VEDLEGG til fylkestingsak: Prioriteringar i det internasjonale arbeidet i Møre og Romsdal fylkeskommune

Transkript

1 VEDLEGG til fylkestingsak: Prioriteringar i det internasjonale arbeidet i Møre og Romsdal fylkeskommune Vedlegget inneheld: 1. Oppsummering av det internasjonale arbeidet i MRFK 2. Oppsummering av diskusjonen i fylkesutvalet 2.okt Kort oppsummering av internasjonalt arbeid i nokre andre fylkekommunar 1. Oppsummering av det internasjonale arbeidet i Møre og Romsdal fylkeskommune Figuren under viser ei oversikt over korleis ulike avdelingar i fylkeskommunen er involvert i det internasjonale arbeidet. Internasjonal gruppe har nå 2 årsverk som har organisatorisk tilhør i RNavdelinga. Strategidiskusjon Det blir lagt fram to saker for fylkestinget om internasjonalisering dette året, ei i junitinget og ei i desembertinget. Junitinget i år i Møre og Romsdal fylkeskommune vedtok å styrke det internasjonale arbeidet i fylkeskommunen ved at: 1. Internasjonalt arbeid vert sett opp som eit tema på fylkestinget i oktober. Formålet er å meisle ut 3-4 satsingsområde for det internasjonale arbeidet i fylket. Det blir henta inn innleiarar frå to fylke som har kome lenger enn Møre og Romsdal i si satsing på internasjonalt arbeid.

2 2. Det blir halde dialogmøte mellom fylkesutvalet/administrasjon/styret for Innovasjon Norge og representantar frå det internasjonale næringslivet vårt i forkant av fylkestinget i oktober for å få fram kva behov næringslivet har for støtte/oppbakking frå Møre og Romsdal fylke. 2.oktober vart Innovasjon Norge, Knudtzonsenteret AS i Kristiansund, Ikuben i Romsdal, Ålesund Kunnskapspark/NCE Maritime i Ålesund og Innovasjon Norge Møre og Romsdal inviterte til fylkesutvalet i høve til punkt 2 i vedtaket (oppsummert i eige avsnitt under). Internasjonalisering i vidaregåande opplæring Som skoleeigar har fylkeskommunen ansvaret for at elevane og lærlingane utviklar språkkompetanse, kunnskap om Norge i det internasjonale samfunnet, og kulturforståing og haldningar i høve til samhandling i ei global verd. Utdanningsavdelinga har sett av ei 50 % stilling til internasjonalisering med særleg vekt på å auke deltaking i utvekslingsordningar for lærlingar i Leonardo. Det er stor internasjonaliseringsaktivitet ved fleire vidaregåande skolar. Aktivitetar er mellom anna elevutveksling i Comenius og Leonardo og ulike samarbeidsprosjekt. I år deltek 14 elevar frå fylket på vg2 ved Armadale Academy i Edinburgh. Dette er andre året i ein treårig avtale mellom Haram vgs og Armadale Academy. Dessutan er det etablert tilbod i kinesisk språkopplæring både ved Ålesund og Molde vgs og IB ved Ålesund vgs frå dette skoleåret. Frå før har Fræna vgs eit tilbod i studiespesialisering med internasjonalt fokus i fleire år. Skoleåret deltok 905 elevar og 26 lærlingar i internasjonale utvekslingsprogram. Dette er ein auke samanlikna med åra før, men det er framleis for få lærlingar som deltek i slike program. Medlemskap i CPMR og Nordsjøkommisjonen Møre og Romsdal fylkeskommune har i fleire år vore medlem i CPMR (Conference of Peripheral Maritime Regions of Europe) og Nordsjøkommisjonen (NSC), og møtt på generalforsamlingar og årsmøte. Det har vore liten deltaking i dei tematiske undergruppene til NSC, spesielt frå folkevalde til no. Fylkestinget i Møre og Romsdal fylkeskommune vedtok i juni 2012 å styrke det internasjonale arbeidet ved å prioritere deltaking i CPMR og Nordsjøkommisjonen (NSC). Målet er å nytte medlemskapen til å få kunnskap om og påverke politikkutforminga i EU på viktige område for vår region. Det er no vald politiske representantar til to tematiske undergrupper i NSC: Transport Group og Marine Resources. Her skal det frå i haust møte ein folkevald representant og ein fagleg representant frå relevant sektoradministrasjon. Tidlegare har fylkeskommunen delteke i gruppa Innovation and Education på administrativt nivå. Det er fylkesordførar som peiker ut kven som skal delta på Nordsjøkonferansen og generalforsamlinga i CPMR. I år deltok varaordførar på Nordsjøkonferansen og Annual Meeting i Nordsjøkommisjonen i Bremerhaven juni, og fylkesordfører deltok på generalforsamlinga i CPMR i Bialystok i Polen 3.-5.oktober. Internasjonal gruppe deltok begge stader. Prosjektinitiering og prosjektstøtte Møre og Romsdal fylkeskommune har delteke i 3 Interreg B prosjekt dei siste åra: EfficienSea i Østersjøprogrammet, saman med Runde Miljøsenter, Fylkesmannen og Kystverket. I Nordsjøprogrammet har vi delteke i Stratmos (RN-avdelinga, samferdselsavdelinga og Kristiansund

