Side 2 av 10 Saksutgreiing til folkevalde organ Dato: Arkivref: 20.10.2017 2006/2836 25798/2017 / 504 Saksbehandlar: Njål Gunnar Slettebø 53 42 31 32 njal gunnar.slettebo@bomlo.kommune.no Sak nr i møte Utval Møtedato 129/17 Utval for areal og samferdsel 22.11.2017 123/17 Kommunestyret 04.12.2017 PRIVAT DETALJREGULERINGSPLAN FOR FRITIDSBUSTADER KLUNGERVIKA 65/21 M.FL. GODDO PLANID 201404 Rådmannen sitt framlegg til vedtak: 1. Kommunestyret vedtek med heimel i Plan og bygningslova 12 3 privat detaljreguleringsplan for fritidsbustader med tilhøyrande tilkomstveg, parkeringsareal, sjøbuer, kai og småbåtanlegg på gnr. 65, bnr. 21 m.fl. Klungervik på Goddo i Bømlo datert 19.04.2017 med tilhøyrande reguleringsføresegner. 2. Reguleringsplan FV 18 Goddebrua Austvik vedteken i kommunestyret 12.11.2012 vert oppheva for det området som vert omfatta av ny plan. 3. Reguleringsplanen er rettsleg bindande utan stadfesting frå statleg styresmakt. Saksprotokoll i Utval for areal og samferdsel 22.11.2017 Innstilling: Utval for areal og samferdsel innstiller samrøystes overfor kommunestyret i samsvar med rådmannen sitt framlegg. Saksprotokoll i Kommunestyret 04.12.2017 Vedtak: Kommunestyret gjorde samrøystes vedtak i samsvar med rådmannen sitt framlegg. Dokument i saka: Reguleringsføresenger datert 19.04.2017
Side 3 av 10 Reguleringsplankart datert 19.04.2017 Brev frå Norges vassdrags og energidirektorat (NVE) dato 04.07.2017 Brev frå Statens vegvesen region vest dato 05.07.2017 Brev frå Kystverket vest dato 04.08.2017 Brev frå Hordaland fylkeskommune dato 14.08.2017 Brev frå Bergens sjøfartsmuseum dato 23.08.2017 Brev frå Fylkesmannen i Hordaland dato 29.08.2017 Bakgrunn for saka: Utval for areal og samferdsel har i møte 07.06.2017 sak PS 54/17 vedteke at framlegg til detaljreguleringsplan for fritidsbustader Klungervik, Goddo, gnr. 65, bnr. 5 m.fl. vart utlagt til offentleg gjennomsyn. Denne reguleringsplanen har vore på høyring frå 21.06.2017 til 16.08.2017 og er no klar for politisk handsaming. Gøtz AS v/rommetveit har på vegne av Økland maskin og grus AS v/willy Økland laga framlegg til reguleringsplan. Frå planleggjar sin omtale tek me med: I gjeldande kommuneplan er området vist som framtidig fritidsbusetnad og LNFR område, og i sjø vist som noverande bruk og vern av sjø og vassdrag med tilhøyrande strandsone. Det er krav til reguleringsplan for den delen av området som er sett av til fritidsbustader. Ca. 100 meter utanfor planområdet i sjø er det avsett eit område for "Akvakultur" i kommuneplanen. Då ein starta opp arbeidet med reguleringsplan for fritids og naustområde Kruneneset som ligg sør for Klungervik vart kommunen informert om at dette området ikkje lenger er aktivt. Det har ikkje vore aktivitet her sidan på fleire år. Kommunen meinte området må takast ut av kommuneplanen, og viser til at det er Fiskerisjefen som har mynde til å fjerne slike område. Reguleringsplan Delar av området er regulert i reguleringsplan med planid 201004, Fylkesveg 18 Goddebrua Austvik. Denne planen omfattar eit mindre område i vest den delen av FV 18 som inngår i planområdet. I samråd med kommunen, har ein teke med avkøyrsla frå fylkesvegen, deler av køyreveg og annan veggrunn i planområdet. Dette for å unngå å dele den eksisterande reguleringsplanen i området i