Side 1 av 8 Saksframlegg Saksbehandlar: Guro Høyvik, kulturavdelinga Sak nr.: 13/6410-71 Desentralisert ordning for tilskot til lokale kulturbygg 2015 fordeling av tilskot Fylkesdirektøren rår hovudutval for kultur til å gjere slikt vedtak: 1. Tilskot til kulturbygg for 2015 vert fordelt slik: Anleggseiningsnummer Namn på kulturbygg Tilskot 1401 0043 01 Flora samfunnshus Kr 415 000 1417 0043 01 Feios ungdomshus Kr 581 000 1419 0033 01 Ungdomshuset Leikvang Kr 257 000 1428 0049 01 Holmedal bygdehus Kr 106 000 1432 0067 01 Viking ungdomshus Kr 235 000 1433 0002 08 Naustdal barne- og Kr 430 000 ungdomsskule, kulturhusfunksjonar 1438 0055 01 Svelgen samfunnshus Kr 343 000 1439 0044 01 Nord- Vågsøy kulturhus Kr 1 500 000 1443 0081 01 Hennebygda samfunnshus Kr 103 000 Sum Kr 3 970 000 2. Desse søknadane om tilskot til kulturbygg 2015 får avslag: 1401 0089 01 Gamlebua i Stavang 1401 0091 01 Havglytt 1433 0002 08 Naustdal barne- og ungdomsskule kulturhusfunksjonar 1438 0085 01 Realen kulturhus 1439 0045 01 Kulturhuset Turnhallen 1443 0073 01 Eid kulturhus 3. Søkjarar som har fått avslag, men har ein godkjend søknad, kan fornye sine søknadar i 2016. Vedlegg: 1. Retningsliner for tilskot til kulturbygg i Sogn og Fjordane 2. Brev frå Kulturdepartementet, med melding om tilskot, 10.08.2015. 3. Brev med melding om vedtak om dispensasjon, Nord- Vågsøy kulturhus SA 4. Brev med melding om vedtak om dispensasjon, Kulturhuset Realen Andre dokument som ikkje ligg ved: 1. Søknadar om tilskot SAKSFRAMSTILLING 1. Samandrag
Side 2 av 8 Stortinget har ved handsaminga av St.meld. nr. 48 (2002-2003) Kulturpolitikk fram mot 2014 sett i verk ei desentralisert ordning for tilskot til kulturhus og ei ordning om tilskot til regionale møteplassar og formidlingsarenaer for kultur, jf. Innst. S. nr. 155 (2003-2004). Ordninga vert finansiert med delar av overskotet frå Norsk Tipping, spelemidlar. Kulturdepartementet administrerer ordninga, og fylkeskommunane har ei sentral rolle sidan forvaltningsoppgåvene knytt til ordninga er delegert til regionalt nivå. Departementet fordeler tilgjengelege midlar til fylkeskommunane. Vi handsamar innkomne søknadar og vedtek fordelinga av midlane. Sogn og Fjordane fylkeskommune har vedteke eigne retningsliner som kjem i tillegg til dei statlege føringane. For 2015 var fristen for kommunane å sende inn søknader sett til 30.04., i tråd med retningslinene. 2. Årets søknadar og omfang av rammetilskot Det har i år kome inn 15 søknadar. Det er 6 fleire enn i 2014. I brev frå Kulturdepartementet, datert 10.08.2015, har vi fått melding om at Sogn og Fjordane har fått tildelt kr. 3 269 494 i rammetilskot for 2015. Dette er 1 021 745 kroner mindre enn i 2014; ein reduksjon på om lag 24%. Dette heng saman med at ein redusert del av spelemiddeloverskotet er sett av til lokale kulturbygg. Løyvde, men ikkje utbetalte midlar, står på eigen konto. Rentene frå desse vert lagt til ramma for tildeling. Opptente rentemidlar for 2014 er kr 124 150, 86. Etter tildelinga i 2014 stod det att kr 729 265,03 som ikkje vart løyvd. Desse midlane vart gjort tilgjengelege for ev. klagesaker. Det var ingen klagesaker i etterkant av løyvingane i 2014, og midlane vert lagt til ramma for tildeling i 2015. I tillegg stod det att kr. 7 000 frå tidlegare år. Det er såleis kr 4 129 909,89 til disposisjon til fordeling i år. 3. Oversyn over søknadane Alle dei 15 søknadane er nye av året. Anl. nr. Namn Kommune Første søknad Kommunal prioritering Godkjend søknadssum 1401 0043 01 Flora samfunnshus Flora 2015 1 kr 415 000 1401 0089 01 Gamlebua i Stavang