Naustdal kommune REGULERINGSPLAN Fv.611 Februar 2009 Oppdrag nr: 520620
Oppdrag nr. Oppdragsnamn: 520620 Reguleringsplan Fv611 Aktivitetsnr. Aktivitetsnamn: 401 Regulering Tittel denne rapporten Dato: Sidetal: Reguleringsplan Fv611 25.02.09 Oppdragsleiar hjå Asplan Viak Leikanger: Nils Husabø Prosjektmedarbeidar hos Asplan Viak Leikanger: Shabaz Saeed, Anni Kari Pedersen, Karl Erik Johnsen Kontaktperson hjå Oppdragsgjevar: Harald Eikenes, Einar Elde Ekstrakt : Det er utarbeidd reguleringsplan (delvis endring) for riksveg med fortau/gang-sykkelveg. Planen inneber endring av tidlegare gjeldande plan på strekninga Naustdal kai Sæle, og det er utarbeidd ny plan for strekninga Naustdal kai kryss med Rv.5 Emneord og stikkord: Regulering, riksveg, gangsystem OPPDRAGSLEIAR Dato sign. 25.02.09 NH
Asplan Viak AS Sognefjordvegen 40, 6863 Leikanger Telefon: 57 65 69 00 Telefaks: 57 65 69 19 E-post: leikanger@asplanviak.no Internett: www.asplanviak.no Føretaksnr: 910 209 205
INNHALD: 1.0 Innleiing, s.2 2.0 Bakgrunn, s.2 3.0 Innspel til planarbeidet, s.3 4.0 Skildring av planløysinga, s.3 FØRESEGNER, s.6 Teikningsvedlegg: Plankart 1:1000 teikn.520620-001, -002, -003 og -004 Tidlegare planar/notat mv. - Gjeldande reguleringsplan frå 2004 Asplan Viak AS - 1 - Reguleringsplan Fv.611
1.0 INNLEIING Asplan Viak har hjå Naustdal kommune fått i oppdrag å utarbeida reguleringsplan for riksvegen mellom Naustdal (kryss Rv.5) og Sæle. Planen inneber endring og noko utviding av tidlegare gjeldande plan på strekninga Naustdal kai Sæle, og det er utarbeidd ny plan for strekninga Naustdal kai kryss med Rv.5 Planparsellen følgjer eksisterande veg og er på omlag 2,25 km. Av dette er 1,7 km regulert i gjeldande plan. Planarbeidet vart kunngjort i samsvar med reglane i plan- og bygningslova, brev og avisannonse i jaunar i år. Det har i alt kome 2 skriftlege og eitt munnleg innspel. Planarbeidet er samordna med Statens vegvesen sitt detaljplanarbeid på same strekninga. Det har undervegs vore arbeidsmøte der også vegvesenet har delteke. Dette framlegget vert no fremja med tanke på vedtak om utlegging til offentleg ettersyn, i samsvar med reglane i plan- og bygningslova. 2.0 BAKGRUNN Gjeldande planar Naustdal kommune har utarbeidd kommunedelplan for Naustdal sentrum 2003-2014, vedteken 04.09.03. Denne planen er i samsvar med kommunedelplanen sett bort frå mindre tilpassingar. I tillegg til gjeldande plan for Fv.611, ligg det føre ein reguleringsplan for eigedom 96/44 Sæla, vedteken av kommunestyret 15.06.06. Denne planen inneber justering av planen for Sæla. Eksisterande veg Riksvegen har i dag eit trafikktal på1200-1500 bilar i døgnet (årsdøgntrafikk), og ei vegbreidde som stort sett varierer mellom 3,5 og 5 meter. Kurvaturen er relativt bra både horisontalt og vertikalt, og det er dermed vegbreidda som er det største problemet. Mykje av strekninga ligg i sideskrått terreng, og mange avkøyrsler på oppsida av riksvegen har for sterk stigning, og dårlege sikttilhøve. Strekninga har fleire busstopp som er skilta, men busstoppa har ikkje busslommer eller oppstillingsplass for passasjerar. Talet møteplassar er noko knapt. Mål med planarbeidet Bygging av separat gangsamband langs riksvegen er ein føresetnad for at Naustdal kommune kan starte utbygging avplanlagt bustadfelt i Mallasvika. Reguleringsplanen skal sikre areal til eit slikt samband. Asplan Viak AS - 2 - Reguleringsplan Fv.611
