Sakshandsamar: Vår referanse: Terje Raunsgard Arkivsaknr: 16/1877/ 24 Dykkar referanse: Notat Til: Atle Kvåle Frå: Terje Raunsgard KOMMENTARAR FRÅ RÅDMANNEN TIL FORMANNSKAPET SI BUDSJETTINNSTILLING Formannskapet 28.11.2016 si innstilling til kommunestyret i årsbudsjett 2017/økonomiplan 2017-2020: Administrasjonen sitt forslag til vedtak med følgjande tillegg: Investering: 1. Prosjekt 243 - turveg Skjelbreid - Eikelandsosen - 200.000 i 2017 2. Nytt prosjekt: Utviding av Stallbrotvegen (frå FV48 til Idrettshallen) 3. Nytt prosjekt: Kommunal andel til park i Strandvik skal innarbeidast. 350.000 i 2017 4. Nytt prosjekt: Vegstrekning frå Tveitamarka industriområde mot Samnøy må utvidast. 5. Nytt prosjekt: Veg/gangveg til gravplass på Åkre og parkeringsplass til kyrkja. 6. Nytt prosjekt: Delregulering av arealdelen i kommuneplanen 200.000,- pr år a. Naustdel b. Bustaddel c. kjerneområde landbruk 7. Nytt prosjekt: trafikksikring ved Fusa skule 8. Nytt prosjekt: detaljregulering i Sævareid sentrum - 150.000 i 2017 Drift: Kyrkjebuss 60.000,- pr år SFO til Nore- og Søre Fusa Tiltak 033: Driftsutgifter ifbm to opptak i barnehage må innareidast i budsjettet. 677.000 i 2017, 1.706.000 i 2018. I tillegg må politisk nivå få ei sak på status på kommunale vegar i første møterunde i 2017. Meirkostnadane skal dekkjast inn ved justering av avsetjing til disposisjonsfond. Rådmannen sine kommentarar: Rådmannen vart i formannskapet bedt om å vurdera kostnad og tidspunkt for gjennomføring for investeringstiltaka som formannskapet har tilrådd til kommunestyret. I det fylgjande vert det gitt korte kommentara til nokre av vedtaka i formannskapet.
VEGAR Utviding av Stallbrotvegen (frå FV48 til Idrettshallen) Dette arbeidet er i budsjettnotatet inkludert i prosjekt 80. Kostnad er rekna til kr 2,2 mill inkl mva. Vegstrekning frå Tveitamarka industriområde mot Samnøy må utvidast. Dette er ein fylkesveg, kommunen si rolle må vera å vera pådrivar overfor fylkeskommunen. Veg/gangveg til gravplass på Åkre og parkeringsplass til kyrkja. Dette bør sjåast i samanheng med andre tiltak i Strandvik sentrum, ma. planar om kunstgras på grusbane og park. Det må lagast ein plan som viser heilskapen, og så må prosjektet deretter kostnadsreknast Asfaltering av veg og ny parkeringsplass til gravplass på Baldersheim skal innarbeidast. Skal denne vegen få eit asfaltdekke som varer, må den først forsterkast. Arbeidet vil vera relativt kostbart samanlikna med opprusting som grusveg. Kostnad for 1100 m veg er svært grovt rekna til kr 2 mill, av dette er om lag halvparten oppretting og asfalt. Trafikksikring ved Fusa skule Dette er under utføring i samsvar med trafikksikringsplanen. Vi håpar å fullføra til jul, men det krev at mildveret held seg fram mot jul og at entreprenørane rekk å fullføra. Finansiering med kr 175 000 blir utbetalt i år når prosjektet er igangsett. Her blir laga eit fortau langs skuleplassen ved innkjøringa til skulen og ei enkel rundkøyring for småbilar ved oppkøyringa til samfunnshuset. I tillegg må politisk nivå få ei sak på status på kommunale vegar i første møterunde i 2017. Det kan gjevast ei orientering om status på kommunale vegar til fyrste møterunde. I kommunal planstrategi som skal opp i same møte den 15.12.16, er Hovudplan veg lagt inn med rullering i 2018. Kommunestyret kan endra dette til 2017. Då vil ein kunna sjå alle kommunale vegar under eitt og gje ei prioritering over kva vegar som skal prioriterast. Det vil vera ein ryddigare prosess enn å prioritera inn tiltak utanom planen. Om kommunestyret ynskjer kan dei likevel setja av meir midlar til vedlikehald og opprusting av vegar i budsjettet, slik at det er midlar til å fylgja opp planen. Dersom kommunestyret vel å rullera Hovudplan for veg i 2017 må rulleringa av Hovudplan for vatn skyvast til 2018. PLANAR Delregulering av arealdelen i kommuneplanen 200.000,- pr år a. Naustdel Side 2 av 5
