Gloppen kommune Møtebok Utval Rådet for menneske med nedsett funksjonsevne Møtestad På Søreide Dato 29.05.2017 Tid Kl. 13:00-15:10 Følgjande medlemar møtte Ivar Halland Magni Aa Berge Frå SP Forfall/møtte ikkje Frå Følgjande varamedlem møtte Frå Katrine Anita Heggelund SV Elfrid Rauset Håheim Majken G. Rygg Oddrun Alme Nils E. Eimhjellen Andre som møtte Beate Kornberg, rådgjevar i sak 19/17 Jan Kåre Fure, rådmann i sak 18/17 Per Arne Strand, oppvekstsjef i sak 20/17 Møteleiar: Ivar Halland Underskrift:
Sakliste Sak nr. Sakstittel 016/17 Godkjenning av møteprotokoll, innkalling og sakliste 017/17 Referat og orienteringssaker 018/17 Økonomiplanen for perioden 2018-2021 019/17 Bustadpolitisk handlingsplan 2017-2025 - Sluttbehandling 020/17 Sluttbehandling av barnehage- og skulebruksplanen Side 2
Gloppen kommune Arkiv: FE - 033 JournalpostID: 17/5600 Saksbehandlar: Anvor Hauge Saksnr. Utval Møtedato 016/17 Rådet for menneske med nedsett funksjonsevne 29.05.2017 Godkjenning av møteprotokoll, innkalling og sakliste Vedlegg i saka: 04.04.2017 Protokoll - Rådet for menneske med nedsett funksjonsevne - 03.04.2017 Utvalsleiar si tilråding: 1. Rådet for menneske med nedsett funksjonsevne godkjenner møteprotokollen frå siste møte 2. Rådet for menneske med nedsett funksjonsevne godkjenner innkallinga og saklista til dette møtet. Møteprotokollen frå siste møtet blir lagt fram til godkjenning. Samstundes ber rådsleiar om godkjenning av innkallinga og saklista til dette møtet. Rådet for menneske med nedsett funksjonsevne 29.05.2017 Behandling RAD- 016/17 Vedtak 1. Rådet for menneske med nedsett funksjonsevne godkjenner møteprotokollen frå siste møte 2. Rådet for menneske med nedsett funksjonsevne godkjenner innkallinga og saklista til dette møtet. Vedtaket var samrøystes Side 3
Gloppen kommune Arkiv: FE - 033 JournalpostID: 17/7559 Saksbehandlar: Åslaug Haugset Saksnr. Utval Møtedato 017/17 Rådet for menneske med nedsett funksjonsevne 29.05.2017 Referat og orienteringssaker Orienteringssaker: 1. Høyringsuttala til rapporten "En mer effektiv og framtidsrettet hjelpemiddelformidling" er sendt inn slik rådet for menneske med nedsett funksjonsevne vedtok på førre møte. Formannskapet har sendt inn ei uttale med same meiningsinnhald på vegne av Gloppen kommune. 2. Plan for samordning av tenester til barn og unge er omarbeidd i lag med brukarrepresentantar med bakgrunn i høyringsinnspela. Den vert ikkje lagt ut på høyring på nytt no i mai, fordi einingane i kommunen skal få tid til å setje seg inn i endringane. Den vert lagt fram for helse- og omsorgsutvalet og oppvekstutvalet på det første møtet etter sommaren. 3. Arbeidet med kommuneplanen sin samfunnsdel er forsinka i høve framdriftsplan i vedteken planprogram. Den vil bli lagt ut på høyring i september i staden for i juni. 4. Fylkesrådet for menneske med nedsett funksjonsevne har sendt ut ei årsmelding som dei vedtok 9. februar. Årsmeldinga kan lesast på nett: http://www.sfj.no/aarsmeldingar.334848.nn.html Dei minner samtidig om at møteplan, saker og møteprotokoll og er å finne på nett: http://www.sfj.no/politiske-moete-og-saker.344489.nn.html 5. Rådet for eldre og funksjonshemma i Selje har vedteke ei uttale om nettleiga, der dei peikar på at straumbrukarane betaler ulik nettleige ut i frå kvar i landet dei bur. Dei krev lik nettleige i heile landet og oppmodar dei andre kommunale råda i fylket til å slutte seg til kravet og kvar for seg distribuere kravet til dei politiske partia på stortinget. Ordet fritt... Rådet for menneske med nedsett funksjonsevne 29.05.2017 Behandling Ordet fritt: Rådet for menneske med nedsett funksjonsevne oppmodar dei ansvarlege for sykkelrittet under sandanedagane til å invitere med menneske med nedsett funksjonsevne, og tilrettelegge for dette. Invitasjon kan gjerne gå ut til nabokommunane og. Sekretæren tek kontakt med dei ansvarlege, Oddrun Alme kan evt vere med å planlegge om det er ynskjeleg. Side 4
RAD- 017/17 Vedtak Rådet for menneske med nedsett funksjonsevne tek sakene til orientering. Rådet leverer ikkje eiga uttale om nettleiga. Vedtaket var samrøystes. Rådet for menneske med nedsett funksjonsevne oppmodar dei ansvarlege for sykkelrittet under sandanedagane til å invitere med menneske med nedsett funksjonsevne, og tilrettelegge for dette. Invitasjon kan gjerne gå ut til nabokommunane og. Sekretæren tek kontakt med dei ansvarlege, Oddrun Alme kan evt vere med å planlegge om det er ynskjeleg. Vedtaket var samrøystes Side 5
Gloppen kommune Arkiv: FE - 145, HIST - 16/602 JournalpostID: 17/6379 Saksbehandlar: Jan Kåre Fure Saksnr. Utval Møtedato 041/17 Formannskapet 08.05.2017 047/17 Formannskapet 24.05.2017 014/17 Eldrerådet 29.05.2017 018/17 Rådet for menneske med nedsett funksjonsevne 29.05.2017 024/17 Helse- og omsorgsutvalet 31.05.2017 026/17 MULTEK-utvalet 01.06.2017 020/17 Oppvekstutvalet 31.05.2017 Økonomiplanen for perioden 2018-2021 Vedlegg i saka: 03.05.2017 Økonomiplan for perioden 2018-2021 Rådmannen si tilråding Formannskapet viser til rådmannen sitt framlegg til økonomiplan for perioden 2018-2021 og legg denne ut til offentleg gjennomsyn med høyringsfrist onsdag 7. juni 2017.. Saksutgreiing Bakgrunn for saka I samsvar med m.a. økonomireglementet legg rådmannen no fram økonomiplanen for perioden 2018-2021. Fakta i saka Rådmannen skriv følgjande i samandraget innleiingsvis i planen: «Rådmannen sitt framlegg til økonomiplan for 2018-2021 er i hovudsak ein revisjon av investeringane i