Austevoll kommune Møteprotokoll UTVAL FOR PLAN OG BYGGESAK Møtedato: 07.04.2014 Møtetid: Kl. 15.00 Møtestad: KOMMUNESTYRESALEN Saksnr.: 044/14-055/14 Følgjande medlemmer møtte Parti Følgjande varamedl. møtte Parti Renate Møgster Klepsvik Frp Jostein Blænes Frp Kjetil Østervold Olav Jarnes Kurt William Frank H Liv Bente F Storebø Edvard Johannes Stangeland Sp Ingrid Møgster Ap Kai Eliassen Krf Forfall Helge Andre Njåstad Parti Frp Møteleiar: Edvard Johs. Stangeland Frå adm. møtte: Byggesaksjef Reidun S Kongsvik, kommunalsjef Ruth Larsen og Norunn Storebø møtte som sekretær Utlevert i møtet: Vedlegg til sak 053/14 Merknader: Ingen merkander Innkalling Ingen merknader Edvard Johs. Stangeland Kjetil Østervold Olav Jarnes Nestleiar Kurt William Frank Liv Bente F Storebø Renate Møgster Klepsvik Kai Eliassen Ingrid Møgster Jostein Blænes
Sakliste Sak nr. Saktittel 044/14 Godkjenning møtebok utval for plan og byggesak 17.03.14 045/14 Orienteringar frå leiar i utval for plan og byggesaker 046/14 Referatsaker 047/14 Gnr. 54 Bnr. 0018 Heimark Søknad om dispensasjon frå kommuneplanen - LNF område. 048/14 Gnr. 06 bnr. 0075 Veivåg. Søknad om dispensasjon frå reguleringsplan - garasje. 049/14 Gnr. 47 bnr. 0020 Sandvik. Klage på dispensasjonsvedtak -naust. 050/14 Gnr. 35 Bnr. 0101 Troland. Søknad om dispensasjon frå plankrav - parkeringsplass. 051/14 Gnr. 62 bnr. 0002 Vestre Vinnesvåg. 2.gongshandsaming av reguleringsplan til offentleg høyring og ettersyn. 052/14 Gnr. 44 bnr. 0035 Bjånes Søknad om dispensasjon frå reguleringsplan - anneks i LNF område og 25m belte 053/14 Gnr. 11 bnr. 0027 Djupevåg. Søknad om dispensasjon frå plankrav - bruksendring av gammalt næringsnaust til ny næring gjennom endra bruk 054/14 Gnr. 11 bnr. 0002 og 0018 m.fl. Djupevåg. Reguleringsendring ved 1.gongshandsaming til offentleg høyring og ettersyn. 055/14 Gnr. 34 bnr. 0093 og Gnr.35 bnr. 0002 Haugsneset. Søknad om oppstart av reguleringsendring.
044/14: Godkjenning møtebok utval for plan og byggesak 17.03.14 Møteboka frå møte i utval for plan og byggesak 17.mars vert godkjent slik ho ligg føre. 045/14: Orienteringar frå leiar i utval for plan og byggesaker Handsaming i møtet: Ass. Leiar Edvard Johannes Stangeland orienterte om at han har vore i Tromsø der arealavgift og konsesjonsavgift vart diskutert i forhold til oppdrettsnæringa. Forslaget frå Austevoll var at næringa ikkje skal tilleggjast meire avgifter men at dei avgifter som allereie er skal omfordelast. Men signala frå Finansdepartementet er at dei ikkje vil gå inn for ei slik løysing men skal koma attende med andre alternativ. Kjem sak til planutvalet om tilførselsveg/utbetering av vegar i samband med Fiskerihamnprosjektet. Orienteringane vert lagt ved møteboka. 046/14: Referatsaker Meldingane vert tekne til etterretning slik dei ligg føre. 047/14: Gnr. 54 Bnr. 0018 Heimark Søknad om dispensasjon frå kommuneplanen - LNF område. Utval for plan og byggesak har vurdert søknad motteke 03.02.14 om dispensasjon for oppføring av tilførselsveg til bustadområde i LNF område på gnr 54 bnr 0018 Heimark. Det vert søkt om dispensasjon frå Kommuneplanen sine føresegner 5 punkt 5.1 oppføring av tilbygg til fritidsbustad i LNF byggeforbod område for gnr. 54 bnr 18 Heimark. Dispensasjon: I medhald av pbl 19-2 og 1-8 vert det gjeve dispensasjon frå kommuneplanen slik det er søkt om. Utval for plan og byggesak kan ikkje sjå at det i denne saka ligg føre særlige omsyn som hindrar at kan gje grunnlag for å gje dispensasjon i denne saka.