Vidare skal planen leggje til rette for ei standardheving av køyrevegen og forbetring m.a. av kryss, avkøyrsler og busshaldeplassar på strekninga. Det skal og setjast av areal til eit kommunalteknisk anlegg. 3.0 INNSPEL TIL PLANARBEIDET Det har kome innspel frå Statens vegvesen, Fjordane distrikt. Dei har ikkje kommentarar ut over at det må sikrast gode løysingar i avkøyrsler i samsvar med deira handbøker. Det har kome eitt munnleg og eitt skriftleg innspel frå naboar/grunneigarar langs vegen. Innspela gjeld ynskje om tilpassing av anlegga langs dei aktuelle eigedomane. Det er teke omsyn til desse innspela så langt som mogleg. Frå Sogn og Fjordane Fylkeskommune ligg det føre ein rapport om arkeologiske funn ved Sæla. Det er krav om registrering og sikring av fornminne i området. 4.0 SKILDRING AV PLANLØYSINGA Skildringa er knytt til : - Plankarta teikn. 520620.001, 002, 003 og 004 - Føresegner (bak i heftet) Plankart og føresegner vil etter vedtak om planen, vere juridisk bindande for arealbruken (i samsvar med plan- og bygningslova) og gje grunnlag for gjennomføring av planen. Vegstandard dimensjonering Krav til riksveg og gangareal langs denne er delvis gitt ved oppstart av oppdraget og delvis avklara i seinare diskusjonar med Statens vegvesen med utgangspunkt i handbok 017. Standarden på løysingane er no betra i høve til gjeldande plan; ved at det er tenkt fullverdig gang/sykkelveg på ei lengre strekning, og ved at det vert tofelts køyreveg på riksvegen heile strekninga innafor det utvida planområdet. I høve til gjeldande plan inneber dette noko forskyving av veglina og utviding av inngrepssona, slik at det vert større terrenginngrep nokre stader. Trafikkstøy Det er gjort støyberekningar langs veglina. Konklusjonen er at ingen bustader vil få eit støynivå som kjem over tiltaksgrensa. Gang-/sykkelveg og fortau Gang-/sykkelvegen og fortau er planlagt på oppsida av riksvegen, sidan det er på denne sida det aller meste av busetnaden finst. Eit par stader er gs-veg/fortau lagt oppå eksisterande køyrebane, slik at køyrevegen vert flytt nærare sjøen. Asplan Viak AS - 3 - Reguleringsplan Fv.611
Endringa (i høve til gjeldande plan Naustdal Kai Sæle) er at heile strekninga mellom Sæle og kaien no er planlagd med separat gang-/sykkelveg, med rabatt mot køyrevegen. Tidlegare var det planlagt berre fortau på dei første om lag 300 m frå kaien og utover. I den nye delen av planen (Naustdal kai Rv.5) er det planlagt berre fortau, medan det på resten av riksvegstrekninga innafor planområdet er planlagt gang/sykkelveg. Avkøyrsler og kryss og sidevegar For fleire eksisterande avkøyrsler er det gjort større og mindre omleggingar i høve til dagens situasjon dette av omsyn til stigningstilhøva. Det nye framlegget er i hovudtrekk i samsvar med gjeldande plan men med nokre tilpassingar pga. justert riksveg/gangveg-løysing. For gbnr. 98/9 er det synt parkeringsplass ved gang-/sykkelvegen og gangsti opp til huset, som ei mellombels løysing. Denne eigedomen skal ha framtidig vegutløysing via ein planlagd veg i aust om lag profil 1085 (jf. til no gjeldande plan for Fv.611). Denne vegen er no berre synt med sjølve avkøyrsle-punktet. Vegen må omprosjekterast, og vidare planlegging her må takast i samband med gjennomføring av det aktuelle prosjektet. Ved Sæle, K3, er eksisterande regulert privat avkøyrsle til gbnr. 96/6 teken ut av planen. Eigedomen skal no ha felles tilkomstveg med Naustdal Fiskefarm as. Det er også andre justeringar i høve til løysingane som ligg i til no gjeldande plan, jf. plankartet. I den utvida delen av planen er tilkomstveg mot sentrum teken med, og det er lagt inn fortau på begge sider av