HORDALAND FYLKESKOMMUNE MØTEBOK Samferdselsutvalet Dato: 14. juni 2011 Kl.: 13.00-17.30 Stad: Panorama konferansehotel, Sund Saknr.: 28/11-34/11 MØTELEIAR Bahus, Gustav (FRP) til kl 17.00 Lutro, Einar (H) frå kl 17.00 (meldingar og ymseposten) DESSE MØTTE Nøss, Nils-Olav (A) til kl 15.10 Hansen, Jette Lunemann (A) Innvær, Anne-Line (A) Tharaldsen, Elisabeth Eide (FRP) Lutro, Einar (H) Eidsheim, Torill (H) Berland, Eli Årdal (H) Sønnesyn, Gunvor (KRF) til kl 15.10 Haugsnes, Kjartan (SV) Njærheim, Anne Beth (V) Klepsvik, Renate Møgster (FRP) Golten, Karstein (SP) FORFALL Indrevik, Georg (FRP) Bondhus, Bente (SP) DESSUTAN MØTTE Frå Hordaland fylkeskommune Anne Iren Fagerbakke Rolf Rosenlund Thorbjørn Aarethun Øivind Støle Oddmund Sylta Frå Statens vegvesen Olav Finne Per Steffen Myhren Beate Mæsel MERKNADER TIL INNKALLINGA Det var ingen merknader til innkallinga. GODKJENNING AV SAKLISTA Saklista vart godkjent utan merknader. 1
GODKJENNING AV MØTEBOKA 03.05.11 Møteboka av 03.05.11 vart godkjent utan merknader. VEGOPNING Før møte var samferdselsutvalet med på opninga av parsellen Eide-Vorland på Fv 555. Samferdselsminister Magnhild Meltveit Kleppa stod for opninga, som vart etterfylgt av lunsj på Panorama konferansehotel. ORIENTERINGAR Hamneplanarbeidet Orientering om konsekvensutgreiing av planarbeidet for ny godshamn for Bergensområdet ved Helge Berset (Rambøl) og Gaute Taarneby (Civitas), med etterfylgjende kommentarar ved saksordførar Gunvor Sønnesyn. Orienteringa vart etterfylgt av innspel og synspunkt på det vidare arbeidet frå utvalet. Utvalet konkluderte med at ein ynskjer sak til utvalet i løpet av hausten 2011. Fylkestrafikksikringsrådet halvårsrapport og ulukkesbarometer for 2010 Øivind Støle orienterte om tilskot til trafikkretta tiltak for 2011 samt om utførte og planlagt større saker som FTR arbeidar med i 2011. Tor Høyland orienterte om ulukkesbarometer for 2010. Utvalet ynskte å få tilgong til heile statistikkmaterialet. Etterslep av drift og vedlikehald på fylkesvegnettet Olav Finne orienterte om den gjennomgongen som er føreteken på fylkesvegane i fylket for a) å setja vegane i same stand som når dei var nye, og b) setja dei i den stand som gjeldande vegnormal tilseier. For a) er kostnaden om lag 3 mrd kr og for b) om lag 5 mrd kr. YMSE Gustav Bahus sette fram fylgjande oversendingar. Køproblem på Halhjem Når det er stor trafikk på ferjesambandet Halhjem-Sandvikvåg oppstår det køar langs E 39. I samband med pinseutfarten vart det rapportert om 5 km kø på E39 mot Os. Dette skapar trafikkfarlege situasjonar. Etter det ein forstår arbeidar Statens Vegvesen med tiltak for å unngå slike tilhøve, men har så langt ikkje starta arbeidet med omregulering av rundkøyringa på Halhjem. Det må truleg lagast to felt inn i og ut av rundkøyringa, både til og frå Halhjem og mot Bjørnen. Kva kan gjerast for å få fortgong i saka? Passasjersertifikat på ferjesambandet Halhjem-Våge I løpet av pinsen vart bilar ståande att på ferjesambandet Halhjem-Våge sjølv om det var ledig plass på ferja. Dette av di ein ikkje hadde passasjersertifikat til fleire passasjerar. Kva kan gjerast for å unngå dette for ettertida? Billettering på Bruravik-Brimnes På ferjesambandet Bruravik-Brimnes skjer billetteringa for bilar i billettbu på kaiane. Ved stor trafikk hender det at ferjene går medan bilane står i kø for å billettera. Passasjerar som ikkje har bil kan billettera om bord. Kvifor kan ein ikkje også gjera det med bilar i særskilde høve for å effektivisera trafikkavviklinga? Spontan samkøyring oppfylgjing av vedtak. Korleis tenkjer fylkesrådmannen å fylgja opp vedtaket i fylkestinget? Anne Iren Fagerbakke opplyste at det vert lagt opp til oppfylgjande møte med Vegdirektoratet. 2