Rådmannen har i dette vedtaket berre teke stilling til dispensasjonen om å oppføre eit tilbygg til eksisterande fritidsbustad i eit LNF område i kommuneplanen og ikkje til søknad om tiltak, plassering og utforming. Kopi av vedtaket vert sendt til fylkesmannen. 048/14: Gnr. 06 bnr. 0075 Veivåg. Søknad om dispensasjon frå reguleringsplan -garasje. Utval for plan- og byggesak har vurdert søknad motteke 17.02.2014 om dispensasjon frå kart/føresegner for fritidsbustad og friluftsareal i reguleringsplan for deler av gnr. 6 bnr.7 Veivåg for oppføring av bygning/garasje på friluftsareal mellom område H3 og H6. I medhald av plan og bygningslova 19-2 vert det gjeve dispensasjon frå reguleringsplan for omsøkt tiltak. Det må sendast fullstendig søknad om garasje, den vil bli behandla etter dispensasjonsvedtaket er endeleg. Vedtaket vert sendt til Fylkesmannen i Hordaland for klagevurdering. Vedtaket er såleis ikkje endeleg før klagefristen på 3 veker er gått ut. 049/14: Gnr. 47 bnr. 0020 Sandvik. Klage på dispensasjonsvedtak -naust. Utval for plan og byggesak har vurdert klage frå Fylkesmannen i Hordaland på vedtak, PLA 10/14 datert 27.01.2014. Klaga er motteke rettidig, jf. forvaltningslova 29. Utvalet tek klagen delvis til følgje ved at det må reduserast storleik på vindauge i omsøkt naust og bruksarealet må vera i samsvar med kommuneplanen. Det blir difor med heimel i plan- og bygningslova 19-2 gjeve dispensasjon frå plankrav jf. kommuneplanen 1 punkt 1.1. for å bygga eitt naust i naustområdet. Saka vert sendt til Fylkesmannen i Hordaland for ny klagevurdering. 050/14: Gnr. 35 Bnr. 0101 Troland. Søknad om dispensasjon frå plankrav - parkeringsplass. Utval for plan- og byggesak i Austevoll kommune har vurdert søknad motteke 04.03.2014 om dispensasjon frå krav til reguleringsplan jf 1 punkt 1.1 i kommuneplanen på gnr. 35 bnr. 101 Troland. Det vert søkt om opparbeiding av parkeringsplass. Med heimel i plan og bygningslova 19-2 jf. 19-3 vert det gjeve dispensasjon frå plankravet for omsøkt tiltak. Dispensasjonen er mellombels og skal gjelde fram til reguleringsplan er godkjent. Det må sendast fullstendig søknad om parkeringsplass, den vil bli behandla etter dispensasjonsvedtaket er endeleg. Vedtaket vert sendt til Fylkesmannen i Hordaland for klagevurdering og ikkje endeleg før klagefristen på 3 veker er gått ut.