to. Føremål Føremålet med reguleringsplanen er å leggje til rette for etablering av 16 stk. fritidsbustader og 16 stk. mindre sjøbuer med tilhøyrande tilkomstveg, småbåtanlegg parkering, leike og friluftsareal. Planforslaget Forslagsstiller er Økland Maskin og Grus AS v/willy Økland. Planområdet er totalt ca. 120 daa. Av det er: 1. Bygningar og anlegg Fritidsbustadar frittliggjande, BFF1 BFF6 10,6 daa Renovasjonsanlegg, f_bre 0,05 daa Småbåtanlegg i sjø og vassdrag med tilhøyrande strandsone, f_bbs 1,3 daa Uthus/naust/badehus, BUN1 BUN2 0,4 daa Leikeplass, f_blk 0,9 daa 2. Samferdsleanlegg og teknisk infrastruktur
Side 4 av 10 Køyreveg, o_skv1, f_skv2 3 4,6 daa Gangveg/gangareal, f_sgg1 f_sgg2, SGG3 SGG5 0,6 daa Annan veggrunn Teknisk anlegg, o_svt1 o_svt2 3,6 daa Annan veggrunn grøntareal, SVG1 SVG6 4,1 daa Kai, f_sk 0,1 daa Parkeringsplassar, f_spp1 f_spp4 0,8 daa 3. Landbruks, natur og friområde samt reindrift Friluftsformål, LF1 LF9 78,5 daa 4. Bruk og vern av sjø og vassdrag Bruk og vern av sjø og vassdrag med tilhøyrande strandsone, V 12,9 daa Badeområde, f_vb 1,2 daa 5. Omsynssoner Frisikt, H140_1 H140_4 0,3 daa Fritidsbustader frittliggjande, BFF1 BFF6 Det er planlagd til saman 16 stk. frittliggjande fritidsbustader i området. Det er ingen hytter i området frå før. I planen har ein nummerert dei nye hyttene og plassert dei innanfor det området som er avsett til fritidsbustader i kommuneplanen. Tomtene er teikna inn der kor det er mist høgdevariasjon og fritidsbustadane vil tilpassast terrenget, samstundes som ein prøver å ta omsyn til utsikt og solforhold. I føresegnene har ein satt maks tillete bruksareal pr. eining til 110 m2. maks mønehøgd er 6,5m over gjennomsnittleg planert terreng. Takform skal fastsettast i byggjemeldinga. Dei fleste hyttene vil parkere på felles parkeringsplassar. Dei hyttene som ligg til veg, vil parkere på eiga tomt. Renovasjonsanlegg, f_bre Området f_bre skal nyttast til plassering av bossdunkar/hyttekontainer for brukarane av planområdet. Området er lagt langs veg for enkel tilkomst for bossbil. Småbåtanlegg i sjø og vassdrag, f_bbs Området kan nyttast som småbåtanlegg for småbåtar. Det er ikkje lagt inn område for småbåtanlegg i gjeldande kommuneplan, men det er svært ynskjeleg for hytter som ligg i nærleik til sjø å ha båtplass i nærleiken. Småbåtanlegget vil bli knytt til planlagde fritidsbustader og sjøbuer, og skal gi 16 stk. båtplassar ein per fritidsbustad. Kaien skal ikkje fyllast ut i sjø, men vere ein lettkonstruksjon som skal boltast fast i fjell i bakkant. Like så skal bølgjebrytaren bestå av betongelement. Tiltaket vil såleis ikkje medføre terrenginngrep i strandsona. Ein sti frå enden av f_skv2 sikrar tilkomst til småbåtanlegget. Kaien skal vere open for allmenn ferdsle, slik at ein hindrar privatisering av strandsona her. Uthus/naust/badehus, BUN1 BUN2 Det er sett av to område for mindre sjøbuer. Det er planlagd 16 buer, slik at kvar hytte disponerer ei sjøbu kvar. Her kan hytteeigarane lagre fiskereiskapar, båtutstyr o.l. Sjøbuene vert liggjande i dalsøkket mellom dei to høgdedraga, noko som gjer at dei ikkje vert synlege i landskapet. Dei er trekt om lag 70m vekk frå strandsona. Det er svært praktisk for hytteeigarane å kunne ha ein lagringsplass i nærleiken av sjø og småbåtanlegget. Leikeplass, f_blk
