EID KOMMUNE Oppvekst- og kulturutvalet Møteinnkalling Møtedato: 12.04.2016 Møtestad: Oppmøte Nordfjordeid skule, Hertugen, Operahuset Møtetid: Kl. 13:00 Sakliste Sak nr. Saktittel 012/16 Godkjenning av innkalling og saksliste 013/16 Godkjenning av møteprotokoll 014/16 Referatsaker 015/16 Orienteringssaker til oppvekst- og kulturutvalet 2015-2019 - 12.04.2016 016/16 Orienteringssak - Interkommunale idrettsanlegg - Eid og Vågsøy kommunar 017/16 Kommunedelplan for oppvekst 2016-2026 - innspel til arbeidet 018/16 Eid frivilligsentral - godkjenning av ny partnerskapsavtale 019/16 Søknad om auke av tal barnehageplassar i Kjølsdalen Montessoribarnehage 020/16 Søknad om driftstilskot 2016 til Musea i Sogn og Fjordane 021/16 Barnehageruta 2016/17 022/16 Skuleruta 2016/17 023/16 Årsrapport 2015 Eid kommune Den som har lovleg forfall, eller er ugild i nokon av sakene, må melda frå så snart råd er til post@eid.kommune.no eller tlf. 57 88 58 00, slik at varamedlem kan bli innkalla. Varamedlemer møter etter nærare innkalling.
Dokument som ikkje er tilsendt, kan du få kopi av på rådhuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei tilgjengelege på rådhuset. Eid kommune 06.04.2016 Knut Tore Nes Hjelle leiar Harald Sivertsen Kommunalsjef
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 012/16 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 16/823 GODKJENNING AV INNKALLING OG SAKSLISTE RÅDMANNEN SI TILRÅDING: Innkalling og sakliste 12.04.2016 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 013/16 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 16/824 GODKJENNING AV MØTEPROTOKOLL RÅDMANNEN SI TILRÅDING: Møteprotokollen frå møte den 17.03.2016 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 014/16 JEA Avgjerd av: Saksansv.: Janne Endal Andersson REFERATSAKER Arkiv: Namn-, Namn- Objekt: Arkivsaknr 16/822 Nr Dok.ID T Dok.dato Avsendar/Mottakar Tittel 1 16/1306 I 27.01.2016 Sogn og Fjordane fylkeskommune Kopi - Fylkeskommunalt tilskot 2016 - Opera Nordfjord 2 15/13160 I 09.11.2015 Kristian Solvang Opent brev til kulturetaten i Eid kommune vedr stadnamn 3 16/4165 I 15.03.2016 Kunnskapsdeparteme Avslag på søknad ntet 4 15/13194 I 10.11.2015 Norsk Kulturminnefond Stadfesting av motteken søknad 5 16/1004 I 25.01.2016 Sogn og Fjordane Stadnamn for Eid kommune: fylkeskommune 6 16/3863 I 16.03.2016 Utdanningsdirektorat et 7 16/4329 I 01.04.2016 Justis- og bereskapsdepartemen tet Pristilbod Kopi av brev - Vedtak om godkjenning - endring etter friskoleloven - Kjølsdalen Montessoriskule Sa Beredskapsråd og vold i nære relasjoner RÅDMANNEN SI TILRÅDING: Refererte saker vert tekne til etterretning slik dei ligg føre.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 015/16 ÅKR Avgjerd av: Saksbehandler: Åslaug Krogsæter Arkiv: 033 Objekt: Arkivsaknr 15/1866 Orienteringssaker til oppvekst- og kulturutvalet 2015-2019 - 12.04.2016 1. Fleirbrukshall 2. Nordfjordeid skule 3. Høyring. Endring i barnevernslova 4. Kjølsdalen Montessoriskulen innvilga søknad frå Utdanningsdirektoratet om å få starte med ungdomstrinn. RÅDMANNEN SI TILRÅDING: Orienteringa vert teken til vitande. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 016/16 KDA Formannskapet 21.04.2016 KDA Avgjerd av: Formannskapet Saksbehandler: Kristine Dahl Arkiv: Objekt: D Arkivsaknr 15/1417 Orienteringssak - Interkommunale idrettsanlegg - Eid og Vågsøy kommunar Prenta vedlegg: 1. Søknad om godkjenning av Harpefossen Skisenter AS som eit interkommunalt anlegg med vedlegg. 2. Brev frå Vågsøy kommune om planlagt symjeanlegg med vedlegg. 3. Tilbakemelding frå Kulturdepartementet på spørsmål om godkjenning av Harpefossen Skisenter AS som eit interkommunalt anlegg. Aktuelle lover, forskrifter, avtalar m.m.: Kommunedelplan for idrett og fysisk aktivitet 2014 2026. Føresegner om tilskot til anlegg for idrett og fysisk aktivitet 2015. Kva saka gjeld: Orientering om drøftingar med Vågsøy kommune om inngåing av avtalar om interkommunale idrettsanlegg. Bakgrunn for saka: Eid og Vågsøy kommunar har i lenger tid vore i dialog om inngåing av avtaler om interkommunale idrettsanlegg i desse to kommunane. Dialogen har starta etter initiativ og ynskjer frå Harpefossen Skisenter AS om å få status som eit interkommunalt idrettsanlegg. Kommunane Vågsøy og Selje vart invitert inn i ein slik dialog, men berre Vågsøy kommune har ynskt å gå vidare med saka. Vågsøy kommune på si
