SAKSPAPIR. Ny eigar av P3 må sette opp gjerde mellom leikeareal og P3.

Arkiv: K2 - L12, PlanId - 2011009 JournalpostID: 16/275 Sakshandsamar: Bjarte Friis Friisvold Dato: 15.01.2016 SAKSPAPIR Styre, komite, utval Møtedato Saknr Komitè for miljø og tekniske 21.01.2016 005/16 saker DETALJPLAN JUSSPIMARKA - 2. GONGS ETTERSYN Innstilling: Framlegg detaljplan Jusspimarka datert 14.01.2016, med planomtale og føresegner datert 14.01.2016, kan leggjast ut til 2. gongs offentleg ettersyn i medhald av pbl. 12-10. 21.01.2016 Komitè for miljø og tekniske saker Fellesforslag om tillegg til føresegnene: "Ny eigar av P3 må sette opp gjerde mellom leikeareal og P3." Forslag frå Kolbjørn Rørstad (TLG): "Når det gjeld bebyggelse i "fremste rekke" mot friareal/sjø, skal høgda avgrensast til mønehøgd og gesims inntil 5 m. Dette vil betinge auka utnyttingsgrad for tomtene B4 - B10 inntil BYA 40 %. Det skal også setjast krav til god estetisk utforming." Forslaga skal innarbeidast i plandokumenta før utlegging. Innstillinga og forslaga vart samrøystes vedtatt. KMT- 005/16 Vedtak: Framlegg detaljplan Jusspimarka datert 14.01.2016, med planomtale og føresegner datert 14.01.2016, kan leggjast ut til 2. gongs offentleg ettersyn i medhald av pbl. 12-10. Ny eigar av P3 må sette opp gjerde mellom leikeareal og P3. Når det gjeld bebyggelse i "fremste rekke" mot friareal/sjø, skal høgda avgrensast til mønehøgd og gesims 5 m. Dette vil betinge auka utnyttingsgrad for tomtene B4 - B10 inntil

BYA 40 %. Det skal også setjast krav til god estetisk utforming. Forslaga skal innarbeidast i plandokumenta før utlegging. Vedlegg: FRÅSEGN TIL OFFENTLEG ETTERSYN AV DETALJPLAN JUSSPIMARKA - NORGES VASSDRAGS- OG ENERGIDIREKTORAT DETALJPLAN JUSSPIMARKA - MERKNAD - ANNE MARIE MONSRUD MERKNAD TIL DETALJREGULERING JUSSPIMARKA DETALJREGULERING JUSSPIMARKA - FRÅSEGN - MONSUD ANNE MARIE Skjema.pdf DETALJPLAN JUSSPIMARKA - FRÅSEGN TIL OFFENTLEG ETTERSYN - FYLKESMANNEN I MØRE OG ROMSDAL DETALJREGULERING JUSSPIMARKA - BER OM UTSETT MERKNADSFRIST DETALJREGULERING JUSSPIMARKA - MERKNADER - HØYVIK BYGG AS - PÅ VEGNER AVG RUNNEIGARAR Innsigelse til detaljregulering jusspimarka.pdf Plankart detaljregulering Jusspimarka.pdf MERKNAD FRÅSEGN DETALJREGULERING JUSSPIMARKA - FRÅSEGN - VALDERHAUG JOHNNY AVISUTKLIPP DETALJREGULERING JUSSPIMARKA - FRÅSEGN - MØRE OG ROMDAL FYLKESKOMMUNE DETALJREGULERING JUSSPIMARKA - FRÅSEGN - STRØMSHEIM REIDUNN OG SVERRE Enkel planskisse.pdf Klage på reguleringsplan 22032013.pdf Merknad Jusspimarka DETALJREGULERING JUSSPIMARKA - FRÅSEGN - STRØMSHEIM REIDUNN V KART FRÅSEGN - HØYVIK BYGG AS - REGULERING JUSSPIMARKA - HØYVIK BYGG AS Endret situasjonskart 185-249.pdf Forslag endring til regulering jusspimarka Høyvik Bygg AS.pdf Kommentarer fra Bente H. Fiskerstrand etter møte 26.11.15.pdf MØTE VEDRØRANDE PÅGÅANDE REGULERING JUSSPIMARKA - REFERAT Planomtale Jusspimarka_2016.01.14 Framlegg detaljplan Jusspimarka_2016.01.14 Saksutgreiing: Det vart meldt oppstart av planarbeid 15.12.2011 for denne planen. 31.01.2013 i sak KT- 007/13 vart det gjort vedtak om å leggje framlegg til planen til offentleg ettersyn, planen låg ute i tidsrommet 07.02.2013 22.03.2013. Utdrag av merknadar under frå offentleg ettersyn og fram til 2016: NVE, datert 08.02.2013 Har ikkje merknadar til planen.

