Side 1 av 15 Fusa kommune Detaljreguleringsplan for: Del av fv 550 Fusa-Eikelandsosen. Parsell Gjerdevik. Planskildring pbl 4-2 Tilhøyrande reg.plankart teikning nr. 362-1. Planframlegg dato: 21. juni 2011. Forslagsstillar: Fusa kommune, 5640 Eikelandsosen PlanID: 1241200804 Arkivsaknr: 09/1009
Side 2 av 15 Det er utarbeidd reguleringsplan for del av fv 552 Fusa - Eikelandsosen, parsell Gjerdevik. Arealbruken innanfor det regulerte området vert fastlagt gjennom vedteken reguleringsplan. Det vil sei at dimensjonering, plassering og utforming av vegen med avkøyrsler, busslommer, gang- og sykkelveg, skråningsutslag og anna er fastlagt. Reguleringsplanen gjev heimel for arealbruken, og planen gjev og heimel til å gjennomføra grunnerverv for vegprosjektet. Framlegg til reguleringsplan vert med dette lagt fram for Fusa kommune til 1. gongs handsaming og utlegging til høyring og offentleg ettersyn. Planframlegget er heimla i plan- og bygningslova 12, og består av reguleringsplankart og føresegner dagsett 21. juni 2011. Planavgrensing går fram av reguleringsplankart teikning nr. 362-1 dagsett 21. juni 2011. Sjå vedleggsliste side 3 for andre dokument. Forslagsstillar: Fusa kommune 5640 Eikelandsosen Planarbeidet er utført av: Ing. Egil Ulvund AS Sætveithagen, 5627 Jondal Telefon: 53668604/91682072 E-post: eulvund@online.no Føretaksnr: 958 185 049 Vedlegg: A) Reguleringsplankart målestokk 1:1000, planid 1241200804 dagsett 21. juni 2011. Teikn. nr. 362. B) Lengdeprofil dagsett 21. juni 2011 Teikn. nr. 362-2 Lengdeprofil i senterlinje profil 0-490 C) Tverrprofil dagsett 21. juni 2011 Teikn. nr. 363-3 Tverrprofil profil 0-480 D) Reguleringsføresegner dagsett 21. juni 2011. E) Risiko- og sårbarheitsanalyse (ROS) dagsett 21. juni 2011. F) Kopi av annonser i Bergens Tidende og Os og Fusaposten - varsel om planarbeid. G) Kopi av adresseliste i samband med varsel om planarbeid. I) Innspel i samband med varsel om oppstart av planarbeid. 1 Evelyn Tveit gnr 29, bnr 7 28.04.08 2 Forsvarsbygg 29.04.08. 3 Fylkesmannen miljøvernavdelinga 06.06.08 4 Fylkesmannen landbruk 10.06.08 5 Hordaland fylkeskommune, kultur og idrettsavdelinga 24.06.08 6 Statens vegvesen 24.06.08 7 Uttale frå landbruskontoret 18.01.08. 8 Uttale frå teknisk drift 18.01.08.