side har planar om å etablere eit nytt symjeanlegg i kommunen, og har bede Eid kommune om å gå inn i avtale om interkommunalt anlegg for dette anlegget. Saka har blitt etterspurt politisk og vert difor lagt fram til orientering. Saksutgreiing: Kva er eit interkommunalt idrettsanlegg? Interkommunalt anlegg er ein definisjon eit anlegg kan få i kraft av å bli kategorisert som det av Kulturdepartementet og er knytt til spelemiddelordninga. Eit idrettsanlegg som har status som eit interkommunalt idrettsanlegg kan få eit tillegg på 30% av ordinært tilskot av spelemidlane. Det er ein føresetnad for å få status som eit interkommunalt idrettsanlegg at anlegget er eit større, kostnadskrevjande anlegg, jf. side 25 i Føresegner om tilskot til anlegg for idrett og fysisk aktivitet 2015. Det er vidare ein føresetnad at to eller fleire kommunar går saman om investerings- og driftskostnader. Eit minimumsbidrag til investeringskostnader er 5 % og bidraget til den årlege drifta skal vere prosentvis lik dette bidraget i 20 år. Dette kravet gjeld uavhengig av kven som er eigar av anlegget, kommunen eller andre. Føremålet med ordninga med interkommunale idrettsanlegg er å stimulere kommunane til samarbeid og legge til rette for fornuftig ressursbruk mellom nærliggande kommunar. I og med at eit interkommunalt idrettsanlegg kan søkje om 30 % ekstra spelemidlar i tillegg til den ordinære ordninga, så gjev samarbeidet økonomiske fordelar og det kan såleis vere enklare å få realisert planlagde anlegg. Avtale om interkommunale anlegg må gjerast for kvart enkelt anlegg som skal vere interkommunalt og eigarane av anlegget må vere ein deltakande part i avtalen. Harpefossen Skisenter AS Omtale av dei aktuelle idrettsanlegga Harpefossen Skisenter AS er eigd av Haugen IL og Stårheim IL. Harpefossen Skisenter AS har eit utbygd løypenett både for sommar- og vinteraktivitetar og skisenteret har planar om å forbetre og bygge ut dette løypenettet i åra som kjem. Når det gjeld alpinanlegget, så har dette ein høgdeskilnad på 575 meter frå start 250 moh. Anlegget har 6 heisar i 13 preparerte løyper og fleire er under planlegging/ombygging. Løypekartet med detaljert løype- og heisoversikt for skisenteret følgjer vedlagt. Harpefossen skisenter AS har utarbeidd ei detaljert oversikt over dei framtidige, planlagde byggeprosjekta i Hjelmelandsdalen. Dei planlagde tiltaka inngår i Harpefossen Skisenter AS sin Strategi- og handlingsplan som følgjer vedlagt Handlingsdelen i planen gjer nærare greie for kva tiltak som skal setjast i verk for å oppnå ovannemnde målsetjing. I denne handlingsplanen framgår dei større, kostnadskrevjande tiltaka for Harpefossen Skisenter.
Dei planlagde utbyggingsskotandane for skisenteret er i perioden 2016 2025 kostnadsrekna til kr. 44 352 779, og er grovt sett fordelt slik: - Skitrekk kr 4 726 136 - Snøproduksjon kr 17 159 577 - Alpinbakker kr 1 932 488 - Turløyper, kart og rulleski kr 8 400 688 - Servicebygg kr 8 383 890 - Løypemaskin kr 3 000 000 - Lysanlegg kr 750 000 Som det går fram ovanfor, så er det større, kostnadskrevjande idrettsanlegg som kan få status som eit interkommunalt idrettsanlegg. Det er Kulturdepartementet som avgjer om eit anlegg kan få ein slik status eller ikkje. Eid kommune har difor spurt departementet om Harpefossen Skisenter AS kan reknast som eit større, kostnadskrevjande anlegg på bakgrunn av dei framtidige utbyggingsplanane. I brev datert 14. januar 2016 skriv departementet mellom anna følgjande: «Departementet har vurdert informasjonen om anlegget og planane for utvikling av anlegget som er sendt hit frå Eid kommune. Planar for utvikling av anlegget viser ein totalkostnad på om lag 45 millionar kroner fordelte over ein periode på 10 år. Planar for utvikling av anlegget er også omtalt i kommunale planverk. Departementet stadfestar at