Anne Marie Monsrud, datert 04.03.2013 Nausttomt bnr. 363 er under tinglysing. Byggjesakskontoret Giske, datert 06.03.2013 Ønskjer ein å opne for andre takformer som einsidig takfall, flatt tak ol. Bør ein ha mønehøgd 1 m over gesimshøgd. Under avsnitt kva byggjesøknad skal syne, bør ein ta med carport, dette sidan det er krav om minst ein av biloppstillingsplassane skal kunne over byggjast. For konsentrert småhusbusetnad er det framlegg om gesims 8 m og møne 9. Ser ein på bakanforliggjande fleirmannsbustadar blir dette for høgt. Etablerte fleirmannsbustadar har ei byggjehøgde på om lag 7 m, nye bør få om lag same høgde. Anne Marie Monsrud, datert 11.03.2013 Ber om at planområdet må endrast, då det kjem inn i grensa til det som skal bli nausttomter. VA-kontoret Giske, datert 14.03.2013 Tomt for fritidsbustad bør inngå i tomt for reinseanlegg. Fylkesmannen i Møre og Romsdal, datert 13.03.2013 Framlegg til naustområde samsvarar ikkje med arealføremålet i kommuneplanen og skeptiske til føremål N1, N2 og N4. Desse vil punkterer ei elles urørt strandline. Reguleringsplanen avklarar ikkje køyretilkomst eller parkering for desse naustområda. Det blir vurdert som lite heldig dersom ein får ein situasjon med køyring langs og parkering ved gang- og sykkelvegen. Det blir rådd til at naust områda blir teke vekk. Er nøgd med at kommunen har lagt seg på ei meir restriktiv line enn i kommuneplanen. Trasevalet for gang- og sykkelvegen har ein underleg u-sving forbi leikeplassen L2. Utan å ha lokalkjennskap til området, vil det truleg fort kunne bli etablert ein snarveg tvers gjennom leikeplassen. Kommunen bør vurdere om det vil vere eit betre løysing å leggje gang- og sykkelvegen nord for leikeplassen. Møre og Romsdal fylkeskommune, datert 15.03.2013 Det er lagt inn to leikeplassar med tenleg plassering og fortau. Fortau ved L2 kunne kanskje vore nytta til å skilje leikeplassen frå bustadtomta ovanfor, slik at ein får ei tydleg avgrensing mot privat eigedom. Nye naust område bør leggjast til alt etablerte område, for å unngå å bryte opp strandlina. Ved etablering av einskilde naust får ei fort press på ytterlegare etablering i nærleiken av desse, og det er ofte vanskeleg å avvise dispensasjonssøknadar. Sjølv om eigedomane alt er oppretta, bør kommunen vurdere å flytte dei. Barn og unge sin representant, datert 18.03.2013 Har ikkje merknad. Hjørdis J Valderhaug, datert 19.03.2013 Delar av gnr./bnr. 185/8 er teke inn i planen. Det er under arbeid ein detaljplan for dette området, krav om at del av bnr. 8 ikkje blir med i denne planen. For å få heilskap på bnr. 8 er det ønskeleg å stå for detaljregulering av eigedomen sjølve. Reidunn Strømsheim, datert 21.03.2013 Ber om utsett frist til 02.04.2013. Høyvik bygg, på vegne av gnr./bnr. 185/10, 167 og 249, datert 22.03.2013 Området merka VA er i detaljplanen gjort større, samt flytta lengre aust enn tidlegare planframlegg, for å etablere reinseanlegg for kloakk. Dette er ein kritisk til og protesterer sterkt mot. Det har vore undersøkt litt rundt erfaringar med reinseanlegg for kloakk og lurer på om Giske kommune er klar over konsekvensane dette har for kringliggjande busetnad når det blir så nært. Framlegg til plassering av reinseanlegg bør plasserast ved N1, om reinseanlegg i det heile må inn i planområdet. Med plassering ved N1 vil området aust om molo/pir bli eit attraktivt friområde som kan romme mange aktivitetar.