Flora 2015 2 kr 596 000 1401 0090 01 Havglytt Flora 2015 3 kr 0 1417 0043 01 Feios ungdomshus Vik 2015 Berre ein søknad kr 581 000 Ungdomshuset 1419 0033 01 Leikvang Leikanger 2015 Berre ein søknad kr 257 000 1428 0049 01 Holmedal bygdehus Askvoll 2015 Berre ein søknad kr 106 000 1432 0067 01 Viking ungdomshus Førde 2015 Berre ein søknad kr 235 000 1433 0002 08 Naustdal barne- og ungdomsskule, kulturhusfunksjonar Naustdal 2015 1 kr 1 500 000 1433 0002 09 Naustdal barne- og ungdomsskule, bibliotek Naustdal 2015 2 kr 567 000 1438 0055 01 Svelgen samfunnshus Bremanger 2015 1 kr 343 000 1438 0085 01 Realen kulturhus Bremanger 2015 2 kr 429 000 1439 0044 01 Nord- Vågsøy kulturhus Vågsøy 2015 1 kr 1 500 000 1439 0045 01 Kulturhuset Turnhallen Vågsøy 2015 2 kr 180 000
Side 3 av 8 1443 0073 01 Eid kulturhus Eid 2015 Søknaden er trekt. kr 0 Hennebygda Berre ein søknad 1443 0081 01 samfunnshus Eid 2015 står att. kr 103 000 Totalt kr 6 812 000 4 Vurdering av søknadane Tiltaka i årets søknadar gjeld hovudsakleg rehabilitering og modernisering av eldre bygg/lokale, tilrettelegging som gjev betre funksjon for brukarane av huset og også nokre ENØK-tiltak. To av søknadane gjeld etablering av nye lokale med kulturbyggfunksjonar. Det er søkt om tilskot til to store kulturbygg, der ein har sett søknadssummen i tråd med retningslinjene for eit kulturbygg med regional funksjon. Elles er det søkt om tilskot til lokale kulturbygg som er viktige i sitt nærmiljø. I hovudsak er tiltaka er i tråd med dei typane tiltak som den desentralisere ordninga for kulturbygg skal dekke. Ein søkjarar har fått tilbakemelding om at delar av tiltaka dei har søkt om tilskot til ikkje er omfatta av denne ordninga, og godkjend totalkostnad og søknadssum er justert i denne søknaden. Alle søknadane, med unntak av to stk., hadde større eller mindre manglar då dei vart sende inn. Ny/ytterlegare dokumentasjon er sendt inn av søkjarane og søknadane er vurderte på nytt. På same måte som i 2014 syner årets søknadar at det kan vere eit behov for kompetanseheving blant mogelege søkjarar. Ein av grunnane til at søknadane har mange manglar kan vere at det ofte er nye søkjarar for kvart år, og at ein difor ikkje har kjennskap til kva dokumentasjon som trengst for å få søknaden godkjend. I år er alle søknadane nye, men tre av søkjarane har hatt inne søknader i denne ordninga dei siste åra. Framleis bør Sogn og Fjordane fylkeskommune, som regional utviklar, ha eit mål om å auke kvaliteten på søknadane og med det m.a. redusere arbeidet i tida mellom søknadsfrist og politisk handsaming. Dette kan ein oppnå gjennom kompetansehevande tiltak. Kulturavdelinga har eit uformelt samarbeid om satsing på kulturbygg med Noregs ungdomslag sitt prosjekt «Huset i bygda» og Sparebankstiftinga Sogn og Fjordane. Vi ynskjer å legge til rette for at Sogn og Fjordane skal få fleire godkjende kulturbyggsøknader, med mål om på sikt auke midlane som går til Sogn og Fjordane. «Huset i Bygda» si rolle vert å bidra til å spreie informasjon til eigarar av kulturbygg i fylket. Fylkeskommunen forvaltar den desentraliserte ordninga for tilskot til kulturbygg og skal også spreie informasjon, hjelpe søkjarar med ulike spørsmål og handsame søknader om spelemidlar, slik som i dag. Sparebankstiftinga tek imot søknader til kulturbygg og kan gje tilskot til gode prosjekt, som igjen kan verte brukt som eigenkapital i ein søknad om spelemidlar. 