Side 3 av 15 J) Geologi fv 552 rapport 2010239337-01 03.02.11 K) Støyrapport Kilde Akustikk AS rapport 5777-1 01.06.11 INNHALDSLISTE 1.0 GENERELT 1.1 Innleiing 5 1.1.1 Parsell 2 Kvålsneset - Dorganeset (Bergegrend). 5 1.1.2 Parsell 3 Lammaneset Eikeland 5 1.2 Bakgrunn for planarbeidet 5 1.3 Føremål med planarbeidet 6 1.4 Saksgang 6 1.5 Tilhøve til ny plan- og bygningslov 6 2.0 TILHØVE TIL ANDRE PLANAR 2.1 Kommuneplan 2.1.1 Tekstdelen 6 2.1.2 Arealdelen 7 3.0 GRUNNEIGARTILHØVE 3.1 Grunneigarar innanfor og i tilknyting til planområdet 7 4.0 MERKNADAR OG INNSPEL TIL PLANARBEIDET 4.1 Innspel frå Fusa kommune. 4.1.1 Uttale frå landbruskontoret 18.01.08. 8 4.1.2 Uttale frå teknisk drift 18.01.08. 8 4.2 Hovudtrekk frå innspela ved varsel om oppstart av planarbeid april 2008. 4.2.1 Forsvarsbygg 29.04.08. 8 4.2.2 Fylkesmannen miljøvernavdelinga 06.06.08 8 4.2.3 Fylkesmannen landbruk 10.06.08 8 4.2.4 Hordaland fylkeskommune, kultur og idrettsavdelinga 24.06.08 9 4.2.5 Statens vegvesen 24.06.08 9 4.2.6 Evelyn Tveit 28.04.08 9 5.0 TEKNISKE PLANFØRESETNADER 5.1 Trafikkmengder 9 5.2 Massehandtering 9 5.3 Geologi og geoteknikk 9 5.4 Masseoversikt 10 5.5 Vegtrafikkstøy 10 6.0 KOSTNADAR OG TIDSPLAN 10
Side 4 av 15 7.0 SKILDRING AV PLANLØYSINGA 7.1 Planmaterialet - juridisk verknad 11 7.2 Arealføremål 11 7.3 Offentleg køyreveg 11 7.3.1 Fartsgrense 7.3.2 Dimensjoneringsgrunnlag 7.3.2.1 Generelt 11 7.3.2.2 Tverrprofil 11 7.3.2.3 Horisontalkurvatur 12 7.3.2.4 Siktkrav i avkøyrsler 13 7.3.3 Kollektivtrafikk 13 7.4 Avkøyrsler 14 7.5 Annan veggrunn, tekniske anlegg 14 7.6 Landbruk 14 7.7 Mellombels anleggsområde vegbygging 14 7.8 Større konstruksjonar 14 7.9 Riving av bygningar 14 8.0 KONSEKVENSAR AV PLANFRAMLEGGET 8.01 Landbruk 14 8.02 Friluftsinteresser 14 8.03 Kulturminne og kulturmiljø 14 8.04 Naturmangfald 14 8.05 Landskap 15 8.06 Støy 15 8.07 Barriereverknad 15 8.08 Leidnings- og kabelanlegg m. m. 15 8.09 Grunnerverv 15
Side 5 av 15 1.0 GENERELT 1.1 Innleiing Det er utarbeidd frammlegg til detaljreguleringsplan for 3 parsellar av fv 552 Fusa - Eikelandsosen etter ny plan- og bygningslov. Desse 3 parsellane er Gjerdevik (460 m), Kvålsneset - Dorganeset (2067 m) og Lammaneset - Eikeland (2215 m). Sjå oversiktskart i figur 1. Reguleringsplanane for dei 3 parsellane vert fremja som 3 separate planar. 1.1.1 Parsell 2 Kvålsneset - Dorganeset (Bergegrend). Denne har ei lengd på 2067 m. Store deler av denne trasèen vart utbetra på 90-talet i samband med utbetringsarbeidet som då vart utført mellom Fusa og Eikelandsosen. Føremålet med planarbeidet no er utbetring til same standard for resten av trasèen, ny gang- og sykkelveg langs trasèen og utbetring av nokre avkøyrsler. Trasèen har masseunderskot som ein tek sikte på å dekka med overskotsmassar frå dei to andre trasèane. I tillegg vert det lagt til rette areal til massedeponi for mottak av overskotsmassar frå dei to andre trasèane. Etterbruk er næringsområde og landbruk. 1.1.2 Parsell 3 Lammaneset - Eikeland Denne har ei lengd på 2215 m. Mindre deler av denne trasèen vart utbetra på 90-talet i samband med utbetringsarbeidet som då vart utført mellom Fusa og Eikelandsosen. Føremålet med planarbeidet no er utbetring til same standard for resten av trasèen, ny gang- og sykkelveg langs trasèen og utbetring av avkøyrsler. Trasèen har masseoverskot som ein tek sikte på å frakta til massedeponi på parsell Kvålsneset Dorganeset. Figur 1. Oversiktskart parsellar frå varsel om oppstart av planarbeid. 1.2 Bakgrunn for planarbeidet I samband med at det vart sett fram ynskje om planarbeid for gang- og sykkelveg m. m. på parsellane Kvålsneset-Dorganeset og Lammaneset-Eikeland, vart det sett fram ynskje frå del av næringslivet i kommunen om at parsellen i Gjerdevik og måtte takast med i planarbeidet.
