Eksamensrettleiing - om vurdering av eksamenssvar

Transkript

1 Eksamensrettleiing - om vurdering av eksamenssvar 2018 SPR3008 Internasjonal engelsk Sentralt gitt skriftleg eksamen Nynorsk

2 SPR3008 Internasjonal engelsk Eksamensrettleiing for vurdering av sentralt gitt eksamen 2018 Denne eksamensrettleiinga gir informasjon om sentralt gitt eksamen, og korleis denne skal vurderast. Rettleiinga skal vere kjend for elevar, vaksne deltakarar, privatistar, lærarar og føresette i god tid før eksamen. Sensorane må bruke rettleiinga som ei felles referanseramme i arbeidet sitt saman med læreplanen for Internasjonal engelsk. Denne eksamensrettleiinga erstattar tidlegare vurderingsrettleiing og sensorrettleiing. Under vil «elevar» bli brukt om både elevar, vaksne deltakarar og privatistar. 1 Organisering av sentralt gitt skriftleg eksamen Eksamen: 5 timar 1.1 Nærare beskriving av eksamen Eksamensoppgåvene Eksamensoppgåvene er baserte på kompetansemåla i læreplanen for faget. Eksamensoppgåvene som heilskap prøver kompetansen til eleven i hovudområda Språk og språklæring, Kommunikasjon, Kultur, samfunn og litteratur. Programfaget Internasjonal engelsk skal ha ein tydeleg progresjon frå fellesfaget engelsk Vg1 Studieførebuande utdanningsprogram/vg2 Yrkesfaglege utdanningsprogram, og eksamensoppgåvene og svara skal spegle att denne progresjonen. Blant anna vert det i større grad forventa analyse og meir presisjon i språkbruken til eleven i Internasjonal engelsk enn i fellesfaget engelsk på Vg1. Eleven skal kunne bruke eit rikt og nyansert ordforråd av både generell og fagspesifikk art. Merksemda er tydelegare retta mot språk og språklæring, interkulturell kommunikasjon og internasjonale spørsmål. Dette vil også komme til uttrykk i oppgåvesetta. Oppgåvesetta vil bestå av to oppgåver. I oppgåva/oppgåvene i Task 1 skal eleven skrive ein eller fleire kortare tekstar. I Task 2 skal eleven velje mellom fleire oppgåver og skrive ein lengre, samanhengande tekst. Task 1 er ei kortsvarsoppgåve. Oppgåva kan bestå av ein eller to delar og skal gi eleven høve til å vise kompetansen sin i å produsere kortare og konsise tekstar om ulike emne som er tilpassa ein gitt kommunikasjonssituasjon. Oppgåva fokuserer på kompetansemåla i Språk og språklæring, men vil også kunne prøve andre kompetansemål i læreplanen for faget. Eksamensrettleiing SPR3008 Internasjonal engelsk 2018 Side 2 av 8

3 Task 2 er ei langsvarsoppgåve. Eleven skal kunne velje å skrive om eitt av fleire alternativ. Oppgåvene inneheld ofte sitat, talmateriale eller bilete som eleven skal bruke som utgangspunkt eller kommentere. Å ikkje ta omsyn til desse viser låg kompetanse. Oppgåveinstruksjonen er styrande for korleis sensor skal vurdere svaret. Derfor er det viktig at eleven svarer på alle delane av oppgåveinstruksjonane. Sensor skal vurdere alle delane, men de ulike delene skal ikkje vektast. Når karakteren vert sett, skal sensor vurdere den kompetansen som er vist i faget ut frå oppgåvene som er gitt. 2 Hjelpemiddel På eksamen er alle hjelpemiddel tillatne, bortsett frå verktøy som kan brukast til kommunikasjon. For engelsk programfag er det ikkje tillate å bruke omsetjingsprogram. Internett er opent, noko som gjer det mogleg for elevane å bruke internett i arbeidet med å studere og analysere tekstar og til å hente informasjon frå ulike kjelder. Ved bruk av nettbaserte hjelpemiddel til eksamen er det viktig å kontrollere at kandidatane ikkje kommuniserer med andre. Samskriving, chat og andre måtar å utveksle informasjon med andre på er ikkje tillate. Gjennom opplæringa i det enkelte faget skal elevane ha fått rettleiing i å vurdere kva for hjelpemiddel dei vil ha nytte av i arbeidet med å løyse ulike typar oppgåver. Under eksamen er det eleven sjølv som avgjer kva for hjelpemiddel som er formålstenlege. Elevane bør ta med hovudtelefonar på eksamensdagen, slik at dei kan arbeide med tekstar og kjelder utan å forstyrre andre. 3 Bruk av kjelder Eksamenssvaret skal vere eit sjølvstendig arbeid. Elevane må vere påpasselege med å formulere seg slik at dei viser tydeleg når/om dei bruker informasjon som er henta frå andre kjelder. Dersom eleven bruker kjelder i svaret sitt, må han/ho oppgi dei på ein etterretteleg måte. Å oppgi kjelder på ein etterretteleg måte vil seie å gjere klart kva som er eins eigne tankar og idear, og kva som er lånt frå andre. Det finst ulike måtar å skrive kjeldelister på, men eleven skal oppgi forfattar, utgivingsår og fullstendig tittel på alle kjelder som er brukte. Dersom eleven bruker utskrifter eller sitat frå nettsider, skal han/ho oppgi nøyaktig nettadresse og nedlastingsdato. Les meir om usjølvstendig bruk av kjelder her: Dersom sensor mistenkjer at eit eksamenssvar inneheld kopiert materiell utan kjeldetilvising, blir svaret sendt til plagiatkontroll. Eksamensrettleiing SPR3008 Internasjonal engelsk 2018 Side 3 av 8

