Postadresse Njøsavegen 2 6863 Leikanger Besøksadresse Fjordsenteret 5745 Aurland Kontakt Sentralbord: +47 57 64 30 00 Direkte: +47 57643129 fmsfpost@fylkesmannen.no www.nasjonalparkstyre.no/naroyfjorden Arild Dyrdal Vår ref. 2017/1654-0 432.2 Dykkar ref. Dato 28.04.2017 Nærøyfjorden verneområdestyre - melding om vedtak - tilrettelegging av lagerrom på Salthella Sender vedlagt saksprotokoll med saksframlegg for Nærøyfjorden verneområdestyre sak 20/17. Klage Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28. Klagen skal sendast verneområdestyret v/sekretariatet, som kan gje nærare opplysningar om klagerett og rett til å sjå saksdokument. Med helsing Noralv Distad Nærøyfjorden verneområdestyre Anbjørg Nornes verneområdeforvaltar Etter våre rutinar er dette brevet godkjent og sendt utan underskrift Kopi pr. e-post til: Aurland kommune SNO Aurland Fylkesmannen i Sogn og Fjordane Landskapsvernområde Nærøyfjorden verneområdestyre
Arkivsaksnr: 2017/1654-0 Saksbehandler: Anbjørg Nornes Dato: 26.04.2017 Utval Utvalssak Møtedato Nærøyfjorden verneområdestyre 20/17 28.04.2017 Nærøyfjorden verneområdestyre - tilrettelegging av lagerrom på Salthella Saksprotokoll i Nærøyfjorden verneområdestyre - 28.04.2017 Handsaming i møte Vedtak i samsvar med innstilling frå forvaltar. Vedtak Nærøyfjorden verneområdestyre gjev Arild Dyrdal løyve til å lage eit lagerrom i enden av muren på Salthella på gnr. 67 bnr. 2. Løyvet er gjeve med heimel i verneforskrifta for Nærøyfjorden landskapsvernområde og naturmangfaldlova 48 fyrste ledd og fyrste alternativ. Løyvet gjeld med fylgjande vilkår: Lagerrommet skal gravast inn i bakken bak muren i sørenden av muren. Lagerrommet skal byggast i samband med gjenoppbygging av bakkemuren på Salthella. Lagerrommet skal byggast med lekastein og skjermast med steinmur i framkant og jord og torv på toppen. Det skal setjast inn ei enkel treluke i framkant av lagerrommet. Lagerrommet skal avgrensast til det som er naudsynt for oppbevaring av utstyr til kajakk-leiren. Høgda på lagerrommet skal tilpassast eksisterande terrenghøgd. Utgraving for lagerrommet skal ikkje føra til endring av terrengformasjonane. Torva på haugen skal leggjast til side og flyttast tilbake på haugen når rommet er bygd. Tiltakshavar er ansvarleg for vedlikehald og tilsyn av lagerrommet. Etter at lagerrommet er kome på plass, skal det ikkje oppbevarast utstyr i terrenget på Salthella. Dersom det ikkje er bruk for lagerrommet lenger, skal rommet fjernast, og terrenget tilbakeførast og tilpassast området rundt. Side 2 av 6
Forvaltar skal vera med på synfaring på tiltaket før arbeidet er sluttført. Løyve til tiltaket gjeld i 3 år frå vedtaksdato. Det skal sendast rapport med bilde frå tiltaket til sekretariatet når arbeidet er sluttført. Søkjar må ta kontakt med Aurland kommune for å avklare å det må søkjast om løyve etter anna lovverk i kommunen. Innstilling frå forvaltar Nærøyfjorden verneområdestyre gjev Arild Dyrdal løyve til å lage eit lagerrom i enden av muren på Salthella på gnr. 67 bnr. 2. Løyvet er gjeve med heimel i verneforskrifta for Nærøyfjorden landskapsvernområde og naturmangfaldlova 48 fyrste ledd og fyrste alternativ. Løyvet gjeld med fylgjande vilkår: Lagerrommet skal gravast inn i bakken bak muren i sørenden av muren. Lagerrommet skal byggast i samband med gjenoppbygging av bakkemuren på Salthella. Lagerrommet skal byggast med lekastein og skjermast med steinmur i framkant og jord og torv på toppen. Det skal setjast inn ei enkel treluke i framkant av lagerrommet. Lagerrommet skal avgrensast til det som er naudsynt for oppbevaring av utstyr til kajakkleiren. Høgda på lagerrommet skal tilpassast eksisterande terrenghøgd. Utgraving for lagerrommet skal ikkje føra til endring av terrengformasjonane. Torva på haugen skal leggjast til side og flyttast tilbake på haugen når rommet er bygd. Tiltakshavar er ansvarleg for vedlikehald og tilsyn av lagerrommet. Etter at lagerrommet er kome på plass, skal det ikkje oppbevarast utstyr i terrenget på Salthella. Dersom det ikkje er bruk for lagerrommet lenger, skal rommet fjernast, og terrenget tilbakeførast og tilpassast området rundt. Forvaltar skal vera med på synfaring på tiltaket før arbeidet er sluttført. Løyve til tiltaket gjeld i 3 år frå vedtaksdato. Det skal sendast rapport med bilde frå tiltaket til sekretariatet når arbeidet er sluttført. Søkjar må ta kontakt med Aurland kommune for å avklare å det må søkjast om løyve etter anna lovverk i kommunen. Saksopplysningar Dokument som bakgrunn for saka: Søknad frå Arild Dyrdal om tilrettelegging for oppbevaring av driftslausøyre på Salthella, datert 24.04.2017 Saka vert vurdert etter: Forskrift om vern av Nærøyfjorden landskapsvernområde av 08.11.2002 Naturmangfaldlova av 19.06.2009 Forvaltningsplan for Vestnorsk fjordlandskap Nærøyfjorden, rapport nr. 1-2008 Arild Dyrdal søkjer om å få tilrettelegga eit lagerrom på Salthella i samband med gjenoppbygging av bakkemuren på Salthella. Nærøyfjorden verneområdestyre gav løyve til gjenoppbygging av bakkemuren i sak 29/16, 02.12.2016. Lagerrommet skal brukast til Side 3 av 6
