Vår dato 22.06.2017 2017/1299/ASBU/433.51 Saksbehandlar, innvalstelefon Dykkar dato Dykkar ref. seniorrådgivar Astrid Buset, 71 25 85 41 Vår ref. Etter adresseliste Fastsetting av forskrift om jakttid og døgnregulering av jakt etter grågås i Møre og Romsdal i jakttidsperioden 1. april 2017-31. mars 2022. Vi viser til Dykkar søknader om tidlegare jaktstart på grågås. Med bakgrunn i Fylkesmannen si godkjenning av lokale forvaltningsplanar for grågås i kommunane Haram, Sandøy, Aukra, Vestnes, Rauma, Halsa og Smøla opnar vi opp for tidlegare jaktstart på grågås i desse kommunane frå og med 26. juli 2017. Det vert frå 26. juli opna opp for jakt på innmark med maskinell slått og inngjerda beite som blir gjødsla samt 30 meter randsoner kring Frå og med 3. august vert det opna for jakt i to utmarksparsellar på Smøla i samsvar med vilkår i Fylkesmannen sitt vedtak av 20. juni 2017 om godkjenning av forvaltningsplanen. Tidlegjakta vert døgnregulert i samsvar med lokale ynskje innanfor rammene fastsett i jakttidsforskrifta. Juridisk grunnlag Forskrift om døgnregulering og tidlegare jaktstart etter grågås i Møre og Romsdal vert fastsett med heimel i 3 punkt 1 bokstav a i forskrift 25. januar 2017 nr. 106 om jakt- og fangsttider, samt sanking av egg og dun for perioden 1. april 2017 31. mars 2022, og i samsvar med Retningslinjer fastsett av Miljødirektoratet 25. januar 2017. Bakgrunn Haram, Sandøy, Aukra, Vestnes, Rauma, Halsa og Smøla kommunar har søkt Fylkesmannen om tidlegare jaktstart på grågås. Gjennom forskrift kan det opnast for tidlegare jaktstart inntil 15 dagar før ordinær jaktstart 10. august. I denne perioden skal Fylkesmannen fastsette enten morgonjakt innanfor tidsramma kl. 24.00-10.00 eller kveldsjakt innanfor tidsramma kl. 16.00-22.00. Forskrift kan berre fastsettast for kommunar med godkjent lokal forvaltningsplan. Fylkesmannen har ved vedtak den 20. juni 2017 godkjent forvaltningsplanane for kommunane Haram, Sandøy, Aukra, Vestnes, Rauma, Halsa og Smøla. Kommunane har søkt om slik regulering av tidlegjakta: Områdeavgrensing Det kan jaktast på innmark med maskinell slått og inngjerda beite som blir gjødsla samt 30 m randsoner kring Fylkesmannen i Møre og Romsdal Postboks 2520, 6404 MOLDE - 71 25 84 00 - fmmrpostmottak@fylkesmannen.no Organisasjonsnr: 974 764 067
side 2 av 7 Frå 3. august tre utmarksområde vist i kart som ligg ved forvaltningsplan for grågås på Smøla. Døgnregulering Aukra og Halsa kommunar ikkje opplyst Sandøy kommune i tidsrommet mellom kl 16-22 Haram kommune i tidsrommet mellom kl 24-10 Rauma kommune i tidsrommet mellom kl 02-10 Vestnes kommune i tidsrommet mellom kl 04-10 Smøla kommune 26. og 30. juli, 3. august og 8. august i tidsrommet mellom kl 03-11, 28. juli, 1. august, 5. august og 9. august i tidsrommet mellom kl 15-23 Formålet med å starte jakta på grågås tidlegare enn 10. august er å avgrense skadeomfanget på dyrka mark, og regulere bestanden slik at jaktuttaket aukar ved at jakta kan skje over ein lengre periode før gjæsene trekker sørover og ved å felle fleire ikkjehekkande gjæser. Ein føresetnad for å forskriftsfeste tidlegare jaktstart er at det ikkje blir drive omfattande skadefelling av grågås på våren. Kommunar som har hatt tidlegjakt på grågås siste jakttidsperiode