økonomiplanen fram til 2020 som vart vedteken av kommunestyret i desember 2016. I tillegg til dette presenterer rådmannen aktuelle driftstiltak som vi må arbeide vidare med for å finne dekning til. Planen er skriven månadsskiftet april/mai 2017, altså før regjeringa legg fram kommuneproposisjonen for 2018, som vil gje nærare rammer for drifta av kommunane til neste år. Som sist vedtekne årsbudsjett viser, er det ikkje økonomiske rammer for å auke kommunen sine driftsutgifter. Nye driftstiltak er derfor ikkje lagt inn og tilfesta i rådmannen sitt framlegg. Investeringsplanen er ambisiøs, og vil gje oss store driftsutfordringar når renter og avdrag på nye store låneopptak skal betalast. Slik sett er investeringsbudsjettet for høgt. Ein auke i lånerenta på berre eitt prosentpoeng, vil koste oss nesten 5,5 mill meir i årlege renteutgifter. Investeringane Dei store investeringsprosjekta er framleis rehabilitering av skule- og idrettsbygget i Hyen med 47,5 mill i perioden nytt omsorgsbygg med 42,9 mill Side 6
nytt blålysbygg med 36 mill oppgradering av renseanlegget på Byrkjelo med 26,2 mill nytt industribygg til utleige med 26 mill utbygging av Sandane skule med 30 mill bustader til vanskelegstilte med 40 mill. Lånegjelda vil auke til nesten 715 millionar viss alle investeringane i planen blir gjennomførde. Sjølv om mykje av auken kjem frå tiltak som også gjev inntekter, kan kommunen slik rådmannen ser det ikkje greie å handtere ei så stor lånegjeld. Utfordringar på drifta Den store utfordringa på drifta er å skaffe rom for å drifte det nye omsorgsbygget som etter planane blir innflyttingsklart i 2020.» Økonomiske konsekvensar for kommunen Dei økonomiske konsekvensane går fram av plandokumentet. Rådmannen si vurdering Det er både fordelar og ulemper med å skilje arbeidet og behandlinga av økonomiplanen frå årsbudsjettet. Sett frå rådmannen sin ståstad fører delinga til ein god del meirarbeid sidan vi uansett må gjere ein revisjon av økonomiplanen i samband med årsbudsjettbehandlinga for å få oppdaterte økonomiske rammer. Som det går fram av dagens plan er det mykje som er usikkert, særleg på driftssida. Rådmannen er likevel mest ottefull for den auken i lånegjelda som vi kjem til å dra på oss med dei planane vi har i dag. Vi må nøye vurdere alle tiltak med sikte på å redusere kostandene så mykje som råd. Godt nok er kanskje eit omgrep vi skal ta meir i bruk Økonomiplanen skal i første omgang leggast ut til gjennomsyn. Formannskapet 08.05.2017 Behandling Saka vart behandla i finansutvalet, som vil seie at formannskapet vart supplert med gruppeleiarane i dei partia som ikkje er representert i formannskapet. Av desse var Anniken Rygg (H) og Hege Lothe (SV) med på behandlinga. FOR- 041/17 Vedtak Det vart ikkje gjort vedtak i saka. Formannskapet 24.05.2017 Behandling Gruppeleiarane i Høgre, SV og Miljøpartiet De Grøne var inviterte til å møte i saka, men kunne ikkje møte. Innspel frå Magni Aa Berge på vegner av Senterpartiet, Arbeiderpartiet, Venstre og SV: 5.2. Formannskapet sitt budsjettområde Side 7
Administrative ressursar. Sjå «omgjering av sekretærstilling i Nordfjordrådet» i kap. 5.2 og «stilling som rådgjevar for oppvekstsjefen» og «leiingsressursar / administrative ressursar i einingane» i kap. 5.3 i samanheng. Redusere til samla kostnad kr 1.000.000,-. «Oppfølging av breibandsplan» - ta posten ut av økonomiplanen fordi kostnaden er tidlegare vedteke finansiert gjennom disposisjonsfondet. Reduksjon kr 2.000.000,-. 5.3. Helse- og omsorgsutvalet sitt budsjettområde Ikkje innføre heildøgnsbemanning ved bukollektivet på Sandane, hyblane og Gotatunet i 2018. Gjere ny vurdering om eitt år. Reduksjon kr 1.400.000,-. 5.4 MULTEK-utvalet sitt budsjettområdet Utsette «auka drift av Gloppen folkebibliotek» til 2019, eller når rehabilitering av Hyen skule er ferdig. Reduksjon 230.000 kroner. Redusere «kommunal delfinansiering av spelemiddelsøknadsanlegg» til kr 500.000,-. Reduksjon kr 500.000,-. Summen må nærare vurderast gjennom årleg budsjetthandsaming når ein veit kva anlegg som står for tur. Investeringsbudsjettet 2017 utsette oppstart brannstasjon til 2018. Innspel frå Svein-Ottar Sandal frå KrF: 1. Låneopptak: Etterslep på gjennomføring av vedtekne investeringsprosjekt. Kommunestyret legg til grunn at låneopptak først vert gjort når dei einskilde lånefinansierte prosjekt vert gjennomført. 2. I økonomiplanen er det på kap 4 sett opp eit konsekvensjustert budsjett. For hovudsektorane, formannskapet, oppvekst, helse og omsorg, MULTEK og Gloppen kyrkjelege fellesråd er 2017 tala flatt vidareført i økonomiplanperioden. Det ville vere ønskjeleg at det vart laga ei samleoppstilling over dei tiltaka som er nemnde i kap 5 (endring i drifta) for å sjå konsekvensane av desse i økonomiplanperioden. Dei einskilde tiltak som er nemnde i 5.2-5,3-5,4-5,5 er så langt vi kan sjå ikkje tidfesta for gjennomføring. Er det rett? 3. Det er behov for å sjå dagleg leiar Nordfjordrådet og sekretær for Nordfjordrådet i samanheng med eventuell omgjering av sekretær for Nordfjordrådet til 100 prosent stilling. 4. Auka driftstilskot for Firda fysikalsk-medisinske senter skal følgje opptrappingsplanen frå kommunestyret sitt vedtak i budsjett/økonomiplan desember 2016. 5. Endring av dimensjoneringsforskrifta for brann (kr 1,2 mill). Beløpet vert tatt ut til dei nasjonale krava er avklart. 6. For ikkje å svekke drifta av Gloppen Folkebibliotek må kr 230.000 inn i budsjettet om det ikkje kan dekkast gjennom endring av bibliotektenesta i Hyen til rehabilitert skuleanlegg er ferdig. 7. Prosjektleiar investering og prosjektleiar investering på einskildprosjekt vert sett i samanheng. 8. Treng meir informasjon om ny distriktsmusikar innan folkemusikk. 9. Rehabilitering av skuleanlegget i Hyen har fått ei svært høg kostnadsramme (estimert). Skulen skal rehabiliterast, men det må vere eit mål å få kostnadene ned. Side 8
