REFERAT Styremøte i Bykle og Hovden Vekst A/S Tid: 23.04.2008 Stad: Bykle rådhus Desse møtte: Hans Blattmann Kay A. Jeiskelid 4754 BYKLE Tore Wiese Hansen Jaktoddveien 20 4621 KRISTIANSAND Olav Mandt 4754 BYKLE Magne Kvaslerud Regevik 4818 FÆRVIK Anne Ellen Senum Randi Steinsholt Reidar Fuglestad hadde meldt forfall til møtet. Referat frå: Kjell Pedersen-Rise. Der ikkje anna er notert er alle vedtak samrøystes. Dato: 28.04.08 Agenda: 1. Godkjenning av referat frå tidlegare styremøte 2. Referatsaker/orientering 3. Drøfting av utviklingstankar 4. Søknad om støtte forprosjekt festival 5. Søknad om støtte utviding av produksjonskapasitet 6. Rekneskap 2007 7. Budsjett 2008 8. Justering av leigesatsar i Hovdetun 9. Møteplan 2008 10. Eventuelle andre saker 1
SAK 01. GODKJENNING AV REFERAT Det hadde ikkje kome forslag til endringar av siste utkasta til referat. Styret godkjente referat frå møta 31.01.08 og 18.03.08 og underskreiv desse. SAK 02. REFERATSAKER/ORIENTERING A. Kjøp av Texaco og utleige Det blei orientert om prosessen med å utarbeide kontrakt for kjøp og ny leigekontrakt, basert på handsaming i kommunestyret og tidlegare vedtak i BHV om støtte til leigetakar. Arbeidet ser ut til å vere klart i månadsskiftet april/mai. B. Reiseliv/Helse/Idrett Forprosjektet blir avslutta omkring 01.05, og arbeidet med sluttrapportering er stort sett ferdig. Det private markedet ser ut til å vere tyngre å få tak i, enn det vi i starten rekna med. Derfor blir det nå satsa sterkare på samarbeid med NAV om å utarbeide eit opplegg, der dei kan gi støtte gjennom sine tilretteleggingstilskott. Universitetet i Agder, fylkeskommunen og NAV er interesserte i å delta i eit eige pilotprosjekt med oppstart til hausten. C. Varme/kalde senger Styret drøfta rapporten frå Kaizen om kalde/varme senger. Fleire meinte at rapporten hadde feil fokus. Styret valgte å ta rapporten til orientering, men meinte at fleire problemstillingar er mangelfullt belyste. D. Kommunedelplan tur- og skiløyper Det blei orientert om planprosessen for tur-og skiløyper i kommunen. Prosessen har vore prega av konstruktiv dialog med miljøvernavdelinga for å få avklaring av viktige løypetraséar. Planprosessen og oppbygginga av planen har vore presentert for kommunenettverket i Innovativ Fjellturisme, og fleire meldte tilbake at det vil vere interessant å bruke den same metodikken i liknande planprosessar andre plassar. E. Heimte - prosjekt Det har kome inn 79 svar frå spørjeundersøkinga, noko som utgjer ein svarprosent på 47,3. Rapport og tabellar frå Agderforskning er noko forsinka. 2
F. Hovden Løypekøyring AS Det blei orientert om tankar ang. organisering av løypekøyringa, som skal leggast fram for kommunestyret 24.04. G. IKT-plan for Setesdal BHV er engasjert som prosjektleiar for eit forprosjekt ang IKT-samarbeid/IKT plan for kommunane i Setesdal. H. Mobildekning på Agder KRD har gitt tilsagn på økonomisk deltaking i eit forprosjekt for mobildekning på Agder. I tillegg har Post- og Teletilsynet og Universitetet synt stor vilje til å delta i forprosjektet. Det er meininga å fullføre forprosjektet i inneverande år. BHV er engasjert som prosjektleiar. I. BykleMat Styret drøfta avviklinga av BykleMat, og syntest det er leit at ei verksemd med eit godt produkt, blir lagt ned. I samband med avviklinga skal ein vurdere å behalde namnet/merkevara. J. Temamøte rekruttering av arbeidskraft BHV arrangerte temamøte om rekruttering av arbeidskraft 8. april. To representantar frå NAV/ EURES og to representantar frå Adecco presentere sine tilbod og tenester. Det var dårlig oppmøte på møtet. K. Førespurnad lokale i Hovdetun Styret drøfta ein konkret førespurnad om leige av lokale i underetasjen i Hovdetun. Bruken kan kome til å ligge i nærleiken av andre forretningar sine produktsegment. Styret meinte det må vere i orden å leige ut til den aktuelle interessenten. L. Ombygging Sarvsnetten Industribygg Det blei orientert om ei enkel ombygging i Sarvsnetten industribygg, slik at CTI får betre plass for mellomlagring i produksjonen. Det blir også gjort ei lita justering, for å gi plass for butikkvarer hjå Sælid motor og gear. Styret hadde ikkje merknader til dette. SAK 03. DRØFTING AV UTVIKLINGSTANKAR SAK 04. SØKNAD OM STØTTE FORPROSJEKT FESTIVAL Hovden Vilt & Rakfiskgilde er planlagt gjennomført 31.10. 