FIL-0704 EXAMEN PHILOSOPHICUM NETTBASERT CAMPUS ALTA/Narvik. STUDIEOPPLEGG OG PENSUM Vår 2019

Transkript

1 FIL-0704 EXAMEN PHILOSOPHICUM NETTBASERT CAMPUS ALTA/Narvik STUDIEOPPLEGG OG PENSUM Vår EXAMEN PHILOSOPHICUM s. 2 Kontaktopplysningar s. 3 UNDERVISING s. 3 Føremål s. 3 Undervisingsplan s. 3 Prosedyre for innlevering s. 3 Formelle krav til innlevering s. 3 Faglege krav til innlevering s. 4 Organisering av arbeidsveka s. 4 PENSUM s. 4 ARBEIDSKRAV s. 5 EKSAMEN s. 5 A. 5-timars heimeeksamen s. 5 Praktisk informasjon s. 6 B. Semesteroppgåva s. 6 Formelle krav s. 7 Val av tema s. 7 Ei god semesteroppgåve s. 7 OM KJELDEBRUK s. 8 Kjeldetilvising s. 8 Fagleg ansvarleg: Læraren din finn du på førstesida med kontaktopplysingar under «Deltakarar» Administrativt ansvarleg: Brukarstøtte for Canvas: Kontorsjef Pål Bye Jensen Orakeltenesta Tlf Epost: pal.bye.jensen@uit.no Tlf Epost: orakel@uit.no 1

2 Gratulerer med studievalet. Du har nå gjennom Tromsøvarianten sin nettvariant av Examen philosophicum ein unik sjanse til å få ein solid start på studia dine. Målsettinga vår er at du skal oppleve ein studiesituasjon som er fleksibel, eit innhald som er engasjerande, og eit opplegg som stimulerer til refleksjon og læring. Lærarane ved Institutt for filosofi og førstesemesterstudium er klare til å hjelpe til og ønskjer deg velkommen til studiet. EXAMEN PHILOSOPHICUM (EX. PHIL.) er ein obligatorisk del av bachelorgraden og er, med einskilde unnatak, obligatorisk for alle som vil oppnå ein grad ved Universitetet i Tromsø Noregs arktiske universitet. Studentane tar normalt emnet i løpet av det første studieåret saman med Examen facultatum (ex.fac.) og/eller fagemne frå studieprogrammet dei er tekne opp på. NETTVARIANTEN, CAMPUS ALTA/NARVIK Til forskjell den reine campus-varianten opnar denne varianten for ein meir fleksibel studiekvardag, der du sjølv i stor grad bestemmer tid og stad for undervising og progresjon i studiet. Opplegget inviterer også til god kontakt både med lærar og medstudentar. Undervisinga består av førelesingar på nett, seminar på campus i Alta/Narvik, samt skriftlege innleveringar på nett. For å få framstille deg til eksamen må du ha gjennomført minimum 6 undervisingsaktivitetar. Eit 3-timars seminar og ei godkjent skriftleg innlevering, reknast begge som ein aktivitet. Av dei 6 godkjente aktivitetane, må minimum 2 vere seminar og minimum 2 vere skriftlege innleveringar. Det er også obligatorisk å skrive ei kort prosjektbeskriving av semesteroppgåva og ha ei telefonrettleiing i samband med semesteroppgåva. Eksamen består av ein 5-timars skriftleg heimeeksamen og ei semesteroppgåve. Desse blir vurdert samla og gitt ein endeleg karakter. Fagleg innhald, pensum og målsettingane for studiet er sams for campus- og nettvarianten. Emnet er organisert rundt fem tema: Menneske, kunnskap, etikk, politikk og samfunn, natursyn og vitskap. Studiet skal gjere deg kjend med vesentlege spørsmål ein kan stille til menneskeleg erkjenning og til moralsk og politisk praksis, slik dei er blitt stilte i løpet av filosofiens historie og i vår tid. Du får også ei elementær innføring i vitskapleg tenking og akademisk skriving. Studiet skal få deg til å reflektere kritisk over di eiga stilling som forvaltar og skapar av vitskapeleg kunnskap, både når det gjeld vitskapsteoretiske og etiske aspekt ved desse verksemdene. Til saman skal dette gi deg eit godt grunnlag for vidare studium. Du finn ytterlegare informasjon om arbeidsform, pensum og eksamen ved å klikke på lenkene på forsida vår. Les desse dokumenta nøye. Ver særleg merksam på tidsfristane for innlevering av arbeidskrav og prosjektbeskriving og dato for 5-timars heimeeksamen. Desse finn du i undervisingsplanen. 2