Side 5 av 10 Leikeområdet f_blk skal nyttast til felles leikeplass/uteopphaldsareal for alle eigedomane innanfor plangrensa. Området eignar seg godt, då det ikkje er for bratt og solforholda er gode. Terreng og vegetasjon skal ivaretakast så lang det let seg gjere. Området er meint til leik og mindre konstruksjonar knytt til felles aktivitetar. Det kan etablerast sti og sittegrupper i området. Området kan også nyttast til bygging av pumpestasjon for avløpsvatn, trafokioskar eller kabelskap. Køyreveg, o_skv1, f_skv2 3 I planen har ein tenkt tilkomst frå Fv18 og at parkering hovudsakleg skal skje på felles parkeringsplassar i hyttefeltet. Fv18 går gjennom planområdet i vest, og ein har tilpassa plangrense og formålsgrenser til eksisterande reguleringsplan «Fv. 18 Goddebrua Austvik» med planid: 201004. Fv18 har fartsgrense 80 km/t og ÅDT på 400 forbi planområdet i dag. Det er ikkje etablert køyreveg inn til planområdet i dag. F_SKV2 skal opparbeidast som felles tilkomstveg for dei nye fritidsbustadane. Regulert breidd for f_skv2 er 4,0m. Vegen kan opparbeidast med asfalt. Ein har vald å la vegen gå nesten heilt ned til sjøen. Dette er gjort for å gjere området meir tilgjengeleg. Det også sett av eit område for sjøbuer med tilhøyrande parkering. Frå der kor f_skv2 sluttar, vil det gå gangveg/sti ned til badestranda og småbåtanlegget. Ein har forsøkt å leggje vegtraseen slik at ein unngår store terrenginngrep. Gangveg/gangareal, f_sgg1 f_sgg2, SGG3 SGG5 Det er teikna inn gangveg frå parkeringsplass f_spp1 til hyttetomtene lengst nord for å sikre tilkomst til desse. Regulert breidde for gangvegen er 3,0m. Gangvegen skal opparbeidast med grus. Vidare er det regulert inn ein felles gangveg frå der kor f_skv2 sluttar og bort til felles kai og småbåtanlegg. Dette skal i realiteten vere ein sti, så regulert breidde er 1,5m. Ein har lagt inn i føresegnene at terrenginngrep i størst mogleg grad skal unngåast. Areala SGG3 SGG5 skal nyttast til sti/ gangveg for fritidseigedomane 1, 7 og 8. Annan veggrunn Teknisk anlegg, o_svt1 o_svt2 Arealet er vidareført frå gjeldande reguleringsplan «Fv. 18 Goddebrua Austvik» med planid: 201004. Føresegner for arealet gitt i denne planen skal framleis gjelde for dette arealet. Annan veggrunn grøntareal, SVG1 SVG6 Arealet skal nyttast som grøntareal for vegane i planområdet. Områda kan nyttast til vegutviding, avkøyrsler, snølagring, grøfter, skråningar, skjeringar og plassering.. Kai, f_sk Det er teikna inn eit område for kai nord for småbåtanlegget, f_sk. Kaien skal skjerme småbåtanlegget og fungere som bølgjebrytar. Kaien skal bestå av betongelement, og vil ikkje krevje permanente terrenginngrep i strandsona. Kaien/bølgjebrytaren skal vera open for ålmenn ferdsle og det skal ikkje setjast opp gjerde eller andre stengsel som hindrar fri ferdsle i strandsona. Parkeringsplassar, f_spp1 f_spp4 Det er sett av 4 område for parkering, totalt 36 parkeringsplassar. Friluftsformål LF1 LF9 Utgjer storparten av utmarka i dag og er meint til friluftsområde for tilgrensande eigedommar. Friluftsområda skal vere fritt tilgjengelege for ålmenta. Bruk og vern av sjø og vassdrag med tilhøyrande. strandsone, V Desse områda er meint som ålment tilgjengelege friluftsområde, og kan nyttast til sjø og vassaktivitetar.
