell dersom ei risikovurdering dokumenterer at løysinga totalt sett medfører ei stor betring av trafikktryggleiken. Sjølv om krysset vil få betre sikt som følgje av sideflytt rv. 5, tilfredsstiller ikkje krysset siktkrav pga. brurekkverk i siktsona frå krysset. Område A, alternativ 2, teikning C002. Løysinga omfattar Fortau på vestre side av Naustdalsbrua. Bruplata er armert slik at breidd for fortau og køyrebane kan justerast innafor brubreidda utan på påverke bæreevna til brua. Ved å sideflytte senterlinja for rv.5 1,0 m til høgre (mot nordaust), og merke 2 x 3,25 m køyrefelt og 0,5 m skulder på kvar side, vert breidda på fortau 2,65m og 0,68 m Gangveg mellom Naustdalsbrua og kryss med fv. 611 i 3,0 m avstand til rv.5 på vestre side av rv. 5 Gangveg langs fv. 611 mellom rv. 5 og kryss med Tunavegen. Kryss mellom Øyravegen og rv. 611 flyttast for å oppnå betre sikt i høve til brua Rv.5 justerast i nødvendig grad tilpassa sideflytt med verknad om lag profil Veglys på dei omfatta strekningane Kommentarar til teknisk løysing Kurve nord for brua har radius ca 130. Dette er for knapp kurvatur i høve til vist utbetringsstandard for stamveg, men er positiv for trafikktryggleiken i krysset sør for brua og kryssingspunktet ved fv Avvik må fråvikshandsamast Fartsgrense over 50 km/t krev at gangveg er skilt frå køyreveg med rekkverk. Avvik må fråvikshandsamast Sideflytt rv. 5 medfører dårlegare sikt i krysset. Det er føreslått at krysset flyttast for å få betre utforming og sikt i høve til brua. Med skissert geometri vil brurekkverk vil likevel kome i siktsona. Økonomi og teknisk løysing for utviding av fortau på høgre side slik at brurekkverk kan leggjast utanfor siktsona bør vurderast. Dette kan gjerast ved å utvide landkaret og brukaret nærast landkaret og byggje ei utvida bruplate som fundamentert på nye bjelkar. Avvik i høve til siktkrav må fråvikshandsamast. Kryss med stamveg skal ha dråpeøy i sekundærveg. Skissa er teikna utan dråpe på grunn av gardsavkøyrsla. Kryss med dråpe medfører noko meir sprenging. Krysset medfører fjellskjering på om lag m på det høgaste Løysinga krev litt fylling i Nausta om ikkje ein heller vel å stramme opp fyllinga På teikninga er berre rekkverksføring nord for brua vist. Eksisterande tilkomst til gangvegnett ved nordre bruende bør stengjast. Det er behov for rekkverk om lag som vist Løysing i høve til formelle planar I kommunedelplan er det ikkje vist gangveg/fortau mellom kryss ved Naustdalsbrua og kryss med fv Det er godkjent reguleringsplan for gangveg langs fv.611. Denne er vist som fortau i kommunedelplanen. Naustdal og Førdepakken Side 17

