GISKE KOMMUNE Arkiv: K1-141, PlanId - 20140010 JournalpostID: 16/14602 Sakshandsamar: Bjarte Friis Friisvold Dato: 21.12.2016 SAKSPAPIR Styre, komite, utval Møtedato Saknr Giske formannskap 09.01.2017 002/17 Giske formannskap 30.01.2017 019/17 Giske formannskap 13.02.2017 021/17 Giske formannskap 27.02.2017 030/17 Kommuneplanen sin arealdel - 1. gongs offentleg ettersyn 2017 Innstilling: Kommuneplanutvalet vedtek at plandokument til kommuneplanen sin arealdel 2017 2029; planomtale, 2 plankart og konsekvensvurdering, alle datert 02.01.2017, ROS-analyse datert 19.12.2016 og merknadsvurdering oppstart, datert 16.12.2016 og dei andre vedlagde dokumenta i saka, kan leggjast ut til offentleg ettersyn i medhald av pbl. 11-14. Høyringsfrist blir sett til 2 månadar frå utleggingsdato. 27.02.2017 Giske formannskap F- 030/17 Vedtak: Innstillinga vart samrøystes godkjend med følgjande endringar: Kart: Giske 1. Vegføring frå rundkøyringa til Øydgardshamna/Momentium, skal leggjast slik at det blir minst mogleg ulempe for landbruket. 2. Enkelt tomter som skal leggjast inn:
1. Merknad 271 (gnr. 127 bnr. 22) (tomt vest for Giske kyrkje), bustadformål Vedtatt med 5 mot 2 røyster (V + TLG). 2. Merknad 273 (gnr. 127 bnr. 179) delt frå tomt, bustad formål Vedtatt med 4 mot 3 røyster (1 KrF, V, TLG). 3. Kyrkjelydshus ved Giske kyrkje (gnr. 127 bnr. 60) offentleg eller privat tenesteyting. 3. Møteplass (gnr. 129 bnr. 59), 100 m-skogen ved omsorgsbudstadane, formål park, leggje til rette for å utvikle området til park. 4. Kabbertavegen leggje inn fortau langs denne. Godøy 5. Ny barnehage tomt, vest for ungdomsskulen (gnr. 124 bnr. 10) offentleg eller privat tenesteyting. Areal ved idrettsplassen til barnehage blir endra til bustadformål. 6. Tursti på yttersida av vegen rundt neset på Alnes, frå busetnad i aust til opparbeidd tursti nord for besøkssenteret. 7. Leitebakken, (Kristiantun II, gnr. 124 bnr. 16) leggje inn areal til bustadformål. Vigra 8. Næringsområde ved flyplassen, sør for flyplassvegen, opne for fleire formål, kombinasjonsformål (betalingsparkering for halve området, ikkje forretning for detaljhandel). 9. Flystøysona; Giske formannskap ber om at det blir utarbeidd nye støyvurderingar som er i tråd med trafikkutviklinga. 10. Merknad 30, Storebakken (gnr. 2 bnr. 1) leggje inn bustadareal. 11. Merknad 26, 54, 70 og 181; langs Budafjellvegen (gnr. 1 bnr. 5 og 46). Leggje inn bustadareal Rekkjefølgjekrav om utbygging av fortau saman med Bvi13 før det kan gjevast byggjeløyve. 12. Merknad 46, langs Øvregatå (gnr. 1 bnr. 11). Leggje inn bustadareal mellom gardsveg og Hauvegen. 13. Røsviklia, (gnr. 5 bnr. 24). Leggje inn bustadformål. 14. NFFFA_6, vest for Sørestranda. Flytte mot aust, langs strandsona. 15. Nytt næringsområde, Sørestranda (gnr. 7 bnr. 174) Leggje inn eit område til næring. 16. Roald (gnr. 1 bnr. 271 og 624). Leggje inn som sentrumsformål 17. Veg mellom Molnesremea og Budafjellet, Vvi_3. Sette av med normal vegstandard og fortau.
