HORDALAND FYLKESKOMMUNE Samferdselsavdelinga Arkivsak 201204259-1 Arkivnr. 810 Saksh. Johansen, Helge Inge Saksgang Samferdselsutvalet Fylkesutvalet Møtedato 06.06.2012 21.06.2012 HØYRINGSUTTALE - STATENS VEGVESEN SITT FRAMLEGG TIL STATSBUDSJETTET 2012 SAMANDRAG Statens vegvesen Region vest har i brev av 16.mai 2012 oversendt budsjettforslaget for 2013 som grunnlag for Statens vegvesen sitt innspel til statsbudsjettet, til fylkeskommunal høyring. Det er i budsjettforslaget lagt til grunn eit rammenivå som er lik totalramma for vedteke budsjett for 2012. Dette inneber ei oppfølgingsgrad av den økonomiske ramma frå Handlingsprogrammet 2010-2013 på 99 %. Statens vegvesen har i budsjettforslaget for 2013 lagt fram kva som kan gjennomførast dersom den totale ramma for handlingsprogrammet oppfyllast 100 prosent. I tillegg er det lagt fram forslag til prioriteringar ved ytterlegare auke i ramma. Gitt økonomiske rammer på nivå med vedteke statsbudsjett for 2012, foreslår Statens vegvesen følgjande hovudprioritering : - Dreiing av innsatsen mot sterkare prioritering av drift og vedlikehald (auke med 480 mill kroner) - Styrking av ramma til skredsikring (auka med 270 mill kroner) - Reduksjon av rammer til investeringsprosjekt (totalt 750 mill kroner) berre rom for gjennomføring av igangsette prosjekt. Ved ein auke av totalramma til 100 % oppfølging av handlingsprogrammet, foreslår Statens vegvesen å styrke drift/vedlikehaldet ytterlegare (450 mill kroner), samt å styrke mindre investeringar (400 mill kroner). Det tredje rammealternativet Statens vegvesen viser til, er ei ramme der ein i tillegg sikrar at post 30 Riksveginvesteringar vert oppfylt 100 % i høve til handlingsprogrammet. Dette inneber i følgje
Statens vegvesen ein ytterlegare budsjettauke på om lag 2,3 mrd kroner, og vil gje rom for oppstart av nye prosjekt og styrking av ramma til programområda. Med ein slik auke i rammene vil ein ha rom for midlar til anleggsstart på fleire nye, store prosjekt i 2013. Her er mellom anna E39 Svegatjønn-Rådal og E134 Stordalstunnelen foreslått prioritert. Fylkesrådmannen viser til at budsjettforslaget frå Statens vegvesen har ein profil og eit prioriteringsgrunnlag som er konsistent med etatsforslaget til Nasjonal transportplan 2014-2023. Det er positivt at ein foreslår å styrke innsatsen innanfor drift og vedlikehald, og fylkesrådmannen peiker spesielt på behovet for å kome opp på eit vedlikehaldsnivå som stopper veksten i forfallet. Det er og positivt at ein i budsjettframlegget foreslår ein kraftig auke i ramma til skredsikring. Også på dette området er behovet for auka innsatsen spesielt stort. Dette gjeld ikkje berre riksvegnettet, og fylkesrådmannen legg til grunn at ramma til skredsikring på fylkesvegnettet vert auka tilsvarande. I den samanhengen finn fylkesrådmannen grunn til å peike på at ein i NTP 2010-2019 la til grunn at den auka satsinga på skredsikring skulle delast 50/50 mellom riksveg og fylkesveg. Med omsyn til dei økonomiske rammene som vert lagt til grunn i forslaget til riksvegbudsjett, meiner fylkesrådmannen at desse er for konservative. Dette gjeld spesielt med tanke på den behovsdokumentasjonen som er lagt fram i etatsforslaget til NTP 2014-2023, både med omsyn til drift/vedlikehald, storbyutfordringar, etc. Etter fylkesrådmannen si vurdering er det ikkje tilstrekkeleg at handlingsprogrammet for 2010-2013 samla sett vert følgt opp gjennom statsbudsjettet for 2013. Ved ei slik ramme vil nødvendig opprioritering av drift og vedlikehald i for stor grad gå utover investeringssida. Det må vere eit minimum