18 Konklusjon Løysinga har fleire avvik i høv til vegnormalkrav. Sidan dette er eit utbetringstiltak, bør løysinga likevel kunne vere aktuell dersom ei risikovurdering dokumenterer at løysinga totalt sett medfører ei stor betring av trafikktryggleiken. Område B, teikning C003. Løysinga omfattar Fortau på sørsida (oppsida) av Øyravegen frå kryss med Helgåsvegen og om lag 160 m austover Nytt gangvegsamband mellom Helgåsvegen med brukryssing av Nausta og eventuelt brukryssing av rv. 5. Total lengd er om lag 360 m Gangveg langs rv. 5 frå kryss med fv. 611 til kryss mellom Tunavegen og rv.5. Lengd er om lag 400 m Veglys på dei omfatta strekningane Kommentarar til teknisk løysing Omtrentleg linje frå kommunedelplan er vist, men vest for rv. 5 er trace tilpassa brukryssing av rv. 5. Argumentasjon for ny gangbru I Naustdal kommune si grunngjeving for gangbrua er det vist til: Trafikktryggleik: Eksisterande tilbod til gåande og syklande med kryssing av rv. 5 Naustdalsbrua og gamlebrua over Naustdalsfossen er risikofylt Sentrumsutvikling: Betre tilgjenge frå bustadområde til sentrumsfunksjonar har mange fordeler for busetnad og næringsliv Miljø og folkehelse: Brua vil legge til rette for å redusere bilbruken og auke gang- og sykkeltrafikken Utbygging: Manglande sikker gangveg til sentrum gjev i realiteten byggestans på sentrale byggeområde i kommunen Identitet og merkevare: Ei gangbru med spennande design kan verte eit symbol for nye vekst og optimisme i Naustdal, der spennande design kan vere med å bygge identitet. Illustrasjon av innkorta veg til skule. Kjelde: Naustdal kommune Løysing i høve til formelle planar Trase for nytt gangvegsamband med ny bru over Nausta er vist både i tidlegare og nyleg vedteken kommunedelplan for sentrum av Naustdal. Vegvesenet har rådd kommunen til å konkretisere gangbruprosjektet og avklare rammeverk for gjennomføring, til dømes flaumsone, kulturminne og naturmiljø. Vegvesenet vil delta i prosessen. Det er no lyst ut konkurranse for eit skisseprosjekt og reguleringsplan. Planarbeidet er eit samarbeid mellom Naustdal kommune og Statens vegvesen. Trace for fortau langs Øyravegen er ikkje vist i kommunedelplanen Trace for gangveg langs rv. 5 er med i kommunedelplanen på deler av strekninga Naustdal og Førdepakken Side 18

19 Område C, teikning C004 Løysinga omfattar Utbetra og breiddeutvida kommunal veg Øyravegen med einsidig fortau på strekninga mellom Ospeteigen og brua over Naustdalsfossen, lengd om lag 380 m. Utbetring av kryss med Jaravegen og avkjørsler til eigedomar på strekninga Ny bru over Naustdalsfossen med fortau, lengd om lag 55 m Tiltak i kryssområdet for å betre skilje mellom bil/busstrafikk og mjuke trafikantar. Estetisk og materiell oppgradering av kryssområde og informasjonsplass Tiltak for å gjere det meir attraktivt for gåande å bruke undergangen i staden for å krysse rv. 5 i plan og gå langsetter rv. 5 til Berrvellene Oppgradert veglys på strekninga Ospeteigen