10. Utleigebygg til Strukturplast - 26 mill. Under føresetnad av at kommunen eig dette bygget og kan lånefinansiere det, og at avtalen med Strukturplast dekker alle kostnader kommunen har med denne investering. 11. Nytt bustadfelt Austrheim - ny tekst: Nytt bustadfelt Nordstranda. 12. Maskiner og utstyr og kommunen sin bilpark vert sett i samanheng og totalt (6.250. 000 + 7.000.000) sett til kr 10 mill i økonomiplanperioden. 13. Gang og sykkelveg Søreide - Åsen vert tatt ut i denne omgang. 14. Det skal arbeidast for å etablere eit kommunalt bustadfelt i Hyen (evt. Holme) Sum? 15. Planarbeid for fv 615: 2 mill, som tidlegare vedtak i kommunestyret. FOR- 047/17 Vedtak Formannskapet viser til rådmannen sitt framlegg til økonomiplan for perioden 2018-2021 og legg denne, saman med innspela som vart lagde fram i møtet, ut til offentleg gjennomsyn med høyringsfrist onsdag 7. juni 2017. Vedtaket var samrøystes. Rådet for menneske med nedsett funksjonsevne 29.05.2017 Behandling RAD- 018/17 Vedtak Rådet for menneske med nedsett funksjonsevne meiner dei prioriterte investeringane i "Økonomiplan 2018-2021" er viktige. Rådet støtter særskild at bemanning av Myklebusttunet er høgt prioritert, og forventer at bemanninga av dei nye plassane på omsorgssenteret er klar når bygget er klart til å takast i bruk. Rådet har ellers ingen merknader. Vedtaket var samrøystes. Side 9
Gloppen kommune Arkiv: FE - 145, HIST - 15/355 JournalpostID: 17/7201 Saksbehandlar: Beate Kornberg Saksnr. Utval Møtedato 015/17 Eldrerådet 29.05.2017 019/17 Rådet for menneske med nedsett funksjonsevne 29.05.2017 025/17 Helse- og omsorgsutvalet 31.05.2017 027/17 MULTEK-utvalet 01.06.2017 Formannskapet Kommunestyret Bustadpolitisk handlingsplan 2017-2025 - Sluttbehandling Vedlegg i saka: 18.05.2017 Oppsummering av folketalsutvikling på område - krinsnivå 2007-2017 18.05.2017 Bustadpolitisk handlingsplan 2017-2025 - Rådmannen sitt justerte planutkast til endeleg godkjenning i kommunestyret 15.juni 2017 Rådmannen si tilråding Kommunestyret godkjenner vedlagde framlegg til «Bustadpolitisk handlingsplan 2017 2025», med følgjande tillegg: Oversikt over folketalsutvikling på områdenivå (historikk) som nytt vedlegg til planen Eit nytt punkt i planen i handlingsdel 4.3.1 om ein meir aktiv markedsføring av kommunale bustadtomter. Saksutgreiing Bakgrunn for saka Formannskapet vedtok i møte 14.10.15 at det skal utarbeidast ein bustadpolitisk handlingsplan for perioden 2016 2024, som skal legge føringar for ein meir heilskapleg bustadpolitikk i kommunen vår. Planen skal innehalde ei rullering av gjeldande «Bustadsosial handlingsplan 2012 2020», hovudsakleg i kapittel 5 og 6 i planen, som er eit viktig grunnlag for å få innvilga lån og tilskot frå Husbanken. Planen skal omhandle følgjande tema: 1. Generell bustadutvikling 2. Bustadfeltpolitikk 3. Bustadsosiale forhold 4. Organisering, samarbeid og bustadforvaltning. Fakta i saka Formannskapet la i møte 3. april 2017, «Bustadpolitisk handlingsplan for Gloppen kommune 2017 2025» ut på høyring med frist 5. mai 2017. Det kom ikkje inn innspel innan fristen. I etterkant av fristen har det kome inn eit innspel frå arbeidsgruppa i KrF, med 7 punkt administrasjonen er beden om å vurdere før den vidare politiske handsaminga. Side 10
Økonomiske konsekvensar for kommunen Planen legg føringar for kommunen sine prioriteringar i planperioden, som må innarbeidast i økonomiplan og årleg budsjettprioriteringar. Rådmannen si vurdering Rådmannen har følgjande kommentarar til høyringsinnspelet som er kome inn: 1. I punktet utrykker arbeidsgruppa eit ønskje om ein meir konkret plan, og ber om ei vurdering av om det er behov for ein handlingsplan som konkret legg ein utviklingsplan for bustadpolitikken. Rådmannen meiner det er uklart kva som er etterspurt, utover det som er gjort i i punkt 3.3 og 4.3.1 og 4.3.2 i planen. 2. Her vert det etterspurt meir statistikk over befolkningsutviklinga på områdenivå i kommunen, både historisk og prognosar. Vedlagt ligg ei oversikt på områdenivå dei siste 10 åra, med 5 års mellomrom (2007, 2012, 2017). I tillegg er det lagt inn årleg statistikk for dei sentrale områda i lokalsamfunna og område med størst vekst. Dette kan knytast til endeleg godkjent plan som eit vedlegg. Ei eventuell prognose framover vil etter rådmannen si vurdering vere ei rein gjetting, og vil i stor grad avhenga av kva for politisk val som vert teke rundt dei foreslegne tiltaka i handlingsdelen. 3. og 4. I merknaden peiker KrF heilt korrekt på at det ikkje nødvendigvis er ein garanti for at regulerte tomter blir byggeklare tomter, og etterlyser ein strategi for å få etablert ein tomtebank. Pkt. 4.3.1 er det foreslått ein handlingsplan som rådmannen meiner i stor grad svarer på dette. I tillegg kan det vere aktuelt med meir offensiv marknadsføring. Her kunne planen gjerne vore tydelegare. 