HORDALAND FYLKESKOMMUNE Regionalavdelinga Arkivsak 201210523-1 Arkivnr. 015 Saksh. Jordet, Håkon Saksgang Møtedato Fylkesutvalet 31.01.2013 MIDLAR TIL REKRUTTERING, LIKESTILLING OG KOMPETANSEHEVING I LANDBRUKET - FORVALTNING 2013-2015 SAMANDRAG Fylkesrådmannen ber om å få delegert mynde når det gjeld midlar frå Landbruks- og matdepartementet knytt til styrking av rekruttering, kompetanseheving, likestilling og etter- og vidareutdanning for næringsutøvarar i landbruket. Det er tildeling to gonger i året etter retningsliner nedfelt i RULL- Strategi for forvaltning av midlar til rekruttering, utdanning og likestilling i landbruket i Hordaland 2011-2015. FORSLAG TIL VEDTAK Fylkesutvalet delegerer forvaltninga av midlane knytt til styrking av rekruttering, kompetanseheving og likestilling i landbruket til fylkesrådmannen i samsvar med vedteken strategi «RULL- Strategi for forvaltning av midlar til rekruttering, utdanning og likestilling i landbruket i Hordaland 2011-2015». Johnny Stiansen Matti Torgersen
FYLKESRÅDMANNEN, 20.12.2012: Fylkeskommunane har frå og med 2010 fått eit utvida medansvar for gjennomføring av landbrukspolitikken på regionalt nivå. Ansvaret er dels eit ledd i arbeidet med å styrke fylkeskommunane som regionale utviklingsaktørar, dels ei auka satsing på dei prioriterte områda rekruttering, likestilling, og kompetanseheving, gjennom ei ny tilskotsordning. Denne auka satsinga vert sett i samanheng med fylkeskommunane si breie rolle som utdanningspolitisk og regionalpolitisk aktør. I tilskotsbrev til fylkeskommunane for 2012 på landbruks og matområdet frå Landbruks- og matdepartementet (LMD) heiter det: «Fylkeskommunanes engasjement innafor næringsutvikling i landbruket må sjåast i samanheng med fylkeskommunanes øvrige næringspolitiske arbeid og eigarskap til Innovasjon Norge. Landbruks- og matdepartementet ønskjer difor på generelt grunnlag at fylkeskommunane i større grad engasjerer seg i landbruksbasert næringsutvikling, legg til rette for lokal vekstkraft og støtter opp under og stimulerer regionale føresetnader og fortrinn for innovasjon og verdiskaping.» RULL- Strategi for forvaltning av midlar til rekruttering, utdanning og likestilling i landbruket i Hordaland for 2011-2015. (FUV-sak 210/11) Dette er den strategien som skal brukast for å samkøyre fylkeskommunen sine nye oppgåver saman med partnarskapet innanfor landbruksoppgåvene. Hordaland har for 2013 fått tildelt kr 1 200 000 frå Landbruks- og matdepartementet til rekruttering, utdanning og likestilling i landbruket. Forslag til fordeling av desse midlane blir tilrådd saman med faglaga i landbruket, Innovasjon Noreg, og Fylkesmannen etter innkomne søknadar. For 2012 vart midlane fordelt på denne måten: Søkjar Tema Unneland Grendalag Bygdeutvikling 50 000 Norsk Landbruksrådgiving Grovfor i pluss 100 000 Norsk Landbruksrådgiving Kompetansetiltak husdyr 110 000 Tyr Hordaland Biffakademiet 40 000 Hordaland Bondelag HMS - kampanje 94 000 Landbrukstunet Kompetanse Køyrekurs hest 18 000 Landbrukstunet Kompetanse Nettside for kurs 43 000 Landbrukstunet Kompetanse Næringssamling unge bønder 40 000 Landbrukstunet Kompetanse Ordning med vertsbønder 25 000 Hordaland Bondelag Studietur til Island 25 000 Lyngheisenteret Kurs i tørrmuring 12 000 Landbrukstunet Kompetanse Praksisvertar for elevar ved Stend vgs 50 000 Landbrukstunet Kompetanse "Trygg på jobb". Temadag for ungdomsskuleelevar 43 000 Landbrukstunet Kompetanse Forprosjekt - Avløysarkurs for ungdomsskulen 43 000 Austrheim og Lindås Bondelag Motorsagkurs 8 000 Fylkesmannen i Hordaland Kurs tilbydarar av Inn På Tunet 25 000 Unneland Grendalag Kurs tilbydarar av Inn På Tunet 20 000 Fagforum Inn på Tunet Hordaland Kurs tilbydarar av Inn På Tunet 20 000 Norsk Landbruksrådgivning Næringsutviklingskurs i landbruket 80 000 Landbrukstunet Kompetanse Datakurs for bønder, trinn 2 20 000 Kystskogbruket Kompetanseoppbygging for skogsvegplanleggere 50 000 Landbrukstunet Kompetanse Landbruksspelet på Lindås ungdomsskule 12 500 Hjeltnes vidaregåande skule Kompetanseheving for nye frukt- og bærdyrkarar 50 000 Norsk Landbruksrådgivning Framtidsretta sauefjøs 27 000 Hjeltnes vidaregåande skule Gartnarutdanning på deltid 84 000 Norsk Landbruksrådgivning Tiltak innan tilleggsnæringar og nye næringar 90 000 Sum 1 179 500 Det vil vera hensiktsmessig med færre og større prosjekt for framtida.
Om delegering og RULL-midlane Forvaltning av landbruksmidlane blei handsama i fylkestinget i sak 48/10 og delegert til fylkesutvalet. I FUV sak 265/10 blei det vedteke å delegere forvaltninga av midlane til rekruttering, likestilling og kompetanseheving i landbruket for 2010 til administrativt nivå. I FUV sak 210/11 blei det vedteke at Strategi for forvaltning av midlar til rekruttering, utdanning og likestilling i landbruket i Hordaland 2011-2015 skal vere styringsdokument for landbrukssatsinga til Hordaland fylkeskommune på desse områda. I vedtak i FUV sak 210/10 heiter det: Fylkesutvalet delegerer forvaltninga av midlane til rekruttering, likestilling og kompetanseheving i landbruket for 2010 til administrativt nivå. Strategien for forvaltning av midlane frå og med 2011 vil bli lagt fram til politisk handsaming i løpet av hausten 2010. For 2011 og 2012 har ein ikkje vore merksam på at det ikkje lå føre ein delegasjon av RULL-midlane. For å få ei meir varig løysning på ansvarsforholda av RULL-midlane ber fylkesrådmannen om at desse midlane kan forvaltast på same måte som midlane i Regionalt utviklingsprogram. Det vil si at større søknadar og søknadar av prinsipiell karakter blir fremma for fylkesutvalet, medan mindre søknadar blir handsama administrativt.