anlegget, på vilkår om at anleggsutbygginga skjer slik den er skissert utan omfattande reduksjonar, blir rekna som eit større, kostnadskrevjande anlegg. For godkjenning som interkommunalt anlegg må bindande avtalar utarbeidast mellom dei samarbeidande kommunane og anleggseigar. Det skal vere tilfredsstillande tilskot til investering og drift. Kulturdepartementet kan ikkje godkjenne anlegget som interkommunalt før avtale om stadfesta bidrag foreligger. Slik avtale må sendast departementet for endeleg behandling». Som det går fram ovanfor, så kan Harpefossen Skisenter bli rekna som eit større, kostnadskrevjande anlegg under føresetnad av at anleggsutbygginga vert utført som planlagt, utan vesentlege reduksjonar. Harpefossen Skisenter AS er informert om at det no vert lagt fram ei sak om interkommunalt idrettsanlegg og har fått moglegheit til å knytte nokre kommentarar i samband med dette. Skisenteret viser til at dei har store investeringsbehov for å kunne sikre eit stabilt tilbod med god kvalitet i åra framover, men senteret har ikkje økonomi til å ta opp nye langsiktige lån. Ei best mogleg spelemiddelfinansiering er difor heilt avgjerande for å forbetre situasjonen. I forbetring av situasjonen ligg å unngå økonomisk underskot, men også å kunne tilby eit skitilbod for alle kategoriar brukarar i ein normalsesong mellom midten av desember til midten av april. Symjeanlegget på Tennebø
Vågsøy kommune har planer om å etablere eit nytt symjeanlegg i tilknyting til Nordfjordhallen på Tennebø. Anlegget er teke inn i Regional plan for fysisk aktivitet, idrett og friluftsliv 2016 2019 og ligg inne med fyrste utbetaling i 2019, og vidare i 2020 og 2021. Vågsøy kommune får no utarbeidd ein analyserapport for prosjektet som skal vere klar til sommaren og kommunen har sett av kr. 500 000 til eit vidare forprosjekt. Endeleg innhald i og utforming av anlegget vil bli avgjort i denne prosessen. I vedlagt brev frå Vågsøy kommune går det likevel fram av symjehallen gjerne bør innehalde eit konkurransebasseng på 25 x 15,5 meter og eit opplæringsbasseng på 8,5 x 12,5 meter, men endeleg avgjersle er som nemnt ikkje teken. I tillegg til symjebassenga kjem nødvendige funksjonar som garderobar og liknande. Midlar frå spelemiddelordninga inngår i finansieringsplanen for dette anlegget, og status som interkommunalt anlegg vil som nemnt gje auka spelemiddelfinansiering. Økonomiske konsekvensar: Kulturdepartementet har gjeve eigne reglar for kva ein avtale om interkommunalt idrettsanlegg skal innehalde. I Føresegner om tilskot til anlegg for idrett og fysisk aktivitet 2015 står det følgjande: Interkommunale idrettsanlegg kan få eitt tillegg på 30 % av ordinært tilskot under føresetnad av at følgjande vilkår er oppfylte: 1. Anlegget er eit større, kostnadskrevjande anlegg, til dømes symjeanlegg eller idrettshall. 2. Det er inngått bindande skriftleg avtale mellom to eller fleire kommunar om investering og drift. Avtalen må innehalde fylgjande element: a) Kvar deltakande kommune skyt inn eit investeringstilskot på minimum 5 % av den godkjende kostnaden for anlegget. Tilskota frå kommunane må dokumenterast. b) Kvar deltakande kommune skyt inn minimum 5 % av anlegget sine faktiske driftskostnader i årlege driftstilskot i 20 år. Ein kan ikkje avgrensa driftstilskotet til eit nominelt beløp gjennom 20-årsperioden. Kravet om investeringstilskot og dekning av driftskostnadane gjeld for alle dei deltakande kommunane. Dette inneber at Eid og Vågsøy kommunar må betale minimum 5 % av Harpefossen Skisenter sine planlagde investeringar i perioden 2016 2025. Dersom utbygginga vert på vel kr. 44 352 779, som skissert ovanfor, så må kommunane yte minimum kr. 2 217 639,95 kvar i investeringstilskot til Harpefossen Skisenter dei komande 10 åra. Endeleg driftskostnadar per år er ikkje utarbeidd, men i Strategi- og handlingsplanen til skisenteret er det lagt til grunn at sum driftskostnadar for 2017 for heile anlegget vert kr. 4 615 150. Kommunane skal ikkje ta del i denne totale driftskostnaden, men må ta del i driftskostnadane for dei anlegga som er planlagt etablert dei neste åra.
