notat 2018, økonomiplan 2018 2021, vedlegg til rådmannen sitt arbeidsgrunnlag av 07.11.2017. Rådmannen 13.11.2017 Dette notatet inneheld: Tiltaksliste med oversyn over tiltak som ligg inne i rådmann sitt arbeidsgrunnlag budsjett 2018 og verknaden av desse for dei andre åra i økonomiplanperioden. Endingsliste som syner konsekvens av desse tiltaka i økonomiplanperioden. Rådmann la til møte i Finansutvalet den 09.11.2017 fram sitt arbeidsgrunnlag for budsjett 2018. Arbeidsdokumentet viste ikkje konsekvens av tiltak for dei andre åra i økonomiplanen. Av dette fekk rådmann i oppdrag å synleggjera ei liste over tiltak i budsjett 2018, og verknad av desse for resten av åra i planperioden. Som tiltakslista syner er arbeidet med å oppnå balanse i budsjett 2018, og resten av økonomiplanperioden svært krevjande. Heile organisasjonen må bidra til endring og omstilling i form av tiltak som sal av tenester, effektivisering i form av stillingsreduksjon og strukturendringar. Med det omfanget tiltakslista viser, vil det vera stor usikkerheit knytt til når ein får verknad av alle tiltaka som må til for å finna budsjettbalanse. Kommunen har avgrensa midlar på frie driftsfond til å dekka uføresette hendingar/utgifter. Ein kan ikkje tilrå at det vert nytta midlar frå fondet til å saldera den løpande drifta. Rådmannen kan ikkje sjå at det vil vera forsvarleg å legge inn nye kostnadskrevjande tiltak. Tiltaka vil føre til endring i kvardagen for dei tilsette og innan service og tenestetilbodet til innbyggjarane. I tiltakslista står nokre tiltak framleis med raud skrift tilsvarande 1,2 mill. kroner. Desse må stå for at budsjettet skal balansera. Det må arbeidast med desse framover for å finna konkrete tiltak/innhald. Kommunen skal selja konsesjonskraft/heimfall. Dersom ein oppnår ei meirinntekt i høve budsjettgrunnlag, rår rådmann til at desse vert nytta til redusert tiltak innan barnehage/usikkerheit knytt til eigedomsskatt. Til slutt i dette dokumentet ligg endingsliste som syner konsekvens av tiltak for økonomiplanperioden 2019 2021.
Tiltaksliste med kommentarar
1. Planområde Sentrale styringsorgan og fellesutgifter. Ansvar 100-190 1.1. Ansvar 100 Politiske organ og revisjon Det er ikkje lagt inn forvaltningsrevisjon i planperioden, kr 160.000. 1.2. Ansvar 120 Rådmann/fellestenester Det er redusert 0,5 årsverk frå 2018, årskostnad kr 300.000. Sal av økonomitenester til Fellesnemnda Nye Sogndal kommune tilsvarande 0,5 årsverk eller kr 300.000 i 2018 og 2019. Frikjøp av tillitsvald tilsvarande 0,4 årsverk eller kr 240.000 i 2018 og 2019. Omlegging av fellesteneste, reduksjon 1 årsverk frå 2019, tilsvarande kr 600.000. 2. Planområde Oppvekst og kultur. Ansvar 200 : 262 2.1. Ansvar 200 Oppvekstkontoret Vaksenopplæringa: Reduksjon i årsverk pedagog og administrasjon til rektor tilsvarande kr 300.000 frå haust 2018, heilårsverknad kr 600.000. Dette som ein konsekvens av færre framandspråklege elevar. Det er inngått avtale om at kommune skal halda klede i arbeidstida. Redusert kostnad til suppleringskjøp i 2018 kr 50.000 og dei andre åra i økonomiplanperioden kr 75.000. 