ØRSTA KOMMUNE SAKSFRAMLEGG Sakshandsamar: Gro Anita Bårdseth Arkivsak: 2012/1410 Løpenr.: 12023/2013 Utvalsaksnr. Utval Møtedato Levekårsutvalet 27.11.2013 Saka gjeld: FERDIGSTILLING AV LUK-PROSJEKT: FURENE/HOVDEBYGDA - STRATEGIAR FOR REGIONALT KNUTEPUNKT TILRÅDING TIL VEDTAK: I regi av Ørsta og Volda kommunar og i samarbeid med Møre og Romsdal fylkeskommune er det i 2012 2013 gjennomført eit LUK-prosjekt. Felles handelsanalyse for Ørsta/Volda er utarbeidd som del av prosjektet. Målsettinga for prosjektet har vore å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Konkret resultat i prosjektet er ein rapport som skal tene som kompetansegrunnlag og innspel til kommuneplanar og anna plan- og utviklingsarbeid i begge kommunar, og for samarbeid mellom kommunane i plan- og utviklingsspørsmål. Levekårsutvalet rår Kommunestyret til å ta prosjektrapportane til vitande.
Saksvedlegg: - Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak 2013-08-26) - Handelsanalyse Ørsta-Volda (Asplan Viak. 2013-01-10) Samandrag av saka: I regi av Ørsta og Volda kommunar og i samarbeid med Møre og Romsdal fylkeskommune er det i 2012 2013 gjennomført eit LUK-prosjekt der målsettinga er å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Konkret resultat i prosjektet er ein rapport som skal tene som kompetansegrunnlag og innspel til kommuneplanar og anna plan- og utviklingsarbeid i begge kommunar. Felles handelsanalyse for Ørsta/Volda er utarbeidd som del av prosjektet. Det er utarbeidd sak til formannskapet, der rådmannen tilrår at prosjektrapportane vert tatt til vitande og at dei vert å legge til grunn for val og prioriteringar i plan- og utviklingsarbeid i kommunen og for samarbeid med Volda kommune i plan- og utviklingsspørsmål. Formannskapet handsama saka 22.10. 2013, og gjorde vedtok om å legge saka fram for kommunestyret med rådmannen si tilråding (PS 100/13). Kommunestyret handsama saka 31. 10. 2013, og gjorde slikt vedtak: Saka er utsett til utvala har hatt saka til handsaming (PS 89/13). På bakgrunn av kommunestyrte sitt vedtak vert ny, likelydande sak lagt fram for Samfunnsutvalet og Levekårsutvalet. Saksutgreiinga er elles identisk med opphavleg sak, men tilrådinga er noko endra. Dette i tråd med drøftingane i kommunestyret. Saksopplysningar: LUK står for Lokal samfunnsutvikling i kommunane og er Kommunal- og regionaldepartementet si satsing på lokalt utviklingsarbeid. I regi av Ørsta og Volda kommunar og i samarbeid med Møre og Romsdal fylkeskommune er det i 2012 2013 gjennomført eit LUK-prosjekt der målsettinga er å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Ein rapport med råd for utvikling er konkret resultat i prosjektet. Rapporten vert eit kompetansegrunnlag og innspel til kommuneplanar og anna planog utviklingsarbeid i begge kommunar. Prosjektet er no ferdigstilt og rapport ligg føre: Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak 2013-08-26). Felles handelsanalyse for Ørsta/Volda er utarbeidd som del av prosjektet, Handelsanalyse Ørsta-Volda (Asplan Viak 2013-01-10). Prosjektet er politisk forankra gjennom vedtak i Ørsta formannskap 20.09.2012 (f-sak 147/12) og i Volda kommunestyre 27.09.2012 (k-sak 121/12). Råd for framtidig utvikling
Felles handelsanalyse viser at det ikkje er full dekningsgrad for handel i Ørsta og Volda. Utdrag frå handelsanalysen: 4 ANBEFALING Analysen viser at det er markedsgrunnlag for meir handel i både Ørsta og Volda kommuner, fortrinnsvis handel med utvalgsvarer. Dette er handelskonsepter som gjerne forbindes med sentrumshandel og kjøpesentre. For å bygge opp under bygdebyene Ørsta og Volda og gjøre disse til attraktive reisemål for handlende også bosatt utenfor Ørsta-Voldaregionen anbefales at denne type handel konsentreres til sentrumsområdene. I Ørsta-Voldaregionen som helhet er det tilnærmet 100% dekningsgrad for møbler, hvitevarer med meir, og for ikkje å trekke handel ut av sentrum anbefales at eventuelt nye utsalg i denne varegruppen lokaliseres til utkanten av sentrum, og da fortrinnsvis til Volda, som har underdekning for denne varegruppen. Det kan være rom for meir handel med byggevarer, hagesenter og andre plasskrevende varer. Dette er bilbasert handel med et regionalt markedsområde, og som anbefales lokalisert til Furene-Hovdebygda. LUK-rapporten tilrår at næringsutviklinga endrar fokus frå handelsutvikling til samfunnsutvikling, der ein satsar på eksisterande senter. Ein bør vidare ha fokus på vekst og auka folketal, for deretter å «dimensjonere» handelsnæringa etter dette. Ein må då arbeide for fylgjande drivarar: 1. Arbeide for auka busetnad i Volda og Ørsta 2. Arbeide for auka næringsliv i Volda og Ørsta som kan tilrettelegge for punkt ein. 3. Satse på skule og utdanning. Det vidaregåande trinnet er kanskje det lettaste å påverke. For å få fleire tilsette og studentar må ein byggje gode bygdebyar. 4. Satse på helse og helsetenestar. Både som tiltak for eit betre og større fagmiljø, for utvikling av gode prosjekt innan bustadbygginga og som tiltak for å auke sysselsetjing fram peiker dette seg som ein god strategi. 5. Satse på kultur og auka attraktivitet i bygdebyane for å understreke punkt 1-4. Dette gjer ein best gjennom berekraftig planlegging: o styrke eksisterande by- og tettstadssentre o bidra til meir effektiv arealbruk o bidra til miljøvenlege transportval o unngå auke av tettstadsarealet o unngå bilavhengighet Rapporten foreslår å etablere nye grenser for Volda og Ørsta sentrum, jf. kart under, og satse på fortetting. Funksjonar den tilrår å etablere i sentrum er offentlege funksjonar, helse og utdanning, bustadar, jobb nummer to og detaljhandel. Furene ligg utafor dette området og det gjer også Ekset - Mork. Vidare bør ein arbeide for å knyte områda saman med gode kollektivstopp som kan danne sekundære senterpunkt i dei større områda. På denne måten kan ein kople saman strategiske punkt i Volda, Furene, Hovdebygda og Ørsta. Vekst rundt desse punkta er fornuftig.
