ETNE KOMMUNE SAKSUTGREIING

Transkript

1 ETNE KOMMUNE SAKSUTGREIING Utval Møtedato Saknr Saksh. Komite Forvaltning /13 ERK Sakshandsamar: Erik Kvalheim Arkiv: N-504, GNR- 139/002,005 Arkivsaknr: REGULERINGSENDRING AV REGULERINGSPLAN FOR FRITIDSBUSTADER PÅ DEL AV G.NR./B.NR. 139/2,5. VEAVIK, SKOGA. 1. GONGSHANDSAMING. Vedlegg i saka: Ingen Utrykte saksdokument: Reguleringsendring av reguleringsplan for fritidsbustader på del av gnr. 139 bnr. 2, 5 - Etne kommune. Planframlegg motteke frå Omega. Inkl. planomtale, føresegner, planklart, ROS-analyse og vurdering i høve til Naturmangfaldslova. Saksgang: Komité Forvaltning Utskrift til: Sakshandsamar for annonsering og utsending

2 SAKSUTGREIING: 1. Kva saka gjeld: Saka gjeld 1. gangshandsaming av omtalte planframlegg på Skoga på Skånevikstranda. 2. Bakgrunn for saka: Omega Areal AS har på vegne av Firma Svarga AS og grunneigar Helge Hus lagt sendt inn framlegg til endring av eksisterande reguleringsplan frå september 2005, jf. utrykte vedlegg datert mm. Det er avholdt oppstartmøte med Etne kommune Problemstilling: Føremålet med planarbeidet er omregulering av 6 bygde naust til hytter, justering av eksisterande situasjon til slik det er utbygd, og innarbeiding av bustadtomt. Området er i kommuneplanen sin arealdel avsett til LNF-område og LNF-område med spreidd fritidsbustader. I eksisterande reguleringsplan er området regulert til naust, småbåthamn, parkering og tilkomstveg opp til FV 34. Vi klipper inn frå planframlegget: Skildring av planområdet, eksisterande tilhøve: Plassering av område: Planområde ligg til Skånevikfjorden, aust for Skogavik, ca. 3 km vest for Skånevik sentrum. Her strekk området seg frå gardsbruket 139/2,5, med opparbeidd vegtilkomst til kaianlegg og nausta ved sjøen. Område grensar i aust til tidlegare plangrense som går i eigedomsgrensa, og i nord mot sjø. Område er i vest utvida, og grensar til berg og sjø like ved delvis etablert båtopptrekk. I sør strekk område seg i aust-søraustleg retning ut frå etablert veg. Mot vest grensar område ved vegkant og med naturleg avslutting mot berg. Bilete over delar av planområde. Bustadtomta ligg opp til venstre for P-plassane, vegtilkomst via P2.

3 Arealbruk og tilgrensande arealbruk: Planområde er delvis omkransa av landbruksareal, og grensar i nord til sjø. Arealbruken innanfor planområde er nytta til småbåtanlegg, naust, parkering og tilkomstveg. Planområde er ca.10.3 daa stort. Landskap: Terrenget er slakt haldande frå sør mot nord, ned til sjøkanten. Område har eit kuppert terreng, med to høgder der det dannar seg ei flate i mellom. Denne flata strekk seg i sør-nordleg retning frå gardsbruket ned til sjøen, og husar i dag seks naust. Eksisterande utbygging av naust og vegar har teke omsyn til terrenget på staden, og det er gjort minst mogleg terrenginngrep i form av sprenging og fylling. Nausta er plassert slik at fjellet som bryt ut i sjøen er bevart, det same gjeld ved kaianlegget der vegen til båtopptrekket følgjer naturleg fjellformasjon. Kulturminner og kulturmiljø: Det er ikkje registrert automatisk freda kulturminner innanfor eller like ved planområde. Etter synfaring gjort av Hordaland fylkeskommune i juni 2013, kunne ein ikkje finne kulturminner innanfor planområde. Naturverdiar: Det er ikkje registrert spesielle naturverdiar innanfor planområdet eller i nærleiken. Artsdatabasen, Naturdatabasen hjå Direktoratet for Naturforvaltning og miljostatus.no er gjennomgått. Uteområde: Område ligg ned til sjøen, og har tilgang med båt frå sjø eller via opparbeidd veg. Eksisterande naust har brygge i framkant mot sjø, som heng saman med resten av kaiområde. Bryggene og kaiområda fungerar soleis som uteområde, og er ope for alle. Det er naturleg å opphalde seg ved sjø og i båt i eit slikt område. Landbruk: Det vert ikkje drive landbruk i område som er avsett i planendringa, men område er ein del av ein landbrukseigedom, og det vert driven landbruk lenger sør på eigedomen. Vegtilkomsten som er opparbeidd til område går gjennom dyrka areal. Ved sjøen er område i stor grad utfullt og grensar til naturlege barrierar. Område er soleis ikkje av vesentleg karakter for landbruket. Trafikktilhøve: Regulert veg frå gardsbruk og vidare vegtilkomst herfrå til Fv 34, sikrar vegtilkomst heilt ned til sjøen og planområde. Teknisk infrastruktur: Nausta har i dag straum, men det er ikkje vatn og avlaup i nausta. Grunntilhøve: Kaiområda er opparbeidd med tilkøyrde massar. Nausta er plassert delvis på fylling og fjell. Områda er av mykje fjell i dagen. Dagens småbåthamn/naust.

