Kviteseid kommune Møteinnkalling Utval: Kommunestyret Møtestad: Kommunestyresalen, Kommunehuset Dato: 07.05.2015 Tidspunkt: 18:30 Dersom De ikkje kan møte, ber ein om at De melder frå til sentralbordet tlf 35068100 snarast råd. Varamedlemmar møter bare etter særskilt innkalling. Representantane møter på brygga i sentrum for synfaring. Deretter vert det synfaring på Kviteseid skule. Før det formelle møte vert sett i kommunestyresalen etter synfaringane, orienterar kommunalsjef Ellen Marie Prag om Fagleg utgreiing kring skule- og barnehagestruktur.
Saksliste Utvalssaksnr. FO 3/15 PS 16/15 PS 17/15 PS 18/15 PS 19/15 Innhald Interpellasjon og spørsmål Godkjenning av protokoll Orienteringssaker K - Sal av eigedom - 40/18 - Husstøyl Kommunesamanslåing - mandat - kommunal organisering Lukka
FO3/15Interpellasjonogspørsmål PS16/15Godkjenningavprotokoll
PS17/15Orienteringssaker
Kviteseid kommune Arkiv: 040/018 Saksmappe: 2015/238-3 Sakshand.: Øystein Tveit Dato: 12.04.2015 Saksframlegg Utval Utvalssak Møtedato Formannskapet 36/15 22.04.2015 Kommunestyret 18/15 07.05.2015 K Eventuelt sal av eigedom - 40/18 - Husstøyl Vedlegg: 1 K - Tekning oversiktsplan Faktiske tilhøve: Husstøyl gnr.40, bnr 18, har vore kommunal utleigebustad i mange år. Når dei siste leigetakarane flytta ut i 2013/2014 vart bustaden ståande tom. Det er påvist muggsopp i golv og vegger. Det er vurdera uforsvarleg å leige ut, dersom det ikkje vert gjort ein større oppgraderingsjobb på bustaden. Sal av eigedomen heng og saman med diskusjonane omkring framtidig parkeringsbehov rundt kommunehuset og Vest-Telemark Næringspark. I februar 2015 fekk kommunen spørsmål frå ein privatperson som ønskjer å kjøpe Husstøyl for å pusse opp og leige ut bygget. I saker om sal av fast eigedom er det kun kommunestyret som har mynde til å avgjere dette. Vurdering: Slik eg ser det har kommunen to reelle val i denne saka. 1. Kommunen kan selje eigedomen. Dette vil løyse ut ein salsprosess der eigedomen vert lagt ut for sal på den opne marknaden. Vedkommande som har ønskja å kjøpe eigedomen får då høve til å kjøpe eigedomen på lik line med alle andre. 2. Kommunen kan beholde eigedomen fordi den er strategisk viktig for framtidig sentrumsutvikling. Vurdering av dei to ulike alternativa. Ved eit eventuelt sal av eigedomen ser ein for seg at nokon rustar opp bustaden, og at det vert leigd ut eller at nokon ønskjer å busetje seg her.
