Nordfjordrådet. Møteinnkalling. Merk oppstart av møte er 09.30! Sakliste

Møteinnkalling Utval: Nordfjordrådet Møtestad: På Eid, Operahuset - møterom Hertugen Dato: 04.09.2017 Tid: Kl. 09:30 Eventuelle forfall til møtet skal meldast til sekretariatet i Gloppen kommune på tlf. 57 88 38 00. Forfall kan også meldast på e-post til: servicetorget@gloppen.kommune.no For medlemmene i Nordfjordrådet, og for dei som har møte- og talerett i rådet (rådmennene), ligg saklista til møtet også i møteportalen, som du finn link til på Gloppen kommune si heimeside. Saklista til møta i Nordfjordrådet skal elles vere tilgjengeleg på alle medlemskommunane sine heimesider, dvs. på heimesidene til Eid, Gloppen, Hornindal, Selje, Stryn og Vågsøy kommunar. Merk oppstart av møte er 09.30! Sakliste Sak nr. Sakstittel 016/17 Godkjenning av møteprotokoll, innkalling og sakliste 017/17 Referat og orienteringssaker 018/17 Friluftsråd i Nordfjord 019/17 Utlysing av stilling som dagleg leiar for Nordfjordrådet 020/17 Oppstart strategi- og handlingsplan Nordfjordrådet 2018 og 2019 Sandane, 28. august 2017 Leidulf Gloppestad Leiar Birte Fossheim Sekretær

Arkiv: FE - 033 JournalpostID: 17/10878 Saksbehandlar: Birte Fossheim Saksnr. Utval Møtedato 016/17 Nordfjordrådet 04.09.2017 Godkjenning av møteprotokoll, innkalling og sakliste Utvalsleiar si tilråding: 1. Nordfjordrådet godkjenner møteboka frå siste møte den 12. mai 2017. 2. Nordfjordrådet godkjenner innkallinga og saklista til dette møtet. Møteboka frå Nordfjordrådet sitt møte den 12. mai i Stryn vert lagt fram til godkjenning. Leiaren har sett opp slik dagsorden for møte: Tid Orienteringssaker: 09.30 Utvikling av merkevaren - Visit Nordfjord, Marita Lindvik 10.00 Samarbeid om kommunepsykologar i kommunane - Helse Førde, Mary-Ann Refseth og Toril Taklo 10.30 Fylkesgrenser og vidaregåande skule muleg å søke på tvers av fylksegrenser - Desentralisert sjukepleiarutdanning i Nordfjord 11.00 Nordfjord sjukehus uromelding om manglande tilbod til viktige pasientgrupper 11.20 Nordfjordsamarbeidet status sidan sist 11.30 Friluftsråd 11.45 Utlysing dagleg leiar Nordfjordrådet 12.00 Lunsj 12.30 Strategi- og handlingsplan 2018 2019 Ung-data undersøkinga og Fylkesspegelen fylkeskommunen, Sondre Sognnes Haugen 12.50 Regionale satsingar og utforming av avtalen vidare fylkeskommunen, Stig Vattekar 13.10 Prosjektet Grøn næringsutvikling i Nordfjord vidareføring 2018/19 Segel, Trond Haavik 13.30 Gjennomgang av planen for 2016 og 2017 kva er utført Birte Fossheim Dialog og innspel til plan for 2018 2019 14.30 Bedriftsbesøk Sødermann Rådgiving. Ei spennande gründerbedrift som starta for tre år sidan og no nærmar seg 20 tilsette. Sjå http://sodermann.no 15.15 Møte slutt

Arkiv: FE - 033 JournalpostID: 17/10979 Saksbehandlar: Birte Fossheim Saksnr. Utval Møtedato 017/17 Nordfjordrådet 04.09.2017 Referat og orienteringssaker Saka vert lagt fram utan tilråding. Orienteringssaker: 1. Utvikling av merkevaren Visit Nordfjord, Marita Lindvik 2. Samarbeid om kommunepsykologar i kommunane Helse Førde, Mary-Ann Refseth og Toril Taklo 3. Fylkesgrenser og vidaregåande skule muleg å søke på tvers av fylksegrenser 4. Desentralisert sjukepleiarutdanning i Nordfjord 5. Nordfjord sjukehus uromelding om manglande tilbod til viktige pasientgrupper 6. Nordfjordsamarbeidet status sidan sist