er gjeve høve til å kome med innspel til korleis tidlegjakta bør organiserast i sin kommune. Saka har ut over dette ikkje vore på høyring, jf. forvaltningslova 37 tredje og fjerde ledd. Fylkesmannen si vurdering Grågåsbestandane langs kysten har auka dei seinare åra og grågåsa hekkar no langs heile norskekysten. Bestanden er i 2015 estimert til om lag 18 000-21 000 par (NINA Rapport 1178). Talet er svært usikkert. Til samanlikning var bestanden på byrjinga av 1990-talet estimert til 7 000-10 000 par (Gjerdshaug m.fl. 1994). Grågåsa har endra åtferd og levemåte i takt med endringar i områda ho lever i. Både hekketidspunkt og trekktidspunkt er betydeleg endra, noko som gjer det vanskeleg å jakte på grågåsa før ho trekker ut av landet. Både vårtrekk, hekking og haustrekk startar no 3-4 veker tidlegare enn i dei siste 20-30 år. Dette inneberer at mange gjæser i Møre og Romsdal kan starte trekket lenge før ordinær jaktstart 10. august. Ikkje-hekkande gås kan starte trekket så tidleg som i slutten av juli. Nye undersøkingar på Smøla har derimot vist at ein del grågjæser kan vente lenger enn antatt med å trekke sørover. GPS-loggar på 10 gjæser viste at dei merka gjæsene framleis var på Smøla 1-2 veker etter jaktstart. Gjæsene oppheldt seg då i utmarka og ikkje på dyrkamark (NINA Rapport 1178). Aktivt driven innmark utgjer etter kvart ein vesentleg del av næringsgrunnlaget for grågåsa. Dette heng i stor grad saman med at ålegrasengene har blitt færre og delvis forsvunne langs kysten. Gåsa må hente næring andre stader enn frå dei grunne sjøområda, og har flytta inn på dyrkamark. Dette har medført problem for dei som driv aktivt landbruk, der beiteskadar og tilgrising med avføring medfører avlingstap. Det er fleire bestandar av grågås der det skjer lite hausting i den ordinære jakttida etter at hekketida er avslutta. Dette har ført til omfattande uttak av skadegjerande grågås med heimel i skadefellingsforskrifta etter viltlova fleire stadar i fylket. Det vil seie at mykje
side 3 av 7 grågås blir felt i starten av hekketida, noko som er i strid med intensjonane i viltlova og naturmangfaldlova. Seks av sju kommunar i Møre og Romsdal som har hatt tidlegare jaktstart på grågås siste jakttidsperiode melder i samband med revidering av forvaltningsplanane, at beiteskadane på dyrkamark forårsaka av grågås har minka, eller at konflikten med landbruksnæringa er redusert. Kommunane melder om noko ulike årsaker til at konfliktane/beiteskadane er mindre no enn for berre få år sidan. I Sandøy og Haram har det fram til i dag vore ein liberal praksis knytt til skadefelling av grågås. Kommunane meiner dette kan ha bidrege til eit enda tidlegare trekk og redusert interessa for tidlegjakt og for den ordinære grågåsjakta. Smøla kommune har i siste jakttidsperiode regulert tidlegjakta på grågås til einskilde dagar med jaktfrie dagar imellom. Kommunen har samstundes blitt meir restriktive med å tildele skadefellingsløyve. Ein ser av jaktstatistikken for Smøla (SSB) og tilbakemeldinga frå kommunen, at jaktuttaket har auka medan konfliktane med jordbruket er blitt reduserte. Det vert også felt ein vesentleg andel unggås (tal frå grågåsundersøkingane i 2013), noko som er heilt i tråd med intensjonane med å opne for tidlegare jaktstart. Figur 