ÅRSMELDING UNGDOMMEN SITT KOMMUNESTYRE I LUSTER SKULEÅRET 2009/2010.

Transkript

1 Servicetorget ÅRSMELDING UNGDOMMEN SITT KOMMUNESTYRE I LUSTER SKULEÅRET 2009/2010. Ajourført Leiar: Stine Sandvik Nestleiar: Lena Buvik Hauge Medlemmer Luster ungdomsskule: Kaia Sandvik, Tvingeborgneset 9, 6868 Gaupne (2) Hanne Sviggum, Haugavn. 24, 6868 Gaupne (2) Trine Kvamme Sætherbø, 6872 Luster (2) Hafslo barne- og ungdomsskule: Malene Kvam, Lyngmo 17, 6869 Hafslo (2) Marte Erfjord, Buene-Stolpen, 6869 Hafslo (2) Luster vidaregåande skule: Lena Buvik Hauge, Grandane 18, 6868 Gaupne (2) Mariell Kleive, Nistevegen, 6869 Hafslo (1) Sogndal vidaregåande skule: Kine Fjøsne, Bringebakkane 47, 6872 Luster (2) Julia Morenda Rosenlund, Bruvoll 6, 6868 Gaupne (2) Daniel Stølen, Beimshaugen, 6869 Hafslo (2) Varamedlemmer Martin Oma, Grandane 10, 6868 Gaupne Maria Molland, Røneidsvn. 22, 6868 Gaupne Julie Hatlevoll, 6875 Høyheimsvik Susanne Selland, Lyngmo 19, 6869 Hafslo Sindre Ruud Pettersen, Hestnes 19, 6869 Hafslo, Lene Madsen, Bringebakkane 46, 6872 Luster 4-H: Aina Elise Bolstad Stokkenes, 6876 Skjolden (1) Espen Sleppen Josvanger, 6873 Marifjøra Idrettslaga: Nicklas Sjølie Af Gejerstam, Øyagata 44, 6868 Gaupne (2) Politisk representant: Stine Sandvik, Tvingeborgneset 9, 6868 Gaupne (1) ARBEIDSUTVAL 2009/2010: Stine Sandvik Lena Buvik Hauge Kine Fjøsne Varamedl.: Daniel Stølen ADRESSE: TELEFON: TELEFAX E-POST ADRESSE: ORGANISASJONSNR. Rådhuset Sentralbord: postmottak@luster.kommune.no GAUPNE Bankgiro:

2 Ungdommen sitt kommunestyre i Luster skal ha saker som vedkjem ungdommen til uttale før saka vert teken opp til avgjerd i kommunale utval. Ungdommen sitt kommunestyre kan ta opp saker som dei meiner er viktige for ungdommen i Luster kommune. Barneombod i kommunen Jorunn Ødegård har møte- og talerett i møta. Ungdommen sitt kommunestyre (UK) har i skuleåret hatt 4 møter og handsama 32 saker. Dessutan har det vore gjennomført 1 opplæringsdag som var planlagt som ei blikjend-samling /opplæring for medlemane og varamedlemane. Arbeidsutvalet i Ungdommen sitt kommunestyre (AU) har i skuleåret hatt 5 møte, og har handsama til saman 36 saker. Dessutan har AU for skuleåret hatt 1 møte, før nytt UK for skuleåret vart vald, og handsama 8 saker. Barne- og ungdomskontakt Ken Eivind Thompson og Erling Bjørnetun har delteke i møta (ved behov), og vore tilgjengeleg for støtte og arbeid med sakene mellom møta i Ungdommen sitt kommunestyre. Sekretær gjennom skuleåret har vore Liv Helen Nystuen. På møtet den 12. november 2009 drøfta UK kva arrangement/tiltak dei ville arbeide med i skuleåret, og kom fram til fylgjande aktivitetsplan: Nattcup/Blås grønt natt til 17. mai Lokalt arrangement av Ungdommens kulturmønstring Delta på regional nettverkssamling og Fylkesting for ungdom Opplæring av medlemane og varamedlemane Kulturutveksling Skulebesøk Lokale transporttilbod for ungdom Vera repr. i styret for ME`N`U Vera repr. i Folkehelserådet Ungdommen sitt kommunestyre har fått fylgjande saker til uttale/ - fått orientering om /invitert til: Luster bad regionalt symje- og badeanlegg. Godkjenning av forprosjekt mv. Stadanalyse for Gaupne. Sjå eigen uttale frå UK. Budsjett 2010, økonomiplan , planleggingsprogram Sjå eigen uttale frå UK. Møte i Parken ang. bygging av eit ev. nytt lokalt kulturbygg i Parken den 26. april Ingen frå UK kunne vera med på møtet. Ungdommen sitt kommunestyre har gitt uttale til fylgjande saker: Luster bad regionalt symje- og badeanlegg. Godkjenning av forprosjekt mv. UK drøfta vedtaket i Luster formannskap og næringsutval den i møte den 21. september 2009, og med 11 mot 1 røyst vart det vedeke å gje følgjande uttale: Ungdommen sitt kommunestyre går inn for tilrådinga frå formannskap og næringsutval i sak 115/09 den Mindretalet røysta for mindretalsframlegget i formannskapet. Budsjett 2010, økonomiplan , planleggingsprogram