01.11.2008. Arrangementet skal innehalde foredrag, kurs, prøvesmaking, marknad, kulturelle innslag og kveldsarrangement på hotella. I tillegg skal det produserast ein eigen Setesdalsaquavitt i samarbeid med Kargus (Punktervoll) i Grimstad. Initiativtakarar er Setesdalsmat, Hovden skisenter og Skikroa. Det er nedsett ei styringsgruppe med ein representant frå kvar av bedriftene. Arrangementet skal 3
administrerast som eit prosjekt under Skikroa. Dei søker om støtte til festivalen frå BHV og Setesdal Regionråd. Prosjektet er eit godt initiativ, men målet om 100 % offentleg finansiering er urealistisk. Forutsett at næringa sjølv vil bidra meir inn i prosjektet gjev Bykle og Hovden Vekst AS eit tilskott på kr 78 000,- til Hovden Vilt- og Rakfiskgilde. Tilskottet bygger på eit kostnadsoverslag på kr 260 000,-. Dersom kostnadene blir mindre blir tilskottet tilsvarande redusert. Utbetaling skjer i samsvar med utbetalingsreglement. SAK 05. SØKNAD OM STØTTE UTVIDING AV PRODUKSJONSKAPASITET Dagleg leiar orienterte om aktuelle møter som var gjennomført i saka. Styret drøfta tiltaka som det blir søkt støtte til. Endeleg søknad skal samordnast med tilskott frå Innovasjon Norge. Dagleg leiar får fullmakt til å avgjere endeleg tilskott, innanfor dei rammene som styret drøfta. SAK 06. REKNESKAP 2007 Styret drøfta rekneskapsopplegget og resultata i dei ulike selskapa. Styret tek rekneskapa til orientering, og vil handsame endelege rekneskap for selskapa og konsernrekneskap saman med dokumenta til generalforsamlingane. Rekneskapsrutinane bør leggast opp, slik at utlegg til prosjekt m.m blir synlege i resultatrekneskapen for BHV. SAK 07. BUDSJETT 2008 Styret drøfta budsjettoppsettet for BHV og dotterselskapa. Det blei oppklara at driftsunderskott i BHV, blir overført frå næringsramma året etter. Dette skaper ujamn likviditet. Det blei også orientert om at tilskott frå næringsramma blir betalt ut dirkete frå kommunen, og midlane går ikkje innom BHV. Styret vedtek framlegg til budsjett for 2008. Det vil vere aktuelt å justere budsjettet, når det er gjennomført ei omstrukturering av dotterselskapa. Til neste møte skal det leggast fram oversikt over næringsramma. 4
SAK 08. JUSTERING AV LEIGESATSAR HOVDETUN Styret drøfta ulike problemstillingar knytta til leigesatsane, og kom fram til at ei ordning med noko reduksjon av leiga for leigd areal dei første åra, kan vere ei god løysing. Styret vedtek følgande opptrappingplan for leigesatsar for forretningar i Hovdetun: 1. etasje Underetasje 1. år 60 % av full leige kr 660,- per m²/år kr 390,- per m²/år 2. år 70 % av full leige kr 770,- per m²/år kr 455,- per m²/år 3. år 85 % av full leige kr 935,- per m²/år kr 553,- per m²/år 4. år Full leige kr 1 100,- per m²/år kr 650,- per m²/år Ordninga gjeld eige areal og andel av fellesareal for eksisterande og nye forretningar. Felleskostnadene blir berekna som tidlegare. Ordninga gjeld frå 01.01.2008. Punkt i leigekontrakt om at utleigar kan kreve husleiga oppregulert ei gong i året i hht. stigning i SSB sin konsumprisindeks gjeld framleis. SAK 09. MØTEPLAN Styret vedtok møter 26.05 og 30.06. Begge møta blir i Bykle og startar kl 09.00. SAK 10. EVENTUELLE ANDRE SAKER A. Kjøp av bensinstasjonen i Bykle (Texaco) Med atterhald om at kommunestyret gjer vedtak om kjøp av bensinstasjonen i Bykle(Texaco) og løyver midlar tilsvarande kjøpesummen, godkjenner styret at kjøpet skjer i regi av Bykle nærings- og utviklingsselskap Hans Blattmann Kay A. Jeiskelid Tore Wiese-Hansen Reidar Fuglestad Anne E. Senum Olav Mandt Randi Steinsholt Magne Kvaslerud 5