Side 2 av 12 Saksutgreiing til folkevalde organ Dato: Arkivref: 20.04.2017 2006/2836 9618/2017 / 504 Saksbehandlar: Njål Gunnar Slettebø 53 42 31 32 njal gunnar.slettebo@bomlo.kommune.no Sak nr i møte Utval Møtedato 54/17 Utval for areal og samferdsel 07.06.2017 FRAMLEGG TIL DETALJREGULERINGSPLAN FOR FRITIDSBUSTADER KLUNGERVIKA 65/21 M.FL. GODDO PLANID 201404 Rådmannen sitt framlegg til vedtak: 1. Framlegg til detaljreguleringsplan for fritidsbustadområde Klungervika gnr. 65, bnr. 21 m.fl. i Bømlo datert 19.04.2017 med tilhøyrande reguleringsføresegner vert i medhald av plan og bygningslova 12 10 vedteke utlagt til offentleg gjennomsyn. 2. Reguleringsplan FV 18 Goddebrua Austvik vedteken i kommunestyret 12.11.2012 vert oppheva for det området som vert omfatta av ny plan. Saksprotokoll i Utval for areal og samferdsel 07.06.2017 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Gøtz AS v/kari Hilde Rommetveit med framlegg til reguleringsplan dato 19.04.2017 Brev frå Gøtz AS v/vidar Vedå melding om oppstart 06.11.2006 Brev frå Hordaland Fylkeskommune dato 23.11.2006 Brev frå Kystverket dato 24.11.2006 Brev frå Fylkesmannen i Hordaland, landbruksavdelinga, dato 27.11.2006 Brev frå Bergens sjøfartsmuseum dato 29.11.2006 Brev frå Fylkesmannen i Hordaland, miljøvernavdelinga, dato 10.01.2007 Brev frå Bergens sjøfartsmuseum dato 25.10.2007 Brev frå Hordaland Fylkeskommune dato 10.12.2007
Side 3 av 12 Bakgrunn for saka: Planarbeidet er starta opp på initiativ av grunneigar Økland Maskin og Grus AS v/willy Økland hausten 2006. Det er meldt oppstart etter gamal Plan og bygningslov. Reguleringsplanframlegget er laga etter Plan og bygningslova av 2008. Det er avklara med Fylkesmannen i Hordaland i 2014 at ny oppstartsmelding ikkje er naudsynt. Føremålet med planarbeidet er å leggja til rette for bygging av nye fritidsbustader, sjøbuer, småbåtanlegg og kai med tilhøyrande tilkomstveg, parkering, leike og friluftsareal. I brev av 06.11.2006 står det: I medhald av 27 1 og 30 i Plan og bygningslova, vert det med dette meldt at arbeidet med privat reguleringsplan er starta opp, for hyttefelt Klungervika, Bømlo kommune. Planområdet omfattar del av gnr. 65 bnr. 2, og utgjer i alt ca.113 da. Området vil bli foreslått regulert til hytter, naust og småbåthamn med tilhøyrande trafikkareal og friluftsområde, i tråd med gjeldande kommuneplanen. Mogelege merknader til planarbeidet må sendast skriftleg til underteikna innan 3 veker. Gøtz AS v/kari Hilde Rommetveit har på vegne av Økland Maskin og Grus AS v/willy Økland sendt framlegg til privat detaljreguleringsplan for gnr. 65, bnr. 21. PLANSTATUS: Kommuneplan I gjeldande kommuneplan er området vist som framtidig fritidsbusetnad og LNFR område, og i sjø vist som noverande bruk og vern av sjø og vassdrag med tilhøyrande strandsone. Det er krav til reguleringsplan for den delen av området som er sett av til fritidsbustader. Ca. 100 meter utanfor planområdet i sjø er det avsett eit område for "Akvakultur" i kommuneplanen. Då ein starta opp arbeidet med reguleringsplan for fritids og naustområde Kruneneset som ligg sør for Klungervik vart kommunen informert om at dette området ikkje lenger er aktivt. Det har ikkje vore aktivitet her sidan på fleire år. Kommunen meinte området må takast ut av kommuneplanen, og viser til at det er Fiskerisjefen som har mynde til å fjerne slike område. Reguleringsplan Delar av området er regulert i reguleringsplan