VANYLVEN KOMMUNE MØTEPROTOKOLL UTVAL: Formannskapet Møtestad: Rådmannens kontor - Rådhuset, Fiskå Dato: 29.10.2013 Møtet tok til 09:00 Møtet slutta 12:25. Møtet var innkalla ved utsend sakliste datert 24.10.2013. Ordførar Jan Helgøy leia møtet. Faste medlemar som møtte: Namn Funksjon Representerer Jan Helgøy Ordførar KRF OG H Idar Brekke Medlem KRF OG H Lena Nordal Vedeld Medlem KRF OG H Ottar Jan Løvoll Varaordførar AP Magne Løvoll Medlem SP OG V Leon Svein Stranden Medlem SP OG V Nils Olav Moen Medlem FRP 7 av 7 medlemar møtte. Frå administrasjonen møtte: Namn Gudmund Sandnes Kåre Kvangarsnes Stilling Rådmann Møtesekretær Underskrifter: Vi stadfestar at det som er ført i møteboka er i samsvar med det som vart vedteke på møtet. 6143 Fiskå, den
SAKLISTE Saksnr. Sakstittel PS 136/2013 Godkjenning av innkalling PS 137/2013 Godkjenning av møteprotokoll frå siste møte PS 138/2013 Skriv og meldingar PS 139/2013 Vidare bruk av Åheimtun. PS 140/2013 Syvdetun vidare bruk PS 141/2013 Framtidig bruk av Rovde skule. PS 142/2013 EKSTRASAK: Frode Sylte kjøp av tomt i Sylteskogen Eventuelt
PS 136/2013 Godkjenning av innkalling Innkallinga vart godkjend. PS 137/2013 Godkjenning av møteprotokoll frå siste møte Møteprotokoll frå siste møte vart godkjend. PS 138/2013 Skriv og meldingar Ordføraren orienterte om følgjande: Beredskapsøving i kommunen 28.10.2013. TV-aksjonen 2013: Det vart gitt kr. 57,70 pr. innbyggar i Vanylven. Dette resulterer i 7 plass i Møre og Romsdal og nr. 161 på landsplan. Har gratulert og overrekt blomar til Maria Parr i samband med premieren på Det Norske Teatret sist laurdag: Teaterstykket Tonje Glimmerdal, basert på hennar bok. 40 års jubileum for attføringsbedrifta Furene AS. Kystvegen: Rovdefjordbrua vert vurdert som eit viktig regionalt prosjekt. Magne Løvoll, styreleiar i Rovdefjordbrua AS, understreka et ein svært godt i rute med planlegginga. Framlagde orienteringar vart tekne til vitande. PS 139/2013 Vidare bruk av Åheimtun. Tilråding: Livsløpsutvalet tilrår: Trygdebustaddelen av Åheimtun vert for framtida nytta som omsorgsbustader for personar med avgrensa omsorgsbehov. Desse bustadene vert drifta på ordinær måte av Vanylven kommune si pleie- og omsorgsteneste (heimesjukepleie og praktisk bistand). 2. Åheimtun vert i kommunal eige. Innan rimeleg tid bed ein om at planarbeidet med nye omsorgsbustader på Åheim vert sett i gang med bakgrunn i tilskotsordningar for denne type prosjekt. 3. Når eit nytt omsorgstilbod er på plass, vert sak om avhending av Åheimtun sett i gang.
Idar Brekke sette fram tilrådinga frå administrasjonen redusert alternativ 1: Trygdebustaddelen av Åheimtun vert for framtida nytta som omsorgsbustader for personar med avgrensa omsorgsbehov. 2. Åheimtun vert selt til høgstbydande. 3. Kommunen leiger attende trygdebustaddelen (8 bustader) til bruk som omsorgsbustader, primært for å stette framtidig behov i søre delen av kommunen. Desse bustadene vert drifta på ordinær måte av Vanylven kommune si pleie- og omsorgsteneste (heimesjukepleie og praktisk bistand). 4. Kommunestyret vil vurdere talet på omsorgsbustader ved den årlege rulleringa av økonomiplanen. Fellesframlegg frå varaordførar Ottar Jan Løvoll og Magne Løvoll (justering av tilrådinga frå livsløpsutvalet): Trygdebustaddelen av Åheimtun vert nytta som omsorgsbustader for personar med avgrensa omsorgsbehov. Desse bustadene vert drifta på ordinær måte av Vanylven kommune si pleie- og omsorgsteneste (heimesjukepleie og praktisk bistand). 2. Åheimtun vert i kommunal eige. Innan rimeleg tid bed ein om at planarbeidet med nye omsorgsbustader/renovering av 8 omsorgsbustader på Åheimtun vert sett i gang med bakgrunn i tilskotsordningar for denne type prosjekt. 3. Når eit framtidsretta omsorgstilbod er på plass, vert sak om avhending av Åheimtun sett i gang. Votering: 4 røyster for framlegget frå Idar Brekke. 3 røyster for fellesframlegget frå varaordførar Ottar Jan Løvoll og Magne Løvoll. Trygdebustaddelen av Åheimtun vert for framtida nytta som omsorgsbustader for personar med avgrensa omsorgsbehov. 2. Åheimtun vert selt til høgstbydande. 3. Kommunen leiger attende trygdebustaddelen (8 bustader) til bruk som omsorgsbustader, primært for å stette framtidig behov i søre delen av kommunen. Desse bustadene vert drifta på ordinær måte av Vanylven kommune si pleie- og omsorgsteneste (heimesjukepleie og praktisk bistand). 4. Kommunestyret vil vurdere talet på omsorgsbustader ved den årlege rulleringa av økonomiplanen.
