Møteinnkalling for Utval for næring og teknikk

3692 Sauland Møteinnkalling for Utval for næring og teknikk Møtedato: 29.03.2011 Møtestad: Kommunestyresalen, Kommunehuset Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 22.03.2011 Camilla Krosshus utvalsleiar Sakliste Sak nr. Saktittel 007/11 GODKJENNING AV MØTEBOK 008/11 DELEGASJONSSAK 009/11 REFERATSAKER 010/11 INTERKOMMUNALE SKADEFELLINGSLAG VEDK. STORE ROVDYR 011/11 TILDELING AV KOMMUNALE ØKONOMISKE VIRKEMIDLAR I LANDBRUKET 2011 012/11 OLAV LANGÅSDALEN - SØKNAD OM BYGGING AV BRU OVER LEKKJENUTBEKKEN I HJARTDAL 013/11 TOR-EINAR ANDREASSEN - SØKNAD OM KONSESJON PÅ EIGEDOMEN STEINGILDRA SØNDRE GNR. 80/10

Styre, råd, utval Møtedato Saknummer Sakshandsamar Utval for næring og teknikk 29.03.2011 007/11 IL Saksansvarleg: Ingebjørg Landsverk Arkiv: K1-033 Arkivnr.: 11/280 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Styre, råd, utval Møtedato Saknummer Sakshandsamar Utval for næring og teknikk 29.03.2011 008/11 IL Saksansvarleg: Ingebjørg Landsverk Arkiv: K1-033 Arkivnr.: 11/278 DELEGASJONSSAK FNOT-002/11 08.02.2011: TELEROS SAMDRIFT DA V/HELGE HOVDEJORD - SØKNAD OM KONSESJON FOR EIGEDOMEN GNR. 4 BNR. 25 VEDTAK 1. Med heimel i konsesjonslova gjev Hjartdal kommune konsesjon til Teleros Samdrift DA for overtaking av eigedomen gnr. 4, bnr. 25 i Hjartdal kommune. 2. Eigedomen skal nyttast av Teleros Samdrift DA til etablering og drift av fellesfjos. FNOT-003/11 16.02.2011: LØYPEKØYRING - REISJÅ OG BONDAL UTMARKSLAG VEDTAK 1. Hjartdal kommune godkjenner ny trase for løypekøyring i samsvar med vedlagd kart, datert 16.02.2011, der tidlegare godkjende ruter og er teikna inn. 2. Køyringa skal utførast i regi av Reisjå og Bondal Utmarkslag. 3. Løyve og kart som visar godkjend trase skal vera med i kjøretøyet og visast fram når politi eller oppsyn krev det. TILRÅDING Delegasjonssakene blir teke til etterretning slik dei ligg føre.

Styre, råd, utval Møtedato Saknummer Sakshandsamar Utval for næring og teknikk 29.03.2011 009/11 IL Saksansvarleg: Ingebjørg Landsverk Arkiv: K1-033 Arkivnr.: 11/279 REFERATSAKER Nr Dok.ID T Dok.dato Avs./Mott. Tittel 1 11/1017 I 03.03.2011 Fylkesmannen i Telemark RAPPORTERING ETTER JORDLOVA 3 TILRÅDING Referatsakene blir teke til etterretning slik dei ligg føre.

Styre, råd, utval Møtedato Saknummer Sakshandsamar Utval for næring og teknikk 29.03.2011 010/11 HH Saksansvarleg: Harald Helliksen Arkiv: K2-K47 Arkivnr.: 11/168 INTERKOMMUNALE SKADEFELLINGSLAG VEDK. STORE ROVDYR Dokument i saka: Nr T Dok.dato Avsendar/Mottakar Tittel 1 I 27.01.2011 Fylkesmannen i Telemark SKADEFELLING AV STORE ROVDYR OG FORMALISERING AV INTERKOMMUNALE SKADEFELLINGSLAG 2 I 21.02.2011 Fylkesmannen i E-POST 20.01.11 SEMINAR OM Telemark 3 I 21.02.2011 Notodden kommune v/tommy Granlien SKADEFELLING AV STORE ROVDYR REFERAT FRA MØTE ANG KOMMUNALE SKADEFELLINGSLAG Vedlagde dokument: Dokument nr. 1. Saksgang: Utval for næring og teknikk avgjer saka. Bakgrunn for saka: Fylkesmannen i Telemark har i brev av 27.01.2011 til kommunane i Telemark teke opp spørsmål om skadefelling av store rovdyr (bjørn, ulv, jerv, gaupe) og formalisering av interkommunale skadefellingslag. Formalisering av laga vil seia oppretting av ei avtale med den enkelte, gjennomføring av HMS-kurs og etablering av forsikringsordningar. Fylkesmannen ynskjer at kommunane formaliserer skadefellingslag på same måten som ordninga med kommunalt ettersøk på hjortevilt. I denne samanhengen blir det bede om at kommunane ser nærmare på om kommunen framleis vil vera med i interkommunale fellingslag, ha eige kommunalt lag eller om kommunen ikkje vil ha eit slikt lag. Fylkesmannen skriv at mange av kommunane i regionen tidlegare er oppfordra til å organisere skadefellingslag, og at det var stor respons på denne oppfordringa. 17 av 18 kommunar leverte i 2008 namnelister over personar som var villige til å vera med under eventuell skadefelling. Kommunale fellingslag er ikkje forankra i lov eller forskrift, og heller ikkje etter nokon instruks frå statleg styresmakt. Fylkesmannen i Telemark har likevel eit ynske om at alle kommunar bidrar med mannskaper inn i interkommunale lag. Dersom kommunane først opprettar eit

