Utval Møtedato Utval Saksnr Plan- og miljøutvalet /139

Transkript

1 Vinje kommune Økonomi, plan og utvikling Arkiv saknr: 2014/2728 Løpenr.: 10809/2017 Arkivkode: 100/1 Utval Møtedato Utval Saksnr Plan- og miljøutvalet /139 Sakshandsamar: Lotte Næss Framlegg til detaljregulering for Botn Aust 100/1-2 gongs handsaming og endeleg vedtak Vedlegg: 1 Plankart lagt ut til offentleg ettersyn 2 Føresegner lagt ut til offentleg ettersyn 3 Planomtale 4 Foto Tomt 37 - hytte 100/55 (Hans Marius Saltveit) 5 Plankart revidert juni Brev frå Berge sag Dokument i saka: Plan- og miljøutvalets vedtak , sak 16/72 Vinje kommune, brev om offentleg ettersyn datert Innkomne merknader : NVE Statens vegvesen, region sør, Fylkesmannen i Telemark Telemark fylkeskommune Botn Aust hyttevel Botn Vest hyttevel John Meling Inga Marie Elje Thuri og Bjørn Riseth Tor D Tendeland Leif Birkeland Liv Osland og Tor Bjelland Signe Britt og Andreas Bachmann

2 Svein Inge Djursvoll og Kjellfrid Hope Djursvoll Gunvor Botn Ove Kaldheim Hans Marius Saltveit v/ adv.firma Legal Olav Fostenes Knutsen Bakgrunn: Plan- og miljøutvalet vedtok , sak 16/72, å leggje framlegg til detaljregulering for Botn Aust ut til offentleg ettersyn. I brev vert planframlegget lagt ut på høyring og offentleg ettersyn, med frist , sjå vedlegg 1-3. Det er kome inn merknader frå 12 hytteeigarar, i tillegg til merknader frå hyttevel Botn Aust og Botn Vest og offentlege instansar. Merknadene vert referert og kommentert nedanfor under vurdering. Nokre av merknadene er i ei rekkjefylgje etter tema. Vurdering: NVE uttalar seg berre dersom kommunen har bede spesielt om det. Det er det ikkje i dette høvet. Statens vegvesen, region sør Krysset i E134 må regulerast med passeringslomme/breiddeutviding i E134 og trafikkøy i sidevegen. Krysset må ferdigstillast innan ein startar byggje- og anleggstiltak for nye hytter som skal regulerast seinare. Rekkjefylgjekrav om dette må inn i føresegnene til både framtidig kommunedelplan og framtidige reguleringsplanar. Rådmannens vurdering : Merknaden vert teken omsyn til. Fylkesmannen i Telemark Av omsyn til villreinen har fylkesmannen motsegn mot delar av felt F11 i framlegg til kommunedelplan Vågslid. Det må gjerast tydeleg i føresegnene at vegane f SKV1 og f SKV7 ikkje kan opparbeidast lenger enn det som skal til for å nå hyttene innanfor reguleringsplan for Botn aust. Mogleg framtidig vegtrasè «infrastruktursone H410» går gjennom myr- og vassdragsområde, utan at konsekvensar for naturmangfald er omtala. Dei rår til at punkt 9.3 i reguleringsføresegnene supplerast til å seie noko om at endeleg trasèval skal ivareta miljøkvalitetar knytt til vassdrag. Rådmannens vurdering : Merknaden vert teken omsyn til. Telemark fylkeskommune har ingen innvendingar mot framlegget, men oppmodar til at ein legg vekt på god terrengtilpassing i planlegginga vidare.