Side 6 av 15 1.3 Føremål med planarbeidet. Fv 552 går frå Eikelandsosen til ferjeleiet på Venjaneset og er både ein gjennomfartsveg til og frå ferja og lokalveg. ÅDT er 1500. På 90-talet vart tilstøytande traséar utbetra. Hovudføremålet med planarbeidet er breiddeutviding av fylkesvegen slik at den får same standard som tidlegare utbetra traséar. 1.4 Saksgang I møte den 25.09.2007 sak 0042/07 vedtok kommunestyret at Fusa kommune skulle overta reguleringsplanarbeidet for Bergegrend - Austestad grendautval. Planutvalet i kommunen gjorde i møte den 12.02.2008 sak 0008/08 vedtak om oppstart av reguleringsplanarbeid. Vedtaket vart gjort i medhald av plan- og bygningslova 27-1. Varsel om planarbeid vart annonsert i Bergens Tidende, Os og Fusaposten og Fusa kommune si heimeside den 01.04.2008. Ei tid etter annonsering og utsending av varsel om planarbeid vart det skipa til fleire synfaringar langs trasèane der grunneigarar og naboar vart invitert til samtale for å sjå på og diskutera løysingar på plassen. Dette var før oppstart av planarbeid, slik at ein drøfta med blanke ark. Inge Kaldestad møtte for Fusa kommune og Egil Ulvund som planleggjar. Etter synfaringar vart skisser med framlegg til trassèar utarbeidd, og så vart det skipa til nye synfaringar der ein drøfta konkrete løysingar. På nokre stader var det ynskje om endringar, og desse er i stor grad teke omsyn til i planskisser som vart lagt fram på møte den 08.03.10. Desse er ikkje drøfta med grunneigarane. Synfaringane vart gjennomført den 06.06.08, 31.10.08, 18.11.08, 08.06.09 og 20.11.09. Det føreligg referat frå synfaringane. Det har og vore gjennomført fleire synfaringar og møter med Statens vegvesen. Den 03.06.10 vart det sendt invitasjon frå Fusa kommune til fylkeskommune, fylkesmann og statens vegvesen om felles synfaring og planavklaringsmøte. Det lukkast ikkje for kommunen å få i stand dette møtet. 1.5 Tilhøve til ny plan- og bygningslov Planutvalet i kommunen gjorde i møte den 12.02.2008 sak 0008/08 vedtak om oppstart av reguleringsplanarbeid. Vedtaket vart gjort i medhald av plan- og bygningslova 27-1. Ny plan- og bygningslov (plandelen) vart gjort gjeldande frå 27.06.2008 (LOV 2008-06-27 nr 71: Lov om planlegging og byggesaksbehandling). Planar som er påbegynt etter gamal lov, og som vert lagt ut til offentleg ettersyn etter at ny lov tok til å gjelda, skal handsamast etter bestemmelsane i ny lov. Det tyder at bestemmelsane i ny lov skal fylgjast når det gjeld reglar for sakshandsaming og innhald i planen. Ny lov set krav om risiko- og sårbarheitsanalysar ved alle planar for utbygging ( 4-3) og krav om planskildring ( 4-2). 2.0 TILHØVE TIL ANDRE PLANAR 2.1 Kommuneplan 2.1.1 Tekstdelen Tekstdelen til kommuneplanen vart vedteken 30.09.2003 og gjeld for perioden 2000-2010. I kapittel om Kommunikasjon og pendling heiter det mellom anna: For Fusa kommune står vegspørsmål og kommunikasjonar sentralt i samfunnsplanlegginga. Det har betydning både for intern kommunikasjon i kommunen og for transport ut og inn til kommunen. Vidare under avsnitt for Offentleg kommunikasjon står det mellom anna: Trafikksikring er ein del av tryggleiken i nærmiljøet. I vedteken trafikksikringsplan har ein som målsetjing at det ikkje skal vera dødsulykker i trafikken.