Det er klart at ein status som interkommunalt idrettsanlegg har stort økonomisk betyding for Harpefossen Skisenter. Spelemidlane utgjer eit viktig finansieringsbidrag for kvart framtidig anlegg knytt til skisenteret og statusen som interkommunalt vil gje ein 30 % ekstra spelemiddelfinansiering for kvart anlegg som får tildelt spelemidlar. I vedlagt kostnadsoverslag frå Vågsøy kommune, så har symjeanlegget ein kostnad på kr. 76 900 000,00 inkl. mva. Eid kommune må minimum yte 5 % av desse investerings-kostnadane, kr. 3, 850 000 inkl. mva. Stipulert driftskostnad i 2019 er sett til kr. 550 000. Eid kommune skal betale 5 % av dei faktiske driftskostnadane i 20 år for dette anlegget. Vurdering: Det er fleire moment som talar for at Eid kommune bør arbeide for å få på plass ein avtale som gjev moglegheit for at Harpefossen Skisenter kan få ein status som eit interkommunalt anlegg. Skisenteret vert ikkje berre nytta av innbyggarane i Eid kommune, men er også mykje brukt at innbyggjarane i dei nærliggande kystkommunane. Føremålet med interkommunale anlegg er å legge til rette for samarbeid på anleggssida, og slik sett hadde det vore ynskjelig at fleire kommunar deltok inn i ein avtale om interkommunalt idrettsanlegg for skisenteret. Ikkje minst fordi dei klimatiske tilhøva tilseier at det ikkje er særleg realistisk at det vil kome denne typen anlegg hjå dei nærliggande kystkommunane, og då i Vågsøy spesielt. Ein avtale om interkommunalt anlegg vil styrke driftsgrunnlaget for skisenteret og bidra til at både Eid kommune og nabokommunane i vest kan ha eit godt utbygd skitilbod nært der ein bur. Annleis vert vurderinga for symjeanlegget på Tennebø. Vågsøy kommune har i drøftingane vore klar på at det er ein føresetnad for avtaleinngåing at kommunane finn eit anlegg i kvar kommune som kan få interkommunal status. Rådmannen kan ikkje utan vidare akseptere denne føresetnaden, og har melde dette tilbake til Vågsøy kommune i møte den 5. april 2016. For medan Vågsøy kommune investerer i eit av sine eigne anlegg, så vil Eid kommune investere i to idrettsanlegg som kommunen ikkje har eigarskap i. Vidare har Eid kommune i dag allereie ein symjehall der elevane får symjeopplæring, og innbyggarane i kommunen har elles fleire nærliggande symjeanlegg som kan nyttast på fritida. Ein avtale om interkommunalt anlegg for symjehallen vil elles setje grenser for seinare tiltak i Eid kommune sin symjehall. Tilbakemeldinga frå Sogn og Fjordane fylkeskommune er at kommunen kan søkje om spelemidlar for rehabilitering av eksisterande anlegg, men ikkje om spelemidlar for til dømes utviding av symjeanlegget med eit opplæringsbasseng. Ein annan faktor som tilseier at Eid kommune ikkje skal gå inn på ein avtale om symjehallen på Tennebø, i alle fall ikkje på noverande tidspunkt, er kommunereforma. Det ryddigaste for alle partar vil vere å få avklart kor vidt kommunane Eid og Gloppen skal slå seg saman frå 2020, før ein arbeider vidare med saka om interkommunale idrettsanlegg. Uansett utfall av kommunereforma, så meiner rådmannen at det er viktig å arbeide for at fleire kommunar støttar opp om Harepfossen Skisenter AS som eit interkommunalt idrettsanlegg. RÅDMANNEN SI TILRÅDING: Formannskapet i Eid tek orienteringa til vitande. Åslaug Krogsæter
-rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 017/16 HSI Eid ungdomsråd 12.04.2016 011/16 HSI Eid råd for funksjonshemma 13.04.2016 HSI Avgjerd av: Saksbehandler: Anne-Grete Eikås Arkiv: 143 Objekt: Arkivsaknr 14/734 Kommunedelplan for oppvekst 2016-2026 - innspel til arbeidet Prenta vedlegg: Kommunedelplan oppvekst 2016-26 - Kapittel 1-4 Aktuelle lover, forskrifter, avtalar m.m.: Plan- og bygningslova 2008 Eid kommune Planstrategi 2012-16 Kva saka gjeld: Arbeidet med kommunedelplanen for oppvekst er organisert som eit prosjekt der Eid råd for funksjonshemma og Eid ungdomsråd er referansegrupper. Kapittel 4 «Ståstad for oppvekst i Eid» gir føringar for vidare arbeid med hovudtema og handlingsdel. Før prosjektgruppa går vidare med planarbeidet, ønskjer ein innspel frå råd og utval. Saksutgreiing: Kommunedelplanen er eit politisk dokument og styringsverktøy for å oppnå dei måla kommunen har for området. Kommunedelplanen styrer både dagleg og langsiktig arbeid og skal vere eit konkret arbeidsverktøy for politisk handsaming som vedkjem oppvekstsektoren. Gjeldande kommunedelplan for oppvekst er «Kommunedelplan for grunnskulen i Eid 2012-2015». I Planstrategidokumentet pkt. 11.3.1 vert det lagt føringar for at revidert plan for
oppvekst ikkje berre skal gjelde grunnskulen, men heile oppvekstsektoren for aldersgruppa 0-18 år. Vurdering: Det er viktig for prosjektgruppa å informere og få innspel frå råd og utval i denne fasen av arbeidet. Tilbakemeldingar på arbeidet som er gjort, vil hjelpe prosjektgruppa til å fullføre planarbeidet etter oppsett framdriftsplan med politisk godkjenning i Kommunestyremøte 22.06.16. Deretter vert planen lagt ut til høyring. Saka vert lagt fram utan tilråding. Prosjektgruppa ber om at råd og utval gjer vedtak om dei innspela som dei ønskjer å gi til arbeidet med kommunedelplanen. RÅDMANNEN SI TILRÅDING: Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 018/16 ELE Kommunestyret 28.04.2016 ELE Avgjerd av: Saksbehandler: Elin Leikanger Arkiv: Objekt: Arkivsaknr 15/2193 Eid frivilligsentral - godkjenning av ny partnerskapsavtale Prenta vedlegg: Framlegg til partnerskapsavtale mellom Eid kommune og Eid frivilligsentral 2016-2019 Andre aktuelle dokument.: Årsmelding Eid frivilligsentral 2015 http://eid.frivilligsentral.no/media/37412/aarsmelding- 2015-signert.pdf Strategiplan 2016-2019 http://eid.frivilligsentral.no/media/37088/strategiplan2016-2019.pdf Årsplan 2016 http://eid.frivilligsentral.no/media/37087/aarshjul-2016.pdf Kva saka gjeld: Saka gjeld godkjenning av ny partnerskapsavtale mellom kommunen og Eid frivilligsentral. Bakgrunn for saka: Tidlegare partnerskapsavtale gjaldt berre for eitt år (2015). Det er ønskjeleg å ha eit lenger perspektiv på samarbeidet, og det er difor no utarbeidd eit avtaleframlegg for perioden 2016-2019. Vidare gjorde kommunestyret følgjande vedtak i budsjettsaka hausten 2015, verbalframlegg B : «Kommunestyret ber Rådmannen utgreie mulig alternativ organisering av frivilligsentralen, i samarbeid med styret i stiftinga.»