Fotgjengarovergong på Lepsøy Det vart synt til at det er klårgjort for ein ny fotgjengarovergong på Lepsøy. Alt tykkjest å vera klart til å ta den i bruk, bortsett frå at det ikkje er føreteke oppmerking. Når vert arbeidet avslutta? Torill Eidsheim sette fram fylgjande oversendingar. Driftstogg på ferjesambandet Leirvåg-Sløvåg Den siste tida har det vore mange driftstogg på ferjesambandet Leirvåg-Sløvåg. Det har vore heile dagar utan drift. Dette går ut over både transportnæring og reiseliv. Ein ber om at administrasjonen ser nærare på problema slik at sambandet kjem i stabil drift. Kommunikasjonssystem for taxisentralane Fleire byar i landet nyttar eit automatisk bookingsystem; Taxi nå, basert på SMS. Dette gjev rask tinging av taxi og høgt servicenivå for kunden. Er det planar om liknande tiltak i Hordaland? Eli Berland stilte spørsmål om når den planlagte fotgjengarovergongen på Morland på Fv 561 vert gjort ferdig. Øivind Støle opplyste at det vart sett av midlar på 2010 budsjettet til dette, men tiltaket kom ikkje med i anbodet for 2010, og vart såleis ikkje gjennomført etter planen. Tiltaket er med i anbodet for inneverande år og vil bli utført i løpet av året. Elisabeth Tharaldsen sette fram fylgjande oversending. Ferjesambandet Ranavik-Skjersholmane Ei av ferjene på sambandet, Høgsfjord, har problem med å halda ruta. Det vert hevda at ferja er bygt for korte samband. Einar Lutro stilte spørsmål om når billetteringssystemet er ferdig levert. Det vart synt til at det tidlegare er opplyst at leveransen skal vera fullført innan 1. kvartal 2011. Oddmund Sylta opplyste at sjukdom hjå leverandøren har ført til at den planlagte SAT-testen er utsett. Ein ventar at prosjektet skal vera avslutta innan 30. september 2011. 3
MELDINGAR Periode: 04. mai 2011-14. juni 2011 Nr. Arkivsak Referatsakstittel 89/11 201101495-9 Søknad om løyve til å forskottera utbygging av kollektivfelt for Rv 555 Breiviksskiftet - Drotningsvik 90/11 200801010-6 Ny veg Fv 367 - Stokke - Bruvik - Oversending av dokumentasjon 91/11 200809367-67 Skyss til andre skoler / opplæringsarenaer enn nærskolen 92/11 200901907-43 Status i arbeidet med prosjektet "Alternativ framdriftsteknologi for meir miljøvenlege ferjer". 93/11 200800584-171 Omfattende veibygning øker CO2-utslippene, forsterker giftskyen, gir mer støy og truer naturmangfoldet - Uttalelse fra Naturvernforbundet i Hordaland sitt årsmøte 26.3.2011 94/11 201106136-1 Konkurranseform ved vidare utbygging av Bybanen 95/11 201106277-1 Bybanen - lengre / doble vognsett - Svar på oversendingsforslag 96/11 201106967-1 Busstilbodet i Bergen Sør 97/11 201106834-2 Retningslinjer/kvalitetskriterie for skoleskyssen 98/11 201002721-4 Korrespondanse mellom tog og buss på Voss 99/11 201106839-1 Rutinter for innspel til rutetider 100/11 200603220-111 Fordeling av folkehelse- og friluftslivsmidlar 2011 101/11 200800095-33 Referat frå møte i Fylkestrafikksikringsrådet i Hordaland - Møte 04-2011 102/11 201002832-14 Spontan samkøyring i Bergensområdet - melding til fylkesutvalet 103/11 201102235-4 Stord lufthamn - Sørstokken - Vedtak om fornya konsesjon 104/11 200606232-51 Framdrift i realiseringa av dobbeltspor Begen - Arna, samt andre prosjekt langs Vossebana / Bergensbana 105/11 201013030-4 Anmodning om møte - veinettet i fylkeskommunen - drift- og vedlikehold Elisabeth Tharaldsen synte til at brevet frå Mesta var registrert inn i fylkeskommunen den 