fellingslag, er det kommunen som har det formelle ansvaret for administrasjon, organisering og ansvar ved eventuelle ulykker som skjer under fellingsforsøk. Det har fram til no ikkje blitt gjeven kompensasjon eller løn frå staten til jegerar som har delteke i fellingsforsøk, men det er framlegg til ny forskrift som vil opne for godtgjering for tapt arbeidsforteneste ved fellingsforsøk. Godtgjering skal berre gjevast når fellingsforsøket utførast av eit kommunalt/interkommunalt oppnemnt fellingslag som er registrert hjå Fylkesmannen. Då det her kan vera snakk om eventuelle interkommunale løysingar, er saka drøfta med dei viltansvarlege i nabokommunane. Alle var av den meining at skadefelling av store rovdyr må vera staten sitt ansvar. Vurdering: Det kan sjå ut til at Fylkesmannen er av den oppfatning at det allereie eksisterar interkommunale skadefellingslag, men at desse ikkje er formaliserte. Ingen av kommunane i vårt distrikt (Notodden, Tinn, Seljord og Hjartdal) har oppfatta det slik. Me har berre, etter førespurnad frå Statens naturoppsyn, gjeve namn på personar me meinte kunne vera aktuelle i forhold til skadefelling. Forvaltninga av store rovdyr er i dag i sin heilskap staten sitt ansvar. Rådmannen meiner difor at det og må vera staten sitt ansvar å taka hand om eventuelle skadefellingar. Det ser ut til staten forsøker å skyve ansvaret for, og arbeidet med, denne delen rovdyrforvaltninga over på kommunane. Eventuell etablering av interkommunale/kommunale fellingslag vil gje kommunen ansvar for administrasjon (under dette arbeidsgjevaransvar for jegerane), organisering og ansvar ved eventuelle ulykker. Ein kan då risikere at kommunen blir påført store utgifter som ikkje vil bli kompenserte av staten. Me kan ikkje sjå at det pr. i dag er noko stort behov for skadefellingslag. Det er tidlegare ikkje blitt gjeve løyve til skadefelling av store rovdyr her i distriktet. All erfaring viser dessutan at det nesten er umogleg å lykkast i eit fellingsforsøk på gaupe utan snøforhold. RÅDMANNEN TILRÅR: 1. Hjartdal kommune vil ikkje vera med i eventuelle interkommunale fellingslag eller ha eige fellingslag i forhold til skadefelling av store rovdyr. 2. Hjartdal kommune ser det som staten sitt ansvar å taka hand om eventuelle skadefellingar i kommunane.