051/14: Gnr. 62 bnr. 0002 Vestre Vinnesvåg. 2.gongshandsaming av reguleringsplan til offentleg høyring og ettersyn. Utval for plan og byggesak sender VA-rammeplan for Gnr. 62, bnr. 0002 Vestre Vinnesvåg til offentleg høyring og ettersyn i medhald av plan og bygningslova 12-10 og 12-11. VA-rammeplankart med skildring: 15.03.2014. Utval for plan og byggesak godkjenner i medhald av plan- og bygningslova 12-10 og 12-11 at forslag til reguleringsplan for Gnr. 62, bnr. 0002 Vestre Vinnesvåg, vert sendt på høyring og lagt ut til offentleg ettersyn ved 2.gongshandsaming. Tiltakshavar: Marit Instanes Ansvarleg søkjar: ConStrada AS v/ Nils Arne Instanes Plankart datert: 21.03.2014. Føresegner datert: 21.03.2014. Planskildring med ROS-analyse og kommenterte merknader datert: 21.03.2014. VA-rammeplankart med skildring: 15.03.2014. Frist for uttale er 6 veker frå kunngjering. Austevoll kommune kunngjer planarbeidet i minst ei avis, og gjennom elektroniske medium. Austevoll kommune orienterer dei som etter lova har krav på skriftleg varsel om planarbeidet (grunneigarar, heimelshavarar, naboar, styresmakter mm.). 052/14: Gnr. 44 bnr. 0035 Bjånes Søknad om dispensasjon frå reguleringsplan -anneks i LNF område og 25m belte Handsaming i møtet: Forslag frå frp v/renate M. Klepsvik: Utval for plan og byggesak er i utgangspunktet positiv til oppføring av anneks på eigedommen, men ser utfordringar med dispensasjon både frå LNF og 25 metersbeltet. Utval for plan og byggesak er kjent med at søkjar har planar for flytting av naust, som kjem opp i sak på eit seinare tidspunkt, og oppmodar om at søknaden om anneks vert tatt med i denne planendringa. Søkjar vert då oppmoda til å flytta annekset inn på eigedommen slik at det kjem utafor 25 metersbeltet. Ved røysting over rådmannen og frp sitt framlegg vart frp sitt framlegg samrøystes vedteke. Utval for plan og byggesak er i utgangspunktet positiv til oppføring av anneks på eigedommen, men ser utfordringar med dispensasjon både frå LNF og 25 metersbeltet. Utval for plan og byggesak er kjent med at søkjar har planar for flytting av naust, som kjem opp i sak på eit seinare tidspunkt, og oppmodar om at søknaden om anneks vert tatt med i denne
planendringa. Søkjar vert då oppmoda til å flytta annekset inn på eigedommen slik at det kjem utafor 25 metersbeltet. 053/14: Gnr. 11 bnr. 0027 Djupevåg. Søknad om dispensasjon frå plankrav - bruksendring av gammalt næringsnaust til ny næring gjennom endra bruk Handsaming i møtet: Kurt W.Frank er ugild i handsaming av denne saka. Framlegg frå Frp: v/jostein Blænes Utval for plan og byggesak gjev ikkje dispensasjon frå plankrav i medhald av PBL 19-2. Utval for plan er positiv til søkjar sine ynskjer for eigedommen, men syner til at det er kritiske merknader frå naboar. Det er og usikkerhet om vegrett og areal til parkering/snuplass. Dette er forhold som kan avklarast i ein reguleringsplan og som ikkje er egna til å gjennomføra som dispensasjon. Utval for plan og byggesak viser også til at naboeigedomen vert oppmoda av kommunen til å lage reguleringsplan. Utval for plan og byggesak viser til at det også har vore oppmoda fleire gonger frå kommunen si side at søkjar bør inngå i felles reguleringsplan for Djupevågen. Dette vart fyrst avslått, og prosessen var kome for langt då ynskje om dette likevel vart fremja. Etter ei heilskapleg vurdering, har utvalet kome til at det vil vera rettvist å likebehandla dei to naboeigedomane ved at kommunen krev reguleringsplan for båe eigedommar. Desse røysta for Frp sitt framlegg: Jostein Blænes, Renate M