kryss med rv. 5 Kommentarar til teknisk løysing Det må lagast forprosjekt for ny bru. Det kan vurderast om det skal byggjast ny bru berre for gang- og sykkeltrafikk. Dersom det leggjast opp til at eksisterande bru nyttast til køyreveg, medfører det at ein må godta ei innsnevring av køyrebana ved brua Tverrprofil for utbetra veg bør veljast ut i frå dimensjonerande trafikktal. Desse ligg ikkje føre per no. Løysing i høve til formelle planar I kommunedelplanen er det vist gangveg/fortau på strekninga. Løysing i høve til formelle planar I kommuneplanen er det vist gangveg/fortau på strekninga. Konklusjon Løysinga medfører utbetring av ein flaskehals både for biltrafikken og for gåande og syklande. Tiltaket som skil gang- og sykkeltrafikk frå biltrafikk vil medføre ei stor betring av trafikktryggleiken, og løysinga betrar framkomelegheit for biltrafikk som har restriksjonar på køyring i dag. Kombinasjon av tiltak for vegnettet i Naustdal Nytt gangvegsamband med ny bru over Nausta som skildra for område B, er det beste tiltaket for gang og sykkeltrafikk. Tiltaket bør kombinerast med dei andre viste tiltaka for område B. Kryss ved Naustdalsbrua bør utbetrast sjølv om ikkje tiltak for å betre tilhøva for gangtrafikk over Naustdalsbrua og vidareføring av gangveg mellom Naustdalsbrua og kryss med fv. 611 vert prioritert Både ei av dei alternative løysingane for område A og tiltaka som er skildra for område C bør gjennomførast dersom det ikkje vert nytt gangvegsamband med ny bru over Nausta. Tiltak for område D bør gjerast uavhengig av dei andre tiltaka Det bør vere veglys langs alle dei nemnde vegstrekningane. For strekningar langs kommunal veg som har veglys i dag oppgraderast dette til noverande krav i samband med bygging av valde tiltak, men veglys bør byggjast uansett. Konklusjon Løysinga medfører utbetring av ein flaskehals både for biltrafikken og for gåande og syklande. Tiltaket som skil gangtrafikk og biltrafikk vil medføre stor betring av trafikktryggleiken, og løysinga betrar framkomelegheit for biltrafikk som har restriksjonar i dag. Ei oppgradering av kryssområdet vil ytterlegare bidra til å gjere vegen tryggare og til å betre estetisk og materiell kvalitet. Område D, alternativ 1, teikning C005 Løysinga omfattar Utbetra og breiddeutvida kommunal veg Berrvelene på ei strekning på om lag 100 m Einsidig fortau der vegen manglar fortau på ei strekning på om lag 400 m Ny bru for gang- og sykkeltrafikk over Berelva Veglys på heile strekninga Kommentarar til teknisk løysing Det må lagast forprosjekt for ny bru for gang- og sykkelvegen. Det bør veljast løysingar som ikkje forringar opplevinga av den fine steinkvelvbrua Dersom det leggjast opp til at eksisterande bru over Berelva nyttast til køyreveg, medfører det at ein må godta ei innsnevring av køyrebana ved brua Tverrprofil for utbetra veg bør veljast ut i frå dimensjonerande trafikktal. Desse føreligg ikkje per no. Naustdal og Førdepakken Side 19