at også post 30 vert følgt opp 100 % i høve til handlingsprogrammet. Det er berre innanfor den sistnemnte ramma ein vil sikre oppstartsmidlar til E39 Svegatjønn-Rådal og E 134 Stordalstunnelen. I budsjettforslaget er dette omtalt som nye investeringsprosjekt, men fylkesrådmannen understrekar at dette er prosjekt som er prioritert i gjeldande handlingsprogram. I tillegg er det slik at fylkestinget har gjort nødvendige vedtak og lagt til rette for at desse prosjekta skal ha best moglege framdriftsvilkår. Med omsyn til E39 Svegatjønn-Rådal vedtok fylkestinget i mars 2012 å forskottere inntil 30 mill kroner av framtidige bompengeinntektar for å få bygd ein anleggsveg som vil kunne framskunde realisering av prosjektet med 3-6 månader. Gitt denne manifestasjonen av lokal/regionalt engasjement for å få fram prosjektet, bør statlege styresmakter gjere sitt for å prioritere midlar til optimal framdrift. Også E134 Stordalstunnelen er prioritert i gjeldande handlingsprogram for riksvegnettet, gitt lokal tilslutning til delvis bompengefinansiering. Fylkesrådmannen peiker på at bompengesøknad er til handsaming i Hordaland fylkeskommune, med slutthandsaming i fylkestinget 12.-13. juni 2012. Etne kommune har handsama saka og slutta seg til søknaden. Med denne lokale/regionale oppfølginga må ein forvente at staten følgjer opp tilsvarande og syter for at prosjektet vert prioritert og sikra oppstart gjennom 2013-budsjettet. Fylkesrådmannen understrekar og behovet for å styrke satsinga på programområda, og vil spesielt peike på programområdet kollektivtrafikktiltak og universell utforming. Budsjettforslaget viser til at både oppfølginga av økonomiske rammer og verknader av tiltak på dette området er spesielt låg. Samtidig peiker Statens vegvesen på at ein ikkje har tilstrekkeleg avklarte prosjekt/tiltak til å oppnå full økonomisk oppfølging av programområdet kollektivtrafikktiltak og universell utforming. Fylkesrådmannen vil i denne samanhengen peike på det pågåande prosjektet med å oppgradere Bystasjonen, kollektivterminalen i Bergen. Her er oppgradering til universell utforming eit sentralt element. Bystasjonen er vidare det mest sentrale kollektivknutepunktet i Bergen og Hordaland, og det ligg direkte til riksveg. Hordaland fylkeskommune har derfor føresett statleg medfinansiering av prosjektet. Gjennomføring av prosjektet er forankra gjennom Bergensprogrammet og fysisk arbeid med nordre del av terminalen pågår. Denne delen er finansiert ved fylkeskommunale midlar i 2
Bergensprogrammet. Oppstart for del to i søre del er føresett primo 2013, og for å sikre finansiering av denne delen har fylkestinget sagt seg villig til å forskottere inntil 80 mill kroner av statlege midlar. Den låge oppfølginga av området kollektivtrafikktiltak og universell utforming, tilseier ei særskilt satsing på dette programområdet gitt ei økonomisk ramme for statsbudsjettet i 2013 som sikrar 100 % oppfølging av post 30 Riksveginvesteringar. Med referanse til Bystasjonen vil ein for Hordaland sin del ha byggjeklare prosjekt til å sikre ei styrking av dette viktige programområdet. FORSLAG TIL INNSTILLING 1. Fylkesutvalet peiker på at det er positivt at Statens vegvesen foreslår å styrke innsatsen innanfor drift og vedlikehald, og fylkesutvalet peiker spesielt på behovet for å kome opp på eit vedlikehaldsnivå som stopper veksten i forfallet. 2. Fylkesutvalet peiker og på at det er positivt at ramma til skredsikring på riksveg er foreslått styrka. Fylkesutvalet legg til grunn at satsinga på skredsikring på fylkesveg vert styrka tilsvarande. 