4.1 Prosjekt som vert tilrådd midlar I vurderinga av kva av søknadane som vert tilrådd tilskot har fylkesdirektøren lagt vekt på følgjande kriterium: - Prioritere tiltak som reduserer energiforbruket (ENØK- tiltak). - Prioritere kulturbygg som samlar ulike kulturaktivitetar. - Legge kommunale prioriteringar til grunn og følgje desse tilrådingane. - Fordele tilskot til flest mogeleg kommunar i fylket. Den totale søknadssummen er høgare enn rammeløyvinga fylkeskommunen har fått frå Kulturdepartementet, og det er difor ikkje tilrådd løyving til alle godkjende søknadar i år. Søknadane som er godkjende kan fornyast til neste år. 14 0043 01 Flora samfunnshus Flora kommune søkjer om tilskot til rehabilitering/modernisering av foajé, møtesal og møterom. Tiltaket inneheld oppgradering av ventilasjon, lys, himling, varme og golv. Samfunnshuset vart opna i 1978 og det er behov for rehabilitering av lokala. Kostnadane for blending, kr 74 840, er trekt ut frå godkjend totalkostand på grunn av at dette vert vurdert som laust utstyr, som det
Side 4 av 8 ikkje vert gitt tilskot til i denne tilskotsordninga. Godkjend kostnad er justert ned frå 1 320 840 til 1 246 000 og godkjend søknadssum er justert tilsvarande. Flora samfunnshus søkjer om tilskot etter satsen for «kulturbygg med regional funksjon» i retningslinjene, punkt 2.5.3. Fylkesdirektøren godkjende i 2014 ein søknad for Flora samfunnshus og vurderte kulturhuset til å vere eit kulturbygg som oppfyller krava til denne definisjonen. Søknaden er prioritert som nummer ein av totalt tre søknadar frå Flora kommune. Godkjend totalkostnad er kr 1 246 000. Godkjend søknadssum er 415 000. 1417 0043 01 Feios ungdomshus Feios ungdomslag søkjer om tilskot til tilbygg til og modernisering av kjøkkenet ved Feios ungdomshus. Bygget vart ferdigstilt i 1927. Kjøkkenet som er i bruk i dag er plassert i kjellaretasjen. Nytt tilbygg vil gje eit moderne kjøkken, som er enklare i bruk, og vil også vere med på å gje bygget universell utforming. Dette er den einaste søknaden frå Vik kommune. Godkjend totalkostnad er kr 1 743 000. Godkjend søknadssum er 581 000. 1419 0033 01 Ungdomshuset Leikvang Leikanger ungdomslag søkjer om tilskot til skifte av tak og takrenner på det eksisterande hovudhuset ved ungdomshuset Leikvang. Søkjar ynskjer å skifte dagens eternittak og erstatte det med skifer. Hovudhuset er frå 1925. Taket vart sist skifta på siste halvdel av 1970- talet, og er i svært dårleg stand i dag. Leikanger ungdomslag søkte om tilskot frå denne ordninga i 2014, men var då ikkje merksame på at det var mogeleg å søkje om tilskot til denne typen tiltak. Dei har difor søkt om tilskot til dette tiltaket i ein eigen søknad i årets søknadsrunde. Det vart løyvd kr 1 020 000 til søknaden i 2014. Ungdomshuset Leikvang er vurdert til å vere eit lokalt kulturbygg. Denne kategorien kulturbygg kan etter retningslinjene maksimalt få tildelt kr 1 500 000 innanfor ein 20 årsperiode. Dersom det vert løyvd midlar til årets søknad vil det vere løyvd totalt kr 1 277 000. Dette er den einaste søknaden frå Leikanger kommune i år. Godkjend totalkostnad er kr 770 000. Godkjend søknadssum: 257 000. 1428 0049 01 Holmedal bygdehus Holmedal ungdomslag søkjer om tilskot til universell utforming av inngangspartiet og tilkomsten til Holmedal bygdehus, og om skifte av tak på bygget. Huset vart ferdigstilt ca. 1960. Dette er den einaste søknaden frå Askvoll kommune. Godkjend totalkostnad er kr 318 000. Godkjend søknadssum er kr 106 000. 1432 0067 01 Viking ungdomshus Førde ungdomslag søkjer om tilskot til rehabilitering/modernisering av Viking ungdomshus. Ungdomshuset er frå 1927. Tiltaket omfattar i hovudsak etablering av nye toalett ved scenegarderoben, opprusting av ulike fasilitetar ved garderobeanlegg ved scena og sjølve scena, modernisering og ombygging av kjøkkenet. Dette er den einaste søknaden frå Førde kommune i år. Godkjend totalkostnad: kr 706 000. Godkjend søknadssum: 235 000. 