På grunn av nærleiken til veg og grense til naboeigedom er det ikkje mogleg å rive bustaden og setje opp ny bustad på same staden. Kviteseid kommune treng bustader til fastbuande. I tillegg er det etterspurnad etter leigebustader. Dette gjeld spesielt i samband med utvidinga i næringshagen. Eit sal av Husstøyl vil i denne samanhengen vere positivt. Sentrumsutvikling. Eigedomen er viktig i tankane rundt framtidig behov for parkering i samband med utviding av Vest-Telemark næringspark. Kviteseid sentrum har ein del parkeringsareal, men det er ligg spreidd, og ikkje i nærleiken av næringshagen. Det er ikkje ledige parkeringsareal på kommunehustomta. I tillegg vil ei mogleg utviding av Fredheim vil kunne redusere arealet noko. Pris ved eit eventuelt sal. Det er vanskeleg å prise eit oppussingsobjekt. Dersom kommunestyret ønskjer å sele eigedomen meiner eg det er fornuftig å ha ein minstepris. Denne prisen kan ta opp i seg alternativ nytte av området. I tillegg vil ein minstepris gjere det klart at kommunen ønskjer ein kjøper som har tankar om å utvikle eigedomen. Vurdert ut frå tomteprisar og anleggskostnader bør denne prisen vere 800.000,-. Denne summen tar opp i seg tre element. Tomteprisen i sentrum, verdien av opparbeida parkeringsareal og verdien på bustaden. Verdien på bustaden er vurdert svært lågt. Eg ser at dersom ein les saka som om parkering er viktigare enn bustader så vert konklusjonen feil, men mitt mål er at Vest-Telemark Næringspark må få best mogleg vekstvilkår. Dette gjer kommunen best med å tenke langsiktig i forhold til arealutnytting. Rådmannen si tilråding: Kommunestyret i Kviteseid ønskjer ikkje å sele eigendommen Husstøyl til bustadformål. Ved ei utviding av Vest-Telemark næringspark ønskjer kommunestyret at eigedomen vert nytta til å leggje til rette for dette. Saksprotokoll i Formannskapet - 22.04.2015 Behandling i møtet: SP, Krf og H v Tove Anette Gjølberg kom med fylgjande endringsframlegg: «Kommunestyret i Kviteseid ønsker å selje eigedomen Husstøyl til leilighetsformål. Kjøper må framlegge renoveringsplan og framdriftsplan før kjøpet godkjennes. Prosjektet må være fullført innen et år etter kjøpet, elles går bygget tilbake til Kviteseid kommune. Minsteprisen blir sett til kr. 800 000,-.» Rådmannen si tilråding vart sett opp mot framlegget frå SP, Krf og H. Framlegget frå SP, Krf og H vart samrøystes vedteke. Vedtak: Kommunestyret i Kviteseid ønsker å selje eigedomen Husstøyl til leilighetsformål. Kjøper må framlegge renoveringsplan og framdriftsplan før kjøpet godkjennes. Prosjektet må være fullført innen et år etter kjøpet, elles går bygget tilbake til Kviteseid kommune. Minsteprisen blir sett til kr. 800 000,-.
X 6585000 6584950 3 00. 'c o å _ 4. st :500
Kviteseid kommune Arkiv: 020 Saksmappe: 2014/14-10 Sakshand.: Øystein Tveit Dato: 27.04.2015 Saksframlegg Utval Utvalssak Møtedato Kommunestyret 19/15 07.05.2015 Kommunesamanslåing - mandat - kommunal organisering Faktiske tilhøve: I kommunestyret 04.02.2015 sak 4/2015 fatta Kviteseid kommunestyre følgjande vedtak: Med utgangspunkt i det utarbeidde forstudiet og kommunestyrevedtaka i dei 6 kommunane, går Kviteseid kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: - Oppretthalde alle 6 kommunane med ei forplikting om meir interkommunalt samarbeid - Samanslåing til ein kommune der fylgjande kommunar inngår: Fyresdal, Kviteseid, Nissedal, Seljord og Tokke. - I tillegg kan forprosjektet greie ut mogleg samanslåing av: Tokke - Vinje Tokke - Vinje - Fyresdal Tokke - Fyresdal Etter handsaminga i dei andre kommunane, er ikkje denne løysinga lenger mogleg. Samstundes som kommunen skal velje kven som skal utgreie samanslåing med bør kommunen velje ei forhandlingsgruppe. Mandatet til denne gruppa er å utarbeide ei intensjonsavtale mellom dei kommunane som eventuelt skal slå seg saman. Vurdering: Kviteseid kommunestyre har eit sjølvstendig ansvar for å skaffe seg eit best mogleg fagleg grunnlag før kommunestyret skal tilrå om Kviteseid skal vere del av ei kommunesamanslåing. Både politisk og administrativt har Kviteseid hatt ønskje om å greie ut heile Vest-Telemark som eigen kommune. Politisk har ikkje dette lete seg gjere. Kommunane Tokke, Fyresdal og Vinje ønskjer ikkje å utgreie ei alternativ kommunesamanslåing med Kviteseid kommune. Tokke og Fyresdal har fatta vedtak som gjer at dei kan starte ei utgreiing. Nissedal og Seljord har vedtak som gjer at ei utgreiing mellom Seljord, Kviteseid og Nissedal er mogleg. Kviteseid kommune manglar eit slikt vedtak.