24. februar 2011, og stilte spørsmål om kvifor det gjekk så lang tid før det vart lagt fram for utvalet. Samferdselsutvalet burde fått høve til å møta Mesta og eventuelt andre vegentreprenørar. Anne Iren Fagerbakke sa seg samd i at brevet burde vore lagt fram før. Det er likevel ikkje for seint å ta eit møte med Mesta og eventuelt andre entreprenørar i samband med handsaminga av saka om driftog vedlikehaldsstrategi 106/11 200708292-31 Melding til samferdselsutvalet - Oversendingsforslag i valperioden 2007-2011 107/11 201106990-1 E 39 - Nye fartsgrenser - Halhjem - Moberg og Ulvenskiftet - Storestraumen 4
108/11 200910148-5 Barnebillettar - definisjon av barn 109/11 200813171-41 Veglys på fylkesvegar Anne-Beth Njærheim påpeika at det verka uryddig med fleire ulike ordningar. Olav Finne orienterte om bakgrunnen for saka og dei mange ulike ordningane som er gjeldande. 110/11 201106828-2 Merknader frå brukarorganisasjonane til søknader om statleg tilskot for 2012 til auka tilkomst til kollektivtransporten 5
SAKNR. 28/11 REGIONAL TRANSPORTPLAN HORDALAND 2013-2024. FRAMLEGG TIL PLANPROGRAM. Fylkesrådmannen sitt forslag til vedtak vart samrøystes vedteke. VEDTAK Fylkesutvalet vedtek med dette planprogrammet for Regional transportplan Hordaland 2013 2024 saman med fylkesrådmannen sine merknader i saka. 29/11 FERDIGSTILLING AV TRAFIKKSIKRINGSHALLEN Fylkesrådmannen sitt forslag til vedtak vart samrøystes vedteke. VEDTAK 1. Samferdselsutvalet godkjenner at FTR yter eit ekstraordinært tilskot på kr 334.000,- til ferdigstilling av Trafikksikkerhetshallen i Hordaland. Midlane må takast innanfor FTR sitt budsjett for 2011. 2. Samferdselsutvalet godkjenner at tidlegare løyvde driftstilskot for 2010 og 2011 på totalt kr 200.000,- vert nytta til arbeidet med å ferdigstille hallen. 3. Samferdselsutvalet ber om at leiaren i FTR vert representert i styret for Trafikksikkerhetshallen i Hordaland. 30/11 HØYRINGSUTTALE - STATENS VEGVESEN SITT FRAMLEGG TIL STATSBUDSJETTET 2012 Kjartan Haugsnes sette på vegne av A, SV, V, Sp fram forslag til nytt pkt 6. Fylkesutvalet ynskjer ei sterkare satsing på trafikksikring på strekningar som i dag har stor trafikkauke og auke i alvorlege ulukker, som t.d. E16 Bergen-Voss. Gustav Bahus sette på vegne av FRP, H fram forslag til nytt pkt 6. Fylkesutvalet ynskjer ei sterkare satsing på trafikk- og rassikring på strekningar som i dag har stor trafikkauke og auke i alvorlege ulukker. Fylkesrådmannen sitt forslag til innstilling vart samrøystes vedteke. I tillegg vart forslaget frå Kjartan Haugsnes vedteke med 7 røyster (A, SV, SP, V, H (Einar Lutro), FRP (Elisabeth Tharaldsen)). Gustav Bahus sitt forslag til nytt pkt fekk 6 røyster (FRP, H) og fall. INNSTILLING 1. Fylkesutvalet føreset at staten som eit minimum følgjer opp satsinga i Nasjonal transportplan 2010-2019 med løyvingar i riksvegbudsjettet for 2012 dvs. at opptrappingsramma i budsjettforslaget vert lagt til grunn for St.prp. nr. 1 for 2012. 6
2. Fylkesutvalet er samd med Statens vegvesen i at det er viktig å auka satsinga på drift- og vedlikehald av riksvegane. Fylkesutvalet er uroa over at budsjettforslaget berre vil stansa veksten i forfallet - ikkje redusera forfallet. 3. Det er særs viktig at utbygginga av E39 mellom Os og Bergen ikkje vert ytterlegare forseinka. Fylkesutvalet ber om at det i budsjettet for 2012 vert sett av midlar til planlegging, prosjektering og grunnerverv på prosjektet E39 Svegatjørn Rådal - som foreslått i opptrappingsramma. 