Austevoll kommune Tilleggsinnkalling Tenesteutvalet Møtestad: Sol-li barnehage AS Møtedato: 20.11.2014 Møtetid: 15:00 Eventuelt forfall skal meldast til tlf. 5508 10 00 servicekontoret eller til postmottak@austevoll.kommune.no. Varamedlemmar møter etter nærare innkalling. Møtet er ope for tilhøyrarar. Saksdokument er lagt ut til offentleg gjennomsyn på nettsida til kommunen. Sak 018/14 Referatsaker. Samanslåing av skular i Austevoll - informasjon til foreldre og føresette er lagt ved her. Sak nr 021/14 Plan for idrettsanlegg, nærmiljøanlegg og friluftsliv i Austevoll kommune 2015-2018. Vert ettersendt tidleg onsdag 19.10.2014 slik at vi får med uttale frå idrettsrådet. Sak nr Tittel Sakliste Samanslåing av skular i Austevoll - informasjon til foreldre og føresette 023/14 Kulturminneplan for Austevoll Storebø, 17.11.2014 Renate Møgster Klepsvik Leiar 1
Austevoll kommune Foreldre og føresette i skulane i Austevoll Vår ref. Arkivkode Dykkar ref. Dato 14/1705-2014014961/3965 14/1705 13.11.2014 Samanslåing av skular i Austevoll - informasjon til foreldre og føresette Kommunestyret vedtok i møte 30.10.14 å slå saman Kolbeinsvik og Selbjørn skular, og Trolandshamar og Storebø skular. Tidspunkt for gjennomføringa er sett til august 2015 for Kolbeinsvik og Selbjørn, og august 2016 for Trolandshamar og Storebø. Ikkje alle har ønska samanslåinga, men jobben no er å leggja til rette for at barna skal gleda seg til å ta fatt i ein ny skule med eit godt fagleg og sosialt miljø. Skulesamanslåing er på mange måtar ei spesiell form for skuleutvikling som påverkar mange; barna, foreldra og lærarane. Skal vi lukkast med organisasjonsutvikling innafor skulen, krev det at vi på alle nivå bestemmer oss for å gå i same retning og jobbar mot felles mål, og prøver å ta vare på det beste frå alle skulane. Kommunalsjef for oppvekst og helse har eit overordna ansvar for å planleggja, koordinera og setja i verk tiltak knytta til samanslåinga. Vi har starta ein prosess med leiinga ved dei aktuelle skulane, og i næraste framtid skal vi laga ein framdriftsplan som skal inkludera alle partar i skulen. Rektorar og inspektørar har ei viktig rolle i dette arbeidet, og kommunasjef vil følgja og delta tett i prosessane. Det er eit mål for heile kommuneleiinga at samanslåingsprosessane skal gjennomførast på ein best mogleg måte for alle. Skulestruktur i endring set i gang kjensler hos mange - både foreldre, føresette og personalet i skulane. Storleiken på skulen, skuleskyss, læringsmiljø for elevane, lærarane sine arbeidsoppgåver er alle faktorar som påverkar kvarandre og som gjer ein usikker i høve til kva som vert framtida i skulekvardagen. Det er allereie kome spørsmål til kommuneadministrasjonen. Korleis blir framdrifta, og korleis ein vil løysa alle utfordringane. Samarbeid er eit viktig stikkord, og vi har tru på at reell medverknad frå aktørane i skulen er ein suksessfaktor det visar erfaringar frå andre kommunar som har gjennomført slike prosessar. Det vil seia at ressursane i skulane - både menneskelege og økonomiske - ikkje skal redusera kvaliteten i opplæringstilbodet i kommunen, men auka det. På lengre sikt vil gjerne samanslåinga gi innsparingar, men ingen tilsette skal mista jobben sin i denne prosessen. Ingen elevar skal mista tilbod dei har og får td grunna spesielle behov. Vi må vera i forkant av kva barrierar ein vil møta undervegs sjå dei i tide! Det skal opprettast prosjektgrupper ved skulane, og deira oppgåve er å laga den konkrete framdriftsplanen for samanslåinga. Blant anna inneber det å laga ei analyse som listar opp kva som eventuelt vil Postadresse Telefon Telefaks Bankgiro E post: postmottak@austevoll.kommune.no 5392 Storebø 55 08 10 00 55 08 10 01 6518.05.00949 Foretaksreg. NO 941 139 787 MVA