Tilkomstveg V2 er ønska lagt i bakkant av tomterekkje B4 B11, som tidlegare merknad. Veg i bakkant vil vere tenleg for alle partar. Med dette får ein trafikk vekk frå friområdet, friområdet får gang- og sykkelveg som buffer mellom bustadtomtene. Det er i framlegg til føresegner for bustadtomter B3- B11 sett største tillate gesimshøgd til 5 m og mønehøgd 7 m. Det er ønske om å endre gesimshøgde til 6 m, sidan det med normal etasjehøgd og bjelkelag/tak konstruksjon vil hamne på noko over 5 m. Mønehøgd 7 m er ok og i tråd med eksisterande busetnad. Det er i fellesføresegn gjeve føringar for at areal som er tilgjengeleg for ålmenta og private anlegg skal utformast etter prinsipp om universell utforming. Vil dette gjelde tiltak på eiga tomt? Det bør ikkje ekskludere moglegheit for primærrom som stove og kjøken i 2. etasje for denne typer bustadar. Therese Valderhaug og Kjartan Homlong Stavseth, datert 21.03.2013 I planomtale for detaljplan Jusspimarka blir det anført at reguleringa fører til små endringar og detaljplanen er i samsvar med gjeldande arealdel, og difor ikkje nødvendig med konsekvensutgreiing i samband med reguleringsprosessen. Det synes klart at framlegg til detaljplan strid vesentleg mot gjeldande arealdel, då areal som er avsett til VA-anlegg er utvida og flytta mot aust, til areal som er avsett til LNF og framføre areal avsett til bustad. Det kan ikkje lesast ut frå planomtalen intensjonen med dette. For alle som bur på Valderøya og i Giske kommune, ville ei konsekvensutgreiing med kartlegging av VA-anlegga sine konsekvensar for miljøet, planlagd bustadfelt og samfunnet vere tenleg. Giske kommune burde sjå at det er behov for områderegulering framfor og føre detaljregulering når regulering strir mot overordna plan: Når regulering strir mot overordna plan, bør kommuneplanen sin arealdel bli endra i forkant av reguleringsprosess. I dette tilfellet ser ein behovet for detaljerte område avklaringar av arealbruken for både VA-anlegg og ubygd strandsone, jamfør pbl. 12-2. det blir også synt til pbl. 4-2- konsekvensutgreiing. Bente H Fiskerstrand og Arve Henriksen, datert 22.03.2013 Det er ikkje ønskeleg med reinseanlegg for kloakk av denne storleik plassert nært tomta, ber om at det blir vurdert kostnadar med å plassere dette lenger aust eller vest. Dette for å tenke på alle innbyggarar i kommunen, dette blir eit stort anlegg og det blir permanent, truleg med behov for utviding i framtida. Det er urimeleg at nokre få grunneigarar skal ta ei slik belastning aleine, anlegget bør plasserast på kommunal grunn eller i eit område der planlagt busetnad ikkje blir ramma. Johnny Valderhaug, datert 22.03.2013 Det er ikkje ønskeleg at reinseanlegg blir flytta aust for areal avsett i arealdelen, det bør liggje i område avsett til offentleg anlegg. Dersom det må flyttast, kan det heller bli flytta mot vest, til ubygd areal. I framlegg til plankart var det 3 område til naust, N1, N2 og N4. Det er ikkje regulert nausttomter tidlegare. Grunngjeving for framlegg til naust er at det har stått naust tidlegare. Vedlagt bilete som syner Juspinaustet, det blåste ned tidleg på 60 talet. Det er framleis restar av grunnmur og støa er intakt. Tidlegare kontakt med teknisk eining er det vorte lova at naustet kan byggjast opp igjen. Krav om at det blir avsett ei tomt til dette i reguleringsplanen. Leite