5. Planen skiller tydeleg på kriterie for etablering av kommunale bustadfelt, og kva kommunen kan akseptere av private initiativ. Rådmannen opplever at KrF på dette punktet ønskjer at planen skulle vore meir diffus, medan dei i pkt. 1 etterlyser ein meir konkret plan. Rådmannen vil minne om at vi med bakgrunn i sentrale føringer i større grad har ansvar for å ta folkehelseomsyn og klimaomsyn i vår planlegging. Fleire av tiltaka i planen er difor svar på dette. 6. Rådmannen er skeptisk til ein analyse av attraktivitet. Erfaring tilseier at det som er attraktivt for ein person kan vere heilt uinteressant for ein annan. Det er alltid gjort ei vurdering av kvalitetane i eit område i samband med planarbeid, men det finst ikkje objektive kriterie for kva som er attraktivt og kva som ikkje er det. Rådmannen har døme på at bustadområde har vore snakka ned som lite attraktive på grunn av lite nybygging i ein periode, medan dei som er busette i det same området jamt over er godt nøgde. Det er ein dårleg strategi både i forhold til dei som er busette i eit slik område og i forhold til sal av tomter. Rådmannen har meir tru på aktiv marknadsføring, og å snakke opp verdiane og kvalitetane vi har i alle bustadområda våre. 7. Rådmannen er samd i at bustadutvikling må vere eit samspel mellom kommunen og private, og er usikker på kva KrF meiner med at planen er negativ på dette punktet. Kommunen kan hovudsakleg styre bustadprosjekt på to måter - gjennom detaljerte reguleringsføresegner - gjennom sjølv å vere byggherre Detaljerte reguleringsføresegner krev ein svært bevisst haldning til kva ein faktisk ønskjer, og ein sterk vilje til å gjennomføre det sjølv om utbyggar skulle ønskje noko anna. Det betyr heilt konkret ein streng dispensasjonspraksis. Rådmannen vurderer vedlagde framlegg til «Bustadpolitisk handlingsplan 2017 2030» som ein brei og omfattande plan som legg klare føringar for ein heilskapleg bustadpolitikk, med bakgrunn i Side 11
mandat og målområde planen er vedteke å skulle omhandle. Den set kommunen sine bustadsosiale utfordringar inn i ein heilskapleg trong for ei auka bustadutvikling, og tek på alvor sentrale, regionale og lokale føringer. I slutten av hovudkapittel 3, 4 og 5 er det laga ein handlingsdel der forslag til strategi, tiltak og framdrift er samla i ein felles oversikt. I etterkant av godkjenning ser rådmannen for seg at det vert utarbeidd ein kortversjon av planen som eit administrativt arbeidsdokument med tydeleg ansvarsplassering av dei ulike oppgåvene. Dette er særskilt viktig fordi planen berører fleire sektorar. Rådet for menneske med nedsett funksjonsevne 29.05.2017 Behandling RAD- 019/17 Vedtak Rådet for menneske med nedsett funksjonsevne meiner det er gjort eit grundig og arbeid med "Bustadpolitisk handlingsplan 2017-2025", og har ingen merknader. Vedtaket var samrøystes. Side 12
Gloppen kommune Arkiv: FA - A00, HIST - 15/1529 JournalpostID: 17/7599 Saksbehandlar: Per Arne Strand Saksnr. Utval Møtedato 020/17 Rådet for menneske med nedsett funksjonsevne 29.05.2017 021/17 Oppvekstutvalet 31.05.2017 Kommunestyret Sluttbehandling av barnehage- og skulebruksplanen Vedlegg i saka: 22.05.2017 Barnehage- og skulebruksplan for perioden 2017-2030 Kort samandrag av saka Høyringsutkast barnehage- og skulebruksplan 2017 2030 vart vedteke lagt ut på høyring i perioden 5. april til 15. mai 2017. No er høyringsperioden ute og det har kome 10 høyringsuttalar til planen. Høyringsuttalane endrar ikkje rådmann si tilråding med å halde på dagens struktur når det gjeld skular og det same gjeld for barnehage med meir kapasitet nærmare Sandane og på sikt ei avdeling på Byrkjelo. Rådmannen si tilråding Kommunestyret godkjenner barnehage- og skulebruksplan 2017 2030, slik den ligg føre. Tiltaka i planen vert gjennomførte i tråd med årlege budsjettvedtak i perioden. Saksutgreiing Bakgrunn for saka Oppvekstutvalet gjorde 10.11.15 vedtak om å setje i gang arbeidet med ein barnehage- og skulebruksplan. Arbeidet vart så smått starta opp på etterjulsvinteren 2016. i samband med skifte av oppvekstsjef og eit halvt år med oppvekstsjef berre i halv stilling vart det stillstand i arbeidet. I «Kommunal planstrategi 2016 2020» som vart vedteken av kommunestyret 26.09.16, skulle barnehage- og skulebruksplanen vere ferdig hausten 2017. Det vart seinare i oppvekstutvalet vedteke at planen skulle skundast fram til endeleg vedtak våren 2017. Planen er definert som ein kommunedelplan. Planprogrammet vart lagt ut på høyring i ekstraordinært møte i oppvekstutvalet 19. desember 2016 og vart endeleg vedteke i oppvekstutvalet sitt møte 15. februar 2017. Framdriftsplanen tilseier at planen må leggast ut på høyring i oppvekstutvalet sitt møte 5. april. Då skal den ligge ute på høyring til 15. mai for så å bli behandla i oppvekstutval, formannskap og til slutt i kommunestyret 15. juni. Barnehage- og skulebruksplan 2017 2030 har no vore ute på høyring og den vert no lagt fram for sluttbehandling. Fakta i saka Det er kome inn 10 høyringsuttalar til planen innan fristen. Dei vil i korte trekk verte gjennomgått og kommentert her. Bakkelidgrenda barnehage har spelt inn nokre faktaendringar og presiseringar til det som står om barnehagen. Det gjeld ei presisering av dei har godkjenning for 12 små eller 24 storbarnsplassar ikkje begge deler. Dei vil og ha med at dei er opptekne av mangfald med kompetanse på mangfald og fleirkulturell pedagogikk. Det er understreka at det er positivt at det vert utarbeida ein plan som gjer at ein kan sjå samanhengar i eit lenger perspektiv. Dei har og understreka at allereie eksisterande Side 13
