NÆRØYFJORDEN VERNEOMRÅDESTYRE Nærøyfjorden landskapsverneområde Bleia - Storebotnen landskapsvernområde Bleia naturreservat Nordheimsdalen naturreservat Grånosmyrane naturreservat Vik Røde Kors SAKSBEHANDLAR: ANBJØRG NORNES ARKIVKODE: 2013/5411-432.2 DATO: 11.02.2014 DISPENSASJON TIL KJENTMANNSKØYRING I NÆRØYFJORDEN LANDSKAPSVERNOMRÅDE FOR VIK RØDE KORS Sender vedlagt saksprotokoll med saksframlegg for Nærøyfjorden verneområdestyre sak 6/14. Klage Vedtaket kan klagast inn for Miljøverndepartementet av partar i saka eller andre som har rettsleg klageinteresse med ein frist på 3 veker jf. forvaltningslova 28. Klagen skal sendast verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Noralv Distad Leiar Nærøyfjorden verneområdestyre Anbjørg Nornes sekretær verneområdestyret Dokumentet er elektronisk signert. Kopi pr. e-post til: Politimeisteren i Sogn og Fjordane Røde Kors, Nasjonal Beredskap og Hjelpekorps Sogn og Fjordane Røde Kors Nordfjella og Fjellheimen villreinnemnd Vik kommune POSTADRESSE: NJØSAVEGEN 2, 6863 LEIKANGER BESØKSADRESSE: FJORDSENTERET, 5745 AURLAND TELEFON: SOGN OG FJORDANE:57 64 30 00 DIREKTE: 57 64 31 29 SOGN OG FJORDANE: FMSFPOST@FYLKESMANNEN.NO ORG.NR: SOGN OG FJORDANE: 974 763 907
Fylkesmannen i Sogn og Fjordane Miljødirektoratet SNO, Aurland NÆRØYFJORDEN VERNEOMRÅDESTYRE SIDE 2
NÆRØYFJORDEN VERNEOMRÅDESTYRE Saksframlegg Arkivsaksnr: 2013/5411-0 Saksbehandlar: Anbjørg Nornes Dato: 20.01.2014 Utval Utvalssak Møtedato Nærøyfjorden verneområdestyre 6/14 07.02.2014 Dispensasjon til kjentmannskøyring i Nærøyfjorden landskapsvernområde for Vik Røde Kors Innstilling frå forvaltar Nærøyfjorden verneområdestyre gjev Vik Røde Kors Hjelpekorps løyve til: 2 kjentmannstur med inntil 3 snøskuterar langs fylgjande rute innan for Nærøyfjorden landskapsvernområdet: Jashaug Fresvikvarden Fresvikbreen. Sjekk av kritisk infrastruktur som sambandsutstyr på same turen som kjentmannsturen. Køyring kan gjennomførast med ein tur i februar før vinterferien, og ein tur i mars/april før påske i åra 2014 til og med 2016, men ikkje etter fredagen i palmehelga. Løyve er gjeve med heimel i naturmangfaldlova 48, og med fylgjande vilkår: Omfanget av snøskuterkøyring skal avgrensast til ruta som er skissert, og til det som er strengt naudsynt. Under køyring skal det takast omsyn til naturmiljø og friluftsliv. Seinast 12 timar før kjøringa startar, skal redningstenesta senda melding om køyringa (køyreordre) til lokal redningssentral, jf. retningslinjer for kjentmannskøyring i verneområde. Redningssentralen informerer forvaltninga og Statens naturoppsyn om øvinga. Redningstenesta skal gje melding til Statens naturoppsyn v/kristoffer Ullern Hansen på e-post kristoffer.ullern.hansen@miljodir.no eller mob. 97097720 dagen før øvinga. Han vil gje melding om det må takast spesielle omsyn til verneverdiane, og om naudsynt utsette køyringa av omsyn til villrein. NÆRØYFJORDEN VERNEOMRÅDESTYRE SIDE 3
Kopi av dispensasjonen skal fylgje med kvar snøskuter som deltek i køyringa, og leggjast fram ved kontroll. Innan 1. juni kvart år i løyveperioden skal det sendast rapport til Nærøyfjorden verneområdestyre om omfanget av turane med dato, tal snøskuterar og køyrerute. Forvaltninga ber om at evt. observasjonar av villrein vert teke med i rapporten. Me gjer merksam på at dette løyvet berre er behandla etter verneforskrifta, og at det i tillegg må innhentast samtykke frå grunneigarar. Saksopplysningar Dokument som bakgrunn for saka Søknad frå Røde Kors avd. Nasjonal Beredskap og Hjelpekorps, datert 17.12.2013 Fråsegn frå Sogn og Fjordane politidistrikt, datert 08.01.2014 Uttale frå Nordfjella og Fjellheimen villreinnemnd Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (godkjent 2007) Naturmangfaldlova av 19. juni 2009 Sogn og Fjordane Røde Kors har sendt ein samla søknad med øvingsplanar med kjentmannsturar i verneområde i Sogn og Fjordane fylke til Røde Kors, avdeling nasjonal beredskap og hjelpekorps. Røde Kors har sendt søknaden vidare til Sogn og Fjordane politidistrikt for godkjenning, og samtidig sendt søknaden frå Vik Røde Kors Hjelpekorps (RKH) til Nærøyfjorden verneområdestyret. Røde Kors tilrår at søknaden vert godkjent. Søknaden frå Vik RKH gjeld løyve til kjentmannskøyring i Nærøyfjorden landskapsvernområde frå 2014 2019. Ruta dei søkjer om er Fosse Vikjadalen Jashaug Fresvikvarden Fresvikbreen. Dei søkjer om å køyra ein tur før vinterferien og ein tur før påske. Dei vil nytta 3 snøskuterar på turane. I tillegg søkjer dei om køyring for testing av sambandsutstyr. Politimeisteren i Sogn og Fjordane har hatt øvingsplanen