Side 1 Fellestenester - Informasjonsavdelinga Vår ref: 2017/1262-2 Dato: 07.06.2017 Til: Frå: Linda Øen Solveig Hus Hansen Notat gjeld: Kommunalt byggetilskot 2017 - Tildeling Levekårskomitèen hadde saka føre i møte 29.05.2017 som sak 2017/17. Vedlagt fylgjer utskrift av møteboka, der vi syner til vedtaket.
Side 2 Saksframlegg Saksmappe Saksbehandlar 2017/1262-1 Linda Øen Saksgang Saksnr Utval Møtedato 2017/17 Levekårskomiteen 29.05.2017 Kommunalt byggetilskot 2017 - Tildeling Innstilling frå rådmannen: tildeler kommunalt byggetilskot som følgjer: Dalheim ungdomslagsshus... Avslag Rosendal samfunnshus... 200 000,- Lagerhus og lagshus for Oppsangervågen kystlag... Avslag Gurine... 200 000,- Undarheim golfbane, Risnesløa... 200 000,- Rosendal rideklubb, innandørs ridebane... 167 000,- Rosendal rideklubb, utandørs ridebane... Avslag Geilovegen vellag, sikring av leikeplass... 30 000,- Uskedal gamleskule... 70 000,- Miniatyskytebane, Varaldsøy... 133 000,- Erslandsparken... Avslag Behandling i Levekårskomiteen den 29.05.2017 Innstillinga frå rådmannen vart samrøystes vedteken. Vedtak frå Levekårskomiteen den 29.05.2017 tildeler kommunalt byggetilskot som følgjer: Dalheim ungdomslagsshus... Avslag Rosendal samfunnshus... 200 000,- Lagerhus og lagshus for Oppsangervågen kystlag... Avslag
Side 3 Gurine... 200 000,- Undarheim golfbane, Risnesløa... 200 000,- Rosendal rideklubb, innandørs ridebane... 167 000,- Rosendal rideklubb, utandørs ridebane... Avslag Geilovegen vellag, sikring av leikeplass... 30 000,- Uskedal gamleskule... 70 000,- Miniatyskytebane, Varaldsøy... 133 000,- Erslandsparken... Avslag Saksutgreiing: Bakgrunn Kommunalt byggetilskot er tilskot avsett på sitt driftsbudsjett. Tilgjengeleg tilskot for fordeling har derfor variert etter kor stort handlingsrom det har vore innanfor vedteke budsjett. I budsjetthandsaminga i 2016 vart det løyvd 1 000 000,- ekstra til ordninga. Tilgjengelege midlar vart derfor på 1 500 000,- og større en på lenge. Ekstraløyvinga resulterte i at det store etterslepet vi har hatt på løyvingar vart merkbart mindre. I budsjetthandsaminga 2017 har vi igjen redusert tilskotet og det er avsett 1 000 000,- til føremålet. Dette er likevel meir en det som har vore åra før 2016. Retningsliner Til rehabilitereing og bygging av private leikeplassar, friluftsliv, idrett og kulturanlegg kan kommunen gje eit tilskot på inntil 1/3 av godkjent byggekostnad. Til anlegg der det kan søkjast om refusjon av meirverdiavgift kan kommunen gje eit tilskot som tilsvara halvparten av godkjend byggekostnad med fråtrekk av forventa spelemidlar og forventa refundert meirverdiavgift. Øvre grense for kommunalt byggetilskot er 500 000,-. Dersom byggekostnaden vert lågare enn venta, skal tilskotet reduserast tilsvarande. Det er ein føresetnad at laget/organisasjonen syt for ein eigenandel på 1/3 av kostnaden. Ved større nybygg/ombyggingar skal planane vera godkjende av kommunen. Byggeplanar for godkjenning kan sendast inn heile året. Godkjende planar medfører ikkje automatisk rett til tilskot. Komité for oppvekst, kultur og idrett fordeler byggetilskot innanfor vedteke budsjett ein gong i året. Det må søkjast på fastsett skjema. Prinsipp lagt til grunn for innstilling Kø-prinsipp Søkjarar som tidlegare år har fått tildelt delar av godkjent søknadssum bør prioriterast, tildeling av godkjent søkjarsum bør skje innan 3 år Opne anlegg til glede for born og unge bør prioriterast