barnehagar må få ta stilling til om dei vil flytte nærare sentrum om det skulle bli aktuelt og at endringar i barnehagestrukturen må skje i tett dialog med dei eksisterande barnehagane i Gloppen kommune. Presiseringar og faktaendringar vil bli innarbeid i planen. Elles er utalen i tråd med rådmannen si tilråding som vil halde ein tett dialog med barnehagane vidare når planen er vedteken. Nordstranda barnehage ser positivt på arbeidet med planen som ser på utviklinga i eit lenger perspektiv og har vurderingar som ikkje er basert på kortsiktige endringar. Det vert trekt fram den gode mixen vi har mellom offentlege og private barnehagar og den breidda i tilbod og profil vi har i Gloppen. Det er noko vi må marknadsføre og søkje å oppretthalde og styrke dette mangfaldet. Nordstranda har forståing for at kommunen ynskjer nærleik mellom busetjing og barnehage- og skule, men at praksis i barnehage er at folk køyrer bil når dei leverer og hentar born i barnehage. Dei meiner det er tilstrekkeleg kapasistet i dei sentrumsnære barnehagane, spesielt om ein tek omsyn til at ein av dei har signalisert ynskje om å bygge ut. Dei peikar på Nordstrandaområdet er i vekst om ein ser på barnetal og etterspurnad etter tomter og bustader. Ei flytting av ein barnehage må vurderast opp mot den unike barnehageklynga som er på Vereide i dag og det gode samarbeidet som dei har mellom seg og det mangfaldet dei representerar. Norstranda barnehage vil sterkt understreke at om kommunen går vidare med å omlokalisere ein barnehage må dette skje i tett dialog med dei eksisterande barnehagane, det gjeld og å auke tal avdelingar/barnehageplassar i eksisterande barnehagar. Rådmannen ser at det er eit godt og variert tilbod på Vereide og at barnehagane samarbeider godt. Vurderinga er framleis at det for eit fleirtal av barn og foreldre vil vere best med noko fleire barnehageplassar nær sentrum, men i Nordstranda krins. Rådmannen er samd i at vidareutvikling barnehagetilbodet skal skje i tett samarbeid med eksisterande barnehagar i Gloppen. Rygg barnehage har konkrete innspel på endringar i ordlyden i omtalen av barnehagen i planen. Setninga - Bygget er eit tidlegare bedehus, som framleis er eigd av Sudstranda Indremisjon. I styrevedtak er det avgjort at Rygg barnehage skal få overta bygningen ynskjer dei endra til: Rygg barnehage er i prosess om overtaking av bygget. Vidare ynskjer ein å endre på formuleringa - Rygg barnehage er i prosess med Gloppen kommune for å overta eit uteareal på ca 2 mål som barnehagen no disponerer til: Barnehagen er i prosess med å få etablert eit uteområde med fokus på universell utforming, og der både barn og vaksne kan ta del i utandørsaktiviteter, friluftsliv, rekreasjon og sosialt samvær. Under satsingsområde ynksjer barnehagen å få endra formuleringa - Rygg barnehage arbeider med sosial kompetanse og ser verdien av å vere mykje på tur. Dei nyttar tilbod og moglegheiter i nærmiljøet til: Vi ønskjer å ha ein aktiv kvardag med borna, der dei utfaldar seg både inne og ute. Satsningsområda til barnehagen er: - Fysisk aktivitet og meistring gjennom opplevingar i nærmiljøet - Sosial kompetanse, vennskap og relasjonar - Språk Rygg barnehage synes vidare at barnehage- og skulebruksplanen uttrykkjer langsiktige og gode tankar omkring utviklinga framover. Styret og samarbeidsytvalet ønksjer særleg å framheve at foreldre sine val og ønskjer vert ivaretekne, samt at innspel gjennom framtidsverkstadane viser igjen i planen. Rygg barnehage er positive til planen. Dei konkrete forslaga til endringar i teksten vil bli innarbeida i planen. Rådmannen meiner elles at tilrådinga fangar opp det som Rygg barnehage utalar. Austrheim barnehage meiner det er positivt at Gloppen kommune no lagar ein langsiktig plan for barnehage- og skulefeltet og at ein slik kan legge langsiktige rammer for utviklinga av sektoren. Ein Side 14
plan med lang horisont vil også gjere det lettare for dei private barnehagane å kunne planlegge eige arbeid og utvikling. Det vert presisert at barnehagen opphaveleg var plassert i «Austrheim krins» og vart flytta mot sin vilje i 2011 ut til Vereide. Barnehagen skriv at dei har arbeidd hardt og brukt mykje tid og ressursar på å skape eit godt tilbod i dei nye lokala og meiner dei har fått til eit godt barnehagetilbod til borna som nyttar barnehagen. Barnehagen har brukt dei siste åra til å spisse profilen til barnehagen og utvikle satsingar som dei meiner er viktig for borna og deira utvikling. Barnehagen erfarar at foreldre er opptekne av kva innhald som er i dei ulike barnehagane og Gloppen har eit godt tilbod i så måte. Det må takast vare på. Austrheim barnehage understrekar at dei har utvikla eit godt samarbeid med dei to andre barnehagane som ligg på Vereide. Barnehagen skriv at dei er ein liten barnehage og har opplevd utfordringar dei siste åra der barnekulla har vore små. Det er ein sterk kokurransesituasjon når det ligg tre barnehagar tett og det vart påpeika ved flyttinga. Barnehagen skriv at historisk har sentrum-austrheim vore ein del av nedslagsfeltet til barnehagen og at kommunen må gjere grundige vurderingar av spørsmålet om ein skal etablere ein barnehage meir sentrumsnært på Nordstranda og at det må skje i god dialog med dei eksisterande barnehagane. Det kostar mykje krefter og ressursar å flytte eller etablere ein ny barnehage og barnehagen legg til grunn at slike avgjerder vil kommunen gjere med tanke på ein lenger tidshorisont og knytt til planar bustader og tilflytting til aktuelle område slik at barnehagane samla sett har