Saksutgreiing: Frivilligsentralen i Eid vart oppretta i 1996. Dei to første åra var Frivilligsentralen ein del av organisasjonen i Eid kommune. I 1998 vart det vedteke å fase sentralen ut av Eid kommune. Stiftinga Frivilligsentralen i Eid vart etablert i 1998, og frå 1/1-99 har stiftinga stått for drifta av sentralen. Frivilligsentralen har slite med økonomien i alle år, fleire år har det mot slutten av året vore nødvendig må betale ut forskot på neste års tilskot for ha likviditet dei 2-3 siste månadene av driftsåret. I 2015 vart løyvinga til sentralen auka frå kr 200.000 til kr 380.000, og rekneskapen syner eit lite overskot. Frå 2016 er den kommunale løyvinga til frivilligsentralen redusert til kr 350.000. Framlegg til ny partnerskapsavtale gjeld for 4 år. Det gir føreseieleg rammer for begge partar. Det er elles lagt vekt på at partane skal samhandle om tiltak som inkluderer frivillig sektor. Kommunestyret sitt vedtak om utgreiing av alternativ organisering er innarbeidd i avtalen pkt IV Satsingsområde 2016-2019: «Partane skal i 2016 i samarbeid utgreie alternativ organisering av frivilligsentralen, med sikte på organisasjonsendring frå 01.01.2018» Økonomiske konsekvensar: Avtalen bind kommunen sin økonomi i 4 år framover, då det er innarbeidd i avtalen at «Under føresetnad av årleg godkjenning frå kulturdepartementet, og at denne avtalen vert følgd, får Stiftinga Frivilligsentralen i Eid i avtaleperioden eit årleg kommunalt tilskot på kr. 350.000,- Tilskotet vert regulert i takt med deflatoren, første gong 1/1-17» Vurdering: Partane hadde tidlegare to avtalar, ein samarbeidsavtale og ein partnarskapsavtale. Samarbeidsavtalen skildra tenester som frivilligsentralen skulle få frå kommunen: Leige av Valhall, kopiering, porto og revisjon. Dette er no innarbeidd i partnarskapsavtalen. Vidare er det teke høgde for at statstilskotet til frivilligsentralar frå 2017 truleg vert lagt inn i rammetilskotet til kommunen. Frivilligsentralen driv eit omfattande frivillig arbeid som er svært viktig både for Eid kommune og for lag og organisasjonar. Partnarskapsavtalen føreset at partane skal ha nytte av samarbeidet. Avtalen skal bidra til å styrke vidare utvikling av frivillig arbeid i kommunen, og motivere til frivillig aktivitet på nye arenaer. RÅDMANNEN SI TILRÅDING: Framlegg til partnarskapsavtale mellom Eid kommune og Eid frivilligsentral vert godkjend slik den ligg føre. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 019/16 HSI Formannskapet 21.04.2016 HSI Kommunestyret 28.04.2016 HSI Avgjerd av: Saksbehandler: Harald Sivertsen Arkiv: Objekt: A1 Arkivsaknr 16/726 Søknad om auke av tal barnehageplassar i Kjølsdalen Montessoribarnehage Prenta vedlegg: Søknad frå Kjølsdalen Montessoribarnehage. Skriv frå Snøkrystallen småbarnehage. Aktuelle lover, forskrifter, avtalar m.m.: Barnehagelova. Forskrift om tildeling av tilskudd til private barnehager av 09.10.2015. Kva saka gjeld: Kjølsdalen Montessoribanehage søkjer om å få auke tal faste barnehageplassar frå 18 til 27. Bakgrunn for saka: Kjølsdalen Montessoribanehage fekk i fjor auka tal plassar frå 18 til 22. Desse fire nye plassane var midlertidige for barnehageåret 2015/16. Barnehagen har no full dekning og det er venteliste frå hausten 2016. Dei meiner at det er behov for fleire faste plassar i Kjølsdalen. Saksutgreiing: Oppretting av barnehageplassar har vore eit tema i fleire år, og då Golvsengane barnehage vart bygd med åtte avdelingar, var målet å auke kapasiteten slik at alle som hadde behov, fekk plass. Utviklinga har endra seg, og ein ser i dag at færre foreldre er heimeverande med barna,
