Sak nr D- Vår dato: Vår referanse: 18.11.2015 2015/1604-50426826/2015 Vår saksbehandlar: Direkte telefonnr.: Dykkar dato: Dykkar referanse: Linda Djuvik 53423156 Planlegg Bømlo AS SVAR PÅ SØKNAD OM OPPSTART AV REGULERINGSPLAN FOR REISELIV, NÆRING- OG UTLEIGEHYTTER GAMLE STRAUMEN 124/4 M.FL. STEINSVÅG PLANID 201502 Bømlo kommune, Utval for areal og samferdsel handsama søknad om oppstart av reguleringsplan for reiseliv, næring- og utleigehytter gamle Straumen 124/4 m.fl. Steinsvåg i møte 11.11.2015 sak PS 159/15. Utval for areal og samferdsel gjorde samrøystes slikt vedtak: 1. I samsvar med 12-3 i Plan- og bygningslova vil rådmannen rå til at gnr.124, bnr. 60 og deler av bnr. 4 og 5 Steinsvåg, Finnås i Bømlo vert teke opp til regulering til bygg for reiseliv/næring/utleigehytter med tilhøyrande trafikkareal, kaiar og småbåthamn. Forslagsstillar skal melde oppstart av planarbeidet i samsvar med Plan- og bygningslova 12-8. 2. Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Krav til parkering for reiseliv/næring/utleigehytter må takast med i reguleringsføresegner og i reguleringsplankart. 4. Bømlo kommune set ikkje krav om konsekvensutgreiing av reguleringsplanen. Saksutgreiinga ligg ved. Faktura på gebyr vert sendt Rune Grønnevik i eigen sending. Ber om at kopi av vedtak og saksutgreiing frå politisk møte i areal og samferdsel vert sendt til alle høyringspartar i samband med oppstartsmelding. Med helsing Bømlo kommune Linda Djuvik Sakshandsamar arealplan Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: 53 42 30 00 Organisasjonsnr.: 834 210 622 postmottak@bomlo.kommune.no Telefax: 53 42 30 01 Bankgiro: 3201.61.51687 www.bomlo.kommune.no Postgiro for skatt: 6345.06.12199
Side 2 av 5 Saksutgreiing til folkevalde organ Dato: Arkivref: 12.10.2015 2015/1604-23332/2015 / 504 Saksbehandlar: Linda Djuvik 53423156 linda.djuvik@bomlo.kommune.no Sak nr i møte Utval Møtedato 159/15 Utval for areal og samferdsel 11.11.2015 PRINSIPPSØKNAD FOR Å MELDE OPPSTART AV REISELIV, NÆRING- OG UTLEIGEHYTTER GAMLE STRAUMEN 124/4 M.FL. STEINSVÅG PLANID 201502 Rådmannen sitt framlegg til vedtak: 1. I samsvar med 12-3 i Plan- og bygningslova vil rådmannen rå til at gnr.124, bnr. 60 og deler av bnr. 4 og 5 Steinsvåg, Finnås i Bømlo vert teke opp til regulering til bygg for reiseliv/næring/utleigehytter med tilhøyrande trafikkareal, kaiar og småbåthamn. Forslagsstillar skal melde oppstart av planarbeidet i samsvar med Plan- og bygningslova 12-8. 2. Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Krav til parkering for reiseliv/næring/utleigehytter må takast med i reguleringsføresegner og i reguleringsplankart. 4. Bømlo kommune set ikkje krav om konsekvensutgreiing av reguleringsplanen. Saksprotokoll i Utval for areal og samferdsel - 11.11.2015 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Planlegg Bømlo AS v/vidar Onarheim dato 15.10.2015