denne. Litt lenger vest er det og synt eit nytt gangsamband; mellom Gamlevegen og fortauet langs riksvegen. Busslommer Om lag der det i dag er skilta busstopp, er det planlagt busslommer etter handbok 017. Løysingane er, med justeringar, i samsvar med gjeldande plan, med unnatak for at den vestlegaste lomma nedom riksvegen vert flytt til naboeigedomen i aust, noko som gjev ei betre og meir trafikktrygg løysing. Busslommene er og utvida i høve til gjeldande plan, pga. nye krav. Anna vegareal Dette er areal som trengst for å byggje veganlegga, som grøft, skjering, fylling og murar. Areala skal opparbeidast og tilsåast, og dei skal gjerast ferdige samstundes som veg og gang/sykkelanlegga. I anna vegareal kan det og byggjast andre tiltak som er knytt til veganlegg/tilgrensande eigedomar. Døme kan vere gangstiar til tilgrensande eigedomar. Nokre av desse tiltaka går fram som illustrasjonar på plankartet. Heilt i vest (profil omlag 2155) legg planen t.d. til rette for å behalda/tilpassa krøtterundergangen (kulvert). Midlertidig trafikkområde Asplan Viak AS - 4 - Reguleringsplan Fv.611
Dette er område som i anleggsperioden skal nyttast til ulike tiltak knytt til gjennomføring av prosjektet t.d. mellombelse terrenginngrep og areal for mellombels tilkomstvegar for å koma til høge skjeringar. Gjeldande planar etter plan- og bygningslova vert ikkje oppheva for desse områda, og etter anleggsperioden skal områda førast attende til dagens tilstand. At planen no er utvida med slike område, inneber såleis ikkje i seg sjølv reelt utvida planområde, dette er i stor grad område der det ville bli gjennomført mellombels tiltak også ut frå den til no gjeldande planen for Fv611. Nokre av dei midlertidige områda skal i tillegg ha spesielle funksjonar i anleggsperioden: I området merka K1 skal det i anleggsperioden plasserast ein kontorrigg, og område K2 skal vera riggområde. I område K3 skal det plasserast mellombels massedeponi. Her er det dessutan spesielle krav av omsyn til registrerte fornminne. Område for kommunalteknisk anlegg Arealet som er sett av til kommunalteknisk anlegg, skal nyttast til kommunalt reinseanlegg for avlaupsvatn. Planen syner offentleg køyreveg ned til dette arealet, og det er sett av snuplass ved det planlagde anlegget. Anlegget er nytt i høve til gjeldande plan, og vegen ned er også utvida. Tilhøvet til sjøen Utviding av riksveg skjer i stor grad mot sjøsida, men ved bruk av ordna fylling 1:1,25 og korte strekningar med mur, unngår vi for det meste fylling heilt i fjøra. Standardhevinga som no vert gjort av dei tidlegare planlagde trafikkløysingane, gjev noko utvida inngrepsområde fleire stader langs vegen. Ved bruk av mur, skal dette likevel ikkje gje uheldige inngrep langs strandlinja. Det er nokre stader sett av midlertidig trafikkareal heilt ned i fjøra for inngrep i anleggsperioden. Desse områda vil, i tråd med føresegnene, bli attendeførde til naturleg tilstand når anleggsperioden er over. Asplan Viak AS - 5 - Reguleringsplan Fv.611
REGULERINGSPLAN FOR Fv.611 Føresegner Asplan Viak Leikanger 25.02.09- prosjekt 520620 Føresegnene er knytte til plankartet, teikn. 520620-001, -002, -003 og -004, og gjeld for det området som er vist med plangrense. Planen inneber endring av, og noko utviding av planområdet for, gjeldande plan (utarbeidd av Nordplan 2004) på strekninga Naustdal kai Sæle. Planen inneber og ei mindre endring av reguleringsplan for eigedomen Sæla 96/44. 1. GENERELT 1.1 Utbygging av området skal skje i samsvar med plankartet og føresegnene. 