samstundes som barna no byrjar tidlegare i barnehagen. I tillegg har Eid kommune auka mottaket av flyktningar. I skrivande stund er vi i gang med opptaket for komande barnehageår, og vi har samordna opptaksmøte mellom dei kommunale og private barnehagane. Det et er kome inn 84 søknader, og 73 av desse har lovfesta rett til plass. I tillegg søkjer 16 barn om å få auke sine plassar. Sjølv om vi ikkje er ferdige med opptaket for komande barnehageår, så får alle som har rett etter lova plasstilbod i ein av barnehagane i kommunen. I tillegg vil truleg flesteparten av dei andre søkjarane som søkjer plass frå hausten 2016, få plass. Alle vil ikkje få plass i den barnehagen som dei har som førsteprioritet. Oversikt over barnehagar og tal godkjente plassar. Barnehage Tal godkjente plassar Gjerdane 45 Golvsengane 136 * Haugen 18 Stårheim 34 Eid 82 Kjølsdalen 18 + 4 midlertidige Snøkrystallen 12 Nøtteliten Fossebakken fam. barnehage 4 4. *Golvsengane barnehage kan ev. utvide til 145 plassar. Då må ein auke tal tilsette. Fødselstal i Eid kommune: Fødselsår Tal fødde barn i Eid kommune 2009 70 2010 81 2011 76 2012 65 2013 62 2014 57 2015 69 Eid kommune ønskjer å vere ein positiv ja-kommune til familiar som vil flytte til kommunen, og då er ledige barnehageplassar ein av fleire viktige faktorar. Ei ny etablering av barnehageplassar vil særleg kome desse gruppene til gode: Familiar med barn som flyttar til Eid Flyktning-familiar Familiar som treng barnehageplass midt i året Kjøldalen Montessoribarnehage søkjer om å få opprette 9 nye faste plassar frå og med hausten 2016. Ei utviding av tal barnehageplassar vil truleg føre til at alle som har søkt og søkjer om å
få plass i Kjølsdalen Montessoribarnehage, får plass der. For hausten 2016 ligg det føre søknader på 26 plassar i Kjølsdalen Montessoribarnehage. Dette er positivt for søkjarane, barnehagen og bygda. Det vil heller ikkje føre til at Stårheim barnehage vil få færre born, då opptaket syner at det blir fullt i denne barnehagen. Det kan likevel føre til at andre barnehagar i Eid kommune ikkje får fullt opp sine plassar. Ei av utfordringane vert då at dei misser deler av inntektsgrunnlaget og kan få utfordringar med å klare seg økonomisk. Økonomiske konsekvensar: Å auke tal barnehageplassar i kommunale eller private barnehagar har ein økonomisk kostnad. Ved auke av tal plassar i private barnehagar, kan Eid kommune gje tilskot for kvar ny plass. Kostnadene ved å opprette 9 nye plassar i Kjølsdalen Montessoribarnehage vil vere avhengig av mellom anna: Tal plassar som blir nytta, og om desse plassane er nye eller om dei vert oppretta på bekostning av andre barnehageplassar i Eid kommune. Alder på borna som nyttar desse plassane: Tilskotssatsane for år 2016: o 0-2 år kr. 184 489,- per heiltidsplass o 3-6 år kr. 88 296,- per heiltidsplass o Kapital kr.17 400,- per heiltidsplass. Kapitaltilskotet varierer frå barnehage til barnehage.kr 17 400 er for Kjølsdalen M. barnehage år 2016. Teljedato er kvart år 15. desember. Det vil seie at tal born som har barnehageplass på denne datoen vil vere med i utrekingsgrunnlaget for tilskota til dei private barnehagane. Andre økonomiske faktorar: Alle endringar i barnehagesektoren påverkar tilskotet til dei private barnehagane. Ein skal ha ei økonomisk likeverdig handsaming mellom dei private og dei kommunale barnehagane. Forenkla kan ein seie at rimeleg drift av kommunale barnehagar gjev mindre tilskot til private barnehagar, og dyr drift av kommunale barnehagar gjev høgare tilskot til private barnehagar. Vurdering: Skal Eid kommune kunne tilby barnehageplassar til nye barn som flyttar til kommunen, må ein ha ledige plassar. Det kan vere utfordrande, men vi har gjeve tilbod til langt fleire born enn det som lova krev og det som ligg til grunn for rammetilskotet til kommunen. I tillegg har vi kommunestyrevedtak på at ved behov kan vi opprette ti nye plassar i Golvsengane barnehage. Ved ei eventuell oppretting av nye barnehageplassar, har vi tidlegare sagt at dei bør vere like attraktive og like eigna som eksisterande plassar. Dvs. at barnehageplassane bør vere i gode og eigna lokale. I tillegg vurderer administrasjonen det som særs viktig at nye plassar blir etablerte i tilknyting til eksisterande barnehagar, slik at ein oppnår integrering av nye barn i Eid kommune. Søkjarane til barnehageplassane i Kjølsdalen er stort sett frå Kjølsdalen, og