3 Havn) og Coast Alive! (kulturavdelinga). Når Coast Alive! blir avslutta i oktober i år er alle tre prosjekt fullført. StratMoS (Motorways of the Sea Strategic Project, ) hadde som målsetting å bidra til effektiv, trygg og bærekraftig transport til sjøs i Nordsjøområdet. I prosjektet vart det arbeidd for å betre tilgjenge til regionar i Nordsjøområdet sjøvegen, utvikle sjøvegs transportkorridorar og å få meir gods over frå veg- til sjøtransport. I samarbeidsprosjektet deltok 29 partnarar frå 6 av 7 land i Nordsjøregionen. Prosjektet vart leia av Rogaland fylkeskommune. EfficienSea (Efficient, Safe and Sustainable Transport at Sea, ) var ei vidareføring av prosjektet Safety at Sea, og hadde som mål å utvikle tiltak for å betre tryggleiken til sjøs og å ta vare på miljøet langs kysten. Møre og Romsdal fylke, Runde Miljøsenter og Kystverket utvikla i samarbeid med Universitetet i Gdansk eit verkty for dynamisk, sensitive kartlegging av sårbare kystsonar. Partnarar i prosjektet var Aust-Agder fylkeskommune og mellom anna regionar i dei baltiske landa, Polen, Sverige og Finland. Søfartstyrelsen i København var Lead Partner i prosjektet. Coast Alive! ( ) blir avslutta i oktober i år. Dette er eit prosjekt med deltaking frå mellom anna alle vestlandsfylka. Prosjektet har dessutan partnarar i Sverige, Danmark, Nederland, England og Skotland. I prosjektet er målet å fremme folkehelse gjennom auka bruk av kultur- og naturarven langs Nordsjøområdet. Det er mellom anna merka og lagt inn opplysingar om gradering av 500 turstiar i fjell, sykkelstiar og padleturar i Møre og Romsdal på sida Kulturavdelinga, i samarbeid med RN-avdelinga, sto for den faglege gjennomføringa av prosjektet. Internasjonal gruppe deltok både i initiering, planlegging og rapportering i desse tre prosjekta. I tillegg deltok ein og til dels i den faglege gjennomføringa. Erfaringar frå dette gjer at vi framover vil gjere dette annleis. Internasjonal gruppe skal vere oppdatert om ulike EU-program og gje infomasjon og rettleiing til andre aktørar om desse. Ein vil i større grad avgrense seg mot å ta på seg oppgåver for rapportering og gjennomføring av prosjekt framover. Dette for å frigjere ressursar til å kunne støtte fleire aktørar og ta fleire initiativ jf ulike samarbeidspartar. Arbeidet med å få opp aktiviteten i Aktiv Ungdom er styrka i Det har tidlegare vore mindre bruk av dette programmet i vårt fylke enn ellers i landet. No ser det ut til at Kristiansund kommune vil engasjere seg sterkare i dette arbeidet. Det er positivt at ein får fleire kommunar som kan gå fram som gode døme på dette programmet. Det er gjennomført eit orienteringsseminar i Kristiansund våren 2012, og to seminar blir halde på Sunnmøre i november i år. Ein medarbeidar har vore engasjert i søknadsprosess i høve til EU-programmet Urbact, som er eit byutviklingsprogram, i samarbeid med Kristiansund kommune. Vi er og involvert i høve ein søknad til EU-programmet Intelligent Energy Europe (IEE) med eit prosjekt om kommunal klimaplanlegging (Implementing Local Climate Plans) i samarbeid med eit nettverk av kommunar og andre aktørar på Søre Sunnmøre; Energy Network Fjord Norway. Internasjonal gruppe har delteke på fleire informasjonsmøte om EØS-midlane i regi av KS. Omlag 14 milliardar NOK som Norge gjev som oppfølging av EØS-avtalen skal bidra til utvikling og sosial utjamning i dei nye EU-medlemslanda i åra Framover vil vi følgje med på utlysingar om prosjekt frå mottakarlanda i EU. Aktuelle område er særleg klima, energi og miljø.