lagring av driftslausøyre og gjenstandar i samband med kajakkaktivitetar på Salthella. Arild Dyrdal leiger ut området til eit aktivitetsfirma. I dag har dei ei kasse ståande på Salthella med utstyr til kajakk-leiren. Dette utstyret skal lagrast i det nye lagerrommet. Rommet skal vera nedgravd og usynleg frå sjøen. Terrenget over lagerrommet skal tilpassast eksisterande terreng. Lagerrom i enden av muren på Salthella. Foto Anbjørg Nornes Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter» jf. verneforskrifta 2. Området er verna mot alle inngrep eller tiltak som kan endre eller verke inn på landskapets art eller karakter. Forvaltningsstyresmakta kan gje løyve til «Oppføring av nybygg i samband med landbruk, turlagsverksemd og oppsyn» jf. verneforskrifta 3 punkt 1.3 b). Eit lagerrom i reiselivsaktivitet kan ikkje vurderast etter desse reglane. Forvaltninga kan i særskilte høve vurdera om det er heimel til tiltak etter naturmangfaldlova 48 fyrste ledd fyrste alternativ som seier at «Forvaltningsmyndigheten kan gjøre unntak frå et vernevedtak dersom det ikkje strider mot vernevedtakets formål og ikkje kan påvirke verneverdiene nevneverdig». Side 4 av 6
Etter naturmangfaldlova (nml) 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurderte og vektlagt i saka. Vurdering Ferdsel og tilrettelegging for ferdsel skal ikkje føra til skade på verneverdiane eller vera i strid med verneføremålet. I Nærøyfjordområdet har god marknadsføring av området og status som verdsarvområde ført til ein auka bruk av desse områda, og med det spørsmål om meir tilrettelegging. Verneforskrifta regulerer kva inngrep som kan tillatast i verneområde. Salthella er eit av område i Nærøyfjorden som er mykje brukt som leirplass. Forvaltninga auka kapasiteten på utedoen på Salthella i fjor på grunn av auka ferdsel. Det er tidlegare gjeve løyve til å ha ei lagerkasse ståande i samband med leirplassen på Salthella. Det er fleire verksemder som tilbyr opplevingsturisme som nyttar Nærøyfjorden som sitt aktivitetsområde. I forvaltningsplanen for Nærøyfjorden er kopling mellom opplevingsturisme og friluftsliv sett på som positivt, men det kan skape eit større press på naturen. Forvaltninga må vurdera korleis det kan leggjast til rette for auka bruk, samtidig som verneverdiane vert tatt vare på. Tiltaket med lagerrom er eit lite inngrep i tilknyting til anna tilrettelegging. Bygget vil i liten grad påverka landskapet sin art og karakter. Forvaltar vurderer det er heimel i naturmangfaldlova 48 til å vurdera tilrettelegging av lagringsplass ved leirplassen. Kunnskapen om området er henta frå forvaltningsplan og erfaring med skjøtsel og bruk av området. Så langt me kjenner til er det ingen kjente trua artar eller naturtypar (Naturbase 25.04.2017) på Salthella. Kunnskapsgrunnlaget jf. nml. 8 er vurdert som godt for å vurdera denne saka, og føre-var-prinsippet jf. nml. 9 er difor ikkje tillagt vekt. Ut frå kunnskapen me har om området, vurderer forvaltar at tiltaket ikkje vil gje nemneverdig skade på verneverdiane. Auka bruk av området medfører større trong for tilrettelegging for å unngå ureining av området. Dette gjeld både naturområdet og kulturlandskapet. Det må vurderast kva verknad tiltaket vil få på den samla belastninga på økosystemet jf. nml. 10. Erfaringane med lagerkassene som er sett opp andre stader i landskapsvernområdet er for det meste positive, og det lettar arbeidet for dei som skal legge til rette for aktivitet. Eit lagerrom som er grave inn i terrenget, og er i samband med gjenoppbygging av bakkemuren, vil i liten grad gje auka belastning på området. I lagerrommet skal utstyr i samband med leiraktiviteten samlast, og lagerkassa som er der i dag skal fjernast. Kulturlandskapet er ein av verneverdiane i landskapsvernområdet, og tiltaket må avgrensast slik at det vert minst mogleg inngrep i kulturlandskapet. Utgraving av lagerrommet må ikkje føra til endringar av terrengformasjonane i landskapet. Lagerrommet skal byggjast med lekastein og dekkast med jord og stein. Ved å grave lagerrommet inn i bakken og bygge den inn i muren, vil tiltaket verta lite synleg i terrenget. Forvaltar vurderer tiltaket til å vera godt tilpassa miljøet jf. nml 12. Dyrdal er ansvarleg for tiltaket, og må ta kostnadane med fjerning av lagerrommet dersom det fører til skade på verneverdiane jf. nml. 11. På bakgrunn av vurderingane etter verneforskrifta og naturmangfaldlova 8 12, meiner forvaltar tiltaket ikkje er i strid med føremålet i verneforskrifta, og vil i liten grad påverka verneverdiane. Forvaltar tilrår at det kan gjevast løyve til tilrettelegging av lagerrom på Salthella med heimel i verneforskrifta og naturmangfaldlova 48 fyrste ledd og fyrste avsnitt. Side 5 av 6
Side 6 av 6