med planid 201004, Fylkesveg 18 Goddebrua Austvik. Denne planen omfattar eit mindre område i vest den delen av FV 18 som inngår i planområdet. I samråd med kommunen, har ein teke med avkøyrsla frå fylkesvegen, deler av køyreveg og annan veggrunn i planområdet. Dette for å unngå å dele den eksisterande reguleringsplanen i området i to. Planforslaget Forslagsstiller er Økland Maskin og Grus AS v/willy Økland. Planområdet er totalt ca. 120 daa. Av det er: 1. Bygningar og anlegg Fritidsbustadar frittliggjande, BFF1 BFF6 10,6 daa Renovasjonsanlegg, f_bre 0,05 daa Småbåtanlegg i sjø og vassdrag med tilhøyrande strandsone, f_bbs 1,3 daa Uthus/naust/badehus, BUN1 BUN2 0,4 daa
Side 4 av 12 Leikeplass, f_blk 0,9 daa 2. Samferdsleanlegg og teknisk infrastruktur Køyreveg, o_skv1, f_skv2 3 4,6 daa Gangveg/gangareal, f_sgg1 f_sgg2, SGG3 SGG5 0,6 daa Annan veggrunn Teknisk anlegg, o_svt1 o_svt2 3,6 daa Annan veggrunn grøntareal, SVG1 SVG6 4,1 daa Kai, f_sk 0,1 daa Parkeringsplassar, f_spp1 f_spp4 0,8 daa 3. Landbruks, natur og friområde samt reindrift Friluftsformål, LF1 LF9 78,5 daa 4. Bruk og vern av sjø og vassdrag Bruk og vern av sjø og vassdrag med tilhøyrande strandsone, V 12,9 daa Badeområde, f_vb 1,2 daa 5. Omsynssoner Frisikt, H140_1 H140_4 0,3 daa Fritidsbustader frittliggjande, BFF1 BFF6 Det er planlagd til saman 16 stk. frittliggjande fritidsbustader i området. Det er ingen hytter i området frå før. I planen har ein nummerert dei nye hyttene og plassert dei innanfor det området som er avsett til fritidsbustader i kommuneplanen. Tomtene er teikna inn der kor det er mist høgdevariasjon og fritidsbustadane vil tilpassast terrenget, samstundes som ein prøver å ta omsyn til utsikt og solforhold. I føresegnene har ein satt maks tillete bruksareal pr. eining til 110 m2. maks mønehøgd er 6,5m over gjennomsnittleg planert terreng. Takform skal fastsettast i byggjemeldinga. Dei fleste hyttene vil parkere på felles parkeringsplassar. Dei hyttene som ligg til veg, vil parkere på eiga tomt. Renovasjonsanlegg, f_bre Området f_bre skal nyttast til plassering av bossdunkar/hyttekontainer for brukarane av planområdet. Området er lagt langs veg for enkel tilkomst for bossbil. Småbåtanlegg i sjø og vassdrag, f_bbs Området kan nyttast som småbåtanlegg for småbåtar. Det er ikkje lagt inn område for småbåtanlegg i gjeldande kommuneplan, men det er svært ynskjeleg for hytter som ligg i nærleik til sjø å ha båtplass i nærleiken. Småbåtanlegget vil bli knytt til planlagde fritidsbustader og sjøbuer, og skal gi 16 stk. båtplassar ein per fritidsbustad. Kaien skal ikkje fyllast ut i sjø, men vere ein lettkonstruksjon som skal boltast fast i fjell i bakkant. Like så skal bølgjebrytaren bestå av betongelement. Tiltaket vil såleis ikkje medføre terrenginngrep i strandsona. Ein sti frå enden av f_skv2 sikrar tilkomst til småbåtanlegget. Kaien skal vere open for allmenn ferdsle, slik at ein hindrar privatisering av strandsona her. Uthus/naust/badehus, BUN1 BUN2 Det er sett av to område for mindre sjøbuer. Det er planlagd 16 buer, slik at kvar hytte disponerer ei sjøbu kvar. Her kan hytteeigarane lagre fiskereiskapar, båtutstyr o.l. Sjøbuene vert liggjande i dalsøkket mellom dei to høgdedraga, noko som gjer at dei ikkje vert synlege i landskapet. Dei er trekt om lag 70m vekk frå strandsona. Det er svært praktisk for hytteeigarane å kunne ha ein lagringsplass i nærleiken av sjø og småbåtanlegget.