3 Rådmannens vurdering : Føresegnenes pkt 3.1 a) omtalar plassering og utforming tilpassa landskap og bygningsmiljø. Botn Aust hyttevelforeining : Ein kan ikkje kalle det skånsam utbygging når ein aukar fortettinga frå 60 til 90 hytter. Det er positivt at ein foreslår å flytte dagens avkøyrsle til hyttefeltet, og at det er rekkefylgjekrav om dette. Ein bør regulere in busslommer langs E134. Eksisterande p-plassar må oppretthaldast stat. Felles p-plass framleis plass til like mange bilar som i dag. Ein må òg ta omsyn til at nokre felles p-plassar blir borte når det blir ført fram veg gjennom området. Det må regulerast skiløype i eiga trasé parallelt med vegen i bakken opp mot den store parkeringsplassen Terrenginngrep må gjerast så skånsamt som mogleg, med felles føresegner om dette Det er viktig at eksisterande vassleidningar og straumkablar kan nyttast i anleggsperioden. All strømtilførsel må leggast i bakken, også eksisterande fordelingsnett Hyttevel et er i mot byggjeområde F11 og F12 i framlegg til kommunedelplan Vågslid. Dersom dei vert vedtekne, bør tilkomst kome frå vest. Dersom det skal vere tilkomst gjennom Botn, er alt. 3 det beste. Rådmannens vurdering : Ein viser til kommentaren nedanfor (Botn Vest hyttevelforeining). Busslommer bør vere ved skysstasjonen. Eksisterande p-plassar er stort sett med. Korridor til skiløype er sikra som omsynssone friluftsliv. Gjennomføring må bli ein prioriteringssak. Utbygging på sørsida av vassdraget er ikkje tema i denne planprosessen. Hovudtilkomst vert avgjort i kommunedelplanen, men dersom delar av F11 skal ha tilkomst gjennom Botn, er det mest lagleg slik det er vist i denne reguleringsplanen. Botn Vest hyttevelforeining Kollen som no blir foreslått utbygd er i dag ein grøn korridor mellom Botn Aust og Botn Vest. Dette grønt-draget vil forsvinne med planen som no blir lagt fram. Tomtene 13, 21, 22, 23, 36 og 37 ligg særs eksponert til. Hyttevelet ber om at dei blir fjerna eller trekt tilbake. Dersom dei blir verande, ber dei om at 21, 22, 23, 36, 37, 38 og 40 får same føresegner som bustadtomta i B1 : møne maks 5 m over grunnmur. Rekkjefylgjekrav til opparbeiding av skiløypa parallelt med vegen. Rekkjefylgjekrav til opparbeiding av busslomme på nordsida av vegen. På sørsida kan bussen nytta avkøyringa til Botn Vest. Dei er mot utbygging på sørsida av vassdraget. Rådmannens vurdering : Grønstrukturen mellom Botn Aust og Botn Vest vart planlagd teken i bruk til hytter allereie med planen som vart vedteken i Dei store endringane vart vedtekne då. Når høgdedraget/grønstrukturen likevel vert teken i bruk, stør rådmannen vidare fortetting. I 2007 blei det vedteken 21 nye hytter på høgdedraget, no er det framlegg om 34. Det vil då ikkje vere så avgjerande for verknadene om hyttene blir noko lågare at sakshandsamar vil tilrå det. Nokre tomter er trekt tilbake, og det er lagt inn ekstra stor byggegrense på dei tomtene som ligg mest frampå.

4 Framlegg om rekkjefylgjekrav knytt til skiløype vert teken omsyn til, men ikkje før det vert opparbeidd ny veg til nytt hyttefelt. Hans Marius Saltveit v/ adv.firma Legal24-100/55 Planframlegget tek ikkje omsyn til dei eksisterande hyttene på Botn Vest som grensar til Botn Aust. Dei nye hyttene på Botn Aust blir liggande mykje høgare, og med ein annan møneretning. Tomtene med to bueiningar vert mykje større enn hyttene på Botn Vest. I planomtala står : Nye tomter er plassera på ein slik måte at utsikt blir uforandra i størst mogleg grad og evt innsyn frå nye tomter blir til minst mogleg ulempe for allereie eksisterande hytter. Nye hytter på tomtene 36 og 37 vil få direkte innsyn til eigars hytte 100/55, ikkje minst uteplass og store vindauge. Skal ein ta planomtala på alvor, må tomt 37 fjernast. Det same gjeld tomt 36, men den kan evt. flyttast lenger aust. Tre furuer rett aust for 100/55 bør takast vare på, for sikre eit rikt fjell-landskap, og for å redusere innsyn frå tomt 36. Eigar av 100/55 har høyrt at det gå en løypetrasè aust-vest mellom deira hytte og 100/53. Det vil forsterke ulempa med innsyn. Dei ber om at evt løypetrasè vert lagt lenger nord, td sør for 100/45. Det bør ikkje vere tomannshytter så tett på eksisterande hytter. Det burde ha vore dialog med hyttevel et på Botn Vest, ikkje berre Botn Aust. Rådmannens vurdering : Ein rår til at tomt 37 går ut, på grunn av ulempene det fører til for hytteeigar. Sjå bilete vedlegg 4 som viser hytte 100/55 og stang på tomt 37, og hytte 100/55 sett frå tomt 37. Planadministrasjonen ba hyttevel et melde inn om løypetrasear gjennom planområdet. Det blei ikkje meldt inn noko over høgdedraget. Om det blir eit tråkk gjennom området der, er ikkje lett å sei på forhand. Ove Kaldheim 100/53 Tomtene 31, 35, 36, 37, 38, 39, 40, 41 og 42 bør ut av framlegget. Særleg tomtene 38, 39, 40, 41 og 42 blir særs skjemmande for heile hyttefeltet Botn Vest. Terrenget ligg ikkje til rette for slik utbygging, hyttene vil bli særs dominerande. Då dei kjøpte hytte, var dette området friområde, og det vart opplyst at det skulle det framleis vere. Lovnader blir brotne. Det vil bli mykje innsyn frå dei nye hyttene til deira uteplass. Det vert òg mykje terrenginngrep. 60 nye tomter (vedtekne i 2007) burde vere nok. Rådmannens vurdering : Sjå kommentaren til Botn Vest hyttevelforening. Inga Marie Elje 100/25 Ber om at hyttene 80, 81 og 82 med tilkomstveg vert teken ut av planframlegget. Saman med planlagd skiløype vil dei tre nye hyttene føre til særs redusert utsikt mot sør, og mykje innsyn. Bnr 24 er feil nummer. Rådmannens vurdering : Ein rår til at tomta lengst vest vert teken ut,

