Sogndal kommune Møteprotokoll (11/1457) Utval: KOMMUNESTYRET Møtestad: Kommunestyresalen Møtedato: 28.04.2011 Tid: 13:00 19:00 Dagsorden: Kl. 13:00 16:00: Kommunestyremøte. 16:00 17:30: Temadel: Samferdsel, nasjonal transportplan ved Nils Magne Slinde, Statens Vegvesen Sakliste Saksnr. Arkivsaksnr. Tittel 9/11 11/608 Kommunestyremøte 28.04. 2011 - Konstituering, orienteringar, interpellasjonar, tema m.v. 10/11 10/3475 Søknad om fritak for eigedomsskatt gnr. 1, bnr.1 11/11 10/3954 Søknad om fritak for eigedomsskatt gnr 107/1 12/11 10/2356 Plan for barnehagane i Sogndal kommune 2011-2014 13/11 11/1237 Samhandlingsreforma - Prosjektmidlar til folkehelsearbeid 14/11 11/1259 Samhandlingsreforma - Prosjektmidlar til korttidsavdeling 15/11 11/862 Interkommunalt byggjetilsyn 16/11 11/505 Godkjenning av utbyggingsavtale, jf. reguleringsplan for Ytre Øyane 17/11 11/437 Årsrekneskap og årsmelding 2010 Møtet kunngjort i lokalavisa den 09.04.2011. Representantane innkalla den 15.04.2011. Saksdokumenta var lagd ut i Tenestetorget, på Sogndal bibliotek og busenteret i Fjærland. Informasjon på heimesidene våre: www.sogndal.kommune.no
Sak 9/11 Kommunestyremøte 28.04. 2011 - Konstituering, orienteringar, interpellasjonar, tema m.v. Pkt. 1 OPNING A. Konstituering av møtet * Møtet lovleg sett med 25 representantar til stades. Møtande vararepresentantar i enkeltsaker: - Steinar Øydvin (SV) sak 16/11, - Per Odd Grefsnes (AP) sak 17/11, - Øistein Sørensen (H) sak 17.. * Innkalling og sakliste godkjent. * Møteleiar: Ordførar Jarle Aarvoll. * Ope møte. * Representantane Endre Timberlid og Nils Slinde vert valde til å underteikne møteprotokollen. B. Protokoll frå møte 10.02. 2011. Godkjent. Pkt. 2 Pkt. 3 Spørsmål/interpellasjonar. Open spørjetime. Laura Kvamme (SP). Status for skattekontoret i Sogndal. - Ordførar orienterte. Karin Vikane (H). Manglar ved reglement for motorferdsel i utmark, ønskje om endringar. - Ordførar og rådmann orienterte om behov for oppdatering av delegasjonsreglementet for motorisert ferdsel. Christen Knagenhjelm (H). Status for fysioterapitenesta i Sogndal. - Ordførar og rådmann orienterte. Gunnar Yttri (SV). 1. Status for trådlaust nettverk i kommunehuset. - Rådmann orienterte. 2. Kommunen sitt ansvar for å bidra til tilfredsstillande tilgang for bustader for studentar og elevar. - Ordførar og rådmann orienterte. Pkt. 4 Pkt. 5 Pkt. 6 Skriv og meldingar referert: A. Tilsynsmelding 2010. Oversendingsbrev datert mars 2011 frå Helsetilsynet. B. Kontrollrapport 2010 vedkomande skatteoppkrevjarfunksjonen i Sogndal kommune (Arkivjournal: 11/761). C. Kontrollutvalet si årsmelding 2010. Orientering frå ordførar/rådmann. Drøftingar. 2
Sak 10/11 Søknad om fritak for eigedomsskatt gnr. 1, bnr.1 Gnr. 1 bnr. 1, jf detaljert grunnlag for dette våningshuset, vert friteken for eigedomsskatt etter eigedomskattelova 7 b. Synnøve Stalheim (SP) opplyste at ho er søster til søkjar og gjekk frå som ugild i saka. Ikkje møtande vararepresentant Gnr. 1 bnr. 1, jf detaljert grunnlag for dette våningshuset, vert friteken for eigedomsskatt etter eigedomskattelova 7 b. Sak 11/11 Søknad om fritak for eigedomsskatt gnr 107/1 Gnr. 107 bnr. 1 vert friteken for eigedomsskatt etter eigedomskattelova 7 b. Hallvard David Falck Husum (SP) er far til søkjar og gjekk frå som ugild i saka. Ikkje møtande vararepresentant. Gnr. 107 bnr. 1 vert friteken for eigedomsskatt etter eigedomskattelova 7 b. Sak 12/11 Plan for barnehagane i Sogndal kommune 2011-2014 Kommunal strategi for barnehagane i Sogndal kommune 2011-2014 vert vedteken. 3