Side 3 av 5 Bakgrunn for saka: I brevet av 15.10.2015 står det: «På vegne av grunneigar Rune Grønnevik m.fl sender me med dette prinsippsøknad for oppstart av detaljregulering av ovannemnde område ved Gamlestraumen, Steinsvåg. I gjeldande kommuneplan er området disponert til fritids- og turistføremål. Ein søkjer å planlegga detaljregulering av området til utleigebygg for næring/turisme med tilhøyrande infrastruktur. I kommuneplanen sine føresegner vert det stilt krav til detaljregulering for område der det er plass til meir enn 4 naust i rekkje, og det er på denne bakgrunn at ein ynskjer oppstart av detaljregulering av området. I kommuneplanen er området vist som hensynssone H570_21, Bevaring kulturmiljø verneverdige sjøbruksmiljø. Dette vil verta hensyntatt og omtalt i reguleringsplanframlegget. Planområdet omfattar delar av g.nr 124, b.nr 4 samt heile b.nr 60. I tillegg har ein i samråd med planavdelinga i Bømlo Kommune tatt med område for tilførselsveg og siktsoner opp til kommunal veg. Det samla planområdet utgjer omlag 4.0 daa. Området er ikkje tidlegare regulert, men er i kommuneplanen avsatt til Fritids- og turistføremål. Reguleringsframlegget er difor i tråd med gjeldande kommuneplan. Føremålet med detaljreguleringsplanen er å planleggja for bygging av inntil 10 bygg for fritids- og reiselivsføremål i henhold til planskisse. Innanfor planområdet vert det tilrettelagt for naudsynt trafikkareal, kaiar, flytebrygger og småbåthamn i sjø. Håpar på rask og positiv handsaming av søknaden».
Side 4 av 5 Vurderingar: Det omsøkte området er på gnr. 124 bnr. 60 og delar av bnr. 4 Steinsvåg på Finnås. Søknaden gjeld løyve til oppstart av detaljreguleringsplan for å regulere området til bygg for reiseliv/næring/utleige. Området er ikkje regulert tidlegare. I gjeldande kommuneplan er området vist som næringsområde for fritids- og turistføremål med bandleggingssone H710_72 som set krav til reguleringsplan. Tiltaket vil såleis vera i tråd med gjeldande kommuneplan. Planen skal utarbeidast som detaljregulering jfr. 12-3 i plan- og bygningslova. Etter vår vurdering utløyser ikkje reguleringsplanen krav om konsekvensutgreiing etter forskrift om konsekvensutgreiing. Omsøkt areal grensar ikkje til eksisterande vedtekne planar. Kommuneplan for Bømlo har ikkje eigne overordna føresegner for utbygging av slike næringsområde. Ein legg til grunn at det i planarbeidet vert vurdert nok parkeringsbehov i høve til utbygginga. I tillegg må utbygginga leggja vekt på ei maritim utforming av bygningsmassen og tilpassing til kulturmiljøet området ligg i. Rådmannen rår til at det vert gjeve løyve til oppstart av arbeidet med detaljreguleringsplan for dette området på Finnås som omsøkt. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i området. Området er heller ikkje avsett til viktig viltområde. Området ligg i omsynssone H530_21 verneverdig sjøbruksmiljø. I same område vert planområde tangert av omsynssone H530_8 omsynssone for friluftsliv, Ulvesøyane, Finnåsvika/Børøyfjorden (statleg sikra friluftsområde). Vest for planområde ligg omsynssone for bevaring kulturmiljø, H570_3 verdifulle kulturlandskap. Beredskap- og samfunnstryggleik: Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. Folkehelse: Etablering av utleigebygg for næring/turisme vil bidra til utøving av sjørelaterte aktivitetar som er positive i høve til folkehelse. Oppsummering og konklusjon: I kommuneplan for Bømlo er det sett av eit næringsområde til fritids- og turistføremål, Steinsvåg på Finnås. No har Planlegg Bømlo AS på vegne av Rune Grønnevik m.fl. søkt om løyve til å starta opp arbeidet med detaljregulering for området. Sidan området er avsett til fritids- og turistføremål i kommuneplan er det ikkje trong for konsekvensutgreiing av reguleringsplan. Rådmannen finn å tilrå oppstart med detaljregulering for dette området.
Side 5 av 5