5 Thuri og Bjørn Riseth 100/120 Framlegg til veg til hytte 100/1/22 er ulagleg, kostbar og skjemmande. Den vil krevje store fyllingar. I tillegg føreset framlegget at det vert opparbeidd nye p-plassar for 100/120 og 100/29 i privat regi. Dette kan dei ikkje akseptere. Dersom løysinga likevel blir valt, må ikkje noko av tiltaket (grøfting, fylling) kome inn på deira eigedom. Dei gjer framlegg om at veg til 100/1/22 førast opp mellom nye tomter 28 og 29, der 100/1/22 har p-plass i dag. Trasé for nytt VA -nett går der. Rådmannens vurdering : Framlegget kan aksepterast. Olav Fostenes Knutsen 100/1/22 Framlegg til ny veg til deira hytte er ei dårleg løysing. Det vil krevje store fyllingar, bli kostbart og skjemmande. Då Riseth kjøpte hytta si var dei kjent med vegen. Seinare har dei kjøpt ut tomta, men det endrar ikkje på vegretten til 100/1/22. Tomannshytter og utleigehytter bør ligge nede ved dagens veg. Rådmannens vurdering : Ein rår til å fylgje framlegget frå Riseth vedk veg. Ein kan vere samd i at tomannshytter kunne ha vore nede ved dagens veg, men utbyggjer ynskjer å skåne eksisterande hytter. Liv Osland og Tor Bjelland 100/20 Deira tomt er vist på to ulike plassar. Tomtene 47 og 48 er flytta noko mot sør, og stenger no for utsikten. Fire hytter (45, 46, 47, 48) i dette området er for mykje. Her er bratt steinur, det vil krevje omfattande terrenginngrep. Dei ynskjer ikkje veg fram til hytta slik den er vist. Vegen øydelegg opphaldsarealet framfor hytta, det vil leggje seg snø-massar mot hyttevegg og på altan, og vegen vil krevje mykje sprenging som kan skade hyttefundamentet. Rådmannens vurdering : Merknaden vert teken omsyn til. Signe Britt og Andreas Bachmann 100/1/30 Veg til hytte 100/20 vil føre til store terrenginngrep. Sprenging og graving kan gjøre store skader på deira hytte 100/1/30. Det same gjeld veg til 100/1/26, som i tillegg vil berøre deira uteområde for leik. Det finst betre trasear, mellom anna til 100/1/26 frå parkering P14. Dei har tidlegare uttrykt at dei ikkje ynskjer veg til eiga tomt. Rådmannens vurdering : Etter felles synfaring kom ein til at veg til 100/20 vert frå nord, og veg til 100/1/26 nærare tomt 52. Svein Inge Djursvoll og Kjellfrid Hope Djursvoll 100/1/33 Veg til hytte 100/20 og 100/1/26 er er ikkje ynskjeleg slik det er gjort framlegg om. Veg til hytte 100/20 vil føre til store terrenginngrep, og vere til stor sjenanse for deira hytte og nabohytta 100/1/30. Det vil bli problem med store snomengder. Veg til 100/1/26 kan førast frå parkering P14. Rådmannens vurdering : sjå over.