18. Gjøsund, (gnr. 7 bnr. 7 og 14) Sentrumsformål ved XL Roald + andre sida av rv. 658 for framtida. Rekkjefølgjekrav om tidspunkt for opparbeiding. 19. Forslag som ikkje vart vedtekne: 1 Framlegg om bustadområde på Merraneset, Gjøsund. Fall med 6 mot 1 røyst (Frp). 2 Framlegg om bustadområde på sørestranda, Gjøsund. Fall med 5 mot 2 røyster (Frp og V). 3 Framlegg om bustadområde på Reset (gnr. 4 bnr. 161). Fall med 6 mot 1 røyst (Frp). Valderøya 20. Ytterland, leggje inn rundkøyring kryss rv. 658 og fv. 658. 21. Skjong barneskule (gnr. 186 bnr. 281) Leggje inn kombinasjonsformål bustad, offentleg eller privat tenesteyting, erstattar grav- og urnelund. Redusere noko utbyggingsområde mot nord, for å gjere friområdet rundt Demma større. 22. Gule-skulen, (gnr. 183 bnr. 115). Opne for både privat og offentleg tenesteyting, ikkje enten eller. Opne for parkering. 23. Giske kommunale idrettshall (gnr. 183 bnr. 5). Utvide KBva_2a mot nord, leggje til rette for mogleg utviding av idrettshallen. Kommunesentrum: Britt Giske Andersen (V) fremma forslag om Ytterland. Votering: Valderhaugstrand fall med 6 mot 1 røyst (TLG). Ytterland fall med 5 mot 2 røyster (TLG, V). Sætra og Gjøsund (jf. pkt. 18 ovanfor) vedtatt med 5 mot 2 røyster (TLG, V). Det skal utarbeidast skisse/illustrasjon for utvikling av Sætra/Gjøsund som kommunesentrum. Det skal utarbeidast SWOT for alle tre kommunesentrumsalternativa; Valderhaugstrand, Ytterland og Sætra/Gjøsund. Føresegner: 2.4 Unnateke plankrav; ny omformulere teksten for presisjon, ny tekst: Ikkje plankrav for teknisk infrastruktur: Leidningsnett med kummar Mindre bygningsmessige tiltak som pumpestasjon og trykkaukningsstasjon Alle tiltak skal ha stor samfunnsnytte. Det same gjeld... (vidare tekst som det står) Planomtalen: 1. Leggje inn illustrasjon som syner fiskeriaktiviteten i havområde ved Giske kommune 2. Roald, side 46, endre tekst om kombinasjonsformål til sentrumsformål
ROS-analyse 1. Legge til nytt avsnitt og kart om helikopterlandingsplassar. Dokumentasjon, bakgrunnsinformasjon: 1. Sintef-rapport om potensial for taredyrking; Potensialet for storskala dyrking av makroalgar i Møre og Romsdal, 2016. 2. Temakart lage illustrasjons som syner alle omsynssoner som ligg i plankartet. 3. Temakart kollektiv trasear lage illustrasjon som syner kollektivtraser på land, luft og sjø. Strategi for fortetting 1. Justere fortettingskarta med å leggje inn område der det er regulert og bygd blokker. 2. Lage nytt kart der alle utbyggingsområde ligg inne med fortettingsområda over. 13.02.2017 Giske formannskap Formannskapet gjekk igjennom innkomne merknader og innspel for Valderøya og Vigra. Det vart ikkje gjort noko vedtak i saka i dag. F- 021/17 Vedtak: 30.01.2017 Giske formannskap Formannskapet gjekk igjennom innkomne merknader og innspel for Giske og Godøya, og vil halde fram med Valderøya og Vigra på neste møte. Det vart ikkje gjort noko vedtak i saka i dag. F- 019/17 Vedtak: 09.01.2017 Giske formannskap Endeleg behandling av saka for utlegging blir 13. februar. Forslag frå Olav Sindre Roald (TLG):
"Formannskapet bør få høve til å gå grundig gjennom planen. Det er ein svært omfattande plan som er bindande for lang tid framover. Difor skal formannskapet ha eit tilleggsmøte der arealdelen av kommuneplanen er einaste tema. I inneverande møte vert det opna for orientering og spørsmål. I tilleggsmøtet vert formannskapet grundig orientert om konsekvensar og grunngjevingar for vala som er gjort. Då kan formannskapet få høve til å gjere endringsvedtak. Administrasjonen får då høve til å innarbeide dei endringane, og vedtaket om utlegging vert gjort på møte 27. februar. I inneverande møte vert det opna for spørsmål og avklaring ellom