4 Skildring av planforslaget: Planlagt arealbruk: Område er regulert til konsentrerte fritidsbustadar (F1), småbåtanlegg og friluftsføremål i og ved sjø. Det er regulert inn vegareal, parkering og ei bustadtomt i bakkant av dette. To områder som ligg i utkanten av planområde er regulert til landbruk, slik arealføremålet er i eksisterande plan. Figur 9. Illustrasjon plan. Gjennomgang av aktuelle reguleringsføremål: Det er avsett område til konsentrert fritidsbustad i område med naustrekkje i dag. Denne naustrekkja får difor gjennom reguleringsendringa status som konsentrert fritidsbustad. Sjølve bygningskroppen vert utvendig slik den er bygd. Framom fritidsbustadane er det ei bryggje som strekk seg langs heile sjøsida, og er regulert til småbåtanlegg. I føresegna til planen er det sagt at det i dette område skal vere opent og utan hindringar i form av leveggar mv. Småbåtanlegget S 3 har molo, merkt S2 i plankartet, ut i sjø framom fritidsbustadane. Det er frå denne uteriggerar som gir båtplassar til fritidsbustadar ovanfor fylkesvegen og dei nye fritidsbustadane (illustrert i figur 9 over). Elles er det regulert inn to parkeringar som skal dekkje naudsynt parkering i høve til fritidsbustader og småbåtanlegg. Det er elles regulert inn vegtilkomst heilt ned til båtopptrekksplass. Bustadtomta B 1 som er regulert inn i sør- austre del av område har vegtilkomst via den sørlegaste parkeringsplassen, P2. Dette arealet ligg i område med berg og noko skog. Resterande arealer er lagt inn som friluftføremål på land og i sjø, og noko til landbruk.

5 Plassering av busetnad og utforming: Fritidsbustadane er plassert i ei samanhengjande rekkje, som startar ved fjellveggen i austsida av område. Framom naustrekkja er ei felles brygge, som har tilkomst frå vestsida. Vegen som leier ned til småbåtanlegget passerar naustrekkja i vest, og skapar opning for ålmenn tilkomst. Bustadparsellen litt høgare i terrenget på ein høgde søraust for rekka med fritidsbustadar. Parkering: Det er avsett eige areal for tjue parkeringsplassar. Dette dekkjer parkeringstrong for fritidsbustadane, og for båtleigeplassar. Parkeringsplassane slik dei ligg i dag skal utvidas for å romme denne summen parkeringar. Trafikktilhøve: Regulert veg frå gardsbruk og vidare vegtilkomst herfrå til Fv 34, sikrar vegtilkomst heilt ned til sjøen og planområde. Uteopphaldsareal: Uteopphaldsareal for fritidsbustadane vil vere bryggene og friluftsområda. Mykje av uteopphald ved fritidsbustader ved sjø, vil vere med båt på sjøen. Plan for vass- og avlaup: Vass og avlaup er tenkt løyst med felles tank til alle seks fritidsbustadane, med avlaup for kloakk i sjø. Vasstilførsla vert løyst med borehol. For bustadparsellen er vass og avlaup tenkt løyst med eigen slamavskiljar med avlaup til sjø, i den same avløpsleidningen som for fritidsbustadane. Vasstilførsla er tenkt løyst med borehol. Vi syner elles til vedlegga. Her er også fleire foto og kart, eksisterande reguleringsplan mm. 4. Vurdering: Søkjar viser til at Etne kommune ikkje har stilt krav om konsekvensutgreiing (KU) av omsøkte endringar. Fylkesmannen i Hordaland har i si fråsegn til oppstarten av planarbeidet etterlyst grunngivinga for dette. Søkjar viste då vidare til Etne kommune. Vi tek såleis inn ein del moment her: Planområdet er eit allereie utbygd område, tiltaket gjeld mindre endringar i eksisterande reguleringsplan, bruksending gir ingen ytre endringar på bygg. Nausta blei bygde litt lenger vest enn vist på eksisterande reguleringsplan (men innan føremålsgrensa), alternativet hadde vore monaleg utsprenging og sår i landskapet (sjå foto). Parkeringsplassen blei trekt vekk frå strandlina, slik at ein fekk ei meir effektiv utnytting av småbåthamna og fleire båtplassar. Anlegget har høg kvalitet. Bustadtomt ligg i LNF-område for spreidd utbygging (riktig nok for fritidsbustader). Opphavleg naustplassering låg også denne sona. Bustadtomta er meint å haldast i familien i samband med generasjonsskifte på bruket. Planframlegget har omtale av verknader for kulturminne, naturmangfald, landbruk og ROS-analyse med konsekvensvurdering. Det er ikkje avdekka negative konsekvensar som følgje av tiltaket. Historikk: Grunneigar ønska opphavleg (kring 1999) å bygge hytter i strandsona vest på garden, men retta seg etter fylkesmannen sitt ønske og regulerte heller på oppsida av FV 34 (29 hytter). Småbåthamna blei regulert på eit avgrensa og usjenert areal inst på eigedomen mot Ytre Tendalsvik. Såleis er berre om lag 10 % av strandsona på eigedomen utbygd (80 av 800 m strandline). Dette kan vanskeleg kallast privatisering, hamna har også gitt hyttefolk, dei som leiger båtplass, eigars familie m. fl. tilgang til sjø for å drive med friluftsliv, rekreasjon