Side 7 av 15 Gjennom konkrete tiltak i trafikksikringsplanen skal ein systematisk betra trafikksikringa i kommunen. Økonomiske løyvingar til trafikksikring skal gå inn som ein del av budsjettarbeidet. Trafikksikring skal og vera eit vurderingskriterium i arealplanlegginga både i kommuneplan- og reguleringsplan. 2.1.2 Arealdelen Kommunestyret vedtok i medhald av plan- og bygningslova 20-5 den 23.05.2006 kommuneplanen sin arealdel 2006-2016. Hverken plankart eller føresegner og retningslinjer for viktige ledd i kommunikasjonssystemet etter pbl 20-4 nr. 6 inneheld føringar for utbetringsarbeid på parsellen. Arealbruken i kommuneplanen er LNF-område. 3.0 GRUNNEIGARTILHØVE 3.1 Grunneigarar innanfor og i tilknyting til planområdet Gnr/bnr Eigar Adresse 29/3 Magnar Vinsjansen 5641 Fusa 29/4 Thor Grahl-Nielsen Joh. Scharffenbergsv. 109 L, 0694 Oslo 29/7 Evelyn Therese Tveit Apeltunhaugane 63, 5238 29/10 Haldis Kårstad Mardalsreinen 19, 5200 29/12,16 Jens Andersen Signe Haugen Langhusveien 253, 1405 Langhus Petedalsheia 67, 5254 Sandsli 29/15,19 Andreas Vinsjansen Måseskjærveien 14, 5035 Bergen 29/17 Jan-Åke Gullaksen Karlgata 6B, S-38232 Nybro, Sverige 30/2 Magnar Vinsjansen 5641 Fusa 30/8 Magnar Vinsjansen 5641 Fusa
Side 8 av 15 4.0 MERKNADAR OG INNSPEL TIL PLANARBEIDET 4.1 Innspel frå Fusa kommune. 4.1.1 Uttale frå landbruskontoret 18.01.08. I uttalen heiter det: Dei planlagde parsellane går fleire stader gjennom jordbruksareal. Under utarbeiding av planen bør det takast omsyn til arrondering av dyrka mark og tilkomsten til desse teigane. For skogbruket kan vi i dag ikkje sjå at det skal vera større konsekvensar. Planleggjar sin kommentar: I planlegginga har ein freista å taka omsyn til dyrka mark ved å leggja utviding av vegen til oppsida av eksisterande veg og ved å avgrensa skråningsutslag frå ein del fyllingar med mur, men noko dyrka mark vil likevel vert råka av utbygginga. 4.1.2 Uttale frå teknisk drift 18.01.08. I uttalen heiter det: Deler av Rv 552 har ein standard og ei trafikkmengde som gjer tilhøva for gåande og syklande svært utrygge. Det er difor viktig å få gjort planarbeidet for dei aktuelle strekningane. Når det gjeld prioritering av utbyggingsrekkefylgje vil dette bli gjort i kommunen sin trafikksikringsplan, som er under rullering. Planleggjar: ingen kommentar. 4.2 Hovudtrekk frå innspela ved varsel om oppstart av planarbeid april 2008. 4.2.1 Forsvarsbygg 29.04.08. Forsvarsbygg har ingen merknad til oppstartmeldinga. 4.2.2 Fylkesmannen miljøvernavdelinga 06.06.08 I uttalen heiter det mellom anna: Føremålet er ikkje i samsvar med kommuneplanen, men etter vårt syn er det positivt at ein satsar på trafikksikring lang rv 552, og at ein legg opp til utarbeiding av ein ROS-analyse som ein del av planarbeidet. Det er likevel viktig at planarbeidet legg føringar for å redusere negative verknader av utbygginga for strandsone, landskap og biologisk mangfald. Fylkesmannen peikar vidare på tiltak i strandsona må planleggjast slik at minst mogeleg av strandarealet vert bygt ned. Det er og eit mål at utarbeiding og gjennomføring av planar skal skje med omsyn til landskap og terreng. Tiltak skal utformast på ein god estetisk måte med respekt for naturgitte og bygde omgjevnader. Større terrenginngrep som utsprengning og planering er uheldig. I planarbeidet bør ein vurdere utforming i høve til terreng og landskap. Vidare vert det vist til at det i Naturbasen (Direktoratet for naturforvaltning) er registrert to viktige naturtypar i eller i tilknyting til planområda. Desse er strandeng og strandsump innerst i Bergevika ved utlaupet av Berge-elva og store gamle trær (4 gamle eiketre) ved Vandvik. Planleggjar sin kommentar: Utbygginga skal skje langs og i eksisterande trasè der det er lagt stor vekt på å utnytta eksisterande trafikkareal maksimalt for å avgrensa inngrepa i terrenget. Utvidinga skal skje på oppsida av vegen i eksisterande skjeringar og ein unngår med det større fyllingar og murar på nedsida av vegen mot strandsona, dyrka mark og fritidseigedomar. 4.2.3 Fylkesmannen landbruk 10.06.08 Fylkesmannen si landbruksavdeling syner til oppstartmeldinga, og til dei landbruksfaglege merknadane frå jordbrukssjefen i Fusa. Planleggjar: ingen kommentar.