Side 5 av 12 Leikeplass, f_blk Leikeområdet f_blk skal nyttast til felles leikeplass/uteopphaldsareal for alle eigedomane innanfor plangrensa. Området eignar seg godt, då det ikkje er for bratt og solforholda er gode. Terreng og vegetasjon skal ivaretakast så lang det let seg gjere. Området er meint til leik og mindre konstruksjonar knytt til felles aktivitetar. Det kan etablerast sti og sittegrupper i området. Området kan også nyttast til bygging av pumpestasjon for avløpsvatn, trafokioskar eller kabelskap. Køyreveg, o_skv1, f_skv2 3 I planen har ein tenkt tilkomst frå Fv18 og at parkering hovudsakleg skal skje på felles parkeringsplassar i hyttefeltet. Fv18 går gjennom planområdet i vest, og ein har tilpassa plangrense og formålsgrenser til eksisterande reguleringsplan «Fv. 18 Goddebrua Austvik» med planid: 201004. Fv18 har fartsgrense 80 km/t og ÅDT på 400 forbi planområdet i dag. Det er ikkje etablert køyreveg inn til planområdet i dag. F_SKV2 skal opparbeidast som felles tilkomstveg for dei nye fritidsbustadane. Regulert breidd for f_skv2 er 4,0m. Vegen kan opparbeidast med asfalt. Ein har vald å la vegen gå nesten heilt ned til sjøen. Dette er gjort for å gjere området meir tilgjengeleg. Det også sett av eit område for sjøbuer med tilhøyrande parkering. Frå der kor f_skv2 sluttar, vil det gå gangveg/sti ned til badestranda og småbåtanlegget. Ein har forsøkt å leggje vegtraseen slik at ein unngår store terrenginngrep. Gangveg/gangareal, f_sgg1 f_sgg2, SGG3 SGG5 Det er teikna inn gangveg frå parkeringsplass f_spp1 til hyttetomtene lengst nord for å sikre tilkomst til desse. Regulert breidde for gangvegen er 3,0m. Gangvegen skal opparbeidast med grus. Vidare er det regulert inn ein felles gangveg frå der kor f_skv2 sluttar og bort til felles kai og småbåtanlegg. Dette skal i realiteten vere ein sti, så regulert breidde er 1,5m. Ein har lagt inn i føresegnene at terrenginngrep i størst mogleg grad skal unngåast. Areala SGG3 SGG5 skal nyttast til sti/ gangveg for fritidseigedomane 1, 7 og 8. Annan veggrunn Teknisk anlegg, o_svt1 o_svt2 Arealet er vidareført frå gjeldande reguleringsplan «Fv. 18 Goddebrua Austvik» med planid: 201004. Føresegner for arealet gitt i denne planen skal framleis gjelde for dette arealet. Annan veggrunn grøntareal, SVG1 SVG6 Arealet skal nyttast som grøntareal for vegane i planområdet. Områda kan nyttast til vegutviding, avkøyrsler, snølagring, grøfter, skråningar, skjeringar og plassering.. Kai, f_sk Det er teikna inn eit område for kai nord for småbåtanlegget, f_sk. Kaien skal skjerme småbåtanlegget og fungere som bølgjebrytar. Kaien skal bestå av betongelement, og vil ikkje krevje permanente terrenginngrep i strandsona. Kaien/bølgjebrytaren skal vera open for ålmenn ferdsle og det skal ikkje setjast opp gjerde eller andre stengsel som hindrar fri ferdsle i strandsona. Parkeringsplassar, f_spp1 f_spp4 Det er sett av 4 område for parkering, totalt 36 parkeringsplassar. F_SPP1 (18 p plassar): F_SPP1 er til bruk for fritidsbustad nr. 1 og 9 16. Desse disponerer 2 p plassar kvar.