Saksordførar Kjetil Kvåle (AP) la fram tilrådinga frå sakskomiteen. Kommunal strategi for barnehagane i Sogndal kommune 2011-2014 vert vedteken. Sak 13/11 Samhandlingsreforma - Prosjektmidlar til folkehelsearbeid Kommunestyret sluttar seg til søknaden om prosjektmidlar til å etablera eit interkommunalt samarbeid innan folkehelse og førebyggjande helsearbeid mellom Luster kommune, Leikanger kommune og Sogndal kommune. Rådmann får fullmakt til å skriva under samarbeidsavtale. Sak 14/11 Samhandlingsreforma - Prosjektmidlar til korttidsavdeling Kommunestyret sluttar seg til søknaden om prosjektmidlar til å etablera eit samarbeidsprosjekt med Helse Førde innan sjukeheimstenester. Rådmann får fullmakt til å skriva under samarbeidsavtale. Sak 15/11 Interkommunalt byggjetilsyn. 1. Sogndal kommune kjøper tilsynstenester frå Sogn Brann og Redning IKS (SBR) i medhald av plan- og bygningslova under føresetnad av at dei andre kommunane i brannsamarbeidet tek del i tenestekjøpet på same og følgjande vilkår: 4
a. Samarbeidskommunane sluttar seg til at det vert inngått ein fellesavtale med SBR om tenestekjøpet - fram til 1.01.15. I forkant av nemnde dato må ordninga evaluerast og ei ev forlenging vurderast. b. Samarbeidskommunane betalar for tilsynet, avgrensa kostnadane for ei 100 % stilling. Fordelingsnøkkel: 1/3 likt, 1/3 etter folketal og 1/3 etter tal byggjesaker. c. Ordninga vert sett i verk frå 1.07.11 eller snarast mogleg etter denne dato. d. Kommunestyret delegerer i medhald av kommunelova mynde etter plan- og bygningslovgjevinga til SBR til å føre tilsyn i byggesak. 2. Rådmannen får fullmakt til å underskrive ein avtale basert på vilkåra over. 3. Kommunestyret legg til grunn at finansieringa av tenestekjøpet skal skje gjennom auka byggesaksgebyr. Rådmannen får i oppgåve å vurdere kva endringar som bør gjerast i byggesaksgebyra i samband arbeidet med økonomiplanen for 2012-2015. Kjetil Kvåle (AP) stilte spørsmål om han var ugild, sidan medarbeidar i firma han leiar har laga ein underlagsrapport i saka. Kommunestyret fann Kjetil Kvåle (AP) gild til å ta del i handsaminga av saka. 1. Sogndal kommune kjøper tilsynstenester frå Sogn Brann og Redning IKS (SBR) i medhald av plan- og bygningslova under føresetnad av at dei andre kommunane i brannsamarbeidet tek del i tenestekjøpet på same og følgjande vilkår: e. Samarbeidskommunane sluttar seg til at det vert inngått ein fellesavtale med SBR om tenestekjøpet - fram til 1.01.15. I forkant av nemnde dato må ordninga evaluerast og ei ev forlenging vurderast. f. Samarbeidskommunane betalar for tilsynet, avgrensa kostnadane for ei 100 % stilling. Fordelingsnøkkel: 1/3 likt, 1/3 etter folketal og 1/3 etter tal byggjesaker. g. Ordninga vert sett i verk frå 1.07.11 eller snarast mogleg etter denne dato. h. Kommunestyret delegerer i medhald av kommunelova mynde etter plan- og bygningslovgjevinga til SBR til å føre tilsyn i byggesak. 2. Rådmannen får fullmakt til å underskrive ein avtale basert på vilkåra over. 3. Kommunestyret legg til grunn at finansieringa av tenestekjøpet skal skje gjennom auka byggesaksgebyr. Rådmannen får i oppgåve å vurdere kva endringar som bør gjerast i byggesaksgebyra i samband arbeidet med økonomiplanen for 2012-2015. Sak 16/11 Godkjenning av utbyggingsavtale, jf. reguleringsplan for Ytre Øyane 5