4 Ettersom sjølvstendig bruk av ulike kjelder er ein del av kompetansemåla i læreplanen, blir også bruk av og tilvising til eventuelle kjelder ein del av vurderingsgrunnlaget. 4 Vurdering av eksamenssvar Læreplanane og forskrift til opplæringslova er grunndokument for vurderingsarbeidet. Til eksamen er heile læreplanen for faget aktuell. Forskrift til opplæringslova 3-25 og 4-18 slår fast følgjande: Eksamen skal organiserast slik at eleven/deltakaren eller privatisten kan få vist kompetansen sin i faget. Eksamenskarakteren skal fastsetjast på individuelt grunnlag og gi uttrykk for kompetansen til eleven/deltakaren eller privatisten slik den kjem fram på eksamen. Kompetanse er i denne samanhengen definert som evna til å møte ei kompleks utfordring eller utføre ein kompleks aktivitet eller oppgåve 1. Eksamensoppgåvene blir utforma slik at dei prøver denne kompetansen. Grunnlaget for å vurdere den kompetansen eleven viser i eksamenssvaret, er kompetansemåla i læreplanen for fag 2. Dei grunnleggjande ferdigheitene er integrerte i kompetansemåla i læreplanane for fag. Grunnleggjande ferdigheiter vil derfor prøvast indirekte til sentralt gitt eksamen. Sensor skal vurdere kompetansen slik han kjem fram på eksamen, jf. forskrift til opplæringslova 3-25 og 4-18 Eksamenssvaret blir vurdert av to eksterne sensorar. Dersom desse to er ueinige, avgjer ein oppmann karakteren, jf og 4.21 i forskrift til opplæringslova. 4.1 Vurdering av eksamenssvar i programfaget Internasjonal engelsk Kompetanse Sensor skal ikkje vekte oppgåvesvara, men vurdere kompetansen slik han kjem fram på eksamen når karakteren vert sett, jf. forskrift til opplæringslova 3-25 og I tillegg til å skrive ein kommunikasjonstilpassa tekst med relevant innhald, skal eleven også vise kompetansen sin i tekststruktur og eventuelt også kjeldebruk. Språket bør vere variert, idiomatisk, føremålstenleg og tilnærma korrekt. Teksten bør også ha ei klar og logisk oppbygging, god indre samanheng og relevant innhald i samsvar med den oppgåva eleven har valt. 1 St.meld. nr. 30 ( ) Kultur for læring 2 Forskrift til opplæringslova 3-3 og 4-3 Eksamensrettleiing SPR3008 Internasjonal engelsk 2018 Side 4 av 8

5 Sensor må vurdere kompetansen til eleven med utgangspunkt i læreplanen, eksamensrettleiing og vurderingsmatrisa. Vurderinga med karakter skal basere seg på eit samla inntrykk av kompetansen til eleven slik han kjem fram i eksamenssvaret. Bruk av tidlegare eksamensoppgåver,eksamenssvar med grunngiving for karakteren og eksamensrapportar Utdanningsdirektoratet har publisert materiell til bruk i førebuing til eksamen og som grunnlag for diskusjonar om vurdering av eksamenssvar: Eksamensoppgåver frå dei tre siste åra gir eksempel på korleis eksamensoppgåvene i engelsk kan sjå ut. Skolane har fått tilsendt passord. Eksamenssvar med karakter frå 2014, med grunngjeving for karakterane. Eksamensrapporten gir informasjon om eksamensoppgåvene og sensuren frå 2017: Dette finn du på 5 Karakterar Forskrift til opplæringslova 3-4 og 4-4 har generelle karakterbeskrivingar for grunnopplæringa: a) Karakteren 6 uttrykkjer at eleven har framifrå kompetanse i faget. b) Karakteren 5 uttrykkjer at eleven har mykje god kompetanse i faget. c) Karakteren 4 uttrykkjer at eleven har god kompetanse i faget. d) Karakteren 3 uttrykkjer at eleven har nokså god kompetanse i faget. e) Karakteren 2 uttrykkjer at eleven har låg kompetanse i faget. f) Karakteren 1 uttrykkjer at eleven har svært låg kompetanse i faget. Kjenneteikn på måloppnåing i eksamensrettleiinga beskriv kompetansen til eleven på tre nivå. Beskrivingane skal bidra til ei felles forståing av krava til vurdering og til ei rettferdig vurdering. Eksamensrettleiing SPR3008 Internasjonal engelsk 2018 Side 5 av 8