PS 140/2013 Syvdetun vidare bruk Samrøystes tilråding som framlegget frå livsløpsutvalet. I samband med at nye Vanylven helse- og omsorgssenter vert teken i bruk vinter/vår 2014 vert alle heildøgns og sjukeheimsplassar i kommunen samla i denne institusjonen. Syvdetun vert for framtida nytta som omsorgsbustader for personar med avgrensa omsorgsbehov. Det vert ingen nattevakt stasjonert på Syvdetun. Bustadane vert drifta på ordinær måte av Vanylven kommune si pleie- og omsorgsteneste (heimesjukepleie og praktisk bistand). PS 141/2013 Framtidig bruk av Rovde skule. Samrøystes vedtak som framlegget. 1. Formannskapet viser til førespurnaden frå Rovde grendalag om vilkår for overtaking av Rovde skule, og vil med dette løyve kr. 100.000,- som eingongstilskot for å sette skulebygget i stand. 2. Tilskotet vert å dekkje i samband med budsjettregulering i des. 2013. 3. Grendalaget får overta bygget vederlagsfritt. 4. Frist for tilbakemelding vert sett til 01.12.2013. PS 142/2013 Frode Sylte - kjøp av tomt i Sylteskogen Saka vart lagt fram på møtet. Det vart gjort slik samrøystes Frode Sylte får kjøpe tomt 9 i Sylteskogen for kr. 25.000,-. Kjøpar dekker kostnadane ved eigedomsskiftet.
Eventuelt: Rådmannen opplyste at rådmannens tilråding til budsjettet vert utsendt i veke 45. 12 november vert det felles orienteringsmøte om budsjett for formannskapet og hovudutvala. Same dagen avgir formannskapet førebels tilråding. Endeleg tilråding frå formannskapet 26. november etter handsaming i hovudutvala veka før. Vedtak i kommunestyret 10. desember 2013. Vidare tok han opp fylgjande: - Handtering av utmelding frå Dragsundbygg IKS av kommunane Volda og Hareid. - Opplyste at Statens vegvesen har gitt løyve til avkøyrsle for masseuttak på fv. 61 mellom Fiskå og Eidså. - Regionalt samferdselsmøte i Ålesund 14. og 15. november. Deltaking frå formannskapet. Det var semje om at ein må prøve å få avtalt særmøte der ein tek opp ferjesituasjonen. Ottar Jan Løvoll bad om at det vert lagt fram sak om kva som skal skje med gamle sjukeheimen når nytt helse- og omsorgssenter vert teke i bruk vinteren 2014. Magne Løvoll tok opp vedlikehald på kommunal veg Løsetstranda. Indre del er i svært dårleg stand. Her må noko gjerast med det første. Leon Stranden tok opp problemstilling vedk. ferjer og ferjemateriell. Fryktar for kva skjer i prosessen framover vedk. større og betre ferje på strekninga Koparnes Årvik frå 01.01.2015. Peikte vidar på at den nye anbodsperioden varer lenger på Hareid Sulesund enn sambanda mellom Vanylven og Sande. Kvifor? Ordføraren undersøkjer nærare. Nils Olav Moen tok opp fylgjande: - Mobiltelefondekking på fv. 61 over Maurstadeidet lange strekningar utan dekking. Administrasjon vil ta opp saka med Telenor. - Framlegg til nye politiregionar stemmer det at Vanylven skal høyre til nordover slik det er vist på kart sett på internett? - Får dei som bur på eldreinstitusjonane nok mat og næringsrik mat? - Etterlysing av kva som skjer med saker teke opp under Eventuelt. - Samferdsel og ny regjering. Peikte på betre sjansar for å nå fram i samferdselssaker sidan Jon Georg Dale frå Dalsfjorden er blitt statssekretær i Samferdselsdepartementet. Understreka også at Harald Tom Nesvik frå Ålesund er ny parlamentarisk leiar for Frp på Stortinget. Det vart understreka at det er viktig at dei ulike partia nyttar sine folk som er i posisjon, både nasjonalt og på fylkesnivå, til å fremje saker til beste for kommunen. Idar Brekke tok opp desse sakene: - Politidistrikt og beredskap. Kommunen tilhøyrer Sogn og Fjordane politidistrikt. Beredskapsmessig ligg kommunen under Fylkesmannen i Møre og Romsdal. Ynskte nærare orientering. Rådmannen opplyste at det skal vere eit interkommunalt politirådsmøte i midten av november månad. Orientering etter dette møtet. - Ynskje om gjennomgang av den politiske organiseringa med tanke på evt. endring frå hausten 2015 (ny valperiode). Saka vert teke opp nærare i neste møte.
- Arbeidsklede for tilsette i helse- og sosialsektor; også teke opp i møte 23.09.2013. Rådmannen opplyste at det vert lagt fram sak om dette for Arbeidsmiljøutvalet før jul. Det vil også verte lagt fram sak om kor vidt kommunen skal vere røykfri. Rett utskrift 30.10.2013 Kåre Kvangarsnes