Vurderingsordningar omgrep ved HVO

Transkript

1 Vurderingsordningar omgrep ved HVO Utarbeidd av Studieadministrasjonen, Juli 2011 Som bakteppe for kva som skal beskrivast i emneplanane under punktet Vurdering, saksar vi nokre definisjonar frå Forskrift om studium og eksamen ved Høgskulen i Volda 1-1: 12. Eksamen: Med eksamen meiner ein prøving med påfølgjande sensur, der resultatet av sensuren anten står på vitnemål/karakterutskrift eller vert rekna inn i ein karakter som står på vitnemål/karakterutskrift. Eksamen er normalt individuell. 13. Eksamensdel: Med eksamensdel meiner ein prøving med påfølgjande sensur, der resultatet av sensuren vert rekna inn i ein karakter som står på vitnemål/karakterutskrift. 14. Sensureining: Ei sensureining er det arbeidet/materialet som ein eksamenskarakter blir sett på grunnlag av. 15. Mappe: Ei mappe er ei samling tekstar og/eller andre produkt som er produserte gjennom ein viss periode. Heile mappa eller utvalde element frå mappa kan danne grunnlag for eksamen. Prosessen for å velje ut kva element i mappa som skal telje med i mappeeksamenen, skal gå fram av emneplanen. Mappeeksamenen er ei sensureining. Skriftleg skuleeksamen eller munnleg eksamen kan ikkje inngå i mappa. 16. Arbeidskrav: Med arbeidskrav meiner ein alle former for prøving som ikkje er eksamen, men som er vilkår for å gå opp til eksamen. 17. Vurdering: Vurdering kan omfatte arbeidskrav, praksis og eksamen. Krav til kva som inngår i vurderinga, skal gå fram av studie- og emneplanar for studieprogrammet. Når de skal omtale vurderingsordningar tilrår vi at de nyttar følgjande omgrep: Individuell, skriftleg skuleeksamen: Forklaring: Eksamen blir avvikla i eksamensrom med vakter. Det skal vere spesifisert kor lang eksamenen er, t.d. 4, 6, 8 timar osv. Tillatne hjelpemiddel skal spesifiserast, og også at det ikkje er tillate med hjelpemiddel. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Karakteren kan påklagast. Heimeeksamen: Forklaring: Det må vere spesifisert om heimeeksamen skal leverast individuelt eller i gruppe. Ved gruppeeksamen skal det også stå kor store gruppene skal/kan vere (t.d. 2-4 studentar, gruppe på 4 studentar osv), og omfanget av eksamenssvaret. Det skal også stå over kor lang tid heimeeksamenen går. Eksamensoppgåva vert lagt på Fronter eller utlevert i Studentsørvis til fastsett tidspunkt. Kan anten vere ei sjølvstendig sensureining eller ein

2 eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Karakteren kan påklagast. Ved gruppeeksamen må alle i gruppa signere på klaga, for at den skal vere gyldig. Jf. forskrift om studium og eksamen ved HVO, punkt 5. Kommentar: Dagens normalordning med utlevering kl. 09 og innlevering kl. 14, er ugunstig med tanke på at ein siste dagen av eksamen ikkje får ein arbeidsdag, men i realiteten 5 timars arbeid. Vårt forslag er at alle heimeeksamenar blir utlevert kl. 10 og innlevert kl. 10 (alternativt kl. 11) og at det som blir spesifisert, er kor mange døgn den skal gå over. I eksamensplanen står det ein start- og sluttdato, og tidspunkt for utlevering av eksamensoppgåva og innlevering av eksamenssvar. Praktisk eksamen: Forklaring: Det skal her spesifiserast korleis eksamen blir gjennomført, t.d med praktiskutøvande eksamen for musikk, praktisk-metodisk eksamen i MKH osv. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Ved denne eksamensforma blir det gitt individuell karakter, sjølv om gjennomføring er gjort i grupper. Alternativt må det spesifiserast at det blir gitt ein felles gruppekarakter. Karakteren kan som oftast ikkje påklagast. Oppgåve: Forklaring: To former for oppgåver; individuell- eller gruppeoppgåve, og det må spesifiserast kva form for oppgåve dette er. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Dersom det er gruppeoppgåve får studentane ein felles karakter. Karakteren kan påklagast. Ved gruppeoppgåve må alle i gruppa signere på klaga, for at den skal vere gyldig. I eksamensplanen vert berre innleveringsdato og tidspunkt oppgjeve (og ingen utleveringsdato). Rapport: Forklaring: To former for rapportar; individuell- eller grupperapport. I all hovudsak nytta i samband med praksis, mest relevant for mediefag, barnevern og sosionom. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Dersom det er grupperapport får studentane ein felles karakter.