og Howden, på vegne av gnr./bnr. 185/9 og 249 datert 22.03.2013 Kommunal teknisk verksemd er i planframlegg ikkje plassert i samsvar med gjeldande arealdel, men flytta til annan eigedom. Dette vil vere alvorleg for grunneigar, som har vald å investere i eigedomen fordi den hadde naust og friområde. Kommunen vart kontakta for å forsikre seg at kommuneplanen gav rett bilde for framtida. Det er i planomtalen også sagt at utskilde tomter og bygde naust blir regulert til naust. Dette er ikkje gjort for bnr. 249, ber om dette blir retta opp. Det er lite hensiktsmessig å plassere hovudtilkomst til tomterekke B4 B11 på sørsida av tomterekkja. På generell basis bør ein sørgje for å leggje til rette for så lite

trafikk som mogleg i område nær sjøen og heller ha gangveg for allmenn bruk. Ber om at o_v_3 blir flytta på nordsida av tomterekkja B4-B11. Reidunn og Sverre Strømsheim, datert 09.05.2013 Det er planlagt smale tomter framfor området til eigedom 183/344. Når hus blir oppført framfor bnr. 344 vil mykje av den praktfulle utsikta bli forringa. Ber om at leikeplass L1 blir lagt i nedste del av bnr. 344 og makebyte med til dømes tomt B11, eller andre tomter. Dette vil gje betre klimatiske tilhøve for leikeplassen. Reidunn Strømsheim, datert 08.09.2013, klargjering etterspurt av plankontoret Ber om at leikeplass L1 blir lagt i nedste del av bnr. 344 og makebyte med til dømes tomt B11, eller andre tomter, vedlagt kart. Dette vil gje betre klimatiske tilhøve for leikeplassen. Referat møte Høyvik bygg/fiskarstrand, 26.11.2015 Del av bnr. 249 er i kommuneplanen sin arealdel avsett til bustadføremål, det kan difor byggjast bustad på tomta * Gjeldande regulering er ikkje i samsvar med arealdelen, krav om detaljregulering for å kunne byggje bustadhus * Detaljregulering er starta opp, men har vore satt på vent for avklaring av lokalisering av reinseanlegg. Lokalisering er no avklart, reinseanlegg vil kome nordvest for naustrekkje i aust * Det er no kapasitet hjå Plankontoret som avgjer når planen kjem til nytt offentleg ettersyn * Kommunen ønskjer ikkje å handsame byggjesøknad for bnr. 249 før tidlegast etter at merknadsfrist til nytt offentleg ettersyn er gått ut, for å vurdere eventuelle endringar av planen * Det vart diskutert justeringar av framlegg til plankart, utan å konkludere: - Flytte veg slik at den samsvarar med regulert veg i gjeldande plan, men smalare - Snuhammar i enden og bruke eksisterande gang-/sykkelveg som del av snuhammar (mellom bnr. 167 og 237) - Sør for ny bustadrekkje må gang- og sykkelveg liggje, for å hindre privatisering av strandsona - Justere gang-/sykkelveg som går nord-sør slik at den ligg i bytet mellom eigedomane. - Rette ut grense mellom B4 og B5 i samband med makebyte areal - Redusere byggjegrense mot veg - Det må vere vegtilkomst for lastebil til pumpestasjon/leikeplass - Regulert møne og gesimshøgde er ønskeleg høgde i bustadfelt, høvesvis 7 og 8 m, frå gjennomsnittleg planert terreng. Ikkje ønskeleg å endre denne - Av regulert tomt blir det sett BYA på inntil 30 %, areal som kan nyttast til utbygging, inklusiv 2 biloppstillingsplassar på mark, á 18m². Desse kan erstattast med plassar i garasje/carport. Høvik bygg, datert 17.12.2015 Opparbeiding av veg/tilkomst for B3-B10 nord for desse vil gje: * Betre/meir naturleg tilkomst til regulerte