3. Etter fylkesutvalet si vurdering er det ikkje tilstrekkeleg at handlingsprogrammet for 2010-2013 samla sett vert følgt opp gjennom statsbudsjettet for 2013. Ved ei slik ramme vil nødvendig opprioritering av drift og vedlikehald i for stor grad gå utover investeringssida. Det må vere eit minimum at også post 30 vert følgt opp 100 % i høve til handlingsprogrammet. 4. Fylkesutvalet peiker spesielt på at E39 Svegatjønn-Rådal og E134 Stordalstunnelen må sikrast oppstart gjennom 2013-budsjettet. Begge prosjekta er allereie prioritert gjennom gjeldande handlingsprogram for riksvegnettet, og i begge sakene har Hordaland fylkeskommune lagt særskilt til rette for å sikre best moglege framdriftsvilkår. For Svegatjønn-Rådal har fylkestinget vedteke forskottering av bompengar for å framskunde prosjektet, og for Stordalstunnelen er bompengesøknad utarbeidd og til handsaming i fylkespolitiske organ. 5. Fylkesutvalet peiker spesielt på behovet for betre oppfølging av programområdet kollektivtrafikktiltak og universell utforming. Fylkesutvalet føreset at pågåande ombygging av kollektivknutepunktet i Bergen (Bystasjonen) til universell utforming vert sikra statleg medfinansiering på inntil 80 mill kroner. Paul M. Nilsen Fylkesrådmann Anne Iren Fagerbakke samferdselssjef Vedlegg: Brev frå Statens vegvesen av 16. mai 2012. 3
FYLKESRÅDMANNEN, 21.05.2012: Bakgrunn Statens vegvesen Region vest har i brev av 16.mai 2012 oversendt budsjettforslaget for 2013 som grunnlag for Statens vegvesen sitt innspel til statsbudsjettet, til fylkeskommunal høyring. Høyringsfristen er sett til 25. juni 2012. Det er i budsjettforslaget lagt til grunn eit rammenivå som er lik totalramma for vedtatt budsjett for 2012. Dette ber i seg ein oppfølging av den økonomiske ramma frå Handlingsprogrammet 2010-2013 på 99 % Statens vegvesen har i budsjettforslaget for 2013 lagt fram kva som kan gjennomførast dersom den totale ramma for handlingsprogrammet oppfyllast 100 prosent. I tillegg er det lagt fram forslag til prioriteringar ved ytterlegare auke i ramma. Heile budsjettforslaget finn ein her: http://www.vegvesen.no/_attachment/155726/binary/268964 Hovudutfordringar og prioriteringar Økonomiske rammer i budsjettforslaget Hovudutfordringane og mål er gjort greie for i Nasjonal Transportplan 2010-2019 og St.meld. nr. 16 (2008-2009). Prioriteringar av tiltak er vist i Handlingsprogram 2010-2013 (2019) for riksvegnettet. Gitt økonomiske rammer på nivå med vedteke statsbudsjett for 2012, foreslår Statens vegvesen følgjande hovudprioritering : - Dreiing av innsatsen mot sterkare prioritering av drift og vedlikehald (auke med 480 mill kroner) - Styrking av ramma til skredsikring (auka med 270 mill kroner) - Reduksjon av rammer til investeringsprosjekt (totalt 750 mill kroner post 30, 36 og 37) berre rom for gjennomføring av igangsette prosjekt. Dei viktigaste forklaringsfaktorane for denne prioriteringa, er: - Det kritiske behovet for å styrke vedlikehaldet er dokumentert gjennom arbeidet med etatsframlegget for NTP 2014-2023 - Kostnadsauken for driftskontraktar og for mange investeringsprosjekt har vist seg høgare enn forventa ved utarbeidinga av NTP 2010-2019 Slik budsjettforslaget ligg føre med 99 % oppfølging, vil drift og vedlikehald (post 23) ha ein oppfølgingsgrad på 106 % samanlikna med ramma som var sett i handlingsprogrammet for 2010-2013. Tilsvarande tal for investeringar (post 30) er 90 %. Ved ein auke av totalramma til 100 % oppfølging av handlingsprogrammet, foreslår Statens vegvesen følgjande prioritering: - Styrking av drift/vedlikehald med ytterlegare 450 mill kroner - Styrking av investeringsramma med 400 mill kroner Ved slik prioritering vil drift og vedlikehald ha ein oppfølgingsgrad på 108 %, og investeringar 91 %. Det er viktig å merke seg at ei ramme som samla sett gir full oppfølging av handlingsprogrammet ikkje inneber at handlingsprogrammet vert oppfylt innanfor dei enkelte postane. 4