6 og fiske etc. Hamna har t.d. også vore brukt av lokale speidarar som utgangspunkt for kanoturar. Moloen, som utgjer ei naudsynt skydd for anlegget, gjer det unaturleg for ålmenta å ferdast inne i hamna. Omsøkt tiltak endrar ikkje på dette, men gir fleire menneske tilgang til sjø enn i opphavleg plan. Sjøområdet utanfor moloen er offentleg området i planframlegget. Svært liten del av strandsona på eigedomane i aust og vest mellom Mortveit og Leknes er utbygd, dvs. i ei strekning på kring 3 km, så her er god plass for ålmenta. I tillegg ligg Taraldsøy like ved planområdet, øya er det viktigaste friluftsområde til sjø i kommunen. I sum meiner rådmannen at det er urimeleg å krevja eiga KU for tiltaket, sett i høve til omfang og verknader av dette. Saka er godt opplyst og der er dokumentert små negative følgjer av omsøkte tiltak. Området er allereie utbygd. Fleire menneske får tilgang til sjø gjennom dei omsøkte endringane, noko som er positivt. Skoga hyttefelt er døme på god arealplanlegging, der berre ein liten del av strandsona blir råka av inngrep, og likeeins små ålmenne interesser. I fråsegn til oppstart seier Hordaland Fylkeskommune at ei omregulering av naust til fritidsbustad vil skapa eit press på den funksjonelle strandsona, m.a. fordi fritidsbustader har ein meir privatiserande effekt enn naust. Omregulering av naust vil og kunne skapa ekstra press og etterspurnad etter nye nausttomter andre plassar. Fylkeskommunen melder difor at dei er skeptisk til ei slik omregulering som planen legg opp til. Der er ikkje merknader knytt til kulturminne. Fylkesmannen i Hordaland har liknande merknad om hytter i strandsona. Omega Areal sin kommentar: Sjølve bygningane vert utvendig ikkje endra ved reguleringsendringa, det er berre bruken og det innvendige som vert endra. Nausta har ved fleire høve vore annonsert for sal utan at det har vore etterspurnad, dette er noko av grunnen til at ein no har satt i gong prosessen med omregulering. Vi kan leggje til at dei to tidlegare hønsehusa på garden blir brukt til vinterlagring for båtar, dette er store bygg med bra kapasitet. Nokre hytteeigarar legg båtane opp på tomta si ovom FV 34. Vi syner elles til nokre av momenta i lista om KU ovanfor, om ålmenne interesser etc. Statens Vegvesen og Mattilsynet hadde også merknader til oppstarten, der dei peika på omsyna til høvesvis tilkomst og krav til tilfredstillande drikkevatn. Dagens kryssløysing ved fylkesvegen er godkjent av vegvesenet, etter at det er gjort ein jobb med å utbetre denne. For meir detaljar om innkomne merknader og kommentarar av desse syner vi til vedlegga. Det er også gjort ei vurdering i høve til 8-12 i Naturmangfaldslova. Oppsummeringsvis så meiner rådmannen at planframlegget stettar dei krav gjeld for å bli lagt ut på offentleg høyring. TILRÅDING FRÅ RÅDMANNEN: Med heimel i Plan- og bygningslova kap og vert framlegg til detaljregulering for reguleringsendring for eit område i Veavik, gnr. 139, bnr. 2 og 5 i Etne kommune lagt ut til offentleg ettersyn i minst 6 veker KOMITE FORVALTNING

7 Komiteen var på synfaring i saka før møtet. FV-103/13 VEDTAK: samrøystes Med heimel i Plan- og bygningslova kap og vert framlegg til detaljregulering for reguleringsendring for eit område i Veavik, gnr. 139, bnr. 2 og 5 i Etne kommune lagt ut til offentleg ettersyn i minst 6 veker.