Side 6 av 10 Badeområde f_vb Dette området er avsett som badeområde. Det er lov å setje opp mindre sittegrupper i tilknyting til badeområdet dersom det føreligg løyve frå grunneigar. Frisikt, H140_1 H140_4 Innanfor denne sona må det vere tilfredsstillande frisikt i kryss og avkøyrsler. Vatn og avlaup Det skal borast etter vatn. Spillvatn vil bli samla og knytt til ein felles slamavskiljar/reinseanlegg med utslepp i sjø. Overvatn Overvatn langs vegar og hytter vil bli samla opp og ført til sjø. Straum Det er straum i nærområdet i dag og det vil ikkje vere noko problem å leggje straum til hytteområdet. Vurderingar: I samband med at reguleringsplanen har vore på høyring i tida 21.06.2017 til 16.08.2017 kom det inn desse merknadane: Norges vassdrags og energidirektorat (NVE) NVE har ingen merknader til planframlegget. Statens vegvesen region vest Statens vegvesen har ingen merknader til planen. Kystverket vest I forslag til plan er det lagt inn område for småbåtanlegg. Kystverket har ut i frå ein hamne og farvassmessig vurdering ikkje særlige merknader til planlagt arealdisponeringen i sjø. Tiltak som vert planlagt etablert må prosjekterast og dimensjonerast slik at dei tåler den påkjenninga dei kan bli påført i farvatnet. Kystverket gjer merksam på at det kan vere uheldig å etablera småbåtanlegg og badeplass for tett. Kystverket Vest vil minna om at alle tiltak som kan påverke sikkerheten og framkommeligheten i sjø må i tillegg til handsaming etter plan og bygningslova handsamast etter hamne og farvasslova av 17. april 2009 nr. 19. Planlagt tiltak ligg i kommunen sitt sjøområde, og det er kommunen/kommunal havnemyndighet som har forvaltningsansvar og mynde etter hamne og farvasslova i planområdet. Tiltak i sjø må ikkje koma i konflikt med vanlig og pårekneleg sjøtrafikk i området. Me har ingen vidare merknader. Kommentar: Tiltak i sjø skal prosjekterast og dimensjonerast av fagkunnige. Planlagde tiltak vil ikkje koma i konflikt med sjøtrafikken i området og er sikra i føresegner 2.3. Hordaland fylkeskommune
Side 7 av 10 Planen hadde oppstart i 2006. Etter dette har det kome endra overordna føringar i Plan og bygningslova om strandsona. Strandsone, friluftsliv, folkehelse, landskap, arkitektur og estetikk Fylkeskommunen er generelt kritiske til planlegging i strid med kommuneplan. I denne planen er føremåla sjøbuer, parkering, tilkomstveg og småbåtanlegg/kai er i strid med føremålet i kommuneplan, der den aktuelle delen av området er sett av til LNFR område, samt i sjø vist som noverande bruk og vern av vassdrag med tilhøyrande strandsone. Strandsona er ein avgrensa ressurs der det er viktig at omsynet til ålmenn tilgjenge vektleggast sterkt. Dette kjem fram av både plan og bygningslova 1 8, dei nasjonale retningslinjene for forvaltning av strandsona og dei arealpolitiske retningslinjene i fylkesplan for Hordaland. Hordaland fylkeskommune minner om Regional kystsoneplan for Sunnhordaland og ytre Hardanger som låg på avgrensa høyring i 2017. Planen har mål som gjev at strandsona skal ivaretakast i eit langsiktig perspektiv som ressurs for lokalmiljøet med fokus på natur og landskapsopplevingar, biologisk mangfald, friluftsliv og kulturminne. Under punkt 6 i kystsoneplanen framkjem det retningsliner for strandsone. 