Side 9 av 15 4.2.4 Hordaland fylkeskommune, kultur og idrettsavdelinga 24.06.08 Har pr. i dag ikkje kjennskap til automatisk freda kulturminne eller andre verneverdige kulturminne i det aktuelle planområdet, og har derfor ingen merknadar på noverande stadium av planprosessen. Planleggjar: ingen kommentar. 4.2.5 Statens vegvesen 24.06.08 Statens vegvesen viser til tidlegare synfaring og kommunikasjon via telefon og e-post, og har ingen andre merknader til oppstarten enn det som der har kome fram. Planleggjar: ingen kommentar. 4.2.6 Evelyn Tveit 28.04.08 Gjer i brevet merksam på trasé for vassleidning til sin fritidseigedeom på gnr 29, bnr. 7. Vidare peikar ho på at eigedomen må ha avkøyrsle frå fylkesvegen. Planleggjar: I kurven der avkøyrsla ligg i dag kjem venstre (nederste) vegkant 4-5 m lenger inn i terrenget i høve til i dag. På plankartet er det vist ny avkøyrsle om lag på same staden som i dag og denne vert avslutta med parkeringsplass for 4 bilar. Parkeringsplass og avkøyrsle er tenkt som felles for bnr. 7 og bnr. 3 med gangtilkomst til bnr. 3 frå parkeringsplassen i område for annan veggrunn. 5.0 TEKNISKE PLANFØRESETNADER 5.1 Trafikkmengder Trafikken på fv 552 er i Nasjonal vegdatabank opplyst til å vera ÅDT = 1500 kjt/d for 2010 med ein tungtrafikkandel på 10 %. 5.2 Massehandtering Det er ikkje planlagt skjeringar eller massetak på parsellen, slik at gjennomføring av anlegget krev at det vert tilført fyllmassar til opparbeiding av gang- og sykkelveg og ny vegtrasé mellom profil 1650-1920. Gjennomføring av parsellane Gjerdevik og Lammaneset - Eikeland vil føra til monalege masseoverskot som er tenkt nytta til opparbeiding av gang- og sykkelveg og ny vegtrasé. Vidare er det planlagt område for massedeponi/riggplass som er tenkt nytta i samband med opparbeiding av dei tre parsellane. 5.3 Geologi og geoteknikk Det føreligg geologirapport for alle parsellane utarbeidd av Statens vegvesen, Region vest, Ressursavdelingen, Vegteknisk seksjon. Rapport nr. 2010239337-01. Samandrag i rapporten lyder slik: Fusa kommune planlegger gang-/sykkelveg langs fv 552 Fusa - Eikelandsosen. Planene innebærer at eksisterende veg legges inn i terrenget, med høye skjæringer på enkelte strekninger. Ved noen lokaliteter skal vegen legges på utfylte masser. Foreliggende rapport beskriver geologiske forhold for reguleringsplan. Det er generelt lite løsmasser i området. Berggrunnen består i hovedsak av skrifrige bergarter av kaledonsk alder, og stort sett med gunstig oppsprekkingsmønster med tanke på stabiliteten av skjæringene. Sprengstein fra utbyggingen vil ha varierende kvalitet med tanke på bruk i vegbygging. Dette bør undersøkes nærmere med prøvetaking og laboratorietesting.
