Detaljregulering fritidsbustader Gangstøtoppen Føresegner Generelt 1. Desse føresegnene gjeld for det området som på plankartet er vist med plangrense. 2. Formålet med planen er å legge til rette for bygging av fritidsbustadar med tilhøyrande vegar, naust/naustbuer og småbåtanlegg. Området skal regulerast til følgjande formål: I. Bygningar og anlegg (fritidsbustader, naust, brygger, småbåtanlegg i sjø og vassdrag, båtopptrekk og leikeplass ) II. Samferdselsanlegg og teknisk infrastruktur (kjøreveg, p-plass) III. Grøntstruktur (naturområde, friområde, badeplass, turveg) IV. Bruk av sjø og vassdrag (friluftsområde) Fellesføresegner 3. Dersom det under arbeid med tiltak i planområdet, blir gjort funn av automatisk freda gjenstandar eller konstruksjonar, må arbeidet straks stansast og kulturstyresmakt varslast for nærare undersøking på staden, jf. kulturminnelova. 4. Eksisterande terreng og vegetasjon skal i størst mogleg grad takast vare på. Ubygde område må gis ei tiltalande form og behandling. 5. Tiltak i sjø (brygger, bølgjedempar, utriggerar, utfyllingar, sjøleidningar m.m.) krev løyve frå hamnemynde i tillegg til behandling etter plan- og bygningslova, jf. hamne- og farvasslova. Bygningar og anlegg A. Fritidsbustadar 6. Fritidsbustadar skal plasserast innanfor byggegrenser som vist på plankartet. 7 Innanfor 100-meters beltet langs sjøen kan det byggjast fritidsbustadar i ein etasje på maks 90 m 2 BYA inklusiv uthusfunksjon og garasje. Utanfor 100-meters beltet langs sjøen kan det byggast fritidsbustadar i ein etasje på maks 135 m 2 BYA inklusiv uthusfunksjon og garasje. Det er ikkje tillate å føre opp frittståande uthus, anneks eller garasje i tilknyting til fritidsbustad. 8. Grunnmur eller pelar skal vere så låge som muleg, og skal ikkje vere høgare enn 1,0 meter. Planering og utgraving på tomt skal ikkje vere meir omfattande enn det som er naudsynt ut frå bygningsmessige omsyn og behovet for parkering på eiga tomt (jf. 30) 9. Fritidsbustadane skal gjennom utforming og plassering tilpassast terrenget best
mogleg. Fritidsbustadar skal ikkje førast opp på bakketopp eller i synsranda. Med byggesøknad skal det følgje snitt-teikningar som viser eksisterande og planlagt terreng på alle sider av bygget. I skrått terreng kan tillatast hus med halve plan (split level) dersom dette gir betre terrengtilpassing. 10. Tillaten gesimshøgde er 3,5 m og mønehøgde 5,5 m målt frå topp grunnmur. For ev pulttak kan maksimal høgde for øvre gesims vere 5 meter og nedre gesims 3,5 m målt frå topp grunnmur. For fritidsbustadar med flatt tak er maksimal gesimshøgde 3,5 meter målt frå topp grunnmur. 11 For alle fritidsbustadar skal det nyttast mørke/naturtilpassa fargar i samtlege fasadeog konstruksjonsmaterialar. Det må nyttast ikkje-reflekterande mørk farge/materiale i taktekkinga. 12 For kvar fritidsbustad skal det dokumenterast: - 2 biloppstillingsplassar på eigen grunn - tilgang til 1 båtplass i Gangstøvika. 13 Før ferdigattest blir gitt, skal det ligge føre godkjenning for tilfredsstillande drikkevatn. 14 Det skal leggast vatn og kloakk til tomtene i samsvar med godkjent teknisk plan. Ved framføring av VA-anlegg, tele- og elektriske kablar innanfor byggeområda, skal desse så langt råd er, leggjast i jordkabel og terreng skal tilbakeførast til naturleg terreng. Avfallshandtering for fritidsbustadar og naustområde skal vere i samsvar med forureiningslova. Samleplass for avfall er felles og ligg nært opp til kryss med fv 734 og er i samsvar med avtale med grunneigar. B. Naust 15 I området er det planlagt 6 naust og 6 naustbuer. Desse må oppførast innanfor naustområde som vist på reguleringskartet. Ved sal av naust og naustbuer, skal desse fortrinnsvis tilbydast eigarar av fritidsbustad i planområdet. 16 Naust kan ha maks BYA 30 m 2, og førast opp i ein etasje med maks mønehøgd på frontveggen mot sjø på 5 meter og maks gesims 3 meter. Ved byggesøknad skal dette dokumenterast ved plan- og snitt teikningar, i samsvar med definisjonar i Teknisk forskrift. Bruksarealet skal reknast utan tillegg for tenkte plan. Det er tillate med maks 1 m 2 vindauge. Topp møne kan maks plasserast på kote +6,5. Innretningar (t.d. straum) som ikkje vil tole vassinntrenging skal monterast på minimum kote +2,5. Fellesbygg for naustbuer kan oppførast med maks BYA 70 m 2, skal førast opp i ein etasje med maks mønehøgde på frontveggen mot sjø med 5,5 meter. 17 Naust skal tilpassast lokal byggeskikk og førast opp som tradisjonelle naust. Byggemateriale skal vere tre eller stein. Taktekke skal vere takstein (av ikkje reflekterande materiale) eller skifer. Det skal nyttast mørke/naturtilpassa fargar i naustområde. Fasade mot sjø skal ha sidehengsla tett naustdør. 18 Naust skal ikkje byggast slik at det stenger for allmenn ferdsel mellom naust og sjø. Det skal leggast til rette for allmenn ferdsel i strandsona. Stengsel som kan hindre persontilgang til naustområde og brygger, er ikkje tillate. Dette gjeld grinder, gjerde, levegg, skilt m.m.