b. Bustaddel c. kjerneområde landbruk Fusa kommune har under arbeid ein del store planar for tida. Kommunedelplan for akvakultur, Kommunedelplan for kultur, områdeplan for Eikelandsosen, industriområde på Heiane. Arbeidet med Interkommunal strandsoneplan har starta opp att. I tillegg har vi merka ein aukande aktivitet av private reguleringsplanar. I haust har det vore gitt oppstartsvedtak av 6 reguleringsplanar, 4 er godkjende i år og 5 er under arbeid. I tillegg er det fleire som har vendt seg til Fusa kommune med tankar om å starta reguleringsplanar. Med andre ord ser vi at den nye arealplanen verkar. Dersom søknaden om park i Strandvik skal realiserast, må reguleringsplanen for Naustrekkja rullerast. Det er søkt om kunstgras på idrettsbanen, og det vil føra til behov for alternative parkeringsplassar for kyrkja. Veg / gangveg til gravplassen på Åkre må planleggjast og kostnadsreknast. Samla sett er det så mange tiltak i Strandvik sentrum at det er behov for ein områdeplan eller ein reguleringsplan for å sjå dei ulike behova i samanheng. Gjennom Liv og lyst-prosjektet ligg det mykje bakgrunninformasjon som kan nyttast i planarbeidet. Interkommunal strandsoneplan kan for ein stor del ta opp i seg også det som gjeld naust, bustad og andre tiltak i strandsona. Fusa kommune har per dato mykje tomteareal tilgjengeleg. Utfordringa er å få bygt ut desse områda. I budsjettnotatet til rådmannen er det sett av pengar til Tilrettelegging av bustadområde. For 2017 vil rådmannen tilrå at vi brukar kreftene på dette i staden for å rullera bustaddelen til kommuneplanen. Handlingsplan for landbruk ligg inn i planstrategien med oppstart i 2017. Rullering og oppdatering av kjerneområde for landbruk vil vera ein ein del av handlingsplanen. Rådmannen oppfattar intensjonen i vedtaket i formannskapet slik at ein ynskjer å utvikla gode og framtidsretta planar fram mot 2020. Rådmannen er einig i intensjonen, men ynskjer å vurdera planane litt meir i samanheng. Planstrategien gjev dei store linene og dei overordna planane. I den saka er det også gjort greie for prioriteringane i planstrategien. I arbeidet med arealplanen vart det meste av planressursane til Fusa kommune brukt i det arbeidet. Det førte til etterslep og lang handsamingstid for private planar. Vi har no frigjort tid til å handsama private reguleringsplanar fort og effektivt. Vi må blansera prioritering av eigne planar og arbeidet med private planar slik at mengda av eigne planar ikkje går ut over framdrifta til private planar. Reguleringsplanar og andre planar er ikkje med i planstrategien. For å få ein oversikt og alle planar vil rådmannen leggja fram ei sak til planutvalet og formannskapet tidleg i 2017 der ein Side 3 av 5