1: Utviklinga i jaktuttaket på grågås i Møre og Romsdal i perioden 2009-2015 i heile fylket (raud graf) og i dei sju kommunane som har hatt tidlegare jaktstart på grågås (blå graf). Trenden fylket sett under eitt, er at færre gås vert felt under tidlegjakt og ordinær jakt. Auken i fellingstala i 2015 skuldast truleg effektiv grågåsjakt på Smøla dette året, med 660 innrapporterte felte grågås (kjelde: SSB jaktstatistikk). For å tilpasse jaktstarten slik at grågåsa ikkje blir tvinga til å trekkje før ho har opparbeidd kondisjon til det, opnar vi først og fremst for tidlegare start på jakta der det er eit reelt skadepotensiale og alternativet til tidlegare jaktstart ville vore skremming og/eller felling av skadegjerande grågås med heimel i skadefellingsforskrifta av 01.09.1997. Innfor rammene av Forskrift 25. januar 2017 nr. 106 om jakt- og fangsttider, samt sanking av egg og dun for perioden 1. april 2017 31. mars 2022, og Retningslinjer fastsett av Miljødirektoratet 25. januar 2017, opnar Fylkesmannen ved forskrift for tidlegare jaktstart etter grågås med slik områdeavgrensing og døgnregulering:
side 4 av 7 Haram, Aukra og Halsa kommunar i tidsrommet mellom kl 24-10 Sandøy kommune i tidsrommet mellom kl 16-22 Rauma kommune i tidsrommet mellom kl 02-10 Vestnes kommune i tidsrommet mellom kl 04-10 Smøla kommune 26. og 30. juli, 3. august og 8. august i tidsrommet mellom kl 03-10, 28. juli, 1. august, 5. august og 9. august i tidsrommet mellom kl 16-22 Frå 3. august 2 utmarksområde vist i kart til forvaltningsplan for grågås på Smøla i samsvar med Fylkesmannen si godkjenning av planen i vedtak 20. juni 2017. Forskrifta opnar opp for å vidareføre tidleg jaktstart på grågås på innmark samt i nokre avgrensa område i utmark. Ved å opne for ei sterkt avgrensa grågåsjakt både når det gjeld tid på døgnet og geografisk utstrekning, vurderer vi at jakta i liten grad vil føre til skadeleg uroing av andre artar som har tilhald i eller i nærleiken av dei aktuelle områda. Vi ber kommunane informere dei som skal jakte der det kjem inn kullgås om at dei må gjere det dei kan for å unngå å felle foreldrefugl som har med seg årsungar. Dette må gjerast ved aktiv informasjon til grågåsjegerane. Fylkesmannen reknar den kunnskapen vi har gjennom erfaringane med tidlegare jaktstart og overvaking av bestandane i ei årrekkje som tilfredsstillande til at vi kan fastsette forskrift om tidlegjakt frå 26. juli i dei kommunane som har godkjent forvaltningsplan og som har søkt om dette; jf. 8 i naturmangfaldlova (NML). Føre-var-prinsippet, jf. 9 i NML, blir difor tillagt liten vekt. Føresetnaden for å opne for tidlegare jaktstart er at kommunane er restriktive med å tillate skadefelling av grågås på våren, slik at haustinga målrettast inn mot tidlegjaktperioden og ordinær jakttid. Ut frå dei erfaringane vi har med utviklinga av grågåsbestandane i dei åra vi har hatt tidlegare jaktstart, kan vi ikkje sjå at samla belastning går ut over det som er akseptabelt; jf 10 i NML. Forskrifta blir kunngjort i Norsk Lovtidend og er lagt ved. Vi ber kommunane gjere forskrifta kjend for interesserte. Med helsing Linda Aaram (e.f.) miljøverndirektør Ola Betten fagansvarleg naturforvaltning Dokumentet er elektronisk godkjent og har ingen signatur.