3 Kontaktopplysingar Vi oppmodar alle til å leggje inn kontaktopplysingar av ulikt slag på lista over deltakarane i Canvas. Telefonnummer og e-post adresse til læraren finn du alt i Canvas-rommet. Det er spesielt viktig at du legg inn eit telefonnummer som læraren kan nå deg på, da rettleiinga knytt til semesteroppgåva i stor utstrekning vil finne stad på telefon. SEMINARUNDERVISINGA Det vil bli arrangert tre undervisingssamlingar i Alta/Narvik i løpet av semesteret. Samlingane vil gå over to dagar, med eit 3-timars seminar kvar av dagane. Dato og tidspunkt finn du i undervisingsplanen. På seminara vil vi fordjupe oss i delar av pensum. Vi vil leggje vekt på undervisingsformer kor studentane er aktive og samarbeider med andre, så som gruppearbeid, gruppepresentasjonar og plenumsdiskusjonar. Vi ventar at du har lest pensum og sett dei tilhørande førelesingane på førehand. Du kan også nytte seminara til å få informasjon om korleis du kan skrive gode innleveringar på nett, og få hjelp til å forstå og dra nytte av kommentarane du får til desse innleveringane. NETTUNDERVISINGA Føremål Målet med å svare på oppgåver kvar veke er å hjelpe deg til å forstå dei filosofiske spørsmåla, begrepa og teoriane betre både gjennom sjølve skrivinga og kommentarane du får etterpå. Vi vil gjere dette arbeidet så eksamensrelevant som mogleg. Derfor vil oppgåvene likne dei på den 5- timars skriftlege heimeeksamenen. Det er også meininga at arbeidet med desse oppgåvene skal hjelpe deg å finne interessante tema eller problemstillingar til semesteroppgåva di. I tillegg kan du bruke oppatt tekst frå oppgåvesvara i heimeeksamenen eller i semesteroppgåva. Det tyder at alt du skriv, vil kunne verke direkte inn på karakteren i emnet. Viss du vil gjere deg nytte av dette, er det særleg viktig at du les nøye gjennom kommentarane du får frå læraren. Endeleg vil det å skrive og få kommentarar gi deg verdfull trening i akademisk skriving. Undervisingsplan I dei første ni vekene av studiet skal du arbeide med gitte oppgåver og levere svara innan bestemte fristar for kvar av desse vekene. Meir informasjon om dette finn du i Canvas-rommet. Legg merke til at du kan levere inn oppgåvesvar før fristane. Dette gjer studiet fleksibelt om du skulle vere hindra frå å levere i ei av desse vekene. Men det er likevel ikkje mogleg å levere inn etter dei aktuelle tidsfristane. Av faglege omsyn rår vi deg til å følgje progresjonen i studieplanen. 3

4 Prosedyre Du leverer svara i Canvas-rommet. Svara blir normalt lesne og kommenterte innan ei veke etter innleveringsfristen. Vi ventar at du les kommentarane grundig og tar omsyn til dei i seinare innleveringar. Svara blir vurderte som godkjende eller ikkje godkjende. Eit absolutt minstekrav for å få ta eksamen er at minst 6 av dei 9 vekevise innleveringane er godkjende. Ikkje godkjende svar kan du ikkje levere på nytt. Det er berre godkjende svar som blir rekna som ein gjennomført undervisingsaktivitet. Når du har fått oppfylt minimumskravet på 6 godkjende undervisingsaktivitetar, er ytterlegare innleveringar frivillig, men sjølvsagt tilrådd av