Marine Harvest Norway AS Sandviksbodene 77AB 5035 BERGEN Dykkar ref: Dykkar dato: Vår ref: Vår saksbehandlar: Vår dato: Knut Staven 16.11.2015 116382/2016/U43 2015/12786 Arve Ingolf Slettvåg, 71 25 80 55 15.11.2016 - Marine Harvest Norway AS, org.nr. 959352887 - Mellombels løyve til å utvide anlegg for oppdrett av matfisk av laks, aure og regnbogeaure på lokalitet 33937 Nørholmen i Smøla kommune Møre og Romsdal fylkeskommune viser til søknad frå Marine Harvest Norway AS av 30.11.2015 om løyve til å utvide MTB frå 3120 tonn til 6240 tonn på lokalitet 33937 Nørholmen i Smøla kommune. Det er ikkje søkt om andre endringar på lokaliteten. Vedtak Møre og Romsdal fylkeskommune gir med dette Marine Harvest Norway AS løyve til å etablere akvakulturanlegg for matfisk av laks, aure og regnbogeaure på følgande lokalitet i Smøla kommune: Lokalitetsnummer Lokalitetsnavn Midtpunkt Lokalitetsbiomasse 33937 Nørholmen 63 o 20.335 N 8 o 16.308 Ø 6240 tonn (mellombels til 14.02.2018. Etter den dato er godkjent MTB 3120 tonn) Løyvet gjeld for ei anleggsplassering som vist i vedlagt kart og som har følgjande koordinatfesta posisjonar i grader og desimalminutter (Kartdatum Euref89/WGS84) 1. 63 o 20.405 N 8 o 16.008 Ø 2. 63 o 20.331 N 8 o 16.210 Ø 3. 63 o 20.519 N 8 o 16.550 Ø 4. 63 o 20.405 N 8 o 16.856 Ø 5. 63 o 20.083 N 8 o 16.273 Ø 6. 63 o 20.269 N 8 o 15.751 Ø Fôrflåten sine hjørnepunkt har følgjande koordinatfesta posisjonar i grader og desimalminutt (Kartdatum Euref89/WGS84) 1. 63 o 20.445 N 8 o 15.995 Ø 2. 63 o 20.456 N 8 o 15.966 Ø 3. 63 o 20.460 N 8 o 15.977 Ø 4. 63 o 20.450 N 8 o 16.005 Ø I akvakulturregisteret er hjørnepunkta for fôrflåten innlagt i rad 8-12. Lokaliteten er klarert for følgjande løyve: Marine Harvest Norway AS, M-SM-9, M-SM-10, M-SM-13, M-SM-17, M-AV-4, M-AV-6, M-AV-7 og M-AV-18 Postadresse: Postboks 2500, 6404 Molde Besøksadresse: Julsundveien 9 Telefon: 71 25 81 80 Telefaks: 71 24 50 01 e-post: post@mrfylke.no www.mrfylke.no
Side 2 Mattilsynet region Midt stiller som vilkår for å gi løyve til mellombels utviding av MTB på lokaliteten Nørholmen at tilsvarande MTB i same periode blir trekt tilbake på ein annan lokalitet. Marin Harvest Norway bekreftar i e-post av 20.10.2016 at etter ønske frå dei skal dette i perioden fram til 14.02.2018 skje frå lokalitet 12867 Rokset i Averøy kommune. Etter oppmoding frå Marine Harvest Norway AS så skal ikkje lokaliteten 12867 Rokset i perioden fram til 14.02.2018 takast i bruk for selskapets konsesjonar. Lovheimel Vedtaket er fatta av Møre og Romsdal fylkeskommune med heimel i lov av 17.6.2005 nr. 79 om akvakultur og forskrift av 22.12.2004 nr. 1798 om tillatelse til akvakultur for laks, ørret og regnbueørret. Løyve etter akvakulturloven omfattar løyve etter forureiningslova, matlova, dyrevelferdslova og hamne- og farvasslova. Det er ei føresetnad at fastsette vilkår i løyva blir fulgt. Løyvet erstattar vedtak om lokalitetsklarering for 33937 Nørholmen av 19.05.2016. Etter 14.02.2018 er godkjent MTB på lokaliteten Nørholmen 3120 tonn. For nærare oversikt over kva andre lokalitetar som er godkjent for dei enkelte konsesjonane, viser vi til akvakulturregisteret på Fiskeridirektoratet si heimeside www.fiskeridir.no. Handsaming Om søknaden Marine Harvest Norway AS søkte 30.11.2015 Møre og Romsdal fylkeskommune om løyve til å utvide lokalitetsbiomassen på lokaliteten 33937 Nørholmen i Smøla kommune frå 3120 tonn til 6240 tonn. Marine Harvest Norway AS ønskjer å førebu seg på ein sonestruktur der det vil bli 4 eller 5 soner i heile