langsiktige rammer i eit lenger perspektiv. Rådmannen er oppteken av at om det vert vedteke å gå i dialog med ein av dei eksisterande barnehagane skal det skje i tett dialog og samarbeid med dei. I høve Austrheim har det vore mange runder historisk og kommunen er klar over at det ikkje berre er å flytte ein barnehage. Det vil krevje mykje ressursar. Rådmannen ser at det er ein konkurransesituajon der Austrheim dei siste åra har hatt litt varierande søknad og at det er viktig at vi har eit langsiktig perspektiv på det vi gjer. Rådmannen meiner at den mest framtidsretta løysinga vil vere eit barnehagetilbod som ligg nærare sentrum i Norstranda krins. Samarbeidsutvalet i Nygård barnehage AS understrekar behovet for ei permanent ordning med ei småbarnsavdeling med 9 plassar og ikkje 6 plassar som dei har godkjenning på i dag, men som er utvida til 9 plassar barnehageåret 17/18. Ei «normal» småbarnsavdeling har 9 barn og tre tilsette. Barnehagen understrekar at det vil vere meir fleksibelt og gunstig både pedagogisk og praktisk då det er svært sårbart å vere to i personalet der dein både skal få avvikla ubunden tid og pauser. Foreldra i barnehagen er skeptiske til utviding på årsbasis då det er uheldig i forhold til at det skapar usikkerheit mtp tidsaspektet i høve varigheit kring tilsette og tilknytning, relasjon og tryggleik for born og foreldre. Det skapar og usikre arbeidsforhold. Uttalen til Nygård barnehage AS er i tråd med rådmannen si tilråding om modell 2 for barnehagane. Samarbeidsutvalet ved Mona Barnehage støttar forslaget om 6 avdelingar i Mona. Frigjering av lokaler er naudsynt for å kunne stette krava arbeidsmiljølova set til bl.a. kontorarbeidsplassar for personalet. Dei skriv vidare at ved nedgang i Mona er det naudsynt med permanent auke av plassar i Nygård og Rygg. Ein eventuell ny barnehage i sentrumsområdet må bli knytt opp mot Norstranda skulekrins. Det er viktig at barnehage og skulestrukturen vert sett i samanheng. Samarbeidsutvalet meiner vidare at ein barnehage midt i sentrum (jf arkitetkt-teikningar av nye sentrum) ikkje vil vere ei god løysing med tanke på press på Sandane skule og plassering for ein barnehage som vil skape mykje mykje biltrafikk i området morgon og ettermiddag. Utvalet forventar også at det vert god dialog mellom kommunen og dei eksisterande barnehagane i samband med etablering av sentrumsbarnehage. Uttalen til samarbeidsutvalet i Mona barnehage er i tråd med rådmannen si tilråding når det gjeld å redusere til 6 avdelingar i Mona på permanent basis. Vidare ser rådmannen dei synspunkta som gjeld plassering av ein barnehage i sentrum som fornuftige når det gjeld trafikkbelastning. Vidare vil det med barnehage opptak og skulekrinsar ikkje alltid vere samanfallande. Barnehageopptaket er eit felles område rundt Gloppefjorden og krinsgrensene følgjer bustadadressa. Side 15
Elevrådet ved Nordstranda skule har diskutert saka to gongar, og alle klassene har kunne uttalt seg. Elevane på mellomtrinnet har diskutert fordelar og ulemper ved alle tre modellane og til slutt hatt avstemming. Om modell 1 seier dei: Det som er bra er at då får vi beholde skulen. Det er ikkje så mange folk der. og då er det lettare å leike med alle uansett kor gamle vi er. Vi kan gå på skule ilag med dei vi bur nærmast. Elevrådet meiner at det er betre å bli godt kjend med området ein bur i og dei borna som bur i nærheten først. Mange har kort skulevei og fleire kan gå eller sykle. No er dei fleste klassene passeleg store og vi får god hjelp med lærar. Om modell 2: Elevrådet meiner at ved modell to blir det litt mykje skifting av skular. Det kan vere bra at ein blir kjent med andre for ungdomskulen. Men litt dumt for Breim som kanskje ikkje hadde kjent så mange. Elevrådet synest at det kan bli litt få elevar igjen på skulen dersom det berre skulle vere 1.- 4. klasse her. Elevane frå 1.-7. lærer mykje av kvarandre. Dei store passar på dei små, og det er fint for alle. Modell 3: Elevrådet synest at det blir for stort med ein ny skule. Vi trur det blir mindre sosialt fordi det blir vanskeleg å vere ilag med alle. Det kan vere sjanse for at det blir klikkete. Dessutan får mange lengre skulevei og alle kan ikkje gå eller sykle. Mange fleire må ta buss. Det vil bli større klasser og vanskelegare å få hjelp med læreren. Det kan bli skummelt for ein 1. klassing å gå på skule i sentrum. Det er betre å bli skikkeleg kjend og trygg i området i nærheten av heimen først. Oppsummert meiner elevrådet ved Norstranda skule at modell 1 med å ha skulen som den er det beste alternativet. Men dei meiner at dei treng meir plass fordi det er trangt i garderobane og at klasseromma er små og byte av klasserom fører til for små stolar og pultar når 7. klasse må bruke klasserommet til 1. klasse. Av behov listar elevrådet opp; fleire og større klasserom, meir plass i gangane, kjøkken berre til kjøkken, fleire grupperom, eige naturfagrom og oppussing. Rådmannen meiner det er flott at elevrådet ved Nordstranda skule har hatt ein god prosess med uttalen til barnehage- og skulebruksplan. Synspunkta på dei tre modellane som gjeld skule er gode og fornuftige og vel verd å lese. Uttalen frå elevrådet er elles i tråd med innstillinga til rådmannen. Brukarar av Norstranda skule (FAU, elevråd, SU, rektor, Fj.Vereide, Hauk 4H) har uttalt at eit klart fleirtal går for modell 1 oppretthalde dagens struktur. Skulen skal vere eit aktivum for sitt lokalmiljø. Dei understrekar sterkt behovert for å auke