Til tilbydarane Konkurransegrunnlag - undersøking om marknadsføring av pengespel sin effekt på speling av pengespel og pengespelproblem Vedlagt følgjer konkurransegrunnlaget. Vedlegg til konkurransegrunnlaget er ikkje lagd ved dette dokumentet, men kan lastas ned frå nettsida vår: www.lottstift.no Samtalestatistikk Hjelpelinjen UiB-rapporter om omfang av penge- og dataspelproblem i Norge (2013 og 2015) NOVA-rapport om ungdom og pengespel (2010 og 2012) Handlingsplan mot spilleproblemer (2016-2018) Statistikk om spel og lotterimarknad https://lottstift.no/lotteri-og-bingo/publikasjonsarkiv-lotteritilsynet/ Informasjon om marknadsføring frå uregulerte spelselskap https://lottstift.no/pengespel/ulovleg-marknadsforing/ Vi viser også til ekstern rapport: Binde, Per. 2014. Gambling advertising: A critical research review. London: The responsible Gambling Trust. http://www.responsiblegamblingtrust.org.uk/media/1165/binde_rgt_report_gambling_ advertising_2014_final_color_115p.pdf Tillegg til rapportens litteraturliste: Tredje utgave, 29. desember 2015. http://ongambling.org/wpcontent/uploads/2016/02/binde_rgt_report_gambling_advertising_appendix_updat e.pdf Innbydar er Lotteri- og stiftelsestilsynet v/lotteritilsynet, avdeling for pengespel Registreringsfrist for deltaking: Torsdag 3. november 2016. Til: postmottak@lottstift.no eller via Doffin Førde, 19. oktober 2016 Jonny Engebø
Undersøking om marknadsføringa si effekt på speling av pengespel og pengespelproblem Med prosedyre Open anbodskonkurranse 19. oktober 2016
Innbyding til open anbodskonkurranse Lotteritilsynet skal gjennomføre ei undersøking om kva effekt marknadsføring av pengespel har for speleåtferd og omfanget speleproblem i Norge. Undersøkinga er eit tiltak i regjeringa sin handlingsplan mot speleproblem: Markedsføringens effekt på spilling og spilleproblemer skal undersøkes Undersøkelser kan kartlegge hvordan spillere opplever eller selv rapporterer at de påvirkes av markedsføring av spill. Forskning kan også ta utgangspunkt i reelle spillerdata i eksperimentelle studier, eller ved laboratorieundersøkelser. Lotteritilsynet skal i løpet av 2016 sette i gang et forskningsarbeid for å belyse hvordan spilleatferd påvirkes av ulike former for pengespillreklame. Undersøkinga skal omfatte både den regulerte og den uregulerte pengespelmarknaden i Norge, og skal minst handle om følgande: Omfanget av marknadsføring av pengespel som blir retta mot nordmenn og norske spelarar. Aktuelle stikkord kan vere volum, mediekanalar, spillformer etc. Innhaldet i marknadsføringa Her tenker vi ikkje berre på tekst og bilete, men også ulike måtar å motivere for speling t.d. velkomstbonusar. Vidare om annonsørane ønsker å framstille seg sjølv eller spelet som ansvarleg. Korleis spelarane oppfattar marknadsføringa og sjølv vurderer om den påverkar dei eller ikkje Haldningar til pengespel og pengespelreklame blant nordmenn generelt og spelarar spesielt. Det kan mellom anna vere interessant å få undersøkt korleis pengespelreklame blir oppfatta samanlikna med reklame for andre tenester eller produkt. Korleis innhald eller særskilde element i marknadsføringa kan utgjere risikofaktorar for risikofylt speling eller speleproblem Dersom einskilde verkemiddel i reklame eller element i marknadsføring skulle peike seg særleg ut kan eksperimentelle studiar vere aktuelle for å undersøke nærare om korleis spelarar vert påverka, men ei slik undersøking vil eventuelt bli gjennomført med ei ekstrabestilling til den valte tilbydar eller som eit nytt tenestekjøp. Kostnad for ei slik ekstrabestilling skal ikkje reknast med i dei anbod som vi mottar no. Resultat frå undersøkinga skal offentleggjerast seinast i februar 2018. Rapporten skal innehalde samandrag på både norsk og engelsk. Før rapporten blir publisert skal den gjennomgåast av to eksterne forskarar med erfaring frå feltet. Undersøkinga har ei antatt kostnadsramme på NOK 1 500 000,- inkl. mva. Dette føreset endeleg tildeling / fullfinansiering frå Kulturdepartementet.