6 6 Kjenneteikn på måloppnåing Vurderingsmatrisa på siden 7 har beskrivingar av kjenneteikn på måloppnåing til sentralt gitt eksamen i programfaget Internasjonal engelsk. Beskrivingane skal bidra til ei felles forståing av krava til eksamen og til ei meir rettferdig vurdering. Vurderingsmatrisa beskriv kjenneteikn på måloppnåing innanfor tre nivå i forhold til kompetansemåla. Oversikta over kjenneteikn i vurderingsmatrisa må ikke oppfattast som uttømmande, og sensor må nytte eksamensrettleiinga og profesjonelt skjønn for å vurdere kompetansen slik han kjem fram i kvart enkelt svar. Beskrivingane skal bidra til ei felles forståing av krava til eksamen og til ei meir rettferdig vurdering. Alt eleven leverer, skal vurderast som ein del av kompetansen til eleven. Kjenneteikna er til hjelp for sensor i å definere kvaliteten på elevsvaret. Ved å bruke kjenneteikn på måloppnåing kan sensor danne seg eit bilete av kompetansen til eleven, slik han kjem fram i eksamenssvaret. Karakteren 1 skal brukast i tilfelle der oppgåvesvaret som heilskap viser svært låg kompetanse i faget. Se vurderingsmatrisa på neste side. Eksamensrettleiing SPR3008 Internasjonal engelsk 2018 Side 6 av 8

7 Kjenneteikn på måloppnåing for sentralt gitt skriftleg eksamen SPR3008 Hovudområde/ Katagoriar Karakter 2 Svaret Karakter 3-4 Svaret Karakter 5-6 Svaret Språk og språklæring - inneheld enkle og overflatiske svar på oppgåvene, og delar av eksamenssvaret kan vere noko på sida av oppgåveinstruksjonen - inneheld relevante svar på oppgåvene i samsvar med oppgåveinstruksjonen og viser ein viss grad av sjølvstende - inneheld presise, fyldige og relevante svar på oppgåvene i samsvar med oppgåveinstruksjonen, og viser ein stor grad av sjølvstende Kommunikasjon Kultur, samfunn og litteratur - viser at eventuelle kjelder er brukte på ein usjølvstendig måte, og/eller manglar kjeldetilvisingar - viser lite fagleg innsikt eller oversikt - viser liten kjennskap til språklege verkemiddel - viser at eventuelle kjelder er brukte på ein påliteleg måte med tilvising - viser rimeleg god fagleg innsikt og oversikt - viser noko kjennskap til språklege verkemiddel når det er relevant - viser at eventuelle kjelder er brukte og førte opp på ein påliteleg og føremålstenleg måte - viser svært god fagleg innsikt og oversikt - inneheld analyse av språklege verkemiddel når det er relevant Tekststruktur - består av tekstar som har svak og tilfeldig struktur, enkle setningar som er prega av gjentaking og oppramsing - består av tekstar med etter måten logisk struktur og indre samanheng og noko variasjon i setningsbygning - består av tekstar med klar og logisk struktur, god flyt, god indre samanheng og variert setningsbygning - viser i liten grad bruk av tekstbinding - viser avgrensa forståing av informasjon basert på talmateriale og statistikk - har dei mest vanlige formene for tekstbinding - viser forståing av informasjon i talmateriale og statistikk, og formidlar formålet med slik informasjon på ein forståeleg måte - har variert og føremålstenleg tekstbinding - viser god forståing av informasjon i talmateriale og statistikk, og formidlar formålet med slik informasjon på ein reflektert og logisk måte Språk - viser eit avgrensa ordforråd av generell og fagspesifikk art - viser eit tilstrekkeleg ordforråd av generell og fagspesifikk art - viser eit variert og nyansert ordforråd av generell og fagspesifikk art - er prega av språklege, formelle svakheiter, men er i stor grad forståeleg - formidlar formålet med teksten stort sett godt, sjølv om det kan vere ein del språkfeil - har ingen kommunikasjonsforstyrrande språkfeil Karakter 1 uttrykkjer at svaret viser lågare måloppnåing enn det som står ovenfor Eksamensrettleiing SPR3008 Internasjonal engelsk 2017 Side 7 av 8

8 Schweigaards gate 15 Postboks 9359 Grønland 0135 OSLO Telefon