Austevoll kommune Side 2 av 2 utgjera ei hindring og kva for tiltak ein skal setja inn i forkant. Slik sikrar vi overgongar til det beste for alle. Varige endringar krev forankring, og derfor har vi tydelege forventningar til skuleleiinga om å inkludera alle i eit arbeid og samarbeid om den gode skulen der elevane si læring og utvikling er det viktigaste. Arbeidet med å fusjonera Kolbeinsvik og Selbjørn skular til å bli ein ny skule er starta opp. FAU ved Kolbeinsvik skule har teke initiativ til ein gjennomgang av det fysiske miljøet i Selbjørn skule. Vi har hatt samtaler med skuleleiinga ved begge skulane, og det kjem som sagt, til å bli sett ned ei prosjektgruppe som relativt raskt skal få fram ein framdriftsplan. Planen skal involvera tiltak og aktivitetar for elevar, foreldresamarbeid og fellesmøte i personalet med mål om å utvikla ein felles organisasjons- og skulekultur, og ein god overgong spesielt for elevane. Arbeidet med Storebø og Trolandshamar til å bli ein ny skule er også starta opp. Desse skulane har i utgangspunktet litt betre tid på seg, men likevel ser vi det som viktig å starta no i og med at vedtaket er fatta og det fysiske bygget reiser seg. Det er valt ei gruppe som skal leggja premissar for uteområdet og trafikksikringa. Skuleleiinga arbeider konstruktivt med personalet sitt om kva som er mogeleg i ein ny skule, og foreldra skal tidleg involverast i arbeidet. Foreldre og føresette kan forventa at vi er tett på i prosessane framover og skal bli jamleg oppdaterte og informerte, det same gjeld politikarane. Det er positivt at FAU engasjerer seg, og for skulen er foreldra ein viktig ressurs. For oss er det viktig at vi spelar på lag og er løysingsfokuserte. Vi ønskjer alle foreldre og føresette velkommen til å bidra i arbeidet med å laga ein skule for framtida i Austevoll. Austevoll kommune Helge Skugstad Rådmann Per Olav Sørås Kommunalsjef Dette dokumentet er elektronisk godkjent og treng difor ikkje underskrift. Arkivsak: 2014001705-3
Saksframlegg Saksnr Utval Type Dato 023/14 Tenesteutvalet PS 20.11.2014 Sakshandsamar Arkiv ArkivsakID Bjørn Wefring 14/207 Kulturminneplan for Austevoll Tilråding frå rådmannen: Tenesteutvalet tek saka til orientering og bed rådmannen involvere andre relevante partar, inkludert lokale aktørar i arbeidet med kulturminneplanen. Bakgrunn for saka: Austevoll kommune søkte i februar 2014 fylkeskommunen om økonomiske midlar til å utarbeide ein kulturminneplan for kommunen. Midlar Riksantikvaren stilte til rådvelde. I slutten av juni fekk vi tilsegn frå Riksantikvaren om kr 100.000 til dette arbeidet. Vurdering: Administrasjonen har sidan tilsegnet vart gjeve søkt å bygge opp eigen kompetanse på området då det vart sterkt tilrådd frå både fylkeskommunen og frå Riksantikvaren. Rådmannen har delteke på kurs og seminarer i regi av Riksantikvaren og fylkeskommunen, obligatoriske kurs, sist i Bergen der fleire kommunar deltok som er i prosess med sine planar. Riksantikvaren seier at han ikkje vil diktere kommunane kva innhaldet skal vere i kulturminneplanen. Det skal kommunane bestemme sjølve. Vi skal lage ein plan som passar for oss, ein plan som er hensiktsmessig og har med objekter og hendelser, aktiviteter som vi meiner skal med. Det er tale om kunnskapsverdier, opplevingsverdier og bruksverdier. Kva er representativt for kommunen når vi vil fortelje historier frå gammal og ny tid og kva for objekter vil vi ta vare på? Det er aktuelt å vurdere både materielle og de immaterielle elementer. Riksantikvaren meiner det er viktig å få med det immaterielle element i planen. Vi skal sjå kulturminna som ein ressurs og ikkje ei barriere. Rådmannen vil arbeide vidare med saka og koma tilbake med forslag til kva objekter og aktiviteter som bør og kan vera med i ein slik plan.