faglege og pedagogiske grunnar. Du kan skrive og levere dei individuelle svara når som helst før fristen. Formelle krav Vi ventar 2-3 normale tekstsider ( ord) for kvar oppgåveinnlevering. Men vi tar omsyn til kor poengtert du skriv, så det er ingen grunn til å gjenta seg sjølv eller ta med irrelevant stoff for å skrive langt nok. Hugs å svare på alle oppgåvene. Hugs alltid å oppgi dei kjeldene du har brukt. Det gjeld også om læreboka eller tilleggstekstane som ligg i Canvas er kjelden, eller du har henta noko frå internett. Vi godkjenner ikkje tekstar som bryt med dette kravet. Vi ser gjerne at de samarbeider om oppgåvene munnleg. Likevel må du sjølv skrive di eiga oppgåve på din eigen måte. Oppgåver som språkleg er svært like andre svar, eller svært like tekstar på nett, vil ikkje bli godkjende. Alle oppgåver som blir leverte i Canvas vil automatisk bli samanlikna med tidlegare svar og tekstar som ligg ute på nettet ved hjelp av eit plagiatkontroll-program. Det skal alltid stå namn på svara. Vi godkjenner kun filformatet pdf. Faglege krav Vi ønsker at du i alle svara forsøker å skrive så klart og tydeleg som mogleg. Klarleik er eit grunnleggjande ideal i akademisk skriving og er særleg viktig i fag som filosofi. Det skal ikkje vere nødvendig å lese fleire gongar eller måtte kjenne til poenga på førehand for å forstå det du skriv. Du vil i hovudsak får tre typar oppgåver. For det første vil du måtte forklare begrep, poeng, argument eller teoriar frå pensum. Her vil vi først og fremst leggje vekt på at du kan gjere dette på ein sjølvstendig måte. Bruk eigne ord, gi svara din eigen struktur i staden for berre å følgje læreboka og bruk eigne eksempel der det er naturleg. Det er utelukkande ved å vise slikt sjølvstende at du viser du har forstått stoffet og ikkje berre gjev det att. Det er viktigare å vise at du har forstått hovudpoenga enn å få med mest mogleg informasjon i svaret. Å kunne uttrykke hovudpoenga på ein klar og sjølvstendig måte er ein kompetanse ein treng i mange samanhengar på universitetet og elles i livet. I andre oppgåver skal du bruke begrep og teoriar på konkrete eksempel. Her vil vi først og fremst leggje vekt på om du gjer dette på ein måte som viser at du har forstått dei aktuelle begrepa og teoriane. Vi ventar at du forklarer korleis du kom fram til svaret. Er du usikker eller meiner fleire svar kan vere riktige, er det særleg viktig å forklare korleis du tenkjer. I den tredje oppgåvetypen skal du ta stilling til filosofiske problem eller påstandar. Vi ventar sjølvsagt ikkje at du kjem fram til eit endeleg og objektivt svar, men krev at du, så godt som du kan, forsøker å grunngi synspunkta dine. Det er kvaliteten på grunngjevinga og ikkje kva du meiner, som avgjer korleis vi vurderer svaret. 4

5 Så lenge alle oppgåvene er oppriktig forsøkt løyste, har vi høg toleranse for faglege problem og misforståingar. Det er ikkje ofte at vi underkjenner oppgåver utelukkande fordi dei inneheld for mange faglege feil. Vi er langt strengare når det gjeld brot på dei formelle krava. Organisering av arbeidsveka T.d. i helga: Lese pensum, sjå førelesing. T.d. måndag: Skrive utkast til svar på individuelle oppgåver T.d. tysdag: Gruppearbeid/diskusjon Fredag: Innlevering av individuelle oppgåver før kl PENSUM Anfinsen, R. og Christensen E. (red.): Menneske, natur og samfunn. Universitetsforlaget I tillegg kjem tekstar spesifikke for dei enkelte