Det tredje rammealternativet Statens vegvesen viser til, er ei ramme der post 30 Riksveginvesteringar vert oppfylt 100 % i høve til handlingsprogrammet. Dette inneber i følgje Statens vegvesen ein ytterlegare budsjettauke på om lag 2,3 mrd kroner, og vil gje rom for oppstart av nye prosjekt og styrking av ramma til programområda. Verknader av budsjettforslaget Statens vegvesen har berekna verknader av budsjettforslaget (rammenivå for vedteke statsbudsjett 2012) i form av oppfyllingsgrad ift handlingsprogram 2010-2013. Oppfyllingsgrad er vurdert opp mot mål innanfor områda framkomst, trafikktryggleik, miljø og universell utforming. For trafikktryggleik viser indikatorane ei overoppfylling i høve til dei måla som er sett for perioden. Dette er særs positivt, og det er all grunn til å tru at denne satsinga har vore viktig for den positive utviklinga ein har sett på ulukkesstatistikkane i perioden. Med omsyn til måla for framkomst, viser budsjettforslaget at ein for dei fleste indikatorane er langt unna å nå dei oppsette måla i handlingsprogrammet. Tilsvarande gjeld, i endå større grad, for universell utforming, der måloppnåinga for dei ulike indikatorane ligg på om lag 50 %. Drift og vedlikehald Samla ramme nasjonalt for post 23 er 8 165 mill kroner for 2013. Statens vegvesen er i budsjettforslaget tydeleg på at ein har store utfordringar knytt til drift og vedlikehald av vegnettet. Årleg behov for midlar til drift og vedlikehald er i forslaget til NTP 2014-2023 berekna til å vere vesentleg høgare enn ramma i vedteke budsjett for 2012. Auken skuldast dels at tidlegare behovsanslag har vore for låge, dels auka kostnader på grunn av nye prosjekt og trafikkauke, dels kostnadsauke i marknaden. Innanfor den økonomiske ramma som er foreslått, er drift og vedlikehald som nemnt prioritert opp, noko som gir rom for å auke post 23 med 480 mill kroner i høve til vedteke budsjett for 2012. Dette inneber i følgje Statens vegvesen at aktiviteten til vedlikehald i 2013 vert auka noko i høve til tidlegare år, men er likevel ikkje nok til å stanse vidare auke i forfallet. Ved ein auke av totalramma opp til 100 % oppfølging av HP 2010-2013, vil det vere mogleg å auke aktiviteten for vedlikehaldet med ytterlegare 450 mill kroner. Dette vil gje ei vesentleg forbetring i vedlikehaldet. Riksveginvesteringar Samla nasjonal ramme på post 30 er 5 370 mill kroner for 2013. I tillegg kjem om lag 6 600 mill kroner i ekstern finansiering, i all hovudsak bompengar. Ramma til post 30 er redusert med 370 mill kroner i høve til 2012, på bakgrunn av behovet for å styrke innsatsen på drift og vedlikehald og behov for auke på post 31 skredsikring. Ein stor del av ramma må nyttast til gjennomføring av igangsette prosjekt. På grunn av dette er rammene til programområda redusert i høve til 2012. Oppfølginga av dei økonomiske rammene for programområda miljø- og servicetiltak og kollektivtrafikktiltak og universell utforming er spesielt låg (om lag 80 %). Det er heller ikkje funne rom for å prioritere statlege midlar til oppstart av nye prosjekt i 2013. Andre budsjettpostar Til post 31 skredsikring vert det foreslått løyvd 820 mill kroner i 2013. Dette er ein sterk auke frå 2012, med 549 mill kroner. I tillegg kjem ekstern finansiering på om lag 150 mill kroner. Forslaget til prioriteringar bygger på prioriteringane i Statens vegvesen sitt handlingsprogram 2010-2013, og det er ikkje funne rom for prioritering av statlege midlar til oppstart av nye prosjekt. 5
