SAKSFRAMLEGG Sakshandsamar: Erling Bjørnetun/Liv Helen Nystuen Arkiv: 223 C Arkivsaksnr.: 11/572 Samarbeidsavtalar 2011/2012. Rådmannen si tilråding: Luster kommune vedtek å inngå 1-årige samarbeidsavtalar 2011/2012 etter fylgjande oppstilling: Rådmannen får fullmakt til å godkjenne avtalane. Løyvinga vert å finansiere over budsjettpost 13713.200.38504 Samarbeidsavtalar.
Saksutgreiing: Prenta vedlegg: Uprenta vedlegg: Innkomne søknader om samarbeidsavtale/sponsoravtale frå: Hallvard Sørheim Evjestad, 6868 Gaupne Marte Erfjord, 6869 Hafslo Thomas Sørheim Evjestad, 6868 Gaupne Jacob Meløy, 6869 Hafslo Geir Steig, 6872 Luster Bertine Thorsnes Lefdal, 6868 Gaupne Ane Øvregard Røhme, 6868 Gaupne Utlysingstekst Samandrag: Luster kommune har på sitt budsjett for 2011 vedteke å stilla til disposisjon midlar til ordninga der kommunen inngår samarbeidsavtale / sponsoravtale med ungdom/-ar som på ein framifrå måte vil kunne marknadsføre Luster kommune nasjonalt, innanfor idrett og/eller andre kulturytingar. Rådmannen tilrår at det vert inngått 1-årige samarbeidsavtalar med: Utval som har vedtaksmynde: Plan- og forvaltningsstyret. Mynde til utvalet er gjeve Luster kommune sitt budsjett for 2011. Jf elles K-sak 124/07: Tilskot til kulturføremål 2008-2011, nytt reglement. Fakta: Luster kommune har på sitt budsjett for 2011 vedteke å stilla til disposisjon midlar der kommunen inngår samarbeidsavtale/sponsoravtale med ungdom/-ar som på ein framifrå måte vil kunne marknadsføre Luster kommune nasjonalt, innafor idrett og/eller andre kulturytingar. Slike samarbeidsavtaler/sponsoravtaler vart fyrste gong inngått i 2009 med Hallvard og Thomas Sørheim Evjestad frå idrettslaget Bjørn for perioden 12.08.2009 12.08.2010 og Stig Morten Fredheim frå Hafslo i.l. for perioden 18.12.2009 18.12.2010. I 2010 vart det inngått nye eitt-årige samarbeidsavtalar (for 2010/2011) med Hallvard og Thomas Sørheim Evjestad frå idrettslaget Bjørn og Stig Morten Fredheim frå Hafslo i.l. I 2011 er det inngått eitt-årig samarbeidsavtale med Mats Bjørnar Leirdal, sak 13/11 den 5.4. 2011. Ordninga har vore annonsert på vanleg måte med søknadsfrist 15. mai i år. Søkjarar (2 fornya og 5 nye) er: 1. Hallvard Sørheim Evjestad: Hallvard Sørheim Evjestad er født i 1993, bur i Gaupne og går på ski for I.L. Bjørn. Han har fått øydelagt mest to heile sesonger på grunn av sjukdom. Denne vinteren har han søkt hjelp hjå spesialist i idrettsmedisin. Dette ser ut til å ha gjeve god verknad, og frå tidleg i mars vart han friskmeld for trening. Han debuterte i skisporet att ved å vinne finalen i Fylkesbankcupen Sogn og Fjordane 27. mars. Helga etter vann han sin klasse på Bjønnarennet. Ut frå treningsgrunnlaget han hadde var nemnde resultat oppløftande og styrka motivasjonen hans. Han har prøvd å vera fokusert og tenkja positivt under sjukdomsperioden, og har sett seg klare mål for vidare satsing. Han er snart ferdig med 2. året ved NTG Lillehammer og vil satse maksimalt for å konkurrere på