1433 0002 08 Naustdal barne- og ungdomsskule kulturhusfunksjonar Naustdal kommune søkjer om tilskot til etablering av kulturhusfunksjonar i eit nytt bygg ved Naustdal barne- og ungdomsskule, i samband med utviding og ombygging av skulen. Spesialrombygget skal bli brukt av skulen i skuletida og av Førde og Naustdal kulturskule til undervisning på ettermiddag og kveldstid på vekedagar, og nokre få laurdagar. Lokala skal også brukast som kulturhus for innbyggjarar og organisasjonar i Naustdal på ettermiddag og kveldstid. Søkjar legg opp til at fleire brukargrupper kan bruke ulike delar av kulturbygget på same tid, fordi lokala inneheld ulike rom med ulike funksjonar. Søkjar peiker også på at det i ein liten kommune er føremålstenleg å samle fleire funksjonar i same bygg, og at dei ved ombygginga av skulen vil legge til rette for å dekkje fleire ulike behov, både for skulen, kulturskulen og innbyggjarar/organisasjonar i kommunen. Søknaden er prioritert som nr. ein av to søknadar frå Naustdal kommune. Fylkesdirektøren ser positivt på etableringa av denne typen kulturhusfunksjonar i Naustdal, og søknaden inneheld også dokumentasjon og vedlegg som gjer at den har fått status «godkjend». Fylkesdirektøren tilrår løyving til denne søknaden i årets søknadsrunde, men vil peike på at det at det vert løyvd midlar gjennom denne ordninga legg føringar for bruken av lokala. Lokale som
Side 5 av 8 har fått tilskot frå ordninga skal i størst mogeleg grad fungere som kulturelle møtestader for alle og Naustdal kommune må sikre at ålmenta har reell tilgang til å bruke lokala i stor grad. Aktivitet for kommunale driftsoppgåver som skule og kulturskule må ikkje vere til hinder for allmenn kulturell aktivitet som personar og organisasjonar i kommunen ynskjer å bruke lokala til. Det inneber også at det må vere tidsrom på dagen der det er ledig kapasitet til denne typen aktivitet. Godkjend totalkostnad: kr 23 259 000. Godkjend søknadssum: 1 500 000. Tilrådd løyving: kr 430 000. Søkjar må sende inn gjenteken søknad i søknadsrunda 2016, sum som står att: kr 1 070 000. 1438 0055 01 Svelgen samfunnshus Svelgen samfunnshus A/L søkjer om tilskot til skifte av vindauge, i samband med brannsikring av kulturhuset. Huset vart teke i bruk tidleg på 1960-talet. Søknaden er prioritert som nr. ein av to søknadar frå Bremanger kommune. Godkjend totalkostnad: kr 1 027 500. Godkjend søknadssum: 343 000. 1439 0044 01 Nord- Vågsøy kulturhus Nord-Vågsøy Kulturhus SA søkjer om tilskot til etablering av Nord-Vågsøy kulturhus. Eit tidlegare næringsbygg skal byggjast til eit nytt og moderne kulturhus. Behovet for eit nytt kulturbygg har mellom anna bakgrunn i at huset som fungerer som samfunnshus i dag er gamalt og i liten grad er i bruk pga. dårleg tilstand, manglane fasilitetar og manglande universell utforming. Tiltaket det vert søkt om inneheld mellom anna konferansesal med scene, kjøkken, møterom, garderobefasilitetar og leikerom. Søkjar er i ein prosess med kjøp av bygget, og i søknaden kunne dei ikkje legge fram dokumentasjon på rett til bruk av grunn og anlegg i tråd med pkt. 2.6.3 i retningslinjene. Fylkesdirektøren har vurdert eigedomsforholda og finn at dokumentasjonen som føreligg i søknaden dokumenterer at søkjar for alle praktiske forhold har slik «rett til bruk av eigedom og anlegg» til kulturbygget det vert søkt om midlar til som det er