Arkivsak Arkivkode Dato 14/

Transkript

1 Luster kommune Notat Til: Formannskapet Frå: Rådmannen Kopi: Arkivsak Arkivkode Dato 14/ Sak: ØP - notat Budsjett 2015, økonomiplan , pl. program Etter framlagt statsbudsjett, gjennomgang av alle driftsområda og innspel frå eksterne «budsjettpartar» har me ein svært krevjande budsjettsituasjon. Salderingsbehovet har slik rådmannen vurderer det auka.. Dei generelle budsjettføresetnadane; 1) Skatt på inntekter og formue. -Me brukar KS sin prognosemodell. Samanlikna med opphaveleg budsjett -14 så aukar skatt på inntekt og formue frå 135,8 til 138,5 million kroner. I 2014 vert det skattesvikt og KS er usikre på prognosen. Rammetilskot. -Me brukar statsbudsjettet og KS vurderingane. Samanlikna med opphaveleg budsjett -14 så vert rammetilskotet redusert frå 151,1til 150,7 million kroner. Dette vert resultatet etter at oppgåveendringane som er lagt inn i statsbudsjettet (det store her er KMF) og deflator frå 2014 til 2015 er rekna inn. Anna statstilskot. -I budsjettet er det lagt til grunn same nivå som i Det kan vere at rentenivå på kompensasjon til skulebygg, symjeanlegg og PLO vert justert ned noko som vil gi litt lågare inntekter. Statstilskot til busetjing av flyktningar vil auke, men dette vert ført mot fond etter forbruket på området. Eigedomsskatt. -Samla eigedomskattegrunnlag for dei store kraftverka der Luster kommune har interesser går og dette året vesentleg ned. Dette vil slik det no ser ut gi reduksjon i eigedomskatten på om lag 2,7 million kroner i (3,0 million kroner i reduksjon i 2014.) Eigedomskatten må ut frå dette budsjetterast til i underkant av 60 million kroner for Anna direkte og indirekte skatt. -Konsesjonsavgifter er på same nivå som 2014; 14,345 million kroner(14,743 i 2014.) Andre sals og leigeinntekter.

2 -Dette året er det stor svikt i inntekter frå sal av konsesjonskraft og noko svikt i andre inntekter; husleige grunna tomme husvære,(eldre og yngre.), sal av mat mv. I budsjettet vert det budsjettert med inntekter frå sal av konsesjonskraft på 9,15 million kroner. (Prognose 2014; 7,5-8,0 / R-2013 =12,6 million kroner.) Det vert og budsjettert med ein mindre nedgang i husleigeinntektene. (0,3 million kroner.) Overføringar (m/krav til motytelse.) -Det vert budsjettert på same nivå som ( mva og div statstilskot er dei store postane i budsjettposten.) Me budsjetterar framleis netto på sjukelønn. Ev avtale med Sogndal kommune om kjøp av tenester pleie og omsorg vil auka budsjettert nivå. Finans, renter og avdrag. -Renteinntekter og utbyte er budsjettert på nivå med regulert budsjett 2014 minus 1 mill dvs 10,675 million kroner. På bakgrunn av utvikling i finansmarkedet og signal om redusert utbyte frå Sognekraft er dette optimistisk. Justering av bankavtale og meir aktiv forvaltning av kapitalen kan vere tiltak for å nå målet. -Renteutgifter og låneomkostningar er budsjettert med framskriving av noverande opplegg og tilpassing av rentenivået til faktisk nivå med 11,981 million kroner som er 1,8 million lågare enn i Avdrag er budsjettert med framskriving av noverande opplegg med 25,617 million kroner som er ein auke på nær 2 million kroner. Eit opplegg for refinansiering av lånegjeld, flytting av lån frå lokal bank til ev kommunalbanken og utvida avdragstid vert vurdert til å kunne redusere avdrag med 3-4 million kroner, men samtidig ein mindre auke i rentekostnader. Næringslån, avdrag på næringslån. -Det vert budsjettert med utlån på 7,5 million kroner og motsvarande avdrag på utlån med same sum. Den renteberande delen av utlåna er basert på 4% rente. 2) Driftsområda. Vedlagt følgjer ein stikkordsmessig gjennomgang av tenesteområda med forslag til endringar, tillegg og reduksjonar; Folkevalde; er valgår med tilhøyrande kostnader; gjennomføring av valget, konstituering av nytt kommunestyre og opplæring. Det er lagt inn i budsjettframlegget. ( ev fondsfinansiering.) -Utover dette ligg det ikkje til rådmann å skissere endringar. Administrasjon; -Revisjon og kontrollutval. Budsjettframlegget er framskrive med 5% auke. Det er lagt inn i budsjettframlegget.( , ) -IKT utgifter er om lag som budsjettert. Det regionale samarbeidet ligg ned og det må vurderast om kva form og nivå som det skal vidareførast på. Det må og gjerast ei vurdering av om me skal kjøpe server/lagringstenester (Bluefjords). Budsjettramme må aukast , er ikkje lagt inn. -Administrative stillingsressursar. Reduksjon med i 2015 og i kan vere realistisk, er ikkje lagt inn. -Betalingssatsar. Det vert gjort nærare vurderingar på satsane for gjennomgang på neste møte. Mindre realvekst er realistisk på ein del område. Regelverk opnar og for større administrasjonskostnader enn me har lagt inn i sjølvkostrekneskapa.