Arkiv: FA - C22 JournalpostID: 17/10663 Saksbehandlar: Birte Fossheim Saksnr. Utval Møtedato 018/17 Nordfjordrådet 04.09.2017 Friluftsråd i Nordfjord Vedlegg i saka: 24.08.2017 1-forprosjektrapport-friluftsraad-for-nordfjord 1340492 24.08.2017 friluftsråd_handsaming_hovudutal_næring og kultur_fylket 1340493 Leiaren si tilråding Nordfjordrådet støtter etablering av Nordfjord Friluftsråd, og bidreg med økonomisk støtte tilsvarande 50% av medlemskommunane sine ugifter i 2018. Av dette går halvparten til å redusere medlemskommunane sine utgifter i oppstartsåret, og resten direkte til friluftsrådet (alternativ 2). Kommunane i regionen må ta stilling til om dei ønskjer å delta i eit interkommunalt friluftsråd i samband med budsjettprosessen for 2018. Det blir vidare opp til dei kommunane som vel å gå inn i friluftsrådet å etablere styre, lage vedtekter og lyse ut etter dagleg leiar. Saksutgreiing Bakgrunn for saka Saka om friluftsråd i Nordfjord har vore jobba med over fleire år. Saka starta allereie på eit møte i desember 2013, der fylkeskommunen stilte seg positiv til å yte økonomisk støtte til eit forprosjekt for å utgreie mogleg organisering/målsetjingar for eit regionalt friluftsråd. Den tid Reisemål Stryn & Nordfjord/ no Visit Nordfjord fekk i oppdrag å gjennomføre eit forprosjekt. Denne vart lagt fram for Nordfjordrådet i 2015. Saka stoppa opp fordi ikkje alle kommunane sa ja til avtalen som vart lagt fram. I mai 2017 handsama hovudutal for næring og kultur på fylket ei sak om friluftsråd i Sogn og Fjordane. Denne saka konkluderer med fylkeskommunen sin rolle og bidrag til friluftsråd i fylket. Med bakgrunn i denne saka og forprosjektetrapporten frå 2015, er det grunnlag for å ta saka opp att i Nordfjordrådet på ny. Fakta i saka Eit interkommunalt friluftsråd skal ivateta friluftsoppgåver for medlemskommunane, og kome innbyggjarar, tilreisande og reselivet til gode. Gjennom friluftsrådet vil medlemskommunane få styrka finansiering til friluftstiltak, styrka kompetanse, samarbeidsfordelar og ei sterkare kopling mellom friluftsliv og lokalsamfunnsutvikiling.

Ein føresetnad for fylkeskommunen si økonomiske støtte, er at friluftrådet vert oppretta etter kommunelova 27 som interkommunalt samarbeid. Fylkeskommunen stiller ikkje krav om at alle kommunane i ein region er med når ein etablerer eit friluftsråd. Dei legg vekt på at det er viktig at dei kommunane som ønskjer å starte opp gjere det, og får nyte godt av økonomiske ordningar som eit friluftsråd gir medlemskommunane. Det er utarbeida forposjekt for tre regionar i fylket om etablering av friluftsråd. Alle forprosjekta tilrår at det vert etablert interkommunale friluftsråd. I 2017 etablerte Askvoll, Flora og Solund Fjordkysten friluftsråd. Så langt er dette einaste friluftsrådet som er etablert her i fylket. Forprosjektrapporten som Nordfjordrådet tinga hjå Reisemål Stryn og Nordfjord i 2015 beskriver organisering, finansieringsplan, namneforslag og lokalisering for eit friluftsråd i Nordfjord. Det er gjort framlegg om å lyse ut etter dagleg leiar i 100 % stilling. I rapporten er det foreslått at styret skal bestå av politisk valde representantar frå kvar av medlemskommunane, og ei samarbeidsgruppe med fagpersonar frå kommunane. Namnet er foreslått til Nordfjord friluftsråd. Lokalisering av dagleg leiar blir vurdert ved tilsetting, men må plasserast i lag med eit relevant fagmiljø. Etablering av friluftsråd har også støtte på nasjonalt nivå. I St.mld.nr 18 (2015-16) står det at regjeringa tilrår at flest muleg kommunar etablerer interkommunale friluftsråd, fordi friluftsliv er den vanligaste form for fysisk aktivitet i Noreg, og at det her er gevinstar inn mot folkehelsa. Friluftsråda skal finansierast gjennom kontingent frå medlemskommunane, fylkeskommunal støtte og tilskot, og andre statlege støtteordningar ein kan søke på. Dei økonomiske utfordringane medlemskommunane får med ei slik etablering, beskriver fylkeskommunen at kommunane vil få igjen ved at friluftsrådet samla kan utvikle gode tenester for fire til frem gonger det kommunane investerer. Fylkeskommunen viser til eit døme frå Sunnmøre Friluftsråd i 2016, der kva krone frå kommunen gav 5 kroner til prosjekt i friluftsrådet.