tomter * Mogleggjer utnytting av areal på tomter ved B2 * Meir attraktive tomter med fristilling av areal sør for B3-B10. * Tek omsyn stil kvalitetane i friområde sør for regulert bustadrekkje, fjerning av trafikk, natur og rekreasjons får betre spelerom. Snuhamar kan naturleg plasserast i samband med eksisterande veg/parsell mellom B1 og B2. Tilkomst til pumpestasjon kan leggjast mellom tomt B3 og B4. Gang- og sykkelveg vil vere naturleg å plassere mellom tomter og friareal. Mellon gangveg og tomter kan det vere naturleg med voll eller likande tiltak for å danne ei naturleg skjerming mellom privat og friareal, spesielt mot brukarane av gang- og sykkelveg. Høgde gang- og sykkelveg bør følgje eksisterande terreng mest mogleg.

Heimelsgrunnlaget Plan- og bygningslova kap. 12. Økonomiske konsekvensar: Kostnadar med utbygging av VA-anlegg, inntekter av sal av bustadtomter. Vurdering: Etter interne avklaringar i høve plassering av nytt reinseanlegg blir framlegg til detaljplan Jusspimarka oversendt til politisk handsaming for 2 gongs offentleg ettersyn. Det er hovudsakleg dette som har medført at det har teke så lang tid etter førre offentleg ettersyn før det har skjedd noko. Nytt framlegg er mykje omarbeidd og det er i tillegg lagt til eit større areal i aust; for å rydde opp i gamal plan, auke BYA til 30 % og fortette kommunen sitt areal med ei tomt. Merknad frå byggjesakkontoret blir teke til følgje, både carport og byggjehøgde for KS1. Planområdet er endra slik at heile nausttomta til Monsrud blir regulert til naustføremål. I gjeldande plan er delar av tomta regulert til industri og grøntareal. For dei andre fråskilde nausttomtene i dette området gjeld det same, dei blir regulert til eit samanhengande naustområde. Etter avklaringar skal ikkje reinseanlegg ligg ved f_l_2 men lenger aust. Denne merknaden ser ein difor vekk i frå. Det som skal opp i dette området er eit mindre bygg til pumpestasjon, på grunn av at det er i dette området alle VA-leidningane møtes. Plankartet blir endra for frittståande naust etter merknad frå både fylkesmannen og fylkeskommunen. Det blir regulert fleire nye naust saman med alt etablert naust i austleg del av planområdet, på kommunal grunn. Desse kan det vere mogleg å få hand om for dei som har delte frå tomter/restar etter naust i strandsona vest for føremål N (naust), men dette skjer på fritt grunnlag, sidan det ikkje ligg føre nokon rett til å byggje naust/byggje opp igjen naust for nokon vest for føremål N i planen. Førespurnad om dette må skje til Grunnkjøpsutvalet i kommunen. Nauststorleiken er endra for å vere i samsvar med gjeldande arealdel som opnar for naust inntil 50 m² og mønehøgde inntil 6 m. Dei andre råda frå fylkesmannen blir teke inn i føresegn for naust. Plankartet er endra, slik at underleg u-sving på gang- og sykkelveg ved o_v_2 er fjerna. Rådmannen ser det som viktig at det blir sikra areal for ein gang- og sykkelveg langs strandsona. Denne biten bind saman to ferdsels område i strandsona, Skjongstranda og Tollbodvegen. Dette arealet ligg innanfor 100 m beltet i strandsona, det kan difor ikkje påreknast å kunne byggje i dette området. Reinseanlegg er flytta aust til kommunalt areal i høve førre offentleg ettersyn. Utfordringane for reinseanlegg blir flytta til eit anna nabolag, det difor viktig at eventuelle ulemper med