Side 10 av 15 5.4 Masseoversikt Det er ikkje vist område for massedeponi innanfor planområdet. Traséen får masseoverskot på ca. 10500 pfm 3 fjell som er forutsett frakta til regulert deponi på Dorganeset. 5.5 Vegtrafikkstøy Kilde Akustikk AS har utrekna støy ved busetnad langs dei tre parsellane. Resultatet er presentert i deira rapport nr 5777 1 dagsett juni 2011. Samandrag i rapporten lyder slik: Det er utrekna støy ved busetnad langs planlagt standardheving og ny g/s-veg på fv 552 mellom Fusa og Eikelandsosen i Fusa kommune. Støyen er vurdert etter vegvesenets policy-dokument for etterleving av støyretningslinje T-1442. Ei hytte og tre bustader overskrider innsatsgrensa med 2-3 db. Samla normkostnad er 225.000 kr. Støyskjerm ved veg er vurdert som svært lite kostnadseffektivt då overskridingane er små og bustadane spreidd. Dei fire støyutsette bustadane må synfarast og støynivå ved privat uteplass og innandørs må reknast ut. For hytter hart Statens vegvesen som praksis å berre vurdera avbøtande tiltak for uteplass. Det er laga støysonekart. Støy er utrekna for prognoseåret 2031der ein legg til grunn at trafikken er 30 % høgara enn i dag. Det er lagt til grunn uendra skilthastigheit og tungtrafikkandel i prognoseåret. 6.0 KOSTNADAR OG TIDSPLAN Parsellen er ikkje kostnadsrekna, og det er ikkje kjent tidsplan for gjennomføring av arbeidet. Veglina går langs eksisterande veg slik at det er mogeleg å byggja ut parsellen i fleire byggjesteg. Men massedeponering og riggarbeid kan gjera at kostnadane aukar ved utbyggjing i fleire byggjesteg.
Side 11 av 15 7.0 SKILDRING AV PLANLØYSINGA Skildringa er knytt til: - Planframlegg, teikn. nr. 362-1, planid 1241200806, dagsett 21. juni 2011. - Føresegner dagsett 21. juni 2011. Avgrensing av planområdet går fram av plankartet. 7.1 Planmaterialet - juridisk verknad Plankart og føresegner vil etter at planen er vedteken, vera juridisk bittande for arealbruken i området (i samsvar med plan- og bygningslova) og gje grunnlag for gjennomføring av planen. 7.2 Arealføremål Planområdet (16,4 daa) er regulert til fylgjande arealbruksføremål med heimel i LOV 2008-06-27 nr. 71 Lov om planlegging og byggesaksbehandling (plan- og bygningsloven - plandelen), heretter omtalt som pbl. 12-5: Samferdselsanlegg og teknisk infrastruktur (pbl 12-5 nr. 2) 2011 Køyreveg (4,8 daa) 2018 Annan veggrunn, tekniske anlegg (5,7 daa) Landbruks-, natur- og friluftsområder (pbl 12-5 nr. 5) 5110 Landbruk (5,9 daa) Omsynssoner (pbl 12-6) a) Sikrings-, støy- og faresoner a.1) Sikringssone frisikt (inngår i anna areal) Føresegner (pbl 12-7) Nr. 1. Bruk av areal Mellombels anleggsområde vegbygging (inngår i anna areal) 7.3 Offentleg køyreveg Offentleg køyreveg i planområdet er fv 552. 7.3.1 Fartsgrense Eksisterande skilta fartsgrense er lagt til grunn i planarbeidet. Mellom profil 0 280 er skilta fartsgrense 60 km/t. Frå profil 280 og vidare er fartgrensa 80 km/t. 7.3.2 Dimensjoneringsgrunnlag 7.3.2.1 Generelt Utbetring av eksisterande vegar er omtalt i Statens vegvesen si håndbok 017 kap. D.1 Vegar ÅDT 0-4000 og fartsgrense 30-60 km/t. 7.3.2.2 Tverrprofil Som dimensjoneringsgrunnlag for tverrprofil (vegbreidd) er nytta figur D.2 i Håndbok 017 Tverrprofil ved utbetring av andre hovudvegar 6,5 m breidde, ÅDT 0-4000 og fartsgrense 80 km/t.