Det første og kanskje beste argumentet for å starte eit samarbeid er at det er vilje frå alle deltakarane om å samarbeide. For Kviteseid er det ingen dårleg løysing å gjere ei utgreiing med Seljord og Nissedal. Ulempa er at vi sjølv etter ei eventuell samanslåing vil vere ein liten kommune sett ut frå regjeringas ønskje. Eg ønskjer likevel ei slik utgreiing velkommen. Så får heller utgreiinga vise dei svake og sterke sidene ved ei eventuell samanslåing. Forhandlingsutval og intensjonsavtale: Ein viktig del av utgreiingsarbeidet vert å lage ei intensjonsavtale mellom dei kommunane som ynskjer å slå seg saman. Forhandlingutvalet skal syte for at det vert fatta naudsynte vedtak som sikrar framdrift i forprosjektet, samt forhandle fram utkast til intensjonsavtale mellom dei aktuelle kommunane. Intensjonsavtala skal endeleg vedtakast av kommunestyret. Kven bør delta i dette utvalet? Med utgongspunkt i at det er 3 kommunar som skal utarbeide avtala, bør det ikkje vere for mange deltakarar. Seljord kommune er også med i Midt-Telemark utgreiinga. I Midt-Telemark vil forhandlingutvalet bli sett saman av to politisk valde representantar med vara frå kvar kommune. Seljord kommune legg opp til same forhandlingsutval i vår utgreiing. Forhandlingsutvalet bør veljast på funksjon. I løpet av arbeidsperioden er det val, og valet i Kviteseid vil føre til bytte av ordførar. Eg meiner det er riktig at ordførar og opposisjonsleiar er faste medlemmar i forhandlingsutvalet. Dette fører til at det er likevekt mellom partane i den enkelte kommune. Når det gjeld fast vara til forhandlingsutvalet bør kommunestyret sjølv avgjere dette. Rådmannen si tilråding: Med utgangspunkt i det utarbeidde forstudiet og kommunestyrevedtaka i dei 6 Vest-Telemark kommunane, går Kviteseid kommune inn for å delta i eit forprosjekt. Forprosjektet vert kosta av Vest-Telemarkrådet og organiserast i tråd med innretninga i forstudiet. Fylgjande alternativ skal greiast ut: - Oppretthalde dei kommunane som ønskjer det med ei forplikting om meir interkommunalt samarbeid. - Utgreiing av ein kommune der fylgjande kommunar inngår: Kviteseid, Nissedal og Seljord. - I tillegg kan forprosjektet greie ut andre mogleg kombinasjonar av samanslåing av kommunane Tokke, Vinje og Fyresdal. Kommunestyret set ned eit forhandlingsutval som utgjer kommunen sitt forhandlingsutval i samband med gjennomføring av forprosjekt/kommunereform. Forhandlingsutvalet får fullmakt til å fatte vedtak som gjeld forprosjektet og som sikrar framdrift av dette, samt forhandle fram utkast til intensjonsavtale mellom dei aktuelle kommunane. Forhandlingsutvalet skal halde kommunestyret fortløpande orientert om dei vedtak som blir fatta. Ordørar og opposisjonsleiar er faste medlemmar i forhandlingsutvalet. For ordførar vert. vald som fast vara. For opposisjonsleiar vert..vald som fast vara.