4 Sidan vi no er i ein mellomperiode med avslutting av program/prosjekt, og dei nye EU-programma først kjem frå 2014, prioriterer vi arbeid i høve til nettverk- og partnarsøk i dei ulike fora vi deltek i. Kompetanseheving Kompetanseheving om EU/EØS og kva dei tyder for rammevilkår for regional utvikling er ei høgt prioritert oppgåve i fylkeskommunen. Kommunar, eigen organisasjon og andre aktørar er samarbeidspartar og målgrupper i dette arbeidet. Møre og Romsdal fylkeskommune har i fleire år arrangert konferanse om EU/EØS med kommunane som målgruppe. I 2012 vart kurset arrangert i samarbeid med Vest-Norges Brusselkontor, og dagen vart kopla til ein påfølgande dag med nettverksmøte for internasjonale medarbeidarar i fylkeskommunane i landet. RN-utvalet deltok på store delar av den første kursdagen. Tilbakemeldingane er positive frå deltakarane; både kommunar, dei folkevalde og deltakarar frå det nasjonale nettverket. Kommunane var målgruppe og det deltok færre kommunar denne gongen, noko som og kan skuldast møtekollisjon med eit KLP-arrangement. For å følge opp dette og få ein betre dialog med kommunane, vil vi i 2013 halde regionvise møte med kommunane. I tillegg legg internasjonal gruppe til rette for studieturar til Brussel i samarbeid med VNB. Regionalog næringsutvalet skal ha eit program over ein og ein halv dag i veke 43 i Brussel. Internasjonal gruppe deltok saman med Vestlandsrådet på Open Days for byar og regionar i Europa i veke 41. Ein innføringsdag om Norge og EU/EØS var ein viktig del av programmet for VR desse dagane. Dessutan deltok VR på fleire seminar om energi, klima og miljø og innovasjon, forsking og regional utvikling denne veka. Dei folkevalde som deltok frå vårt fylke var fylkesordførar Jon Aasen, varafylkesordførar Gunn Berit Gjerde og Toril Melheim Strand som og er med i styret for Vest-Norges Brusselkontor. Begge noverande medarbeidarar i internasjonal gruppe i RN-avdelinga deltok i november 2011 på eit kurs i prosjektsøking i regi av EIPA i Barcelona: How to develop a convincing project strategy for EU Funding. Dette var eit nyttig kurs om krav til søknader på EU-program generelt. Ein medarbeidar deltok på EFTA-seminar januar 2012 der også EØS-utgreiinga vart lagt fram. Dei to medarbeidarane i internasjonale gruppe skal også gjennomføre KS sitt kurs om kommunane og EU/EØS i løpet av dette året og neste år. Deltakarar frå ungdomspanelet var med i Aktiv ungdom-tiltaket ungdomspolitisk møte i september i år. Prosjektet vart gjennomført i samarbeid med Hordaland og Sogn og Fjordane fylkeskommunar. Her gjennomførte gruppa ein studietur til Brussel med informasjon og besøk i EU-institusjonar, mellom anna rollespel i Parlamentarium. Oppfølging vil skje i Bergen 18.oktober med deltaking og frå fylkestingspolitikarar. Vestlandsrådets internasjonale gruppe Vår internasjonale gruppe deltek i Vestlandsrådets internasjonale gruppe. Dette er eit nyttig forum for å utveksle erfaringar og idear. Det er og nyttig i høve til å samordne og samarbeide om ulike tiltak til dømes deltaking på Open Days Forumet førebur saker til Vestlandsrådet som omhandlar

5 internasjonalt arbeid. I haust har ein mellom anna lagt fram sak om arbeidsdeling i høve til deltaking i dei tematiske gruppene i Nordsjøkommisjonen og utvikling av ein Kina-strategi for VR. Samarbeid med Kina - Kinaforum Det har ikkje vore aktuelt med kontakt frå regionalpolitisk hald mot Kina det siste året. I fjor deltok fylkeskommunen i ein delegasjon frå Vestlandsrådet på vitjing i Kina, mellom anna til den nordiske industriparken i Ningbo der vårt fylke er med i eit prosjekt i samarbeid med Rogaland og Sogn og Fjordane som skal tene som inkubator for bedrifter frå vår region. Internasjonal gruppe deltek i det nasjonale Kinanettverket som fram til no er leia av Sør-Trøndelag fylkeskommune. Hordaland fylkeskommune tek over denne rolla frå neste år. 2. Oppsummering av fylkesutvalet 2.oktober oktober vart det gjennomført ein dialog i fylkeutvalet om og korleis fylkeskommunen kan støtte internasjonalisering av næringslivet i fylket. Fire næringslivsaktørar var inviterte til å halde innlegg om sitt internasjonale engasjement og sine forventningar til fylkeskommunal støtte i dette arbeidet. Innovasjon Norge (IN) prioriterer møbel, marin, maritim, olje- og gass og reiselivssektorane i