Kjølsdalen Montessoribanehage har gode lokale i bygget til Kjølsdalen Montessoriskule. Ved å opprette nye faste plassar i Kjølsdalen vil brukane få barnehageplass i sitt nærmiljø, og borna slepp å bli transporterte mellom Kjølsdalen og Eid sentrum. Administrasjonen er klar over at oppretting av nye plassar kan føre til at ein ikkje får fylt opp alle barnehageplassane i Eid sentrum. Dette vil i så fall gå utover inntektsgrunnlaget til barnehagane, og ein privat barnehage melder at den kan få problem med drifta. Vi vil likevel tilrå at søknaden frå Kjølsdalen Montessoribarnehage vert komen i møte med den grunngjevinga at tal søkjar til barnehagen er aukande, og at det er stor transportavstand for barnehageborn inn til Eid sentrum. RÅDMANNEN SI TILRÅDING: 1. Kjølsdalen Montessoribarnehage får løyve til å opprette 9 nye faste barnehageplassar. 2. Barnehagen før då følgjande avdelingar: Ei avdeling med born i aldersgruppa 0-3 år med til saman 9 plassar. Ei avdeling med born i aldersgruppa 3-6 år med til saman 18 plassar. Samla tal plassar for barnehagen blir då 27 faste plassar. 3. Tilskotet etter tal plassar blir rekna ut ifrå gjeldande regelverk. 4. Ein eventuell auke i tilskotet til Kjølsdalen Montessoribarnehage kjem ein attende til i budsjettendringssaka for hausten 2016 og i budsjettet for år 2017. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 020/16 GFB Formannskapet 21.04.2016 GFB Kommunestyret 28.04.2016 GFB Avgjerd av: Kommunestyret Saksbehandler: Gerd Fløde Bjørlo Arkiv: 223 C56 Objekt: Arkivsaknr 14/319 Søknad om driftstilskot 2016 til Musea i Sogn og Fjordane Prenta vedlegg: Musea i Sogn og Fjordane, søknad datert 30.09.2015 K-sak 176/15 utbetaling av tilskot 2015 Kva saka gjeld: Søknad om tilskot 2016 til Musea i Sogn og Fjordane Bakgrunn for saka: Musea i Sogn og Fjordane blir finansert delvis med driftstilskot frå kommunane og Sogn og Fjordane fylkeskommune. Saksutgreiing: Avtalen frå 2009 mellom kommunane i Nordfjord, Sogn og Fjordane fylkeskommune og Musea i fylket om tilskot til Nordfjord Folkemuseum, skulle fornyast i 2013. Ny avtale er enno ikkje komen på plass. I søknadsbrevet om tilskot for 2016, blir det antyda at ny driftsavtale kan komme på plass frå og med 2017 om kommunane i fylket sluttar seg til det resultatet som no ligg til behandling i kommunane. Økonomiske konsekvensar:
Eid kommune har i budsjettet for 2016 sett av kr. 125.000,- i driftstilskot til museet. Søknaden lyder på kr. 141.056,-. Vi må såleis ha ei tilleggsløyving for å imøtekome søknaden fullt ut. Vurdering: Det er framleis slik at ikkje alle kommunane i Nordfjord betaler sin andel slik den vart rekna ut i 2009. Eid kommune har likevel i åra etter avtalen gjekk ut i 2014, betalt sin andel i tråd med avtalen. Det er uheldig at ein enno ikkje har fått på plass ein forpliktande avtale som alle kommunane i Nordfjord kan vere samde om. Eid kommune har sett av midlar i budsjettet til driftstilskotet. Men det manglar om lag kr. 16.000,- i budsjettet på å imøtekome søknaden fullt ut. Om vi utbetaler tilskotet som omsøkt, må den manglande finansieringa takast med under ei eventuell budsjettjustering i juni. RÅDMANNEN SI TILRÅDING: Tilskotet til Musea i fylket i 2016 blir utbetalt som omsøkt. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 021/16 HSI Avgjerd av: Saksbehandler: Anne-Grete Eikås Arkiv: Objekt: A1 Arkivsaknr 16/162 Barnehageruta 2016/17 Prenta vedlegg: Barnehageruta for 2016/17 Uttale frå samarbeidsutvala i dei kommunale barnehagane. Aktuelle lover, forskrifter, avtalar m.m.: Barnehagelova Vedtekter for dei kommunale barnehagane Kva saka gjeld: Opningstider i dei kommunale barnehagane i Eid kommune. Bakgrunn for saka: Barnehagelova 7 presiserer at vedtektene for barnehagane skal seie noko om opningstidene i barnehagen. Det er utarbeidd eigne vedtekter for dei kommunale barnehagane i Eid kommune. Av 11 går det fram at Eid kommune fastset årleg barnehagane sine opningstider. Saksutgreiing: Barnehageruta er drøfta med styrarane i dei kommunale barnehagane og sendt ut til samarbeidsutvala i barnehagane for høyring. Merknader frå samarbeidsutvala på framlegget til barnehageruta 2016/17 ligg ved saka. Opningstida Opningstida til barnehagane er mellom kl. 06.45 og 17.00 Barnehagane er stengde på julaftan, i romjula, på nyttårsaftan og i påskeveka.