Side 6 av 12 F_SPP2 (4 p plassar): F_SPP2 er til bruk for fritidsbustad nr. 2 4. Fritidsbustad nr. 2 og 4 disponerer 1 p plass kvar, og fritidsbustad nr. 3 disponerer 2 p plassar. F_SPP3 (10 p plassar): F_SPP3 er til bruk for eigarane av båtplassane og sjøbuene innanfor planområdet. Totalt skal det etablerast 10 båtplassar her. F_SPP4 (4 p plassar): F_SPP4 er til bruk for fritidsbustadane 7 og 8. Desse disponerer 2 p. plassar kvar. Fritidsbustadane 5 og 6 skal disponere 2 parkeringsplassar kvar på eigen grunn. Fritidsbustadane 2 og 4 skal disponere 1 parkeringsplass kvar på eigen grunn. Friluftsformål LF1 LF9 Utgjer storparten av utmarka i dag og er meint til friluftsområde for tilgrensande eigedommar. Friluftsområda skal vere fritt tilgjengelege for ålmenta. Bruk og vern av sjø og vassdrag med tilhøyrande. strandsone, V Desse områda er meint som ålment tilgjengelege friluftsområde, og kan nyttast til sjø og vassaktivitetar. Badeområde f_vb Dette området er avsett som badeområde. Det er lov å setje opp mindre sittegrupper i tilknyting til badeområdet dersom det føreligg løyve frå grunneigar. Frisikt, H140_1 H140_4 Innanfor denne sona må det vere tilfredsstillande frisikt i kryss og avkøyrsler. Vatn og avlaup Det skal borast etter vatn. Spillvatn vil bli samla og knytt til ein felles slamavskiljar/reinseanlegg med utslepp i sjø. Overvatn Overvatn langs vegar og hytter vil bli samla opp og ført til sjø. Straum Det er straum i nærområdet i dag og det vil ikkje vere noko problem å leggje straum til hytteområdet. Vurderingar: Merknader til oppstart av planarbeidet I samband med oppstartsmeldinga er det kome inn nokre merknader som følgjer vedlagt. Her kjem planleggjar sine samandrag av innkomne merknader og hans kommentarar til desse: 1. Hordaland Fylkeskommune dato 23.11.2006 Vi viser til brev av 06.11.06, motteke 09.11.06 med ovanfor nemnde sak til høyring. Saka gjeld oppstart av planarbeid for Klungervika gnr. 65 bnr. 2 Bømlo kommune. Planområdet utgjer i alt ca. 113 da. Føremålet med planarbeidet er tilrettelegging for hytter, naust og småbåthamn med tilhøyrande trafikkareal og friluftsområde.
Side 7 av 12 Hordaland fylkeskommune prioriterer samhandling med kommunane i kommuneplanlegging og reguleringsplanlegging. Oppstartmeldingar som vert sendt hit direkte frå private vil for tida ikkje bli konkret vurdert ut frå andre regionale interesser enn kulturminne. Når det gjeld regionale interesser som kan ha verknad for planlegginga, ber vi om at forslagsstillar nøye vurderer regional arealpolitikk slik den går fram av fylkesplanen og fylkesdelplanar og er formidla på fylkeskommunen sine internettsider under Kommunesamarbeid/arealpolitikk. Dersom det er motstrid mellom gjeldande arealpolitikk og innhaldet i planen er utbyggjar velkomen til nærare samhandling med fylkeskommunen på eige initiativ. Vi gjer merksam på at vi i samband med høyring av eit planforslag vil leggje vekt på arealpolitikken og dei fylkespolitiske retningslinene og kan eventuelt fremja motsegn til desse. I det fylgjande vert oppstartmeldinga konkret vurdert ut i frå fylkeskommunen sitt ansvar for kulturminnevernet. Seksjon for kulturminnevern og museum vil minne om pkt. 2 i <lei regionale retningslinene i fylkesdelplan for kulturminne der dokumentasjon av kulturminne og kulturmiljø skal gjerast på eit tidleg stadium i all arealplanlegging. Planar som ikkje har tilfredsstillande dokumentasjon om kulturminne kan returnerast for utfyllande dokumentasjon. Vi ber om at eventuelle kulturminneinteresser vert omtalte, verneverdiane vurderte og teke omsyn til i det vidare planarbeidet. Her er det viktig å få fram ikkje berre fornminne og bygningar/bygningsmiljø, men og steingardar, gamle ferdselsårer, utmarksminne, tekniske kulturminne, kulturlandskap, m.m. Ut frå våre arkiv er det ikkje kjende automatisk freda eller arkivopplysningar om SEFRAKregistrerte bygningar innafor planområdet. Seksjon