stilt krav om i retningslinjene, pkt. 2.6.3. Fylkesdirektøren har difor gitt dispensasjon frå kravet om dokumentasjon på rett til bruk av eigedom og anlegg i minimum 20 år. På bakgrunn av dette har søknaden fått status «godkjent». Det er ikkje gitt dispensasjon frå kravet om at søkjar skal ha rett til bruk av eigedom og anlegg, men frå sjølve kravet til dokumentasjon av dette i søknaden. Dersom det vert løyvd tilskot til prosjektet i den politiske handsaminga set fylkesdirektøren krav om at dokumentasjon i tråd med krava i punkt 2.6.3. i retningslinjene vert sendt inn før tilskotet kan verte utbetalt. Sjå vedlegg. Søknaden er prioritert som nr. ein av to søknadar frå Vågsøy kommune. Godkjend totalkostnad: 6 953 000. Godkjend søknadssum: 1 500 000. 1443 0081 01 Hennebygda samfunnshus Foreininga Hennebygda Samfunnshus søkjer om tilskot til skifte av vindauge og elektrisk anlegg i Hennebygda samfunnshus. Huset vart ferdigstilt i 1952 og det er behov for rehabilitering og ENØK- tiltak. Etter at Eid kulturhus trakk sin søknad er dette den einaste søknad frå Eid kommune. Godkjend totalkostnad: kr 310 000. Godkjend søknadssum: kr 103 000. Alle søknadane som er lista opp ovanfor er prioritert på førsteplass eller er einaste søknad for sin kommune, og fylkesdirektøren tilrår at det vert løyvd midlar til desse. Rammeløyvinga frå Kulturdepartementet er i år ikkje stor nok til at alle godkjende søknadar kan prioriterast for løyving. Etter at søknadane ovanfor har fått tilrådd løyving står det att kr 589 909,89 til fordeling og avsetjing til eventuelle klager. Fylkesdirektøren rår til at ein set av minimum kr 150 000 til ev. klager. Disponibelt beløp for tildeling vert då kr 439 909,89. Tiltaka det vert søkt om midlar til må vere fullfinansiert, inkl. eit ev. tilskot frå denne ordninga, for at ein søknad skal kunne verte godkjend og tilrådd løyving. Det er mogeleg å gje ein søknad ei delløyving. Søkjer må då sende inn ein gjenteken søknad for den resterande søknadssummen i neste søknadsrunde. 4.2 Prosjekt som ikkje vert tilrådd midlar Rammeløyvinga frå Kulturdepartementet er i år ikkje stor nok til at alle godkjende søknadar kan prioriterast for løyving. Det vert sett av kr 159 909,89 til eventuelle klager, og når eitt prosjekt
Side 6 av 8 i kvar kommune er tilrådd tilskot står det ikkje att midlar til fordeling. 1401 0089 01 Gamlebua i Stavang Foreininga Gamlebua i Stavang søkjer om tilskot til restaurering av Gamlebua i Stavang. Bygget skal brukast som kulturhus med museum, kafé, galleri og kulturell og sosial møtestad. Gamlebua er frå 1855. Det vart søkt om tilskot til same tiltak i 2014, men søknaden fekk då avslag fordi innhaldet i søknaden ikkje stetta krava i retningslinjene for ordninga. I søknadsrunda i år stettar innhaldet i søknaden krava i retningslinjene, og søknaden har fått status «godkjend». Søknaden er prioritert som nr. to av totalt tre søknadar frå Flora kommune. Rammeløyvinga frå Kulturdepartementet er i år ikkje stor nok til at alle godkjende søknadar kan prioriterast for løyving. Etter at søknadane nemnt i punkt 4.1 har fått tilrådd løyving, og det er sett av midlar til klagehandsaming, står det ikkje att midlar til fordeling. Det er tilrådd løyving av midlar til prosjektet som er prioritert som nr. ein i Flora kommune. Godkjend totalkostnad er kr 1 788 000. Godkjend søknadssum er kr 596 000. Tilrådd løyving: kr 0. Avslagsgrunn: manglande midlar, søknaden vert ikkje prioritert i årets søknadsrunde. Søknaden kan fornyast i 2016. 