2.2. Ansvar 210 Sagatun skule og skulefritidsordning Reduksjon i tal årsverk ved skulen og samarbeid med Sagatun barnehage om SFO tilbod. SFO tilbod under 6 brukar blir foreldrefinansiert. Redusert kostnad kr 400.000 i 2018 og kvart år i økonomiplanperioden. Konsekvens av tiltak vil føre til overtaligheit. Frå hausten 2018 er det redusert 1,0 årsverk knytt til 2-språkleg assistent. Innsparing i 2018 ca. kr 300.000, heilårsverknad kr 600.000. I rådmannen sitt arbeidsgrunnlag ligg uspesifisert innsparing på kr 1.200.000 for kvart av åra i økonomiplanperioden. Dette må skje ved redusert årsverk /samanslåing av klassar så snart råd er, eller frå hausten 2018. Det er ikkje lagt inn ytterligare innsparing i økonomiplanperioden, då ein endå ikkje har avklara når reduksjon får verknad. 2.3. Ansvar 211 Fjortun oppvekstsenter Det er ikkje lagt inn drift av skule ved Fjordun oppvekstsenter frå haust 2018, kostnad ca. kr 450.000. Heilårskostand for skuleåret er rekna til kr 1.050.000 ( 1.-4. kl.). Tilsvarande er årskostand ved 1. 2. kl. rekna til ca.kr 990.000. 2.4. 212 Nesse oppvekstsenter Det er i planperioden ikkje budsjettert med drift ved oppvekstsenteret. I høve til budsjett 2017, redusert årleg kostnad barnehage kr 1.660.000.
2.5. Ansvar 220 Sagatun barnehage Det er for budsjettåret lagt opp til 4 avdelingar vår og 3 avdelingar haust. Dette gir ei innsparing i 2018 på ca.kr 900.000 og heilårsverknad kr 1.800.000. Det vert ikkje suppleringsopptak i 2018. I rådmannen sitt arbeidsgrunnlag er det føresett innsparing på kr 600.000 for kvart av åra i økonomiplanperioden. Det vert arbeida med å finna konkrete tiltak for denne summen. 2.6. Ansvar 230 PPT-kontoret I perioden ved sjukefråvær av fast tilsett vert det kjøpt tenester tilsvarande kr 200.000 mindre enn budsjettert. 2.7. Ansvar 250 Kulturskulen Redusert administrasjon og tilbod til brukarar kr 200.000. 2.8. Ansvar 262 Kultur Ikkje utdeling av kulturmidlar etter søknad og ikkje tilskot til 17.- mai komiteane. 3. Planområde helse og omsorg. Ansvar 270-296 3.1. Ansvar 276 Omsorg/ rehabilitering Reduksjon administrasjonstid sjukepleiarar og aktivitør, 1,0 årsverk eller kr 600.000 kvart år i planperioden. 3.2. Ansvar 277 Spesialomsorg PU Tiltak og samanslåing av psykiatri og PU til ny Bu- og miljøteneste, forventa redusert utgift tilsvarande 1,5 årsverk eller -900.000. For 2021 er det forventa ytterligare reduksjon på kr 500.000. Ytterligare reduksjon innan psykisk helse 0,9 årsverk eller kr 540.000, halv verknad i 2018 kr 270.000. Kommunen overtek tiltak knytt ressurskrevjande brukar, som i dag blir kjøpt frå private, seinast frå 2021. Redusert kostnad kr 1.500.000. 3.3. Ansvar 278 Heimetenestene Reduksjon ved samkøyring kommune og privat drivar om tiltak tilsvarande kr 600.000 årleg i økonomiplanperioden. Sal av ergoterapeut teneste tilsvarande 0,5% årsverk eller kr 300.000 i 2 år førebels. Tiltak effektvisering pleieressurs 0,8 årsverk eller årsverknad kr 480.000. Reduksjon heimeteneste 0,5 årsverk eller årsverknad kr 300.000. Det vert vidare arbeida med reduksjon tilsvarande 1,0 årsverk eller årsverkand kr 600.000. Konsekvens periodevis stenging av ein avdeling ved sjukeheimen. 3.4. Ansvar 296 NAV Reduksjon ymse driftspostar kr 300.000 med verknad frå 2018. Reduksjon innan flykningearbeidet tilsvarande 1,0 årsverk frå 2019, årsverknad kr 600.000.