topp nasjonalt nivå komande sesong. Ny treningsplan er utarbeidd, som legg opp til auka treningsmengde (ca. 750-800 timar i året). Hallvard og familien (hovudsponsor) er svært takksame for støtta frå Luster kommune, og håpar at kommunen vil vera med på toppidrettssatsinga vidare. Satsinga på langrenn kostar mykje, med hybelleige, skulepengar, mange reiser og trenings- og konkurranseutstyr. Halvard trur han har profilert laget sitt og Luster kommune på ein god måte, og er svært innstilt på å setja Luster på kartet vidare. Hallvard har tidlegare hatt samarbeidsavtalar med Luster kommune til ein verdi av kr. 40.000. 2. Marte Erfjord: Marte Erfjord er født i 1995, bur på Hafslo og går på ski for Hafslo i.l. Ho er aktiv og likar å drive med ulike idrettsaktivitetar både sommar og vinter, men det er innan langrenn ho har vald og spesialisere seg. Sesongen 2010 var ho med i ei satsingsgruppe i regi av Sogn og Fjordane idrettskrins. Dette hadde ho stort utbytte av, og det gav ho inspirasjon til å satse vidare. For komande sesong (2011/2012) har ho fått tilbod om å vera med på krinslaget i langrenn. Som deltakar på krinslaget får ho delta på samlingar i fylket, og i vintersesongen delta på nasjonale renn. Delar av utgiftene for å vera med på krinslaget må dei dekke sjølve, kontingenten i år er på kr. 8.500. Det er store krav til utstyr innan langrennssporten, som ikkje lenger berre er ein vinteridrett. Ein må heile tida fornye utstyret, og det blir stilt krav til utstyr på sommartid, slik som rulleski og sykkel. Marte har delteke på Ungdommens Holmenkollrenn i 2008 og 2009 og Hovudlandsrennet i 2010 og 2011. Dei to siste sesongane har ho vunne SSF-cup samanlagt i si klasse. Elles har ho delteke på lokale renn og krinsmeisterskap. Marte ein av 8 stk. i aldersgruppa 15/16 år som fekk delta på Ungdomsstafetten som vart avvikla under ski-vm i Oslo i år. Marte ser fram til samarbeid med Luster kommune. 3. Thomas Sørheim Evjestad: Thomas Sørheim Evjestad er født i 1992, bur i Gaupne og går på ski for I.L. Bjørn. Dei siste sesongane har ikkje gått like smertefritt for Thomas. Han pådrog seg svineinfluensa hausten 2009, med mange etterverknader. Han har etter det oppsøkt spesialist i idrettsmedisin ved toppidrettssenteret i Oslo. Dette ser ut å ha gjeve god verknad, og ettervinteren har gjeve fleire oppturar. Midt i januar vart Thomas krinsmeistar i Sogn og Fjordane både i sprint friteknikk og klassisk 15 km. Helga etter vann han KM Hedmark i klassisk 10 km. fellesstart, 23 sek framfor Korbøl. 28. januar var han 3 sek. bak Ramstad på Gålårennet, men føre Nyeng og Børsheim. Diverre vart han forkjøla i forkant av NM i Selbu, men kom relativt snøgt oppatt på godkjend nivå og fekk avslutta sesongen på ein god måte med siger i Ulsjøløpet og Bjønnarennet og ny pers på Trollski Marathon. Thomas har prøvd å vera fokusert og tenkja positivt under sjukdomsperiodane, og har sett seg klare mål for vidare langrennssatsing. Treningsplanen er utarbeidd for sommaren og hausten med auka treningsmengde (ca. 800 timar i året) med fokus på variasjon og kvalitet. Han satsar for fullt saman med krinslaget i Sogn og Fjordane der han er medlem av ei ekstra satsingsgruppe som skal ha 64 65 samlingsdøgn før jul. Thomas har tidlegare hatt samarbeidsavtalar med Luster kommune til ein verdi av kr. 60.000. 