Side 4 Presentasjon av søknader Dalheim Omvikdalen Omvikdalen ungdomslag arbeidar med å oppgradera lagshuset Dalheim. Dei søkjer om byggjetilskot til opprusting av spisesal med nye vindauga, dører, golv, himling, lys og universell utforming. Godkjent søkjarsum: 200 000,- Vurdering: Omvikdalen ungdomslag fekk tilskot til å opprusting av Dalheim i 2016. Dei søkjer no om stønad til no er vidareføring av dette arbeidet. Det er ikkje mogleg å gje løyving til alle som søkjer i 2017. Med bakgrunn i at Omvikdalen fekk innfridd heile sin søknad i 2017 rår Rådmannen til at søknaden vert avslått på grunn av manglande midlar. Omvikdalen ungdomslag kan søkje igjen ved neste utlysing av byggetilskot. Rosendal samfunnshus Rosendal samfunnshus har skifta tak på huset. Arbeidet var heilt naudsynt å gjennomføra då taket var lekk. Arbeidet er nyleg ferdigstilt. Godkjend søkjarsum: 500 000,- Vurdering: Skifte av tak ved Rosendal samfunnshus var heilt naudsynt å gjennomføra for å ta vare på huset. Rådmannen rår til at søknaden vert prioritert med delløyving, det er høve til å søkja om resterande midlar ved neste utlysing av byggetilskot. Lager og lagshus for Oppsangervågen kystlag Oppsangervågen kystlag søkjer om tilskot til lagshus og lagerhus for medlemmene sine. Dei skal også ha plass for utstilling av diverse samlingar/gjenstandar. Vurdering: satsar på Sunde som kystkulturstad. Særleg er det satsa sterkt, med betydelege løyvingar, på Sunde kyst og litteratursenter med Bergslagen. Dette er tenkt som ein samlingsstad for kystkulturaktivtet på Sunde. Det er flott at det er fleire aktørar som er aktive innan kystkultur på Sunde. Rådmannen rår ikkje til å stø 2 anlegg på Sunde som til dels fyller same føremål. Rådmannen rår vidare til at søknaden vert avslått og at Oppsangervågen kystlag saman med Sunde kyst og litteratursenter klargjer kva funksjonar ein kan samarbeida om, og korleis anlegget ved Oppsangervågen eventuelt kan utfylla Sunde kyst og litteratursenter, før ein eventuelt fremjar ny søknad. Restaurering av Jakta Gurine Interesselaget for Galeas Gurine har over fleire år restaurert jakta Gurine. Jakta skal etter ferdigstilling ha kaiplass framfor Skipsbyggjarmuseet og Folgefonnsenteret. Jakta skal forutan å seglast med, mellom anna nyttast som arena for høvelege kulturarrangement. Vurdering: Restaurering av Jakta Gurine er eit svært vellukka prosjekt som no er i sluttfasen. Forutan litt hjelp i starten med å få Jakta løyst ut og frakta til Rosendal har restaureringsarbeidet fram til no hovudsakleg vore finansiert utan kommunalt tilskot. Situasjonen for Gurine er no slik at dei av ulike årsakar har mist fleire av sine faste støttespelarar, og vidare arbeid står i fare for å
Side 5 stoppa opp. Anlegget bør prioriterast med ei delløyving, det er høve til å søkja om resterande midlar ved neste utlysing av byggetilskot. Undarheim golfbane Risnesløa Kvinnherad golfklubb har over fleire år hatt søknader inne om byggetilskot til følgjande anlegg: Garderobeanlegg- godkjent søkjarsum 500 000,- Klubblokal godkjent søkjarsum 500 000,- Lager/driftshus godkjent søkjarsum 84 000,- Anlegga er ferdige. Ved oppstart av arbeidet søkte golfklubben om byggetilskot, byggetilskotet vart då teken bort. Grunna dette har Golfklubben store låneutgifter og kom derfor inn på byggetilskotordninga igjen i 2014. Golfklubben har fått utløyst løyvingar til Garderobeanlegg, lager/driftshus og delar av godkjend søkjarsum til klubblokal ved tidlegare tildelingar. Det står igjen ei restløyving på kr 265 000,- til klubblokal. Vurdering: Kvinnherad golfklubb har eit stort byggelån dei må handtera og dei bør prioriterast. Samstundes er det viktig å finne ein balanse mellom søknadane til Kvinnherad golfklubb og andre søkjarar. Ein må vere førebudd på at det går meir enn 3 år å få løyving til alle anlegga det er søkt om. Rådmannen rår til at anlegget vert prioritert med ei delløyving, det er høve til