reinseanlegget blir minimale. I samband med prosjektering av reinseanlegg må denne problematikken bli vurdert og vege tungt. Veg som skal betene tomtene B3 B10 er flytta slik at den vil gå i same trase som i gjeldande plan, men med mindre breidde. Tomtene vil då i hovudsak få tilkomst frå nord, då er det mogleg å få uteområde på sørsida av husa. Fortau har vorte endra til gang- og sykkelveg, den blir liggjande om lag som i førre ettersyn. Den skal vere buffer mellom privat og grøntareal i strandsona. Oppsplitting av veg og gang- og sykkelveg medfører at tomtene B3 B10 blir litt mindre på grunn av det må gå med meir sideareal til desse føremåla. Det vil også bli dyrare å byggje ut både veg og gang- og sykkelveg separat. Gang- og sykkelveg mellom RA og f_l_2 skal vere tilkomst til VA_1 for drift og vedlikehald av pumpestasjon og leikeareal. Føresegn for gesimshøgde for B3- B10 blir endra frå 5 m til inntil 6 m frå gjennomsnittleg planert terreng, for å kunne ha normal etasjehøgd og konstruksjonar. Det er utearel som skal universelt utformast, både privat og offentleg. Det er ikkje lagt

føringar for tilgjenge etter TEK10, med hovudfunksjonar på inngangsplanet for bustadane. Kommuneplanen sin arealdel er ein grovmaska plan, det kan i tilfeller påreknast avvik frå arealdisponering. Dette gjeld spesielt for tekniske installasjonar der det er nødvendig med prosjektering for å kunne finne eigna plassering, slik som reinseanlegg. Det er utarbeidd kommunedelplan for VA for heile kommunen, også den er grovmaska. Reinseanlegg blir flytta aust til kommunal grunn, pumpestasjon må stå i nærleiken til det området der leidningsnettet møtast, sør aust for f_l_2. Merknadar frå fylkesmannen og fylkeskommunen er teke til følgje, regulert frittliggjande naust N1, N2, N3 og N4 er fjerna i høve førre offentleg ettersyn. Det er i staden regulert naust vest for eksisterande naust aust i planområdet. Ta kontakt med Grunnkjøpsutvalet i kommunen om desse. Det er først ved vedtak av planen ein bør forhandle om eventuelt makebyte. Dette må takast opp med Grunnkjøpsutvalet. Rådmannen ønskjer ikkje å handsame byggjesøknad for gnr./bnr. 185/9 og 249 før tidlegast etter at merknadsfristen til 2. gongs offentleg ettersyn er gått ut, for å kunne vurdere innkomne merknadar og behov for eventuelle justeringar av plandokumenta. Veg o_v_3 har vorte flytta i bakkant, GS er justert slik at den ligg midt mellom B3 og B4, byggjegrense mot veg og gang- og sykkelveg (GS) er redusert til 4 m, det er sikra tilkomst til VA_1 og f_l_2 for vedlikehald og drift. Grense mellom B4 og B5 er ikkje endra, føremålsgrense går som eigedomsgrense som før. Dette kan eventuelt gjerast før eigengodkjenning dersom begge partar skriftleg kjem med merknad om dette til 2. gongs offentleg ettersyn, med skisse for endring. Det er i føresegn lagt inn moglegheit til å bruke bustadareal og annan veggrunn for gang- og sykkelveg til skjerming. Eventuell skjerming bør vere gjennomgåande for B3 B9 og ha lik utforming. Det bør vurderast felles prosjektering mellom gang- og sykkelveg og tomtene, men det blir truleg utfordrande sidan det er usikkert når heile tomterekkja blir bygd ut. Veg i bakkant av tomterekkja B4 B10 vil gje meir attraktive tomter, og gang- og sykkelveg på sørsida av tomterekkja B3 B9 vil vere ein buffer mellom privat og felles areal, hindre