Klepsvik, Kjetil Østervold, Olav Jarnes (Frp) Liv Bente Storebø (H) Kai Eliassen (Krf) og Ingrid Møgster (Ap) som vart vedteke mot ei røyst. Edvard Johannes Stangeland (Sp) røysta for rådmannen sitt framlegg. Utval for plan og byggesak gjev ikkje dispensasjon frå plankrav i medhald av PBL 19-2. Utval for plan er positiv til søkjar sine ynskjer for eigedommen, men syner til at det er kritiske merknader frå naboar. Det er og usikkerhet om vegrett og areal til parkering/snuplass. Dette er forhold som kan avklarast i ein reguleringsplan og som ikkje er egna til å gjennomføra som dispensasjon. Utval for plan og byggesak viser også til at naboeigedomen vert oppmoda av kommunen til å lage reguleringsplan. Utval for plan og byggesak viser til at det også har vore oppmoda fleire gonger frå kommunen si side at søkjar bør inngå i felles reguleringsplan for Djupevågen. Dette vart fyrst avslått, og prosessen var kome for langt då ynskje om dette likevel vart fremja. Etter ei heilskapleg vurdering, har utvalet kome til at det vil vera rettvist å likebehandla dei to naboeigedomane ved at kommunen krev reguleringsplan for båe eigedommar. 054/14: Gnr. 11 bnr. 0002 og 0018 m.fl. Djupevåg. Reguleringsendring ved 1.gongshandsaming til offentleg høyring og ettersyn.
Handsaming i møtet: Kurt W. Frank er ugild under handsaming av dennen saka. Utval for plan og byggesak godkjenner i medhald av plan- og bygningslova 12-10 og 12-14 forslag til endring av reguleringsplan for Gnr. 11 bnr.0002 og 0018 m.fl. Djupevågen, vert sendt på høyring og lagt ut til offentleg ettersyn. Ansvarleg søkjar: Nagla AS Tiltakshavar: Knut Djupevåg og Nils Bjarte Djupevåg Plankart er datert: 26.03.2014. Føresegn er datert: 26.03.2014. Planskildring er datert: 24.03.2014. ROS-analyse er datert: 24.03.2014. Frist for uttale er 6 veker frå kunngjering. Austevoll kommune kunngjer planarbeid i minst ei avis, og gjennom elektroniske medium. Austevoll kommune orienterer dei som etter lova har krav på skriftleg varsel om planarbeid (grunneigarar, heimelshavarar, naboar, styresmakter mm.). 055/14: Gnr. 34 bnr. 0093 og Gnr.35 bnr. 0002 Haugsneset. Søknad om oppstart av reguleringsendring. Utval for plan og byggesak godkjenner i medhald av plan og bygningslova 12-8 oppstart av reguleringsplanendring Gnr.35, bnr.0002 og Gnr.34 bnr.0093 Haugsneset, Torangsvåg. Tiltakshavar: Kåre Njåstad, Elin Njåstad og Olav Østervold v/østerbris. Ansvarleg søkjar: Plan Consult AS v/ Robert Haukanes. Søkjar kunngjer oppstart planarbeid til minst ei avis, og gjennom elektroniske medier. Søkjer orienterer dei som etter lova har krav på skriftleg varsel om planoppstart (grunneigarar, heimelshavarar, naboar, styresmakter mm.). Utval for plan og byggesak krev at trafikksikring vert vurdert i samband med reguleringa, då moglegheita for større næringsområde kan auke trafikkmengda i området. Utval for plan og byggesak krev ikkje konsekvensutgreiing, men vurderingar og konsekvensutgreiing gjort for revidert kommuneplan skal leggjast ved i planskildring, og om nødvendig supplerast. Utval for plan og byggesak krev at endringar i planområdet som er gjort gjennom dispensasjon tidligare, vil endrast i tråd med reguleringsplan. Risiko og sårbarheitsanalyse jf. plan- og bygningslova 4-3 skal alltid gjennomførast ved utarbeiding av planer for utbygging, og at det skal føreligge ei vurdering av naturmangfaldlova 8-12.
Planen skal utarbeidast av fagkyndig. Ved første gongs handsaming av planen skal det føreligg ROS analyse, planskildring, plankart, og føresegner. Uttalefrist vert satt til 3 veker.