gruppene. Desse tekstane blir lagt ut i Canvas. Heile boka er pensum og er grunnlaget for den 5-timars heimeeksamenen. Innleveringsoppgåvene er frå eit utval på tre kapittel bestemt av læraren. Dei tre utvalde kapittel-temaa har igjen tre undertema, der kvart av desse tilsvarer ei vekes arbeid med tilhøyrande innleveringar. Kva tema du skal arbeide spesielt med, blir annonsert i Canvas og i undervisingsplanen. Oppgåvene som er gitt i tilknyting til dei to andre temaa finn du også i Canvas. Det er god øving og førebuing til eksamen og seminaroppgåva å arbeide med desse. ARBEIDSKRAV For å få framstille deg til eksamen må du ha gjennomført minimum 6 undervisingsaktivitetar. Eit seminar eller ei godkjent skriftleg innlevering, reknast begge som ein aktivitet. Av dei 6 godkjente aktivitetane, må minimum 2 vere seminar og minimum 2 vere skriftlege innleveringar. Etter at heimeeksamen er avlagt, skal du lage ei kort prosjektbeskriving for den avsluttande semesteroppgåva og deretter ha ei munnleg rettleiing. (Læraren legger ut ein studieplan med nøyaktige datoar i Canvas). Det er ditt ansvar å sjå til at du oppfyller arbeidskrava. Desse vil også bli gjennomgådde av læraren mot slutten av semesteret. 5

6 EKSAMEN Eksamen består av ein heimeksamen og ei semesteroppgåve. Etter at du har fått godkjent arbeidskrava, følgjer ein 5-timars skriftleg heimeeksamen med liknande type oppgåver som du har arbeidd med i dei vekevise innleveringane. Dette er ein breidde-test med oppgåver frå heile pensum frå alle fem bokkapitla og tilleggstekstane. Til slutt skal du skrive ei semesteroppgåve på mellom 1800 og 2200 ord. Heimeeksamenen og semesteroppgåva blir vurdert samla og gitt ein endeleg karakter. Begge delane må være godkjente, dvs. vere over stryknivå, for at ein samla skal oppnå stå-karakter. Det blir brukt ein karakterskala frå A til F, der F er ikkje stått. Ved karakteren F kan godkjende arbeidskrav takas med til ny eksamen. Det blir ikkje arrangert kontinuasjonseksamen for kandidatar som har stroke ved ordinær eksamen. Men studentar som har gyldig grunn for ikkje å gjennomføre eksamen, og som kan legitimere at fråveret har gyldig grunn (t.d. legeattest ved sjukdom), kan framstille seg til utsett prøve straks nytt semester har tatt til. Ein må da melde seg opp til utsett prøve innan gitt frist ved starten av neste semester. Vi viser elles til Forskrift for eksamener ved Universitetet i Tromsø på universitetet sine heimesider. Studentane har plikt til å kjenne denne forskrifta. A. 5-timars heimeeksamen Heimeeksamenen består av to delar: 1. Fire spørsmål som du kan svare forholdsvis kort på. Det blir stilt spørsmål frå heile pensumet, ikkje berre frå temaa i innleveringsoppgåvene. Når det gjeld tema som ikkje er tatt opp i dei vekevise oppgåvene, ventar vi ikkje full oversikt over alle detaljane. Det held å vise at du har forstått dei viktigaste poenga. 2. Ei noko meir omfattande oppgåve med utgangspunkt i eit eller fleire tema som har blitt tatt opp i oppgåvene kvar veke. Du får velje mellom to alternativ. Det er inga øvre grense for kor langt du kan skrive, men det er viktigare å passe på at det du skriv, held eit godt nivå enn å forsøke å få med mest mogleg. Som ein generell peikepinn kan ein seie at det er vanskeleg å skrive ei tilfredsstillande oppgåve på mindre enn éi vanleg tekstside. Det er på hi sida ikkje nødvendig med meir enn to sider for å skrive ei god