3 UK hadde saka føre på møte den 12. november 2009 og gav fylgjande uttale til rådmannen sitt budsjettforslag: 1. Skuletilpassingar frå (side 31) Ungdommen sitt kommunestyre (UK) meiner at det er på tide å endra skulestrukturen. UK meiner at flytting av 5., 6. og 7. klassingar frå Skjolden til Dale, Indre Hafslo til Gaupne og Solvorn til Hafslo. Dette vil hjelpe elevar til å få ein lettare overgang frå barneskulen til ungdomsskulen der dei lærer å fungere i større folkegrupper og kjem inn i større pedagogiske fellesskap. Det vil òg vera positivt i forhold til lærar/elevforhold, der eleven lærer at læraren har ansvar for ei større gruppe av elevar enn tidlegare, og redusere utgiftene til kommunen. Mindretalet røysta for følgjande framlegg: UK meiner at inga flytting av klassane skal gjerast. Ingen pedagogiske vurderingar ligg til grunn. Pkt. 1 vedteke med 10 mot 1 røyst. 2. HELSETENESTER Nytt pkt. Helsestasjon for ungdom (side 34) UK i Luster meiner Helsestasjon for ungdom er eit viktig tiltak og ber Luster kommune legge til rette for vidare drift av dette tiltaket. 3. Særskilde aktivitetar i 2010 UK meiner at tal representantar av Luster kommunestyre bør oppretthaldast. Det er store geografiske områder i kommunen. Alle må verta høyrde. Pkt. 2 og 3 vart samrøystes vedteke. Saker Ungdommen sitt kommunestyre har teke opp/arbeidd med: Næringsfond for ungdom. UK har hausten 2009 motteke og handsama 1 søknad om tilskot frå Næringsfond for ungdom. Ungdommens kulturmønstring (UKM) 2010 vart arrangert i Fjordstova på Skjolden søndag 24. januar Konferansierane for kvelden Mariell Kleive og Daniel Fossheim ønskte over 170 personar velkommen til eit variert og flott show. Publikum fekk oppleva i alt 32 unge deltakarar fordelt på 17 innslag. Blant innslaga fekk ein sjå dans, song, gitarspel og felespel. Innslaga frå Luster som gjekk vidare til UKM Fylkesmønstring i Operahuset Nordfjord april 2010 var: Einar Bolstad, Audun Moseng, Turid og Bjørnar, Mathilde Skjæret og L.O.V.E. Kulturutveksling. UK har vedteke å satse vidare på kulturutveksling med vennskapskommunen til Luster i USA som er Vernon Co., WI og byen Viorqua som senter i denne kommunen. Ungdomar frå Luster i alderen år kan søkje om å verte kulturutveksla. Frist for å søkje om å delta på kulturutvekslinga var sett til 16. mars Det er 4 personar som har meldt seg interesserte. Pr. d.d. har USA gitt lite tilbakemelding vedk. vertsfamiliar. UK forventar at Luster Kommune tek opp kulturutveksling til ny vurdering. Møteplass for Ungdom i Luster Treningssenter. UK har også i år delteke i styret for denne møteplassen med ein representant. Tiltaket er svært populært med mange frammøtte ungdomar kvar kveld. Tilbodet er opent to gonger i månaden. Blås grønt natt til 17. mai. Arrangementet i fritidsklubben HAUK på Hafslo natt til 17. mai, var eit samarbeidsprosjekt mellom HAUK, ME`N`U og UK. Arrangementet var planlagt som ein sosial kveld for ungdommen i kommunen, med ulike aktivitetar både ute på området ved skulen og inne i fritidsklubben, og med grilling. Været gjorde sitt til at uteaktivitetane vart avlyst, men grillinga vart gjennomført. Busstransport til og frå arrangementet var organisert av Luster nærmiljøsenter og kiosksalet vart organisert av repr. frå HAUK. Arrangementet vart annonsert gjennom Facebook. 3