sitt bedriftsretta arbeid. Arbeidet heime er like viktig som arbeidet ute i internasjonalisering. Heime jobbar dei marknadsorientert med kultur- og omdømme opplæring, IN2, heimhenting. IN har 34 kontor over heile verda der dei gjev støtte til einskildbedrifter som ønskjer å etablere seg, i form av rådgjeving, profilering og som døropnar. IN meiner at Fylkeskommunen bør konsentere seg om desse oppgåvene: Kultur- og utdanningssamarbeid (elev-, lærling og forskingsutveksling) Integrasjon av utanlandsk arbeidskraft Kommunikasjon og infrastruktur Døropnar i regionar ein har gode relasjonar til ikkje overlappande med IN Ikuben er ein medlemsorganisasjon for dei fleste store bedriftene først og fremst i Romsdalsregionen, men har og medlemer på Nordmøre. Hovudmål er å bidra til forskingsbasert innovasjon og stimulere til samspel mellom kompetanseutvikling, attraktivitet for rekruttering, konkurransekraft og internasjonalisering. Fokusområder er å skape en felles arena for innovasjon, utvikling av materialteknologi og logistikk. Ikuben samarbeider med kunnskapsmiljø som Sintef/NTNU, Høgskoleni Ålesund, Molde Campus, Gassror m fl. I kuben meiner at fylkeskommunen bør legge til rette for rekruttering av utanlandsk kompetansearbeidskraft ved å bidra til: Mottaksapparat (bolig, fadderordning) Språkopplæring Kulturforståing, tilrettelegging for familier Internasjonal skole Omdømmebygging for å stimulere til ny rekruttering

6 Knudtzon Senteret AS er ein industriinkubator i SIVA-nettverket. Inkubatoren gjev rådgjeving og tilrettelegging for gründarar og bedrifter med nyskapningsprosjekt. Ved å stimulere til innovasjon og knoppskyting skal Knudtzon Senteret bidra til etablering og utvikling av vekstkraftige bedrifter med utgangspunkt i den eksisterande industriverksemda i petroleumsklynga i Kristiansund-området. Knudtzonsenteret meiner at fylkeskommunen kan bidra ved å: Bistå i planlegging, økonomisk støtte i initieringsfasen og søknader på EU-prosjekt Styrke internasjonalt transporttilbod frå/til MR Til rettelegge rammevilkår for eksportbedriftene Samferdselsprosjekt som bind saman regionar. Etablere og søke finansieringsordningar Utvikle attraktive kompetansemiljø, bulyst og integrering av internasjonal arbeidskraft, merkevarebygging Språkopplæring Internasjonal skole i Kristiansund Internasjonalisering i utdanninga, språk og kulturopplæring - synliggjere for ungdom muligheitsvindauge som er vidope no! Ålesund Kunnskapspark er eit regionalt senter for innovasjon, næringsutvikling og samfunnsbygging. Kunnskapsparken har mellom anna starta ein inkubator for nye etablerarar med nasjonalt og internasjonalt vekstpotensial. Kunnskapsparken er samlokalisert med næringsaktørar som NCE Maritime, Omegaland, Møreforsking, RoNoMar i Norsk Maritimt Kompetansesenter på Nørve i Ålesund. NCE Maritime organiserer viktige bedrifter i den maritime klynga på Sunnmøre. Ålesund Kunnskapspark meiner at fylkeskommunen kan: Vere mogeleg partnar i EU-prosjekt Vere støttespelar i høve til næringslivsprosjekt Medarrangør ved besøk frå utlandet Samarbeidpartnar i Vertskapsattraktivitetsprosjekt VRI-samarbeid på internasjonale forprosjekt Oppfølging i muligheitene i EU-programma Oppsummering av dialogmøtet I diskusjonen som følgde var det semje om at fellesnemnaren i dette er eit behov for å tilrettelegge for rekruttere og behalde kompetansearbeidskraft frå utlandet det ein var samde om å kalle tilflyttarattraktivitet. I dette må ein sjå på erfaringane frå INN-kontoret i Ålesund, språk- og kulturopplæring, tilrettelegging for bolig og familie osb. Oppbygging av dei unge sin språkkompetanse og kulturforståing er ein grunnstein i internasjonaliseringsarbeidet. Internasjonal skole i Ålesund vart peikt på som eit godt tiltak. Ein kom ikkje til ein bestemt konklusjon om kva den direkte bedriftsstøtta frå fylkeskommunen kunne vere, eller kva land/region fylkeskommunen bør styrke samarbeidet i høve til. Fylkeskommunen ønsker å bidra som døropnar i andre land der bedriftene finn at det er behov for det. Innovasjon Norge og næringslivsaktørane ønsker at fylkeskommunen tar ei slik rolle der ein har gode relasjonar. Det er viktig med ei klar arbeidsdeling mellom Innovasjon Norge og fylkeskommunen. Administrasjonen tek med seg signala frå dialogen i arbeidet med saksframlegget til desembertinget.