3 Karakteren kan påklagast. Ved grupperapport må alle i gruppa signere på klaga, for at den skal vere gyldig. Jf. forskrift om studium og eksamen ved HVO, punkt 5. Mappevurdering: Forklaring: Ei samling oppgåver, produkt (t.d kunst og handverk), rapportar m.m. som vert sensurert samla. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: mappa tel xx% av endeleg karakter. NB! Ingen vektingsforhold innad i mappa. Er det behov for vekting, må ein velje oppgåver som vurderingsform og ikkje mappevurdering. Karakteren kan påklagast. Produksjon: Forklaring: Studentane leverer fysiske produkt, og ev. skriftleg utdjupande oppgåve i tillegg (rapport, prosesskriv etc) som dei har jobba med i lengre tid. Mest aktuelt for mediefag, dok.film, MID. Produksjonen kan vere laga i gruppe eller individuelt, og det må gå fram. Om det er gruppe eller individuell karakter, skal det beskrivast i emneplanen. Karakteren kan påklagast. Ved gruppeprodukt med gruppekarakter, må alle i gruppa signere på klaga, for at den skal vere gyldig. Jf. forskrift om studium og eksamen ved HVO, punkt 5. I eksamensplanen vert berre innleveringsdato og tidspunkt oppgjeve (og ingen utleveringsdato). Munnleg eksamen: Forklaring: Munnleg eksamen kan avviklast individuelt eller i gruppe, og dette må gå fram av beskrivelsen. Studentane får individuell karakter. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Karakteren kan ikkje påklagast. Munnleg justering: Forklaring: Munnleg, justerande eksamen skal justere ein karakter som er gjeve på eit føregåande skriftleg produkt, eksempelvis ei oppgåve eller ei mappevurdering. Karakteren kan ikkje påklagast. Den munnleg justerande karakteren tel 100% av endeleg karakter og har eit vektingsforhold på 1/1, medan det skriftlege produktet tel 0/1-del. Sidan karakteren på munnleg eksamen skal vere justerande, er det viktig at studentane så tidleg som råd får vite karakteren på den skriftlege oppgåva. Det bør vere spesifisert i emneplanen når den blir kunngjort (t.d. ei veke

4 før, fem dagar før, ein dag før osv). Ein bør unngå å kunngjere dette rett før kandidaten skal inn til munnleg. OM NETTEKSAMEN (elektronisk eksamen): Forklaring: Eksamen blir levert over internett gjennom Fronter. Dette kan vere heimeeksamen, oppgåver, produksjonar eller rapportar. Kandidatane er ikkje anonyme med denne vurderingsordninga, og leverer med fullt namn. Kan anten vere ei sjølvstendig sensureining eller ein eksamensdel som blir gitt i kombinasjon med ei anna sensureining. I kombinasjon med ei anna sensureining, skal vektinga gå fram: xx% av endeleg karakter. Karakteren kan påklagast. Ved eksamensordningar som krev meir enn ein student (gruppeeksamen, praktisk eksamen etc.) må det i emneplanen også beskrivast korleis eksamen skal gjennomførast ved kontinuasjonseksamen, mao korleis skal konte-eksamen avviklast dersom det berre er ein student. Sjå døme på vurderingsordning (frå MUS102): Ein samla praktisk/munnleg gruppeeksamen i alle delemna: musikkutøving, dans, komponering, lytting og didaktisk refleksjon. Kandidatane blir vurdert individuelt. Med rett til utsett eksamen kan eksamensforma bli endra. Her er nokre døme på gode formuleringar: 1. Endeleg vurdering i emnet skjer på grunnlag av ein 6-timars individuell skriftleg eksamen/ei heimeoppgåve på 300 ord/ein 2-døgns heimeeksamen. Skriftleg eksamen tel 30 %, oppgåva 30% og 2-døgns heimeeksamen tel 40% i samla karakter. 2. Endeleg vurdering i emnet skjer på grunnlag av ein 3-timars individuell skriftleg eksamen og ei heimeoppgåve på 3000 ord. Skriftleg eksamen tel 30 % og oppgåva tel 70% i samla karakter. 3. Endeleg vurdering i emnet skjer på grunnlag av ei mappe med to element; ei sjølvvald oppgåve og ein prosessplan, sjå arbeidskrav. 4. Endeleg vurdering i emnet skjer på grunnlag av semesteroppgåva på 6000 ord (utanom litteraturlista) og ein munnleg justerande eksamen. Det blir gitt ein førebels karakter på heimeoppgåva. Munnleg justerande eksamen fastset endeleg karakter. Førebels karakter vert kunngjort seinast dagen før munnleg eksamen.

5 Info om karakterskala må vere med for alle eksamensordningar. T.d.: Det vert gjeve bokstavkarakter. Skalaen går frå A til F, der A er beste og E er lågaste ståkarakter. OBS! Skriftleg og munnleg eksamen kan ikkje gå inn som del av mappe. Jf forskrift om eksamen ved HVO