går gjennom dei planar som er under arbeid og dei planar som det er ynskjeleg å realisera før 2020. I saka vil ein gjera ei prioritering og eit framlegg til kva tid dei ulike planane kan starta opp. Formannskapet har lagt inn ekstra kr 200 000.- til planarbeid i perioden. Rådmannen vil tilrå at prosjektet vert kalla Diverse planarbeid då vil ein stå friare til å nytta midlane. Detaljregulering i Sævareid sentrum - 150.000 i 2017 Det er ein privat reguleringsplan under arbeid i Sævareid. Planen omfattar arealet til Sævareid fiskeanlegg AS, vegen ned til sentrum i Sævareid, og sjølve sentrum til og med kaien. Rådmannen oppfattar dette som eit tilskot til ein privat reguleringsplan. Det vil i så fall vera eit nytt prinsipp som Fusa kommune går inn på. Rådmannen har spurt revisjonen om dette kan førast som investering. Revisjonen har svart slik i mail av 09.12.16: Viser til diskusjon om privat reguleringsplan. Vi har diskutert dette og ser ikke at det er mulig å føre dette i investeringsregnskapet da det i realiteten er et tilskudd. Utgiftene til dette må derfor føres i driftsregnskapet. Med vennlig hilsen Unni-Renate Moe Partner Statsautorisert revisor Audit & Advisory Deloitte AS Damsgårdsveien 135, 5160 Bergen, Norway Tel/Main: +47 23 27 90 00 Mobile: +47 480 14 072 umoe@deloitte.no www.deloitte.no Kapitalkostnad for investering Snittkostnad for 1 mill kroner i lån er om lag kr 50 000.- i årlege utgifter til renter og avdrqg. Rentenivå, avskrivingstid og endring i reglande for nedbetaling vil påverka dette. Justering av nokre postar på investeringsbudsjettet Det må gjerast nokre justeringar for nokre av postande i investeringsbudsjettet, side 53 i budsjettnotatet. For prosjekt 020 Avlaup, 030 Vassverk og 080 Vegar, vert det overført ubrukte midlar for 2016 og tidlegare. For prosjekt 240 Fleirbrukshall gjer forbruket i 2016 at behovet i 2017 går ned. Samla ramme 73,5 mill, jfr formannskapet. Det er trekt frå det som er rekneskapsført i 2016, ca 17 mill. Desse endringane fører ikkje til auka låneopptak. Prosjekt Totalbehov 2017 2018 2019 2020 020 avlaup 5 600 2 600 1 000 1 000 1 000 030 vassverk 11 300 8 300 1 000 1 000 1 000 080 vegar 7 300 4 300 1 000 1 000 1 000 240 fleirbrukshall 56 500 45 000 11 500 Sal av skulebygg Det har tidlegare vore nemnt at vi har undersøkt korleis ein rekneskapsmessig skal føra sal av skulebygg. Revisjonen har i mail dagsett 09.12.2016 gitt oss fylgjande svar: Side 4 av 5
Vi viser til samtale med konstituert rådmann om salg av Holdhus skole og Strandvik skole. Takstene for skolebyggene er betydelig høyere enn avtalt salgssum. Dette medfører at kommunen i realiteten har gitt et driftstilskudd til organisasjonen som har kjøpt skolene. De innhentede takstene er ikke sammenfallende og ved beregning av driftstilskudd kan derfor et snitt benyttes. Det vurderes å ikke være nødvendig å innhente en tredje takst, da den tredje taksten ikke vil være mer riktig enn de to første. Dersom vi beregner summen av snittene for takstene for begge skolene, har kommunen ytt et driftstilskudd på kr. 3.800.000. Det må derfor utgiftsføres et tilskudd i driftsregnskapet. Dersom motparten ikke har innbetalt kr. 1.400.000 som avtalt ved årsslutt, er det nødvendig å vurdere fordringens realitet og foreta en eventuell nedskrivning. Ta kontakt dersom dere har flere spørsmål i denne sammenheng. Med vennlig hilsen Unni-Renate Moe Partner Statsautorisert revisor Audit & Advisory Deloitte AS Damsgårdsveien 135, 5160 Bergen, Norway Tel/Main: +47 23 27 90 00 Mobile: +47 480 14 072 umoe@deloitte.no www.deloitte.no -- Dette er ein stor sum som vil ha innverknad på driftsrekneskapen i 2016. Det vil også ha innverknad på budsjettala i åra framover fordi det vil redusera overskot / fondsavsetjing som er rekna inn i rådmannen sitt budsjettnotat. Vi vil koma tilbake med meir konkrete tall for dei enkelte åra. Tabellen på side 34 må justerast og vil koma i ny versjon. Helsing Terje Raunsgard einingsleiar Dokumentet er elektronisk godkjend og har difor ingen signatur. Side 5 av 5