STATENS NATUROPPSYN Konkurransegrunnlag: «Restaurering av stien over Kamperhamrane i Jostedalsbreen nasjonalpark» Tilbodsfrist: 10.mai 2013 Tilbodet vert å sende på e-post til Statens naturoppsyn postmottak@dirnat.no med kopi til anne.rudsengen@dirnat.no
1. Generell skildring 1.1. Oppdragsgjevar Direktoratet for naturforvaltning v/statens naturoppsyn (SNO) er oppdragsgjevar for anskaffinga. SNO er miljøforvaltninga sitt operative feltorgan. Vi fører tilsyn med naturtilstanden og ser til at bestemmelsane i miljølovgivinga blir overhaldt. Rettleiing og informasjon er ein viktig del av dette arbeidet. Samstundes utfører SNO registrering, tiltak og skjøtsel på oppdrag frå forvaltningsstyresmakta. Tilsynsoppgåva er todelt og retter seg både mot tilsyn med naturtilstanden og tilsyn med mennesket si åtferd i naturen. Meir informasjon om SNO si organisering og verksemd kan ein finne på heimesida vår: www.naturoppsyn.no. 1.2. Skildring av oppdraget Oppdraget er opparbeiding av ny sti og restaurering av eksisterande sti over Kamperhamrane i Stryn kommune. Arbeidet omfattar: Restaurering av eksisterande trapper Muring av nye trapper/hellelegging Graving og steinsetting av stikkrenner Restaurering/bygging av 25 vardar Arbeidet vil bli gjort i bratt terreng, der størstedelen av området er utan tilgjenge frå veg. Arbeidet må difor gjerast utan bruk av maskinelt utstyr. Berre manuelt reiskap som spett, krafse, slegge, sleggehammar, spade med meir vil kunne nyttast. Det er eit krav at berre stadeigen stein skal nyttas til oppbygging av stien. Der det er behov for revegetering av erodert område ved stien, skal det nyttas torv/humus frå nærområdet når det er tilgjengeleg. Det skal generelt arbeidas etter same metode og kvalitet som blant anna arbeidet på stien til Skålatårnet i Stryn kommune og arbeid på forskjellige stiar i Jotunheimen nasjonalpark og Utladalen landskapsvernområde. For øvrig blir det gjort avtale om konkrete arbeidsoppgåver, arbeidsområde og prioriteringar, blant anna med bakgrunn i ynskje og behov frå forvaltningsmyndigheita, i eigen arbeidsplan. Dersom det dukkar opp særlege behov/oppgåver som bør prioriterast kan arbeidsoppgåvene bli endra i avtaleperioden. Oppdragsgjevar stiller med naudsynt bustad under oppdragsperioden. Leverandøren held sjølv utstyr og reiskap og syt for eigen kost. Ei viss køyregodtgjersle blir dekt etter statens satsar. 1.3. Deltilbod Det er ikkje anledning til å levere inn tilbod på deler av anskaffinga. 1.4. Kontraktsperiode Arbeidet skal utførast i perioden 15. juni 2013 1. oktober 2013.