til godkjenning, og har ingen merknader til øvingsplanen i si fråsegn. Kjentmannsturane skal vera ein del av ein øvingsplan godkjent av politiet, jf. «Retningslinjer om redningstjenestens bruk av snøscooter i utmark og i verneområder» datert 31.01.2013 MD. Kjentmannskøyring skal behandlast etter den generelle dispensasjonsregelen i naturmangfaldslova 48: «Forvaltningsmyndigheten kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensyn til vesentlige samfunnsinteresser gjør det nødvendig». Verneområdestyret skal etter retningslinjene vurdera søknaden etter fyrste setning, «ikke er i strid med vernevedtakets formål, og ikke kan påvirke verneverdiene nevneverdig..». Føremålet i Nærøyfjorden landskapsvernområde er definert i verneforskrifta 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og NÆRØYFJORDEN VERNEOMRÅDESTYRE SIDE 4
der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter». Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Friluftsliv er eit av verneformåla og førebyggande redningsteneste er viktig for allmennheiten sin utøving av friluftsliv. Dei har bruk for å gjera seg kjent i område kor det er sannsynleg at det kan verta gjennomført redningsoppdrag, både for å kunne gjennomføra oppdrag på ein effektiv måte, og for å sikra eigne hjelpemannskap. I dei nye retningslinjene frå departementet er det definert eit klart skilje mellom øvingsverksemd og kjentmannskøyring. Øvingsverksemd skal leggjast utanfor verneområda, men redningstenesta vil «..til en viss grad være avhengig av mulighet for øvingskjøring og i praksis særlig kjøring for å bli kjent («kjentmannskjøring»)». Sogn og Fjordane politidistrikt har ikkje kome med nokon kommentar til øvingsplanen i si fråsegn. Forvaltar har sendt førespurnad (e-post 9. januar 2014) til Sogn og Fjordane politidistrikt om å få oversendt vurderingane som er lagt til grunn for tilrådinga av øvingsplanen, men har ikkje fått svar på dette. Forvaltar har vore i kontakt med Vik RKH for å få meir detaljar om kjentmannsturane. I søknaden frå Vik RKH er området som er viktig å verta kjent i teikna inn på kart. Dette er i eit område utan kvista løype, og er eit område med liten ferdsel om vinteren. Området vert mest nytta i tida nær påske, med Fresvikbreen som er eit vanleg turmål. Ut frå omsynet til belastninga på naturmiljøet jf. naturmangfaldlova 10 kan det stillast spørsmål til trongen for kjentmannstur i februar, då det er lite ferdsel i dette område tidleg på vinteren. Politiet har godkjent denne køyring som del av øvingsplanen, og turen vert difor tilrådd, men med vilkår om å kunne stoppe køyringa av omsyn til villrein. Kunnskapen om området 8 er kjent gjennom forvaltningsplan for Nærøyfjorden, SNO sin kunnskap om området og uttale frå villreinnemnda om villreinen sin bruk av området. Kunnskapsgrunnlaget vert vurdert som godt for å vurdera saka. SNO og villreinnemnda påpeikar at fjellområda rundt Fresvikbreen mot Fresvik-Jordalen/Vikjadalen og mot Feios/Fresvik er eit viktig vinterområde for villrein. Det er store moglegheiter for å møte villrein i dette området. Snøskuterkøyringa kan og påverka andre naturverdiar. Føre-var-prinsippet 9 er tillagt vekt ved at det vert sett vilkår om å ta omsyn til villreinen dersom den er i området. SNO kan be om at køyreruta vert endra, eller køyringa vert utsett av omsyn til villrein. Kjentmannsturane vil lite truleg føra til miljøforringing, og 11 er difor ikkje vurdert i denne saka. Snøskuter er den mest aktuelle transportmetoden for eventuelt redningsoppdrag, og må difor nyttast på kjentmannsturane. Det er mykje snø i den tida det er søkt om kjentmannsturar, og det er liten fare for køyreskade på bar mark. Køyringa vil difor ikkje setja varige spor i terrenget, og vert vurdert som miljøforsvarleg til dette føremålet jf. 12. Forvaltar har tilrådd å gje fleirårig løyve til og med 2016, og ikkje til 2019 som omsøkt. Dette vert grunngjeve med at det er ynskjeleg å behandla alle øvingsplanane innafor same verneområde samtidig. Aurland RKH og Lærdal RKH har begge søkt om løyve til kjentmannsturar i Nærøyfjorden verneområde fram til og med 2016. Med dei vilkåra som er sett for løyvet, og vurderingane etter 8 12 og 48, meiner forvaltar kjentmannsturane ikkje er i strid med verneformålet, og ikkje påverkar verneverdiane i særleg grad. NÆRØYFJORDEN VERNEOMRÅDESTYRE SIDE 5
Røde Kors bør - saman med politi, Statens naturoppsyn, villreinnemnda og verneområdeforvaltninga - så snart som mogeleg etter skisesongen, evaluera køyringa og vurdera trong for endringar i planen før neste sesong. NÆRØYFJORDEN VERNEOMRÅDESTYRE SIDE 6