Det er skjedd endringar i økonomiske rammebetingelsar sidan forprosjektrapporten frå 2015 vart laga (s. 17 i rapporten). Fylkeskommunen har redusert sin støtte til ein årleg tilskotsum på kr 100.000. I tillegg bidreg dei med kr 25.000 pr medlemskommune som går inn i det regionale friluftsrådet i oppstartsåret. Fylkeskommunen viser til at der er mykje prosjektmidlar å søke på for eit friluftsråd, så etter oppstartåret må ein kunne finansiere deler av løna til dagleg leiar gjennom prosjektmidlar. Friluftsrådets landsforbund har ulike støtteordningar men desse må søkast på. Søknadsfristen hjå dei er 25. januar kvar år. Her kan ein søke om årleg grunnstøtte på kr 100.000. Kommunane sin andel vil vere avhengig av kor mange kommunar som vel å gå inn som medlemskommune, men for å lage eit forslag til finansiering er det teke utgangspunkt i at alle kommunane i Nordfjordrådet er med. Økonomiske konsekvensar for Nordfjordrådet Nordfjordrådet gjorde i 2015 vedtak om å dekke 50 % av medlemskostnadane til kommunane det første året. Om vi tek utgangspunkt i same foredelingsnøkkel som forprosjektrapporten gjorde framlegg om med 12 kr pr innbyggjar og fast sum på kr 10.000 for medlemskommunane, tilsvarer dette ein sum på kr 204.510 frå Nordfjordrådet i 2018. Korleis ein vel å fordele denne summen, kan gjerast på ulike måtar. Dersom ein brukar heile summen for å redusere kommunane sin andel, vil finansieringa til det regionale friluftsrådet bli lav i oppstartsåret alternativ 1: Dersom ein tek halve summen av Nordfjordrådet sin andel til å redusere kommunane sin betaling, og resten i direkte til støtte det regionale friluftsrådet, vil dette gje eit mykje betre økonomisk grunnlag for å få etablert eit regionalt friluftsråd. Då vil fordelinga sjå slik ut alternativ 2: Sekretæren si vurdering Saka om etableringa av eit regionalt friluftsråd har vore jobba med over mange år. Når saka var oppe i 2015 sa kommunane Hornindal, Eid, Stryn og Vågsøy ja til å delta i samarbeidet, medan Gloppen og Selje var avventande. Etter det har saka blitt liggande.