6 Tor D Tendeland Områda F11 og F12 i framlegg til kommunedelplan Vågslid bør ikkje byggast ut. Der F11 er tenkt, mellom anna ved Botnstøylen, er viktig utfartsområde for barnefamiliar frå Botn. Veg 9 bør difor ut av planframlegget for Botn Aust. Fleire brøyta bilvegar fører til konflikt med skiløypene. Når F11 blir bygd ut, vil ikkje vegen dit bli stengt med bom, og mange vil kom utanfrå med bil for å gå i løypenettet. Det vert vist til framlegg til sti- og løypeplan, om kor viktig det er med tilgang til gode friluftsområde og løypenett, også for folkehelsa. Det vert òg vist til planomtala til framlegg til kommunedelplan Vågslid, der det vert peika på verdien av området F11 og F12. Rådmannens vurdering : F11 og F12 er ikkje tema i denne planprosessen, men ein set likevel av areal til tilkomst. Leif Birkeland 100/127 Område F11 og F12 bør ikkje byggast ut. Det er sentrale friområde som vert nytta aktivt av både busette og turistar. Framtidig tilkomst bør gå over Botn Vest. Dersom den skal gå gjennom Botn Aust, må vegen leggast lengst mogleg vekk frå deira eigedom. Den planlagde skiløypa bør gå mellom deira eigedom og vegen. Rekkjefylgjekrava må bli fylgde. Har tinglyst rett på to p-plassar på andre sida av dagens veg. Framlegg til ny veg ser ut til å vere i konflikt med desse. Dersom dei eksisterande p-plassane blir borte, må det opparbeidast ny dobbel p-plass på deira tomt utan kostnad for dei. Rådmannens vurdering : Dersom veg til F11 og F12 skal gå gjennom Botn Aust, er ein samd i at ny veg må leggast så langt søraust som mogleg. Kva for side skiløypa skal gå på, må ein kome attende til. P-plassar vert ivareteke. Gunvor Botn 100/121 Den dagen det blir bygd nytt kryss i E134, og eksisterande kryss vert stengd, blir dagens veg tilkomst berre til hennar bustad. Ho ber då om at vegen blir rusta opp og lagd slik at den fungerer best mogleg som tilkomst. Rådmannens vurdering : Ein kunne tenke seg at vegen vart lagd om slik at den blei kopla på den nye tilkomstvegen til hyttefeltet lenger nord. Då ville det bli ein mindre krapp sving. Men på grunn av dråpa mot krysset i E134 blir påkoplingspunktet så langt sør at det ikkje monar. John Meling 100/82 Merknad 2008 : Er uroa for å få ny hytte for nære seg (mindre enn 30 m frå midt til midt). Rådmannens vurdering : Ein kan leggje inn ein byggegrense på 6 m på tomt 43. Grad av utnytting

7 Kommunen har ein praksis, i tråd med teknisk forskrift TEK10, at plass til parkering 2x18 m2, vert rekna med i % BYA. Utbyggar meiner då at 25 % BYA inkl. parkering er for lite. Rådmannen vil då foreslå at ein slettar kravet om maks 25% BYA. Tomter til utleige Sitat frå saksframstillinga til 1.gongs handsaming : «Den gjeldande reguleringsplanen visar 7 tomter som næringstomter. I planprosessen i 2007 blei det regulert slik etter vedtak i planutvalet om ein viss andel næring, som då blei sett til 10% - til tross for at den gjeldande kommunedelplanen har ikkje eit slikt krav for Botn. Med det nye framlegget blir det totalt om lag 90 nye hytter. Ein vil då rå til at 9 av tomtene vert regulert til utleige. Dei bør verer samla, nær innkøyringa, td tomtene 3 11.» I framlegg til ny kommunedelplan for Vågslid er desse tomtene vist til utleige/næring. Rådmannen held fast ved at desse tomtene skal vere til utleige. Dei ligg sentralt til i nærleiken til hotellet på Botn. Berge sag argumenterer mot dette i brev , sjå vedlegg 6. Oppsummering av framlegg til endringar sett i høve til framlegget som var lagt ut til offentleg ettersyn : Plankart. - Krysset i E134 må regulerast med passeringslomme/breiddeutviding i E134 og trafikkøy i sidevegen. - Eksisterande p-plassar visast i plankartet. - Korridor til skiløype er sikra som omsynssone friluftsliv - Tomt 37 går ut - Tomta lengst vest av 80, 81 og 82 går ut - Veg til 100/1/22 førast opp mellom nye tomter 28 og 29, der 100/1/22 har p-plass i dag. - Ein av hyttene går ut - Veg til hytte 100/20 førast frå nord og veg til 100/1/26 nærare tomt 52 - Byggjegrense på tomt 43 mot 100/82 Føresegner - Krysset i E134 må ferdigstillast innan ein startar byggje- og anleggstiltak for nye hytter som skal regulerast seinare. - Vegane f SKV1 og f SKV7 ikkje kan opparbeidast lenger enn det som skal til for å nå hyttene innanfor reguleringsplan for Botn aust. - Endeleg trasèval for ny veg gjennom området skal ivareta miljøkvalitetar knytt til vassdrag. - Føresegner om plassering og utforming tilpassa landskap og bygningsmiljø for hyttene på høgdedraget. - Samstundes med at ny veg vert opparbeidd «opp dalen» (frå 100/127 til 100/128), skal det opparbeidast skiløype parallelt med vegen. Samstundes med opparbeiding av veg til nye byggeområde sør for planområdet, inkludert sør for vassdraget, skal det etablerast planfri kryssing av skiløyper som vert preparert som del av løypenettet i Vågslid. Plankartet er revidert i tråd med rådmannens tilråding, med unntak av tomt 3 11, som er endra til fritidsbustader, sjå vedlegg 5.