Styre, råd, utval Møtedato Saknummer Sakshandsamar Utval for næring og teknikk 29.03.2011 011/11 BN Saksansvarleg: Harald Helliksen Arkiv: K2-V10 Arkivnr.: 11/77 TILDELING AV KOMMUNALE ØKONOMISKE VIRKEMIDLAR I LANDBRUKET 2011 Dokument i saka: Nr T Dok.dato Avsendar/Mottakar Tittel 1 I 28.01.2011 Fylkesmannen i Telemark TILDELING AV KOMMUNALE ØKONOMISKE VIRKEMIDLAR I LANDBRUKET 2011 2 U 23.02.2011 Rep for landbruket i Hjartdal kommune TILDELING AV KOMMUNALE ØKONOMISKE VIRKEMIDLAR I LANDBRUKET 2011 4 I 16.03.2011 Harald Helliksen REFERAT FRÅ MØTE MED FAGLAGA I LANDBRUKET VEDK. TILSKOT TIL SPESIELLE MILJØTILTAK I LANDBRUKET OG NÆRINGS- OG MILJØTILTAK I SKOGBRUKET 5 I 16.03.2011 Skogbrukssjefen STRATEGI 2011 FOR BRUK AV MIDLAR TIL SMIL OG NMSK I HJARTDAL KOMMUNE Vedlagde dokument: Dokument nr. 1 og 5. Aktuelle lover, forskrifter, avtaler m.m.: FOR 2004-02-04 nr 447: Forskrift om tilskot til nærings- og miljøtiltak i skogbruket (NMSK). FOR 2004-02-04 nr 448: Forskrift om tilskot spesielle miljøtiltak i jordbruket (SMIL). Saksgang: Utval for næring og teknikk avgjer saka. Bakgrunn for saka: Hjartdal kommune disponerar i 2011 totalt kr 799.582,- til ovannemnte tilskotsordningar, fordelt med kr 483.033,- til SMIL og kr 316.549 til NMSK. Bruken av fagmidla blei diskutert i møte 16.03.11 med Hjartdal bondelag, Hjartdal bonde- og småbrukarlag og Hjartdal skogeigarlag. Det var gjennomgang av strategien for bruk av fagmidla i 2011. I forhold til pkt. 1.1.1 meinte faglaga at midlar til hydrotekniske anlegg og forureiningstiltak kunne sjåast under eitt og at

meir av tilskotsmidla burde settast av til dette formålet. Det blei og nemnt at tilskotsmidlar til ein del grøfting burde kunne tildelast under dette punktet. Kommunen viste til at %-fordelinga på dei ulike tiltaka er retningsgjevande og kan endrast i forhold til søknader som kjem inn. Bonde- og småbrukarlaget ville gjerne ha oversyn over kor mykje som blir tildelt på dei ulike tiltaka. Kommunen vil følgje opp dette. Laga meinte at kommunen generelt burde leggja til grunn ein romsleg haldning ved handsaming av søknader og prøve å strekke ordningane så langt som råd. Kommunen prøver å gjera dette, men pekte på at ein må halde seg innafor rammene som forskriftene set. I forhold til pkt. 1.1.3 meinte bonde- og småbrukarlaget at det ikkje var heimel for å avgrense tilskot til restaurering av verneverdige bygningar til berre å gjelde bygningar til bruk i næringssamanheng. Dette vil kommunen undersøkje nærmare. Alle laga ynskte at til bruk i næringssamanheng blei stryki. Skogeigarlaget understreka at det var viktig å halde ein relativt høg tilskotssats når det gjeld ungskogpleie. Ein ser ofte at skogeigarar har lite/ingenting på skogfondet på aktuelt tidspunkt for dette tiltaket. Vurdering: Framlegga frå faglaga til strategien for 2011 blei tekne til etterretting. Rådmannen foreslår at strategien blir endra i samsvar med ynska frå faglaga. RÅDMANNEN TILRÅR: Framlegg til tiltaksstrategi 2011 for bruk av midlar til spesielle miljøtiltak i jordbruket og til nærings- og miljøtiltak i skogbruket godkjennast.