oppgåve. Oppgåvene vil vere like, og ha liknande vanskegrad, som dei oppgåvene du får til dei vekevise innleveringane. Eksamenssvara vil også bli vurderte ut frå dei same faglege kriteria som vekesvara. Den beste måten å førebu seg til eksamen på er derfor å gjere ein god innsats med svara du leverer kvar veke og også arbeide med dei oppgåvene du ikkje treng å levere inn. Dei to eksamensdelane tel omtrent like mykje. Alle hjelpemiddel er tillatne. Men hugs alltid å oppgi dei kjeldene du har brukt. Det gjeld også om læreboka eller tilleggstekstane som ligg i Canvas er kjelden, eller du har henta noko frå internett. 6

7 Brot på dette kravet ser ein på som plagiat og vil kunne føre til fuskesak, som igjen kan føre til utestenging frå norske universitet for eit gitt tidsrom. Da du skal svare på forholdsvis mange oppgåver og berre har fem timar til disposisjon, kan du ikkje vente til eksamen er begynt med å sette deg inn i stoffet. Du må meistre dei grunnleggjande begrepa, teoriane og argumenta frå pensum og ha god nok oversikt til å vite kvar du kan finne meir detaljert informasjon dersom du skulle trenge det. Der det er føremålstenleg, kan du bruke oppatt eller ta utgangspunkt i tekst som du har skrive tidlegare. Det er inga øvre grense for kor mykje tekst du kan bruke på nytt, men du må sjølvsagt passe på at det er relevant for oppgåva. Vi ventar også at du følgjer opp eventuelle kommentarar du har fått. Praktisk informasjon Dato og klokkeslett for eksamen ligg i undervisingsplanen. Du får melding med link til WISEflow når eksamenen startar. Får du problem med å få tilgang til eller levere oppgåvene må du straks kontakte administrasjonen ved Institutt for filosofi og førstesemesterstudium. Du er sjølv ansvarleg for å ha ein fungerande datamaskin og nett-samband. Merk dokumentet du leverer inn med namnet ditt. Det einaste godkjente filformatet er pdf. B. Semesteroppgåva Det første trinnet i arbeidet med semesteroppgåva er å lage ei prosjektbeskriving på ca. ½ side. Dette er obligatorisk og følgjeleg nødvendig for å få ta eksamen. Frist for innlevering av prosjektbeskrivinga finn du i undervisingsplanen. Du leverer ho i Canvas. I prosjektbeskrivinga skal du kort forklare temaet du vil skrive om. Du skal også formulere eit førebels mål for oppgåva og skissere korleis du vil gå fram for å nå dette målet. Du bør alt på dette tidspunktet gjere deg kjend med krava til ei god semesteroppgåve. Innan ei veke etter innleveringsfristen vil rettleiaren din kommentere prosjektbeskrivinga. Di meir arbeid du har lagt i ho, di meir nytte vil du ha av tilbakemeldingane. Vi ventar at du tar omsyn til kommentarane i det vidare arbeidet. 1-2 veker etter at du har fått kommentarane, skal du ha rettleiing over telefon. Informasjon om tidspunktet for rettleiinga blir lagt ut i Canvas etter innleveringa av prosjektbeskrivinga. Du har krav på inntil ein halv time rettleiing. Vi rår sterkt til at du sender eit utkast eller ein førebels disposisjon på førehand (dvs. minst eitt døgn før rettleiinga). Vi vil da lese gjennom det du har skrive, og kan gi deg mest mogleg konkrete og nyttige tips. Dersom det viser seg vanskeleg å gjennomføre planane du har lagt for semesteroppgåva, står du fritt til når som helst å endre tema, mål eller framgangsmåte. Ta kontakt med rettleiaren din dersom du er usikker. Fristen for innlevering av semesteroppgåva finn du i undervisingsplanen. 7