8 Framlegg til endringar er ikkje så omfattande at det er nødvendig med ny høyring eller offentleg ettersyn. Ein er ikkje samde om ei utbyggingsavtale. Saka går til kommunestyret. Rådmannens framlegg til vedtak: Framlegg til detaljregulering for Botn Aust blir vedteken i medhald av pbl 12 12, med endringar i tråd med rådmannens vurdering. Tomtene 3 11 vert regulerte til fritids- og turistformål. Rådmannen, Jan Myrekrok, rådmann /s/ Handsaming i Plan- og miljøutvalet : Framlegg frå H v. Arne Skogheim: Endring i pkt 4.2 FRITIDSBEBYGGELSE FRITTLIGGANDE BF1 a) For områda blir det sett maks størrelse hovedhytte 130 m 2 BYA pr tomt. Parkering og trafikkareal beregnes ikke inn i m2 BYA. Det tillatast i tillegg 1 anneks inntil 30 kvm BYA b) Maksimal tomteutnytting settas til 160 m2 BYA (hytte + anneks), c ) Hyttene skal ha: - Takvinkel mellom grader. - Generelt skal mønehøgde ikkje overstige 6,3 meter, målt frå gjennomsnittleg terreng. - Oppstoger er tillete på maksimalt 40% av takets grunnflate, og med utkraging over takkanten på maksimalt 1,5m på båe sider. - Gesimshøgda på hytta, med unntak av gesims oppstoge, skal ikkje overstige 3,9 meter, målt frå gjennomsnittleg terreng - Tomt 28 kan ha max høgde på møne som topp golv på eksisterande hytte mot nord, Gnr 100- Bnr Tomt kan ha max høgde på møne som topp golv på eksisterande hytte ovanfor, Gnr 100 Bnr 23 Endring i pkt. 4.3 FRITIDSBEBYGGELSE KONSENTRERT (TOMANNSHYTTER) BK b) For områda blir det sett maks størrelse hytte 160 m2 BYA pr tomt, Røysting: Endringar i føresegnene: Pkt. 1 3 blei samrøystes vedteke

9 Pkt 4.1 Pkt 4.2 a Pkt 4.2 a1 Pkt 4.2 b Pkt 4.2 c Pkt. 4.3.b blei samrøystes vedteke rådmannens framlegg blei sett opp mot Skogheims. Skogheims framlegg fall med 4 mot 3 røyster. rådmannens framlegg blei sett opp mot Skogheims. Skogheims framlegg fall med 5 mot 2 røyster. rådmannens framlegg blei sett opp mot Skogheims. Skogheims framlegg fall med 5 mot 2 røyster rådmannens framlegg blei sett opp mot Skogheims. Skogheims framlegg fall med 5 mot 2 røyster. rådmannens framlegg blei sett opp mot Skogheims. Skogheims framlegg fall med 5 mot 2 røyster. Resten av føresegnene blei samrøystes vedteke.

10 Framlegg frå Ove Kringlegarden: Framlegg til detaljregulering for Botn Aust blir vedteken i medhald av pbl 12 12, med desse endringane - Tomtene 3 11 blir regulert til fritidsføremål. Det skal regulerast areal til næringsføremål innanfor planområdet slik det er vist til i framlegget til ny kommunedelplanen. - Elles i tråd med rådmannens vurderingar Framlegget frå rådmannen blei sett opp mot Kringlegardens framlegg. Kringlegardens framlegg blei samrøystes vedteke. Framlegg til detaljregulering for Botn Aust blir vedteken i medhald av pbl 12 12, med desse endringane - Tomtene 3 11 blir regulert til fritidsføremål. Det skal regulerast areal til næringsføremål innanfor planområdet slik det er vist til i framlegget til ny kommunedelplanen. - Elles i tråd med rådmannens vurderingar. Saksordførar: Tone Edland