20 7. Naustdalstrafikken og Førdepakken Retningslinjer for bompengefinansiering I St.meld. nr. 24 ( ) Nasjonal transportplan (NTP) vart prinsipp for bompengefinansiering drøfta. Nedanfor er opplista nokre av dei viktigaste av rammebetingelsane: Bruk av bompengar føreset lokalt initiativ og oppslutning. Statlege midlar som delbidrag i bompengeprosjekt må hentast frå vegbudsjettet på same måte som midlar til ordinære vegprosjekt. Bompengeprosjekt må derfor vere underlagt same prioritering som ordinære prosjekt, dvs. at dei statlige midlane må være prioritert i NTP og handlingsprogramma I utgangspunktet vert stilt krav om minst 50 % bompengeandel for at eit bompengeprosjekt skal bli godkjent. Det skal leggjast stor vekt på nytteprinsippet. Dette inneber at: o dei som betalar skal ha nytte av vegprosjektet, og o dei som har nytte av vegprosjektet skal betale Etterskotsinnkrevjing er hovudregelen ved ordinære bompengeprosjekt på vegnettet, og avvik frå det må grunngjevast særskilt. Det gis normalt ikkje høve til innkrevjing på førehand. Bruk av parallellinnkrevjing tillatast i avgrensa omfang hovudsakleg for bypakker. Innkrevjingstid maksimalt 15 år Framtidig hovudstruktur for vegnettet, silingsrapport Framtidig hovudstruktur for vegnettet vil verte avklart igjennom kommunedelplanarbeidet som er starta opp, og igjennom etterfølgjande reguleringsarbeid. Nyleg offentleggjort Silingsrapport E39 Langeland Moskog og kommunedelplan trafikk Førde, oktober 2011, seier mest om framtidig løysing for E39. E39 I Silingsrapporten er det tilrådd at følgjande alternativ for E39 utgreiast vidare. I St.meld. nr. 16 ( ) Nasjonal transportplan , er desse rammebetingelsane vist til og følgt opp: Regjeringa legg framleis til grunn at hovudregelen bør være at eit bompengeprosjekt skal ha ein bompengeandel på minst 50 pst. Det leggjast til grunn at dei som betalar bompengar skal ha nytte av det aktuelle prosjektet det krevjast pengar til. På same måten må dei som har nytte av et vegprosjekt, og vere med å betale. Regjeringa vil med utgangspunkt i kva som er rimeleg legge til grunn at det som hovudregel skal være etterskotsinnkrevjing i bompengeprosjekt. Regjeringa legg til grunn at bompengeprosjekt maksimalt kan ha ein innkrevjingsperiode på 15 år. Naudsynt grunnlag for å vurdere prosjekt i høve til nytteprinsippet Alternativ for E39 som skal utgreiast vidare i ein kommunedelplan. Kjelde: SVV Silingsrapport For å få eit grunnlag for å meine noko om betaling står i høve til nytte for trafikantar på rv. 5 mellom Naustdal og Førde, er det mykje som må avklarast. Viktig grunnlag for slike vurderingar er: Ein fastlagt hovudstruktur for vegnettet med E39, rv. 5 og fv. 609 og det overordna gatenettet i Førde Oversikt over delprosjekt i Førdepakken med kostnad for kvart delprosjekt og andel av kvar delprosjektkostnad som skal finansierast med bompengar Plassering av bomstasjonar med tilrådd kostnad for passering for kvar bomstasjon Trafikkundersøking der ein får svar på trafikktal og fordeling til reisemål for reisande på rv.5 mellom Naustdal og Førde Naustdal og Førdepakken Side 20