side 5 av 7 Vedlegg: Forskrift om jakttid og døgnregulering av jakt etter grågås, Møre og Romsdal Adresseliste: Aukra kommune Aukraringen 25 6480 AUKRA Halsa kommune Rådhuset, Liabøen 6683 VÅGLAND Haram kommune Storgata 19 6270 BRATTVÅG Rauma kommune Vollan 8 A 6300 ÅNDALSNES Sandøy kommune Steinshamnvegen 112 6487 HARØY Smøla kommune Postboks 34 6571 SMØLA Vestnes kommune Rådhuset 6390 VESTNES Kopi: Miljødirektoratet Postboks 5672 Sluppen 7485 TRONDHEIM Statens naturoppsyn Postboks 5672 Sluppen 7485 TRONDHEIM Møre og Romsdal fylkeskommune Fylkeshuset 6404 MOLDE Søre Sunnmøre landbrukskontor Dragsundvegen 6 6080 GURSKØY Surnadal kommune Bårdshaugvegen 1 6650 SURNADAL Sande kommune Rådhuset 6048 LARSNES Giske kommune Rådhuset 6050 VALDERØY Ørsta kommune Dalevegen 6 6153 ØRSTA Kristiansund kommune Postboks 178 6501 KRISTIANSUND Politiet i Nordmøre og Romsdal Postboks 244 6501 KRISTIANSUND Politiet i Sunnmøre Pb 1535 Sentrum 6001 ÅLESUND NJFF Møre og Romsdal Skaret 6422 MOLDE Møre og Romsdal Bondelag Fannestrandvegen 63 6415 MOLDE Møre og Romsdal Sau og Geit v/ Hilmar Kvalvikveien 185 6522 FREI Kleppe Møre og Romsdal Bonde- og Bækken 6628 MEISINGSET småbrukarlag v/ Guro Amundsen Bækken Forum for natur og friluftsliv Møre og Romsdal Idrettsvegen 2 6413 MOLDE
side 6 av 7 Vedlegg Forskrift om jakttid og døgnregulering av jakt etter grågås i Haram, Sandøy, Aukra, Vestnes, Rauma, Halsa og Smøla kommunar, Møre og Romsdal Fastsett av Fylkesmannen Møre og Romsdal 22. juni 2017 med heimel i 3 punkt 1 bokstav a i forskrift 25. januar 2017 nr. 106 om jakt- og fangsttider, samt sanking av egg og dun for perioden 1. april 2017 31. mars 2022. I Det blir opna for tidlegare jaktstart på grågås i kommunane Haram, Sandøy, Aukra, Vestnes, Rauma, Halsa og Smøla med bakgrunn i lokale forvaltningsplanar for grågås for desse kommunane. II Det blir opna for jakt på grågås frå 26. juli 2017 med følgjande døgnregulering og avgrensing av dagar innafor område med følgjande geografisk avgrensing fram til ordinær jaktstart 10. august: Kommunar Sandøy Haram, Aukra og Halsa Rauma Vestnes Smøla Dagar og døgnregulering kl 16.00-22.00 kl 24.00-10.00 kl 02.00-10.00 kl 04.00-10.00 26. og 30. juli, 3. august og 8. august Kl 03.00-10.00 Smøla 28. juli, 1. august, 5. august og 9. august Kl 16.00-22.00 Områdeavgrensing* Frå 3. august 2 utmarksområde vist i kart til forvaltningsplan for grågås på Smøla i samsvar med Fylkesmannen si godkjenning av planen i vedtak 20. juni 2017. Frå 3. august 2 utmarksområde vist i kart til forvaltningsplan for grågås på Smøla i samsvar med Fylkesmannen si godkjenning av planen i vedtak 20. juni 2017.
side 7 av 7 * For område der det er forbod mot jakt i medhald av vern etter naturmangfoldloven eller naturvernloven, må det vere gitt dispensasjon frå verneforskriftene for at jakt skal vere lovleg. III Denne forskrifta tek til å gjelde straks, og gjeld fram til og med 31. mars 2022. IV Fylkesmannen kan endre eller oppheve denne forskrifta dersom det er naudsynt.