3 -Leasing av bilar bør gjerne erstattast med kjøp. -Meir aktiv forvalting av kapital, revisjon av bankavtale og endring av avdragstid er føresett å betre balanse i storleik 3-4 million kroner. (jf ovanfor.) -Pensjonsplikter ser ut til å kunne salderast på eit nivå 2-3 million kroner lågare enn i Endeleg fondsbruk i budsjettet vert å ta stilling til seinare i prosessen. Oppvekst; -Barnehage; -Det er gjort ei vurdering på at suppleringsopptak januar kan gjennomførast utan ekstra ressursar. (utnytting av ledige plassar- ev kan ein ikkje gjennomføre opptaket fullt ut.) -Det er vidare gjort ei vurdering at opptaket 2015 vil vera lågare enn 2014, men det er uavklara om ein kan redusere tal avdelingar, greier ein ikkje det vil nettoøkonomi vere nær årets driftsøkonomi. -Det er søknad om utvida tilbod på Veitastrond. Det er vurdert og kostnadsrekna eit utvida tilbod. Alt etter plasstal og opningstid vil det bety ein kostnadsauke på mellom og 1 million kroner. Det er ikkje avklart kva plasstal og tilbod som vert vurdert å vere godt nok. Er ikkje lagt inn i framlegget. -Det har tidlegare vore føringar på generell innstramming utan at det har materialisert seg i konkrete tiltak. Anna og rimelegare sommardrift og ta vekk 60% plassen er konkrete tiltak som gir litt innsparingar. Det vert kostnadsrekna og lagt inn i framlegget. -Redusert bemanning er eit kontroversielt framlegg som ikkje vert drøfta nærare utan politisk oppslutnad. Oppvekst; -Grunnskule; -Grunnskule er uendra frå noverande drift, klassetal mv. Driftskostnader på HBU må tilpassast at Luster vidaregåande har avslutta og byggeprosjektet. Det aukar driftskostnadane noko. Det er gjort ei «ostehøvel-innstramming» i årets rammer på Skulestruktur er «freda» i denne budsjettprosessen. Rådmannen tek dette til etterretning, men tek likevel opp spørsmålet om det kan vere aktuelt å slå saman Gaupne skule og Luster ungdomsskule. Det vil gi ei mindre innsparing (ikkje rekna på) og elles kan det vurderast både positive og negative verknader av eit slikt tiltak. Rådmann meiner tiltaket bør utgreiast nærare. -Spesialpedagogiske tiltak. Det kan budsjetterast med ein mindre nedgang i tiltaka. -PP-tenesta og organisering. Grunnlaget for ev å gå inn i ei større interkommunal teneste nærmar seg fullføring. Inntil det her er trekt konklusjonar så bør tenesta dimensjonerast og budsjetterast uendra. Helse; -Helse er tilnærma uendra frå noverande drift i utgangspunktet i budsjettarbeidet. -Nettoutgifter på folkehelse får ein mindre auke grunna reduserte tilskot frå prosjektet. -Ny forskrift akuttmedisin utfordrar legevakttilbodet ytterlegare på det faglege og truleg og kostnader. Den eigne legevakta for øh-sengene er svært lite nytta og avtalen er sagt opp. Dette må og sjåast lys av at finansieringsordning er borte/svekka ved avvikling av KMF. Kostnadane er nærare på årsbasis, innsparing er avhengig av alternativ kost.

