VANYLVEN KOMMUNE MØTEPROTOKOLL. Møtet var innkalla ved utsend sakliste datert

Transkript

1 VANYLVEN KOMMUNE MØTEPROTOKOLL UTVAL: Formannskapet Møtestad: Rådmannens kontor - Rådhuset, Fiskå Dato: Møtet tok til 09:00 Møtet slutta 14:30. Innleiingsvis orienterte driftssjef v/sibelco Åheim Martin Solheim om situasjonen ved bedrifta. Manglande etterspurnad etter produkta gjer at ein må tilpasse kapasiteten og nedbemanne. 20 personar er overtallige. Det er lyst ut sluttpakkar med søknadsfrist 1. mars. Nedbemanningsprosessen skal vere fullført til 1.juli Dagleg leiar i Vanylven Utvikling AS Ane Malene Søvik Nygård orienterte om at ungdomsgruppa innan busetjing /næringsutvikling vert vidareført. Formannskapet såg positivt på dette. Ordinært møte vart sett kl Møtet var innkalla ved utsend sakliste datert Ordførar Jan Helgøy leia møtet. Faste medlemar som møtte: Namn Funksjon Representerer Jan Helgøy Ordførar KRF OG H Idar Brekke Medlem KRF OG H Ottar Jan Løvoll Varaordførar AP Magne Løvoll Medlem SP OG V Leon Svein Stranden Medlem SP OG V Nils Olav Moen Medlem FRP Faste medlemar som ikkje møtte: Namn Funksjon Representerer Lena Nordal Vedeld Medlem KRF OG H

2 Varamedlemar som møtte: Namn Møtte for Representerer Øystein Blom Lena Nordal Vedeld KRF OG H 7 av 7 medlemar møtte. Frå administrasjonen møtte: Namn Stilling Gudmund Sandnes Rådmann Andreas Nørve Ass.rådmann. Sak 29/2013. Kåre Kvangarsnes Møtesekretær Dessutan møtte siv.ing. Helge Kleppe frå driftsavdelinga under Eventuelt. Magne Løvoll gjekk frå som ugild i sak 25/2013 styreleiar i Rovdefjordbrua AS. Underskrifter: Vi stadfestar at det som er ført i møteboka er i samsvar med det som vart vedteke på møtet Fiskå, den

3 SAKLISTE Saksnr. Sakstittel PS 21/2013 Godkjenning av innkalling PS 22/2013 Godkjenning av møteprotokoll frå siste møte PS 23/2013 Skriv og meldingar PS 24/2013 Planstrategi for Vanylven kommune PS 25/2013 Rovdefjordbrua - Oppstart av arbeid med kommunedelplan og framlegg til planprogram PS 26/2013 Omorganisering av 110-sentralen i Møre og Romsdal Høyring PS 27/2013 Tilbod innan spesialisert rehabilitering i Helse Møre og Romsdal. Framtidig drift av Mork rehabiliteringssenter PS 28/2013 IKA Møre og Romsdal - Endring av Selskapsavtale. PS 29/2013 Tertialrapport nr PS 30/2013 Herøy vidaregåande skule avd. Vanylven - Støtte til utanlandstur Drøftingssak: Beredskapsferja Lauvstad Volda. Eventuelt

4 PS 21/2013 Godkjenning av innkalling Innkallinga vart godkjend. PS 22/2013 Godkjenning av møteprotokoll frå siste møte Møteprotokoll frå siste møte vart godkjend. PS 23/2013 Skriv og meldingar Skriv av frå bibliotekleiar Hilde Myklebust: Biblioteket si framtid nok ein gong. Framlagd skriv vart teke til vitande. PS 24/2013 Planstrategi for Vanylven kommune Tilråding: I samsvar med plan- og bygningslova 10-1 tilrår formannskapet at framlegg til planstrategi for vert vedteke av kommunestyret. Forslaget skal gjerast offentleg minst 30 dagar før kommunestyrets behandling. Rådmannen foreslo å utsetje saka. Planen vert sendt tilbake til administrasjonen for oppdatering før den vert lagt fram for formannskapet på nytt. Det vart gjort slik samrøystes Saka vert utsett. Planen vert sendt tilbake til administrasjonen for oppdatering, og deretter lagt fram for formannskapet på nytt