undervisningsarealet; fleire klasserom, spesialrom, grupperom og garderobeplass. Skulen misste klasserom ved ombygging til ny administrasjonsfløy og treng å få dette arealet tilbake. Det skapar utfordringar for god tilpassing og læring og vanskeleg å få til den gode skulen slik planen skiserer. Brukarane på Nordstranda skule meiner at midlar til utviding av arealet må kome inn i økonomiplanen allereie i 2018. Planlegging og utbygging kan ikkje vente og dei meiner vidare at totalkostnaden er relativt låg og det ligg til rette for ei trinnvis utbetring av elevarealet, dette kan gjennomførast parallelt med utbetring av andre skular. Rådmannen ser at innspelet frå brukarane på Nordstranda skule er i tråd med rådmannen si tilråding. Kor raskt ei utbygging kan kome i gang, vil vere avhengig av dei økonomiske løyvingane, men i rådmannen si prioritering ligg behova på Hyen skule og Sandane skule før Nordstranda. FAU ved Sandane skule understrekar at skulebruksplanen skal legge til rette for ein skule som ivaretek alle brukarar både elevar, lærarar, driftspersonell etc. Dei ser at det vil vere mange meingar og behov rundt dei ulike modellane i planen, men at det viktigaste er uansett val av modell får ein god og heiltheitleg skulestruktur som ivaretek elevane sitt læringsmiljø og at vala er forankra i opplæringslova. Det er samstundes viktig å ivareta skulen som den viktige aktøren den er i lokalsamfunnet. FAU seier at truleg vil modell 1 dagens struktur, vere den løysinga som best ivaretek elevane sitt behov, så lenge det vert følgt opp med ein god, heilhetleg plan på korleis vi skal bygge og utvikle skulen vidare. Det vert presisert uansett val av modell at kommunen er i tett dialog med brukarane av skulen og at høyringsutkastet er ei god plattform for vidare arbeid og utvikling meot ein endeleg skulebruksplan. Side 16
FAU meiner det er nødvendig at kommunen har ein heilhetleg plan plan og struktur på IKT-utviklinga for Gloppeskulen. Vidare at det vert tenkt heilhetleg rundt skulevegane til elevane og at ein følgjer opp målet om at alle elevar som bur under 4 km frå skulen skal kunne gå eller sykle trygt til skulen, spesielt korleis ein knter Mardal/Fitje/Evebø til skulen. FAU ved Sandane skule ynskjer å vere ein samarbeidspartner i det vidare arbeidet med planen og at ein av dei viktigaste grunnane til at ein vel å flytte til Gloppen bør vere skulen. Rådmannen er samd i at IKT utvikling og skuleveg er viktig. Det er tanken å ta opp IKT-satsingane framover i ein oppvekstplan som skal handle meir om innhaldet og ikkje dei fysiske rammene. Skulevegar og at flest mogeleg av dei som bur innanfor 4 km grensa frå skulen skal kunne gå eller sykle til skulen er ei målsetjing for kommunen og difor prøver vi å sjå ulike planar i samanheng. Elles er uttalen i tråd med rådmannen si tilråding. Utdanningsforbundet i Gloppen har hatt framlegget til plan ute til diskusjon mellom medlemane på klubbnivå. Innleiingsvis peikar dei på at planen gjer greie for dagens situasjon, dei ser fram til å få ein plan som tek for seg kva retning, mål og innhald barnehage og skule skal arbeide med og etter er like viktig som utforming av bygga. Udanningsforbundet meiner at barn og unge skal ha det aller beste oppvekstmiljøet, men at dei og er opptekne av arbeidssituasjonen til dei tilsette i barnehage og skule. På barnehagesida meiner Utdanningsforbundet at innbyggararne i Gloppen har eit variert barnehagetilbod som held høg kvalitet og blandinga av offentlege og private barnehagar fungerer godt og gjev mangfald og stabilitet. Det vert understreka at om ein går for modell 2 må det leggast vekt på å sikre drifta til dei eksisterande barnehagane i Gloppen og nybygging ikkje må skje før ein har varige behov for det. Å flytte ein av banehagane på Vereide nærare sentrum vil kunne løyse behov i høve busetjing av flyktningar og press på skulane. Dette må skje i samråd og forståing med barnehagen som eventuelt flyttar. Utdaningsforbundet støttar at Mona Barnehage skal ha 6 avdelingar permanent. Alle barnehagane må ha tilstrekkeleg store pauserom og garderobar, det må og vere skjerma kontorarbeidsplassar for pedagogar som skal ha planleggingstida si i barnehagen. Utdanningsforbundet meiner at det er feil at Gloppen opplæringssenter ikkje er presentert i planen og ber om at GOS vert teken inn i planen på lik linje med dei andre skulane. Utdanningsforbundet er eller samd i at ein vel modell 1 slik han er skissert. Utdanningsforbundet vil halde på dei to skulane inst i Gloppefjorden og saman med Hyen skule må ein legge til grunn det som står i vurdering av dagens skular i framtidig utbygging. Ved opprusting og utbetring av skulane er dei tilsette opptekne av å legge til rette for spesialrom og gode og tenelege kontorarbeidsplassar for dei tilsette og vi er langt unna Arbeidstilsynet si norm i dag på mange skular. Modell 2 ynksjer ikkje Utdanningsforbundet fordi det tek vekk ein viktig verdi, det å vere saman med både eldre og yngre elevar stimulerer både leik og læring. Dei er og glade for det politiske vedtaket om at Hyen skule også i framtida skal vere ein 1. 10. skule. Utdanningsforbundet kommenterer at GOS ikkje er med i planen, det er rådmannen samd i og vil omtale GOS i større grad i den endelege planen som vert lagt fram. Når det gjeld barnehage, er rådmannen samd i at kommunen må ha ein god dialog med eksisterande barnehagar og sikre drifta på dei. Når det gjeld skule, er Utdanningsforbundet samd med rådmannen si tilråding. Gloppen opplæringssenter har bedt om å få kome med i planen på linje med dei andre skulane og har sendt eit utkast til det. Innspelet vil bli teke inn i planen under omtale av skulane og GOS vil og bli nemt og kommentert i vurderingane bak i planen. Økonomiske konsekvensar for kommunen Dei økonomiske konsekvensane for kommunen vil bli store. Det er i planen skissert kva summar det Side 17