formannskapet og administrasjonen." Forslaget fall med 6 mot 1 røyst (TLG). Det vart ikkje gjort vedtak i saka i dag. F- 002/17 Vedtak: Vedlegg: Arealrekneskap; bustad og næring_2016.11.24 Barnetrakk_barnehage_Giske kommune_2015 Barnetrakk_barnehage_skule_Giske kommune_2013 Barnetråkk skule Giske kommune 2015_med kart Framlegg Strategi for fortetting i Giske kommune_2016.12.22 Handelsanalyse Giske kommune_2016.03.16 Kartlegging og verdsetting av friluftsområde i Giske kommune_2016.01.16 Kommuneplanen sin arealdel for Giske 2017-2029 - føresegner og retningsliner_2017.01.02 Kommuneplanen sin arealdel for Giske 2017-2029 - konsekvensutgreiing_2017.01.02 Kommuneplanen sin arealdel for Giske 2017-2029 - merknadsvurdering_oppstart_2016.10.28_kart Kommuneplanen sin arealdel for Giske 2017-2029 - merknadsvurdering_oppstart_2016.12.16_tekst Kommuneplanen sin arealdel for Giske 2017-2029 - plankart_2017.01.02 Kommuneplanen sin arealdel for Giske 2017-2029 - plankart_sjøbotnen_2017.01.02 Kommuneplanen sin arealdel for Giske 2017-2029 - plankart_utsnitt Giske_2017.01.02 Kommuneplanen sin arealdel for Giske 2017-2029 - plankart_utsnitt Godøya_2017.01.02 Kommuneplanen sin arealdel for Giske 2017-2029 - plankart_utsnitt Valderøya_2017.01.02 Kommuneplanen sin arealdel for Giske 2017-2029 - plankart_utsnitt Vigra_2017.01.02 Kommuneplanen sin arealdel for Giske 2017-2029_kart_2017.01.02 Kommuneplanen sin arealdel for Giske 2017-2029_kart_sjobotn_2017.01.02 Landskapsanalyse for Alnes, Giske kyrkje og Blimsanden området - Giske kommune_27.09.2016 Medverknad kommuneplanen sin arealdel_1. gongs offentleg ettersyn_2016.12.01 Norm for leikeareal og friområde i Giske kommune 2016_2016.12.30 ROS-analyse for Giske kommune_2016.12.19 Temakart 500 og 1000 m avstand daglegvare_2016.12.30 Temakart fortetting, soneinndeling_2016.12.22 Temakart kulturminne_2016.12.21
Temakart Landbruk_2016.11.07 Temakart marin næring_2016.12.19 Temakart Mjuk ferdsel_2016.11.07 Temakart verneområde og naturtyper_2016.11.21 ENAL-LHP2015 - oppdatert 11-04-2016 ENAL-MP2015-2030 M3000 ENAL-MP2015-2030 M9000 Kommuneplanen sin arealdel for Giske 2017-2029 - planomtale_2017.01.02 Saksutgreiing: Historikk Kommuneplanen sin samfunnsdel 2014-2026 vart vedteken 25.09.2014 sak K-060/14, med satsingsområde, gjennomgåande perspektiv og arealbruksprinsipp legg den også føringar for rullering av kommuneplanen sin arealdel. Formannskapet er planutvalet for arbeidet med kommuneplanen sin arealdel, idet vidare omtalt som kommuneplanutvalet. Det vart gjort vedtak om å starte arbeidet med rullering av kommuneplanen sin arealdel 10.06.2014 i sak F-062/14. Varsel om oppstart av planarbeid og høyring av framlegg til planprogram vart handsama i kommuneplanutvalet 06.10.2014 i sak F-105/14. Planprogrammet vart fastsett av kommunestyret 12.02.2015 sak K-004/15. Planprogrammet skal gje rammer, organisering og premiss for planarbeidet, kan samanliknast med oppskrift for planarbeidet. Det har vore medverknad folkemøter, seminar, kontordagar på skulane, barnetrakkregistreringar, synfaring med kommuneplanutvalet m.m. 1. september 2016 vart det avskore for vurdering av nye merknadar før offentleg ettersyn. Merknadar til arealdelen etter 1. september blir vurdert saman med merknadar til offentleg ettersyn. 28. september vart plandokumenta drøfta i Regionalt planforum, forum for offentleg mynde og kommunen. Utarbeidde plandokument er eit framlegg frå rådmannen som blir lagt fram til politisk handsaming med innstilling om å leggje ut til offentleg ettersyn i samsvar med plan- og bygningslova. Når plandokumenta blir lagt ut til offentleg ettersyn er det lagt opp til ytterlegare medverknad. Det blir synt til vedlagt medverknadsstrategi.