Fylkeskommunen oppfordrar Nordfjordrådet om å ta saka opp att på nytt, og dei understrekar at det ikkje er ein føresetnad at alle kommunane i regionen er med for at eit slikt friluftsråd skal verte etablert. Sett frå Nordfjordrådet si side så vil etablering av Nordfjord Friluftsråd vere ein styrke for regionen sitt friluftsliv og naturmanfald. Det vert vist til andre friluftsråd si omsetting at medlemskommunane sin innsats inn kan gangast med fem. Desse midlane og kompetanse vil kome regionen vår til gode, og gje mykje igjen til våre eigne innbyggjarar og til dei som besøker regionen. Det ligg mange gode døme på korleis eit friluftsråd jobbar på heimesida til Friluftsrådets landsforbund. Oppsummert frå fylkeskommunen vil etablering av eit friluftsråd bidra til: større økonomisk handlingsrom for satsing på friluftsliv regionen vil bli tilført midlar som til no ikkje har kome oss til gode betre kompetanse innan friluftsliv, ein utstyrspark som bidreg til høgare kvalitet og mykje meir effektiv drift av tenestene kontakt med eit nasjonalt nettverk med høg kompetanse og lang erfaring Saka vert no lagt fram for Nordfjordrådet der ein må ta stilling til om vedtaket om å dekke 50% av medlemskommunane sine kostnader i oppstartsåret står ved lag, og korleis desse midlane skal brukast. Vidare må saka handsamast i kommunane som ein del av budsjettarbeidet for 2018. Etter det veit vi kven av kommunane som ønskjer å delta og om det er grunnlag for å etablere eit regionalt friluftsråd. Det vil vidare bli opp til medlemskommunane å etablere styre, avklare vedtekter og organisere arbeidet med utlysing av dagleg leiar og tilsetting. Forprosjektrapporten frå Visit Nordfjord vil vere til god nytte i dette arbeidet. Dersom det vert etablert eit regionalt friluftsråd, vil utlysing av dagleg leiar slik sett ikkje bli gjennomført før på nyåret. Nordfjordrådet bør kunne tilby seg å søke om midlar hjå Friluftsrådets landsforbund som har søknadsfrist 25. januar, for å sikre grunnstøtte til drift av eit friluftsråd i 2018. Vidare vert det opp til styret av det regionale friluftsrådet å vurdere om dei vil invitere inn andre kommunar som ligg i tilknytning til regionen vår. Til samanlikning har Sunnmøre friluftsråd åtte medlemskommunar og 4 tilsette. Lokalisering av dagleg leiar vert ofte ein diskusjon, og i forprosjektrapporten vert det anbefalt at dette vert vurdert ved tilsetting, men med krav om at vedkomande må sitte i eit relevant fagmiljø. Om kommunane som vel å delta, ser på kva fagmiljø ein har knytt til forvaltning av friluftsliv, så vil ein nok finne ei god løysing på dette. I samtale med sakshandsamar i fylkeskommunen så vert det sagt at den som blir tilsett kjem til å ha kontor i bilen og reise rundt i dei ulike medlemskommunane, og at lokalisering ikkje bør bli ein stor sak. Det første året eit friluftsråd er etablert vil mykje av jobben til ein dagleg leiar gå med til å skaffe seg oversikt over medlemskommunane, planlegge arbeid som skal gjerast og skrive prosjektsøknadar for eksterne midlar. Året etter bør ein kunne forvente at 50 % av stillinga til dagleg leiar er finansiert gjennom prosjektarbeid og eksterne midlar. Med den årlege støtten frå fylkeskommunen og Friluftsrådets landsforbund, bør ein kunne forvente at medlemskommunane sitt årlege bidrag ikkje blir auka, men kanskje heller kan reduserast.

Med bakgrunn i kostnader til å etablere Nordfjord Friluftsråd i oppstartsåret, vil det vere å foretrekke at Nordfjordrådet deler sin støtteandel der halvparten går direkte til å redusere medlemskommunane sine utgifter og resten går direkte til det regionale friluftsrådet. Dette vil gje eit betre og meir realistisk økonomisk grunnlag for etablering av eit regionalt friluftsråd i 2018.

Arkiv: FE - 411 JournalpostID: 17/10864 Saksbehandlar: Birte Fossheim Saksnr. Utval Møtedato 019/17 Nordfjordrådet 04.09.2017 Utlysing av stilling som dagleg leiar for Nordfjordrådet Vedlegg i saka: 24.08.2017 Utlysningstekst dagleg leiar 1340517 Leiaren si tilråding Nordfjordrådet gjer vedtak om å lyse ut etter dagleg leiar med tilsetting frå 1. jaunuar 2018. Saksutgreiing Bakgrunn for saka På møte i Nordfjordrådet 12. mai vart det gjort vedtak om at ein skulle jobbe vidare med ei ny organisering av den administrative delen i Nordfjordrådet, og lyse ut etter dagleg leiar i 100% stilling frå 01.01.2018. Vedlagt saka er det laga framlegg til utlysingstekst. Fakta i saka Nordfjordrådet er i dag organisert med løna sekretær i om lag 50 % stilling. Stillinga er knytt opp mot den kommunen som har leiarvervet i rådet, og går på runde med 2 år om gongen. Årleg brukar Nordfjordrådet kr 300.000 i kompensasjon til kommunen som har sekretariatet. Føremålet med å tilsette ein dagleg leiar i 100% stilling, er å skape kontinuitet i planar, strategiar og utviklingsprosjekt som er viktig for regionen vår. Til samanlikning med andre regionråd her i fylket, har Sogn regionråd dagleg leiar i 100% stilling. I tillegg til dagleg leiar har dei 4 stillingar knytt til ulike regionale prosjekt. HAFS regionråd kjøper sekretariatteneste i ein midre prosentandel gjennom HAFS utvikling. Samarbeid i Sunnfjord (SiS) har eige sekretariat i ein mindre prosentstilling og ikkje dagleg leiar. Økonomiske konsekvensar for Nordfjordrådet Nordfjordrådet må auke sitt årlege budsjett med kr 600.000 for å finansiere ein dagleg leiar i 100% stilling.det er lagt opp til denne summen må dekkast gjennom å auke kommunane sin kontingent. I 2017 betalar kommunane i Nordfjordrådet ein medlemskontingent på kr 20 pr innbyggjar, noko som utgjere kr 580.000. For å kunne finansiere ein dagleg leiar i 100% stilling basert på kommunane sine medlemsinnbetalingar, vil dette gje ei auke i kontingenten til kr 40 pr innbyggjar. Medlemskontingenten for 2018 vil då sjå slik ut:

Overføringar frå kommunar i Nordfjordrådet Kommune Folketal pr 1. jan 2017 Kr/innbyggjar Kontingent 2018 Kontingent 2017 Gloppen 5783 40,6 234 621 115 680 Eid 6064 40,6 246 021 120 300 Selje 2791 40,6 113 233 55 480 Stryn 7218 40,6 292 840 143 360 Hornindal 1198 40,6 48 604 24 000 Vågsøy 6031 40,6 244 682 120 920 Sum 29 085 1 180 000 579 740 Sekretæren si vurdering Utlysing av dagleg leiar er eit offensivt trekk frå regionrådet sin side. Ein viser her at ein til tross for diskusjonar omkring kommunesamanslåing, står samla og vil satse på regional utvikling. Ei slik satsing kan også opne for at kommunar som i dag ikkje er ein del av reionrådet, vel å gå inn i Nordfjord sitt samarbeid. Med større tyngde og kontinuitet bak den administrative delen, vil det også vere større sjanse for å få eksterne midlar til regionale utviklingsprosjekt, noko som igjen vil kome regionen vår til gode. I framlegg til utlysingstekst er lokaliseringsstad open. I dette ligg det at den som blir tilsett får påverke kva kommuneadministrasjon vedkomane skal vere tilknytta. Det er Nordfjordrådet som tilset dagleg leiar. Dersom Nordfjordrådet gjer vedtak om å lyse ut etter dagleg leiar frå nyttår, må det avklarast korleis tilsettinga skal gjennomførast. Rådmannsgruppa vert utfordra til å komme med forslag til kven som bør gjennomføre intervju og lage innstilling som vert lagt fram for rådet for avgjer. Vidare må vedtekten for Nordfjordrådet endrast og tilpassast ei ny organisering. Vedtektene skal leggast fram og godkjennast hjå medlemskommunane.

Arkiv: JournalpostID: 17/10964 Saksbehandlar: Birte Fossheim Saksnr. Utval Møtedato 020/17 Nordfjordrådet 04.09.2017 Oppstart strategi- og handlingsplan Nordfjordrådet 2018 og 2019 Vedlegg i saka: 28.08.2017 Strategi- og handlinsplan for Nordfjordrådet2016-2017 1340672 28.08.2017 Årsrapport for Nordfjordrådet 2016 1340673 Leiaren si tilråding Saka vert lagt fram utan tilråding. Saksutgreiing Bakgrunn for saka Nordfjordrådet sin strategi- og handlingsplan er for 2016 og 2017. Denne heng saman med ein to-åring samarbeidsavtale med Sogn og Fjordane fylkeskommune. Det må før nyttår lagast ny strategi- og handslingsplan for perioden 2018 og 2019, som grunnlag for budsjett og ny samarbeidsavtale med fylkeskommunen. I 2016 brukte Nordfjordrådet mykje tid på å diskutere strategi- og handlingsplan. Spørsmålet til neste periode er; kva ønskjer vi å jobbe vidare med? Er det nokon av satsingsområda vi kan ta ut? Er det nye strategiar som bør inn? Sogn og Fjordane fylkeskommune vil delta i møte og gje oss innspel om regionale føringar. Vidare ser vi på arbeid som Nordfjordrådet har sett i gong og som må vidareførast dei neste åra. Årsrapporten som er overlevert fylkeskommunen (vedlagt) gir ei oversikt over kva som er utført og kva som gjenstår i gjeldande plan. Til møte er det nyttig om ein har gått gjennom eksisterande strategi- og handlingsplan (vedlagt), og gjort seg opp tankar om satsingsområde for 2018 og 2019. Innspela som kjem fram i møte, vil danne grunnlag for eit utkast til Strategi- og handlingsplan for 2018 og 2019 som blir framlagt på neste møte i oktober. Vidare må denne planen, med budsjett for 2018, vedtakast på julemøte i desember.