er snakk om, men det er ikkje prisar basert på endeleg prosjektering. Når vedteken plan ligg føre, må kostnadene innarbeidast i økonomiplan og årlege budsjett etter kvart i perioden. Rådmannen si vurdering Hovudmål med planen er at barn og unge i Gloppen skal ha skular og barnehagar som legg til rette for godt læringsmiljø og trivsel. Dette skal skje gjennom optimal ressursbruk og utnytting av Gloppen kommune sine eksisterande og eventuelt nye anlegg. Delmål med planen er - å sikre sikre at skule- og barnehageareala er godkjende etter gjeldande lov og regelverk - å sikre eit likeverdig og godt barnehage- og skuletilbod til alle barn og unge - gode leike- og arbeidsmiljø for born, elevar og tilsette - flest mogelg skuleelevar skal ha høve til å gå eller sykle til skulen - stabil barnehage- og skulestruktur på sikt. Dei ulike høyringsinnspela er kommenterte etter kvart. I det store og heile ynskjer dei som har kome med uttale ein plan velkomen og er opptekne av at det skal gje langsiktige rammer for utviklinga av både skulane og barnehagane. Innspela er innarbeida i planen så langt det er kommentert under kvar høyringsuttale. For barnehageområdet går rådmannen i høyringsutkastet til barnehage- og skulebruksplan inn for Modell 2 Ny sentrumsnær barnehage på Sandane og ei avdeling på Byrkjelo. I korte trekk betyr modell 2 at Rygg barnehage får utvide permanent med 6 plassar. Nygård barnehage AS får utvide permanent med 3 småbarnsplassar. Mona barnehage får redusere med ei avdeling til 6 avdelingar på permanent basis. Dei andre barnehagane beheld kapasiteten dei har i dag, men kan få dispensasjon for tal plassar om søknaden skulle tilseie det. Vidare ligg det å etablere ein barnehage i området Sandane sentrum/øyrane/austrheim. Dette må skje i tett dialog med eksisterande barnehagar. Utover i perioden vil det verte vurdert om det skal opprettast ei avdeling av Breim barnehage på Byrkjelo. For barnehageområdet har vi eit mangfald av barnehagar i Gloppen som mange trekkjer fram som ein styrke og som gjev foreldre mogelegheit til å velje forskjellig. Å få ein barnehage som ligg nærare sentrum på Sandane vil møte noko av dei behova vi har både i høve flyktningar og kva befolkningsutviklinga tilseier. Det same vil ei avdeling på Byrkjelo kunne vere i høve å busetje flyktningar fleire stader i kommunen på ein lettare måte. Å kombinere barnehagelevering med rutegåande skyss er ikkje lett. Det er ei utfordring å ha kapasistet i barnehagane som gjer at skyssbehovet til flykningane kan løysast utan bil og samstundes få spreidd minoritetsspråklege barn på fleire barnehagar. Det er og ei utfordring å ha nok kapasitet til å kunne ta imot dei flyktningane vi får til ulike tider på året. Kravet er 3 månader frå flyktningane kjem til dei skal ha barnehageplass og vere i gang med introduksjonsprogrammet. Det vil koste å ha denne kapasiteten ståande til ei kvar tid. Skal vi ha eigne reglar for opptak av flyktningar utenom våre to opptak? Vi har i dag eit felles opptaksområdet rundt Gloppefjorden, noko som ikkje har vore kommentert i høyringsuttalane, men det kan føre til transport frå den ein eller andre sida av fjorden. Rådmannen meiner at modell 2 vil møte Gloppen sine behov langt inn i framtida, samtidig som vi beheld mangfald og ein variert barnehagestruktur. Den vil gje større samsvar mellom kvar folk bur og kvar barnehageplassane er. På skuleområdet var rådmannen si innstilling til politikarane at modell 1 dagens struktur, ville vere den beste for kommunen framover. Vi vil få utnytta dei skuleanlegga vi har, og som det kan vere vanskeleg å finne alternativ bruk av. Vi vil framleis ha små til middels store skular i Gloppen. Skulane vil framleis ha rolla dei har i bygdene dei ligg, både som arena på kveld og helg, og som nærmiljøanlegg. Samla sett vil det vere den rimelegaste modellen i høve investeringsbehova framover. Eit anna spørsmål som vart reist i høyringsutkastet til plan var om vi skal ha eit felles delingstal for klasser i Gloppen? Rådmannen ynskjer at vi skal ha det for å skape like føresetnader frå skule til skule. Her må gjerne politikarane gje eit signal om det er noko som skal greiast ut vidare. Side 18
Høyringsuttalane synte og stor semje om at dagens struktur vil vere det beste for Gloppenskulen framover. Krinsgrensene har ikkje vore problematisert i nokon av høyringsuttalane. Spørsmålet vil i første rekkje vere kvar grensa mellom Sandane og Nordstranda krins bør gå. Det andre spørsmålet er om om tidlegare Nesjane skulekrins framleis skal gå til Sandane eller om dei skal orienterast mot Hyen krins. I plen her er det lagt til grunn at grensene er som i dag. Rådet for menneske med nedsett funksjonsevne 29.05.2017 Behandling RAD- 020/17 Vedtak Rådet for menneske med nedsett funksjonsevne peikar på at det er viktig at alle skular og barnehagar har universell utforming, og at det er rom som kan brukast til individuell tilrettelegging. Rådet for menneske med nedsett funksjonsevne har ellers ingen merknader til "Barnehage og skulebruksplan 2017-2030". Vedtaket var samrøystes. Side 19