ei privatisering av strandsona/leikeareal. I samband med utviding av planområdet kom planområdet innanfor gul støysone for vegstøy frå fv131 for gnr./bnr. 185/159. Det er i føresegn sett krav om avklaring/dokumentering i høve støy. For bnr. 159 var det regulert tomteareal inn på eigedom bnr. 158 og med gang- og sykkelveg aust for dette. Del av tomteareal på bnr. 158 som var regulert til bustad er opparbeidd veg. Aust for regulert gang- og sykkelveg i gjeldande plan er det regulert til offentleg bygg, der bygning ligg inn på regulert gang- og sykkelveg. I denne planen blir eksisterande veg regulert som gang- og sykkelveg, bustadtomt bnr. 159 blir redusert og alt regulert areal til offentleg bygg blir utvida med rest arealet. Syner til figur 8 i planomtalen. På grunn av for lite areal til parkering i høve utnytting av tomta, er det regulert inn parkeringsareal på del av gnr./bnr. 185/158. Parkeringsareal skal matrikulerast som realsameige for gnr./bnr. 185/73, slik at dette arealet skal følgje 73 ved eventuelt framtidig sal. Sørvest i planområdet er regulert gang- og sykkelveg justert til bygd veg, overskytande areal er regulert til bustadtomt B15. Det er også fjerna noko grøntareal, dette har vorte lagt inn i bustadtomtene. Det har vore ein avtale om å kjøpe det som var tidlegare tomt B15. Etter utsjekking av avtalen er denne ikkje gyldig lenger, difor er denne tomta også med. Ta kontakt med Grunnkjøpsutvalet om denne tomta.

Oppsummering av endringar sidan føre ettersyn( dei største): Plankart: Flytte o_v_3 bak tomterekkje B3 B10, med svinghamar i tidlegare gang- og sykkelveg Reinseanlegg flytta austover til kommunal grunn, medførte justering av bustadtomt og leikeareal Gang- og sykkelveg mellom B3 B10 er justert, lagt midt i mellom Frittliggjande naust er teke ut, regulert nye naust knytt til eksisterande naustområde o_v_2 har redusert breidde, frå 6 m til 5 m veg Utvida planområdet mot aust, for å auke BYA til 30 %, fortette med ei tomt, leggje gang- og sykkelvegar i alt opparbeidde vegar, justering av føremål i nordaust av planområdet Regulert inn parkeringsareal, o_p2, til offentleg og P3 til privat parkering Sett inn omsynssone for vegstøy i nordaustleg del av planområdet Eit område for konsentrert småhusbusetnad er fjerna Føresegner Lagt inn fleire fellesføresegner, ustabile grunn, tiltak i sjø og nær strandsone, ikkje snu på offentleg veg, krav om utomhusplan, kotehøgde golv bustad Bustadar, sett krav om MUA der det blir opna for 2 mannsbustadar, justert byggjehøge for B3 B10, biloppstillingsplass skal reknast til 18 kvm opne for skjerming mellom B3-B9 og gangog sykkelveg. Lagt inn føresegn for RA Lagt inn føresegn for naust, auka grunnflate frå 40 kvm til 50 kvm, i samsvar med gjeldande kommuneplan. Justering av føresegn for leikeplass, teke med rekkjefølgje krav for B11 til B15. Lagt inn føresegn om parkering Lagt inn omsynssone for støy Nytt punkt som rekkjefølgjekrav, for leikeplass, opparbeiding av o_v_3, samtidig opparbeiding av fortau saman med o_v_2, gang- og sykkelveg mellom RA og GS med opparbeiding av RA og VA_1, opparbeiding resten av GS mot vest som enkel sti og støy. Planomtalen er også endra, både tekst og illustrasjonar. Med vurderingane over og i planomtalen, kan plandokumenta bli oversendt for politisk handsaming for 2. gongs offentleg ettersyn.