6.10 Nye tiltak i strandsona skal gjevast ei god estetisk og arkitektonisk utforming når det gjeld form, volum, stiluttrykk, materialbruk og fargar, og gje minimale terrenginngrep og optimal massebalanse. Fylkeskommunen minner også om at byggegrense skal angjevast i planane, jfr. plan og bygningsloven 1 8 tredje ledd. All utbygging har verknad på landskapet. Planlegginga må difor sikre at byggjetiltak og infrastruktur innordnar seg dei fysiske omgjevnadane. I planen er veg ned til sjøen regulert inn i LNFR området, og vil gje uheldige terrenginngrep. Føremålet fritidsbustad i planen er i medhald til gjeldande kommuneplan. Fritidsbustadene er plassert ganske tett i høve til kvarandre. Planen hadde tent på å ha meir luft mellom kvar eining. Kulturminne og kulturmiljø I samband med oppstart av reguleringsplanen i 2006, blei det gjennomført ei arkeologisk registrering. Resultata etter registreringa er tidlegare meldt attende i vårt brev datert 10.12.2007. Det blei ikkje avdekka automatisk freda kulturminne eller andre verneverdige kulturminne innafor planområdet. Saka har også vore lagt fram for Bergens Sjøfartsmuseum, som i 2007 gjennomførte ei synfaring knytt til sjøområda i planen. Konklusjonen til museet i 2007 var at det er avgrensa potensiale for funn av automatisk freda marine kulturminne i planområdet, men at dei vil gi endeleg fråsegn om dette til tiltakshavar no ved offentleg ettersyn. Fylkeskonservatoren er nøgd med at det under 2.3 og 2.5 i fellesføresegnene blir vist til meldeplikta etter kulturminnelova 8, 2. ledd, både når det gjeld automatisk freda kulturminne på land og i sjø. Vi har difor ingen avgjerande merknader i saka, ut over at ein under opparbeiding av arealet søkjer å unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, ruinar/tufter m.m. Samferdsel Samferdselsavdelinga vil minne om at «Rammeplan for avkjørsler og byggegrenser» er retningsgivande for kommunane i reguleringsplanar som omhandlar fylkesveg. I prosessen vidare må det sikrast at påkoplinga til Fv 18 som er i tråd med Statens vegvesen sine vegnormalar, samt at vegarealet generelt i planområdet tek omsyn til mjuke trafikantar. Konklusjon
Side 8 av 10 Hordaland fylkeskommune har merknader til planforslaget når det gjeld strandsone, grøntstruktur, landskap, friluftsliv samt ålmenn ferdsel og tilgjenge. Vi ber om desse merknadene vert teke omsyn til i prosessen vidare. Kommentar: Hordaland fylkeskommune har merknader til planforslaget når det gjeld strandsone, grøntstruktur, landskap, friluftsliv samt ålmenn ferdsel og tilgjenge. Det er teke omsyn til strandsone, grøntstruktur, landskap, friluftsliv og allmenn ferdsel og tilgjenge I føresegner 2.2, 3.3.3, 4.1.6, 4.2.5, 4.5.2, 5.1.5, 6.1.1 og 6.2.2. Evt. funn av kulturminne er sikra gjennom føresegner 2.5. Bergens sjøfartsmuseum Museet gjennomførde feltundersøkingar i planområdet juni 2017. Det vert ikkje gjort funn som omfattast av kulturminnelovens 14. Museet har derfor ingen merknader til det planlagde arealinngrepet. Det er likevel mogleg at det ligg kulturminne i det aktuelle området. Me gjer derfor merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. Kommentar: Evt. funn av kulturminne er sikra gjennom føresegner 2.5. Fylkesmannen i Hordaland I gjeldande kommuneplan er området vist som framtidig fritidsbusetnad og LNFR område, og i sjø vist som noverande bruk og vern av sjø og vassdrag med tilhøyrande strandsone. Det er krav til reguleringsplan for den delen av området som er sett av til fritidsbustader. Føremålet med planarbeidet er å leggja til rette for