1.2 Føresegnene kjem i tillegg til det som vert bestemt i plan- og bygningslova med forskrifter, samt vedtekter til plan- og bygningslova vedtekne av kommunestyret i Naustdal. 1.3 Etter at desse føresegnene er vedtekne, er det i planområdet ikkje tillate å inngå privatrettslege avtalar i strid med reguleringsføresegnene. 1.4 Området er regulert til følgjande formål: Offentlege trafikkområde (pbl 25.3) - Køyreveg - Anna vegareal (grøft, skjering, fylling m.v.) - Fortau, gang- og sykkelveg Spesialområde (pbl 25.6) - Privat veg - Frisiktsone ved veg - Kommunalteknisk anlegg Fellesområde (pbl 25.7) - Felles tilkomstveg Kombinerte formål (pbl 25, 2.ledd) - Midlertidig trafikkområde 2 OFFENTLEGE TRAFIKKOMRÅDE 2.1 Køyrevegar Areala er avsett til offentleg køyreveg køyrebane, skulder m.v. 2.2 Anna vegareal Dette formålet omfattar areal som naturleg høyrer til vegen, som grøft, skjering, Asplan Viak AS - 6 - Reguleringsplan Fv.611
fylling. Slike areal skal opparbeidast og tilsåast. Ferdigstillinga skal skje samtidig som ferdigstillinga av veg/fortau. I områda kan det og plasserast andre anlegg som er knytt til veganlegget, t.d. tilkomststi til tilgrensande eigedomar eller krøtterundergang (kulvert). Anna vegareal mellom planlagd køyreveg og område K3 (profil omlag 1825 til 2025) kan ikkje takast i bruk før tiltak av omsyn til verneverdiane er gjennomførde - i samråd med vernestyresmakta. 2.3 Fortau, gang- og sykkelveg Areala er avsett til offentleg fortau og gang/sykkelareal 3 SPESIALOMRÅDE 3.1 Privat veg Areala er avsette til private køyrevegar/landbruksvegar. 3.2 Frisiktsone ved veg I området mellom frisiktline og køyreveg (frisiktsona) skal det vere fri sikt i ei høgd på 0,5 meter over nivået til dei tilstøytande vegane. Kommunen kan krevje sikthindrande vegetasjon og gjenstandar fjerna. Høgstamma tre, trafikkskilt og lysmaster kan plasserast i frisiktsona. 3.3 Kommunalteknisk anlegg I området skal det opparbeidast kommunalt reinseanlegg for avlaupsvatn. 4 FELLESOMRÅDE 4.1 Felles avkøyrsle/tilkomstveg I områda skal det vere avkøyrsler/vegar felles for fleire eigedomar i utgangspunktet i samsvar med bruksretten i dag. Det er likevel opna for endringar/utviding av bruksrett der dei nye løysingane gjer dette naudsynt eller teneleg. 5 KOMBINERTE FORMÅL 5.1 Midlertidig trafikkareal For desse områda skal gjeldande kommunedelplan eller reguleringsplanar ikkje endrast gjennom denne planen, men områda skal nyttast til mellombels funksjonar i samband med gjennomføring av tiltaka langs Fv.611 - som fastsett i denne planen. Asplan Viak AS - 7 - Reguleringsplan Fv.611
I områda for midlertidig trafikkareal, kan det i anleggsperioden gjennomførast masseflytting og andre anleggstiltak i samband med vegbygginga. Områda skal når veganlegget for Fv.611 med gangsamband er fullført, førast attende til tilstanden før anleggsstart. Fylling/skjering knytt til felles eller privat veg som er i samsvar med plankartet, kan likevel liggje permanent i dei midlertidige områda. Områda merka K skal i anleggsperioden dessutan ha følgjande funksjonar/bindingar: - Område K1 skal nyttast til kontorrigg - Område K2 skal vera riggområde. - Område K3 skal nyttast til mellombels massedeponi. Før området vert teke i bruk, må tiltak av omsyn til verneverdiane gjennomførast - i samråd med vernestyresmakta. Gjennom midlertidig trafikkområde sør for området for kommunalteknisk anlegg, kan det byggjast leidningsanlegg. Revidert 22.04.2009 Vedtak, Naustdal kommunestyre, sak 10/09, den 23.04.2009 Asplan Viak AS - 8 - Reguleringsplan Fv.611