4 Det var 68 ungdomar frå Luster kommune som var med på arrangementet og som blæs grønt natta til 17. mai. Saman med lensmann vart det kåra 5 vinnarar av Ipod og deretter trekt kven som skulle vera den heldige vinnaren av eit speilreflekskamera. Dei fem heldige vinnarane av Ipod var: Nicolai Ivin Kvam, Ane Øvregard Røhme, Ingar Skjerven, Regine Kalhagen og Anette Timberlid Teigen. Den heldige vinnaren av speilreflekskamera vart Ane Øvregard Røhme. Premieutdelinga skjedde i Gaupne, og ordførar Torodd Urnes fekk æra av å overrekkja hovudpremien. Lokale transporttilbod for ungdom (LTU). UK drøfta ordninga Lokale transporttilbod for ungdom i sak 05/10 den 15. mars 2010, og det vart vedteke følgjande: Ungdommen sitt kommunestyre vedtek at dagens tilbod bør oppretthaldast, men med følgjande endringar: Eigenandelen vert sett ned til 50 kroner pr. person kvar veg når ein nyttar bestillingstaxi i Luster, og til 75 kroner pr. person kvar veg når ein nyttar bestillingstaxi til/frå kino/ kulturarrangement i Sogndal. Det vert opna for at 1 person kan følgje taxi. For å koma inn under ordninga med bestillingstaxi i Luster må ein vera i aldersgruppa mellom 13 og 19 år. Evnt. andre i same taxi, men som er eldre enn 19 år, betaler fullt. Administrasjonen lager ny plakat om skysstilbodet. Kine Fjøsne, Daniel Stølen, Erling Bjørntun og ein repr. frå Taxi-sentralen er med i prosjektgruppa som har ansvar for å organisere skysstilbodet, med Lena Buvik Hauge som varamedlem. Søknadssummen for 2010 er på kr som er i samsvar med Luster kommunestyre sitt budsjettvedtak for Ta skulevalet ditt sjølv. UK drøfta saka om fritt skuleval på møte den 15. mars 2010 og med 7 mot 1 røyst vart det vedteke å sende brev til kommunestyret med orientering om UK sitt framlegg til skuleval i Luster. Ungdommen sitt kommunestyre meiner at det skal vera fritt skuleval i Luster kommune. Elevane saman med foreldra/føresette veit kva skule som gir eleven det beste sosiale og faglege tilbodet. Difor er eleven og foreldra sjølve best eigna til å ta vala. UK vil difor ha fritt skuleval slik at eleven sine interesser og ønskjer skal avgjere kva skule ein skal gå på, ikkje postnummera. UK meiner at når elevane skal velje barneskule er det viktig at foreldra er med på vala, men eleven kan sjølv ta valet om kva ungdomsskule han/ho vil gå på. Mindretalet gjekk inn for at dagens ordning bør fortsetja å vera slik den er i dag. Ungdommen sitt kommunestyre vil ikkje at småskulane rundt på småplassane skal leggast ned fordi det blir mindre folk noko som kjem til å skje når/dersom elevane sjølve får velje kva skule dei skal gå på. Dei blir påverka, og vel sannsynlegvis same skule, for eksempel Luster Gaupne. Møtetid for Ungdommen sitt kommunestyre. UK drøfta saka om endring av møtetid for UK i møte den 15. mars 2010 og det vart samrøystes vedteke, som ei prøveordning fram til sommarferien 2010, at møta i UK vert haldne etter skuletid. Grunngjeving for vedtaket: redusere fråværet, det har hatt uheldig utfall, når elever blir vekke heile dagar og ofte på dei same vekedagane og at kanskje dei valde representantane på denne måten vil vera på møtet på riktig grunnlag og at diskusjonane kan bli betre. Skulebesøk. Det har vore gjennomført møte med elevråda ved Luster ungdomsskule, Hafslo barne- og ungdomsskule og Luster vidaregåande skule. Møta fann stad: Gaupne den 18. februar, med Kine, Stine og Erling og på Hafslo den 3. mars med Lena og Erling. UK drøfta oppsummeringa frå møte med elevråda i sak 07/10 den 15. mars 2010, og det vart vedteke følgjande modell for kommunikasjon mellom UK og elevråd/skulekontakt: Ungdommen sitt kommunestyre vedtek at all innkalling og referat i ein periode vert sendt elektronisk (på e-post) til representantane og skulekontaktane (rådgjevar). Skulekontaktane skal i neste omgang ha ansvar for å distribuere sakliste og møtebok til klassekontaktane, som igjen kvalitetssikrar at sakene vert presenterte for klassen sin time (plenum). 4