Midt-Norge. Viss det blir realiteten, vil dei trenge større kapasitet i kvar enkelt sone for at andre sonar kan bli brakklagt. Marine Harvest Norway meiner at lokaliteten Nørholmen har stor produksjonskapasitet utan for store miljømessige konsekvensar. Ei oppfatning som er styrka etter eit år med kontinuerlige straum- og bølgjemålingar på lokaliteten. Interregionalt biomassetak Marine Harvest Norway AS fekk i vedtak av 15.11.2011 løyvd interregionalt biomassetak mellom Møre og Romsdal og Sør-Trøndelag av Fiskeridirektoratets region Møre og Romsdal (no region Midt). Høyring etter forskrift om konsekvensutgreiing etter sektorlover Søknaden om utviding av lokaliteten Nørholmen er vurdert etter forskrift om behov for konsekvensutgreiing. Det er ikkje krevd supplerande utgreiingar frå noko sektormyndigheit og Møre og Romsdal fylkeskommune har ikkje kravd supplerande utgreiing av søkjar. Forholdet til kommunen si arealplan Smøla kommune har ikkje vedteke plan for kommunens sjøområde. Offentleg ettersyn og kommunal behandling Søknaden var utlagt til offentleg ettersyn i fire veker og det kom inn til saman tre merknader. Smøla kommune ga uttale i brev av 09.05.2016. Smøla kommune ved rådmannen har ikkje merknader til søknaden, såframt anleggsutforminga blir utført på ein hensiktsmessig måte og ikkje beslaglegg unødig store areal. Mattilsynet region Midt Mattilsynet region Midt ga i brev av 06.06.2016 mellombels løyve til utviding av lokaliteten Nørholmen frå 3.120 tonn til 6.240 tonn MTB. Den mellombelse utvidinga av MTB gjeld fram til og med 14.02.2018. Mellombels løyve er gitt under følgjande vilkår: For å gi godkjenning til mellombels utviding skal samtidig produksjonskapasitet på tilsvarande MTB som utvidinga, dvs. 3120 tonn, trekkjast inn for bruk på lokalitet 12867 Rokset. Lokalitet Rokset skal derfor ikkje takast i bruk i inneverande periode.
Side 3 Tiltak mot lakselus skal så langt som muleg baserast på ikkje resistensdrivande metodar og metodar som hindrar utslepp av lus i miljøet. Det skal vere kontinuerlig oksygenmåling på lokaliteten der forholda er dårligast. Løyve skrivet frå Mattilsynet datert 06.06.2016 er vedlagt. Det er en føresetnad at dei fastsette vilkåra blir fulgt. Kystverket Midt-Norge Kystverket Midt-Norge skriv i brev av 02.02.2016 at dei ikkje finn det naudsynt å handsame søknaden etter hamne- og farvasslova sidan det ikkje er søkt om nokon endring på lokaliteten. Kystverket sitt løyve frå 02.01.2014 vert å sjå på som gjeldande. I løyveskrivet av 02.01.2014 skriv Kystverket at etter deira si meining så vil ikkje omsøkte anlegg få vesentlege verknader for ferdsla. Kystverket fatta i samme brev følgjande vedtak: Med hjemmel i havne- og farvannslovens 27 første ledd, jf. Forskrift 3. desember 2009 nr. 1449 om tiltak som krever tillatelse av Kystverket 1 gis Marine Harvest Norway AS tillatelse til ny oppdrettslokalitet, Nørholmen i Smøla kommune, Møre og Romsdal fylke som omsøkt og i samsvar med vedlagte stemplede kart. Løyve frå Kystverket Midt-Norge datert 02.01.2014 er vedlagt. Det er ein føresetnad at dei fastsette vilkåra blir fulgt. Fylkesmannen i Møre og Romsdal Fylkesmannen i Møre og Romsdal ga i brev av 28.06.2016 eit mellombels utsleppsløyve på inntil 6240 tonn MTB på lokaliteten Nørholmen i Smøla kommune. Løyvet på 6240 tonn MTB er tidsavgrensa fram til 14.02.2016 og er gitt med visse vilkår. Løyvet er gitt med heimel i 11 og 16 i lov av 13. mars 1981 nr. 6 om vern mot forurensninger og om avfall (forureiningslova). Utsleppsløyvet erstattar