Kvinnherad kommune 5470 ROSENDAL Ingo Bewer Behandlande eining: Sakshandsamar/telefon: Vår referanse: Dykkar referanse: Vår dato: Region vest Guri Finne Sognnæs / 56520232 15/233554-5 07.03.2017 Statens vegvesen sin uttale til off. ettersyn detaljreguleringsplan - gnr. 144 bnr. 44 m.fl. - Korggardsvika - Husnes - Kvinnherad kommune Statens vegvesen viser til kunngjering om offentleg ettersyn dagsett 27.01.2017. Statens vegvesen sine interesser i alle plan- og forvaltningssaker omfattar primært etaten sitt ansvar for planlegging, bygging, drift og vedlikehald av riks- og fylkesvegnettet. Vår hovudmålsetting er å leggja til rette for trygg og god trafikkavvikling, eit godt miljø og i tillegg ta omsyn til naboar og samfunnsinteresser elles. Statens vegvesen uttaler seg til denne planen med bakgrunn i rollen som vegadministrasjon for fylkeskommune i fylkesvegsaker, samt statleg fagorgan med sektoransvar for samordna areal- og transportplanlegging, trafikktryggleik, kollektivtrafikk, tilrettelegging for sykkel og gange, universell utforming og miljøulemper knytt til veg- og vegtrafikk. Saksopplysningar Føremålet med planen er «å leggje til rette for bustadutbygging på Bogsneset på Husnes, der delar av dagens industriområde vert erstatta. Planen legg til rette for småbåtanlegg, veganlegg og grøntområde som skapar meirverdi til nærmiljøet, med samanhengande anlegg for gåande langs strandlinja». Postadresse Telefon: 02030 Kontoradresse Faktur aadresse Statens vegvesen Flyplassvegen Statens vegvesen Region vest fir mapost-vest@vegvesen.no 5705 VOSS Landsdekkende regnskap Askedalen 4 6863 LEIKANGER Or g.nr: 971032081 9815 Vadsø
2 Vår vurdering av planforslaget Me vil minne om at formålet med planforslaget ikkje er i samsvar med gjeldande kommuneplan eller framlegg til nye kommuneplanen, som var ute på høyring hausten 2016. I begge desse planane er arealet avsett til næringsføremål. Statens vegvesen setter pris på at eit nytt bustadområde vert lagt til kommunesenteret i Kvinnherad kommune. Her er det relativt kort avstand til skule, barnehage, fritidsaktivitetar, sjukeheim, samt viktige handels- og forretningsfunksjonar. Det er svært positivt at planen legg opp til gode forhold for mjuke trafikantar og betrar kollektivtilbodet. Planen kan bidra til å redusere biltransport og reisetid. Planforslaget er difor i tråd med «Stalige planretningslinjer for samordnet bustad-, areal- og transportplanlegging». Me må likevel syne til at det kan vera utfordrande å leggje til rette for både bustader og næringsverksemd i same område. Her vil me spesielt peike på forholda for trafikktryggleik og utfordringar med støy, støv, evt andre miljøomsyn mot bustadområda. Det er lagt opp til gang- og sykkelveg. Det bør også vurderast om det er trong for andre fartsreduserande tiltak. Med tilrettelagte forhold for syklande, vil me anbefale at det vert lagt opp til sykkelparkering ved busshaldeplassen. Me føreslår også at de vert lagt opp til ladestasjon for el-bilar på parkeringsplassane. Føresegner og plankart Føresegnene er noko mangelfulle og må supplerast. Sjå merknadane under. Syner til vår tidlegare uttale ved planoppstart. Me kan ikkje sjå at alle våre merknader er vurdert. Dette gjeld merknaden om at tilkomstvegen må utbetrast før utbygging tek til. Syner til føresegna i Kvinnherad kommune sin arealdel på s. 11 i planskildringa: «Tilsvarande skal tekniske anlegg vera utbygde i området seinast før igangsettingsløyve for bygg vert gjeve». Det må difor setjast rekkefylgjekrav i føresegnene om at tilkomstvegen SV1 og krysset mellom SV1 og fv. 44 må utbetrast, før det vert gjeve igangsettingsløyve for bygg. Dagens kryss må samsvara med siktkrava og radiusen i Statens vegvesen sine vegnormalar (sjå kulepunkt på neste side).
3 Flytting og utbetring av fylkesveg 44 ligg inne i godkjent detaljreguleringsplan for «byen» Husenes 143/5 og 144/5 m. fl. - Husnes. Ved flytting/ombygging av fylkesvegen må kryss mellom fylkesvegen og kommunal veg SV1 flyttast/utbetrast i samsvar med detaljreguleringsplan for Husnes Brygge AS, Bogsnes, gnr. 144, bnr. 64, 55 m. fl. Det same gjeld busslomma. Fram til den nye busslomma er bygd, må det etablerast kantstopp og fortau langs kommunal tilkomstveg fram til kantstoppet. Utbyggar må pårekna seg kostandane både ved førebelse og framtidige permanente tiltak. Dette er viktige tiltak med omsyn til at utbygginga vil gje monaleg auke i ÅDT (175-350 bilturar pr. døgn, jamfør ROS-analysa). 4.6.1: Busshaldeplassen må utformast etter våre handbøker. For alle tiltaka i og langs fv. 44 må byggeplanar godkjennast av Statens vegvesen. Alt dette må kome med i føresegnene. Me saknar ei føresegn for korleis krysset mellom kommunal veg og fv. 44 skal utformast. Siktlina og radiusen må talfestast. Me vil minne om at svingradiusen skal vere 9 meter, ikkje 90 meter (sjå planskildring og ROS-analyse). Sikten skal vere 10x45 meter (høgre køyreretning) og 20x45 meter (venstre køyreretning). I plankartet må siktlina talfestast slik som det er synt i figuren under. 45 45 3.1.2, 3.8.3 og 4.9.1: Syner til framlegg til ny kommuneplan som har vore ute på høyring. I 2.15.2 står det fylgjande:
4 «Ved utarbeiding av reguleringsplan skal minimum 10 prosent av parkeringsplassane vere utforma og reservert for rørslehemma når det vert etablert 8 parkeringsplassar eller fleire». Statens vegvesen, som sektormyndighet med ansvar for tilrettelegging av trafikkareal for alle trafikantar, er opptatt av universell utforming. Me oppfordrar difor til at denne planen fylgjer dei overordna krava i kommuneplanen. Syner til føresegnene i Kvinnherad kommune sin kommuneplan, synt på s. 11 i planskildringa: «Ved planlegging og gjennomføring av tiltak, bygningar og uteområde, bør det sikrast god tilgjenge for alle befolkningsgrupper i samsvar med dei tilgjengekriteria som er nedfelt i vegnormalane og byggeforskrifta». Me saknar ei føresegn med krav til universell utforming. Fortau og busshaldeplassen må fylgje opp krava til universell utforming. 3.5: syner til 3.5 i den nye kommuneplan som har vore ute på høyring. Naust med eige gnr./bnr. skal ha ein parkeringsplass per eining. Ber om det vert tilrettelagt for dette. 4.5.1: Det må kome med i føresegnene at Statens vegvesen skal disponere minimum 3 m areal langs vegbana. Statens vegvesen har elles ingen fleire merknader. Me ynskjer dykk lykke til vidare med planarbeidet! Plan og forvaltning Voss og Hardanger Med helsing Carl-Erik Nielsen Seksjonssjef Guri Finne Sognnæs Dokumentet er godkjent elektronisk og har difor ingen handskrivne signaturar. Kopi Kvinnherad kommune, 5470 ROSENDAL
5