Ordførar får, med atterhald om endringar av relevante delar av reguleringsplanen for Ytre Øyane i samband med fylkesmannen si klagehandsaming av denne planen, fullmakt til å underteikne utbyggingsplanen for utbygging av delområde P1, P4, V1, V2, B/FO1, F2 og SB i reguleringsplan for Ytre Øyane i samsvar med vedlagd avtale dagsett 26. jan. 2011. Brev dagsett 27. april 2011 frå Øyane grendalag og notat frå rådmann dagsett 28.04.2011 vart omdelt i møte. Varaordførar Heidi-Kathrin Osland (SV)bad om å få vurdert sin gildskap med bakgrunn i at ho er medeigar i selskap som planlegg utbygginga. Kommunestyre slutta seg til at ho er ugild i saka. Steinar Øydvin (SV) møtte som vararepresentant. Helge Torstad (KrF) vart vald til setjevaraordførar. Kjetil Ertesvåg (FrP) la på vegne av Frp, H, V og KrF følgjande forslag: Saka vert utsett inntil reguleringsplanen er endeleg godkjend. Forslaget fekk 10 røyster (5FrP, 2H, 1V, 2KrF) og fall. Kjetil Ertesvåg (FrP) bad om å få inn følgjande protokolltilførsel: Sogndal FrP er grunnleggande usamd i måten administrasjonen har gått fram på i denne saka. Fleirtalet i Sogndal kommunestyre innser ikkje den samfunnsmessige verdien av den siste frie strandtomta i Sogndalsfjøra, og tek ikkje i stor nok grad omsyn til eksisterande og ønska aktivitet i området. Utbyggingsavtalen er ikkje ein framforhandla avtale, men eit diktat frå utbyggar. Avtalen var naudsynt for at regulanten skulle få gjennomført reguleringsarbeidet slik utbyggjar sjølv ville. Avtalen legg føringar på Sogndal kommune som kommunen ikkje i naudsynt grad har vurdert konsekvensane av. Avtalen har ikkje vore godt nok drøfta i kommunale organ. Ein konsekvens av avtalen kan bli at den legg uønska økonomiske føringar på Sogndal kommune og danna presedens for krav til seinare reguleringsplanar/utbyggingsavtalar i kommunen. Kjetil Ertesvåg (FrP) bad om at det vart røysta over om kommunestyret aksepterte protokolltilførsel. Karen Marie Hjelmeseter (SP) bad om gruppemøte. Karen Marie Hjelmeseter (SP) la på vegne av SP, AP og SV fram følgjande forslag: Deler av innhaldet i protokolltilførselen frå FrP vert oppfatta som grunn til avvising etter kommunelova 4.0, jf. kommentarutgåva til kommunelova om at protokolltilførsel som har ein sjikanerande form eller unødvendig omfattande kan avvisast. Forslaga vart sett opp mot kvarandre. Forslaget frå Karen Marie Hjelmeseter (SP) fekk 20 røyster (9AP, 4SP, 2SV, 2KrF, 2H, V). Forslaget frå Kjetil Ertesvåg (FrP) fekk 5 røyster (FrP). Det låg føre eit framlegg til vedtak i saka. Framlegget fekk 15 røyster (9AP, 4SP, 2SV). 6
Vedtak med 15 røyster (9AP, 4SP, 2SV): Ordførar får, med atterhald om endringar av relevante delar av reguleringsplanen for Ytre Øyane i samband med fylkesmannen si klagehandsaming av denne planen, fullmakt til å underteikne utbyggingsplanen for utbygging av delområde P1, P4, V1, V2, B/FO1, F2 og SB i reguleringsplan for Ytre Øyane i samsvar med vedlagd avtale dagsett 26. jan. 2011. Sak 17/11 Årsrekneskap og årsmelding 2010 1. Årsrekneskap og årsmelding for Sogndal kommune vert vedteken med dei disposisjonar som er gjort i vedlagde årsrekneskap og årsmelding. Samrøystes: 2. Rådmann får fullmakt til å slå saman fond Representanten Eline Orheim (AP) fekk permisjon, Per Odd Grefsnes (AP) møtte som vararepresentant. Representanten Karin Vikane (H) fekk permisjon, Øistein Sørensen (H) møtte som vararepresentant. Kjetil Ertesvåg (FrP) la fram forslag om at punkt 2 i tilrådinga vert teken ut. Forslaget fekk 8 røyster (5FrP, 2SV, V). Vedtak: Samrøystes: 1. Årsrekneskap og årsmelding for Sogndal kommune vert vedteken med dei disposisjonar som er gjort i vedlagde årsrekneskap og årsmelding. Vedtak med 17 røyster (9AP, 4SP, 2KrF, 2H). 2. Rådmann får fullmakt til å slå saman fond. Møtet slutt kl. 19:00. Sogndal, 28.04.2011. Jarle Aarvoll -ordførar- 7
-------------------------- ---------------------- Endre Timberlid Nils Slinde ------------------------ Jostein Aanestad -rådmann- 8