Planleggingsdagane I den sentrale særavtalen for barnehagar (19.12.97) står det i pkt. 3.4: Det avsettes 37,5 timer per år til planlegging og samarbeid for personalet ved den enkelte barnehageordning/skolefritidsordning.. Det er lagt inn fem planleggingsdagar som dekkjer dei timane som personalet skal ha til planlegging og samordning. På desse planleggingsdagane er barnehagane stengde. I og med at barnehagane er stengde i fem dagar, skal barna ha fri. Barn i barnehagar skal i løpet av eit barnehageår ha fem ferieveker. For barna utgjer desse fem planleggingsdagane til saman ei av dei fem ferievekene. Det har i fleire år vore eit formalisert samarbeid i Nordfjord kring samordning av kurs på hausten i barnehageåret. Dette er ei ordning som gjev eit betre kurstilbod til heile personalgruppa, både i regionen og lokalt. Planleggingsdagane kan nyttast til slike kurs for personalgruppa i barnehagane, og då i samsvar med reglane for medråderett. Planleggings - dagane er drøfta med styrarane og sende ut til høyring i samarbeidsutvala i dei kommunale barnehagane. Det er semje om, så langt råd er, å leggje planleggingsdagane opp til planleggingsdagar i skuleruta. I den grad ein barnehage har eit spesielt behov for å fråvike dei fem planleggingsdagane, kan dette gjerast etter avtale med kommunalsjefen. Eit fråvik føreset også drøftingar med foreldra. RÅDMANNEN SI TILRÅDING: Barnehageruta for 2016/17 vert vedteken som den ligg føre. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Oppvekst- og kulturutvalet 12.04.2016 022/16 HSI Avgjerd av: Saksbehandler: Anne-Grete Eikås Arkiv: Objekt: A2 Arkivsaknr 16/427 Skuleruta 2016/17 Prenta vedlegg: Samordna framlegg til skulerute for elevane i Sogn og Fjordane for 2016/17 Aktuelle lover, forskrifter, avtalar m.m.: Opplæringslova 2-2 Kva saka gjeld: Fastsetjing av skuleruta for 2016/17 Bakgrunn for saka: Opplæringslova 2-2: "Departementet gir forskrifter om samla tid til opplæring i grunnskolen. Kommunen gir forskrifter om skole- og feriedagar i skoleåret for elevane. Forskrifta skal vere tilpassa avviklinga av nasjonale prøver. Kravet i 38 første leddet bokstav c i forvaltingslova om kunngjering i Norsk Lovtidend gjeld ikkje." Saksutgreiing: Framlegget til skulerute 2016/17 er utarbeidd av Skuleutvalet i Sogn og Fjordane og har vore drøfta i Nordfjordregionen. Vurdering: Skuleruta byggjer på eit etablert samarbeid mellom grunnskular og vidaregåande skular i fylket, der skyss, kurs og planleggingsdagar er samordna. Endringar i skuleruta i høve til det samordna opplegget, vil i dei fleste høve føre til praktiske konsekvensar som til dels vil vere
vanskelege å gjennomføre. Ei eventuell endring av skuleruta må arbeidast med over tid. Så langt erfaringane viser, ligg det mange driftsmessige fordelar med ei samordna skulerute. RÅDMANNEN SI TILRÅDING: Skulerute for skuleåret 2016/17 vert vedteken som den ligg føre. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Eid ungdomsråd 12.04.2016 012/16 OST Oppvekst- og kulturutvalet 12.04.2016 023/16 OST Eid Eldreråd 12.04.2016 016/16 OST Eid råd for funksjonshemma 13.04.2016 OST Helse-og sosialutval 13.04.2016 OST Teknisk-og samfunnsutval 13.04.2016 OST Arbeidsmiljøutvalet 21.04.2016 OST Finansutvalet 21.04.2016 OST Formannskapet 21.04.2016 OST Administrasjonsutvalet 21.04.2016 OST Kommunestyret 28.04.2016 OST Avgjerd av: Kommunestyret Saksbehandler: Ole Starheim Årsrapport 2015 Eid kommune Arkiv: 004 Objekt: Arkivsaknr 16/793 Prenta vedlegg: Årsrapport 2015 kommunal tenesteyting Årsrapport investeringsprosjekt pr 31.12.15 Saksutgreiing: Rådmann viser til vedlagde årsrapportar for 2015. RÅDMANNEN SI TILRÅDING:
Årsrapport 2015 for Eid kommune vert teke til vitande. Åslaug Krogsæter -rådmann-
Side 1 av30