1438 0085 01 Realen kulturhus Foreininga Kulturhuset Realen søkjer om tilskot til rehabiliteringstiltak ved Realen kulturhus. Tiltaket omfattar i hovudsak skifte av tak, skifte av ein vegg, skifte av tre vindauge og utbetring av inngangsparti. Bygget vart bygd tidleg på 1920- talet. Søkjar har inngått avtale med Bremanger kommune om kjøp av kulturhuset. Søkjar overtek bygget vederlagsfritt, med unntak av kostnader som fylgjer overdraginga, t.d. tinglysingsgebyr. Tidspunkt for overtaking av bygget er i avtalen sett til tidspunktet for tinglysing av skøytet. Kommunen informerte 12.05.2015 om at prosessen med tinglysing vart sett i gang. På bakrunn av dokumentasjonen i søknaden finn fylkesdirektøren at søkjar for alle praktiske forhold har slik «rett til bruk av eigedom og anlegg» til kulturbygget det vert søkt om midlar til som det er stilt krav om i retningslinjene, pkt. 2.6.3. Fylkesdirektøren har difor gitt dispensasjon frå kravet om dokumentasjon på rett til bruk av eigedom og anlegg i minimum 20 år, og har gitt søknaden status «godkjent». Det er ikkje gitt dispensasjon frå kravet om at søkjar skal ha rett til bruk av eigedom og anlegg, men frå sjølve kravet til dokumentasjon av dette i søknaden. Dersom det vert løyvd tilskot til prosjektet i den politiske handsaminga set fylkesdirektøren krav om at dokumentasjon i tråd med krava i punkt 2.6.3. i retningslinjene vert sendt inn før tilskotet kan verte utbetalt. Søknaden er prioritert som nr. to av to søknadar frå Bremanger kommune. Etter at søknadane nemnt i punkt 4.1 har fått tilrådd løyving, og det er sett av midlar til klagehandsaming, står det ikkje att midlar til fordeling. Det er tilrådd løyving av midlar til prosjektet som er prioritert som nr. ein i Bremanger kommune. Godkjend totalkostnad: kr 1 287 500. Godkjend søknadssum: kr 429 000. Tilrådd løyving: kr 0. Avslagsgrunn: manglande midlar, søknaden vert ikkje prioritert i årets søknadsrunde. Søknaden kan fornyast i 2016. 1439 0045 01 Kulturhuset Turnhallen Kulturhuset Turnhallen BA søkjer om tilskot til skifte av vegg på kulturhuset Turnhallen. Kulturhuset vart bygd tidleg på 1920- talet, og ytterveggane på bygget treng rehabilitering. Tiltaket det vert søkt om midlar til er den veggen der behovet er mest prekært pga. vasslekkasjar som mellom anna kan komme til å øydelegge rehabiliterte golv i bygget, og som i tillegg har ein negativ effekt på inneklimaet i bygget. Søknaden er prioritert som nr. to av to søknadar frå Vågsøy kommune. Etter at søknadane nemnt i punkt 4.1 har fått tilrådd løyving, og det er sett av midlar til klagehandsaming, står det ikkje att midlar til fordeling. Det er tilrådd løyving av midlar til prosjektet som er prioritert som nr. ein i Vågsøy kommune. Godkjend totalkostnad er kr 543 000. Godkjend søknadssum er kr 180 000. Tilrådd løyving: kr 0. Avslagsgrunn: manglande midlar, søknaden vert ikkje prioritert i årets søknadsrunde. Søknaden kan fornyast i 2016. 1433 0002 09 Naustdal barne- og ungdomsskule bibliotek
Side 7 av 8 Naustdal kommune søkjer om tilskot til ombygging av Naustdal bibliotek, i samband med utviding og ombygging av Naustdal barne- og ungdomsskule. Biblioteket, som skal fungere både som folkebibliotek og skulebibliotek, skal få ei ny og meir sentral plassering i skulen. Bibliotekareala skal byggjast om mellom anna for å sikre universell utforming, legge delar av arealet særskilt til rette for barn og unge, gje betre energiløysingar og å legge til rette for dei ulike driftsfunksjonane ved biblioteket. Søknaden er prioritert som nr. to av to søknadar frå Naustdal kommune. Godkjend totalkostnad: kr 1 700 000. Godkjend søknadssum: kr 567 000. Tilrådd løyving: kr 0. Avslagsgrunn: manglande midlar, søknaden vert ikkje prioritert i årets søknadsrunde. Søknaden kan fornyast i 2016. 