4. Jacob Meløy: Jacob Meløy er født I 1993, bur på Hafslo og går på ski for Hafslo i.l. Jacob er og har vore aktiv på langrenn i mange år. Han starta med å gå renn lokalt som 7 åring, utvida til renn i krinsen som 11 åring, landsrenn når han var 14 år og har i år delteke på eit internasjonalt renn. Jacob går på Sogndal v.g. skule, idrettslinja med toppidrett langrenn. Resultata har vorte betre og betre med åra. Frå beskjedne plasseringar i aldersbestemte klassar til han i år fekk 3 KM-titlar og vann SSF-cupen samanlagt. Han deltok i år på Marcialonga, eit 70 km. Langt renn i Nord-Ialia, der han var yngste deltakar av om lag 6500 løparar og frå ei pulje langt bak, kom han i mål på 834 plass. Han deltok også på Birkebeinarrennet og der klarte han merket med 20 minutts margin. Jacob har siste sesong vore ein del av Sogn og Fjordane skikrins sitt krinslag i langrenn. Det held han fram med komande sesong også. Som løpar på krinslaget har han forplikta seg til å
delta på Norgescuprenn. Utifrå resultat og interesser ynskjer han og delta på nasjonale og internasjonale langløp. Lokalt ynskjer han å delta på renn i eigen klubb og i eigen krins. Han ser det som viktig for den vidare rekrutteringa til langrennsporten, at ein og er flink til å delta på renn i lokalmiljøet. Langrennsporten har utvikla seg til bli ein svært dyr idrett. Utstyr som ski, stavar, sko og klede er dyrt. I komande sesong må han investere i klassisk ski til vått og tørt føre, nye stavar, nye skøyteski og sko. Totalsummen for dette kjem på godt over 25.000 kroner. I tillegg kjem smurning, rulleski, reise og opphald. Det totale budsjettet for langrennssatsinga til Jacob sesongen 2011-2012 ligg på over 40.000. Hafslo i.l. dekker kontingenten på krinslaget på kroner 8.500. Resten må han betale sjølv. 5. Geir Steig: Geir Steig er født i 1995, bur i Luster og stiller til start for Luster i.l. Geir er med på Sogn og Fjordane sitt kretslag i langrenn. Då får han mange skisamlingar og til vinteren skal han vera med på ein del nasjonale renn (Norgescuprenn). Å gå på langrenn er ein dyr sport, og skal ein vera med må ein ha gode ski og skiutstyr. Difor søkjer Geir om samarbeidsavtale med Luster kommune. Resultata til Geir er m.a.: Nr. 2 i Sogn og Fjordane cupen i fleire år. To Vestlandsmeistar-titlar, ein i sprint og ein i klassisk. Fem kretsmeistartitlar totalt. Var nr. 13 av 200 i klassisk i Ungdommens Holmenkollrenn og vart nr. 61 (sprint) og 69 (fristil) av 260 på hovudlandsrennet. 6. Bertine Thorsnes Lefdal: Bertine Thorsnes Lefdal er født i 1996, bur i Gaupne og går aktivt på ski for I.L. Bjørn. Bertine har gått aktivt på ski sidan ho var 10 år og satsar for fullt på denne idretten. I siste sesong gjorde ho sine beste prestasjonar under Hovudlandsrennet i Trondheim, som er NM for 15 16-åringar. Ho vart nr. 17 på distanserennet, friteknikk. På sprinten gjekk ho inn til andre beste prologtid, og tok seg heilt til finalen og enda opp med 4. plass. På stafetten gjekk ho 2. etappe, og fekk beste etappetid av dei som gjekk denne etappa. Ho har også gått andre Renn utanfor krinsen, som t.d. Ungdomsbirken 2011 (9. plass) og Ungdommens Holmenkollrenn (NM for 13-14 år) der ho vart nr. 4 på 5 km. Klassisk. Bertine har kome inn på NTG Geilo rekrutt. Dette er eit tilbod til dei som går i 10. klasse. Opplegget har eit fagleg innhald i tillegg til trening over 3 helgesamlingar samt mulighet for å delta på ein ordinær NTG Geilo-samling. I tillegg skal ho delta på krinslaget til Sogn og Fjordane skikrins. Bertine vart spesielt motivert etter prestasjonane i Trondheim, som gjekk over all forventning, og ho kjem til å satsa og prioritere ski i framtida. Komande sesong er hovudmålet å vera blant dei beste i landet under Hovudlandsrennet, som i år skal arrangerast i Harstad 2. 