å søkja om resterande midlar ved neste utlysing av byggetilskot. Innandørs og utandørs ridebane, Byggesteg 1 og byggesteg 2 Rosendal rideklubb planlegg å byggja utandørs ridebane. Banen skal erstatta eksisterande ridebane i Rosendal som no er regulert til bustadføremål. Bana er tenkt plassert ved eksisterande ridehall. Dei planlegg også å opprusting av innvendig ridebane med nytt banedekke. Dei søkjer om Byggetilskot til følgjande: Byggesteg 1. Flytting av luftegardar og innvendes banedekke Byggesteg 2: Ny utandørs ridebane Retningslinene for søknad om byggetilskot gjeld for anlegg og ikkje byggjesteg. På bakgrunn av dette har sakshandsamar i samråd med søkjar retta søknad til: Innadørs bane Godkjent søkjarsum 167 000,- Utandørs bane (inkludert flytting av luftegardar) Godkjent søkjarsum 500 000,- Vurdering: Rosendal rideklubb driv aktivt med ridekurs for born og unge gjennom heile året. For å driva trygt med denne sporten er det viktig med gode anlegg/ banar som ivretek sikkerheit og helse, både for ryttar og hest. Det er ei føremon at klubben samlar både utandørs og innandørs bane på ein stad. Anlegga bør prioriterast med løyving til eit av anlegga i 2017, det er høve til å søkje på nytt til neste anlegg ved neste utlysing av byggetilskot. Geilo vel Leikeplass Geilovegen vellag på Valen søkjer om tilskot til å rusta opp leikeplass. I 2016 fekk dei midlar til å grøfta og grusa bane. Dei søkjer no om midlar til å sikring av plassen. Godkjend søkjarsum: 30 000,-
Side 6 Vurdering: Gode leikeplassar og aktivitetsanlegg for born og unge er av stor betyding for born og unge sine oppvekstkår. Anlegget bør prioriterast med løyving på heile summen det er søkt om. Erslandsparken IL Ternen arbeidar med å etablera Erslandsparken med kunstgrasbane, rulleskiløype, klatrepark og kolonihage. Anlegget ligg på kommunal grunn i tilknyting til Skarveland skule. IL Ternen har inngått ein intensjonsavtale med om at dette anlegget skal byggjast ut i offentleg- privat samarbeid. Søknadssum: 2 560 000,- Vurdering: Kommunedelplan for idrett, fysisk aktivitet og friluftsliv slår fast at utbygging av nærmiljøanlegg i tilknyting til skule og barnehageanlegg bør byggjast ut i eit offentleg privat samarbeid og offentleg medfinansiering/eigenandel bør avklarast i økonomiplanarbeidet. Rådmannen rår til at søknaden vert avslått for kommunalt byggetilskot og at den vert handsama i samband med rullering av Kommunedelplan for idrett, fysisk aktivitet og friluftsliv og arbeid med økonomiplan. Miniatyrskytebane Vareld skyttarlag Vareld skyttarlag søkjer om tilskot til å byggja ein innandørs miniatyrskytebane (15 m.) med plass for 3 elektroniske skiver. Anlegget er tenkt i tilknyting til skyttarlaget sitt baneanlegg på «Gjuvslandsfetå» på Varaldsøy. Godkjend søkjarsum: 133 000,- Vurdering: Skyttarlaget er det laget som har tilbod til dei unge på Varaldsøy i sommarhalvåret. Skal ungdom på Varaldsøy vera med på andre organiserte idrettsaktivitetar må dei reisa med ferje anten til Rosendal eller Hatlestrand. Med ein minityrskytebane kan Vareld skyttarlag tilby eit godt tilbod gjennom heile året. Rådmannen rår til at anlegget vert prioritert. Gamleskulen Uskedal utvikling Uskedal utvikling søkjer om tilskot til å rehabilitera kjellar på Gamleskulen i Uskedalen med Entré/garderobe, kjøkkenkrok, forsamlingsrom og wc. Godkjent søkjarsum: 300 000,- Vurdering: Uskedal utvikling vart løyvd byggetilskot for fyrste del av arbeidet med kjellar i 2014 og 2015. Rådmannen rår til at anlegget vert prioritert med ei delløyving, det er høve til å søkja om resterande midlar ved neste utlysing av byggetilskot. Økonomisk konsekvens: Miljømessig konsekvens: Vedlegg:
Side 7