Styre, råd, utval Møtedato Saknummer Sakshandsamar Utval for næring og teknikk 29.03.2011 012/11 HH Saksansvarleg: Harald Helliksen Arkiv: GBNR- 17/1 Arkivnr.: 10/541 OLAV LANGÅSDALEN - SØKNAD OM BYGGING AV BRU OVER LEKKJENUTBEKKEN I HJARTDAL Dokument i saka: Nr T Dok.dato Avsendar/Mottakar Tittel 1 I 28.05.2010 Olav Langåsdalen OLAV LANGÅSDALEN - SØKNAD OM BYGGING AV BRU OVER LEKKJENUTBEKKEN I HJARTDAL 2 I 28.05.2010 Olav Langåsdalen KOSTNADSOVERSLAG 3 I 28.05.2010 Olav Langåsdalen KART MED MARKERING AV NY BRU OVER BEKKEN 2 U 11.08.2010 Olav Langåsdalen VEDK. SØKNAD OM SMIL-MIDLAR - BRU OVER LEKKJENUTBEKKEN 6 I 18.08.2010 Olav Langåsdalen MEIR UTGREIING VEDR. SØKNAD OM BYGGING AV BRU OVER LEKKJENUTBEKKEN 4 U 30.08.2010 Fylkesmannen i Telemark 5 U 30.08.2010 Villreinnemnda for Brattefjell/Vindeggen 7 I 14.10.2010 Fylkesmannen i Telemark 8 I 27.02.2011 Villreinmenda for Brattefjell - Vindeggen BRATTEFJELL/VINDEGGEN - BER OM UTTALE TIL SØKNAD OM BYGGING AV BRU OVER LEKKJENUTBEKKEN PÅ GNR. 17 BNR. 1 I HJARTDAL - TILTAKSHAVAR: OLAV LANGÅSDALEN BRATTEFJELL/VINDEGGEN - BER OM UTTALE TIL SØKNAD OM BYGGING AV BRU OVER LEKKJENUTBEKKEN PÅ GNR. 17 BNR. 1 I HJARTDAL - TILTAKSHAVAR: OLAV LANGÅSDALEN UTTALE TIL SØKNAD OM BYGGING AV BRU OVER LEKKJENUTBEKKEN PÅ 17/1 I FLOTTIN FUGLEFREDNINGSOMRÅDE UTALELSE VEDRØRENDE SØKNAD OM BYGGING AV BRU OVER LEKKJENUTBEKKEN Vedlagde dokument: Dokument nr. 6.

Kart. Aktuelle lover, forskrifter, avtaler m.m.: FOR 1990-12-07 nr 1065: Forskrift om Flottin fuglefredingsområde, Hjartdal kommune, Telemark. Saksgang: Utval for næring og teknikk avgjer saka. Bakgrunn for saka: Olav og Margrete Langåsdalen søkjer ved brev av 18.08.2010 om løyve til å bygge bru over Lekkjenutbekken. Dei skriv at det oppigjennom åra har vore bruer over bekken, men at den siste brua blei øydelagd for to år sidan då kombinasjonen av løypemaskin og mykje snø braut brua ned. Dei ynskjer å bygge ny bru til bruk for husdyr, løypemaskin og skiløparar. Brua er tenkt bygd med stålprofilar og trykkimpregnerte materialar, og storleik på om lag 10 m2. Søknaden er sendt Fylkesmannen i Telemark og Villreinnemnda for uttale. Fylkesmannen skriv i brev av 14.10.2010 at forvaltningsstyresmakta etter 48 i naturmangfaldlova kan gjera unntak frå verneforskrifta dersom tiltaket ikkje kjem i strid med formålet med vernet og ikkje kan påverke verneverdiane nemneverdig. Sidan det sto ei bru her tidlegare, meiner Fylkesmannen at det vil vera greitt å bygge ho oppatt, so lengje det ikkje fører til vesentleg meir ferdsle enn tidlegare inn i område som er sårbare for forstyrring. Fylkesmannen meiner at tiltaket truleg kan ha ein positiv effekt gjennom kanalisering av ferdsle utanom dei mest sentrale områda for fuglane i verneområdet. Villreinnemnda viser i uttala si av 25.02.2011 til at det allereie er oppkjørt skiløype i området, og at tiltaket ikkje vil liggje innafor viktige vinterbeiteområde for villreinen. På bakgrunn av dette, har nemnda ikkje merknader til at søknaden blir godkjend. Vurdering: Administrasjonen viser til ovannemnte uttaler frå fylkesmannen og villreinnemnda og vil slutte seg til dei vurderingane som kjem fram her. Då det er snakk om bygging av ei ny bru til erstatning for tidlegare bru, vil me tru at tiltaket ikkje vil medføre vesentleg meir ferdsle i området. Me finn at det omsøkte tiltaket ikkje vil vera i strid med formålet med vernet, og at det heller ikkje vil påverke verneverdiane i nemneverdig grad. I følgje byggesaksavdelinga i kommunen treng søknaden ikkje godkjenning etter plan- og bygningslova. Tiltaket reknast som eit mindre frittliggjande byggverk knytt til drift av landbrukseigedom, jf. 20-3, punkt c) i plan- og bygningslova. RÅDMANNEN TILRÅR: 1. Hjartdal kommune godkjenner søknad frå Olav og Margrete Langåsdalen, datert 18.08.2010, om løyve til å bygge bru over Lekkjenutbekken. 2. Brua skal byggjast slik det går fram av vedlegg til søknad av 28.05.2010 om tilskot til spesielle miljøtiltak i jordbruket. Rett utskrift Dato: Kopi til:

Fylkesmannen i Postboks 2603 3702 SKIEN Telemark Olav Langåsdalen 3690 HJARTDAL Villreinnemnda for Brattefjell - Vindeggen Sentrum 20 3630 RØDBERG

Styre, råd, utval Møtedato Saknummer Sakshandsamar Utval for næring og teknikk 29.03.2011 013/11 HH Saksansvarleg: Harald Helliksen Arkiv: GBNR- 80/10 Arkivnr.: 11/268 TOR-EINAR ANDREASSEN - SØKNAD OM KONSESJON PÅ EIGEDOMEN STEINGILDRA SØNDRE GNR. 80/10 Dokument i saka: Nr T Dok.dato Avsendar/Mottakar Tittel 1 I 17.03.2011 Tor-Einar Andreassen KOPI AV KJØPEKONTRAKT 2 I 17.03.2011 Tor Einar Andreassen KOPI AV JORDLEIGEAVTALE 3 I 17.03.2011 Tor-Einar Andreassen GARDSKART OG VERDITAKST 4 I 20.03.2011 Tor Einar Andreassen SØKNAD OM KONSESJON PÅ EIGEDOMEN STEINGILDRA SØNDRE GNR. 80/10 Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eigedom (konsesjonslova) mv. Saksgang: Utval for næring og teknikk avgjer saka. Bakgrunn for saka: Tor-Einar Andreassen søkjer om konsesjon for overtaking av eigedomen Steingildra, gnr. 80 bnr. 10. Eigedomen ligg i Fosse-grenda i Sauland. Seljar er Anna Lia. Kjøpesummen er kr. 800.000. I følgje Gardskart frå Skog og landskap har eigedomen eit totalareal på 1.467 dekar. Av dette er ca. 19 dekar dyrka jord, 5,5 dekar beite, 617 dekar produktiv skog og 823 dekar anna areal. Bygningar på eigedomen er bustadhus, eldhus, stabbur, skjol, ei enkel hytte og seterbu/stall. I følgje søknaden har bustadhuset på garden ein middels teknisk tilstand. Når det gjeld søkjaren sin planar for bruk av eigedomen, blir det opplyst at jorda skal leigast ut til søkjaren sine foreldre. Dei driv med mjølkeproduksjon på ein naboeigedom. Søkjaren arbeider no i anleggsbransjen. Han er oppvakst på gard med aktiv mjølkeproduksjon og har vore avløsar. Søkjaren vil forplikte seg til å busetje seg på eigedomen innan eitt år og deretter bu der i minst fem år i samanheng.

Vurdering: Konsesjonslova har til føremål å regulere og kontrollere omsetninga av fast eigedom for å oppnå eit effektivt vern om produksjonsareala i landbruket og slike eigar- og bruksforhold som er mest gagnlege for samfunnet, m.a. for å tilgodesjå: 1. behova til framtidige generasjonar. 2. landbruksnæringa. 3. behovet for utbyggingsgrunn. 4. omsynet til miljø, allmenne naturverninteresser og friluftsinteresser. 5. omsynet til busetjinga. Når det gjeld landbrukseigedomar, skal det leggjast serleg vekt på: 1. om den avtala prisen tilgodeser ei samfunnsmessig forsvarleg prisutvikling. 2. om føremålet til ervervar vil ivaretaka omsynet til busetjinga i området. 3. om ervervet inneber ei driftsmessig god løysing. 4. om ervervar er skikka til å drive eigedomen. 5. om ervervet tek vare på omsynet til heilskapleg ressursforvalting og kulturlandskapet. Det kan setjast slike vilkår for konsesjon som ein i kvart enkelt tilfelle finn påkravd av omsyn til dei formåla lova skal fremje. Rådmannen finn at alle dei ovannemnte kriteria det skal leggjast vekt på, vil bli tekne vare på i denne saka. Prisen skal ikkje vurderast då kjøpesummen er under kr. 1.5 millionar, og bustadhuset har ein slik standard at kjøparen kan flytte til eigedomen. Ein vil tilrå at det blir sett vilkår for busetjing i samsvar med det som søkjaren sjølv vil forplikte seg til. RÅDMANNEN TILRÅR: 1. Hjartdal kommune gjev med heimel i konsesjonslova Tor-Einar Andreassen konsesjon for overtaking av eigedomen Steingildra, gnr. 80, bnr. 10, i Hjartdal kommune. 2. Konsesjon blir gjeve på vilkår av at Tor-Einar Andreassen buset seg på eigedomen innan eitt år og deretter sjølv bur på eigedomen i minst fem år i samanheng.