for kulturminnevern og museum har vurdert planområdet til å ha potensial for funn av automatisk freda kulturminne. Delar av planområdet ligg i ei høgd over havet med særskild potensiale for funn frå steinalder. Det må difor påreknas ei arkeologisk registrering for å få oppfylt undersøkingsplikta, jf. Kulturminneloven 9. Det er ofte føremålstenleg å få området registrert før planen er ferdig utforma for å kunne ta omsyn til eventuelle konfliktar med automatisk freda kulturminne. Vi gjer merksam på at det er tiltakshavar som må bere kostnadane med ei slik undersøking, jf. Kulturminneloven 9 og I0. Vi vil og minne om at vi har ein lovfesta tidsfrist på inntil 3 + I månader etter reguleringsplanen er lagt ut til offentleg høyring, jf. Kulturminneloven 9. Om det er ynskjeleg med ei slik undersøking i samband med utarbeidinga av eit planframlegg, ber vi om godkjenning av vedlagt kostnadsoverslag. Vi gjer merksam på at planane må reviderast eller eventuelt leggjast fram for Riksantikvaren som dispensasjonsmynde dersom det viser seg at planen kjem i konflikt med automatisk freda kulturminne. Saka må leggast fram for Bergens Sjøfartsmuseum for fråsegn i høve til marine kulturminne. Museet vil gje endeleg fråsegn i samband med offentleg høyring av planen.
Side 8 av 12 Kommentar: Tiltakshavar har godkjent kostnadsoverslaget. 2. Hordaland Fylkeskommune dato 10.12.2007 Hordaland fylkeskommune har utfort den arkeologiske registreringa i planområdet. Det vart ikkje avdekka automatisk freda kulturminne innanfor planområdet. Hordaland fylkeskommune ber om at fylgjande tekst vert teke med under felles føresegner: Det kan vera uregistrerte fornminne i området. Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden, jf. Kulturminnelova 8, 2 ledd. Vi viser til kopi av Bergens sjøfartsmuseum si uttale av 25.10.07. Museet vil gje endeleg uttale i samband med offentleg høyring av planen. Hordaland fylkeskommune har ikkje ytterlegare merknader til oppstartsmeldinga, og vil gje endeleg fråsegn i samband med offentleg utlegging av eit planframlegg. Kommentar: Ein har kommentert kulturminne som eige punkt i planomtalen. Det er lagt inn i føresegner 2.5 at tiltakshavar har aktsemd og meldeplikt, jfr. lov om kulturminne av 1976, 8, som seier at arbeidet skal stoppast og kulturvernmyndigheitene varslast dersom tiltakshavar under arbeidet oppdagar gjenstandar eller andre spor etter tidlegare menneskeleg aktivitet. 3. Kystverket Vest, dato 24.11.2006 Kystverket har ingen innvendinger til at det igangsettes reguleringsarbeid som vist i brev og kartskisse, men vi vil sette pris på om det for fremtiden også blir lagt ved oversiktskart som viser planområdet i en større sammenheng. I planen inngår blant annet småbåtanlegg i sjø. Vi gjør oppmerksom på at aktuelle tiltak som kaier, flytebrygger, utfyllinger, sjøledninger m.m. krever tillatelse av havnemyndighetene i tillegg til behandling etter plan og bygningsloven, jfr. Havne og farvannsloven 18 annet ledd. Vi vil be om at det innarbeides i reguleringsbestemmelsene at tiltak i sjø som faller inn under havne og farvannslovens bestemmelser skal godkjennes av Karmsund havnevesen. Det er viktig at det ikke avsettes større arealer i sjø til "enkelt interesser'' enn det som er strengt nødvendig, samt at det ikke planlegges tiltak som kan hindre ferdselen. Kystverket ber om at planforslaget oversendes til oss når dette foreligger ferdig utarbeidet. Kommentar: Det er teke omsyn til merknadane i planarbeidet jf. føresegner 2.3. 4. Fylkesmannen i Hordaland, landbruksavdelinga, dato 27.11.2006 Har førebels ingen merknad til oppstart. 5. Fylkesmannen i Hordaland, miljøvernavdelinga, dato 10.01.2007 Vi viser til brev av 06.11.06 med melding om oppstart av reguleringsplan for Klungervika, på gnr. 65 bnr. 2 i Bømlo kommune. Føremålet med planarbeidet er å regulerer til hytter, naust og småbåthamn med tilhøyrande trafikkareal og friluftsområde.