8 Formelle krav Semesteroppgåva skal vere på mellom 1800 og 2200 ord. Ho skal innehalde namnet ditt og leveras som pdf. Du må vise (referere) til alle kjeldene du har brukt i den ferdige oppgåva. Kravet om tilvising gjeld ikkje berre ved direkte sitat, men også om du har skrive om kjeldeteksten eller berre henta opplysingar frå han. Du må referere i teksten, slik at det blir klart kva for kjelder dei ulike delane av oppgåva baserer seg på. Omfattande brot på kjeldekrava blir sett på som plagiat og vil føre til fuskesak, som igjen kan føre til utestenging frå norske universitet for ein bestemt periode. Val av tema Du bør for eiga skuld velje eit oppgåvetema som interesserer deg. Erfaringane viser at det gir dei beste oppgåvene og dermed dei beste karakterane. Det er naturleg å velje blant dei temaa som du har vore innom i arbeidet med oppgåvesvara. Da ser du lett kva for problemstillingar som vil vere interessante å jobbe med, og som vil passe til ei oppgåve på ord. I tillegg kan du bruke oppatt tekst frå desse arbeida - men hugs da å integrere denne teksten med resten av oppgåva, slik at resultatet blir heilskapleg og samanhengande. Vi ventar dessutan at du tar omsyn til eventuelle kritiske kommentarar som du har fått på innleveringssvara. Du kan også velje eit tema frå andre delar av pensum, eller eit tema som ikkje blir tatt opp direkte i pensum, berre det er av filosofisk karakter. Vel du det siste alternativet, er det enda viktigare å lage ei tydeleg prosjektbeskriving og halde deg til kommentarane frå rettleiaren din. Ei god oppgåve skal ha eit klart formulert mål, ikkje berre eit tema. Du skal forsøke å vise eller kome fram til eit eller anna med teksten din. Det er ikkje naudsynt (men heller ikkje forbode) å bruke begrepet problemstilling for å uttrykke målet med oppgåva. handle om filosofiske spørsmål, problem, teoriar og argument, ikkje berre ramse opp kva forskjellige filosofar har meint. vere klart og presist skriven. berre innehalde den bakgrunnsinformasjonen som er naudsynt for å nå målet med oppgåva. gi ei korrekt framstilling av viktige posisjonar og begrep. vitne om evne til sjølvstende. Det kan du for eksempel gjere ved å o presentere stoff utan å liggje for tett opp til formuleringane og oppsettet i læreboka. o bruke eigne eksempel. o kome med eigne observasjonar, argument eller innvendingar. gjerne ta eit standpunkt, men berre om du grunngir det. Hugs at standpunkt kan vere balanserte, nyanserte og tentative. ha ei innleiing som klart viser kva som er tema for og mål med oppgåva. ha ein hovuddel der du gjer det du i innleiinga seier du skal gjere. Hovuddelen skal ha ein klar struktur. Det er viktig å vise lesaren strukturen ved å seie kva som har skjedd eller skal skje i oppgåva, avsnittinndelingar, gjerne også underoverskrifter. ha ei naturleg avrunding. Det er ikkje naudsynt med ei oppsummering som berre gjentar det du alt har sagt i oppgåva. 8