5 PS 25/2013 Rovdefjordbrua - Oppstart av arbeid med kommunedelplan og framlegg til planprogram Magne Løvoll tok opp spørsmål om gildskap styreleiar i Rovdefjordbrua AS. Han vart kjend ugild og gjekk frå under handsaming av saka. Samrøystes vedtak som framlegget. I medhald av i plan- og bygningslova vedtek Vanylven formannskap at det kan oppstartast arbeid med utarbeiding av kommunedelplan for etablering av vegsamband Rovdefjordbrua. I medhald av i plan- og bygningslova vedtek Vanylven formannskap å leggje framlegg til planprogram for kommunedelplan for tiltaket ut til offentleg ettersyn. Formannskapet føreset at revisjon av planprogram etter høyringsrunden og utarbeiding av konsekvensutgreiing og kommunedelplanar for Rovdefjordbrua vert fullt ut dekt av Rovdefjordbrua AS. Rådmannen får fullmakt til å inngå avtale om dette. PS 26/2013 Omorganisering av 110-sentralen i Møre og Romsdal - Høyring Samrøystes tilråding som framlegget. Formannskapet tilrår: 1. Vanylven kommunestyre meiner at DSB sitt høyringsbrev inneheld faktafeil. Vanylven kommune bed difor DSB om å utarbeide eit betre faktagrunnlag til saka. 2. Vanylven kommunestyre meiner at ei utvida sentralisering av nødmelding for brann / fagsentral for branntenesta vil svekke den reelle samfunnsikkerheita i Møre og Romsdal. 3. Vanylven kommunestyre meiner at med det potensiale som er i Møre og Romsdal for både naturskapte katastrofar og storulykker, må målet til myndigheitene vere å styrke beredskapen i Møre og Romsdal. 4. Vanylven kommunestyre meiner at Møre og Romsdal skal vere ein nødmeldingsregion, og at myndigheitene heller bør utrede å samlokalisere dagens nødsentralar i Møre og Romsdal.

6 PS 27/2013 Tilbod innan spesialisert rehabilitering i Helse Møre og Romsdal. Framtidig drift av Mork rehabiliteringssenter Samrøystes vedtak som framlegget. 1. Vanylven kommune er uroleg for at kommunane får overført auka oppgåver og ansvar utan tilstrekkeleg finansiering og fagleg oppbygging, og at pasientane får eit dårlegare tilbod. 2. Vanylven kommune ber Helse Møre og Romsdal om ein prosess i tråd med samarbeidsavtalen mellom kommunane og helseføretaket når det gjeld oppgåve- og ansvarsdeling innan rehabiliteringsfeltet. Ein ser med uro på at ei nedbygging av spesialisert rehabilitering i Helse Møre og Romsdal ser ut til å skje utan at ein følgjer verkemidla i vedlegg 1 til samarbeidsavtalen, og at prinsippet om helseføretaket og kommunane som likeverdige partar ikkje blir fylgt. 3. Vanylven kommune føreset at helseføretaket har tilstrekkelig kapasitet og kompetanse til å løyse sine oppgåver innan spesialisert rehabilitering. 4. Mork rehabiliteringssenter har svært god kompetanse innfor spesialisert rehabilitering og har også utvikla gode samhandlingsmodellar mot kommunane. Ein er bekymra for at helseføretaket vil tape viktig kompetanse dersom senteret blir lagt ned. 5. Vanylven kommune ønskjer ikkje å inngå samarbeid om drift av Mork rehabiliteringssenter PS 28/2013 IKA Møre og Romsdal - Endring av Selskapsavtale. Samrøystes tilråding som framlegget. Formannskapet tilrår: Vanylven kommune sluttar seg til endringar i IKA Møre og Romsdal sin selskapsavtale slik det går fram av vedlagde avtale.

7 PS 29/2013 Tertialrapport nr Samrøystes tilråding som framlegget. Formannskapet tilrår: Tertialrapport for perioden september til og med desember månad 2012 vert teken til vitande. PS 30/2013 Herøy vidaregåande skule avd. Vanylven - Støtte til utanlandstur Samrøystes vedtak som framlegget. Herøy vidaregåande skule avd. Vanylven får som tidlegare år kr ,- i stønad frå Vanylven kommune til studietur. Budsjettdekning: Kto Overføring til andre.