Side 9 av 12 Fylkesmannen har ansvar for at nasjonal areal og miljøpolitikk blir ivaretatt i planar etter plan og bygningslova. Arealbruksformål i reguleringsplanar skal være avklart i overordna plan. I kommuneplan for Bømlo er delar av planområdet sett av til byggeområde for hytter. Dette området ligg tilbaketrekt frå sjøen. Resten av arealet mot sjøen er sett av til landbruks, natur og friluftsområde. Fylkesmannen føreset at hyttene vert plassert innanfor område som er sett av til byggeområde for fritidsbustader i kommuneplanen. Det er ikkje sett av område for naust og småbåthamn innanfor planområdet i kommuneplanen. Fylkesmannen vil vera kritisk til arealbruk i strandsona som er i strid med kommuneplanen jf. den nasjonale innskjerpinga av strandsonevernet. Dersom reguleringsplanen legg opp til arealbruk langs strandsona i strid med kommuneplanen vil fylkesmannen vurdere å fremje motsegn. Veileder om planlegging av fritidsbebyggelse (MD, nov 2005) har som mål at fritidsbusetnad skal lokaliserast og utformast med vekt på landskap, estetikk, miljøverdiar og ressursbruk. Vegar og parkeringsplassar bør planleggast på ein arealeffektiv måte med til dømes felles parkeringsplass og gangveg til hyttene. Samanhengande grøntstruktur og stiar må sikrast. Miljøkvalitetar i landskapet skal sikrast og utviklast gjennom medveten planlegging og arealpolitikk. Som premiss for nasjonal arealpolitikk ligg den Europeiske landskapskonvensjonen med mål om å ta omsyn til natur og kulturlandskap i planlegginga. Bygg og anlegg må tilpassast naturlandskap og terreng samt kultur og byggelandskap. Plassering av tiltak på høgdedrag eller i brot med landskapssilhuett samt større terrenginngrep som utsprenging og planering er uheldig. Dette gjelder særlig i bratt og kupert terreng. Område for friluftsliv og leik, naturelement og samanhengande grøntstruktur skal takast vare på og synliggjerast gjennom føresegnene. Reguleringsplanframlegget må syne risiko og sårbarheitsvurderingar av tiltaket, slik at alle forhold ved arealet og arealbruken blir kjent, uansett om risikoen blir vurdert til å være akseptabel. Kommentar: Alle dei planlagde fritidsbustadane er plassert innanfor det området som er avsett til fritidsbustader i kommuneplanen. I utgangspunktet er det ikkje sett av areal til naust/sjøbuer eller småbåtanlegg i kommuneplanen, men då ein starta opp med planarbeidet i 2006, viste gjeldande kommuneplan eit område for naust på vestsida av vika. Ein såg snart at det ville bli vanskeleg å leggje til rette for naust her, då terrenget er bratt og tiltaket ville ført til store terrenginngrep. Ein såg difor på moglegheita for å legge til rette for eit naustområde på austsida av vika i staden. Fellesnaust vart også vurdert. Kommunen var i utgangspunktet negative til naustbygging i strandsona, men var einige i at hytteeigarane burde sikrast tilkomst og bruk av sjø og badeområde. Nausta vart difor erstatta av mindre sjøbuer, og desse vart trekt godt opp frå strandlina (om lag 70m). Det er planlagd 16 sjøbuer, slik at kvar hytte disponerer ei sjøbu kvar. Her kan hytteeigarane lagre fiskereiskapar, båtutstyr o.l. Sjøbuene vert liggjande i dalsøkket mellom dei to høgdedraga, noko som gjer at dei ikkje vert synlege i landskapet. Det er svært praktisk for hytteeigarane å kunne ha ein lagringsplass i nærleiken av sjø og småbåtanlegget. Med hytter i nærleik til sjø, vil det vere naturleg å etablere tilhøyrande båtplass. Det er difor regulert inn eit område for småbåtanlegg på austsida av Klungervika. Kaien skal ikkje fyllast ut i sjø, men vere ein lettkonstruksjon som skal boltast fast i fjell i bakkant. På den måten unngår ein store terrenginngrep i strandsona. Bølgjebrytaren består av betongelement, og vil heller ikkje krevja permanente terrenginngrep.