utsleppsløyve av 28.05.2010, endra 20.01.2011. Når det gjeld vilkår så gjer vi spesielt merksam på dei krav som er sett til resipientundersøkingar, jf. vilkår 8.1 i utsleppsløyvet. Etter forureiningslova 16 set Fylkesmannen som vilkår for løyvet at det blir utført B og C granskingar etter NS9415. Verksemda skal vidare dokumentere miljøtilstanden i litoral- og sublitoralsona i området som mest sannsynleg blir påverka av anlegget. Granskingar av litoral- og sublitoralsona skal utførast i samsvar med NS-EN ISO 19493;2007. Alle granskingar skal utførast av eit kompetent organ som skal dokumentere relevant fagleg kompetanse og vere uavhengig av oppdragsgivar. For personell som skal utføre MOM-C granskingar blir det i tillegg stilt krav om akkreditering for dei aktuelle metodane. Fylkesmannen sett følgjande krav til miljøgranskingane: B-gransking skal gjennomførast ved første maksimale belastning på lokaliteten og vidare i samsvar med NS9410. C gransking skal utførast når belastninga på resipienten er høgast, og vidare slik som ein uavhengig fagleg instans vurderer som tilfredstillande, men minst ein gong kvart sjette år. Gransking av litoral- og sublitoralsone skal utførast når belastninga er høgast, og vidare i ein frekvens som ein uavhengig fagleg instans vurderer som tilfredstillande, men minst ein gong kvart sjette år. Verksemda skal gjennom internkontroll sikre at det ikkje førekjem synleg avfall eller synlege partiklar som stammar frå verksemda langs strandlina. Dette er spesifisert i vilkår 8.1. C- undersøkinga kan utførast i samarbeid med andre lokalitetar som ligg i nærleiken. Verksemda må rekne med å delta og delfinansiere overvaking som blir sett i gang i området som ein del av aktiviteten med gjennomføring av vassdirektivet. Rapporten skal innehalde ei fagleg vurdering av miljøpåverknad. Granskingar skal sendast til myndigheitene via AltInn. Kopi av alle miljøgranskingar som ikkje blir sendt inn via AltInn skal sendast til Fylkesmannen i Møre og Romsdal. Alle resultat skal registrerast i http://vannmiljo.miljodirektoratet.no. Nærare informasjon om dette får du ved å kontakte Fylkesmannen i Møre og Romsdal. Fylkesmannen i Møre og Romsdal har i brev av 27.06.2016 gjeve ei vurdering av søknaden opp mot natur- og miljøinteresser. Fylkesmannen skriv i sin konklusjon at dei generelt er uroa for utviklinga av
Side 4 sjøaurebestandane i dei minste vassdraga på Smøla, men meiner at bestandane i dei tre store vassdraga ikkje er truga. Med bakgrunn i samla belastning og ein reell reduksjon av biomasse som omsøkt finn fylkesmannen å tilrå ei tidsavgrensa auke i produksjonen på lokaliteten Nørholmen. Innehavar si evne til å halde eit lågt nivå av lakselus og unngå påverknad i form av rømming vil vere viktig for å unngå skadar på sjøaurebestandane på Smøla. Uttalen ligg vedlagt. Fiskeridirektoratet region midt Fiskeridirektoratet region midt har vurdert søknaden i forhold til fiskeriinteressene i brev av 19.02.2016. Fiskeridirektoratet opplyser at det er registrert fleire aktive- og passive fiskefelt og plassar for låssetting av fisk i området. Det ikkje søkt om noko endring i anleggsutforming eller plassering, og derfor vil det ikkje bli endring i arealbeslag på lokaliteten. Fiskeridirektoratet region Midt konkluderer med at dei ikkje har innvendingar til at det blir gitt løyve som omsøkt. Møre og Romsdal fylkeskommune si vurdering Møre og Romsdal fylkeskommune har vurdert søknaden etter lov av 17. juni 2005 nr. 79 om akvakultur, og i forhold til generelle vilkår for klarering