9 OM KJELDEBRUK For somme tema og problemstillingar vil det vere nyttig, kanskje til og med nødvendig, å bruke andre kjelder i tillegg til pensumtekstane. Å bruke slike kjelder er ikkje noko mål i seg sjølv, men utelukkande dersom det hevar kvaliteten på oppgåva. Det er viktig å vere kritisk til kjelder, særleg på nett. Wikipedia og liknande kjelder bør du ikkje bruke til filosofisk fagstoff (men er akseptable når det gjeld faktastoff). Internet Encyclopedia of Philosophy (link: og Stanford Encyclopedia of Philosophy EP (link: har gode artiklar om dei fleste sentrale filosofiske tema, men ein del av artiklane er ganske avanserte. Til nokre av oppgåveframlegga følgjer det med tilleggslitteratur (link), som vi ventar du bruker i oppgåva der det fell naturleg. Desse tekstane kan vere nyttige å lese også om du vel eit nærliggjande tema. Ta kontakt med rettleiaren din om du treng fleire tips. Kjeldetilvising I all akademisk skriving er det viktig å vise dei kjeldene ein har brukt i arbeida sine, og det på ein slik måte at andre lett kan kontrollere dei. Dette er ikkje berre snakk om formalitetar, men om forskingsetiske reglar. Sitat skal gjevast att ordrett og stå i hermeteikn. Sitat på meir enn 3 heile linjer bør markerast ved innrykk. Om du fjernar noko frå eit sitat, skal du markere det med tre punkt i klammeparentes: [...]. Må du leggje til noko inne i eit sitat for at teksten skal gi meining, skal også dét stå i klammeparentes. Du må ikkje føye til eigne kommentarar inne i sitatet. Gjev du att resonnement, synspunkt og poeng du har lese hos andre forfattarar, skal du vise til litteraturen og forfattaren du har det frå, sjølv om det du skriv, ikkje er direkte sitat. I fot- eller sluttnotar kan du òg vise til munnlege opplysingar frå samtalar, seminar, førelesingar og liknande. Innanfor akademia fins det fleire såkalla referansestilar, altså teknikkar for å vise til kjelder. Du kan bruke den referansestilen du sjølv ønsker såframt du - er sikker på at den er vanleg å bruke i akademiske tekstar. - veit at du meistrar han. - bruker den konsekvent gjennom heile oppgåva. Elles må du følgje denne framgangsmåten: I teksten refererer du ved hjelp av parentesar med etternamnet til forfattaren, utgjevingsår, i tillegg til sidetal, kapittelnummer e.l. Etter direkte sitat skal tilvisingane alltid kome umiddelbart. Dersom du har brukt ei kjelde gjennom eit heilt avsnitt, kan du vente med tilvisinga til slutten av avsnittet for å unngå at teksten blir oppstykka av unødvendig mange referansar. Har du brukt ei kjelde gjennom store delar av oppgåva, kan du opplyse om dette i ein fotnote. Eksempel på tilvising i teksten: «Folkenes lov skal ifølgje Rawls forståas som ein realistisk utopi. (Rawls 1999:11-12).» Litteraturlista skal innehalde all den litteraturen det er vist til i teksten. Ho skal ordnast alfabetisk etter etternamnet til forfattaren. Litteraturlista skal innehalde følgjande informasjon, sett opp som vist nedanfor: Namnet på forfattaren og eventuell redaktør Tittel Utgjevingsår Forlag og stad, eller namn på tidsskrift 9

10 Eksempel på tilvising til bok: Rawls, John: The Law of Peoples. Harvard University Press, Cambridge, Massachusetts Eksempel på tilvising til artikkel frå artikkelsamling: Wyller, Egil A.: Platons politisk-religiøse oppgjør med de skjønne kunster, i Truls Winther og Odd Inge Langholm (red.): Estetikk fra Platon til våre dager. Tanum-Nordli, Oslo 1977, s Eksempel på tilvising til artikkel frå tidsskrift: Bostad, Inga: Helhetssyn, skepsis og tiltro, i Norsk Filosofisk Tidsskrift nr.1-2, s Dersom du bruker stoff frå Internett som du ikkje kan vise til på dei måtane som er nemnde ovanfor, skal du bruke internettadressa der du fann kjeldene. Ved slik tilvising kan du i teksten skrive www1, www2 osv., og i litteraturlista: www1 = [nettadresse og nedlastingsdato] osv. Eksempel på tilvising til Internett-adresse: www1 = lasta ned