Anbodet må skissere metodisk tilnærming. Vi oppmodar tilbydarar til å gi eksempel frå intervjuguide og/eller spørjeskjema som ein tenker å bruke i arbeidet. Når det gjeld endeleg metodeval står forskingsinstitusjonane fritt, men Lotteritilsynet meiner at arbeidet vert styrka om ein gjer bruk av ulike metodar. Til dømes vil samtalar med grupper av spelarar kunne bidra til å sikre relevans i prosjektet sine problemstillingar. Kvantitative spørjeundersøkingar vil gi statistiske data til dømes på korleis marknadsføringa vert opplevd blant spelarar. Statistiske data kan deretter belysast med kvalitativ informasjon henta frå samtaler med grupper av spelarar eller speleavhengige. Der det er mogleg skal resultat frå denne undersøkinga også sjåast i samanheng med resultat frå andre undersøkingar internasjonalt. Lotteritilsynet ønsker tilbod frå forskingsmiljø eller nettverk som har erfaring frå forsking på pengespelområdet og kunnskap om marknadsføring. Det er også ein fordel med kjennskap til den norske lotteri- og pengespelmarknaden. Arbeidet med å innhente informasjon og data gjennom samtaler og intervju skal gjennomførast på norsk språk. Rapport frå forskingsarbeidet skal også skrivast på norsk (nynorsk eller bokmål). Rapporten skal i tillegg ha eit engelsk samandrag. Ved tildeling av oppdraget kjem Lotteritilsynet til å legge vekt på følgande forhold: Fagkompetanse og erfaring Kapasitet, gjennomførings- og leveringsevne Innhaldet i tilbodet / prosjektet Pris Desse forholda vil telle likt i vurderinga. Minstekrav for deltaking: - Attestar for registrering i faglege register som bestemt ved lovgjeving i det land der tilbydar er etablert. - MVA-attest. - Skatteattest. - Oversyn over akademiske og faglege kvalifikasjonar hjå dei utførande og samarbeidspartnarar inkludert i prosjektet. - Tilbydarane må ikkje vere involvert i spele- og lotteribransjen. Vi ønskjer oversyn over eventuelle tenesteleveransar til spel- og lotterimarknaden, oppdragsgjevarar, verdi og tidspunkt. - Prosjektomtale inkludert pris- og tidsplan. Innbydar tek atterhald om at prosessen kan bli avslutta utan tildeling dersom interessa for deltaking fell bort, eller andre tilhøve tilseier slikt utfall. Tilbydar må sjølv bere alle utgifter med utarbeiding av tilbod og tilbodsdokumentasjon.
Innbydar vil gi oppdraget til ein total tenesteleverandør som saman med eventuelle eigne samarbeidspartar, har det faglege koordinerande ansvar og gjennomfører alle delar av prosjektet, både kartlegging og analyse. Aktuelle forskingsinstitusjonar blir med dette invitert til å gi tilbod på undersøkinga. Tilbod med tilbodsdokumentasjon må vere motteke av/innlevert til: Lotteri- og stiftelsestilsynet Storehagen 1B postboks 800 6805 Førde innan: Tirsdag 3. januar 2017 kl 12.00 Merk tilbodsdokumentasjon og konvolutten med: Forskning på markedsføring av pengespill 2017 Kontaktpersonar i Lotteri- og stiftelsestilsynet i konkurranseperioden er Lars Petter Degnepoll(lpd@lotteritilsynet.no) og Jonny Engebø (jen@lotteritilsynet.no) Førde, 19. oktober 2016 Jonny Engebø Seniorrådgivar Lotteri- og stiftelsestilsynet