4. mars 2012. I tillegg har ho planar om å delta på nokre renn der ho kan måla krefter med ei beste løparane i landet. Det å drive med langrenn krev både dyrt utstyr og dyre reiser. Og Bertine håpar difor på eit positivt svar på søknaden. 7. Ane Øvregard Røhme: Ane Øvregard Røhme er født i 1996, bur i Gaupne og går på ski for I.L. Bjørn. Ane vurderar seg sjølv som allsidig og målbevisst og har delteke på bylag i fotball, sonelag i handball, motbakkeløp, Birkebeinerløpet og landevegsløp. Ho har alltid gått på ski og ho byrja på fellestreningane til I.L. Bjørn då ho var 10 år. Det siste året har ho følgd eit eige treningsprogram og satsar no for fullt på langrenn. Dette året deltek ho på krinslaget til Sogn og Fjordane og har kome inn på eit rekrutteam ved NTG Geilo. Der er Ane inne i eit godt og seriøst idrettsmiljø der det gjennom fleire samlingar er lagt opp til fagleg og personleg utvikling. Av prestasjonar på ski tek vi med: 1 2010 oppnådde ho 5. plass på 3 km. klassisk i Ungdommens Holmenkollrenn, 6. plass på 3 km. fristil i Ungdommens Holmenkollrenn og ho vart krinsmeister og vann fylkescupen. I sesongen 2011 vart ho krinsmeister i klassisk 5 km, oppnådde 2. plass KM sprint fri, 17. plass på sprint klassisk i Hovudlandsrennet, gjekk fyrste etappe på laget til Sogn og Fjordane på stafetten i Hovudlandsrennet, gjekk fyrste etappe på førstelaget til Sogn og Fjordane i Ungdomsstafetten under VM på ski, nr. 13 i Ungdomsbirken og ho vann fylkescupen.
Budsjettert sum til: Prosjektretta kulturtiltak (samarbeidsavtale/sponsor 13713.200.38504 ) 2011 er kr. 80.000 + overført frå 2010 (ubrukt) kr. 20.000 Disponibelt kr. 100.000 - innvilga i sak 13/11 Mats Bjørnar Leirdal kr. 30.000 Disponibelt pr. d.d. kr. 70.000 Vurdering: I samsvar med intensjonen med vedtaket om å inngå samarbeidsavtalar med ungdom/-ar som på ein framifrå måte vil kunne marknadsføre Luster kommune nasjonalt, legg rådmannen vekt på kva nivå vedkomande kandidat/søkjar har som utgangspunkt, og korleis ein samarbeidsavtale vil kunna stimulere til å heva dette nivået. For Luster kommune er det eit viktig poeng at løparane stiller for ein lokal klubb, og representerer denne på ein verdig måte. Vidare legg kommunen opp til at samarbeidsavtalen også må forplikte partane i forhold til å presentere klubb og kommune i samband med pressedekking. Avtalane bør ev kunne forlengast. Utifrå ei samla vurdering vil rådmannen tilrå at det vert inngått 1-årige samarbeidsavtalar med: Tilskotssummane vert å finansiere over budsjettpost 13713.200.38504 Samarbeidsavtalar. Dato: 22. september 2011 Tore Eriksen Inger Marie Evjestad rådmann rådgjevar - oppvekst Særutskrift skal sendast: m/kopi til: Søkarane Økonomiavdelinga og revisor, her