4 Det er rådmann si vurdering at me bør gjere ein samla gjennomgang på legevakttilbodet. -Kommunen har og god oppdekking av tilsynslege på institusjonane med 20% stillingar. I Gaupne har me og 50% legestilling på KA. Her bør det og vere rom for drøftingar om tilpassing. -Legevakttelefonsentralen vert flytta frå AMK i Førde til Lærdal og Sogn LMS, kostnader vert tilnærma uendra. -Nytt nødnett gir mindre auke i abonnementskostnader som er innarbeidd i budsjettet for 2. halvår SMISO søker om utvida tilskot frå 4 til 5 kroner pr innbyggar. Det vert lagt inn i budsjettet. -Statsbudsjettet har føring på styrking av helsestasjon, skulehelseteneste, psykiatri og rus. I rammetilskotet ligg det til styrking av tilboda. Den lokale endringa på tilbodet er at skulehelsetenesta på Luster vidaregåande er nedlagt og budsjettmessig er den ressursen «fri». Det er og område der me har gode tilbod og spørsmålet vert kor nødvendig det er med ytterlegare styrking. Fagleg vert det spesielt understreka ytterlegare behov innan rus og psykiatri. -Innan fysioterapi har me høg ressursinnsats om ein ser på Kostra-måling og området bør vurderast. -Statsbudsjettet avviklar og ordninga med medfinansiering av sjukehustenester noko som slår svært uheldig ut for Luster kommune. (1,5-2 mill.)- jf og omtale nedanfor. -Det er rådmannen si vurdering at skal me ha mål om å balansere budsjett i løpet av perioden så må nettoutgiftene på helseområde reduserast. Mest nærliggjande er det då å vurdere område der me har høge kostnader samanlikna med andre. Sosial; -Det vert arbeidd med nye og utvida lokale til Nav. Luster kommune må ta sin del av utvidinga for dei kommunale tenestene. (inntil ) -Det vert arbeidd med handlingsplan for integrering av flyktningar og arbeidsinnvandrarar. Ev tiltak her vil det vere aktuelt å finansiere av statstilskot. -Tiltaksbudsjettet i barnevernet har vorte auka i I høve det regulerte budsjettet for 2014 (+1,2 mill.kr.) så kan det budsjetterast med noko nedgang, om lag Pleie og omsorg; -Av vedtekne tiltak er utbygginga ved Gaupne omsorgssenter ferdigstilt og arbeidet med nytt sentralkjøken er under arbeid med mål om omlegging innan Behovet for langtidsplassar i institusjon er redusert og me har ledig kapasitet. Dette er grunna i utvikling av tenestetilbodet innan området, trend med hjelp på lågare nivå og at tidlegare prognosar har vore for høge. Ny kapasitet ved Gaupne omsorgssenter, 6 senger, forsterkar overkapasiteten i institusjonstilbodet. I mindre grad enn tidlegare vurdert, vil sal av teneseter til Sogndal kommune avhjelpa situasjonen. Deira behov er vesentleg redusert og det er ikkje avklart om det vert nokon avtale. Det er rådmannen si vurdering at me må vurdere strukturelle tiltak.

5 -Arbeidet med nytt sentralkjøken går etter planane. Nytt opplegg vil gi eit godt mattilbod og gi økonomiske gevinstar. Ein million betre balanse i 2015 og 2 million kroner betre i 2016 er realistisk. -Me har no reorganisert heimetenestene og det har vore eit godt grep for å få ei teneste og ei lik teneste over heile kommunen. Det kan no vere grunnlag for å sjå på samarbeid mellom heimetenesta og institusjonstilbodet og spesielt natte-vakttilbodet peikar seg ut som eit område der det er fagleg forsvarleg å samordna og redusere ressursbruken. Her vil og vere forhold omkring ekstrahjelp, overtid og bakvakt som kan vere grunnlag å sjå nærare på. Alternativt/alternative opplegg vert vurdert og rekna på. -Ressurskrevjande teneste har press på tenesta og rammevilkåra i statsbudsjettet er forverra ved at innslagspunktet for 80% statstilskot er heva utover deflator.(35.000) Det er pårekneleg at ramma må aukast med min Teknisk; -Det har no vore gjennomført både reinhalds- og vaktmeistarprosjekt som har redusert og tilpassa nivået. Det etablerte nivået må haldast. -Det er gjort vedtak om å vidareføra Solvornferja. Kostnadane er utover budsjett 2014 og vert lagt inn i budsjettet. -Brann og beredskapsbudsjett må justerast opp, pensjon for småe stillinga, nytt nødnett er av dei større reguleringane og nettobudsjettet må aukast med om lag Gebyr feiing og bustadtilsyn vert regulert opp med 10%. Næring; -Landbrukskontoret reduserer med 50% stilling innan fjelloppsynet. -Det vert arbeidd med interkommunalt samarbeid innan skogbruket, både forvaltning og utviklingstiltak. Vår noverande 40% ressurs er tilpassa dette opplegget. (20% kan ev fondsfinansierast.) Kultur; -Lustrabadet har lagt fram eit budsjettframlegg med lågare driftstilskot enn i (2,960) Dette vert lagt til grunn i budsjettframlegget. -Det er pårekneleg at bokbåttilbodet vert nedlagt frå sommaren av. -Vurdering av tilskot/tilskotsnivå pågår. 3) Investeringsplan. Utsendt/vedlagt rekneark syner svært omfattande investeringsplanar. Kor stor nettoverknaden av programmet vil bli vil avhenge av kor «godt tomtesalg» det er mogeleg å realisere. Programmet må og få noko tilpassing ved flytting av tiltak mot slutten/ut av perioden. Uansett vil lånegjeld auke. Jarle Skartun rådmann