av akvakulturlokalitet som er beskrive i 30 i laksetildelingsforskrifta som seier at lokalitet for akvakultur kan klarerast dersom: a) det er miljømessig forsvarleg; b) det er utført ei avveging av arealinteressene, med særlig vekt på 1. søkars behov for areal til planlagt akvakultur, 2. alternativ bruk av området til annan akvakultur, 3. annan bruk av området, og 4. verneinteresser som ikkje er omfatta av bokstav d. c) det er gjeve tillatelser som er kravd etter 1. lov 19. desember 2003 nr. 124 om matproduksjon og mattrygghet mv., 2. lov 13. mars 1981 nr. 6 om vern mot forurensninger og om avfall, 3. lov 17. april 2009 nr.19 om havner og farvann. d) det ikkje er i strid med 1. vedtekne arealplaner etter plan- og bygningslova 27. juni 2008 nr. 71, 2. vedtekne vernetiltak etter kapittel V i lov 19. juni 2009 nr. 100 om forvaltning av naturens mangfold, 3. vedtekne vernetiltak etter lov 9. juni 1978 nr. 50 om kulturminner. Vurdering etter bokstav a)miljømessig forsvarleg Søknaden er vurdert med omsyn til biologisk mangfald, forureining av ytre miljø og økologiske effektar. Naturmangfaldlova Forvaltningsmyndigheitene har eit sjølvstendig ansvar for å legge prinsippa i 8-12 i lov av 19.6.2009 nr. 100 om forvaltning av naturens mangfald til grunn som retningsline ved utøving av offentlig myndigheit. Det føreligg MOM B og MOM C granskingar og straummålingar for lokaliteten. Det føreligg også ei gransking utført av Havforskingsinstituttet i området rundt for å kartlegge gytefelt, og kva slags verknader etablering av oppdrettsanlegg kan få for slike gytefelt. Kravet til kunnskapsgrunnlag skal stå i et rimelig forhold til sakas karakter og risiko for skade på naturmangfaldet. Vurderingane i samband med søknaden er gjort ut frå tilgjengelig kunnskap, innsendte lokalitetsgranskingar og registreringar i området. Vi finn at saka er tilstrekkelig opplyst, jf. 8 Kunnskapsgrunnlaget. Føre-varprinsippet kjem ikkje til anvending, jf. 9 Føre-var-prinsippet. Opplysningar frå artsdatabanken og Fiskeridirektoratets kartteneste er nytta for skaffe opplysningar om området. Strømmålingane som er utført på lokaliteten er gode i heile vassøyla der hovudstraumen varierer med djupna. Botnstraumen på lokaliteten er sterk og lokaliteten bør vise stor evne til å bryte ned organisk materiale. Fiskeridirektoratet region Møre og Romsdal opplyser at anlegget blir liggjande like ved og sannsynlegvis i innsigsruta til eit gytefelt for kysttorsk, Lauvøysvaet. Det er i følgje Fiskeridirektoratet ikkje eksakt kjent kor viktig gytefeltet er. Lauvøysvaet ligg om lag 2 km frå omsøkte lokalitet. Glasøysvaet ligg meir mot vest, og om lag 2,5 km frå lokaliteten Brettingen. I samband med søknad om etablering av lokaliteten Nørholmen blei det inngått ein avtale mellom Smøla Fiskarlag og Marine Harvest Norway AS om å utføre granskingar som vil gi kunnskap med tanke på påverknad av oppdrettsverksemd på miljø og habitat i sjøen, og eventuelt på lokale
Side 5 bestandar og miljøet. På bakgrunn i avtalen mellom Marine Harvest Norway og Smøla Fiskarlag blei det inngått avtale mellom Marine Harvest Norway AS og Havforskingsinstituttet om å utføre granskinger for å kartlegge mulige gytefelt, og kva slags verknader etablering av oppdrettsanlegg vil få for slike gytefelt. Resultata av granskingar utført av Havforskningsinstituttet på oppdrag frå Marine Harvest Norway AS på Glasøysvaet og Lauvøysvaet på Smøla på seinvinteren 2016 tyder på at dei samsvarer godt med Fiskeridirektoratet si kartlegging av gytefelt. Resultata frå