bygging av nye fritidsbustader, sjøbuer, småbåtanlegg og kai med tilhøyrande tilkomstveg, parkering, leike og friluftsareal. Det er planlagd til saman 16 stk. frittliggjande fritidsbustader i området. Det er sett av to område for mindre sjøbuer. Det er planlagd 16 buer, slik at kvar hytte disponerer ei sjøbu kvar. Her skal hytteeigarane lagre fiskereiskapar, båtutstyr og liknande. Reguleringsplanen opnar også opp for småbåtanlegg i sjø med plass til 16 båtplassar. Ein sti frå enden av f_skv2 skal sikra tilkomst til småbåtanlegget. Kommunen si vurdering I gjeldande kommuneplan er området vist som fritidsbustader med krav til regulering, og som LNFRområde. For å sikre tilkomst til og bruk av sjø og badeområde for hytteeigarane ønskjer ein å leggja til rette for bygging av små sjøbuer og parkering med tilkomstveg i LNFR område. Sjøbuene er plassert i tilknyting til parkeringsareal og er trekt vekk frå strandlina, ca. 70 meter. Rådmannen meiner at det kan tilrådast 16 sjøbuer, då dei vert liggjande i eit dalsøkk mellom høgdedrag og vert lite synlege i landskapet. Det skal heller ikkje fyllast i sjø. Kaien skal vera ein lettkonstruksjon som skal boltast fast i fjell i bakkant.
Side 9 av 10 Bølgjebrytaren består av betongelement som ikkje vil krevja permanente terrenginngrep. Ein unngår på denne måten store terrenginngrep i strandsona. Kommunen har vurdert at detaljreguleringsplanen ikkje utløyser krav om konsekvensutgreiing etter den gamle forskrift om konsekvensutgreiing 3, vedlegg III bokstav a q. Fylkesmannen si vurdering Kyst og strandsonestrekningane er som kjent av nasjonal interesse, mellom anna fordi dei er attraktive for allmenn ferdsle og for friluftsliv. Generelt har strandsona viktige natur, frilufts og landskapsverdiar. Ei utbygging av småbåtanlegg, sjøbuer og veg til desse tiltaka i sjø og innanfor funksjonell strandsone vil gjerne stride mot dei statlege planretningslinene for differensiert forvaltning av strandsona langs sjøen, med mindre dei er vurderte og sett av i overordna plan. Det aktuelle området er ikkje tidlegare regulert eller utbygd. Av plan og bygningslova (pbl) 1 8 går det som kjent fram at det i 100 metersbeltet langs sjøen skal takast særleg omsyn til natur og kulturmiljø, friluftsliv, landskap og andre allmenne interesser. Dei allmenne verdiane i 100 metersbeltet er soleis alltid av nasjonal interesse. Å fråvike byggjeforbodet vil krevja er ei konkret planfagleg vurdering av lokale forhold på bakgrunn av nasjonale omsyn. Detaljreguleringsplanar som strir mot overordna plan skal i utgangspunktet vurderast etter gjeldande forskrift om konsekvensutgreiing av planar. I denne saka saknar vi difor ei grunngjeving for kvifor Bømlo kommune har konkludert med at planen ikkje skal konsekvensutgreiast. Fylkesmannen uttalte seg til melding om oppstart den 06.11.06. Planforslaget viste då mellom anna naust og småbåthamn. Vi var kritiske til arealbruk i strandsona som var strid med kommuneplanen. jf. den nasjonale innskjerpinga av strandsonevernet. Dersom reguleringsplanen la opp til arealbruk langs strandsona i strid med kommuneplanen ville fylkesmannen vurdera å fremja motsegn. I revidert planforslag er naustføremålet erstatta med sjøbuer som er trekt lengre opp i terrenget. Småbåthamna har vorte ein lettkonstruksjon, og ein har minimert terrenginngrepa i strandsona. Ålmenta er sikra tilkomst til området gjennom føresegna til planen. Fylkesmannen