Side 10 av 12 Dei planlagde tiltaka i og i nærleiken av strandsona vil erstatte området som var avsett til naust i kommuneplanen innanfor 65/21 (tidlegare del av 65/2). Dette området er i reguleringsplanen no avsett til friluftsområde og vil forbli urørt. Område for kai, friluftsliv, badeområde, køyrevegar og stiar er sikra ålmenn tilgjenge i føresegner 3.3.3, 4.1.6, 4.2.5, 4.5.2, 5.1.5 og 6.2.2. 6. Bergens sjøfartsmuseum dato 29.11.2006 Planområdet omfatter arealer i sjø og ligger innenfor et prioritert marinarkeologisk område. Den foreløpige oppstartsmeldingen for reguleringen gjør ikke rede for hva slags karakter inngrepene vil ha. Bergens Sjøfartsmuseum vil som rette vedkommende myndighet etter forskrift til Lov av 9. juni 1978 nr. 50 om kulturminner, anmode om at vi blir tilsendt det konkrete reguleringsforslaget gjennom Hordaland fylkeskommune for uttale. Når dette foreligger kan vi gjøre en nøyere vurdering av om registreringer i sjøen i forbindelse med reguleringen er nødvendig. Vi minner for ordens skyld om at tiltakshaver eventuelt plikter å dekke kostnadene for slike undersøkelser jfr. Kulturminnelovens 9 og 10. Bergens sjøfartsmuseum dato 25.10.2007 Den 23.10.2007 gjennomførte Bergens Sjøfartsmuseum en marinarkeologisk befaring i planområdet for ovennevnte sak. Befaringen tok sikte på å vurdere potensialet for marine kulturminner i reguleringsområdet og det maritime kulturlandskapet på stedet. Viser til vedlagte notat fra undersøkelsen. Konklusjonen fra vår befaring er at det ikke ble observert eldre fortøyningsgods eller andre spor etter bruk av Klungervika som havn eller ankringssted i eldre tid. Landskapet framstår også ellers som relativt urørt. Sannsynligheten for å gjøre funn av vernede eller automatisk fredete marine kulturminner i reguleringsområdet anses derfor som begrenset. Det ble imidlertid funnet deler av båt på stranden inne viken, men disse er sannsynligvis fra 1900 tallet, og derfor ikke vernet etter Kulturminnelovens 14. Ettersom planen befinner seg på oppstartsnivå er tiltakene i planen ennå ikke nøyaktig skissert. Museet kan derfor ikke avgi endelig uttale i saken før vi har sett hvilke konkrete tiltak som planlegges, og minner om at undersøkelsesplikten etter Lov av 9. juni 1978 nr. 50 om kulturminner, 9, fortsatt er gjeldende i saken. Museet anmoder om at vi blir oversendt reguleringsplanen til uttale når denne foreligger. Vi kan da gjøre en vurdering av behovet for eventuelle videre marinarkeologiske undersøkelser i planområdet. Dette vil avhenge av størrelsen på de foreslåtte inngrep i sjøbunnen. Kommentar: Etter det første brevet, tok ein kontakt med Bergens sjøfartsmuseum for å få dei til å ta ei synfaring på staden. Det vart altså ikkje funne noko, og dei ser sannsynet for å gjere funn som avgrensa. Bergens sjøfartsmuseum vil få tilsend det konkrete planforslaget når dette vert lagt ut til offentleg ettersyn. Ein har lagt inn i føresegnene at tiltakshavar pliktar å gje melding til Bergens sjøfartsmuseum dersom ein under arbeid i sjøområda finn skipsvrak, keramikk eller andre kulturminne. Dersom kulturminne på