1.5. Kontraktsverdi og omfang Total kontraktsverdi på anskaffinga er inntil kr. 325.000,- eks. mva. Vi anslår arbeidet til å utgjere om lag 800-1000 timar. SNO tek atterhald om bortfall av planlagt finansiering av oppdraget eller manglande godkjenning frå grunneigarar eller politisk hald. 1.6. Viktige datoar Aktivitet Tidspunkt Tilbod blir offentleggjort i lokalavisene Sogn Avis 26.04.2013 og Fjordingen Frist for å levere tilbod 10.05.2013 Opplysning om tildeling 14.05.2013 Inngåing av kontrakt 21.05.2013 Tidspunkt for opplysning om tildeling og kontraktinngåing er omtrentleg angitt. Tilbod som ikkje er motteke innan 10.05.2013 vil ikkje bli vurdert. 1.7. Informasjon om kven som blir tilbydt kontrakt SNO si avgjerd om kven som er valt som leverandør vil bli informert om samtidig til alle som har levert tilbod, og i rimeleg tid før kontrakten blir inngått med leverandøren som blir valt. Kunngjeringa vil innehalde ei kort grunngjeving for valet, og angi ein frist for å klage over avgjerda. 1.8. Avlysing av kontrakten eller totalforkasting SNO føreheld seg retten til å avlyse konkurransen eller å forkaste alle tilboda dersom det ligg føre sakleg grunn for dette. 2. Reglar for gjennomføring av konkurransen og krav til tilbod 2.1. Anskaffingsprosedyre Konkurransen er regulert av lov og forskrift om offentleg anskaffing. Den totale anslåtte verdien på denne anskaffinga er under den nasjonale terskelverdi på kr 500 000 ekskl. mva. Konkurransen blir gjennomført etter forskrifta sine alminnelige bestemmingar (del 1) og dei bestemmingane som føl av dette konkurransegrunnlaget. Konkurransen vil bli gjennomført som ein anbodskonferanse utan forhandlingar. For å sikre konkurranse er konkurransen kunngjort i to lokalaviser, samt på nettsidene www.naturoppsyn.no og http://nasjonalparkstyre.no/jostedalsbreen. 2.2. Tilleggsopplysningar Dersom leverandøren finn at konkurransegrunnlaget ikkje gir tilstrekkelig rettleiing, kan han skriftleg be om tilleggsopplysningar hos oppdragsgjevar.
2.3. Kommunikasjon og kontaktperson Henvendelsar om anskaffinga kan rettast til: Anne Rudsengen, tlf: 95 96 38 88, e-post: anne.rudsengen@dirnat.no 3. Obligatoriske dokumentasjonskrav 3.1. Skatteattestar Leverandøren skal ha ordna forhold mht. skatteinnbetaling og meirverdiinnbetaling. Leverandøren skal ha eit fungerande HMS-system. Med tilbodet skal det derfor leggjast ved: - Skatteattest for betalt skatt og meirverdiavgift (attestane skal ikkje vere eldre enn seks månadar rekna frå tilbodsfristen) - Utfylt og underteikna HMS-eigenerklæring (mal for eigenerklæring ligg på: http://www.anskaffelser.no/filearchive/vedlegg-5-hms-egenerklaering-doc-.doc) 3.2. Kvalifikasjonskrav Leverandøren skal stadfeste at han er registrert i foretaksregisteret og skal oppgje organisasjonsnummer i tilbodsbrevet. Leverandøren må ha spesialkompetanse på restaurering av stiar i bratt og uvegsamt terreng ved bruk av stein og ved bruk av manuelt reiskap og utstyr. Leverandøren skal dokumentere god og relevant erfaring frå tilsvarande arbeid. Det skal difor leggjast ved tilbodet liste over tre relevante oppdrag, inkludert deira verdi, tidspunkt og oppdragsgjevar (kontaktperson for referansesjekk). 3.3. Tildelingskriterium Tildeling av kontrakt vil skje på grunnlag av det mest fordelaktige tilbodet, basert på fylgjande kriterium (uprioritert rekkefølgje): Spesialkompetanse hos personar som skal utføre oppdraget Relevant erfaring frå tilsvarande oppdrag Pris Referansar Gjennomføringsevne og personlige eigenskapar 4. Innlevering av tilbod og tilbodsutforming 4.1. Innlevering av tilbod Tilbod skal leverast pr. e-post til postmottak@dirnat.no med kopi til anne.rudsengen@dirnat.no eller i posten til Statens naturoppsyn, Postboks 5672 Sluppen, 7485 Trondheim, og merkas «Stirestaurering Kamperhamrane».
4.2. Utforming av tilbodet Tilbodet skal innehalde: Datert og signert tilbodsbrev med aksept av vilkår i konkurransegrunnlaget og kontaktinformasjon til kontaktpersonen hos leverandøren Skatteattest for skatt Skatteattest for meirverdiavgift HMS-eigenerklæring Liste over tre relevante oppdrag, inkludert deira verdi, tidspunkt og oppdragsgjevar Leverandøren er sjølv ansvarleg for at alle spørsmål, krav og avklaringspunkt er besvart/belyst og dokumentert i tilbodsbrevet. 5. Kontraktsmessige tilhøve SNO nyttar eigen avtale for «Kjøp av tenester/avtale om arbeidsoppdrag