finn på bakgrunn av dei endringane som er gjort, at planforslaget ikkje lenger er i vesentleg strid med nasjonale omsyn eller strandsonevernet. Vi har soleis ikkje motsegn til planforslaget. Men vi tykkjer det er uheldig med ein køyrbar veg ned til vika. Ein slik veg vil føra til store irreversible inngrep i landskapet. Vi rår til at vegen ned til Klungervika vert stoppa ved dei planlagde sjøbuene, og at gangvegen (SGG) ned til småbåthamna byrjar her, slik at ein reduserer terrenginngrepa og kvaliteten på landskapet. Når det gjeld småbåthamna legg vi til grunn kommunen si vurdering om at kaien skal vera ein lettkonstruksjon som skal boltast fast i fjell i bakkant, og at den ikkje vil krevja permanente terrenginngrep. Dersom dette vert følgd, vil Fylkesmannen ikkje fremja motsegn til planen. Kommentar: Fylkesmannen tykkjer det er uheldig at ein legg opp til køyrbar veg ned mot vika då dette vil føra til store irreversible inngrep i landskapet. Køyreveg er ikkje regulert heilt til sjø. Den stoppar ca. 50 meter nord for sjøbuene. Tiltakshavar ynskjer køyreveg frå sjøbuer ned mot vika for å gjera strandsona meir tilgjengeleg for alle brukarar, og for å
Side 10 av 10 gjere det enklare å frakte store, tunge ting som båtmotorar, fiskereiskap osv. bort til småbåtanlegget. Både køyreveg og gangveg er sikra allmenn tilgjenge gjennom føresegner. Etter vår vurdering utløyser ikkje detaljreguleringsplanen krav om konsekvensutgreiing etter forskrift om konsekvensutgreiing 3, vedlegg III bokstav a q. Kommunen har vurdert denne planen til å ikkje ha vesentleg verknad for miljø og samfunn. Her er ikkje registrert kulturminner, verdifulle naturtypar, viktig landbruksareal eller friluftslivsområde i planområde. Me kan heller ikkje sjå at reguleringsplanen utløyser krav om konsekvensutgreiing etter ny forskrift om konsekvensutgreiing 10 a h. Omsynet til strandsona og ålmeinta si tilgjenge til sjø vert ivareteke gjennom føresegner 3.3.3, 4.1.6, 4.2.5, 4.5.2, 5.1.5, 6.1.1 og 6.2.2. Fylkesmannen har ikkje motsegn til planforslaget slik det føreligg. Ein liten del av området inngår i reguleringsplan FV 18 Goddebrua Austvik og denne delen vert erstatta av ny plan. Det er ikkje fremja motsegn til reguleringsplanen frå nokre offentlege instansar og Bømlo kommune kan eigengodkjenne planen. Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for fritidsbustader Klungervik gnr. 65, bnr. 21 m.fl. på Goddo vert godkjent slik han no ligg føre. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i planområdet. Området er heller ikkje avsett til viktig viltområde. Det er registrert eit gyteområde for torsk eit lite stykke utanfor planområdet. Ein har lagt inn i føresegner at tiltak i sjø ikkje skal gjennomførast i gyte og oppvekstperioden. Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Folkehelse: Planen legg til rette for at området skal kunne nyttast i samband med ulike fritidsaktivitetar. Tilrettelegginga vil gjere området meir attraktivt og tilgjengeleg, slik at fleire brukargrupper kan nytte seg av området enn tidlegare. Auka aktivitet er generelt positivt for folkehelsa. Oppsummering og konklusjon: Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for fritidsbustadar på gnr. 65, bnr. 21 m.fl. Klungervik vert godkjent slik han no ligg føre. Det ligg ikkje føre motsegn frå offentlege instansar slik at vilkåra for eigengodkjenning av detaljreguleringsplanen no ligg føre.