hovtrekk etter torskeegg inst på Glasøysvaet viste det høgaste eggtalet og ein høg del egg av tidlige trinn. Dette indikerer ifølgje HI nærleik til gyteplassen og at gyting har skjedd. Nordaust for Glasøysvaet ligg eit stort oppdrettsanlegg for laks (lokalitet Brettingen). Den var i full produksjon då granskingane blei utført. Resultata indikerer at gytefisk har passert oppdrettsanlegget og var i stand til å gyte trass nærleiken til og lokaliseringa til eit oppdrettsanlegg midt i vandringsruta. Prinsippet om økosystemtilnærming og samla belastning er vurdert. Den perioden der lokaliteten er godkjent for ein MTB på 6240 tonn MTB, er tilsvarande MTB som utvidinga (3120 tonn) trekt tilbake frå lokaliteten Rokset i Averøy kommune. For lusesituasjonen på Nordmøre representerer utvidinga på Nørholmen ikkje noko auke i produksjonen samla sett. Området der anlegget er plassert er vurdert til å kunne omsette det organiske materialet. Drifta i området er sonedrift i samsvar med avtalen som vil medføre at heile området blir brakklagt i minimum ein månad mellom kvart utsett. Vi kan ikkje sjå at det er grunnlag for å avslå søknaden ut fra omsynet til biologisk mangfald, økologiske effektar eller naturmiljøet elles, jf. 10 Økosystemtilnærming og samla belastning. Tiltakshavar skal dekkje kostnadene ved å hindre eller avgrense skade på naturmangfaldet som tiltaket volder, dersom dette ikkje er urimelig ut fra tiltakets og skadens karakter, jf. 11 Kostnadene ved miljødelegging skal bærast av tiltakshavar. Det er eigne forskrifter som angir krav til teknisk standard og regulerer drift av akvakulturanlegg. Det er eit ufråvikeleg krav at drifta skal være teknisk, biologisk og miljømessig forsvarleg, jf. 12 Miljøforsvarlige teknikkar og driftsmetodar. Oppdrett av laks kan ha betydelege effektar på vill laksefisk gjennom rømming, spreiing av lakselus etc. Det er av stor betyding at drifta av anlegget er slik at ein unngår vesentleg påverknad på de ville bestandane av laksefisk. Vassforskrifta Vassforskrifta gir rammer for vassforvaltninga. I følgje vassforskrifta skal tilstanden i alle vassførekomstar beskyttast mot forverring, forbetrast og gjenopprettast med sikte på at vassførekomstane skal ha minst god økologisk og god kjemisk tilstand. Vassforskrifta 12 omhandlar ny aktivitet eller nye inngrep. Lokaliteten 33937 Nørholmen ligg i vassførekomsten Trondheimsleia Skardsøya-Sør, som i følgje vann-nett har god økologisk tilstand. Det er ikkje forventa at utvidinga av MTB på Nørholmen fører til at miljøtilstanden i vassførekomsten blir dårlegare enn god. Vurderingar etter b) avveging av arealinteresser Møre og Romsdal fylkeskommune har gjort ei avveging /vurdering av arealinteressene i området jf. forskrift av 22. desember 2004 nr.1798 om tillatelse til akvakultur for laks, ørret og regnbueørret 30 pkt.b). Smøla kommune har ikkje arealplan i sjø. Det er ikkje søkt om endring i verken anleggsplassering eller utforming. Det er med andre ord ikkje snakk om noko endring i arealbeslaget. Smøla fiskarlaget tilrår at løyve blir gjeve som omsøkt. Ut frå dei nye momenta som er kome inn i saka så meiner Møre og Romsdal fylkeskommune at omsøkte tiltak ikkje kjem i konflikt med vedtektene i forskrifta. Verneinteresser som ikkje blir omfatta av bokstav d: Vi er ikkje kjent med at lokaliseringa kjem i konflikt med forslag til vernetiltak eller verneinteresser som ikke omfattast av bokstav d. Vurdering etter bokstav c) løyve etter anna lovverk: Alle naudsynte løyve i medhald til forskriftas punkt c føreligg.