8 Drøftingssak: Beredskapsferje Lauvstad Volda og beredskapsferje Koparnes Årvik. Notat av frå rådmannen vart lagt fram. Det var semje om at ein bed om eit møte med Statens vegvesen for å legge fram kommunens synspunkt. Eventuelt: Varaordførar Ottar Jan Løvoll tok opp innspel frå eldre på Fiskå som saknar sentrumsnære aldersbustadar. Øystein Blom etterlyste sak om kommunestein. Magne Løvoll tok opp manglande vasstrykk i ein del bustadar på Åheim. Kva vert gjort for å ordne opp i dette? Helge Kleppe frå driftsavdelinga opplyste at så snart telen har gått ut av jorda vil ein ta fatt på utbetringsarbeidet. Han orienterte også om vasslekkasjar på Åheim og opplyste at ein har lokalisert den eine lekkasjen. Arbeider for å finne den andre. Nils Olav Moen tok opp fylgjande saker: Sak 19/2013 i formannskapet : Eidså skule vidare bruk. Han leverte slik merknad/kommentar: I formannskapsmøte var saka oppe til drøfting. Fleirtalet var einige i at Vanylven Utvikling kunne starte arbeidet med utlysing av Eidså skule for sal av skulen, eventuelt utleige til næringsretta verksemd. Det var og frå fleirtalet sagt at ved ei eventuell utleige til Rovde Utleigebygg AS måtte det vere utleige til marknadspris som i dag ligg på ca 1.000,- kr. pr. kvm. 2 dagar etter i Synste Møre lyser Vanylven Utvikling ut Eidså skule for utleige. Sal av Eidså skule var ikkje med i utlysinga i Synste Møre. Det ser ut til at alt var klart før formannskapet behandla saka i møte Det går og rykte om at leigesummen pr. kvm. ligg langt under marknadspris. Dersom dette stemmer, vil det undergrave og hindre bygging og utleige av næringsbygg no og i framtida i Vanylven kommune. Eg har ikkje vore med på dette slik det no kjem fram i media (Synste Møre). Eg stemte for sal av Eidså skule. Men eg stemte og for punkta at Vanylven Utvikling kunne gå vidare med planane om næringsretta verksemd i Eidså skule, og lyse den ut for sal/utleige. Skuleskyss Rovde / Syvde. Leverte slik framlegg som vert oversendt kultur- og oppvekstetaten: Eg har tatt saka opp tidegare, då den vart sendt over til utvalet. Det er i dag svært lang ventetid på buss for dei minste ungane som skal starte på skule i Syvde. Dette har gjort at fleire vil til skule på Lauvstad. Slik eg forstår kan dei minste få tilbod om leksehjelp den siste timen, i staden for å vente på bussen i ca 1. time på ettermiddagen (valfritt). Slik eg høyrer gjeld ikkje denne fredag? Når dei minste likevel skal vere så lenge på skulen pr. dag bør: 1. Skuledagen vere fast like lang som for dei andre elevane måndag til torsdag.

9 2. Fredag vert dei minste ungane frakta heim i minibuss til Rovde når dei har timane sine pr. veke. Kan ikkje sjå at dette løyser ut større kostnader, med unntak av minibuss 1 gang pr. veke til Rovde og eventuelt Eidså dersom der er ungar i rett alder. 3. Flyttar familie frå Vanylven på grunn av for dårlege forhold for deira ungar, blir det lett langt større kostnader (tap) for Vanylven kommune. Vi har ingen å misse i Vanylven, vi må difor prøve å tilpasse oss meir enn andre kommunar som har same utfordringar som oss. Samferdsel Utbetring fv. 61 i Syltefjorden. Viste til oppslag i Synste Møre der varaordføraren uttalar seg. Lurte på om på om ein er i ferd å fråvike prioriteringa i K-sak 90/2012 planprosessar i samferdselssektoren innspel til fylket, der ny bru over Åheimselva er første prioritering under vegutbetringar. Breiddeutviding fv. 61 Tunheim Ekrem er prioritert som nummer 2. Varaordførar Ottar Jan Løvoll svarde at ein arbeider ut i frå vedtaket i kommunestyret. Samferdsel ferjetidene i sambandet Åram Larsnes medan sambandet Årvik Koparnes er stengt i byggeperioden for nye ferjekaiar: Store opphald mellom enkelte ferjeavgangar og manglande korrespondanse med ferjeruta Hareid Sulesund. Det vart i drøftinga understreka at dette må takast opp med Statens vegvesen. Meinte det er uheldig at Synste Møre har vore lite til stades på politiske møte den seinare tid. Stilte spørsmål ved utdelinga av Solsikkeprisen Han etterlyste også fleire saker. Fekk svar frå rådmannen. Leon Stranden tok opp sak 198/2012 i formannskapet : Søknad om dispensasjon frå reguleringsplan Fiskå gbnr. 9/9 der det vart gjort slik vedtak: Saka vert utsett. Kommunen kallar inn til eit avklaringsmøte mellom partane, og får saka juridisk vurdert. Bad om å få saka opp til ny handsaming. Rådmannen undersøkjer nærare. Idar Brekke ynskte rutinar for informasjon på kommunens internettsider ved t.d. brot på vassleidning slik ein akkurat no har på Åheim. Rådmannen opplyste at kommunen får nye internettsider i juni. Då bør ein få på plass slike rutinar. Rådmannen tok opp utbetring av Myklebust skule til skulestart Det er budsjettert kr ,-. Det vert for lite. Sak om budsjettregulering vert lagt fram seinare. Rett utskrift Kåre Kvangarsnes