Prioriteringar ved auka rammer Ein auke i rammene som gir full oppfølging av handlingsprogramramma, inneber ein auke på om lag 850 mill kroner. Ved ei slik rammeauke prioriterar Statens vegvesen som nemnt ei ytterlegare styrking av ramma til drift og vedlikehald med 450 mill kroner. Resten av auken, 400 mill kroner, vert foreslått nytta til investeringsføremål. Meir konkret vert det foreslått å nytte 100 mill kroner til tiltak på elektroteknisk utstyr i tunnelar, samt å styrke programområda med 300 mill kroner. Det er viktig å merke seg at ei ramme som samla sett gir full oppfølging av handlingsprogrammet, ikkje inneber at handlingsprogrammet vert oppfylt innanfor dei enkelte postane. Det tredje rammealternativet Statens vegvesen viser til, er ei ramme der post 30 Riksveginvesteringar vert oppfylt 100 % i høve til handlingsprogrammet. I ramma som samla sett gir 100 % oppfølging av handlingsprogrammet, vil denne posten ha ein oppfølgingsgrad på 91 % (på grunn av høgare prioritering av drift og vedlikehald m.m.). Med ein slik auke i rammene, som i følgje Statens vegvesen tilseier ein ytterlegare auke på om lag 2,3 mrd kroner, vil ein ha rom for midlar til anleggsstart på fleire nye, store prosjekt i 2013. Her er mellom anna E39 Svegatjønn-Rådal og E134 Stordalstunnelen foreslått prioritert. I tillegg vert det i denne ramma foreslått å styrke programområda monaleg. Dette vil kunne sikre full oppfølging av tiltaka som ligg inne i handlingsprogrammet, der dette er praktisk mogleg i høve til planstatus/framdrift. Statens vegvesen peiker likevel på at ein ikkje har tilstrekkeleg avklarte prosjekt/tiltak til å oppnå full økonomisk oppfølging av programområda miljø- og servicetiltak og kollektivtrafikktiltak og universell utforming. Med omsyn til prosjekt i Hordaland, er det i første rekkje dei to store prosjekta nemnt over som med foreslått budsjettramme ikkje vert følgt opp i høve til handlingsprogrammet. I tillegg kjem behov for sluttfinansiering av nokre prosjekt i 2014, men her er ulike utfordringar knytt til framdrift hovudårsaken til at oppfølginga ikkje er 100 %. Fylkesrådmannen sine merknader Fylkesrådmannen viser til at budsjettforslaget frå Statens vegvesen har ein profil og eit prioriteringsgrunnlag som er konsistent med etatsforslaget til Nasjonal transportplan 2014-2023. Det er positivt at ein foreslår å styrke innsatsen innanfor drift og vedlikehald, og fylkesrådmannen peiker spesielt på behovet for å kome opp på eit vedlikehaldsnivå som stopper veksten i forfallet. Det er og positivt at ein i budsjettframlegget foreslår ein kraftig auke i ramma til skredsikring (frå 550 til 820 mill kroner). Også på dette området er behovet for auka innsats spesielt stort. Dette gjeld ikkje berre riksvegnettet, og fylkesrådmannen legg til grunn at ramma til skredsikring på fylkesvegnettet vert auka tilsvarande. I den samanhengen finn fylkesrådmannen grunn til å peike på at ein i NTP 2010-2019 la til grunn at den auka satsinga på skredsikring skulle delast 50/50 mellom riksveg og fylkesveg. Med omsyn til dei økonomiske rammene som vert lagt til grunn i forslaget til riksvegbudsjett, meiner fylkesrådmannen at desse er for konservative. Dette gjeld spesielt med tanke på den behovsdokumentasjonen som er lagt fram i etatsforslaget til NTP 2014-2023, både med omsyn til