Side 6 Vurderingar etter bokstav d) tiltaket skal ikkje vere i strid med: 1. vedtekne arealplaner etter plan- og bygningslova Smøla kommune har ikkje nokon arealplan for sine sjøområde. 2. vedtekne vernetiltak etter naturmangfaldloven Tiltaket er ikkje i strid med vedtekne vernetiltak etter naturmangfaldlova. 3. vedtekne vernetiltak etter kulturminnelova Det føreligg ikkje informasjon om at tiltaket vil vere i strid med vedtekne vernetiltak etter kulturminnelova. Ein kan derimot ikkje sjå bort i frå at det kan finnast kulturminne i området. Vi viser derfor til kulturminnelovas meldeplikt. Etter ei samla vurdering av selskapets behov for lokaliteten og annen bruk av området, finn Møre og Romsdal fylkeskommunen at det skal løyvast ein utviding av MTB på lokaliteten 33937 Nørholmen frå 3120 tonn til 6240 tonn. Utvidinga er mellombels og gjeld fram til 14.02.2016. Generelle vilkår til drift av anlegget Løyve vert gitt utan ansvar til nabo-, eigedom-eller andre privatrettslege forhold. Løyve skal drivast som sjølvstendig, dette er ikkje til hinder for at anlegget kan samarbeide med andre om felles innkjøp, sal m.m. Utleige av akvakulturløyve er ikkje tillate. Anlegg skal etablerast og drivast på ein miljømessig forsvarleg måte. Anna Møre og Romsdal fylkeskommune viser til kravet i 35 i forskrift av 17.06.2008 nr. 822 om drift av akvakulturanlegg når det gjeld miljøovervaking og rapportering av miljøundersøkingar til fiskerimyndigheiter. Vi ber og om at ein kopi av andre miljøundersøkingar blir sendt til fiskerimyndigheitene via Altinn. Når det gjeld drift av løyve, viser vi til forskrift 17.06.2008 nr. 288 om drift av akvakulturanlegg (akvakulturdriftsforskrifta) og forskrift av 19.3.2004 nr. 537 om internkontroll for å oppfylle akvakulturlovgivinga. Løyve vert gitt med føresetnad av at etablering, drift og avvikling vert gjennomført i samsvar med andre gjeldande forskrifter og vilkår. Løyve kan trekkast attende om føresetnadane for løyve vert vesentleg endra. Kopi av dette løyve med vedlegg skal oppbevarast tilgjengelig for alle medarbeidarar på anlegget og for alle som har kontrollrett. Klagerett Vedtaket kan klagast på. I medhald av forvaltningsloven 27b er det satt som vilkår for å gå til søksmål at ein har nytta retten til å klage fullt ut. Merk at ein klage ikkje fører til at ei iverksetting av vedtaket vert utsett. Det er likevel mogleg å søke om at ei iverksetting vert utsatt til klagesaka er avgjort. Med helsing Birgit Aarønæs kst. seksjonsleiar Arve Ingolf Slettvåg rådgivar Dokumentet er elektronisk godkjent og krev derfor ikkje signatur
Side 7 Vedlegg: Kart Klageskjema Løyve frå Kystverket Midt-Norge Løyve frå Mattilsynet Region Midt Løyve frå Fylkesmannen i Møre og Romsdal Kopi: Mattilsynet region Midt Postboks 383 2381 BRUMUNDDAL Nils Konrad Rognskog Nelvik 6570 SMØLA Smøla kommune Postboks 34 6571 SMØLA Smøla Fiskarlag Hellesfjord 6570 SMØLA Fiskeridirektoratet region Midt Postboks 185 Sentrum 5804 BERGEN Fylkesmannen i Møre og Romsdal Fylkeshuset 6404 Molde Kystverket Midt-Norge Postboks 1502 6025 Ålesund Monika Berget 6013 ÅLESUND