5 Ungdomen ønskjer røykfrie skular. På møte i UK den 15. mars 2010 vart det føreteke ein gjennomgang av gruppearbeidet som vart gjennomført på opplæringsdagen i januar. Under drøftingane av gruppearbeidet kom UK inn på tema om røyking i skulen. Då fleire av medlemane i UK har motteke klagar frå medelevar om røyking på skuleområdet og at dette plagar mange av elevane, vart det vedteke å sende følgjande brev til barne- og ungdomsskulane i kommunen. Det at elevar og lærarar røyker på skuleområdet er eit problem. Det er spesielt lukta som plagar medelevane. Så med dette ønskjer me å setja fokus på skadane og konsekvensane for sjølve røykaren og at det fører til misstrivsel blant medelevar og kollegaer. Ungdomen i Luster ønskjer at skulen set meir fokus på korleis røyking plagar medelevar og at røyke-forskriftene for Luster kommune blir følgde. UK ønskjer at ein startar med førebyggjande arbeid allereie på mellomsteget ved barneskulane i kommunen. Ein håpar at dei kan inngå eit samarbeid med helsesøster der ein driv ein meir aktiv skremme kampanje enn tidligare. Når ungdom ned i 11 års alderen har haldningar til at røyking er kult, må førebygginga starte tidligare enn den vert gjort i dag. Ein oppfordrar derfor skulane til å ta opp denne kampen gjennom Team 49 eller i aktuelle fag som naturfag og samfunnsfag. Ein vil ikkje pålegge skulane dette, for det kan gå utover pensumet, men ein håpar skulen tilpassar dette best mogleg. På ungdomsskulane håpar UK at ein blir flinkare til å fokusere på røyking. At røyking ikkje berre har konsekvensar for røykaren sjølv, men samtidig at det påverkar medelevane og kollegar. Me veit at i dag er det kampanjar som vær røykfri og MOT. Men elevane føler at dei fokuserar på det same gamle og at det ikkje fungerar slik ein håpar. UK vil at ein startar med kampanjar som fokuserar ekstra på dei som allereie røyker og kva konsekvensar det har for røykaren sjølv og dei rundt. Ein veit at det er fleire skular i landet, som Luster kommune kan samanliknast med, som er røykfrie. Difor meiner UK at skulane i Luster kommune ikkje skal vere dårlegare. UK ser at det kan vere vanskelig for læraren i dei aktuelle faga å ta opp dette tema. For tema krev kunnskap og erfaring. Derfor kan det vere lurt å få til eit samarbeid med helsesøster ved skulen. Det kan også vere smart å få inn folk utanfrå, som har erfaring med korleis røyking har påverka kvardagen. For i mange av tilfella i dag, utviklar røykeproblema seg til større problem. Ønskjer om ei tennisbane med dekke i Gaupne / etterspurnad etter eit aktivt friidrettstilbod! Vidare vart det under drøftinga av gruppearbeidet vedteke at UK skulle sende brev til Luster idrettsråd og orientere spesielt om to av ønskja som ungdomane ville at UK skulle arbeida med. Ønskjer om ei tennisbane med dekke i Gaupne. Ungdomen ønskjer at denne bana skal vere tilgjengeleg for alle. Ungdomen ønskjer også at den skal ligge i nærheita av dei andre tilboda ein har i Gaupne i dag. I dag har ein moglegheitene til å spele tennis på Hafslo og Skjolden. På Skjolden er det ikkje dekke i dag, så ein håpar det kan komme i framtida. Interessa for tennis er aukande, og det er mange frå dei andre bygdene som reiser til dei eksisterande banene for å spela. Ungdomen i Luster er villige til å satse på andre aktivitetar enn dei tradisjonelle aktivitetane som fotball og handball. Det har vert fleire etterspurnadar etter andre fritidsaktivitetar, for at det skal vere tilbod til eit breiare spekter av ungdom. Ein håpar med dette skrivet at Luster idrettsråd ser behovet og interessa for tennis blant oss unge. Etterspurnad etter eit aktivt friidrettstilbod! Det har vorte tatt opp i mange ulike samanhengar og diskusjonar at ungdomen i Luster manglar eit friidrettstilbod. Ein ønskjer at dette tilbodet skal komme i gang fort, med 5