storbyutfordringar, drift/vedlikehald, etc. Etter fylkesrådmannen si vurdering er det ikkje tilstrekkeleg at handlingsprogrammet for 2010-2013 samla sett vert følgt opp gjennom statsbudsjettet for 2013. Ved ei slik ramme vil nødvendig opprioritering av drift og vedlikehald i for stor grad gå utover investeringssida. Det må vere eit minimum at også post 30 vert følgt opp 100 % i høve til handlingsprogrammet. Det er berre innanfor den sistnemnte ramma ein vil sikre oppstartsmidlar til E39 Svegatjønn-Rådal og E 134 Stordalstunnelen. I budsjettforslaget er dette omtalt som nye investeringsprosjekt, men fylkesrådmannen understrekar at dette er prosjekt som er prioritert i handlingsprogrammet. I tillegg er 6
det slik at fylkestinget har gjort nødvendige vedtak og lagt til rette for at desse prosjekta skal ha best moglege framdriftsvilkår. Med omsyn til E39 Svegatjønn-Rådal vedtok fylkestinget i mars 2012 å forskottere inntil 30 mill kroner av framtidige bompengeinntektar for å få bygd ein anleggsveg som vil kunne framskunde realisering av prosjektet med 3-6 månader. Gitt denne manifestasjonen av lokal/regionalt engasjement for å få fram prosjektet, bør statlege styresmakter gjere sitt for å prioritere midlar til optimal framdrift. Også E134 Stordalstunnelen er prioritert i gjeldande handlingsprogram for riksvegnettet, gitt lokal tilslutning til delvis bompengefinansiering. Fylkesrådmannen peiker på at bompengesøknad er til handsaming i Hordaland fylkeskommune, med slutthandsaming i fylkestinget 12.-13. juni 2012. Etne kommune har handsama saka og slutta seg til søknaden. Med denne lokale/regionale oppfølginga må ein forvente at staten følgjer opp tilsvarande og syter for at prosjektet vert prioritert og sikra oppstart gjennom 2013-budsjettet. Fylkesrådmannen understrekar og behovet for å styrke satsinga på programområda, og vil spesielt peike på programområdet kollektivtrafikktiltak og universell utforming. Budsjettforslaget viser til at oppfølginga av handlingsprogrammet her ligg på om lag 80 %. I tillegg vert det vist til at verknadene av tiltak innanfor målet om universell utforming ligg svært lågt, med høvesvis 40 % og 55 % på dei to indikatorane som ligg til grunn. Samtidig peiker Statens vegvesen på at ein ikkje har tilstrekkeleg avklarte prosjekt/tiltak til å oppnå full økonomisk oppfølging av programområdet kollektivtrafikktiltak og universell utforming. Fylkesrådmannen vil i denne samanhengen peike på det pågåande prosjektet med å oppgradere Bystasjonen, kollektivterminalen i Bergen. Her er oppgradering til universell utforming eit sentralt element. Bystasjonen er vidare det mest sentrale kollektivknutepunktet i Bergen og Hordaland, og det ligg direkte til riksveg. Hordaland fylkeskommune har derfor føresett statleg medfinansiering av prosjektet. Gjennomføring av prosjektet er forankra gjennom Bergensprogrammet og fysisk arbeid med nordre del av terminalen pågår. Denne delen er finansiert ved fylkeskommunale midlar i Bergensprogrammet. Oppstart for del to i søre del er føresett primo 2013, og for å sikre finansiering av denne delen har fylkestinget sagt seg villig til å forskottere inntil 80 mill kroner av statlege midlar. Den låge oppfølginga av området kollektivtrafikktiltak og universell utforming, tilseier ei særskilt satsing på dette programområdet gitt ei økonomisk ramme for statsbudsjettet i 2013 som sikrar 100 % oppfølging av post 30 Riksveginvesteringar. Med referanse til Bystasjonen vil ein for Hordaland sin del ha byggjeklare prosjekt til å sikre ei styrking av dette viktige programområdet. 7