1401 0091 01 Havglytt Origod AS søkjer om tilskot til universell utforming av inngangspartiet til eldresenteret Havglytt. Fylkesdirektøren har gitt søknaden status «ikkje godkjent». Grunnen til avslaget er at søkjar ikkje kan dokumentere at dei har rett til bruk av eigedom og anlegg i minimum 20 år i tråd med krava i retningslinjene pkt. 2.6.3. og at lokala ikkje stettar krava i retningslinjene pkt. 1.3.2 om universell utforming. Flora kommune eig bygget, som blir drifta av Origod AS. Origod og Flora kommune har ein avtale som går i to år frå 01.01.2011, med opsjon om to nye år utan forhandlingar dersom partane er samde om det. Kommunen opplyser om at avtalen framleis gjeld, og at søkjar no driv på opsjon. Ny forhandling av avtalen har vore utsett pga. prosessar knytt til økonomi i Flora kommune. Kommunen melder også at kommunale reglar gjer at det ikkje er mogeleg å inngå ei meir enn to år av gangen. Kommunen har informert om at deira intensjon er at bygget skal brukast til same formål som i dag i uoverskodeleg framtid, uansett kven som har ansvar for drifta av huset, i tråd med intensjonen i statuttane for Hilmar Rekstens allmennyttige fond som la grunnlaget for senteret. Fylkesdirektøren finn at søknaden ikkje stettar krava i retningslinjene pkt. 2.6.3 om at det er søkjar som skal ha rett til bruk av grunn og anlegg, og at denne retten skal gjelde i minimum 20 år. Fylkesdirektøren har difor gitt søknaden status «ikkje godkjend». Det er Flora kommune som har rett til bruk av eigedom og anlegg, og kommunen kan difor vurdere stå som søkjar for ein ev. søknad i seinare søknadsrunder om dei ynskjer det. Vidare må lokala som får tilskot gjennom denne ordninga vere universelt utforma, etter punkt 1.3.2 i retningslinene. Søkjar har gitt tilbakemelding om at lokala elles ikkje er universelt utforma, men at ein kan komme til å tilrettelegge meir etter kvart, då hovudsakleg med fokus på tersklar og mindre tilpassingar. Søknaden er prioritert som nr. tre av tre søknader frå Flora kommune. Søknaden er ikkje godkjend. Tilrådd løyving: kr 0. Avslagsgrunn: søknaden stettar ikkje krava i retningslinjene pkt. 2.6.3 om at det er søkjar som skal ha rett til bruk av grunn og anlegg, og at denne retten skal gjelde i minimum 20 år. Lokala det vert søkt om tilskot til stettar heller ikkje krava i pkt. 1.3.2 om universell utforming. 1443 0073 01 Eid kulturhus Eid kulturhus søkjer om tilskot til scenetrapp. Søknaden hadde mange manglar då den vart sendt inn. Eid kommune hadde sett status «ikkje i orden» og lagt inn ein merknad om manglane ved søknaden. Søkjar fekk tilbakemelding og om manglane ved søknaden og om kva som måtte rettast opp, i e- post 5.5.2015. Seinare same dag sende søkjar e- post med melding om at søknaden vart trekt. Søknaden er ein av to søknadar frå Eid kommune. Søknaden er trekt av søkjar. Tilrådd løyving: kr 0. 4.3 Attståande midlar Ut frå fylkesdirektøren sine tilrådingar i saka står det att kr 159 909,89 frå årets fordeling. Av desse er kr. 124 150,86 rentemidlar frå 2014. Midlane er tilgjengeleg for ev. klagesaker og vert elles lagt til ramma til fordeling i 2016.
Side 8 av 8 5. Konklusjon Fylkesdirektøren har i tråd med gjeldande retningsliner lagt vekt på tildeling av tilskot til kulturbygg som er viktige i sine lokalmiljø, som samlar ulike kulturaktivitetar og tiltak som er prioritert på førsteplass i sine kommunar. Fylkesdirektøren rår til vedtak i tråd med tilråding.