Rapporten frarår å opne for meir detaljvarehandel i Furene - Hovdebygda. Det er derimot rom for etablering av meir handel i form av plasskrevjande handel, noko Ny tettstadgrense Sykkelavstand Sonar for fotgjengere rapporten tilrår. Rapporten åtvarar mot å etablere større område for handel utanfor sentrumssonene då det vil trekkje krefter vekk frå eksisterande tettstadssenter. Storvarehandel som definert i plan og bygningslova kan ligge utafor sentrum, men konsept som er definert som detaljhandel bør ikkje ligge utafor sentrum. Ei oppsummerande tilråding er å samle nye tiltak i så få landskapsrom som mogleg. Å drive utvikling i utvalde landskapsrom vil gje tettare strukturar og vil spare meir areal til dømes for rekreasjon og jordbruk. Prosess og gjennomføring Det er gjennomført open anbodskonkurranse. Åtte tilbod kom inn. Asplan Viak fekk tilbodet. Prosjektgruppa har hatt 7 møte. I tillegg har det vore fleire samarbeidsmøte mellom delar av prosjektgruppa og prosjektleiarane. Prosjektleiaren har under heile prosjektperioden hatt kontakt med tilbydar og andre samarbeidspartnarar. Formannskapa som er prosjekteigarar, er orientert om prosjektet i formannskapsmøte høvesvis 19.02.13 (Volda) og 05.03.13 (Ørsta), i tillegg til deltaking på verkstadar. Prosjektet har involvert mange aktørar; politikarar og administrativt tilsette i begge kommunar, næringsaktørar, interesseorganisasjonar og eldsjeler. Det er gjennomført to verkstadar, den eine i form av ope møte, og eit ope møte. Til saman har om lag 100 enkeltpersonar delteke på møta. Informasjon om prosjektet er tilgjengeleg på heimesidene til kommunane, og ein har nytta lokalvisene og lokal-tv aktivt for å orientere om prosjektet. Prosjektleiarane har presentert prosjektet på fylkeskommunale planfagsamlingar. Ein opplever at deltakinga har vore god og med høgt engasjement.
Prosjektet er i all hovudsak gjennomført i tråd med prosjektplanen. Økonomi Prosjektet fekk kr. 400 000 i tilskot frå fylkeskommunen. Kommunane løyvde kr. 125 000 kvar til prosjektet, i tillegg til eigeninnsats. Økonomisk ramme er kr. 650 000, eigeninnsats i tillegg. Handelsanalysen var i utgangspunktet ikkje inkludert i budsjettet då den var føresett finansiert via tettstadsmidlar. Ein såg at budsjettet tillet å inkludere kostnadane ved handelsanalysen, og etter avklaring med fylkeskommunen er handelsanalysen no tatt med i rekneskapen for LUK-prosjektet. Rekneskapen er ikkje avslutta. Tala syner at prosjektet held seg innanfor økonomisk ramme, men at eigeninnsatsen har vore større enn føresett. Vurdering og konklusjon: LUK-prosjektet Furene/Hovdebygda. Strategiar for regionalt knutepunkt er gjennomført i tråd med tidlegare politisk vedtak (Ørsta f-sak 147/12 og Volda k-sak 121/12). Føremål med prosjektet er å etablere felles forståing og aksept for ei heilskapleg utvikling av Furene/Hovdebygda i eit næringsperspektiv, parallelt med styrking av Ørsta og Volda sentrum. Resultat i prosjektet vert eit kompetansegrunnlag og innspel til kommuneplanar og anna plan og utviklingsarbeid i begge kommunar. Felles handelsanalyse for Ørsta/Volda er utarbeidd som del av prosjektet. Prosjektet og prosessen vil bli lagt til grunn i og er å sjå på som ein del av arbeidet med kommunedelplan for Ørsta sentrum og Hovdebygda. Vidare i føreståande sentrumsprosjekt i høvesvis Volda og Ørsta. Sentrumsprosjekta vert å sjå på som ei forlenging av dette prosjektet. Prosjektet er no ferdigstilt og rapport ligg føre: Ørsta og Volda kommunar. Strategiar for regionalt knutepunkt i Furene/Hovdebygda (Asplan Viak 2013-08-26) og Handelsanalyse Ørsta-Volda (Asplan Viak 2013-01-10). Rådmannen rår til at formannskapet tek rapportane til vitande og at dei vert lagt til grunn for val og prioriteringar i planar og utviklingsspørsmål i begge kommunane og for samarbeid på tvers av kommunane. Ørsta, 15.11. 2013 Wenche Solheim rådmann Eldar Øye leiar plan- og utviklingsstaben