Heimelsgrunnlaget Plan- og bygningslova kap. 11. Økonomiske konsekvensar: Eventuell innløysing av areal Vurdering: Framlegg til plandokument blir ikkje gjeldande før vedtak av plandokumenta av kommunestyret. Det vil truleg skje hausten 2017. Før den tid skal plandokumenta leggjast til offentleg ettersyn og reviderast etter innkomne merknadar. Kommuneplanen sin arealdel består av mange dokument. Det som er krav etter plan- og bygningslova er konsekvensutgreiing av nye utbyggingsområde, ROS-analyse (risiko og sårbarheit), merknadsvurdering, planomtale, føresegner og retningslinjer og plankart. Føresegner og plankart er juridisk bindande og fastsett arealbruken i kommunen. Dei andre dokumenta er for visualisering av tema (temakart), prosess- og utgreiingsdokument til støtte for hovuddokumenta. Under blir det synt ulike tema som gjeld kommuneplanen sin arealdel, plandokumenta klargjere utfyllande om desse. Planomtalen vil gje utfyllande informasjon til både plankart og føresegner. Kommunesentrum Eit hovudgrep i framlegg til ny arealdel er flytting av kommunesentrumet frå Valderhaug til Sætra. Dette blir gjort blant anna for å redusere handelslekkasjen og for å skape synergiar med næringsutviklinga ved Gjøsundet. Arbeidet med utvikling av Sætra vil starte så snart det blir gjeve politisk klarsignal. På Sætra blir det også lagt opp til bustadformål med høg utnytting. Plankart Det er utarbeidd to plankart, det normale som gjeld land- og sjøoverflate og eit for sjøbotnen. Det er desse to plankarta som blir juridisk bindande. For kvar øy blir det teke utsnitt for betre å sjå dei ulike arealformåla. Desse er identiske det som skal bli juridisk bindande. Målet med to plankart er å gjere det enklare å lese karta. Det er knytt føresegner til begge plankarta. Plankarta blir lagt ut på kommunen si kartløysing på nett. Temakart Det er utarbeidd forskjelleg temakart for å illustrere viktige tema. Til to av temakarta er det knytt retningsline; marin næring og fortetting, soneinndeling. Leikeplassnorma Første versjon av leikeplassnorma vart godkjent i kommunestyret 08.05.2014 sak K-032/14. Denne har vore til god hjelp spesielt i planarbeid. I samband med rullering av arealdelen har også leikeplassnorma vorte rullert, og retningslinene i den er teke inn som føresegn i arealdelen.
Strategi for fortetting Til arealdelen er det utarbeidd ein strategi for fortetting og temakart fortetting, soneinndeling. Krav og prosesskrav til korleis ein skal fortette er lagt inn som føresegn. Temakartet er lagt inn som retningslinje, og syner kvar det ikkje skal fortettast, kvar det skal fortettast og kvar nye blokker skal lokaliserast. Det er retningsline for høgde til dei ulike områda for blokk. Sjøområda Gjeldande plan for sjøområda er frå 1997 og det er på tide med rullering. Sjøområda i kommunen er viktige fiskeområde i landsmålestokk. Fiskerinæringa er viktig for kommunen og av dei største i landsmålestokk. Etter plan- og bygningslova er det opna for store areal til akvakultur NFFFA område i plankarta, for blant anna utviding av eksisterande akvakulturanlegg og framtidig algeproduksjon. I samband med søknad om løyve til akvakultur skal desse bli vurdert av sektorlover for blant anna sikre fiskeri- og ferdselsinteressene (kysttrafikk). Konsekvensvurdering (KU) For nye arealformål i plankarta er konsekvensar utgreidd. I KU dokumentet er framgangsmåte forklart, oversikt av nye arealformål, KU for heile kommunen for tettstadsutvikling, handel, fortetting og landbruk. I kapittelet om landbruk er det oversikt over omdisponert areal. På slutten av dokumentet er det samandrag med samla vurdering for alt som er KU-vurdert. Merknadar Det har kome inn mange merknadar, det har også vore lang merknadsfrist. Svar på innkomne merknadar er å finne i merknadsvurderinga. Til merknadsvurderinga er det laga kart der alle merknadane er lagt inn, dei som ikkje har gått vidare er kryssa ut med raud strek. Referanse i kart er å finne igjen i merknadsvurderinga som A-ref. Barnetrakk Det har vorte gjennomført fleire barnetrakkregistreringar, vedlagt kart og rapport. Registreringane ligg inne som kartlag i GIS verktøyet og blir nytta blant anna i planarbeid. Det er i føresegnene lagt inn krav om at barnetrakkregistreringar skal vurderast/leggjast til ved planarbeid. Råstoffutvinning Det er lagt ut tre nye område for råstoffutvinning. To søraust for Vindsneset på Godøya. Planen er at berre eitt av desse skal ligge inn i plan til vedtak. Det er lagt inn nytt område ved eksisterande i Sætredalen, Valderøya. Dette skal vere uttak i fjell, ikkje dagbrot. Det er føresegn om at det skal vere i grunnen. Friluftskartlegging Det har vore gjennomført kartlegging av friluftsområda i kommunen, vedlagt rapport. Dei med potensial for konflikt er teke inn i plankarta som omsynssone for å sikre dei. Det er i føresegnene lagt inn krav om at friluftskartlegginga skal vurderast/leggjast til ved planarbeid, med eventuelle avbøtande tiltak.