Det er føresett at det ikkje blir utbetalt introduksjonsløn frå haust 2019. Heilårsverknad kr 1.800.000. 4. Planområde Plan og utvikling ansvar 300 390 4.1. Ansvar 300 Plan og utviklingskontoret Det er føresett å nytta resurs til styring av investeringsprosjekt, kostnadsført som investeringsutgift på investeringsprosjekt, tilsvarande kr 150.000 i budsjett 2018 og kr 100.000 i kvart av åra 2019 2021. 4.2. Ansvar 350 Forvaltning, drift og vedlikehald (FDV) 1) Reduksjon ymse driftspostar kr 80.000 med verknad frå 2018. 2) Det er føresett å justera husleige opp til «marknadspris». Dette er vurdert til auke i inntekt på kr 250.000 i budsjett 2018 og kr 500.000 for kvart av åra 2019 2021. 3) Det er planperioden føresett reduksjon med 1,0 årsverk. Verknad i 2018 kr 300.000 og kr 570.000 for kvart av dei andre åra i økonomiplanen. 4) I høve til budsjett 2017 er driftstilskot knytt til kommuneplan for idrett redusert med kr 65.000 med verknad frå 2018. 4.3. Ansvar 330 Skogbruk Full verknad av skogssamarbeid, redusert kostnad (sal av tenester), kr 70.000 med verknad frå 2018. 4.4. Ansvar 370 Oppmåling Det er inngått avtale om ytterligare sal tenester knytt til oppmåling vurdert til kr 150.000 med verknad frå 2018. Endringsliste Med utgangspunkt i rådmann sitt arbeidsgrunnlag av 07.11.2017 er det sett opp endringsliste som syner verknad av tiltak i 2018 for åra 2019 20121. I tillegg er det på endringslista sett inn 2 nye moment som ikkje var med i rådmann sitt arbeidsgrunnlag. Dette er: Ansvar 120: Tilskot til ymse trusamfunn kr 160.000 for kvart år i planperioden. Ansvar 200: Kommunane er lovpålagt å ha tilsett psykolog frå skuleåret 2018/19. Det er inngått kommunalt samarbeid, heilårskostand kr 60.000, kostnad i 2018 kr 30.000.
Utgangspunkt for endringane er rådmannen sitt arbeidsgrunnlag 07.11.2017 Rådmannen 13.11.2017 Ansvar Teneste Tekst 2018 2019 2020 2021 Formelle endringar/korreksjonar Tiltak 120 Tilskot andre trusamfunn - NY 160 000 160 000 160 000 160 000 120 Frikjøp tillitsvalde -120 000-120 000 120 Reduksjonav 1 årsverk frå 2019-600 000-600 000-600 000 200 Psykolog kommunalt samarbeid, lovpålagt - NY 30 000 60 000 60 000 60 000 200 Redukdjon stilling pedagog og adm. Rektor vaksenoppl. -300 000-300 000-300 000 200 Redusert klekjøp bhg. Og SFO -75 000-75 000-75 000 210 2 - språkleg assisten -300 000-300 000-300 000 220 Reduskjon frå 4 til 3 avdelingar frå haust 2018-900 000-900 000-900 000 277 Nytt Bu- og miljøteneste, 1,5 årsverk -500 000 277 Ikkje kjøp av ressurskrevjande tenseter frå private -1 500 000 296 Reduksjon stilling flykningetenesta -600 000-600 000-600 000 296 Reduksjon introduksjonsløn -900 000-1 800 000-1 800 000 300 Redusert resurs til prosjektstyring 50 000 50 000 50 000 350 Heilårsverkad redusert stilling 2018-270 000-270 000-270 000 350 Auke husleigeinntekter -250 000-250 000-250 000 Sum endringar 70 000-4 045 000-4 825 000-6 825 000 Saldo i rådmannen sitt arbeidsgrunnlag 07.11.2017-228 800 3 088 200 4 775 200 6 816 700 balanse ( - ="overskot") -158 800-956 800-49 800-8 300 - = Reduserte utgifter/auka inntekter