Side 12 av 15 Figur 7. Figur D.2 frå håndbok 017. 7.3.2.3 Horisontalkurvatur Som rettleiande krav til horisontalkurvatur, sikt og overhøgd er verdiane i tabell C.13 (dimensjoneringsklasse H2) nytta. Vertikalkurvatur skal tilpassast eksisterande veg i størst mogeleg grad, men siktkrav må oppfyllast. Minste horisontalkurveradius skal vera 150 m og minste klotoideparameter 95. Fråvik: alle horisontalkurveparameter på parsellen er under minstekravet.
Side 13 av 15 7.3.2.4 Siktkrav i avkøyrsler Siktkrav i avkøyrsler vert definert som sikttrekantar. Hovudvegen sin køyrebane, sett frå avkøyrsla, bør vera synleg i heile sikttrekanten. Innanfor sikttrekanten skal eventuelle sikthindringar ikkje vera høgare enn 0,5 m over hovudvegen sitt køyrebanenivå. Som dimensjoneringsgrunnlag for siktkrav i avkøyrsler for L2 er nytta figur 4.58 og tabell 4.14 i håndbok 263. Det vert lagt til grunn at ÅDT < 50 for alle avkøyrsler, noko som gjev L2 = 4,0 m. Som dimensjoneringsgrunnlag for siktkrav i avkøyrsler for L S er nytta tabell 4.15 i håndbok 263. Stoppsikt i 80-sona er i fylgje tabell 4.15 = 115 m, og denne er nytta i plankartet. Stoppsikt i 60-sona er i fylgje tabell 4.15 = 70 m. Det er nytta 90 m i plankartet. Tanken bak dette er at ein med utbetring av køyrevegen og tilrettelegging av gang- og sykkelveg kan få eit fartsnivå som til dels ligg høgare enn 60 km/t. 7.3.3 Kollektivtrafikk Det er ikkje sett av areal til busslommer innanfor planområdet. Det er tenkt at det kan etablerast holdeplasstype 2 med kun 512-skilt med informasjonsberar etter same mønster som i dag.
Side 14 av 15 7.4 Avkøyrsler Avk-1 er eksisterande avkøyrsle som vert forlenga mot nord langs fylkesvegen fram til ca. profil 250. Den skal erstatta eksisterande avkøyrsler i profil 195 og 245, og tena som felles tilkomsteg for eigedomar som pr. i dag nyttar desse avkøyrslene og som driftsveg for garden. Det skal vera fysisk skilje mot fylkesvegen i form av rabatt eller rekkverk. Avk-2 er eksisterande felles veg i profil 215 til dei eigedomane som i dag er knytt til avkøyrsla. Avk-3 er utbetring av eksisterande avkøyrsle og ny parkeringsplass som skal vera felles for 29/3 og 29/7. 7.5 Annan veggrunn, tekniske anlegg Området er sett av til rekkverksrom, rabattar, grøfter, murar, skjeringar, fyllingar, frisiktsoner m.m. i samband med opparbeiding av køyrevegar. Rester av gamal veg som asfaltdekke og steinmassar skal fjernast og arealet tilpassast det nye veganlegget og kringliggjande terreng. Veggrøfter, skråningar og andre sideareal skal ved slutten av anlegget formgjevast med naturlege overgangar til tilstøytande terreng og tilsåast. 7.6 Landbruk Det regulerte området skal nyttast til landbruksføremål. 7.7 Mellombels anleggsområde vegbygging. Det er ikkje vist riggområde innanfor anleggsområdet. Som riggområde er tenkt nytta areal som er sett av til føremålet på Dorganeset i reguleringsplan for parsell Kvålsneset-Dorganeset. 7.8 Større konstruksjonar På strekningen er det ikkje planlagt større konstruksjonar. 7.9 Riving av bygningar Det er ikkje planlagt riving av bygningar innanfor planområdet. 