6 aktive trenarar og faste treningstider. Ein håpar at eit godt tilbod til ungdomen, vil vere med på å heve interessa for friidretten i kommunen. Det har vert etterspurnad etter ulike individuelle idrettsgreinar på sommartid, der ein har muligheitene til å delta i stemner og konkurransar. Ved nærmare utspøring, har det komme fram at det er friidrett som er aktuelt. Der er det ulike greiner som gjer at fleire kan finna ei grein som er tilpassa den enkelte sine eigenskapar og interesser. Det er ikkje gått nærare inn på spesielle ønskjer om greiner, for det vil vera avhengig av kva trenarresursar som er tilgjengelege. I Luster kommune har ein muligheit til å drive med friidrett både på Hafslo og i Gaupne. Det er ikkje perfekte dekke på springebanene, så ein håpar at det kan betrast. Ungdomen i Luster håpar at dette vil bli eit tilbod. Og dei vil at Luster kommune i framtida kan utvikla talent og få eit godt friidretts miljø. Meir politisk interesse blant ungdom. Luster, som ein av 20 kommunar, er plukka ut til å vera med på forsøksordning med røysterett for 16- og 17-åringar ved kommunevalet i Med bakgrunn i dette vart det i møte den 15. mars 2010 vedteke å sende brev til dei politiske partia i kommunen med oppmoding om å gjera det spanande for 16- og 17- åringane å delta i utforminga av lokaldemokratiet slik at dei vil bruke røysteretten sin ved kommunevalet i Dette brevet er ikkje vorte send ut, for saka vil bli tatt opp att til hausten. Samlingar/møte/kurs/arbeidsgrupper som Ungdommen sitt kommunestyre har delteke på: Utsendingar til Fylkesting for ungdom (FFU) 6. 8 november 2009 på Leikanger var Stine Sandvik og Lena Buvik Hauge. Lena Buvik Hauge vart vald inn i valkomiteen, medan Stine Sandvik satt i resolusjonskomiteen. Stine Sandvik vart også vald til møtande varamedlem. Møteplass for Ungdom i Luster Treningssenter (ME`N`U). UK har også i år delteke i ungdomsstyret for denne møteplassen med ein representant Hanne Sviggum som medlem og Malene Kvam som varamedlem. Tiltaket ME`N`U er svært populært med mange frammøtte ungdomar kvar kveld, og tilbodet er utvida frå å gjelda ca. ein gong i månaden til to gonger i månaden. Folkehelserådet. På møte i UK den 12. november 2009 vart Stine Sandvik vald til å nytt medlem i Folkehelserådet, med Julia Morenda Rosenlund som varamedlem. Referansegruppe Stadanalyse for Gaupne. På møte i UK den 12. november 2009 vart Stine Sandvik vald til å representere UK i referansegruppa, med Julia Morenda Rosenlund som varamedlem. Regional nettverkssamling på Skei april På møte i UK den 15. mars vart Kine Fjøsne, Lena Buvik Hauge, Hanne Sviggum og Malene Kvam valde til å utsendingar frå UK i Luster. Det vart Hanne Sviggum og Malene Kvam som til slutt deltok på samlinga. Sluttkommentar frå leiaren: I år var det mange nye medlemar som var klare til å jobba for saker som engasjerte ungdommen i Luster kommune dette skuleåret. Me har hatt dei fire planlagde møta i Ungdommens kommunestyre, i tillegg til fleire møter i arbeidsutvalet. Dette året har me markert oss godt i media og som høyringsorgan. Det har gjort at Luster sitt ungdomsråd har fått masse oppmerksomheit. Det som eg ser på som den største suksessen dette året, er opplærings- og arbeidsdagen me hadde på Gaupne Hotell. Der kom det fram saker, som dåverande og dei framtidige ungdomsråda kan jobbe med. Me hadde denne dagen litt for seint i skuleåret, så me valde ut somme saker å jobbe vidare med. I tillegg til dei sakene, har 6

7 aktivitetsplanen tatt mykje av tida. Me har gjennomført dei vedtekne aktivitetane. Det som var nytt frå året før, var at Blås grønt var gjennomført som eit stort felles arrangement for heile kommunen. Felles arrangement og møte plassar for alle i kommunen, har vore sterk ønska av ungdomane i Luster Kommune. I år har med også hatt fleire gode resolusjonar og diskusjonar som medlemane har komet med, som har gjort at det har vorte eit spanande år. Det er viktig at unge engasjerar seg i lokalpolitikken, men det er også viktig at politikarane tek ungdomen på alvor. Så me merkar at det er grunn til å engasjera seg. For det er me, unge, som skal bli Luster om nokon år og da er det viktig at alt ligg til rette for slik me ynskjer det. For tida endrar seg, og det er ungdommen som er framtida! Gaupne, 16. juni 2010 Stine Sandvik leiar 7