19 Naust skal berre nyttast til oppbevaring av mindre båtar, og utstyr for bruk av sjøen i rekreasjonssamanheng. C. Brygger/småbåtanlegg 20 Bryggjer og småbåtanlegg skal byggast slik at dei ikkje stenger for allmenn ferdsel mellom naust og sjø. Brygger og småbåtanlegg er felles for fritidsbustadar og dei med rettar i naust og naustbuer. Bølgjebrytar skal leggast slik det er vist på planen. Innanfor bølgjebrytar kan det monterast utriggerar eller båtfeste. Stengsel som kan hindre persontilgang til brygger er ikkje tillate. 21 Brygger/småbåtanlegg skal leggast til rette på sikrast mogleg måte og må dimensjonerast for å tole påkjenning frå vind og bølgjer. Det blir stilt krav om tiltaksklasse 2 for brygger/småbåtanlegg, jf. TEK 10. Brygger/småbåtanlegg skal planleggast og leggast til rette av personell med kompetanse innan fagfeltet. Det vert tillate at fortøying av bølgedempar/ småbåtanlegg kan strekke seg utanfor planområdet i nord og nordvest. 22 Innanfor området «Småbåtanlegg» er det regulert for 19 båtplassar for båtar inntil 25 fot. All ferdsel med motorisert fartøy må skje med varsemd. Båtar i dette område skal settast på land i haust-/ vintermånadene for å unngå skade på båtar og anlegg. 23 Ved småbåtanlegg og brygge skal det monterast livredningsbøye og stigetrinn for bruk dersom fallulukke i sjø skulle skje. D. Båtopptrekk 24 Innanfor området kan det lagast båtopptrekk. Båtopptrekk er felles for rettshavarar innanfor planområdet. E. Leikeplass 25 Leikeplass er felles for alle fritidsbustadane. Den skal minimum tilretteleggast med eit leikeapparat, ei sandkasse og eit bord med sitteplassar. Samferdselsanlegg og teknisk infrastruktur A. Kjøreveg 26 Innanfor området kan det opparbeidast køyreveg. 27 Veg 1 er felles for alle grunneigarar av fritidsbustadar og alle med rettar i naust, naustbuer og småbåtanlegg. Veg 2 er felles for alle fritidsbustadane. Veg 3 er felles for tomtene 1-7. Veg 4 er felles for tomtene 8-15.
28 Køyreveg skal ha ei naturleg linjeføring og terrengtilpassing. Vegen kan opparbeidast med inntil 3m bredde, og 0,5m skulder. Skulder skal opparbeidast for å tole lastebil, og deretter grusast og såast til med gras. Skråningar/fyllingar og grøft er tillate å bygge på tilgrensande område etter avtale med grunneigar. Skråningar/fyllingar skal tilpassast til naturleg tilgrensande terreng, dei skal dekkast med jord og såast til for å dekke sår i landskapet. 29 Vindafjord kommune kan tillate mindre justering av formålsgrense for veg, dersom det ved utarbeiding av teknisk plan kan visast til ei betre terrengtilpassing. Veganlegget skal byggjast fram til og langs med den tomta det skal betene. C. Parkering 30 Det er sett av to område til gjesteparkering og avlastning ved behov. Desse parkeringsplassane er felles for hytteområdet. Grøntstruktur A. Naturområde 31 I naturområde er det ikkje tillate å gjere inngrep. B. Friområde 32 I friområde kan det leggast til rette for aktivitetar som fremmar rekreasjon og friluftsliv. I området kan det byggast slamavskiljar. Terrenget skal tilbakeførast til opphavleg stand. C. Gangveg 33 Innanfor området kan det opparbeidast gangveg med maks bredde 1,0 m. Det kan byggjast trapp der høgdeforskjellane er store. Gangveg skal vere open for allmenn ferdsel. Bruk og vern av sjø og vassdrag A. Friluftsområde i sjø og vassdrag 34 Området skal nyttast til allment tilgjengeleg friområde Det er ikkje tillate å gjere inngrep som kan vere til skade for landskapsbilde, friluftsliv og biologisk mangfald. I dette område er det tillat med bade Platform men den må takast på land om haust/vinterstid. Vidare er det mogleg å montera båtfeste i land.
Rekkefølgekrav 35 Teknisk anlegg (veg, vatn, kloakk) skal opparbeidast i samsvar med teknisk plan godkjent av Vindafjord kommune i samband med handsaming av byggesøknad. Det må dokumenterast tilgang til sløkkevatn og tilkomst for brann- og redningsmateriell. Anlegg skal vere ferdigstilt før bruksløyve til fritidsbustadar og naust blir gitt. 36 Før det blir gitt ferdigattest for nye fritidsbustader skal leikeplass være opparbeida. 37 Avkøyring frå Gangstøvegen til fv. 734 skal vere utbedra i samsvar med teknisk plan godkjent av Statens vegvesen. 38 Småbåtanlegg inklusiv bølgebrytar skal utførast i samsvar med detaljert byggeplan utarbeida av fagkyndig, og godkjent av Vindafjord kommune i samband med handsaming av byggesøknad. Småbåtanlegg skal dokumenterast å tole påkjenning av bølger frå vind og båttrafikk. Det skal dokumenterast 1 båtplass pr. omsøkt fritidsbustad før det blir gitt bruksløyve til fritidsbustad. Edb Tjenester Norge Ltd, Kopervik 03.09.16 EDB Tjenester Norge Ltd, Kopervik 06.11.16 Vindafjord kommune, INJ, 10.11.16 Vindafjord kommune, INJ, 21.04.2017