Side 11 av 12 sjøbotnen kan verta råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve områda. Eventuelle brot på desse vilkåra vil vere i strid med føresegnene i Lov av 9. juni 1987 nr. 50 om kulturminne. Vurderingar: I planforslaget ynskjer ein å leggje til rette for 16 stk. fritidsbustader og 16 stk. små sjøbuer med tilhøyrande tilkomstveg, gangvegar, parkeringsplassar og småbåtanlegg. I gjeldande kommuneplan er området vist som fritidsbustader med krav til regulering, og som LNFR område. Planlagd utbygging fylgjer i stor grad rammene som er satt i kommuneplanen, men avviker litt på dette: Vegtilkomst, parkering og sjøbuer i LNFR føremål. Småbåtanlegg og kai i sjø i føremål for bruk og vern av sjø og vassdrag med tilhøyrande strandsone. Bygging av sjøbuer, parkering, tilkomstveg og småbåtanlegg/kai i sjø er i strid med føremålet i kommuneplan. For å sikre tilkomst til og bruk av sjø og badeområde for hytteeigarane ynskjer ein å tilrettelegge for bygging av små sjøbuer og parkering med tilkomstveg i LNFR område. Sjøbuene er plassert i tilknyting til parkeringsareal og er trekt vekk frå strandlina, ca. 70 meter. Rådmannen meiner at dette tiltaket kan tilrådast då sjøbuene vert liggjande i eit dalsøkk mellom 2 høgdedrag og vert lite synlege i landskapet. Det skal ikkje fyllast i sjø. Kaien skal vera ein lettkonstruksjon som skal boltast fast i fjell i bakkant. Bølgjebrytaren består av betongelement som ikkje vil krevja permanente terrenginngrep. Ein unngår på denne måten store terrenginngrep i strandsona. Ålmenta sin tilgong til sjø er sikra gjennom føresegner. Føresegner til kommuneplan 3.3 seier dette om utforming og estetikk: Byggjetiltak som i nærmiljøet klart avvik frå eksisterande byggeskikk er ikkje tillat. Nye tiltak skal plasserast og utformast slik at den underordnar seg terrenget. Skjeringar og fyllingar skal opparbeidast mot eksisterande terreng til eit naturleg uttrykk og skal ferdigstillast fullstendig. Føresegner til kommuneplan 4.2 seier dette om fritidsføremål: Samla bruksareal for ei bueining skal ikkje overstige 110m² BRA (bruksareal) og mønehøgd skal ikkje overstige 6,5 meter over gjennomsnittleg planert terreng. Uthus kan byggjast med inntil 15m² bruttoareal, og maksimum 3m mønehøgd. 4.2.3 Fritidseigedomar skal ha tilgang til minst 2 parkeringsplass. Bygging av garasje er ikkje tillat. Kravet til parkering må takast inn i reguleringsføresegner til reguleringsplan. Dette må takast omsyn til i planarbeidet. Føresegner til kommuneplan skal følgjast i planarbeidet. Etter vår vurdering utløyser ikkje detaljreguleringsplanen krav om konsekvensutgreiing etter forskrift om konsekvensutgreiing 3, vedlegg III bokstav a q. Kommunen har vurdert denne planen til å ikkje ha vesentleg verknad for miljø og samfunn. Her er ikkje registrert kulturminner, verdifulle naturtypar, viktig landbruksareal eller friluftslivsområde i planområde. Ein liten del av området inngår i reguleringsplan FV 18 Goddebrua Austvik og denne delen vert erstatta av ny plan.
Side 12 av 12 Rådmannen sluttar seg til planleggjar sine vurderingar og rår til at framlegg til privat detaljreguleringsplan for fritidsbustader Klungervika gnr. 65, bnr. 21 vert lagt ut til offentleg gjennomsyn. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i planområdet. Området er heller ikkje avsett til viktig viltområde. Det er registrert eit gyteområde for torsk eit lite stykke utanfor planområdet. Ein har lagt inn i føresegner at tiltak i sjø ikkje skal gjennomførast i gyte og oppvekstperioden. Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Folkehelse: Planen legg til rette for at området skal kunne nyttast i samband med ulike fritidsaktivitetar. Tilrettelegginga vil gjere området meir attraktivt og tilgjengeleg, slik at fleire brukargrupper kan nytte seg av området enn tidlegare. Auka aktivitet er generelt positivt for folkehelsa. Oppsummering og konklusjon: Det ligg ikkje føre vesentlege merknader i samband med oppstart av planarbeidet. Rådmannen viser til vurderingane som går fram av saka og rår til at framlegg til privat detaljreguleringsplan for fritidsbustader Klungervika gnr. 65, bnr. 21 vert utlagt til offentleg gjennomsyn.