8.0 KONSEKVENSAR AV PLANFRAMLEGGET 8.01 Landbruk Med unnatak for i anleggsfasen vert dyrka mark ikkje råka ved gjennomføring av planen. Felles veg Avk-1 gjer at det vert tryggare å føra dyr mellom gardstunet i sør til beiteområde i nord. 8.02 Friluftsinteresser Det er ikkje registrert at planframlegget kjem i konflikt med særskilde friluftsinteresser. 8.03 Kulturminne og kulturmiljø Hordaland fylkeskommune opplyser i si fråsegn i samband med varsel om oppstart av planarbeid at dei ikkje har kjennskap til automatisk freda kulturminne eller andre verneverdige kulturminne i det aktuelle planområdet. Gjennomføring av planen forutset ikkje at det skal rivast bygningar. 8.04 Naturmangfald Lov om forvaltning av naturens mangfald (naturmangfaldlova) vart gjort gjeldande frå 1.juli 2009. Kunnskapsgrunnlaget for å ta offentleg avgjersle i høve til 8 (naturmangfaldlova) er tilstades, då den
Side 15 av 15 krev at kunnskapsgrunnlaget skal stå i rimeleg forhold til sakens karakter og risiko for skade på naturmangfaldet. Reguleringsplanen er ei opprusting av eksisterande fylkesveg i noverande trasè. Ein kan ikkje sjå at tiltaket vil ha nokon innverknad på naturmangfaldet i området. 8.05 Landskap Planområdet ligg i region 21, ytre fjordbygder på Vestlandet (NIJOS rapport 10/04 Landskapstyper langs kyst og fjord i Hordaland). Regionen har eit meir åpent preg enn dei indre og midtre regionar med vide fjordtrekk og ofte lågare horisont mot vest. Regionen har til dels lite lausmassar sjølv om unnataka finst. Vegetasjonen er variert og frodig, og det er ein nedbørsrik region. Vegen ligg i noko avstand frå strandlinja, og areal som ikkje er dyrka mark er for det mest tilvakse med vegetasjon. Ein har vurdert det slik at utviding på nedsida av eksisterande veg vil ha større fylgjer for fjordlandskapet og kulturlandskapet enn utviding på oppsida av vegen, sjølv om det til dels vert høge fjellskjeringar og stort masseoverskot. Omsynet til landskap skal sikrast gjennom byggeplanar og vidare arbeid i anleggsfasen. Utforming av nytt terreng, revegetering og utforming av tekniske anlegg skal gå fram av byggeplanar. 8.06 Støy Kilde Akustikk AS har utrekna støy ved busetnad langs dei tre parsellane. Dette er omtalt i pkt. 5.5 ovanfor. 8.07 Barriereverknad Den fysiske barriereverknaden av vegen er knytt både til ferdsel langs vegen og til ferdsel på tvers av vegen. Eksisterande veg ligg i hovudsak i skjering på oppsida av vegen og med fylling eller mur på nedsida og har ein barriereverknad slik den ligg i dag i høve til opphaveleg terreng. Denne barriereverknaden vert noko forsterka med utbetring av vegen, men det er ikkje kjent at dette vil vera til vesentleg ulempe for bebuarar langs vegen. 8.08 Leidnings- og kabelanlegg m. m. Det er ikkje utført kartlegging av eksisterande leidnings- og avlaupsanlegg i området. Dette kan vera vass- og kloakkleidningar, kabelanlegg, kisteveiter, stikkveiter, overvassleidningar og anna. Desse skal kartleggjast og innarbeidast i byggeplan. 8.09 Grunnerverv Gards- og bruksnummer og eigedomsgrenser er vist på plankarta. Ein tek atterhald om at det kan vera feil eller manglar ved desse. Liste over heimelshavarar i kap. 3.0. Generelt vert det erverva grunn til om lag 1,0 m utanfor skjeringstopp og fyllingsfot eller minst 3,0 m frå ytre skulderkant. Etter ferdigstilling av veganlegget vert det utført arealoppmåling som vil liggja til grunn for endeleg erstatningsoppgjer.