7 3. Internasjonaliseringsarbeidet i andre fylkeskommunar Det er mest naturleg å samanlikne seg med fylkeskommunar med liknande næringsstruktur og der vi alt har eit samarbeid. Telemark fylkeskommune har spelt ei sentral rolle dei siste åra, med fylkesordførar som har vore president i Nordsjøkommisjonen. Sekretariatet har og vore lagt til denne fylkeskommunen i fleire år. Vi har eit nært samarbeid med fylkeskommunane i Vestlandsrådet. Det kan og vere aktuelt å søke prosjektsamarbeid med nabofylka nord for oss. Sør- og Nord-Trøndelag fylkeskommunar har felles internasjonal strategi ( ) der internasjonalisering av næringslivet og ungdom er prioriterte område. Fylkeskommunane har tilgang på Interreg A-midlar som grensefylke til eit EU-land. Midt i Norden-samarbeidet blir vidareført. Mogeleg satsing i partnarskap med FOU-miljø, utdanningsinstitusjonar og verkemiddelapparat i høve til Russland/nordområda er vurdert i perioden. Dei har etablert og leia det nasjonale Kina-nettverket, som administrasjonen her i fylket også har delteke i. Hordaland fylkeskommune har hatt eit solid internasjonaliseringsarbeid i fleire år, og har i sin strategiske plan ( ) fem prioriterte område: Internasjonale organisasjonar (CPMR-Nordsjøkommisjonen, Østersjøsamarbeidet). Programsamarbeid (Interreg, Livslang læring, Leonardo, Aktiv ungdom, FOU) Samarbeidsregionar: Bilaterale avtalar med regionar i Normandie, Wales, Skottland, Litauen og Brasil. Samarbeid med Vest-Norges Brusselkontor Andre satsingsområde (samarbeidsprosjekt i skole, kultur, næring, fleirkulturelt arbeid) Rogaland fylkeskommune har også lang erfaring i internasjonalt arbeid. I sin strategi for same periode er desse områda sentrale: Samarbeid for å møte klimautfordringane og energispørsmål. Støtte til konkurranseevne og internasjonalisering av næringslivet (mat, reiseliv, kulturbasert næring og maritime næringar). Samarbeid med Stavangerregionens Brussselkontor og deltaking i internasjonale nettverk for innovasjon og nyskaping inngår i satsinga. Kompetanseutvikling og prosjektutvikling gjennom deltaking i CPMR/Nordsjøkommisjonen, og fleire Interreg-program. Venskapsfylke og andre samarbeidavtalar, m a i Frankrike og Russland. Telemark fylkeskommune har vedteke fire strategiske innsatsområde: Delta på internasjonale arenaer som CPMR og Nordsjøkommisjonen med tematiske undergrupper Utvikle og dele kompetanse i internasjonale spørsmål Etablere internasjonale møteplassar for organisasjoner i regionen Støtte faglige miljøer i kommuner og egen organisasjon i prosjektutvikling og prosjektkompetanse Aktivt utnytte mulighetene for kompetanseløft og kulturforståelse som ligger i de internasjonale samarbeidsrelasjonene, samt innan utdanningsprogram og utvekslingsprogram for ungdom og personell.