21 Rv.5 I utsend silingsrapport kap er det tilrådd følgjande omkring rv.5: Når det gjeld trafikksystemet i og rundt Førde er det stor semje om at det viktigaste å løyse er problema i sentrum og i Halbrendslia. Det nest viktigaste er E39 austover. Tiltak for rv. 5 mot Naustdal vil kome etter at desse problema er løyst. Ut frå realistiske rammer til investering vil da tiltak på rv. 5 liggje langt fram i tid. Vi vil derfor ikkje ta med slike tiltak vidare i utgreiinga. For å ta omsyn til moglege framtidige løysingar bør ein i arealplanlegginga halde av vegkorridorar sør for Erdalen og austover frå Øyrane. Korridorane det rådast til å bandleggje er: Øyrane Kjelde: SVV silingsrapport Smedneset/Styggelia (litt sør for Erdalen) Kjelde: SVV silingsrapport Tankar omkring ivaretaking av nytte/kost-prinsippet for trafikk på rv. 5 mellom Naustdal og Førde ut i frå tilgjengeleg grunnlag per no Største delen av trafikken med utgangspunkt Naustdal kommune vil ha målpunkt i Førde by. Slik E39 er føreslått lagt om utanfor Førde, vil trafikk frå Naustdal ikkje bruke ny E39 for å nå målpunkt i Førde. Det er grunn til å tru at dette også gjeld trafikk frå området vidare vestover mot Florø. Det må gjennomførast trafikkundersøking som verifiserer og kvantifiserer denne trafikken og trafikkfordelinga til bydelar i Førde. Dette gir følgjande generelle føringar i høve til nytte/kost prinsippet og andre retningslinjer for bompengeprosjekt: Det kan ikkje krevjast inn bompengar på eksisterande rv. 5 som skal finansiere tiltak på E39 Det kan neppe krevjast inn bompengar på eksisterande rv. 5 som skal finansiere ny sambindingsveg mellom ny E39 og Førde sentrum, sjølv om denne er midlertidig eller framtidig rv. 5 Det kan krevjast inn bompengar på eksisterande rv.5 som skal finansiere tiltak på det overordna gatenettet i Førde dersom dette er tiltak som gir akseptabel nytte i høve til dei større målpunkta for trafikk på rv. 5 mellom Naustdal og Førde. Det vil likevel vere ein andel av som har lite nytte eller ikkje har nytte av tiltaka I tilfelle det skal vere bomstasjon på eksisterande rv. 5, bør bomstasjonen vere nærast mogeleg Førde for å unngå kostnad for lokaltrafikk som ikkje har nytte av tiltaka det krevjast inn bompengar for Når prosjekt for framtidig rv. 5 er utbygd, t.d. frå Smedneset/Styggelia eller frå Øyrane, må ein eventuell bomstasjon som skal delfinansiere rv. 5, stå på den nye traseen Innkrevjing skal gjerast på etterskot for tiltaka. Dette er eit prinsipp som bør etterfølgjast så langt det er råd og praktisk også for ein bypakke med fleire prosjekt med ulike utbyggingstidspunkt. Dvs. ein bomstasjon på rv. 5 som skal finansiere tiltak på rv. 5 må komme langt fram i tid. Ved innkrevjing av bompengar vil ein andel av trafikken ha liten nytte i høve til innbetalt kostnad i form av bompengar. Det bør vurderast om dette kan kompenserast med andre tiltak. For trafikk frå Naustdal kan slike tiltak vere tiltak som skildra i kapittel 6. Det har vore praksis ved bompengeprosjekt for bypakker at nytte ikkje treng vere direkte knytt til nytte for bilistar på vegen/vegnettet der det vert kravd inn bompengar. Nytte kan vere nytte for trafikantane som heilheit i form av nybygging eller utbetring av gode alternative tilbod til biltrafikk. I Bergensprogrammet vert det kravd inn bompengar mellom anna frå Ringveg vest, der første byggjesteg er opna og 2. byggjesteg er under bygging. Bybana og opprusting av gatenett i Bergen sentrum er delfinansiert av bompengar mellom anna frå dette prosjektet. På same måten er bompengar frå vegtrafikk brukt til å finansiere tiltak som betrar tilhøva for anna kollektivtrafikk, trafikktryggingstiltak og tiltak som gir betre tilhøve for gang- og sykkeltrafikk. I saksutgreiinga til Førdepakken kapittel 3 er tiltak for gang- og sykkeltrafikken med i lista over aktuelle prosjekt. Det er eit overordna mål at fleire skal kunne bruke sykkel til og frå arbeid og på fritid Dette må og gjelde gang- og sykkeltrafikk på rv. 5 mellom Naustdal og Førde. Naustdal ligg i høveleg sykle-avstand til Førde. Med gode tiltak langs rv. 5 kan ein kan få opp andelen som nyttar sykkel til transportmiddel til eit nivå som bidreg til å redusere presset på vegnettet i Førde. Slike tiltak er nemnt i kapittel 6. I saksutgreiinga til Førdepakken kapittel 3 er og tiltak som styrker kollektivtrafikken med i lista over aktuelle prosjekt. Tiltak som bidreg til at busstransport vert eit attraktivt og konkurransedyktig alternativ til biltransport mellom Naustdal og Førde vil vere effektive for å redusere presset på vegnettet i Førde. Tiltaka som er opplista i kapittel 6 som kortar inn gå- og sykleavstand og/eller som gir ein tryggare gang- og sykkeltrafikk mellom dei store bustadfelta og busshaldeplassen i Naustdal sentrum, vil auke kollektivbruken, og vil dermed vere tiltak som reduserer presset på vegnettet i Førde. Oppsummering Naustdal kommune har argument for at det bør gjennomførast tiltak i Naustdal når det vert kravd inn bompengar på rv. 5. Naustdal kommune har gode prosjekt i Naustdal som gir positiv effekt i Førde i høve til målsetjingar for Førdepakken. Naustdal kommune bør utgreie aktuelle tiltak og få på plass godkjente reguleringsplanar for ønska tiltak som stettar krav til utgreiingsnivå i NTP. Som ein del av grunnlaget for Førdepakken bør det gjennomførast ei trafikkundersøking der ein får svar på trafikktal og fordeling til reisemål for reisande på rv.5 mellom Naustdal og Førde. Naustdal og Førdepakken Side 21

22 8 Vedlegg, teikningar som illustrerer tiltak i Naustdal nemnt i kapittel 6 Naustdal og Førdepakken Side 22

23

24

25

26

27

28