Landbruk Det er utarbeidd kjerneområde landbruk saman med næringa. Dette har vore del grunnlagsmaterialet ved utarbeiding av plandokumenta. Justert kjerneområde landbruk er lagt inn som omsynssone. Temakart landbruk syner i kva område det har vore gjort justeringar. Bustad Nye bustadområde er i hovudsak lagt inntil eksisterande bustadområde, utviding av eksisterande område. Dette blir gjort for å byggje opp under kollektivtraser og betre utnytting av teknisk infrastruktur. For Giske og Vigra skal det vurderast rekkjefølgjekrav, høvesvis på grunn av veg og sosial infrastruktur. I planomtalen er det oversikt over tilgjengelege bustadareal og det ervedlagt arealstatistikk. Roald Det blir lagt inn sentrumsformål i sentrum av Roald, det blir opna for maksimalt areal til detaljhandel utanfor kommunesentrumet. Så snart som mogleg er det ønskeleg for kommunen å starte opp regulering for delar av Roald. Handel Det har vorte utarbeidd ei handelsanalyse, denne saman med handelanalyse for Møre og Romsdal er grunnlag for tilrettelegging for auka areal for detaljhandel. Flytting av kommunesentrumet til Sætra vil medføre at restriksjonar for detaljhandel vil falle bort der. For resten av kommunen vil det bli detaljhandelsrestriksjonar. Det er lagt opp til ei lita auke i areal for detaljhandel ved etablerte detaljhandelsområde, det er sett grenseverdiar i føresegnene for maksimalt areal. For Roald blir det opna for inntil 3000 m². Næring Det blir lagt inn nytt næringsareal mellom Gjøsund og Subsea 7. Areal nord for Gjøsundet på austsida av rv. 658 vil vere mogleg reserve areal for framtida. I planomtalen er det oversikt over tilgjengelege bustadareal og det er vedlagt arealstatistikk. Naust Det er lagt inn få nye naust område. Retningsline frå Fylkesmannen i Møre og Romsdal blir nytta som føresegn for naust, bortsett frå storleiken. Det er sett generell nauststorleik på inntil 60 m². For enkelte område, spesifisert i føresegnene, er storleiken sett til 80 m², der det er store naust frå før. Veg Det blir lagt inn ny trase for rv. 658 frå Sætra til flyplassen for å sikre areal for framtida. Med auke i flytrafikken må ny veg kome. Det er i tillegg lagt føringar for eventuelt nytt tunnelløp kan kome i Sætredalen. Det er lagt inn to nye kommunale vegar; ved Blommen (nord for Grovenkrysset) for å erstatte Grovenbakken og nord for Roald sambinding mellom Sandvika og det nye byggjefeltet aust for Rota stadion. Gang- og sykkelvegar Det blir lagt inn meir gang- og sykkelvegar/fortau i heile kommunen. For oversikt sjå planomtalen kap. 6.3.2.
Regulering For nye reguleringsplanar blir det krav til fleire vurderingar og fleire tema leggjast til grunn, syner til kap. 2.21 i føresegnene. Med vurderingar i plandokumenta til kommuneplanen sin arealdel; planomtale, 2 plankart og konsekvensvurdering, alle datert 02.01.2017, ROS-analyse datert 19.12.2016 og merknadsvurdering oppstart, datert 16.12.2016 og dei andre vedlagde dokumenta i saka, er det gjort grundige vurderingar for vern og bruk i heile kommunen etter plan- og bygningslova, også sjøområda.