4. Fylkesutvalet viser til vedtekne mål om redusert bilbruk og auka sykkelbruk i Bergensområdet. For å auka sykkelbruken monaleg, må sykkelinfrastrukturen vidareutviklast, særleg langs hovudinnfartsårene. Fylkesutvalet føreset at staten i 2012 løyver 15 mill.kr. i oppstartsmidlar til utbygginga av gang- og sykkelveg på E39 mellom Minde Alle og Kronstad - som foreslått i opptrappingsramma. 5. Fylkesutvalet konstaterer at dei foreslåtte løyvingane til kollektivtrafikktiltak langs riksvegane framleis er relativt små. Fylkesutvalet meiner at staten i langt større grad må prioritera kollektivtrafikktiltak som innfartsparkering, terminalar og stoppestadar langs riksvegane i Hordaland. Fylkesutvalet legg til grunn at dette vert teke inn i budsjettarbeidet. 6. Fylkesutvalet ynskjer ei sterkare satsing på trafikksikring på strekningar som i dag har stor trafikkauke og auke i alvorlege ulukker, som t.d. E16 Bergen-Voss. 31/11 UTPRØVING AV BLINKELYS I HORDALAND Før ein drøfta saka refererte leiaren frå eit brev frå leverandøren der det vart orientert om ny forhandlar av det aktuelle produktet. Utvalet gjorde ei presisering av teksten i vedtaksforslaget utan at det endra realitetane i innhaldet. Fylkesrådmannen sitt forslag til vedtak vart samrøystes vedteke. VEDTAK Samferdselsutvalet oppmodar Statens vegvesen til å gå i dialog med søkjar om utprøving av blinkelys på fotgjengarovergongar i Hordaland. Hordaland fylkeskommune, ved FTR, vil vere positiv til å bidra med finansiering av før- og etterundersøking. 32/11 SØKNADER FRÅ HORDALAND FYLKESKOMMUNE OM STATLEGE TILSKOTSMIDLAR FOR 2012 FOR AUKA TILGJENGE TIL KOLLEKTIVTRANSPORTEN Fylkesrådmannen sitt forslag til instilling vart samrøystes vedteke. INNSTILLING 1 Fylkesutvalet i Hordaland søkjer om tilskot frå den statlege ordninga for auka tilgjengetiltak til Kollektivtransporten innanfor følgjande prioriterte tiltak: 1. Vidareutvikling av informasjon og skilting i Bergen sentrum 2. Opprusting av Storavatn terminal 3. Opprusting av 20 av dei tyngste haldeplassane i Bergensområdet 4. Prosjektering av bussterminalfunksjonar ved Voss Trafikknutepunkt 7
5. Opprusting av 32 ferjekaier til universell utforming 2 Fylkesutvalet vedtek at eigenandelen for dei av tiltaka/prosjekta som Hordaland fylkeskommune får tilskot til vert dekt over fylkesvegbudsjettet. 33/11 INNFARTSPARKERING I BERGENSOMRÅDET Torill Eidsheim sette på vegne av H, FRP, KRF fram forslag til ny innstilling. Fylkesutvalet sluttar seg til ei vidareutvikling av innfartsbehovet i Hordaland slik det er skissert i saka. Arbeidet må vidareførast for å stetta eit stadig aukande behov. Dette må gjerast i tett dialog med kommunane det gjeld. Torill Eidsheim sitt forslag til ny innstilling vart samrøystes vedteke. INNSTILLING Fylkesutvalet sluttar seg til ei vidareutvikling av innfartsbehovet i Hordaland slik det er skissert i saka. Arbeidet må vidareførast for å stetta eit stadig aukande behov. Dette må gjerast i tett dialog med kommunane det gjeld. 34/11 SØKNAD OM OPPRETTING AV NY DROSJESENTRAL I BERGEN KØYREOMRÅDE Fylkesrådmannen sitt forslag til innstilling vart vedteke mot ei røyst (SV). INNSTILLING 1. A-Taxi får konsesjon til å drive drosjeformidling i Bergen køyreområde når sentralen har levert og fått godkjent følgjande dokumentasjon: firmaattest vedtekter 2. Fylkesutvalet legg til grunn at sentralen innrettar drifta etter regelverket for Bergen køyreområde. 3. Fylkesutvalet legg til grunn at sentralen skal vera operativ 24 timar i døgnet, og at kommunikasjonssystemet skal godkjennast av fylkesrådmannen. 4. Fylkesrådmannen får fullmakt til å godkjenne vedtektene for sentralen. Rolf Rosenlund sekretær 8